နယူးဒေလီ (မဇ္ဈိမ) ။ ။ ဖလုံ-စဝေါ် ဒီမိုကရက်တစ်ပါတီ ခွဲထွက်များ တည်ထောင်မည့် ကရင်ဒီမိုကရက်တစ် ပါတီမှာ အဓိပ္ပာယ်တူညီနေသည့်အတွက် ဖလုံ-စဝေါ်ဘက်မှ ကန့်ကွက်မည်ဟူသော သတင်းများ ထွက်ပေါ်လျက် ရှိသည်။
“ဖလုံ-စဝေါ်” ဆိုသည်မှာ မြန်မာဘာသာဖြင့် “ကရင်” ဟု အဓိပ္ဗာယ်ရသည့်အတွက် ပါတီနှစ်ခု နာမည်တူနေကာ ကန့်ကွက်ရန် ရှိ၊ မရှိနှင့် ပတ်သက်၍ နှစ်ကုန်ပိုင်းတွင် ပါတီတွင်း စည်းဝေးပွဲလုပ်ရန် ရှိသည်ဟု သိရသည်။
“နှစ်သစ်ကူးပြီးမှ ဖြစ်ပါလိမ့်မယ်။ စည်းဝေးဆုံးဖြတ်ပြီးတော့မှပဲ အတည်ပြုလို့ ရမယ်ပေါ့နော်။ လောလောဆယ်တော့ ကျမတို့ အဲဒါတွေကို ဘာမှတော့ တိုင်ပင်ဆွေးနွေးခြင်း မလုပ်ရသေးပါဘူး။ ဘေးကပဲ ကျမတို့က ပြောကြတာပါ” ဟု ဖလုံ-စဝေါ်ပါတီ ဘားအံပြည်သူ့လွှတ်တော် အမတ် ဒေါ်နန်းစေအွာက မဇ္ဈိမကို ပြောသည်။
သူက ဆက်ပြီး “ဖလုံ-စဝေါ်က ဘာအဓိပ္ဗာယ်လဲဆိုတော့ ကရင်ပဲဆိုတော့ ဒါဆိုရင် ဒီကရင်ဒီမိုကရက်တစ်နဲ့ ဘာကွာ သလဲပေါ့။ အတူတူပဲပေါ့နော်။ အဲဒါမျိုး မေးလာကြတာပေါ့နော်။ Complain တက်တာပေါ့ တချို့ကျတော့ပေါ့နော်။ ဒါဟာ ဘာအနေနဲ့ ထားတာလဲပေါ့” ဟု မေးမြန်းမှုများ ရှိနေကြောင်းလည်း ဆက်ပြောသည်။
ယခင် ဖလုံ-စဝေါ်ပါတီဥက္ကဋ္ဌဟောင်း ဦးစောသန်းကျော်ဦးမှာ ပါတီတွင်း ပြဿနာများကြောင့် နုတ်ထွက်ခဲ့ပြီး နိုဝင်ဘာ လ ၂၈ ရက်နေ့က ၎င်းအပါအဝင် ၁၆ ဦးမှ “ကရင်ဒီမိုကရက်တစ်ပါတီ” အမည်ဖြင့် ပြည်ထောင်စု ရွေးကောက်ပွဲ
ကော်မရှင်သို့ ပါတီတည်ထောင်လိုကြောင်း လျှောက်ထားခဲ့ခြင်း ဖြစ်သည်။
ဦးစောသန်းကျော်ဦးမှာ ကရင်ပြည်နယ်၊ လှိုင်းဘွဲ့မြို့နယ်တွင် သတ္ထုတွင်းတူးဖော်ရေးလုပ်ငန်းများ လုပ်ကိုင်လျက်ရှိပြီး ပါတီတွင်း ပုဂ္ဂိုလ်ရေးအကျိုးစီးပွားလုပ်ဆောင်ခွင့် မရှိသည်ဟူသော မူဝါဒကို ကျော်လွန် လုပ်ကိုင်သည့်အတွက် ဥက္ကဋ္ဌနေရာမှ ဖယ်ပေးရန်အတွက် ဗဟိုဦးစီးအဖွဲ့က တောင်းဆိုခဲ့ကြသည်။
“ပါတီကို ထိခိုက်နစ်နာမှာ ဖြစ်လာတဲ့အခြေအနေ ရှိတဲ့အတွက်ပေါ့နော်။ သူ့ကို ပါတီရဲ့ ဥက္ကဋ္ဌကနေပြီးတော့ တာဝန် ရပ်စဲလိုက်တာပေါ့နော်။ ပါတီဝင်အဖြစ် မနုတ်ထွက်ခိုင်းပါဘူး။ ဒါပေမဲ့ သူက ဒီဘက်မှာ ဥက္ကဋ္ဌ မဖြစ်ရဘူးဆိုတော့ သူ့မှာ နဂိုကတည်းက ဘာအစီအစဉ်ရှိတယ်ဆိုတာ ကျမတို့လည်း မသိနိုင်ဘူးပေါ့နော်” ဟု ဒေါ်နန်းစေအွာက ဆိုသည်။
