သူလည်းပဲ အယောက် ၅၀ သတ်ခဲ့ဆိုဘဲ

 ဒီသတင်းကိုကြားလို့ ဗိုလ်ချူပ်သန်းရွှေခမျာ ရယ်ပြီးရယ်ပြန် ရပ်လို့မရအောင် ရယ်နေရပါ

သဖြင့်မေ့မျောသွားခဲ့တဲ့အထိဖြစ်ခဲ့တယ်လို့ နေပြည်တော်က လာတဲ့သတင်းအရ သိရပါတယ်

 

ကိုမူးဆာ ပြောဆိုိချက် သြစတြေးလျ ကရင်အမျိုးသားအဖွဲ့ ငြင်းဆို

2011-07-25 RFA

သြစတြေးလျ နိုင်ငံသား ကိုမူးဆာ (Moon Hsar) ဆိုသူ ကရင် ဒုက္ခသည်တဦးက တိုင်းရင်းသား ၅၀ လောက်ကို အမိန့်ပေး သတ်ဖြတ်ခဲ့ကြောင်း ထုတ်ဖော် ပြောဆိုိချက်နဲ့ ပတ်သက်လို့ သြစတြေးလျ ကရင်အမျိုးသားအဖွဲ့က မဖြစ်နိုင်ကြောင်း ပြောဆိုပါတယ်။

(Photo: AFP)

မြန်မာ စစ်အစိုးရနှင့် အပစ်အခတ် ရပ်စဲရေး မလုပ်သော KNU ကရင်လက်နက်ကိုင် တပ်ဖွဲ့ဝင်များ ဖြစ်ပါသည်။ (Photo: AFP)

သြစတြေးလျ ကရင်အမျိုးသားအဖွဲ့ (Australia Karen Organization) ရဲ့ ဥက္ကဌ ဖဒိုစောလွင်ဦးက ကိုမူးဆာဟာ ကေအန်ယူမှာ တာဝန်ထမ်းဆောင်ခဲ့တာ မှန်ပေမယ့် မြန်မာ စစ်ထောက်လှမ်းရေးဟောင်း တဦးတော့ မဖြစ်နိုင်ဘူးလို့ ပြောပါတယ်။ လောလောဆယ် အထိတော့ မြန်မာ စစ်ထောက်လှမ်းရေး အရာရှိဟောင်း အဖြစ် ၁၉၈၈ အရေးအခင်းကာလ အတွင်း လူ ၁၀၀ ခန့်ကို သတ်ဖြတ်ခဲ့တယ်လို့ မကြာခင်က ပြောဆိုခဲ့တဲ့ ကိုထူးထူးဟန် ကိုရော၊ ကိုမူးဆာကိုပါ သြစတြေးလျအာဏာပိုင်တွေက ဖမ်းဆီး အရေးယူမှု မရှိသလို သူတို့ရဲ့ ပြောဆိုချက်တွေကိုလည်း ထောက်ခံ အတည်ပြုသူ တဦးတယောက်မှ မရှိသေးပါဘူး။ မြန်မာနိုင်ငံမှာ ပြည်သူတွေ အမြောက်အများ သတ်ဖြတ်ခံရမှု၊ စစ်ရာဇ၀တ်မှုတွေ အမှန်တကယ် ရှိနေပေမယ့် သူတို့နှစ်ဦးရဲ့ ထွက်ဆိုချက်တွေ မှန်ကန်မှု ရှိမရှိ အတည်မပြုနိုင်ဘူးလို့ ဆစ်ဒနီမြို့ အခြေစိုက် Burma Office မြန်မာ့ရေးရာရုံးရဲ့ ညွှန်ကြားရေးမှူး ဒေါက်တာမြင့်ချိုက ပြောပါတယ်။ ဒုတိယမြောက် ၀န်ခံပြောဆိုသူ ကိုမူးဆာက သူဟာ ထောက်လှမ်းရေးက ထွက်ပြီးနောက် ကေအန်ယူ ကရင်အမျိုးသား အစည်းအရုံးမှာ နှစ်ပေါင်း အတန်ကြာ အမှုထမ်းခဲ့ကြောင်း၊ ထိုင်း-မြန်မာ နယ်စပ် ဒုက္ခသည် စခန်းတခု ကနေ ၁၉၉၇ ခုနှစ်လောက်မှာ သြစတြေးလျနိုင်ငံကို ရောက်ရှိလာခဲ့တာ ဖြစ်ကြောင်း ပြောဆိုထားပါတယ်။

မြန်မာစစ်သည်တဦး ကေအဲန်ယူ တပ်မဟာ(၇)ထံ ထွက်ပြေးရာက်ရှိ

Submitted by admin on Tuesday, 26 July 2011--

ဇူလိုင်လ ၂၆ရက်။ စောသိန်းမြင့် (ကေအိုင်စီ)

ကရင်ပြည်နယ်၊ မြ၀တီမြို့နယ်၊ သင်္ကန်းညီနောင် အခြေစိုက် အစိုးရစစ်တပ် စကခ(၁၂) လက်အောက်ခံ ခမရ(၃၅၇)တပ်ရင်းမှ တပ်သား စိုင်းအိုက်စံသည် ယမန်နေ့က ကေအဲန်အယ်လ်အေ တပ်ရင်း(၁၀၁)ထံသို့ ထွက်ပြေးရောက်ရှိလာသည်။

Photo-KIC (ထွက်ပြေးလာသူ မြန်မာစစ်သည် စိုင်းအိုက်စံ)

ကိုယ်ပိုင်နံပါတ် တ/၄၄၃၂၃၃ဖြစ်သူ အသက် ၂၅နှစ်ရှိ တပ်သား စိုင်းအိုက်စံသည် အစိုးရစစ်တပ်တွင် တာဝန် ဆက်လက် မထမ်းဆောင်နိုင်တော့သည့်အတွက် ထွက်ပြေးရခြင်းဖြစ်သည်ဟု ကေအိုင်စီကို ပြောသည်။ “ကျနော်ရှေ့တန်းထွက်တာ ၅လကျော်ပဲ ရှိသေးတယ်။ ရောက်လာကတည်းက ထမင်းပဲချက်တယ်။ ကင်းစောင့်တော့လည်း သူများ သေနတ်ပေးမကိုင်ဘူး။ တပ်ထဲမှာ ဆက်မနေချင်တော့လို့ ထွက်ပြေးတာပါ။”ဟု တပ်သား စိုင်းအိုက်စံက ပြောသည်။
ထို့အပြင် ပြီးခဲ့သည့် ၂၀၁၀ခုနှစ်က မန္တလေး စစ်သားစုဆောင်းရေးတပ်တွင် စုဆောင်းခံရသူ ရှမ်းပြည်နယ်၊ တောင်ကြီးမြို့ ဇာတိ စိုင်းအိုက်စံက ခမရ(၃၅၇)တပ်ရင်းတွင် အသက် ၁၄-၁၅နှစ်အရွယ် ကလေးစစ်သား ၁၀ဦးကျော်ရှိသည်ဟု ပြောဆိုပြီး ၎င်းအနေဖြင့် ရှေ့ဆက်တွင် သာမန်အလုပ်ဖြင့်သာ လုပ်ကိုင်နေထိုင်သွားတော့မည်ဟု ဆိုသည်။
ကေအဲန်ယူ တပ်မဟာ(၇)တွင် ယခုလ ဇူလိုင်လအတွင်း အစိုးရစစ်သည်နှင့် နယ်ခြားစောင့်တပ်ဖွဲ့ဝင် ၂၀ဦးကျော် ထွက်ပြေး ရောက်ရှိလာပြီး ထိုအထဲတွင် မြန်မာအစိုးရစစ်သည် ၄ဦး ပါဝင်သည်ဟု ကေအဲန်ယူ တပ်မဟာ(၇)၏ စာရင်းအရ သိရသည်။

SSPP နဲ့ ငြိမ်းချမ်းရေး ဆွေးနွေးဖို့ မြန်မာစစ်တပ် သံဃာတော် ၂ ပါး စေလွှတ်

အင်္ဂါ, 26 ဇူလိုင် 2011
SSPP နဲ့ ငြိမ်းချမ်းရေး ဆွေးနွေးဖို့ မြန်မာစစ်တပ် သံဃာတော် ၂ ပါး စေလွှတ်
By နိုင်ကွန်းအိန် VOA

