ဆုံဆည်းရာ၊ ၂ ရက် ဒီဇင်ဘာလ ၂၀၁၀
နေ့လယ် (၁၁ နာရီ ၃၀) ထိုင်းအာဆီယံ သတင်းအေဂျင်စီနဲ့ ဖုန်းအင်တာဗျူး တယ်လီဖုန်းနဲ့ ဆက်သွယ် မေးမြန်းရာမှာ ဒေါ်အောင်ဆန်းစုကြည်က မြန်မာဒုက္ခသည်တွေနဲ့ ရွှေ့ပြောင်း နေထိုင်သူတွေအပေါ် ကြင်နာမှု ရှေ့ထားပြီး ကူညီကြဖို့ ထိုင်းပြည်သူတွေကို တောင်းဆိုလိုက်ပါတယ်။
- မြန်မာဒုက္ခသည်အရေးကို ကိုင်တွယ် ဖြေရှင်းရတာဟာ ထိုင်းနိုင်ငံအတွက် မလွယ်ကူတဲ့ ကိစ္စ ဖြစ်တယ် ဆိုတာကို နားလည်သဘောပေါက်ကြောင်း၊ မြန်မာဒုက္ခသည်တွေကို အခုအခါ အကူအညီတွေ ပေးနေတဲ့အတွက် ထိုင်းပြည်သူတွေကို အထူး ကျေးဇူးတင်ရှိကြောင်း ဒေါ်အောင်ဆန်းစုကြည်က ပြောပါတယ်
- မိမိတို့ဟာ ထိုင်းပြည်သူတွေနဲ့ အိမ်နီးချင်း မိတ်ဆွေကောင်းတွေ ဖြစ်လိုတယ်ဆိုတာကို သိစေလိုကြောင်း၊ ဒါ့အပြင် မိမိအနေနဲ့ ထိုင်းနိုင်ငံရောက် မြန်မာပြည်သူတွေကို မေ့မထားကြောင်းနဲ့ မိခင်တိုင်းပြည်ကို အမြန်ဆုံး ပြန်လာနိုင်ဖို့အတွက် တတ်နိုင်သလောက် ကြိုးစား ဆောင်ရွက်သွားမှာ ဖြစ်ကြောင်းလည်း ဒေါ်အောင်ဆန်းစုကြည်က ကတိပြုပြောကြားပါတယ်။
- လက်ရှိ ထိုင်းအစိုးရအပါအဝင် နိုင်ငံတကာ အစိုးရတွေအနေနဲ့ မြန်မာစစ်အစိုးရနဲ့သာမကပဲ ဒီမိုကရေစီရေးအတွက် ဆောင်ရွက်နေကြတဲ့ အင်အားစုတွေနဲ့ပါ ပူးပေါင်းဆောင်ရွက်ကြဖို့လည်း ဒေါ်အောင်ဆန်းစုကြည်က တိုက်တွန်းလိုက်ပါတယ်။ (ကိုးကား - ဘီဘီစီ)
ဗွီဒီယို
နိုဝင်ဘာလ ၃၀ ရက်နေ့က ဒီကေဘီအေနဲ့ နအဖ တိုက်ခိုက်မှုကြောင့် ထိုင်းနိုင်ငံဘက်ခြမ်း ဖုတ်ဖရတ်ခရိုင် မော်လီချိုင်းကျေးရွာသို့ ထွက်ပြေးခိုလှုံလာသည့် စစ်ပြေးဒုက္ခသည် အခြေအနေ... (ကိုးကား - ဟံသာဝတီ)
Thursday, December 2, 2010
ယနေ့ သတင်း (၂ ရက် ဒီဇင်ဘာလ ၂၀၁၀)
Labels: သတင်း
နအဖစစ်တပ် ပေါ်တာဆွဲလို့ မြ၀တီနယ်ခံများ ထွက်ပြေးလာပြန်
ဧရာဝတီ
ဓာတ်ပုံ-ဧရာဝတီ
ထိုင်း-မြန်မာနယ်စပ် မြ၀တီခရိုင်အတွင်း တိုက်ပွဲတွေ ဖြစ်ပွားနေတဲ့ ဖလူးနယ်မှာ နအဖစစ်အစိုးရက ပေါ်တာဆွဲနေတဲ့အတွက် ဖလူးဒေသခံ ၆၀၀ ခန့်ဟာ ဒီကနေ့ ထိုင်းဘက်ကို ပြန်လည် ထွက်ပြေးလာကြတယ်လို့ သိရပါတယ်။
ပြီးခဲ့တဲ့ ရက်ပိုင်းတွေက မြ၀တီခရိုင် ဖလူးနယ်အတွင်း တိုက်ပွဲတွေဖြစ်ပွားခဲ့တာကြောင့် ထိုင်းဘက်ကို ထွက်ပြေးခဲ့ပြီး ယမန်နေ့က ပြန်ပို့ခံရတဲ့ ဖလူးဒေသခံတချို့ဟာ ဒီကနေ့မှာတော့ ထိုင်းဘက်ကို ပြန်လည်ခိုလှုံလာခဲ့ကြတာပါ။
ညနေပိုင်းအထိ ထွက်ပြေးလာသူပေါင်း ၆၀၀ခန့် ရောက်ရှိနေပြီး ကလေးသူငယ်တွေနဲ့ သက်ကြီးရွယ်အိုတွေ များစွာ ပါဝင်နေတယ်လို့ သိရပါတယ်။ စစ်ပြေးဒုက္ခသည်တွေကို ထိုင်းကျန်းမာရေးဌာန ၊ မယ်တော်ဆေးခန်းနဲ့ NGO အဖွဲ့အစည်းတွေက စားဝတ်နေရေးနဲ့ ကျန်းမာရေးစောင့်ရှောက်မှုတွေ လုပ်ပေးနေပါတယ်လို့ မယ်တော်ဆေးခန်း တာဝန်ရှိသူတဦးက ပြောပါတယ်။
ထိုင်း-မြန်မာနယ်စပ် မြ၀တီခရိုင်အတွင်းမှာ နိုဝင်ဘာ ၇ ရက်က စတင်ပြီး နအဖစစ်တပ်နဲ့ ဒီကေဘီအေတပ်တို့အကြား စစ်ပွဲများ ဖြစ်ပွားနေခဲ့လို့ ဒေသခံတွေဟာ ထိုင်းဘက်သို့ ထွက်ပြေးတိမ်းရှောင်နေကြရတာပါ။
Labels: သတင်း
Subscribe to:
Posts (Atom)