ဦးသိန်းစိန် အစိုးရနှင့် အပစ်အခတ် ရပ်စဲရေး လုပ်သင့်မသင့် ကရင်လူထု ဆန္ဒကို ရယူရန် ကေအန်ယူသည်၊ ဖေဖေါ်ဝါရီလ (၈၊၉၊၁၀) ရက်နေ့ (၃) ရက်တိုင် ဆွေးနွေးပွဲ (Workshop) တရပ်ကို ကရင်ပြည်နယ် ဖါပွန်မြို့နယ် တနေရာတွင် ကျင်းပ ခဲ့ပါသည်။ ယင်းဆွေးနွေးပွဲသို့ ပြည်တွင်းပြည်ပ ကရင် ပညာရှင် များနှင့် လူထုလူတန်းစား အဖွဲ့အစည်းများက တက်ရောက်ကြပါသည်။
သတင်းပေါက်ကြားမှုကို စိုးရိမ်သည့်အတွက် လမ်းပမ်းဆက်သွယ်ရေး ခက်ခဲပြီး တယ်လီဖုန်း အဆက်အသွယ် မရှိသည့် နေရာ၌ ကျင်းပခဲ့ခြင်းဖြစ်သည်ဟု ဖိတ်ကြားခံရပြီး ကျန်းမာရေးအရ မသွားရောက်နိုင်သူ ကရင်နိုင်ငံရေး သမားတဦးက ပြောပါ သည်။
“ ကျနော်က ဆွေးနွေးချင်တယ်၊ ခရီးဝေးတော့ မသွားနိုင်ဘူးလေ၊ အပစ်အခတ်ရပ်စဲရေးကို ကျနော်အနေနဲ့ လက် ခံတယ် ။ ဒါပေမဲ့ အပစ်ရပ်ပြီးရင် ကျနော်တို့ ဘာလုပ်ကြမှာလဲ မေးစရာပါ။ ကရင်အဖွဲ့အစည်းတွေအချင်း ဘယ်လိုညီ ညွတ် မှုတွေတည် ဆောက်ကြမလဲ၊ ပြီးတော့ပြန်ကြဲနေတဲ့ ကရင်လက်နက်ကိုင်အဖွဲ့အစည်းတွေ၊ လူထုအနေအထား၊ အစိုးရနဲ့ ဘာကိုဆွေးနွေးကြမလဲ၊ နောက်စီးပွားရေး၊ ပြည်နယ်လူ့အခွင့်အရေးနဲ့ ဒုက္ခသည်ပြသနာ တွေကို ဒီလိုပွဲမျိုးမှာ အကြံပေး ချင်ပါတယ်။ ဒါပေမဲ့ မသွားနိုင်တော့ဘူးလေ။ ဖြစ်သင့်တာက အဆင်ပြေတဲ့နေရာမှာဘဲ ကျင်းပသင့်ပါတယ်” ဟု ကျင်းပသို့ မတက်ရောက်နိုင်သည့် ဖိတ်ကြားခံရသည့် ကရင်နိုင်ငံရေးသမားတဦးက ဆိုပါသည်။
KNU သည် ပြီးခဲ့သည့် ဇန္နာဝါရီလ (၁၂) ရက်နေ့တွင် အစိုးရနှင့် အပစ်အခတ် ရပ်စဲရေးအတွက် ပဏာမ သဘောတူလက် မှတ်ရေးထိုးခဲ့ပါသည်။ (၁) အပစ်အခတ် ရပ်စဲရေး၊ (၂)မြို့ပေါ် ဆက်ဆံရေးရုံး၊ ထားရှိရေးနှင့် (၃) တပ်ဖွဲ့များ အပြန်အလှန် အသိပေးပြီး သွားလာရေး၊ တို့ကို မူအရ သဘောတူထားခဲ့ပြီး ဆက်လက်ဆွေးနွေးရန်၊ လက်မှတ်ရေးထိုးခဲ့ပါသည်။ ပြည်နယ်အ ဆင့်အစိုးရနှင့် အပစ်အခတ် ရပ်စဲပြီးနောက် နိုင်ငံရေး အရ နောက်တဆင့်ဆွေးနွေးရန် ဖြစ်ပါသည်။
