နယ်ခြားစောင့် ၁၀ဦး KNLA တပ်မဟာ(၇)ထံ လာရောက် ပူးပေါင်း

စောသိန်းမြင့် (ကေအိုင်စီ)

ကရင်ပြည်နယ်၊ လှိုင်းဘွဲမြို့နယ် နယ်စပ်တနေရာတွင် အခြေစိုက်သည့် နယ်ခြားစောင့်တပ် တပ်ဖွဲ့ဝင် ၁၀ဦးသည် ယမန်နေ့က ကရင်အမျိုးသားလွတ်မြောက်ရေးတပ်မတော် KNLA တပ်မဟာ(၇)ထံသို့ လာရောက်ပူးပေါင်းခဲ့ကြသည်။

နယ်ခြားစောင့်(၁၀၁၂)တပ်ရင်း၊ တပ်ခွဲ(၁)မှ တပ်ကြပ်ကြီး စောဒီ့ကျူ ဦးစီးသည့် တပ်ဖွဲ့ဝင် ၁၀ဦးသည် နယ်ခြားစောင့်အနေ ဖြင့် ဆက်လက် တာဝန်ထမ်းဆောင်လိုစိတ် မရှိတော့သောကြောင့် KNLA နှင့် ယခုလို လာရောက်ပူးပေါင်းခြင်းဖြစ်ကြောင်း စောဒီ့ကျူက ပြောသည်။

“ကျနော်တို့ လူမျိုးတွေကို အစိပ်စိပ်အမွှာမွှာဖြစ်အောင် ဖျက်ဆီးနေတဲ့ ဒီအစိုးရလက်အောက်မှာ မလုပ်ချင်တော့လို့ ကျနော်တို့ ညီအစ်ကိုတွေနဲ့ လာရောက်ပူးပေါင်းတာ ဖြစ်တယ်။ ကျနော်တို့တပ်ရင်းမှူး ဗိုလ်ဘိလည်း အစိုးရကို ပြန်တော်လှန်နေပြီလေ။ ဒါ ကြောင့် ကျနော်တို့လည်း တပ်ရင်းမှူးနဲ့အတူ အစိုးရကို ပြန်တော်လှန်ဖို့ ဒီလိုလုပ်တာပါ။”ဟု စောဒီ့ကျူက ပြောသည်။

အဆိုပါ နယ်ခြားစောင့်တပ်ဖွဲ့ဝင် ၁၀ဦးမှာ တပ်ကြပ်ကြီး ဒီ့ကျူ ၅၀နှစ်၊ ဒုတပ်ကြပ် ဖားဆွဲ့ ၄၀နှစ်၊ တပ်ကြပ် ဖားနို ၂၃နှစ်နှင့် တပ်သားများဖြစ်သည့် ဒီ့တို ၂၁နှစ်၊ ဖောကလူ ၁၉နှစ်၊ ဒီ့ကွီ ၁၈နှစ်၊ ဒို့ဝါး ၁၇နှစ်၊ တာ့ဘလယ့် ၁၆နှစ်၊ အယ်ခူ ၁၅နှစ်၊ မောင် သန်း ၁၃နှစ်တို့ဖြစ်ပြီး ၎င်းတို့နှင့်အတူ AR ၆လက်၊ မက္ကဇင်း ၂၄ချပ်၊ AR စက်လတ် ၁လက်၊ မက္ကဇင်း ၁ချပ်၊ 79 ၁လက်၊ ကျည် ၂၀လုံး၊ AK ၁လက်၊ မက္ကဇင်း ၂ချပ်၊ အီကွင့်မန့် ၅စုံ၊ စကားပြောစက် ၂လုံး ပါရှိသည်။

ကေအဲန်အယ်လ်အေနှင့် လာရောက်ပူးပေါင်းသည့် အဆိုပါ နယ်ခြားစောင့်တပ်ဖွဲ့ဝင်များသည် အစိုးရအား ပြန်လည် တော် လှန်ခုခံရန် အလွန် စိတ်အားထက်သန်လျှက်ရှိသည်ဟု ပြောသည်။

တပ်သားဒီ့တိုက “ဒီမှာ တရက်နှစ်ရက်နေပြီးရင် ခေါင်းဆောင်တွေ ညွှန်ကြားတဲ့အတိုင်း တပ်ရင်းမှူး ဗိုလ်ဘိဆီကို ပြန်သွားပြီး အစိုးရစစ်တပ်ကို ပြန်တိုက်မယ်။ ကြုံတွေ့ရမယ့် အခက်အခဲတွေကို ခံနိုင်ဖို့အတွက် ကျနော်တို့တွေ အားလုံး ပြင်ဆင်ထား တယ်။”ဟု ကေအိုင်စီကို ပြောသည်။