ယင်းပြဿနာကြောင့် ဦးစောသန်းကျော်ဦးနှင့် ဗဟိုဦးစီးအဖွဲ့ဝင် အငြိမ်းစားပါမောက္ခ နော်လားခူ အပါအဝင် လေးဦး ခန့် ဖလုံ-စဝေါ်ပါတီမှ နုတ်ထွက်သွားခဲ့သည်။ လက်ရှိတွင် လစ်လပ်နေသည့် ဥက္ကဋ္ဌနေရာအတွက် ပြည်သူ့လွှတ်တော် ကိုယ်စားလှယ် ဦးစောသိန်းအောင်အား ယာယီဥက္ကဋ္ဌအဖြစ် ထားရှိကာ ပါတီလုပ်ငန်းများအား ဆက်လက် လုပ်ကိုင် လျက် ရှိသည်။
ဖလုံ-စဝေါ်ပါတီမှာ ၂ဝ၁ဝ ရွေးကောက်ပွဲ၌ ၁၈ ဦးဝင်ပြိုင်ခဲ့ပြီး ပြည်သူ့လွှတ်တော် နှစ်နေရာ၊ အမျိုးသား လွှတ်တော် သုံးနေရာနှင့် ပြည်နယ်လွှတ်တော် လေးနေရာ အနိုင်ရရှိခဲ့သည်။
အဓိပ္ဗာယ်တူ စကားလုံးသုံးသည့်အတွက် ဖလုံ-စဝေါ်ပါတီဘက်မှ ကန့်ကွက်လာမည်ဆိုပါက မည်သို့မျှ တုံ့ပြန်သွားမည် မဟုတ်ဘဲ ရွေးကောက်ပွဲ ကော်မရှင်၏ အဆုံးအဖြတ်အတိုင်းသာ လက်ခံသွားမည်ဟု အသစ်တည်ထောင်ရန်
လျှောက်ထားနေသည့် ကရင်ဒီမိုကရက်တစ်ပါတီမှ ပြန်လည်တုံ့ပြန်ခဲ့သည်။
“ဖလုံ-စဝေါ်ဆိုတာက ဒီ ဖလုံရယ်၊ စဝေါ်ရယ် နှစ်မျိုးပဲ ရှိတာကိုး။ ကျနော်တို့ ကရင်သုံးခြင်းဟာ နိုင်ငံတော်က သတ်မှတ်ထားတဲ့ မျိုးနွယ်စု ၁၁ စုထဲမှာ အားလုံးအကျုံးဝင်တယ်ခင်ဗျ။ အဲဒါတွေကျတော့ ကျနော်တို့က စောဒက တက်စရာ မရှိပါဘူး။ အဓိက ကတော့ ပြည်ထောင်စုရွေးကောက်ပွဲကော်မရှင်ပေါ်မှာပဲ မူတည်ပါတယ်” ဟု ကရင်ဒီမိုကရက်တစ်ပါတီခေါင်းဆောင် ဦးစောသန်းကျော်ဦးက မဇ္ဈိမကို ပြောသည်။
ဘားအံတွင် အခြေစိုက်မည့် ကရင်ဒီမိုကရက်တစ်ပါတီအနေဖြင့် မှတ်ပုံတင်ကျလာပါက ပါတီဝင် ၁,၀၀၀ အထိ စုစည်းကာ ကြားဖြတ်ရွေးကောက်ပွဲ၌ ကရင်အများစုနေထိုင်သည့် ဧရာဝတီတိုင်းနှင့် ကရင်ပြည်နယ် တို့တွင် အနည်းဆုံး သုံးနေရာ ဝင်ပြိုင်ရန်အတွက် ပြင်ဆင်ထားသည်။
ကရင်ဒီမိုကရက်တစ်ပါတီ အနေဖြင့် တရားဝင်ဖြစ်ပါက ကရင်ပြည်နယ်အခြေစိုက် ပါတီလေးခု ဖြစ်လာမည် ဖြစ်ပြီး ကရင်ပြည်သူ့ပါတီ၊ ကရင်ပြည်နယ် ဒီမိုကရေစီနှင့် ဖွံ့ဖြိုးတိုးတက်ရေး၊ ဖလုံ-စဝေါ် ဒီမိုကရက်တစ်ပါတီတို့ ဖြစ်သည်။
“ကရင်အမျိုးသားအတွက် အမျိုးသားရေးလမ်းကြောင်းပေါ်မှာ ဘယ်သူ စွမ်းဆောင်နိုင်သလဲဆိုတာ ပြည်သူလူထု ကနေ၊ ကရင်အမျိုးသားထု တရပ်လုံးကနေ ဒါနဲ့ပဲ တိုင်းတာကြမှာပါ” ဟု ၂၀၁၀ ရွေးကောက်ပွဲ၌ ကျိုက်မရော မဲဆန္ဒနယ်မှ ပြည်နယ်လွှတ်တော်ရွေးချယ်ခံခဲ့ရာတွင် ရှုံးနိမ်းခဲ့သူ ဦးစောသန်းကျော်ဦးက ဆိုသည်။