 
ရက်သတ္တ ၂ ပတ်ကျော်ကြာ SSA/SSPP ရှမ်းပြည်တိုးတက်ရေးပါတီ ဌာနချုပ်ကို တိုက်ခိုက်နေတဲ့ မြန်မာအစိုးရတပ်နဲ့ တိုက်ပွဲတွေဟာ အခုအချိန်မှာ မြန်မာအစိုးရ တပ်ဘက်က ဒေသခံ သံဃာတော် ၂ ပါးကို စေလွှတ်ပြီးတော့ ငြိမ်းချမ်းရေး ဆွေးနွေးဖို့ ပြောဆိုလာတယ်လို့ ရှမ်းပြည်တိုးတက်ရေးပါတီ ခေါင်းဆောင်တွေက ပြောပါတယ်။ ဒါပေမဲ့ ငြိမ်းချမ်းရေး ဆွေးနွေးဖို့ကတော့ မြန်မာတပ်အနေနဲ့ ၀မ့်ဟိုင်းဒေသမှာ ထိုးစစ်ဆင်တာ ရပ်တန့်ဖို့၊ တပ်စွဲထားတာ ဆုတ်ပေးဖို့ လိုသလို တရားဝင် ငြိမ်းချမ်းရေး အကျိုးဆောင်တွေ စေလွှတ်ဖို့ လိုတယ်လို့ ရှမ်းပြည်တိုးတက်ရေးပါတီ ပြောရေးဆိုခွင့်ရှိသူက ပြောပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် နိုင်ကွန်းအိန်က တင်ပြပေးထားပါတယ်။
ရှမ်းပြည်တောင်ပိုင်း ကျေးသီးမြို့နယ်ထဲက ရှမ်းပြည်တိုးတက်ရေးပါတီ ၀မ့်ဟိုင်းဌာနချုပ်ကို ၀ိုင်းထားတဲ့ အနေအထားမှာပဲ ငြိမ်းချမ်းရေး ဆွေးနွေးဖို့အတွက် မြန်မာစစ်တပ်ဘက်က မနေ့က ဒေသခံ သံဃာတော် ၂ ပါးကို စေလွှတ်လာတယ်လို့ ရှမ်းပြည်တိုးတက်ရေး ပါတီဘက်က ပြောပါတယ်။ ငြိမ်းချမ်းရေး ဆွေးနွေးဖို့ အတွက်ကတော့ အခုလို သံဃာတော် ၂ ပါးကို စေလွှတ်လာတာဟာ အကျိုးသက်ရောက်မှု မရှိသလို တရားဝင် ဆွေးနွေးသင့်တယ်ဆိုပြီး ရှမ်းပြည်တိုးတက်ရေးပါတီ ဌာနချုပ်ကနေ ပြောဆိုခဲ့တယ်လို့ အဖွဲ့ရဲ့ ပြောရေးဆိုခွင့်ရှိသူ ဗိုလ်မှူး စိုင်းလက ပြောပါတယ်။
“မနေ့က သူတို့က သံဃာတော် ၂ ပါး လွှတ်ခဲ့တယ်လေ။ ၂ ပါးလွှတ်ခဲ့ပြီးတော့ ၀မ့်ဟိုင်းအဖွဲ့က ငြိမ်းချမ်းရေးကို မလိုလားဘူးလားတဲ့ အဲဒီလို လာမေးတယ်ခင်ဗျ။ ကျေးသီးက အဲဒီတပ်က လွှတ်လိုက်တယ်ပေါ့။ ငြိမ်းချမ်းရေးလိုလား မလိုလား ဆိုတာက သူတို့အပေါ် လုံးဝ မူတည်တာပေါ့။ သူတို့က ငြိမ်းချမ်းရေးကို လိုလားတယ် ဆိုရင်တော့ တကယ်တမ်း အဲဒီသံဃာ ၂ ပါးနဲ့ပဲ လွှတ်တယ်ဆိုတာ အကျုံးမ၀င်ဘူးလေ။ သိပ်ပြီးတော့ သက်ရောက်မှု မရှိဘူးပေါ့။ ဒါကြောင့် ကျနော်တို့လည်း ဘာမှတော့ သိပ်မပြောဘူး။
“ဆိုလိုချင်တာကတော့ဗျာ အဲဒီ ပထမဆုံးအဆင့် အနေနဲ့ သူတို့ ၀မ့်ဟိုင်းဒေသမှာ ထိုးစစ်ဆင်နေတဲ့ အဲဒီတပ်တွေ၊ နောက် တပ်စွဲထားတဲ့ဟာတွေ၊ ကျနော်တို့ နယ်မြေထဲက သူတို့ ဆုတ်ခွာရမယ်။ သူတို့က အကောင်အထည် ဖော်မှပဲ ဖြစ်နိုင်မှာပါ။ အဲဒါ နှစ်ဘက်ဆွေးနွေးမှု တရားဝင်ကော်မတီ ဖွဲ့ပြီးမှ ဆွေးနွေးရင် ကောင်းမယ်။ သူတို့က လွှတ်ခဲ့တယ်ဆိုတော့ ကျနော်တို့ ပြောထားတဲ့အတိုင်း သူပြန်သွားပြောမှာပဲခင်ဗျ။”
ဇူလိုင်လ ၁၁ ရက်နေ့ကစပြီး မြန်မာစစ်တပ်ကနေ ရှမ်းပြည်တိုးတက်ရေးပါတီ ဌာနချုပ်ကို အင်အား အလုံးအရင်းနဲ့ တိုက်ခိုက်လာခဲ့ရာကနေ စပြီး နှစ်ဘက် တိုက်ပွဲတွေ ဖြစ်ပွားခဲ့ပါတယ်။ မြန်မာစစ်တပ်အနေနဲ့ ၀မ့်ဟိုင်းဌာနချုပ် အနီးကပ်ဆုံး နေရာကို ရောက်နေပေမဲ့လည်း ဒီရက်ပိုင်းတွေမှာ ထိုးစစ်တွေ ရပ်တန့်နေတယ်လို့ ရှမ်းပြည်တိုးတက်ရေး ပါတီဘက်က ပြောပါတယ်။
အခုလို ငြိမ်းချမ်းရေး ဆွေးနွေးဖို့ မြန်မာစစ်တပ်ကနေ သံဃာတော်တွေကို စေလွှတ်ပြီးတော့ ကမ်းလှမ်းလာတာဟာ ရှမ်းပြည်တိုးတက်ရေးပါတီ အနေနဲ့ ကြိုဆိုပေမဲ့ ပါတီရဲ့ လိုလားချက်ကိုတော့ အဖွဲ့ရဲ့ ပြောရေးဆိုခွင့်ရှိသူ ဗိုလ်မှူး စိုင်းလက အခုလို ပြောပါတယ်။
“တကယ်တမ်း အထက်အမိန့်အရ ဆိုရင်တော့ တရားဝင် အဲဒီ ကျနော်တို့ နိုင်ငံရေးပါတီတွေလည်း ရှိတာပဲ။ အဲဒါ အရင်လွှတ်ပြီးတော့ ဆက်သွယ်ရမယ်လေ။ အခုက သံဃာတော် ၂ ပါးပဲ လွှတ်တာဆိုတော့ ကျနော်တို့က အတည်ပြုလို့ မရသေးဘူး။ ကျနော်တို့ တောင်းဆိုချင်တာက သူတို့တပ်တွေ ဆုတ်ခွာပေးဖို့ပဲ။ ကျနော်တို့ဒေသ တည်ငြိမ်အေးချမ်းမှု ရအောင်နဲ့ အဲဒီ တပြည်လုံး အတိုင်းအတာ ပြည်တွင်းစစ် ရပ်စဲဖို့က သူတို့ပေါ်မှာပဲ မူတည်တာပေါ့။ တကယ်တမ်း ကျနော်တို့အပေါ် စေတနာရှိရိုး မှန်ရင်တော့ သူတို့တပ်တွေ ဆုတ်ခွာပေးဖို့၊ တပြည်လုံး အတိုင်းအတာ ပြည်တွင်းစစ် ရပ်စဲရေးကို ကျနော်တို့က လိုလားတယ်လေ။”
ရှမ်းပြည်တိုးတက်ရေးပါတီ အနေနဲ့ကတော့ မြန်မာစစ်ခေါင်းဆောင်တွေနဲ့ရော ငြိမ်းချမ်းရေး အကျိုးဆောင်တွေနဲ့ရော တရားဝင် ငြိမ်းချမ်းရေး ဆွေးနွေးဖို့ လိုလားပေမဲ့ မြန်မာစစ်တပ်ဘက်က အခုလို သံဃာတော် ၂ ပါးပဲ စေလွှတ်လာတာဟာ စစ်ရေးအရ တိုက်ခိုက်ဖို့ အင်အားစုဆောင်းဖို့ တမင်အချိန်ဆွဲတဲ့ လုပ်ရပ်တခုလို့ အမည်မဖော်လိုသူ တပ်မှူးတဦးက ပြောပါတယ်။
အလားတူ KIO ခေါ် ကချင်လွတ်လပ်ရေး အဖွဲ့တွေနဲ့ အစိုးရတပ်တွေအကြား အပစ်အခတ်ရပ်စဲရေး ကြားဝင် ဆောင်ရွက်ပေးနေတဲ့ ကချင်ပြည်နယ် အစိုးရ ကိုယ်စားလှယ်အဖွဲ့ ခေါင်းဆောင် ဗိုလ်မှူးကြီး သန်းအောင်က ယာယီ အပစ်အခတ် ရပ်စဲရေး ကမ်းလှမ်းစာကို ဇူလိုင် ၂၂ ရက်နေ့က KIO ထံ စာပို့လာတဲ့အပေါ် တနိုင်ငံလုံး အတိုင်းအတာ အပစ်အခတ် ရပ်စဲရေးကို လုပ်ဆောင်သွားဖို့ KIO က ထပ်မံ အကြောင်းပြန်လိုက်တယ်လို့ KIO ဘက်က ပြောပါတယ်။ ဇွန်လဆန်းပိုင်းမှာ အပစ်အခတ် ရပ်စဲရေး သဘောတူညီချက်တွေ ပျက်သွားပြီး နောက်ပိုင်း KIO နဲ့ မြန်မာစစ်တပ်တွေ အကြားမှာ ယနေ့တိုင် တိုက်ပွဲတွေ ဖြစ်ပွားနေတဲ့ အခြေအနေမှာ ရှိနေပါတယ်။

