ဒီကေဘီအေ လှုပ်ရှားတဲ့နေရာကို နအဖထိုးစစ်ဆင်

http://ehkhaungthaunt.blogspot.com

ကရင်ပြည်နယ် မြ၀တီမြို့တောင်ဖက်မှာ ဒီကေဘီအေတပ်တွေ အဓိက လှုပ်ရှားနေတဲ့ နေရာသုံးနေရာကို တနင်္ဂနွေနေ့ မနက်က စပြီး နအဖတပ်တွေက အပြင်းအထန် ထိုးစစ်ဆင်တိုက်ခိုက်ခဲ့ရာမှာ ဒီကေဘီအေ ဖက်မှ ထိခိုက်ကျဆုံးမှုတွေ ရှိခဲ့ပါတယ်။

 

နအဖရဲ့ ထိုးစစ်မှန်သမျှကို ပြန်လည်တိုက်ထုတ်သွားဖို့ 

စောင့်ဆိုင်းနေတဲ့ ဒီကေဘီအေ ပြောက်ကျားရဲဘော်များ။

ဒီတိုက်ပွဲတွေဟာ ပြီးခဲ့တဲ့ တပတ်အတွင်း အပြင်းထန်ဆုံး တိုက်ပွဲတွေ ဖြစ်ပါတယ်။ မြ၀တီမြို့တောင်ဖက် ဖလူးဒေသနဲ့ အဲဒီထက် တောင်ဖက်ပိုကျတဲ့ ကနဲလေးနဲ့ ဖော်ဖကို နေရာသုံးခု တ၀ိုက်မှာ လှုပ်ရှားနေတဲ့ ဒီကေဘီအေတပ်တွေကို နအဖတပ်တွေက တပြိုင်နက်တည်း စစ်ဆင်တိုက်ခိုက်ရာမှ  ဒီကေဘီဖေက်က တယောက်သေဆုံးပြီး တပ်မှူးတဦးအပါအ၀င် ငါးဦး အပြင်းအထန်ဒဏ်ရာရခဲ့ပါတယ်။ 

စစ်အစိုးရဖက်က လူများများနဲ့ လက်နက်ကြီးတွေ သုံးပြီး စစ်ဆင်တိုက်ခိုက်လာတာ ဖြစ်ကြောင်း၊ ဒါပေမယ့် သူတို့ဖက်က လွတ်လပ်မှုရတဲ့အထိ ဆက်တိုက်ပွဲဝင်သွားမယ်လို့ တိုက်ပွဲတွေအတွင်း ဒဏ်ရာရခဲ့သူ ဒီကေဘီအေ ဗိုလ်မှူးက ဘီဘီစီကို ပြောပါတယ်။ 

ဒဏ်ရာရသူတွေကို ထိုင်းဘက်က ဆေးရုံတရုံမှာ ဆေးကုသမှု ပေးထားပါတယ်။

ဒါဟာ ထိုင်းနိုင်ငံရဲ့ လူသားချင်းစာနာတဲ့ မူအရဖြစ်တယ်လို့ ထိုင်းတာဝန်ရှိသူတွေက ပြောပါတယ်။

ဝေါ်လေတောင်ဖက်က မြန်မာဖက်အခြမ်း ယဖေါနဲ့ မဲ့အော်ဟားရွာတွေဖက်မှာ လှုပ်ရှားနေတ့ ဒီကေဘီအေနဲ့ ကေအဲန်ယူတပ်တွေကိုရော တောင်ပိုင်းပိုကျတဲ့ ထိုင်းနိုင်ငံ အုန်းဖျန်မြို့ နဲ့ မျက်နှာချင်းဆိုင်း မြန်မာဖက်မှာ လှုပ်ရှားနေတဲ့ ဒီကေဘီအေနဲ့ ကေအဲန်ယူတပ်တွေကို ထိုးစစ်ဆင်ဖို့ နအဖတပ်တွေက အဲဒီနေရာတွေဆီ တက်သွားတဲ့အတွက် နောက်ထပ်တိုက်ပွဲတွေ အပြင်းအထန် ဖြစ်လာနိုင်တယ်လို့ ကေအဲန်ယူနဲ့ ဒီကေဘီအေရှေ့တန်းတပ်မှူးတွေက ပြောနေကြပါတယ်။ (ဘီဘီစီ)

