တရုတ် ကွန်မြူနစ်ပါတီရဲ့ ဆော့ဖ်ပါဝါ ရှာပုံတော်
အောက်တိုဘာ ၁၅ ရက်ကနေ ၁၈ ရက်နေ့အထိ တရုတ်ကွန်မြူနစ်ပါတီ ထိပ်တန်းခေါင်းဆောင် ၃၀၀ ကျော် ပေကျင်းမြို့မှာ အစည်းအဝေးလုပ်ခဲ့ကြသည်။
သူတို့ အဓိက ဆွေးနွေးတဲ့ အကြောင်းက တရုတ်ပြည်ရဲ့ 'ယဉ်ကျေးမှု ပါဝါအပျော့' (cultural soft power) ကို မြှင့်တင်နိုင်မယ့် နည်းလမ်းတွေ ရှာဖို့ ဖြစ်သည်။ တစ်နည်းအားဖြင့် တရုတ် စီးပွားရေး တိုးတက်ကြီးထွား လာပေမဲ့၊ လူအချင်းချင်း ရိုင်းပင်းကူညီလိုမှု၊ စာရိတ္တမဏ္ဍိုင် ချွတ်ခြုံကျမှုတွေကို ဆွေးနွေးခဲ့ခြင်း ဖြစ်သည်။
ပေကျင်းမှာ အသက် နှစ်နှစ်အရွယ် ကလေးမလေး ကားတိုက်ခံရတဲ့မြင်ကွင်းကို ဖြတ်သန်းဖြတ်လာ အားလုံးက ကိုယ်နဲ့မဆိုင်သလို အကြင်နာမဲ့စွာ ရှောင်ကွင်းသွားခဲ့ပြီး၊ နောက်ဆုံး အမှိုက်ကောက်သူက ဆေးရုံပို့ပေးခဲ့ပေမဲ့၊ ကလေး သေဆုံးသွားခဲ့ရသည်။ အဲဒီဖြစ်ရပ်အပေါ် ပြည်တွင်းပြည်ပ သတင်းစာတွေက ဝေဖန်ပြစ်တင်ကြပြီး၊ တရုတ် လူထုရဲ့ စိတ်ဓာတ် ချွတ်ခြုံကျမှုကို ပါတီ အစည်းအဝေးမှာ အဓိက ဆွေးနွေးရတဲ့ အကြောင်းအရာ ဖြစ်လာသည်။
ငွေကြေးနဲ့ ရုပ်ဝတ္ထုမှလွဲပြီး ဘာကိုမှ စိတ်မ၀င်စားတဲ့ တရုတ်လူထုအတွက် ကျင့်ဝတ်ပိုင်းဆိုင်ရာ နှုန်းစံတန်ဖိုးတွေ (moral soft power) ပြန်ရှာဖွေ မြှင့်တင်ဖို့ လိုအပ်နေပြီ။ ယခု ပါတီ ဗဟိုကော်မတီက အမေရိကန် ပညာရှင် ဂျိုးဇက် အက်စ် နိုင်း (Joseph S. Nye) ပြောတဲ့ ဆော့ဖ်ပါဝါကို တရုတ်မှာ အရေးပေါ် တည်ဆောက်ဖို့ ဆုံးဖြတ်ခဲ့သည်။
လွန်ခဲ့တဲ့ နှစ် ၂၀ ကတည်းက ဂျိုးဇက်နိုင်း က တိုင်းပြည်တစ်ပြည်မှာ ဆော့ဖ်ပါဝါဆိုတဲ့ သံလိုက်ဓာတ်စွမ်းအား အရေးကြီးတဲ့အကြောင်းကို ပြောခဲ့သည်။ နိုင်ငံတစ်နိုင်ငံရဲ့ အောင်မြင်မှုက လက်နက် အင်အား၊ ဓနအင်အား ဆိုတဲ့ ပါဝါအမာတွေပေါ်မှာချည်း မတည်။ အခြေခံဥပဒေ ခိုင်ခံ့မှု၊ လူအချင်းချင်း လေးစားတန်ဖိုးထားမှု၊ စာရိတ္တမဏ္ဍိုင် အားကောင်းမှု စတဲ့ ပါဝါ အပျော့တွေနဲ့ ပါဝါအမာတွေ ပေါင်းစပ်မှသာ ပြည်တွင်းအင်အား ကြံခိုင်မှုနဲ့ အခြားနိုင်ငံတွေရဲ့ အထင်ကြီး လေးစားခံရမှု ရမည်ဟု ဆိုခဲ့သည်။
ပါတီ ထိပ်တန်းခေါင်းဆောင်တွေက တရုတ် စီးပွားရေး တိုးတက်မှု အရှိန်အဟုန် မြင့်နေပေမဲ့၊ ကျင့်ဝတ်နီတိ ကျဆင်းမှု အပါအ၀င်၊ ဆော့ဖ်ပါဝါ ဖွံ့ဖြိုးမှု နောက်ကျခဲ့တာကို ၀န်ခံပြောဆိုမှုတွေလည်း လုပ်ခဲ့သည်။
ဒါပေမဲ့ တရုတ်ရဲ့ ပင်ကိုယ် ဆော့ဖ်ပါဝါတွေက ဘာတွေလဲ၊ ဘယ်လိုမြှင့်တင်မလဲဆိုတာတော့ ယခုမှ ရှာပုံတော်ဖွင့် (soul-searching) ကြရဦးမည် ဖြစ်သည်။
ဝင့်ထန်း