ပြည်တော်မပြန်နိုင်တဲ့ ဒုက္ခသည်အိမ်မက် မှတ်တမ်းရုပ်ရှင်

ချင်းမိုင် (မဇ္ဈိမ) ။ ။ တချိန်တုန်းက မြန်မာနိုင်ငံမှာ ရရှိခဲ့တဲ့ ဘဝမျိုးကို စေးစေးလာ အနေနဲ့ အိပ်မက်တွေထဲမှာ သာ ပြန်လည် ရရှိနိုင်ပါတော့တယ်။ သူဟာ သူ့မိသားစု ပိုင်ဆိုင်ခဲ့တဲ့ လယ်ကွင်း၊ သူရဲ့ အချစ်ဆုံး ကျွဲ တွေကို အမှတ်တရ ဖြစ်နေသလို တဘက်မှာလည်း သူအသက် ငါးနှစ်အရွယ်မှာ မြန်မာအာဏာပိုင်တွေရဲ့ အဖမ်းခံရမှု၊ အာဏာပိုင်တွေက သူ့ရဲ့အဖေကို သတ်ခဲ့မှုတွစတဲ့ အကြောင်းအရာတွေကို ပြန်ပြောင်းပြီး အိပ်မက်ဆိုးတွေ မက်နေခဲ့ပါတယ်။
“Burmese Dreaming” မှတ်တမ်းတင် ရုပ်ရှင်ဟာ ထိုင်းနိုင်ငံ ဒုက္ခသည်စခန်းတခုမှာ ရောက်ရှိနေတဲ့ မိန်းကလေးငယ် တယောက်ရဲ့ ခံစားချက်နဲ့ အတူ ကိုယ့်နေရပ်ဒေသကို အိပ်မက်ထဲမှာသာ ပြန်နိုင်တော့တဲ့ ဒုက္ခသည်တွေရဲ့ ဇာတ်ကြောင်းကို ရိုက်ကူး တင်ပြထားတာ ဖြစ်ပါတယ်။

မှတ်တမ်းတင် ရသ ရုပ်ရှင် “Burmese Dreaming” ဟာ စေးစေးလာ ရဲ့ ဖြစ်ရပ်မှန် ဇာတ်ကြောင်းနဲ့အတူ မြန်မာ အာဏာပိုင်တွေရဲ့ ဒုက္ခပေးမှုတွေကြောင့် မြန်မာလူမျိုးတွေနဲ့ တိုင်းရင်သား အများအပြား ရင်ဆိုင်ဖြတ်သန်း နေရတဲ့ ဆင်းရဲဒုက္ခတွေကို တင်ဆက်ထားတာ ဖြစ်ပါတယ်။

စေးစေးလာ ထိုင်းနိုင်ငံကို ထွက်ပြေးလွတ်မြောက် လာခဲ့ပေမယ့် ငါးနှစ်ကြာလာတဲ့ အချိန်အထိ သူ့အိမ်ကို ပြန်နိုင်ခြင်း မရှိသေးပါဘူး။

“Burmese Dreaming” ဟာ မိသားစုထဲကနေ ခွဲထုတ်ခြင်း ခံရပြီး မြန်မာစစ်တပ်ရဲ့ အကျဉ်းချခြင်းလည်း ခံခဲ့ရတဲ့ အထီးကျန် မိန်းကလေးငယ် တယောက်ရဲ့ ရင်နင့်ဖွယ် ဇာတ်ကြောင်းပဲ ဖြစ်ပါတယ်။ မှတ်တမ်းတင် ရုပ်ရှင်က သူ့ဘဝရဲ့ ပျော်ရွှင်မှုတွနဲ့ ခါးသီးမှုတွေကို သူ့ရဲ့အိပ်မက်တွေ၊ ပြန်ပြောင်း သတိရမှုတွေ၊ စိတ်ကူးယဉ်မှုတွေကို အသုံးပြုပြီး ပုံဖော်ထားတာပါ။

“သမီး နိုးလာပါပြီ၊ သမီးဟာ အခုဆို ထိုင်းမြန်မာ နယ်စပ်burmese-dreaming-film-2
က ဒုက္ခသည် စခန်းမှာ ရောက်ရှိနေပါတယ်။ ဒီကို
ရောက်လာတာ ငါးနှစ်ရှိပေမယ့် သမီးရဲ့ စိတ်ကတော့
ဒီမှာ မရှိပါဘူး။ သမီးရဲ့ စိတ်ကူးတွေ၊ အိပ်မက်တွေထဲမှာ
မွေးရပ်နိုင်ငံ အကြောင်းပဲ ရှိနေပါတယ်” လို့ သူက
ပြောပြထားပါတယ်။

မှတ်တမ်းတင် ရုပ်ရှင်ကားထဲမှာ ဒုက္ခသည် စခန်းတွေ ထဲက မြင်ကွင်းတွေ၊ မီဒီယာ လွတ်လပ်ခွင့် မရှိတဲ့
မြန်မာနိုင်ငံထဲမှာ ရိုက်ကူးခဲ့တဲ့ မြင်ကွင်းတွေကို တလှည့်စီ ရောထွေး တင်ဆက်ထားပါတယ်။

သြစတြေးလျ ဓာတ်ပုံဆရာနဲ့ ရုပ်ရှင်ရိုက်ကူးသူ Timothy Syrota က သူ့အနေနဲ့ ၁၉၉၆ မြန်မာ့ခရီးသွားနှစ် အပြီး တနှစ်အကြာ ၁၉၉၇ ခုနှစ်မှာ မြန်မာနိုင်ငံကို ပထမဆုံးအကြိမ် သွားရောက်ခဲ့ပြီးတော့ ဒီမှတ်တမ်း ရုပ်ရှင်ကို ရိုက်ကူးဖို့ စိတ်ကူးရလာတာလို့ ပြောခဲ့ပါတယ်။

အဲဒီ့အချိန်က မြန်မာနိုင်ငံဟာ နိုင်ငံခြား ဧည့်သည်တွေကို လက်ခံနိုင်တဲ့ အနေအထား သိပ်မရှိသေးပါဘူး။ “ကျနော်
ငယ်ငယ်ကတည်းက အာရှတခွင် နေရာတော်တော် များများကို သွားခဲ့ဖူးပါတယ်။ ဒါပေမယ့် မြန်မာနိုင်ငံလို ဖွံ့ဖြိုးမှုတွေ၊ အခြေခံ အဆောက်အဦးတွေ ချို့တဲ့ပြီး နောက်ကို
ပြန်ဆုတ်နေတဲ့ နိုင်ငံ၊ လာဘ်စားမှုတွေ ဖိနှိပ်မှုတွေ ပေါများတဲ့ နိုင်ငံမျိုး တွေ့လိမ့်မယ်လို့ မျှော်လင့်မထားခဲ့ပါဘူး” လို့ Syrota က ပြောခဲ့ပါတယ်။

“ဒါကြောင့် မှတ်တမ်းတင် ရုပ်ရှင်ကားတကား ရိုက်ကူးဖို့အတွက် ပြန်သွားဖို့ ကျနော် ဆုံးဖြတ်ခဲ့ပါတယ်။ ကျနော့်ရဲ့ ပထမဆုံး ခရီးစဉ်နှစ်ခုအပြီး သြစတြေးလျကို ပြန်ရောက်တဲ့အခါမှာ ကျနော့်ရဲ့ ပထမစာအုပ် ဖြစ်တဲ့ “Welcome to Burma and Enjoy the Totalitarian Experience” ကို ထုတ်ဝေနိုင်ခဲ့ပါတယ်။ (၂ဝဝ၁ ခုနှစ်တွင် Orchid စာပုံနှိပ်တိုက်က ထုတ်ဝေခဲ့သည်။) နောက်ပြီး ကျနော်မြန်မာနိုင်ငံမှာ ရိုက်ကူးခဲ့တဲ့ ဓာတ်ပုံတွေကို ဓာတ်ပုံပြပွဲတွေ လုပ်ခဲ့ပါသေးတယ်။ ဒါကြောင့်မို့ မှတ်တမ်းတင် ရုပ်ရှင်ရိုက်ကူးရေးက အနည်းငယ် ကြန့်ကြာသလို ဖြစ်သွားပေမယ့် လုပ်မယ်ဆိုတဲ့ ရည်ရွယ်ချက်က ကျနော့်စိတ်ထဲမှာ အမြဲရှိနေခဲ့ပါတယ်”လို့ သူက ထပ်ပြောခဲ့ပါတယ်။