တိုက်ခိုက်မှု အသစ်နဲ့ မြန်မာဒုက္ခသည်

Source Photo from http://www.google.com/images

By မအေးအေးမာ
တနင်္ဂနွေ, 19 ဒီဇင်ဘာ 2010

ထိုင်း၊ မြန်မာနယ်စပ် ကရင်ပြည်နယ် အတွင်းက ကြာအင်းဆိပ်ကြီး၊ ကျိုက်ဒုံမြို့နယ် ရင်ကွဲတောင်၊ မြ၀တီမြို့နယ် ဖလူးကြီး ဖလူးလေး၊ မင်းလက်ပံရွာ၊ ၀ါးလေမြို့နယ် မောခီးတောင် စတဲ့နေရာတွေမှာ ကရင်အမျိုးသား လွတ်မြောက်ရေး တပ်မတော်နဲ့ DKBA ပူးပေါင်းတပ်ဖွဲ့တွေနဲ့ မြန်မာစစ်အစိုးရတပ်တွေ အကြားမှာ စနေနေ့ကစပြီး ပစ်ခတ်မှုတွေ တဖန်ပြန်လည် ဖြစ်ပွားနေတာမှာ နှစ်ဘက်စလုံး ဒဏ်ရာရမှုတွေ၊ သေဆုံးမှုတွေလည်း ရှိနေပါတယ်။ ဖလူးကြီး ဖလူးလေး တိုက်ပွဲတွေမှာတော့ ရွာထဲကိုပါ လက်နက်ကြီးတွေ ကျလာတာကြောင့် ရွာသားတွေ ထိခိုက်မှု ရှိနေတယ်လို့ ထွက်ပြေး လွတ်မြောက်လာတဲ့ ဒုက္ခသည်တွေက ပြောပြပါတယ်။ အပြည့်အစုံကို မအေးအေးမာက တင်ပြပေးထားပါတယ်။



ထိုင်း၊ မြန်မာနယ်စပ်မှာ မြန်မာစစ်အစိုးရ တပ်တွေနဲ့ DKBA တို့ဟာ တလခွဲကျော်ကြာ ပစ်ခတ်မှုတွေ ဖြစ်နေပြီး နိုင်ငံရေးအရ ဖြေရှင်းမှုတွေ မရှိတာကြောင့် တင်းမာမှုတွေ ဆက်ဖြစ်နေရတယ်ဆိုပြီး DKBA က ပြောပါတယ်။ ဒီလို နှစ်ဘက် ပစ်ခတ်နေတဲ့ ပြည်တွင်းစစ်ကြောင့် ပြည်သူတွေ ထိခိုက်မှုတွေ၊ အိုးအိမ်စွန့်ခွာရမှုတွေ ဖြစ်နေပြီး ထိုင်းနိုင်ငံဘက်ခြမ်းမှာလည်း လုံလောက်တဲ့ ကာကွယ်စောင့်ရှောက်မှုတွေ မရ ဖြစ်နေပါတယ်။

တိုက်ပွဲတွေအတွင်း မြ၀တီမြို့နယ် မင်းလက်ပံရွာသားတွေ ထိခိုက်မှု ဖြစ်နေရတဲ့ အကြောင်းကို ထိုင်းနိုင်ငံဘက်ကို တိမ်းရှောင်လာတဲ့ ဒုက္ခသည် ရွာသားတဦးက အခုလိုပြောပါတယ်။

“၈ နာရီ ၄၅ လောက်ကနေ ၁၁ နာရီ ထိုးလောက်အထိ အလုံးကြီးတွေ တောက်လျှောက်ပစ်နေတယ်။ ဖလူးကြီးနဲ့ ဖလူးလေးမှာမှ ဒီမနက် ပစ်နေတာ။ မနေ့က မြန်မာစံတော်ချိန် ၂ နာရီခွဲလောက်က ၃ လုံး မင်းလက်ပံရွာဘေးမှာ လာကျတယ်။ နောက် ၃ နာရီ စွန်းစွန်းလောက်မှာ တလုံး နှစ်လုံး လာထပ်ကျတော့ မင်းလက်ပံရွာသား ၃ ယောက်ထိသွားတာ တယောက်က ရင်ဘတ်အပေါ်နား နည်းနည်းကျတဲ့ ညှပ်ရိုးနားလောက်မှာ တချက်ထိသွားတယ်၊ ယောက်ျားတယောက်။