ယခုကျင်းပသော (KNU Workshop) သည်၊ အပစ်အခတ် ရပ်စဲရေး လုပ်သင့်မလုပ်သင့် ဆွေးနွေးရန်နှင့် ကေအန်ယူ၏ အနာဂတ် နိုင်ငံရေး လုပ်ငန်းလမ်းစဉ်များကို ကရင်ပြည်သူထံမှ တောင်းဆိုနေခြင်းဖြစ်ပါသည်။ တိုင်းရင်းသား လက်နက်ကိုင် အဖွဲ့အစည်းများသည်၊ (၁၉၉၀) ခုနှစ်မှ (၂၀၀၀) ခုနှစ်ကြား ၌ အစိုးရနှင့် အပစ်အခတ်ရပ်စဲရေး အတွက် အသီးသီးဆွေးနွေးခဲ့ကြပါသည်။ သို့သော် ဤအထဲ၌ ကေအန်ယူသည်၊ အစိုးရနှင့် အပစ်အခတ် ရပ်စဲရေး မလုပ်ခဲ့ ဘူးသည့် တခုတည်းသော အဖွဲ့အစည်းဖြစ်ပါသည်။
ဤအကြိမ်၌မူ ကေအန်ယူသည်၊ မလွဲမရှောင်သာ အပစ်အခတ် ရပ်စဲရတော့မည်ဟု အတိုင်အခံနိုင်ငံရေး သမားများက သုံး သပ်နေသလို ကရင်နိုင်ငံရေး သမားတချို့ကလည်း လက်ခံခဲ့ပါသည်။ ကေအန်ယူ ဇန္နာဝါရီလ (၁၂)ရက်နေ့မှ နောက် (၄၅) ရက်အတွင်း (ဖေဖေါ်ဝါရိလကုန်)၌ အစိုးရနှင့် အပစ်အခတ် ရပ်စဲရန် နောက်ထပ်ဆွေးနွေး ရမည်ဖြစ်ပါသည်။
ကြံ့ဖွံ့ အစိုးရတပ် မှိုင်းနှင်း သေဆုံး ဒဏ်ရာ
-------------------------------------------------
ရိက္ခာပို့၊ တပ်အင်အားတိုးလာသည့်ကြံ့ ဖွံ့  အစိုးရတပ်များ မိုင်းထိမှန်၍ သေဆုံးဒဏ်ရာရ
ဖေဖော်ဝါရီလ ၂ရက်၊ ၂၀၁၂။ စောခါးစူးညား (ကေအိုင်စီ)
ကရင်ပြည်နယ် သံတောင်မြို့နယ်၊ ဘောဂလိဒေသ၌ ယခုရက်ပိုင်းအတွင်း ရိက္ခာပို့ဆောင်ပြီး တပ်အင်အား တိုးချဲ့လာသည့် မြန် မာအစိုးရတပ်များသည် ကရင်အမျိုးသားအစည်းအရုံး-KNU လက်အောက်ခံတပ်များ၏ မြေမြုပ်မိုင်းထိ၍ ၆ဦး သေဆုံးပြီး ၇ဦး ဒဏ် ရာရရှိခဲ့သည်ဟု သိရသည်။ယခင်လ ဇန်န၀ါရီ ၂၉ရက်နေ့က ဘောဂလိဒေသတွင် တပ်အင်အားတိုးချဲ့၍ ရိက္ခာပို့နေသော အစိုးရတပ် တပ်မ(၆၆) လက် အောက်ခံ ခလရ(၈၀)တပ်ရင်းသည် KNU လက်အောက်ခံ ကရင်အမျိုးသားလွတ်မြောက်ရေး တပ်မတော်-KNLA ၏ မိုင်းနှင့် ထိမှန်ခဲ့ခြင်းဖြစ်ကြောင်း