မြန်မာနိုင်ငံနဲ့ ပတ်သတ်တဲ့ သတင်း အချက်အလက်တွေ နည်းပါးနေမှုကြောင့် Syrota အနေနဲ့ ရုပ်ရှင် ရိုက်ကူးသင့်တယ်လို့ ခံစားမိပြီး မြန်မာနိုင်ငံသားများ ခံစားနေရတဲ့ ဒုက္ခအကျပ်အတည်း အပေါ် လေးလေးနက်နက် ကရုဏာ သက်မိတယ်လို့လည်း ပြောခဲ့ပါသေးတယ်။

အဲဒီ့မှတ်တမ်းတင် ရုပ်ရှင်ကို ရိုက်ကူးတဲ့နေရာမှာ စံချိန်မီ ကင်မရာ သုံးပြီး ပေါ်တင် ရိုက်ကူးခဲ့တဲ့ အတွက်
အာရုံအစိုက် ခံရကာ ဦးနှောက် ခြောက်စရာတွေလည်း ကြုံခဲ့ရတယ်လို့ ဆိုပါတယ်။ မြန်မာနိုင်ငံဟာ
နိုင်ငံခြားသား သတင်းထောက်တွေ အတွက် သတင်းထောက်လှမ်း ရိုက်ကူးဖို့ ခက်ခဲတဲ့ နိုင်ငံဖြစ်ပြီး
မိသွားခဲ့ရင်လည်း ချက်ခြင်း နှင်ထုတ်ခံရမှာ ဖြစ်ပါတယ်။

“ရွေးချယ်စရာ နှစ်ခု ရှိပါတယ်။ တတ်နိုင်သမျှ လျှို့လျှို့ဝှက်ဝှက် ရိုက်ကူးဖို့နဲ့ ဒုတိယနည်းကတော့ ပေါ်တင် ရိုက်ကူးဖို့ ဖြစ်ပါတယ်။ ပေါ်တင် ရိုက်ရင်တော့ သံသယတွေကို လျော့ပါးစေနိုင်ပါတယ်” လို့ Syrota က
ပြောခဲ့ပါတယ်။

“ကျနော်ကတော့ ဒုတိယနည်းကို ရွေးခဲ့ပါတယ်။ ကျနော့်အနေနဲ့ အာဏာပိုင်တွေနဲ့ ပြဿနာတက်ပြီး အဆုံးသတ်သွားမှာကိုတော့ အမြဲစိုးရိမ် ခဲ့ပါတယ်။ ကျနော့် အနေနဲ့ ပထမတခေါက် မြန်မာနိုင်ငံကို သွားတုန်းက ပြဿနာ အနည်းအကျဉ်း ရှိခဲ့ပါတယ်။ ကျနော် ရိုက်ကူးထားတဲ့ tape တွေကို ကူညီချင်တဲ့ ခရီးသွားတွေရဲ့ အကူအညီနဲ့ မြန်မာနိုင်ငံ အပြင်ဘက်ကို ထုတ်ခဲ့ရပါတယ်” လို့လည်း အခက်အခဲကို
ပြောပြပါတယ်။

ဒုက္ခ အကြီးအကျယ် ရောက်မှာကိုလည်း အမြဲပူပန်နေရကြောင်း Syrota က ထပ်ပြောပြန်ပါတယ်။

“တရက် တရက်မှာ ကျနော် ဘာတွေကို ရိုက်ကူးချင်တယ် ဆိုတာကို အစီအစဉ်ချ ရိုက်ကူးပြီးတော့ တခြားအပိုတွေကိုတော့ သိပ်မရိုက်ကူးဖြစ်ပါဘူး” လို့ သူက ဆိုပါတယ်။
burmese-dreaming-film-3
“ပြဿနာတွေ တက်တဲ့ အခါမှာတော့ ကျနော့် တိပ်ခွေတချို့ အသိမ်းခံလိုက် ရပါတယ်။ နောက်နေ့မှာ ဗြိတိသျှ သံရုံးရဲ့ ကျေးဇူးနဲ့ ကျနော် နိုင်ငံကနေ ထွက်ခွာခဲ့ပါတယ်” လို့ Syrota က ပြောခဲ့ပါတယ်။

ရုပ်ရှင်ရိုက်ကူးသူ Miahael Moore နဲ့ Meryl Streep တို့ကို ကူညီပေးခဲ့တဲ့ အမေရိကန်နိုင်ငံ ကာလီဖိုးနီးယား
ပြည်နယ် Beverly Hills မှာ အခြေစိုက်တဲ့ Ostrow & Company ထိပ်တန်း ထုတ်လုပ်ဖြန့်ချိရေး ကုမ္ပဏီကလည်း ဒီမှတ်တမ်းတင် ရုပ်ရှင်ကားကို ကူညီခဲ့ပါတယ်။ အဲဒီ့ကုမ္ပဏီဟာ တနှစ်ကို ရုပ်ရှင်ကား အနည်းငယ်ပဲ လက်ခံ
ဆောင်ရွက်တဲ့ ကုမ္ပဏီလည်း ဖြစ်ပါတယ်။

အစပိုင်းမှာ မှတ်တမ်းတင် ရုပ်ရှင်ကားရဲ့ အိပ်မက်ဆန်ဆန် ရိုက်ကူး တင်ဆက်ထားမှုကြောင့် အလုပ်မဖြစ်မှာကို အနည်းငယ် စိုးရိမ်ခဲ့တယ်လို့ Syrota က ဆိုပါတယ်။

“အိပ်မက်ဆန်ဆန် ရိုက်ကူးထားမှုကြောင့် Ostrow & Company အနေနဲ့ ဈေးကွက်တင် ဖြန့်ဖြူးဖို့ အခက်အခဲတွေ ရှိမှာကို စိုးရိမ်မိတယ်လို့ အစောပိုင်း ဆွေးနွေးပွဲတွေမှာ ကျနော်က ပြောခဲ့ပါသေးတယ်။ ဒါပေမယ့် ကုမ္ပဏီရဲ့ အလုပ် အမှုဆောင်အဖွဲ့ဝင်တွေက ကုမ္ပဏီအနေနဲ့ ဒီရုပ်ရှင်ကို အထူးတလည် စိတ်ဝင်စားရတာဟာ အဲလိုရိုက်ကူးတင်ဆက် ထားမှုတွေကြောင့် အဓိကဖြစ်တယ်လို့ ပြောကြပါတယ်” လို့ Syrota က ရှင်းပြခဲ့ပါတယ်။

“Burmese Dreaming” မှတ်တမ်းတင် ရုပ်ရှင်ဟာ ထိုင်းနိုင်ငံ ဒုက္ခသည်စခန်းတခုမှာ ရောက်ရှိနေတဲ့ မိန်းကလေးငယ် တယောက်ရဲ့ ခံစားချက်နဲ့ အတူ ကိုယ့်နေရပ်ဒေသကို အိပ်မက်ထဲမှာသာ ပြန်နိုင်တော့တဲ့ ဒုက္ခသည်တွေရဲ့ ဇာတ်ကြောင်းကို ရိုက်ကူး တင်ပြထားတာ ဖြစ်ပါတယ်။

http://www.mizzimaburmese.com/news/inside-burma/8020-2011-07-26-08-57-32.html

စောချစ်သူအတွက်တေးလက်ဆောင်

7 htarwara kawthoolei.flv

DKBA ဗိုလ်မှူးဆန်းအောင်နဲ့ ကိုးဒီသွေး မီဒီယာ အင်တာဗျူး

အချင်းချင်းတိုက်တာ မဆုံးနိုင်တော့ပါလား? စဉ်းစားကြပါဦး ဘယ်သူကြောင့်လဲဆိုတာ

DKBA ဗိုလ်ဘိအဖွဲ့ နဲ့  စောချစ်သူ BGF တို့တိုက်ပွဲဖြစ်

သန်းထိုက်ဦး Friday, 22 July 2011 14:19

ကရင်ပြည်နယ် လှိုင်းဘွဲ့မြို့နယ် မြိုင်ကြီးငူ အထူးဒေသရှိ ထီးလာနဲရွာတွင် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်ဖွဲ့ဝင်များ အချင်းချင်း ယနေ့ နံနက်က တိုက်ပွဲဖြစ်ပွားခဲ့ကြောင်း သိရသည်။