“နောက်တယောက်ကျတော့ လက်တဘက်က ကျွံပြီးတော့ နောက်လက်တဘက်ကို သွားထိတယ်။ နောက်တယောက် မိန်းကလေးကျတော့ အောက်ပိုင်း ခြေသလုံးလောက်မှာ တချက် ထိသွားတယ်။ တယောက်ကတော့ အခြေအနေ နည်းနည်းဆိုးတယ်။ ကျန်တဲ့တယောက်ကတော့ လက်နဲ့ခြေထောက် ထိတယ်ဆိုတော့ အဲဒီလောက်တော့ အခြေအနေ မဆိုးဘူး။ ဘယ်သူပစ်မှန်းတော့ မသိဘူး။ မင်းလက်ပံရွာထဲကိုလည်း ကျတယ်။”

ထိခိုက်မိတဲ့ ရွာသားတွေကို သတင်းပေါက်ကြားမှာ စိုးတာကြောင့် ထိုင်းနိုင်ငံဘက်ခြမ်းကို အသွားမခံဘဲ မြ၀တီ ဆေးရုံဘက်ကို မြန်မာစစ်တပ်က ပို့ဆောင်ခဲ့တယ်လို့ ဆိုပါတယ်။ တိုက်ပွဲတွေကြောင့် အလုပ်ပျက် အကိုင်ပျက် ဖြစ်ရသလို အိုးအိမ်တွေ ဆုံးရှုံး၊ ထိခိုက်ဒဏ်ရာ ရရှိမှုတွေ ဖြစ်ပြီး ပေါ်တာတွေ ဆွဲခံနေရ၊ အခွန်အကောက်တွေ ပေးနေရတဲ့ ရွာသားတွေဟာ ထိုင်းနိုင်ငံဘက်ခြမ်းက သူတို့နဲ့ နီးစပ်ရာ အိမ်လေးတွေမှာ တည်းခိုနေထိုင်ရတယ်ဆိုပြီး ဆက်ပြောပြပါတယ်။

“ထိုင်းဘက်ခြမ်းမှာ တချို့အိမ်တွေမှာဆိုရင် အိမ်ပေါ် အိမ်အောက်တွေမှာ ပြည့်နေတယ်။ ဗမာပြည်သားတွေ နေတဲ့အိမ်ပေါ့။ အဲဒါမျိုးတွေက အများကြီးပဲ။ တချို့ဆိုရင် အသိမရှိဘူး၊ ကြုံရာ ကြုံရာ လာအိပ်နေတော့ အလုပ်လည်း မရှိဘူး။ တချို့ဆို မနက် ထမင်းတနပ်ပဲ စားရတယ်၊ အလုပ်ရှိရင် ခေါ်ပါဆိုပြီး အဲဒီလိုမျိုးတွေ ဖြစ်နေတယ်။ တချို့ကျတော့ ဒီဘက်ကမ်းမှာ အသိရှိတော့ အလုပ်လည်း လုပ်လို့ရတော့၊ ပိုက်ဆံရတော့ နည်းနည်း အဆင်ပြေတာပေါ့။ တချို့ကျတော့ ဒီမှာလည်း အသိမရှိ၊ မိတ်ဆွေလည်း မရှိ၊ အလုပ်လုပ်တဲ့ နေရာတွေကိုလည်း အသိမရှိတဲ့ အခါကျတော့ တော်တော် စိတ်ညစ်နေကြတယ်။”

ထိုင်းဘက်ခြမ်းက ကယ်ဆယ်ရေး စခန်းတွေကလည်း တိုက်ပွဲတွေ ရပ်ပြီ ဆိုတာနဲ့ ပြန်ခိုင်းတာတွေ လုပ်နေတာကြောင့် တိုက်ပွဲတွေ ဖြစ်ချိန်မှာတော့ ကယ်ဆယ်ရေး စခန်းကို ဘယ်သူမှ မသွားကြတော့ဘူးလို့ ဆိုပါတယ်။

“အဲဒီစခန်းက မဖျက်ရသေးဘူး။ အဲဒီစခန်းမှာ တယောက်မှ မရှိဘူး။ သူတို့က ပြန်ပို့လိုက်တာကိုး။ သူတို့က ဘာမှမဖြစ်တော့ပါဘူးဆိုပြီး ပြန်ပို့လိုက်တော့ ဒီတခေါက်တော့ ဘယ်သူမှ မသွားကြတော့ဘူး။”

