ဒီကနေ့ မြဝတီမြို့မှာ အရှေ့တောင်တိုင်း တိုင်းမှူးဦးဆောင်ကာ နအဖ စစ်ဘက်ဆိုင်ရာများ နယ်ခြားစောင့် အကြီးအကဲများနဲ့ အစည်းအဝေးတခု ကျင်းပခဲ့တယ်လို့ ကြားသိရပါတယ်။
အစည်းအဝေးရဲ့အဓိကရည်ရွယ်ချက်ကတော့ ပြီးခဲ့တဲ့ ဗမာပြည်ရွေးကောက်ပွဲလုပ်တဲ့နေ့ နိုဝင်ဘာ ၇ ရက်နေ့က စတင်ပြီ နအဖ ကို ပြန်လည်တိုက်ပွဲဝင်ခဲ့တဲ့ ဒီကေဘီအေ ဗိုလ်နှုတ်ခမ်းမွှေးအဖွဲ့ကို ခြိမ်းခြောက်လိုတဲ့ အချက်တွေ ပါဝင်နေတာ တွေ့ရပါတယ်။
နအဖကို ပြန်လည်တိုက်ပွဲဝင်ခဲ့တဲ့ ဒီကေဘီအေအဖွဲ့ကို ၃၈ ရက် အချိန်ပေးမယ် ပြန်လာလက်နက်ချရင်ချ မချရင် ဝေါ်လေဒေသကို ချေမှုန်းပစ်မယ်ဆိုတဲ့ ခြိမ်းခြောက်တဲ့ အချက်တွေ ပါဝင်နေပါတယ်။
အခုလို နအဖ စစ်အုပ်စုရဲ့ ပြောဆိုချက်နဲ့ ပတ်သက်ပြီး ဗိုလ်နှုတ်ခမ်းမွှေးမှ ခုလိုတုန့်ပြန်ပြောဆိုသွားတာက..
“နအဖ စစ်အုပ်စု ကို တုန့်ပြန်တိုက်ခိုက်ဖို့ဆိုတာ အချိန်မရွေးဘူး၊ ဝန်မလေးဘူး။ ဒါပေမယ့် နအဖ စစ်အုပ်စုရဲ့ အောက်ခြေတပ်မှူးတပ်သားလေးတွေကို သနားတယ်။ ဖြစ်နိုင်ရင် ပြည်တွင်းစစ်မီးကို တောက်လောင်အောင် ဖန်တီးနေတဲ့ စစ်ခေါင်းဆောင်ကြီးတွေနဲ့ပဲ ထိပ်တိုက်တွေ့ချင်တယ်။ အခု ကျနော်တို့ တိုက်ပွဲဝင်နေတဲ့အတွက် နယ်စပ်ဒေတွေ မငြိမ်မသက်ဖြစ်တာကို ဒေါ်အောင်ဆန်းစုကြည်တို့ အနေနဲ့ စိတ်မချမ်းမသာဖြစ်ရတာ နားလည်ပါတယ်။ ကျနော်တို့တွေလည်း စစ်ကိုမတိုက်ချင်ပါဘူး နိုင်ငံရေးအရအဖြေတခု ထွက်ပေါ်လာအောင် စစ်တိုက်နေရတာဖြစ်ပါတယ်။ ကျနော်တို့အနေနဲ့လည်း ဒီစစ်ပွဲကို စစ်သွေးကြွပြီး တိုက်ပွဲဝင်နေတာမဟုတ်ပါဘူး” လို့ ပြောဆိုသွားပါတယ်။
ဗိုလ်နှုတ်ခမ်းမွှေးဦးဆောင်တဲ့ ဒီကေဘီအေ တပ်ဖွဲ့ဝင်များဟာ နယ်ခြားစောင့်တပ် လုပ်ခိုင်းတာ လက်မခံဘူး။ ၂၀၁၀ ရွေးကောက်ပွဲကို လက်မခံဘူး ဆိုတဲ့ အချက်တွေနဲ့ နိုဝင်ဘာ ၇ ရက် ရွေးကောက်ပွဲနေ့မှာ နအဖ စစ်အုပ်စုကို စတင်တိုက်ပွဲဝင်ခဲ့တာ ဖြစ်ပါတယ်။
0 comments:
Post a Comment