နယ်ခြားစောင့်တပ်မှ ခွဲထွက်သွားသည့် DKBA တပ်ရင်း ၄ ရင်းကို ဦးဆောင်နေသူ တပ်ရင်းမှူး ဒု ဗိုလ်မှူးကြီး စောဘိ (ဗိုလ်ဘိ) ၏ တပ်ဖွဲ့ဝင်များအား DKBA ခေါင်းဆောင်ဟောင်း တဦးဖြစ်သည့် ဗိုလ်မှူးကြီး စောချစ်သူ (ဗိုလ်ချစ်သူ) တပ်ဖွဲ့ဝင်များက သွားရောက်တိုက်ခိုက်ခဲ့ကြောင်း ကရင်အမျိုးသား အစည်းအရုံး (KNU) ဘားအံခရိုင် ဥက္ကဋ္ဌ ဖဒို စောအောင်မော်အေးက ဧရာဝတီသို့ ပြောသည်။

အစိုးရကို သစ္စာခံထားသော နယ်ခြားစောင့်တပ် အမှတ် (၁၀၁၉) တပ်ရင်းမှူး စောလိုက်သိန့် ဦးဆောင်သော တပ်ဖွဲ့ဝင်များ အပါအ၀င် ဗိုလ်ဖားနွီးတပ်ဖွဲ့ဝင်များနှင့် ဗိုလ်ချစ်သူတပ်တို့ ပူးပေါင်း၍ သွားရောက် တိုက်ခိုက်ခဲ့ကြောင်း ၎င်းက ဆိုသည်။

တိုက်ပွဲတွင် နှစ်ဖက် စစ်သည်အင်အား ၄၀၀ ခန့် ရှိကြောင်း၊ သေဆုံး ထိခိုက် ဒဏ်ရာ ရသူများ၏ အခြေအနေများကို စုံစမ်းဆဲဖြစ်ကြောင်း စောအောင်မော်အေးက ဆက်ပြောသည်။

KNU တပ်မဟာ (၇) မှ ဗိုလ်မှူးချုပ် စောဂျော်နီက ယင်း တိုက်ပွဲအခြေအနေများနှင့် ပတ်သက်၍ ဆက်လက်ဖြစ်ပွား လာနိုင်ကြောင်း ပြောဆိုသည်။ 

ပြီးခဲ့သည့် မေလတွင် ခွဲထွက်သွားသော ဗိုလ်ဘိ ဦးဆောင်သည့် ကရင် နယ်ခြားစောင့် တပ်ရင်း ၄ ရင်းကို ပြည်လည်စည်းရုံးရန် ဗိုလ်ချစ်သူက ဇူလိုင်လဆန်းပိုင်းတွင် ကြိုးပမ်းပြီးနောက် နှစ်ဖက် စစ်ရေးတင်းမာ၍ မြိုင်ကြီးငူဒေသ အပြင်ဘက်တွင် နေရာယူထားခဲ့ကြ ခြင်းဖြစ်သည်။

လှိုင်းဘွဲ့မြို့နယ် ပိုင်ကျုံမြို့နယ်ခွဲတွင် ဇူလိုင်လ ၂၀ ရက်နေ့ကလည်း KNU တပ်ဖွဲ့ဝင်များနှင့် နယ်ခြားစောင့်တပ်ဖွဲ့ဝင်များ ရင်ဆိုင် တိုက်ပွဲ ဖြစ်ပွားခဲ့သေးကြောင်း သိရသည်။ ယင်း တိုက်ပွဲတွင် နယ်ခြားစောင့်တပ်ဖွဲ့ဝင်တဦး ကျဆုံးခဲ့ပြီး ၆၀ မမ လက်နက် အမျိုးအစား တလက်နှင့် လက်နက်ခဲယမ်းများကို သိမ်းဆည်းရမိကြောင်း စောအောင်မော်အေးက ပြောသည်။

ဇွန်လကုန်တွင် ဗိုလ်ဘိ၏ အဖွဲ့က မြိုင်ကြီးငူဒေသရှိ တခွက်ဖိုးရွာအနီး အခြေစိုက်သည့် နယ်ခြားစောင့်တပ် အမှတ် (၁၀၁၁) ကို တိုက်ခိုက်ခဲ့ရာ တပ်ရင်းမှူး ဒု ဗိုလ်မှူးကြီး စိုးနိုင် ကျဆုံးခဲ့သည်။

ကရင်ပြည်နယ်တွင် ဖြစ်ပွားသော တိုက်ပွဲ၊ မငြိမ်မသက်မှုများနှင့် ပတ်သက်ပြီး အစိုးရက သတင်းထုတ်ပြန်ခြင်း မရှိသေးပေ။

ယမန်နှစ် သြဂုတ်လတွင် နယ်ခြားစောင့်တပ် တပ်ဖွင့်ပွဲ အခမ်းအနားများကို လှိုင်းဘွဲ့မြို့နယ် မြိုင်ကြီးငူ ဒေသ၊ ပိုင်ကျုံမြို့နယ် ထန်းတပင်ကျေးရွာ၊ မြ၀တီမြို့နယ် မဲပလဲ့ဒေသ၊ ကော့ကရိတ်မြို့နယ် ထီးဟူးသံ ကျေးရွာနှင့် ကွင်းကလေးဒေသတို့တွင် စစ်အစိုးရက ဦးဆောင်၍ ကျင်းပခဲ့သည်။

DKBA သည် ၁၉၉၅ ခုနှစ်တွင် KNU မှ ခွဲထွက်ပြီးနောက် စစ်အစိုးရနှင့် အပစ်အခတ်ရပ်စဲကာ တဖြည်းဖြည်း အင်အားကြီးမားလာသည့် လက်နက်ကိုင် တပ်ဖွဲ့ တဖွဲ့ဖြစ်သည်။

မြန်မာဘက်ပို့မည့် လက်နက်များ မဲဆောက်တွင်မိ

ဧရာဝတီ Friday, 22 July 2011 15:34

မြန်မာပြည်ဘက်သို့ သွားရောက်ပို့ဆောင်မည့် လက်နက်များကို ထိုင်းရဲများက ယမန်နေ့ ညနေပိုင်းတွင် မဲဆောက်မြို့၌ ဖမ်းဆီးလိုက်သည်။

ဖမ်းဆီးရမိသည့် လက်နက်များမှာ M 16 အမျိုးအစား သေနတ်တလက်၊ မောင်းပြန် ရိုင်ဖယ် ၅ လက်နှင့် ကျည်ဆန်များ၊ ဆက်စပ်ပစ္စည်းများဖြစ်ကြောင်း သိရသည်။


ယင်း လက်နက်များကို ဖိဆန်နုလွတ်ခရိုင်မှတဆင့် ထိုင်းနိုင်ငံသား နိုင်နလုလုံး ဘူဆလာခန်က သယ်ယူလာစဉ် မဲဆောက်အနီးရှိ ဟွေ့ယာအု စစ်ဆေးရေးဂိတ်တွင် အဖမ်းခံရခြင်းဖြစ်သည်။

ဘူဆလာခန်က “ဒီပစ္စည်းတွေက မဲဆောက်-မြ၀တီနယ်စပ်က လူတွေဆီ သွားပို့ပေးဖို့ အခကြေးငွေ ဘတ် ၂ ထောင်နဲ့ ဒီပစ္စည်းတွေကို သယ်လာတာပါ” ဟု ထိုင်းရဲထံတွင် ထွက်ဆိုခဲ့သည်။

သတင်းထောက်များ၏ အသေးစိပ် မေးမြန်ချက်များကိုမူ ဘူဆလာခန်က ဖြေကြားရန် ငြင်းဆိုခဲ့သည်။

၎င်း၏ ထွက်ဆိုချက်များနှင့် ပတ်သက်၍ အမှုကွင်းဆက်များ အသေးစိပ်ရရှိရန် ဆက်လက်စစ်ဆေးမှုများ ပြုလုပ်သွားရမည်ဟု မဲဆောက်ရဲတပ်ဖွဲ့မှ ရဲဗိုလ်မှူးကြီး ဒေချာဝထနဖနုံ က ဒေသခံသတင်းထောက်များကို ပြောသည်။

၎င်းက “ဒီလက်နက်တွေက မြန်မာဘက်က တိုင်းရင်းသား လက်နက်ကိုင်အဖွဲ့တွေဆီ သွားပို့ကြတာများတယ်။ ဒီအမှုနဲ့ပတ်သက်ပြီး ဆက်လက်ဖော်ထုတ် စစ်ဆေးသွားမှာဖြစ်တယ်။ အခုဖမ်းမိတဲ့ လက်နက်တွေက ထိုင်းစစ်တပ်နဲ့ တခြားလက်နက်ကိုင် တပ်ဖွဲ့တွေက ပျောက်ဆုံးသွားတဲ့ လက်နက်တွေ ဟုတ်မဟုတ်လည်း စစ်ဆေးသွားမှာ ဖြစ်တယ်” ဟု ပြောသည်။