တိုက်ပွဲတွေ ဖြစ်နေတာကြောင့် နယ်စပ်ကုန်သွယ်ရေးတွေ ထိခိုက်တယ်ဆိုပြီး ထိုင်းအာဏာပိုင်တွေက ကရင်အမျိုးသား အစည်းအရုံးကို ဖိအားပေးမှုတွေ လုပ်နေတယ်လို့လည်း သတင်းတွေ ထွက်ပေါ်နေပါတယ်။ ဒီတိုက်ပွဲတွေဟာ DKBA နဲ့သာ အဓိက သက်ဆိုင်ကြောင်း၊ နိုင်ငံရေး ပြဿနာကို နိုင်ငံရေးနည်းနဲ့ မဖြေရှင်းနိုင်သမျှ ကာလပတ်လုံး တိုက်ပွဲတွေ ဆက်ဖြစ်နေမှာ ဖြစ်သလို ထိုင်းနိုင်ငံအနေနဲ့ မြန်မာအစိုးရရဲ့ လူ့အခွင့်အရေး ချိုးဖောက်မှုကို ၀ိုင်းဝန်း ထိန်းသိမ်းသင့်တဲ့အကြောင်း DKBA တပ်မှူးတဦးကတော့ အခုလို ပြောပါတယ်။

“ထိုင်းခေါင်းဆောင်တွေက ကျနော်တို့ လူသားတွေရဲ့ လွတ်လပ်ခွင့်၊ လက်ရှိ နအဖ လူ့အခွင့်အရေး ချိုးဖောက်တာကို သူတို့ ၀ိုင်းပြီး ထိန်းသိမ်းသင့်တယ်။”

တိုက်ပွဲတွေဖြစ်နေတာဟာ နိုဝင်ဘာလ ၈ ရက်နေ့က စဖြစ်ပြီး ၂၀၁၀ ရွေးကောက်ပွဲ ကာလအတွင်း မဲမသမာမှုတွေနဲ့ အတင်းအကျပ် မဲထည့်ခိုင်းမှုတွေ၊ နယ်ခြားစောင့်တပ်ကို တိုင်းရင်းသားတွေကို အတင်းအကျပ် လုပ်ခိုင်းနေတာတွေကို မကျေနပ်ရာက စလို့ DKBA နဲ့ မြန်မာစစ်အစိုးရ တင်းမာခဲ့တာ ဖြစ်ပါတယ်။

စနေနေ့နဲ့ တနင်္ဂနွေနေ့ကဖြစ်တဲ့ နှစ်ဘက် တိုက်ပွဲတွေကြောင့် ထိခိုက်သေဆုံးမှုတွေ ရှိနေပြီး ပြည်သူတွေကတော့ ဒုက္ခတွေကို ခံစားနေရဦးမှာ ဖြစ်ကြောင်း ဒုက္ခသည်တွေက ပြောပါတယ်။

``နားလည်ပေးမှု၊ စာနာပေးမှု`

တစ်ခါတုန်းက……….