ထိုသို့ ရောက်ရှိလာသည့် ဘီဂျီအက်ဖ်တပ်ဖွဲ့ဝင် ၁၀ဦးအနက် ၄ဦးမှာ အသက်မပြည့်သေးသည့် ကလေးစစ်သားများဖြစ်၍ နှစ် ဦးနှစ်ဖက် ညှိနှိုင်းတိုင်ပင်ပြီး အဆိုပါ ကလေးစစ်သားများ၏ ရှေ့ရေးကို အကောင်းဆုံး စီစဉ်ဆောင်ရွက်သွားမည်ဟု ကေအဲန် အယ်လ်အေ တပ်မဟာ(၇)ရုံးထိုင်မှူး ဗိုလ်မှူးစောအယ်ဆဲဆဲက ကေအိုင်စီကို ယခုလို ပြောသည်။
“ဒီကေဘီအေကနေ နယ်ခြားစောင့် အသွင်ပြောင်းမယ့်အချိန်မှာ တပ်အင်အား မပြည့်တဲ့အတွက် အစိုးရက မဖြစ်မနေ အတင်း အဓမ္မ လိုက်လံစုဆောင်းခိုင်းလို့ ဒီကလေးတွေ ပါသွားတာဖြစ်တယ်။ ကျနော်တို့ ကေအဲန်အယ်လ်အေမှာ အသက်မပြည့်သေး တဲ့ ကလေးစစ်သားတွေကို လုံးဝ လက်မခံဘူး။ အဲဒါကြောင့် ဒီကလေးတွေ နားလည်အောင်ရှင်းပြပြီးတော့ သူတို့အတွက် အ ကောင်းဆုံး စီစဉ်ပေးမှာပါ”ဟု ပြောသည်။

ကေအဲန်အယ်လ်အေ တပ်မဟာ(၇)တွင် ယခုလ ဇူလိုင်လအတွင်း နယ်ခြားစောင့်တပ်-BGF ၂၆ဦး လက်နက်ခဲယမ်းများနှင့် အတူ လာရောက်ပူးပေါင်းခဲ့ပြီး ၎င်းအထဲတွင် တပ်ကြပ်ကြီး ၄ဦး ပါဝင်သည်ဟု ကေအဲန်အယ်လ်အေမှတ်တမ်းအရ သိရသည်။

Face to Face (Irrawaddy)