ကရင်ပြည်နယ် မြ၀တီအခြေစိုက် တိုင်းရင်းသား လက်နက်ကိုင်အဖွဲ့တခုမှ အမည်မဖော်လိုသည့် တာဝန်ရှိသူတဦးက “မြ၀တီနယ်စပ်မှာ တိုင်းရင်းသား လက်နက်ကိုင်အဖွဲ့ ၃ ဖွဲ့ရှိတယ်။ လိုအပ်တဲ့ လက်နက်ခဲယမ်းတွေကို ဟိုဘက်ကမ်း (ထိုင်း) ကပဲ ၀ယ်ရတယ်။ ကျနော်တို့အဖွဲ့လည်း ဒီလိုပါပဲ။ အခုလို အဖမ်းခံရတဲ့ ပြဿနာအများစုက သူတို့အချင်းချင်း ပြန်ပြီး အတို့အထောင်လုပ်လို့ ဖြစ်တာများတယ်” ဟု ဆိုသည်။

မြန်မာဘက်သို့ လက်နက်ပွဲစားများ လာရောက်ပို့ဆောင်သည့် လက်နက်ခဲယမ်းများမှာ အသုံးပြုပြီးသား တပတ်ရစ်များ ဖြစ်သော်လည်း လိုအပ်ချက်အရ တန်ဖိုးငွေ အဆမတန်ပေး၍ ၀ယ်ယူ အသုံးပြုနေရသည်ဟုလည်း ၎င်းက ပြောသည်။

ထိုင်း-မြန်မာနယ်စပ်ရှိ လက်နက်ပွဲစားတဦးက “မြ၀တီအပါအ၀င် မြန်မာနယ်စပ်မှာရှိတဲ့ တိုင်းရင်းသား လက်နက်ကိုင် အဖွဲ့ခွဲတွေကများတော့ ၀ယ်အားနဲ့ ရောင်းအားမှာ ၀ယ်အားက များတယ်” ဟု ပြောသည်။

M 16 သေနတ် တပတ်ရစ်၊ အရည်အသွေး ၅၀ ရာခိုင်နှုန်းကောင်းသေးလျှင် တလက် ထိုင်းဘတ် ၂ သောင်းကျော် (ကျပ် ၅ သိန်းကျော်)၊ ယင်းကျည်ဆန် တတောင့်လျှင် ၁၃ ဘတ် (၃၃၀ ကျပ်ခန့်)၊ AK 47 သေနတ် အရည်အသွေး ၅၀ ရာခိုင်နှုန်း ကောင်းသေးလျှင်လည်း ဘတ် ၂ သောင်းကျော်နှင့် ယင်းကျည်ဆန် တတောင့်လျှင် ၁၅ ဘတ် (၃၈၀ ကျပ်ခန့်)၊ M 79 ကျည်မှာ တလုံးကို ဘတ် ၁ ထောင်ကျော် (ကျပ် ၂ သောင်းခွဲကျော်) ဈေးပေါက်ကြောင်း အဆိုပါ လက်နက်ပွဲစားက ရှင်းပြသည်။

၎င်းက ဆက်လက်၍ ထိုင်း-မြန်မာနယ်စပ်ရှိ လက်နက်ရောင်းဝယ်ဖောက်ကားသည့် ဈေးကွက်သည် သာမန်လူများ လုပ်ကိုင်၍ရသည့် လုပ်ငန်းမဟုတ်ကြောင်းလည်း ပြောကြားသည်။

နော်ဝေအစိုးရအဆောက်အဦးများ ဗုံးခွဲခံရ

သာကြာ, 22 ဇူလိုင် 2011 VOA

 

ဓာတ်ပုံ AP

ပေါက်ကွဲမှုကြောင့် ထိခိုက်ပျက်စီးခဲ့သည့် အဆောက်အဦးတခုမှထွက်ပေါ်လာသည့် ပျက်စီးစများနှင့် မီးခိုးများကို တွေ့မြင်ရပုံ (ဇူလိုင်လ ၂၂၊ ၂၀၁၁)

နော်ဝေနိုင်ငံ အော်စလို (Oslo) မြို့လယ် အစိုးရ ဗဟိုအဆောက်အဦးတွေဟာ ကြီးမားတဲ့ ပေါက်ကွဲမှုကြောင့် ပျက်စီးခဲ့ရပြီး လူအတော်များများ ဒဏ်ရာ ရရှိသွားခဲ့ပါတယ်။ အစိုးရအဆောက်အဦးနားက ရေနံဝန်ကြီးဌာန အဆောက်အဦးဟာလည်း ပေါက်ကွဲမှုကြောင့် မီးလောင်ကျွမ်းခဲ့ရပါတယ်။ ပေါက်ကွဲမှုကြောင့် ၁၇ ထပ်ရှိတဲ့ အဆောက်အဦးရဲ့ ပြတင်းမှန်တွေ အစိတ်စိတ်အမွှာမွှာ ကွဲကျေခဲ့ပါတယ်။
အစိုးရ ဗဟိုအဆောက်အဦးမှာ နော်ေ၀၀န်ကြီးချုပ် ယန်စ် စတိုလန်ဘာ့ဂ် (Jens Stoltenberg) ရဲ့ ရုံးခန်းလည်း ပါဝင်ခဲ့ပါတယ်။ ဒါပေမဲ့ အဲဒီနေ့လယ်ခင်း ပေါက်ကွဲမှုကြောင့် ၀န်ကြီးချုပ် ထိခိုက်ဒဏ်ရာမရခဲ့ဘူးလို့ သိရပါတယ်။
ပေါက်ကွဲမှုကြောင့် အနားတ၀ိုက် လူနေအိမ် အပါအ၀င် နော်ဝေနိုင်ငံရဲ့ အကြီးဆုံးလူဖတ်များတဲ့ သတင်းစာ VG နဲ့ တခြား ရုံးအဆောက်အဦးတွေရဲ့ ပြတင်းပေါက်တွေ လွှင့်ထွက်သွားခဲ့တယ်လို့ ဆိုပါတယ်။ ပေါက်ကွဲရတဲ့အကြောင်းရင်းကို ခုထက်ထိ မသိရသေးပေမဲ့ ပျက်စီးသွားတဲ့ ကားတစီးကို အဆောက်အဦးအပြင်ဖက်မှာ မြင်တွေ့ရတဲ့အတွက် ကားနဲ့ဗုံးခွဲတိုက်ခိုက်ခဲ့ပုံ ရတယ်လို့ သတင်းတွေ ထွက်ပေါ်လာပါတယ်။
မျက်မြင်သက်သေတွေရဲ့ အဆိုအရ အစိုးရ အဆောက်အဦးထဲက ထွက်ပြေးလာသူတွေနဲ့ သယ်ထုတ်လာသူတွေကို သွေးအလိမ်းလိမ်းနဲ့ တွေ့မြင်ကြရတယ်လို့ ဆိုပါတယ်။ လူတွေ ကြောက်လန့်တကြား ထွက်ပြေးနေကြပြီး ရိုက်တာသတင်းထောက်ရဲ့ မျက်မြင်တွေ့ရှိချက်အရ အနည်းဆုံး လူ ၈ ယောက် ဒဏ်ရာရခဲ့တယ်လို့ ဆိုပါတယ်။

ကေအဲန်ယူနှင့် တိုက်ခိုက်မှုကြောင့်နယ်ကြားစောင့် BGF တပ်ဖွဲ့ဝင် ၁ဦး ကျဆုံ

Submitted by admin on Thursday, 21 July 2011

ဇူလိုင်လ ၂၁ရက်။ နန်းသူးလေ (ကေအိုင်စီ)

ကရင်ပြည်နယ် ပိုင်ကျုံမြို့နယ်အတွင်းရှိ ထီးပယ်ရွာအနားတွင် နယ်ခြားစောင့်တပ်(BGF)နှင့် ကရင်အမျိုးသားလွတ်မြောက်ရေး တပ်မတော်(KLNA)တို့ ယမန်နေ့က တိုက်ပွဲဖြစ်ပွားရာ BGF ဘက်မှ ၁ဦး ကျဆုံးသွားခဲ့သည်ဟု ကေအဲန်ယူဘက်က ပြော သည်။
ယမန်နေ့ နံနက် ၄နာရီတွင် KNLA တပ်မဟာ(၇) တပ်ရင်း(၂၁)၊ (၂၂)တပ်ဖွဲ့ဝင်များနှင့် BGF တပ်ရင်း(၁၀၁၅)တို့ ၁နာရီခွဲအ ကြာ တိုက်ပွဲဖြစ်ပွားခဲ့ပြီး BGF ဘက်မှ ၁ဦး ကျဆုံးကာ လက်နက်ခဲယမ်းအချို့ကို ကေအဲန်ယူဘက်မှ သိမ်းဆည်းရရှိခဲ့သည်ဟု KNU ဖားအံခရိုင် ဥက္ကဌ ပဒိုစောအောင်မော်အေးက ကေအိုင်စီကို ပြောသည်။