အလင်းမရှိဘဲ မှောင်နေတဲ့အခန်းတစ်ခန်းထဲမှာ

ဖယောင်းတိုင်ကလေး(၅)တိုင်ရှိတယ်။ အဲဒီ ဖယောင်း

တိုင်တွေမှာအလင်းကိုယ်စီနဲ့ပေါ့။ ဖယောင်းတိုင်(၅)တိုင်ရဲ့

အလင်းအားကြောင့် မှောင်မည်းနေတဲ့

အခန်းဟာ လင်းထိန်နေတော့တယ်။ဒီအခန်းထဲကို လေပြေပျော့လေး တိုက်ခတ်နေသတဲ့။

တစ်ခါတစ်ခါမှာ

လေဟာပြင်းသွားလိုက်၊ တစ်ခါတစ်ခါမှာ လေဟာငြိမ်သွားလိုက်နဲ့ပေ့ါ။ လေတစ် ချက်အဝေ့မှာ

ဖယောင်းတိုင်လေး တစ်တိုင် မီးငြိမ်းသွားတယ်။ အခန်းဟာအလင်း အားနည်းနည်း

လျော့သွားတယ်။ အဲ့ဒီဖယောင်းတိုင်လေးကို ``အချစ်`` လို့ နာမည်ပေး ကြည့်ရအောင်။

``အချစ်ဆိုတဲ့ အလင်းအားလေး`` လျော့သွားတော့ အခန်းဟာနည်းနည်းလေး မှောင်သွားတယ်။

နောက်ထပ် လေအဝှေ့မှာ ဒုတိယ ဖယောင်းတိုင်လေး မီးငြိမ်းသွားပြန်တယ်။ အဲဒီ

ဖယောင်းတိုင်လေးကို ``သံယောဇဉ်`` လို့ နာမည်ပေးကြည့်ရအောင်။ ဒီအခန်းထဲမှာ``အချစ်``

ဆိုတဲ့ အလင်းရောင်ရယ်၊ ``သံယောဇဉ်`` ဆိုတဲ့ အလင်းရောင်ရယ်မရှိတော့ဘူး။ အခန်းဟာ

အမှောင်ထု ကြီးစိုးလာတော့တယ်။ ဒီလိုနဲ့ နောက်ထပ် ```လေတစ်ချက်`` အဝေ့မှာ တတိယ

ဖယောင်းတိုင်လေးငြိမ်းသွားပြန်တယ်။ အဲဒီဖယောင်းတိုင်လေးကို ``မေတ္တာတရား`` လို့

နာမည်ပေးကြည့်ရအောင်။

ဒီလိုပဲ…နောက်ထပ် လေအဝေ့တစ်ချက်မှာ စတုတ္ထဖယောင်းတိုင်လေးငြိမ်းသွားပြန်တယ်။

ဒီဖယောင်းတိုင်လေးကိုတော့ ``ကရုဏာ တရား`` လို့နာမည်ပေးကြည့်ရအောင်။ဖယောင်းတိုင်

(၅) တိုင် အလင်းအားရှိတဲ့ ဒီအခန်းဟာ ဖယောင်းတိုင်(၁)တိုင်မျှသာ အလင်းအားရှိတော့တယ်။

ဒီနောက်ဆုံး ဖယောင်းတိုင်လေးသာလေအဝေ့မှာ မီးညွန့်ကလေးငြိမ်းသွားခဲ့ရင်

ဒီတစ်ခန်းလုံး

မှောင်မည်းသွားတော့ မှာပါပဲ။

ဖြစ်ချင်တော့ ဒီအခန်းထဲကို လူတစ်ယောက် ရောက်လာတယ်။``အခန်းကြီးက

မှောင်းမည်းနေတာပဲ။ တော်သေးတာပေါ့။

ဖယောင်းတိုင်လေးတစ်တိုင်လင်းနေေ သးလို့``ပြောပြောဆိုဆို ဖယောင်းတိုင်ရဲ့

မီးညွန့်ကို

လက်ဝါးလေးနဲ့ ကာလိုက်တယ်။အလင်းရောင် မှိန်ပျပျအောက်မှာ မီးငြိမ်းနေတဲ့

ဖယောင်းတိုင် (၄)တိုင်ကိုတွေ့သွားတယ်။ ချက်ချင်းဆိုသလိုပဲ နောက်ဆုံးကျန်နေတဲ့

ဖယောင်းတိုင်ရဲ့

မီးညွန့်ကိုကူးပြီး မီးငြိမ်းသွားခဲ့တဲ့

ဖယောင်းတိုင်လေးတွေကိုမီးကူးပေးလိုက်တယ်။ ဒီအခန်းကအရင်

အတိုင်းပဲ ပြန်ပြီးလင်းထိန်သွားပါတော့တယ်။

**********
သူငယ်ချင်းကို မေးပါရစေ……ဒီနောက်ဆုံးကျန်တဲ့ ဖယောင်းတိုင်လေးကို
ကျွန်မတို့ နာမည်ပေး ကြည့်ကြရအောင်။ သူငယ်ချင်းလည်း ကြိုက်သလို
နာမည်ပေးပါ။ကျွန်မပေးထားတဲ့ နာမည်လေးတော့
ရှိတယ်။ ကျွန်မက နောက်ဆုံးဖယောင်းတိုင်လေးရဲ့ နာမည်ကို ``နားလည်ပေးမှု၊
စာနာပေးမှု ဖယောင်းတိုင်``လို့ နာမည်ပေးထားတယ်။တွေးကြည့်ရအောင် ။
လူတစ်ယောက်နဲ့ တစ်ယောက်အကြားမှာ ``နားလည်ပေးမှု၊ စာနာပေးမှု`` ဆိုတဲ့အလင်းအား
ရှိတဲ့ ဖယောင်းတိုင်လေးသာ ရှိနေသေးရင် ``အချစ်``ဆိုတာပြန်ဖြစ်နိုင်တယ်။
``သံယောဇဉ်`` ဆိုတာ ပြန်ဖြစ်နိုင်တယ်။ ``မေတ္တတရား၊ကရုဏာတရား``တွေ
ပြန်ဖြစ်နိုင်တယ်။ ``နားလည်ပေးမှု၊ စာနာပေးမှု`` ဆိုတဲ့ဖယောင်းတိုင်လေးသာ
မီးငြိမ်းသွားခဲ့ရင်… အခန်းကြီး မှောင်မည်းသွားသလို အချစ်တွေ၊ မေတ္တာတရားတွေ၊
သံယောဇဉ်တွေ၊ ကရုဏာတရားတွေ ပြန်ဖြစ်ဖို့
မလွယ်တော့ပါဘူး။ လူ့ဘဝရဲ့ အနှစ်သာရလည်း ပျက်စီးသွားတော့မှာပါပဲ။