ဧရာဝတီနဲ့  KNU ဗဟိုတရားသူကြီး  ပဒိုမန်းရင်စိန် တွေ့စုံမေးမြန်းခန်း

ထားဝယ်ရေနက်ဆိပ်ကမ်းစီမံကိန်း ဆက်မလုပ်ရန် KNU တားမြစ်

Submitted by admin on Thursday, 28 July 2011--

ဇူလိုင်လ ၂၈ရက်။ ကေအိုင်စီ

ထားဝယ်ရေနက်ဆိပ်ကမ်းစီမံကိန်းနှင့် ဆက်သွယ်မည့် ထားဝယ်-ကန်ချနပူရီ အဝေးပြေးလမ်း ဖောက်လုပ်နေ သည့် ဆောက်လုပ် ရေးလုပ်ငန်းကို ထိုဒေသတွင် လှုပ်ရှားနေသည့် ကရင်အမျိုးသားအစည်းအရုံး KNU မှ တားမြစ်ထားသည်ဟု သိရသည်။
၎င်းစီမံကိန်း၏ ဆောက်လုပ်ရေးအလုပ်သမားများကို KNU မှ ဇူလိုင်လ အစောပိုင်းက တားဆီးထားခြင်းဖြစ်ပြီး Italian-Thai Development Company မှ ၎င်းတို့၏လုပ်ငန်း ပြန်လည် စတင်ရန်အတွက် ဇူလိုင်လ ၁၆ ရက်နေ့တွင် KNU နှင့် တွေ့ဆုံဆွေးနွေး ခဲ့သည်။
ကရင်အမျိုးသား အစည်းအရုံး (KNU) အထွေထွေအတွင်းရေးမှူး နော်စီဖိုးရာစိန်က “ဒီစီမံကိန်းလုပ်ငန်း စလုပ်လာပြီးတော့လေ ကျမတို့အနေနဲ့ အဲဒီဒေသမှာရှိတဲ့ ဒေသခံတွေရဲ့ အိုးအိမ်ပြောင်းရွှေ့မှု၊ ပြီးတော့ သဘာဝပတ်ဝန်းကျင် ပျက်စီးမှု၊ နောက်တခုက လုံခြုံရေးအတွက် အဲဒီအချက် ၃ချက် မဖြစ်ပေါ်လာဖို့ တားဆီးသွားရမယ်။”ဟု ပြောသည်။
သို့သော် ထိုင်းဆောက်လုပ်ရေးတာဝန်ခံနှင့် တွေ့ဆုံဆွေးနွေးခဲ့သည့်အကြောင်း အသေးစိတ်ကို KNU အနေနှင့် ရှင်းပြခဲ့ခြင်း မရှိ ပေ။
အဆိုပါကားလမ်းတလျှောက်တွင် ကရင်ကျေးရွာ စုစုပေါင်း ၂၁ရွာရှိသည့်အနက် ၈ရွာမှာ ကေအဲန်ယူနှင့် အစိုးရတပ်တို့ တိုက်ခိုက် ကြသည့် ၁၉၉၇နောက်ပိုင်း ဒုက္ခသည်များအဖြစ် ထိုင်းနိုင်ငံသို့ ပြောင်းရွှေ့နေထိုင်ကြရကြောင်း ထားဝယ်ရေနက်ဆိပ်ကမ်းနှင့် ပတ် သက်ပြီး အချက်အလက်စုဆောင်းနေသည့် Burma Issue (BI) အဖွဲ့က ပြောသည်။
ကျန်ရှိနေသည့် ကရင်ကျေးရွာ ၁၃ရွာမှ ကရင်ဒေသခံလူထုမှာ ခြံစိုက်ပျိုးခြင်း၊ တောင်ယာစိုက်ပျိုးခြင်းဖြင့် အဓိက အသက်မွေးဝမ်း ကြောင်းပြုလျှက်ရှိပြီး လက်ရှိအချိန်တွင် ပြောင်းရွှေ့နေထိုင်မှုများ မရှိသေးကြောင်းလည်း BI က ပြောဆိုသည်။
ထားဝယ်-ကန်ချနပူရီသို့ ဆက်သွယ်သည့် ၆လမ်းသွား အဝေးပြေးလမ်းမကြီးတစ်လျှောက်သည် ကရင်အမျိုးသားအစည်းအရုံး (KNU) လှုပ်ရှားနေသည့်နယ်မြေ ဖြစ်သည်။
ထားဝယ်ရေနက်ဆိပ်ကမ်း စီမံကိန်းဧရိယာရှိ နဘုလဲကျေးရွာ အပါအဝင် ရွာပေါင်း ၇ရွာ ပြောင်းရွှေ့ရမည်ဖြစ်ပြီး သို့သော် လက်ရှိ မှာ ကုမ္ပဏီမှ စာရင်းကောက်ယူထားပြီးဖြစ်ကြောင်း တစုံတရာ လုပ်ဆောင်ခြင်းမျိုး မရှိသေးကြောင်း ပြောသည်။
ထားဝယ်ရေနက်ဆိပ်ကမ်းစီမံကိန်းကို ထိုင်းနိုင်ငံ၊ ဘန်ကောက်အခြေစိုက် Italian-Thai Development က ထိုင်းဘတ်ငွေသန်း (ဘီလီယံ) ၄၀၀ကျော် ရင်းနှီးမြုပ်နှံမည်ဖြစ်သည်။
အဆိုပါစီမံကိန်းတွင် ထားဝယ်ရေနက်ဆိပ်ကမ်း တည်ဆောက်ရေး၊ သင်္ဘောတည်ဆောက်ရေးနှင့် ပြုပြင်ထိန်းသိမ်းရေးလုပ်ငန်းများ အတွက် အဆောက်အအုံများနှင့် စက်မှုဇုံနယ်မြေများ တည်ဆောက်ခြင်း၊ ရေနံဓာတုဆိုင်ရာ စက်မှုလုပ်ငန်းများ ထူထောင်ခြင်း၊ ရေနံချက်စက်ရုံ တည်ဆောက်ခြင်း၊ သံမဏိစက်ရုံ၊ လျှပ်စစ်စက်ရုံများ တည်ဆောက်ခြင်း၊ ထားဝယ်-ဘန်ကောက်ကားလမ်းနှင့် ရထားလမ်းဖောက်လုပ်ခြင်း၊ ကားလမ်းနှင့် ရထားလမ်းတစ်လျှောက် ရေနံပိုက်လိုင်းသွယ်တန်းခြင်းလုပ်ငန်းများ ပါဝင်သည်။
ထားဝယ်ရေနက်ဆိပ်ကမ်း စီမံကိန်းမှာ တနင်္သာရီတိုင်းဒေသကြီး၊ ထားဝယ်မြို့နယ်အတွင်း၌ တည်ရှိပြီး ချဉ်းကပ်ရေကြောင်းလမ်း၏ အနိမ့်ဆုံးရေအနက် (LAD)-၁၅မီတာရှိ ဒီရေအမြင့် ကွာခြားချက် ၅မီတာရှိ GMSနှင့် BIMSTIC နိုင်ငံများ၏ ပင်လယ်ရေကြောင်း ကုန်သွယ်မှုတွင် အချိန်နှင့်ကုန်ကျစရိတ် လျော့ချနိုင်မည် ဆိပ်ကမ်းတွင် DWT ၅၀၀၀၀ရှိ ရေယာဉ်များ ဆိုက်ကပ်နိုင်မည့် ရေနက် ဆိပ်ကမ်းဝန်ဆောင်မှုအပြင် နယ်စပ်ဖြတ်ကျော် အဝေးပြေးလမ်းမများနှင့် စက်မှုကုန်ထုတ်နယ်မြေများ ပါဝင်သည်။