Photo-NPG (ကေအဲန်ယူ တပ်မဟာ(၇) တပ်ဖွဲ့ဝင်တစ်ဦး)

၎င်းက “မနေ့က နံနက် ၄နာရီအချိန် ကျနော်တို့ ကေအဲန်ယူ တပ်မဟာ(၇)တပ်ဖွဲ့နဲ့ နယ်ခြားစောင့်တပ်တို့ ထီးပယ်ရွာဘက်မှာ ၁နာရီကြာ တိုက်ပွဲဖြစ်ပြီး ရန်သူဘက်က ၁ယောက်ကျတယ်။ ပြီးတော့ ရန်သူ့ဆီက ၆၀-မမ တစ်လက်၊ RPG-7 ၆လက်၊ စကား ပြောစက် ၂လုံး သိမ်းဆည်းလိုက်တယ်။”ဟု ပြောသည်။ အဆိုပါတိုက်ပွဲမှာ BGF တပ်ဖွဲ့ဝင် ၂၀ဦးရှိသည့် စခန်းကို သိမ်းဆည်းသည့်တိုက်ပွဲဖြစ်ပြီး ၆၀-၄၄ ကျည် ၁၅လုံး၊ ရှေ့ထွက်မိုင်း ၄လုံး၊ ဆေးဝါးတအိတ်နှင့် အီကွင့်မန့် ၅ချပ်ကိုပါ သိမ်းဆည်းရရှိခြင်းဖြစ်ကြောင်း ကေအဲန်ယူ တပ်မဟာ(၇)မှူး ဗိုလ်မှူးချုပ်စော ဂျော်နီက ထပ်မံ ပြောဆိုသည်။
“ကျနော်တို့လူတွေက စောစောစီးစီး စခန်းတက်သိမ်းတဲ့ တိုက်ပွဲပါ။ အဲဒီမှာ နယ်ခြားစောင့်တပ်က ကျဆုံးသွားတဲ့ အလောင်း တစ်ခုတော့ တွေ့တယ်။ ဒဏ်ရာရတာက ၃ယောက်လို့ သိရပေမဲ့ အတည်မပြုနိုင်ဘူး။ စခန်းကိုတော့ မီးရှို့ပစ်လိုက်တာပေါ့။ ဒီ နယ်ခြားစောင့်တွေက အစိုးရစစ်တပ်နဲ့ ပူးပေါင်းတဲ့တပ်တွေလေ။”ဟု ဆိုသည်။
BGF (၁၀၁၅) တပ်ရင်းကို ဗိုလ်မှူးစောဝင်းနိုင်စိန်က တပ်ရင်းမှူးအဖြစ် ဦးစီးကာ ပိုင်ကျုံမြို့နယ်၊ ထန်းတပင်ကျေးရွာတွင် ၎င်း ၏တပ်ရင်းဌာနချုပ် ထားရှိကြောင်း ကေအဲန်အယ်လ်အေဘက်က ဆိုသည်။
အလားတူ ပြီးခဲ့သည့် ဇူလိုင်လ ၅ရက်နေ့က ကရင်ပြည်နယ်၊ မြ၀တီမြို့နယ် မဲ့ပလဲ့တိုဂွင်၌ လှုပ်ရှားနေသည့် နယ်ခြားစောင့်တပ် ဖွဲ့နှင့် ကရင်အမျိုးသားလွတ်မြောက်ရေးတပ်မတော် KNLA တပ်မဟာ(၇)တပ်ဖွဲ့များ တိုက်ပွဲများဖြစ်ပွားခဲ့ရာ BGF ဘက်မှ ၃ဦး ထိခိုက်ဒဏ်ရာရရှိခဲ့သည်ဟု သိရသည်။

နိုင်ငံတကာခုံရုံး အလိုရှိ ဆာ့ဘ်ဝရမ်းပြေး ဖမ်းဆီးမိ

ဗုဒ္ဓဟူး, 20 ဇူလိုင် 2011
By ဗွီအိုအေ (မြန်မာဌာန)
ဓာတ်ပုံ AP
ဂိုရန် ဟာ့ဒ်ဇစ်ခ်။
စစ်အတွင်း ကျူးလွန်တဲ့ ပြစ်မှုတွေနဲ့ ကုလသမဂ္ဂရဲ့ ခုံရုံးမှာ တင်ဖို့ ကျန်နေသေးတဲ့ နောက်ဆုံးလူတဦးဖြစ်တဲ့ ဂိုရန် ဟာ့ဒ်ဇစ်ခ် (Goran Hadzic) ကို ဆားဘီးယား အာဏာပိုင်တွေက ဖမ်းဆီးလိုက်ပြီလို့ ပြောပါတယ်။
၁၉၉၀ ခုနှစ်တွေက ဖြစ်ပွားခဲ့တဲ့ စစ်ရေး ပဋိပက္ခတွေအတွင်း ပြစ်မှုကျူးလွန်ခဲ့ပြီး ၀ရမ်းပြေးဖြစ်နေတဲ့ ခရိုအေးရှားက ဆာ့ဘ်သူပုန်ခေါင်းဆောင် ဂိုရန် ဟာ့ဒ်ဇစ်ခ်ကို သူတို့ ဖမ်းမိထားတာ သေချာတဲ့အကြောင်း ဆားဘီးယားသမ္မတ ဘိုးရစ် တာဒစ်ခ် (Boris Tadic) က ဒီကနေ့ပဲ အတည်ပြု ပြောဆိုပါတယ်။ သူ့ကို ဒီကနေ့ မနက်ပိုင်းက ဖရာစကာ ဂိုရာ (Fruska Gora) တောင်တန်းဒေသမှာ ဖမ်းမိခဲ့တာလို့ ဆိုပါတယ်။
၂၀၀၄ ခုနှစ်တုန်းက သူ့ကို လူသားမျိုးနွယ်ပေါ် ကျူးလွန်တဲ့ပြစ်မှု၊ စစ်အတွင်း ကျူးလွန်တဲ့ ပြစ်မှုတွေနဲ့ အရေးယူဖို့ လုပ်ခဲ့ချိန်ကတည်းက သူက ထွက်ပြေးနေခဲ့တာပါ။ သူဟာ ဆာ့ဘ်လူမျိုး မဟုတ်တဲ့ သူတွေကို ရာနဲ့ချီ သတ်ဖြတ်ဖို့ အမိန့်ပေးခဲ့တဲ့သူဖြစ်ပြီး ထောင်နဲ့ချီတဲ့ ဆာ့ဘ်လူမျိုး မဟုတ်သူတွေကိုလည်း တိုင်းပြည်ကနေ နှင်ထုတ်ဖို့ အမိန့်ပေးခဲ့တဲ့သူပါ။
အခုလို သူ့ကို ဖမ်းဆီးမိခဲ့တဲ့အတွက် လိုလိုလားလားကို ကြိုဆိုတယ်လို့ ဥရောပသမဂ္ဂက ဒီကနေ့ပဲ ပြောပါတယ်။
နယ်သာလန်နိုင်ငံ The Hague မြို့ နိုင်ငံတကာ တရားရုံးရဲ့ တောင်းဆိုချက် ထွက်ပေါ်လာပြီး နောက်ပိုင်း ဂိုရန် ဟာ့ဒ်ဇစ်ခ်ကို အခုလို ဖမ်းဆီးမိခဲ့တာပါ။
ဘော့စနီးယား ဆာ့ဘ် စစ်ရေးခေါင်းဆောင် ရတ်ကို မလားဒစ်ရှ် (Ratko Mladic) ကို ပြီးခဲ့တဲ့ မေလတုန်းက ဖမ်းဆီးရမိခဲ့ပြီး အခု ဂိုရန် ဟာ့ဒ်ဇစ်ခ်ကို ထပ်ပြီး ဖမ်းဆီးခဲ့တာပါ။
ရတ်ကို မလားဒစ်ရ်ှဟာ အခု နယ်သာလန်နိုင်ငံ The Hague မြို့ နိုင်ငံတကာ တရားရုံးမှာ တရားရင်ဆိုင်နေရပြီး တကယ်လို့ သူ့မှာ အပြစ်ရှိတယ်လို့ တရားရုံးက ဆုံးဖြတ်ရင် ထောင်ဒဏ်တသက် ကျနိုင်ပါတယ်။

