သပြေညိုလမ်းအခွဲမှာ ဝမ်းနည်းမှာလား

သပြေညိုလမ်းအခွဲမှာ ဝမ်းနည်းမှာလား


မကြာခင်အချိန်ကအထိ ဒေါ်စုကိုဝေဖန်တာဟာ လုပ်သင့်တာဖြစ်ပြီး တိုက်ခိုက်တာမျိုးသာ မဖြစ်သင့်
ဖူးလို့ ကွန်မန့်တွေမှာ ရေးခဲ့မိပါတယ် ။

ခုချိန်မှာ မြင်သိရသမျှတွေကို စုပေါင်းပြီး ညီမျှခြင်းတစ်ခုထုတ်ကြည့်တော့ ဒေါ်စုကို ဝေဖန်ရုံလုပ်နေ
ရမယ့်အဆင့်ကို လွန်လာခဲ့ပြီး ၊ လက်တွေ့လုပ်ရပ်တွေနဲ့ ပေါင်းစပ်ရမယ့်အချိန်ကို ရောက်နေပြီလို့ မြင်
တယ် ။

အတိုချုပ်အနေနဲ့ ဒေါ်စုလုပ်နေတာတွေကို ကြည့်တဲ့အခါ -

(၁) တစ်ကိုယ်တော်ဆန်ဆန် လုပ်နေတာကို တွေ့ရတယ် ၊
(၂) လေသံတွေက အရင်က ခိုင်ခိုင်မာမာ ရပ်တည်နေခဲ့တာတွေနဲ့ မဆန့်ကျင်ရင်တောင်မှ သွေဖည်
လာနေတယ်လို့ ပြောလို့ရတယ် ၊
(၃) ပွင့်လင်းမြင်သာတဲ့ ထုတ်ဖေါ်ပြောဆိုမှုတွေ နည်းနေတယ် ၊
(၄) NLD အနေနဲ့လည်း ဒေါ်စုနောက်ကနေ လိုက်လျှောက်မှုအပိုင်းမှာ နှေးကွေးနေပေမယ့် ပါတီကို
မှတ်ပုံတင်ဖို့ မတင်မကျပြောလာတဲ့အထိ ဧရာမလမ်းကြောင်းပြောင်းလာနိုင်ချေတွေကို တွေ့လာရ
တယ် ။

ဘာတွေ ဖြစ်ကုန်ပြီလဲ ၊ ဘာတွေ ဖြစ်နေကြသလဲ ၊ ဘာကြောင့်လဲ ၊ ဘာဆက်လုပ်ကြရင် ကောင်း
မလဲ ။ မေးခွန်းပေါင်းများစွာနဲ့ စိတ်ဝင်စားနေကြမယ်လို့ ယုံတယ် ။ ဟောဒီမှာက ကျနော့် တစ်ကိုယ်
စာ အမြင်အချို့ပါ ။

(က) လက်ရှိအစိုးရမှာ နှစ်ခြမ်းကွဲနေသလို ၊ အတိုက်အခံတွေမှာလည်း နှစ်ခြမ်း သို့မဟုတ် ဒီထက်
မကတဲ့ အခြမ်းတွေကွဲရမယ့်အချိန်ကို ရောက်လာပါတော့မယ် ။

ဒီလိုပြောတာဟာ လက်ရှိအစိုးရမှာ နှစ်ခြမ်းကွဲနေတယ်လို့ တပ်အပ်ပြောတာ မဟုတ်သလို အတိုက်
အခံလုပ်နေသူတွေလည်း စိတ်ဝမ်းကွဲရမယ်လို့ မဆိုလိုပါ ။ ဦးတည်ချက်တူပေမဲ့ လမ်းခွဲပြီး လုပ်ကိုင်
လျှောက်လှမ်းကြရတော့မဲ့ အချိန်တစ်ခုကို နီးလာပြီလို့ ဆိုလိုတာပါ ။ ဒါကို ရှေ့မှာ NDF က လုပ်ပြခဲ့
ပြီးပါပြီ ။ အခုလည်း ဒေါ်စုနောက်ကို ဦးလည်မသုန် ဆက်လိုက်မယ့်သူတွေနဲ့ ၊ အခြားနည်းလမ်းတွေနဲ့
သီးခြားရပ်တည်ကြရမယ့် အခြမ်းဆိုပြီး မကြာခင် ခွဲကြရတော့မယ်လို့ မြင်မိပါတယ် ။

(ခ) ဒေါ်စု အခုလုပ်နေတာဟာ နိုင်ငံရေးမှာ ကိုယ့်ကိုယ်ကို သတ်သေတာ (political suicide) နဲ့ ဆင်
တူနေပေမယ့် ၊ တကယ်တန်းမှာက သူဟာ နိုင်ငံရေးအလောင်းအစား (political gamble) ကို လုပ်
နေတာလို မြင်ပါတယ် ။ လက်ရှိအာဏာပိုင်တွေနဲ့ အခွင့်အရေး ရရင်ရသလို ဝင်ပူးသတ်တော့မယ် ။
ဒီလိုအပူးခံရဖို့ကိုလည်း စွန့်စားပြီး “ဟ” ပေးသူက ဟပေးဖို့ကြိုးစားအားထုတ်နေတာမို့ ၊ ဒေါ်စုအနေ
နဲ့ ဒီအခွင့်အရေးကို လက်လွတ်မခံပဲ ဘက်ညီအောင်စွန့်စားနေတာလို့ မြင်ပါတယ် ။