မိသားစု အချင်းချင်းအကြားမှာ၊
သူငယ်ချင်းနှစ်ယောက်အကြားမှာ၊ေ မာင်န်ှမနှစ်ယောက်အကြားမှာ၊
လင်းမယားနှစ်ယောက်အကြားမှာ၊အဖွဲ့အစည်းတစ်ခုနဲ့ တစ်ခုအကြားမှာ
``နားလည်ပေးမှု၊ စာနာပေးမှု``ဆိုတဲ့ဖယောင်းတိုင်လေး
လင်းနေဖို့ လိုမယ်ထင်ပါတယ်။ ဒီဖယောင်းတိုင်လေးသာ မီးငြိမ်းသွားခဲ့ရင်…
လူမှုဆက်ဆံရေးရဲ့
ပျော်စရာကောင်းတဲ့ သဘာဝကိုခံစားနည်းလည်နိုင်တော့မှာ မဟုတ်ပါဘူး။
ချစ်သူနှစ်ယောက်အကြားမှာ ``နားလည်ပေးမှုနဲ့ စာနာပေးမှု`` ရှိရင်
ပျော်စရာသိပ်ကောကင်းမှာပဲ။

မိဘအပေါ်မှာ နားလည်ပေးတက်တဲ့ သားသမီးတွေကို ပိုင်ဆိုင်ခွင့်ရတဲ့ မိသားစုဟာ
ပျော်စရာကြီးပါ။ ဒီလိုပါပဲ နားလည်ပေးတက်တဲ့၊ စာနာပေးတက်တဲ့ မိဘတွေရဲ့ သားသ
မီးဖြစ်ခွင့်ရရင်လည်းပျော်စရာပါပဲနော်။

ကိုယ့်ကို နားလည်ပေးတဲ့၊ စာနာပေးတဲ့ ချစ်သူနဲ့သာ အတူနေခွင့်ရရင်အချစ်ဆိုတာ
ပျော်စရာပဲလို့ ခံစားမိမှာပါ။အပြန်အလှန် နားလည်ပေးတဲ့၊ စာနာပေးတဲ့
လူ့အဖွဲ့အစည်းတွေသာ ကျွန်မတို့ ဝန်းကျင်းမှာရှိခဲ့ရင် ကျွန်မတို့
လူ့ဘောင်လောကကြီးဟာ
ဒီထက်ပိုပြီးသာယာလာပါမယ်။
ငြိမ်းချမ်းလာပါမယ်။တိုးတက်လာပါမယ်။ပျော်စရာလည်းကောင်းလာပါမယ်။
ဒါကြောင့် ဘယ်နေရာမှာ မဆို ``နားလည်ပေးမှုနဲ့ စာနာပေးမှု``အပြန်အလှန်ရှိကြမယ်ဆိုရင်
လောကကြီးဟာငြိမ်းချမ်းနေမှာပါ။
ဒါပေမယ့်….
``နားလည်ပေးမှုနဲ့ စာနာပေးမှု `` ကိုတော့ အလွဲသုံးစား
မလုပ်သင့်ဘူးနော်။``နားလည်ပေးမှုနဲ့
စာနာပေးမှု`` ကို အခွင့်ကောင်းမယူသင့်ဘူး။``နားလည်ပေးမှုနဲ့ စာနာပေးမှု`` ကို
တန်ဖိုးမဲ့အောင် မလုပ်သင့်ဘူးနော်။ူ သူငယ်ချင်းလည်း နောက်ဆုံး ဖယောင်းတိုင်လေးရဲ့ နာမည်ကို ဘယ်လိုများ မှည့်ခေါ်ချင်ပါသလဲ....


ပေးပို့လာတဲ့ညီမလေးဖူးအားကျေးဇူးတင်ပါတယ်