KNU တောင်ငူခရိုင်၊ တပ်မဟာ(၂)မှ စစ်ဖက်ဆိုင်ရာ သတင်းအရ သိရသည်။KNU တွဲဖက်အတွင်းရေးမှူး(၁) ဗိုလ်မှူးစောလှငွေက “ငြိမ်းချမ်းရေး တည်ဆောက်နေတဲ့ကာလမှာ ပြဿနာ မဖြစ်အောင် နှစ်ဦးနှစ် ဖက် ထိန်းသိမ်းတာပဲ။ ဒါပေမယ့် အဲဒီဒေသက မိုင်းဟောင်းတွေ ရှင်းလင်းရသေးတာ မဟုတ်ဘူး။ သူတို့ကိုလည်း သွားလာတာလုပ် ရင် လမ်းမကြီးအတိုင်းပဲ သွားဖို့ပြောထားတယ်။ လမ်းမကြီးအတိုင်း မသွားတော့ မိုင်းထိတာပေါ့။”ဟု ပြောဆိုသည်။မိုင်းထိ၍ သေဆုံးသွားသည့် မြန်မာစစ်တပ်များထဲတွင် ခလရ(၈၀) တပ်ရင်းမှူး ဒုဗိုလ်မှူးကြီး မျိုးမင်းသန့်လည်း ပါဝင်သည်ဟု KNU ဘက်က ပြောသည်။မြန်မာအစိုးရသည် KNU နှင့် ပြည်နယ်အဆင့် ပဏာမ အပစ်အခတ် ရပ်ဆိုင်းရေး သဘောတူညီမှု ရရှိခဲ့သော်လည်း KNU ထိန်း ချုပ်နယ်မြေများအတွင်း တပ်အင်အားများ တိုးချဲ့လာသကဲ့သို့ ရိက္ခာများ ပိုမို ပို့ဆောင်လာစဉ် ယခုလို မြေမြုပ်မိုင်း ထိမှန်ခဲ့ခြင်း ဖြစ်သည်။ဘောဂလိရွာသား ကရင်အမျိုးသားတစ်ဦးက “ဗမာစစ်တပ်က လမ်းမပေါ်ကနေ မသွားဘဲ ရွာထဲ၊ တောထဲတွေက လိုက်သွားတော့ ကျနော်တို့ရွာသားတွေလည်း ခြံထဲမသွားရဲ၊ အပြင်မထွက်ရဲဘဲ ကြောက်နေကြတယ်လေ။”ဟု ဖေဖော်ဝါရီလ ၄ရက်နေ့က ကေအိုင် စီသို့ ပြောသည်။ထို့အပြင် အင်အားတိုးချဲ့နေသည့် အစိုးရတပ်သည် တောင်ငူမှတဆင့် ဘောဂလိဒေသကို ဖြတ်ကာ ၎င်းတို့ တပ်စခန်းရှိရာ ဘူဆာ ခီးသို့ ရိက္ခာပို့ဆောင်ရန် ထိုဒေသရှိ ဘောဂလိရွာသားများကို လုပ်အားပေး ခေါ်ယူခိုင်းစေလျှက်ရှိသည်ဟုလည်း ဒေသခံများက ပြောသည်။မြန်မာအစိုးရနှင့် KNU တို့ ဇန်န၀ါရီလ ၁၂ရက်နေ့က ပဏာမ အပစ်အခတ် ရပ်ဆိုင်းရေး သဘောတူ လက်မှတ်ရေးထိုးမှုနောက် ပိုင်းမှ ယခုအချိန်ထိ KNU ထိန်းချုပ်နယ်မြေများဖြစ်သည့် တပ်မဟာ(၁)၊ (၂)၊ (၃)၊ (၅)နှင့် (၆)တို့တွင် မြန်မာစစ်တပ်ဘက်မှ ရိက္ခာ နှင့် တပ်အင်အားများကို တိုးချဲ့လျှက်ရှိသည်။