ထိုင်းရဟတ်ယဉ် တစင်းပျက်ကျ တစင်း ပစ်ချခံရ

သောသီခို

ဘိတ်ထားဝယ် ဒေသတွင် ယခုလ ၁၆ ရက်နေ့ က ထိုင်းသစ်တောကို စစ်ဆေးရန်ပျံသန်းနေသော ရဟတ်ယဉ်တစင်း ရာသီဥတုဆိုးဝါးမှုကြောင့် ပျက်ကျသွားတယ်လို့ စုံစမ်းသိရှိရပါတယ်။ အဆိုပါရဟတ်ယဉ်ထဲတွင် ထိုင်းအရာရှိတစ်ဦးအပါအ၀င် ငါးဦးသေဆုံးတယ်ဆို့ သိရပါတယ်။

၎င်းသေဆုံးသူများကို ပြန်လည်သယ်ဆောင်ရန်အတွက် သွားသော ဒုတိယ ရဟတ်ယဉ်မှာ ယနေ့  နေ့ လယ်တွင် အပစ်ချခံရတယ်လို့ ဆိုပါတယ်။ ဗမာ့တပ်မတော်မှ ပစ်ချတယ်လို့  စုံစမ်းသိရှိရပါတယ်။ ရှေးယခင်ကလည်း မြန်မာနယ်စပ်ကိုကျွံဝင်လာသော ထိုင်းကင်းလည့် ရဟတ်ယဉ်ကို ဗမာ့တပ်မတော်မှ ပစ်ချခဲ့တဲ့သဓာက တွေရှိပါတယ်။ အရင်က ပစ်ချခံခဲ့ရတဲ့ထိုင်းရဟတ်ယဉ်ဟာ မြန်မာရှေးတန်းစခန်းတွေ ရှိတဲ့ ဒေသအနီးတွေမှာ ထိုးကျရာမှာ ဗမာ့တပ်မတော်ဖက်မှ ထိုလေယဉ်စအနများကို အကုန်လုံး ဖျောက်ပစ်လိုက်ပါတယ်။ ယနေ့ အချိန်အထိ ဘယ်သူမှ ထိုလေယဉ်ရဲ့ အစအနတွေကို ရှာဖွေမတွေ့ ရှိသေးပါဘူး..

ဗိုလ်ချူပ်မြ အသက်ရှင်စဉ်ကာလက ဗမာ့တပ်မတော်ရဲ့ ရှေးတန်းစခန်းတစ်ခုဖြစ်တဲ့ ဘုရင့်နောင်ကုန်းစခန်းကို KNLA မှ တစ်ခါတိုက်ခိုက်သိမ်းပိုက်ပါသေးတယ်။ ထိုစခန်း သိမ်းပွဲတိုက်ပွဲတွင်ပါဝင်သော တပ်မှုးငယ်တစ်ဦး(ယခုတတိယနိုင်ငံ)မှ ကျနော်တို့ ပြောဆိုရာမှာ " ကျနော်တို့ အဲဒီစခန်းကို တက်တိုက်ဒါ ဘာမှမဟုတ်ပါဘူးကွ.. ထိုင်းအစိုးရက သူတို့ အပစ်ချခံရတဲ့ လေယဉ်က အဲဒီကုန်းမှာရှိတယ်. ဗမာစစ်တပ်က လေယဉ်အစအနတွေကို ဖွဲ့ ထားတယ်ဆို လို့ အဖိုးကြီး(ဗိုလ်ချူပ်မြ)ကို အပူလာကပ်ဒါနဲ့  အဲဒီစခန်းကို ရအောင်ကျနော်တို့ တိုက်ပေးရတယ် လို့ ဆိုပါတယ်။ ဒါပေမယ့် အဲဒီဘုရင့်နောင်ကုန်းစခန်းဝန်းကျင်မှာ လေယဉ်အစအနတွေ ကျနော်တို့ ရှာမတွေ့ လို့  စခန်းကို မီးရှို့ ပြန်လာတယ်" လို့ ဆိုပါတယ်။

ယခုရဟတ်ယဉ်နှစ်စင်းပျက်ကျရာမှာ သတင်းထောက်နှစ်ဦးအပါအ၀င် သေဆုံးသူ အားလုံး ၉ဦး ရှိတယ်လို့ သိရပါတယ်။

ယခုပစ်ချခံရတဲ့လေယဉ်လည်း ဗမာ့တပ်မတော်မှ သူတို့ နဲ့ မဆိုင်သလို နေအုံးမယ့်ပုံပဲလို့  စစ်ရေးလေ့လာသူတစ်ဦး ကျနော်တို့ ကို ပြောပါတယ်။

မြန်မာ အစိုးရမှာ ဘဏ္ဍာရေးပြဿနာ ပေါ်နေပြီ လို့ NCUB က ထောက်ပြ

RFA     2011-07-19

နေပြည်တော် ဆောက်လုပ်ရေး လုပ်ငန်းတွေမှာ သုံးလ အတွင်း လူနှစ်သောင်းကျော် အလုပ် လက်မဲ့ ဖြစ်သွားရတာဟာ မြန်မာနိုင်ငံမှာ ဘဏ္ဍာရေး ပြဿနာ ပေါ်ပေါက်နေပြီ ဆိုတာ ညွှန်ပြနေတာ ဖြစ်ကြောင်း ပြည်ထောင်စု မြန်မာနိုင်ငံ အမျိုးသား ကောင်စီ NCUB က ကြေညာချက် ထုတ်ပြန်လိုက်ပါတယ်။

(Photo: AFP)

စစ်အစိုးရ၏ မြို့တော်သစ် နေပြည်တော်ရှိ ဆောက်လုပ်ရေး လုပ်ငန်းခွင်တခုတွင် နေ့စား အလုပ်သမားများ အလုပ်လုပ်နေပုံ ဖြစ်ပါသည်။ (Photo: AFP)

ဘဏ္ဍာရေး ပြဿနာကြောင့် ငွေကြေး ဖေါင်းပွမှုနဲ့အတူ ဈေးကွက် ထိခိုက်မှုတွေ ပေါ်ပေါက်လြာ့ပီး လစာနည်း အစိုးရ၀န်ထမ်းတွေ၊ တပ်မတော်သားတွေ၊ ရဲဝန်ထမ်းတွေ အပါအ၀င် ပြည်သူအများ စားဝတ်နေရေး ဒုက္ခတွေ ပိုမို ဖိစီးလာနိုင်ကြောင်း၊ စစ်တပ်တွင်းမှာလည်း လစာမပေးနိုင်တဲ့ ပြဿနာတွေ ပေါ်ပေါက်နေတယ် ဆိုတာ ကြားသိနေရကြောင်း NCUB အထွေထွေ အတွင်းရေးမှူး ဦးမောင်မောင် က အာအက်အေ ကိုပြောပါတယ်။ အဲဒါကြောင့် တနိုင်ငံလုံး ငွေကြေး အကြပ်အတည်းနဲ့ ရင်ဆိုင်နေရတဲ့ အခြေအနေမှာ နိုင်ငံအတွက် သက်ဆိုင်သူတွေ အားလုံးပါဝင်ပြီး ညှိနှိုင်း ဆောင်ရွက်နိုင်မယ့် အပြောင်းအလဲတွေ လုပ်ဖို့လိုအပ်နေပြီဆိုတာ ကြေညာချက် ထုတ်ပြန်ရတာ ဖြစ်ကြောင်းလည်း ပြောပါတယ်။ "အနှစ်သာရ ကတော့ ဗမာပြည်မှာ နိုင်ငံရေးစနစ် ပြင်ဖို့ လိုတဲ့အကြောင်းပါ။ စီးပွါးရေး လုပ်ငန်းတွေ လုပ်တဲ့နေရာမှာလည်း တိုင်းပြည်က ပတ်သက်တဲ့လူတွေကို ဆွေးနွေးဖို့ လိုတယ်။ စီးပွါးရေးစနစ်ကို စီမံခန့်ခွဲနေတဲ့ နိုင်ငံရေးစနစ်ကို ပြောင်းဖို့ လိုတယ်လို့ ပြောတာပါ။" ပြီးခဲ့တဲ့ ၂၀၀၃ ခုနှစ်တုံးကလည်း ဘဏ္ဍာရေး ပြဿနာ ကြုံတွေ့ခဲ့ရဖူးကြောင်း၊ အခုတကြိမ် ငွေကြေး အကြပ်အတည်း ပေါ်ပေါက်ရတာဟာ ပြည်ပက စီးပွားရေး ပိတ်ဆို့မှုတွေကြောင့် မဟုတ်ဘဲ၊ တိုင်းပြည်ရဲ့ သယံဇာတ ရောင်းရငွေ တွေကို အနုမြူ သုတေသန နဲ့ ဒုံးကျည် ထုတ်လုပ်ရေး အစီအစဉ်တွေမှာ သုံးစွဲနေတာကြောင့် ဖြစ်ကြောင်း ကြေညာချက်မှာ ထောက်ပြထားပါတယ်