နိုင်ငံရေး တိုက်ကွက်ဖေါ်ချင်ပါတယ် ဆိုနေကြသူတွေ ဝိုင်းစဉ်းစားနားလည်ပေးပါ ။ စတေးခံဝံ့တယ်
ဆိုရင် တိုက်ကွက်ထဲကို ရဲရဲဝင်လိုက်ပါ ။ ဒေါ်စုကို ဝန်းရံချင်ရင်လည်း ဒီအချိန်ဟာ အခွင့်အခါပါပဲ ။
တစ်ဖက်မှာလည်း လက်မခံနိုင်သူတွေအနေနဲ့ စုဖွဲ့ပါ ၊ အင်အားစုတစ်ခုအနေနဲ့ ရပ်တည်နိုင်အောင်
ကြိုးစားကြပါ ။ ဒါမှ ဖြစ်ချင်တာတွေနဲ့ နီးစပ်မှာပါ ။

(ဂ) ဒေါ်စု မပွင့်လင်းတာဟာ အားတော့မရစရာပါ ။ တစ်ဖက်မှာက ကိုယ့်တိုက်ကွက်ကို ကြေငြာပြီး
တိုက်ဖို့ဆိုတာ ခက်ပါလိမ့်မယ် ။ အခြားတစ်ဖက်မှကလည်း NLD နဲ့ လူထုအမြီးတန်းရှည်ကြီးကလည်း
တန်းလန်းကြီး ဖြစ်နေပြန်ပါတယ် ။ ဒေါ်စုအနေနဲ့ ပဲ့ကိုင်တစ်ဦးဖြစ်ပေမယ့် သင်္ဘောကြီးတစ်စင်းလုံးကို
ရုတ်ချည်း လမ်းကြောင်းပြောင်းအောင် ကွေ့ချလိုက်ဖို့ မလွယ်လှပါဘူး ။ ဒီတော့ သူ့မှာက ပုဂ္ဂလိက
ဆန်ဆန် ရှေ့ကနေ လုပ်သွားပြတဲ့ အနေအထားမျိုးတွေ ရှိနိုင်တာလည်း နားလည်ပေးရဖို့ လှိုိနိုင်ပါ
တယ် ။ အကယ်၍များ အသေးစိတ်မဟုတ်ရင်တောင် အဓိကကျတဲ့ ပေါ်လစီအပြောင်းအလဲတွေကို
ရသလောက် ပွင့်ပွင့်လင်းလင်း ချပြနိုင်ရင်တော့လည်း အတိုင်းထက်အလွန် ဖြစ်မှာပါပဲ ။ ဘယ်လိုဆို
ဆို ဒေါ်စုရဲ့ အခြေအနေအပေါ် ကိုယ်ပိုင်ဆုံးဖြတ်ချက်တွေ ချသွားတာကို ကျနော် တစ်ယောက်စာအ
နေနဲ့တော့ အလေးထားသွားမှာပါ ။

(ဃ) မကြာခင်မှာ မတူညီတဲ့အင်အားစုတွေ ပေါင်းစုဆုံလာဖို့ အခွင့်အလမ်းတွေ ဖြစ်လာပြီဆိုရင် ၊ အ
ထူးသဖြင့် အာဏာနဲ့ ကျင့်သားရနေသူတွေဆီကနေ တွန်းကန်မှုတွေ ၊ အဖျက်သဘောဆောင်တာတွေ
လုပ်လာမှာတော့ မလွဲပါဘူး ။ အပေါ်ကပြောတဲ့ ဒေါ်စုကို ဝင်ပူးနိုင်အောင် “ဟ” ပေးသူတွေကလည်း
တတ်နိုင်သလောက် ကာကွယ်ပေးဖို့ ကြိုးစားမှာဖြစ်ပေမယ့် ၊ ဒီမိုကရေစီ လိုလားသူတွေထဲက ဒုတိယ
တန်းခေါင်းဆောင်နဲ့ လှုပ်ရှားသူတွေအပေါ်လည်း သက်ရောက်ထိခိုက်မှုတွေ ရှိလာပါတော့မယ် ။ အချို့
လူတွေ ခေါ်ချင်ကြသလို “ကောင်းမှုနဲ့ မကောင်းမှု ၊ ဓမ္မနဲ့ အဓမ္မတို့အကြား အားပြိုင်မှု” လို့ ဆိုကြပါစို့ ။

မေးစရာကတော့ -

* ခင်ဗျားတို့ ကျနော်တို့ ဘယ်လောက်ပြင်ဆင်ထားခဲ့ပြီးပြီလဲ ၊
* ဘယ်အခန်းကဏ္ဍက ရပ်တည်လှုပ်ရှားမလဲ ၊
* ဘယ်လောက်အထိ ပေးဆပ်လုပ်ကိုင်ကြမလဲ - ဆိုတာပါ ။

ဒါတွေရေးတာဟာ လူတိုင်းအတွက်လို့တော့ ပြောရခက်ပါတယ် ။ ဒါပေမယ့် ဖတ်သူတိုင်းတော့
စဉ်းစားစရာ အစအနအချို့ ရနိုင်မယ်လို့ ယုံကြည်ပါတယ် ။ ဝေဖန်ကြလို့ ရပါတယ် ။ ဆွေးနွေးကြ
လို့ ရပါတယ် ။ မှားသွားတာရှိရင်လည်း တာဝန်ယူလို့ရတဲ့နည်းနဲ့ တာဝန်ယူသွားပါမယ် ။


မန်းကိုကို
၃၀ ၊ ၀၉ ၊ ၂၀၁၁