သူလည်းပဲ အယောက် ၅၀ သတ်ခဲ့ဆိုဘဲ

 ဒီသတင်းကိုကြားလို့ ဗိုလ်ချူပ်သန်းရွှေခမျာ ရယ်ပြီးရယ်ပြန် ရပ်လို့မရအောင် ရယ်နေရပါ

သဖြင့်မေ့မျောသွားခဲ့တဲ့အထိဖြစ်ခဲ့တယ်လို့ နေပြည်တော်က လာတဲ့သတင်းအရ သိရပါတယ်

 

ကိုမူးဆာ ပြောဆိုိချက် သြစတြေးလျ ကရင်အမျိုးသားအဖွဲ့ ငြင်းဆို

2011-07-25 RFA

သြစတြေးလျ နိုင်ငံသား ကိုမူးဆာ (Moon Hsar) ဆိုသူ ကရင် ဒုက္ခသည်တဦးက တိုင်းရင်းသား ၅၀ လောက်ကို အမိန့်ပေး သတ်ဖြတ်ခဲ့ကြောင်း ထုတ်ဖော် ပြောဆိုိချက်နဲ့ ပတ်သက်လို့ သြစတြေးလျ ကရင်အမျိုးသားအဖွဲ့က မဖြစ်နိုင်ကြောင်း ပြောဆိုပါတယ်။

(Photo: AFP)

မြန်မာ စစ်အစိုးရနှင့် အပစ်အခတ် ရပ်စဲရေး မလုပ်သော KNU ကရင်လက်နက်ကိုင် တပ်ဖွဲ့ဝင်များ ဖြစ်ပါသည်။ (Photo: AFP)

သြစတြေးလျ ကရင်အမျိုးသားအဖွဲ့ (Australia Karen Organization) ရဲ့ ဥက္ကဌ ဖဒိုစောလွင်ဦးက ကိုမူးဆာဟာ ကေအန်ယူမှာ တာဝန်ထမ်းဆောင်ခဲ့တာ မှန်ပေမယ့် မြန်မာ စစ်ထောက်လှမ်းရေးဟောင်း တဦးတော့ မဖြစ်နိုင်ဘူးလို့ ပြောပါတယ်။ လောလောဆယ် အထိတော့ မြန်မာ စစ်ထောက်လှမ်းရေး အရာရှိဟောင်း အဖြစ် ၁၉၈၈ အရေးအခင်းကာလ အတွင်း လူ ၁၀၀ ခန့်ကို သတ်ဖြတ်ခဲ့တယ်လို့ မကြာခင်က ပြောဆိုခဲ့တဲ့ ကိုထူးထူးဟန် ကိုရော၊ ကိုမူးဆာကိုပါ သြစတြေးလျအာဏာပိုင်တွေက ဖမ်းဆီး အရေးယူမှု မရှိသလို သူတို့ရဲ့ ပြောဆိုချက်တွေကိုလည်း ထောက်ခံ အတည်ပြုသူ တဦးတယောက်မှ မရှိသေးပါဘူး။ မြန်မာနိုင်ငံမှာ ပြည်သူတွေ အမြောက်အများ သတ်ဖြတ်ခံရမှု၊ စစ်ရာဇ၀တ်မှုတွေ အမှန်တကယ် ရှိနေပေမယ့် သူတို့နှစ်ဦးရဲ့ ထွက်ဆိုချက်တွေ မှန်ကန်မှု ရှိမရှိ အတည်မပြုနိုင်ဘူးလို့ ဆစ်ဒနီမြို့ အခြေစိုက် Burma Office မြန်မာ့ရေးရာရုံးရဲ့ ညွှန်ကြားရေးမှူး ဒေါက်တာမြင့်ချိုက ပြောပါတယ်။ ဒုတိယမြောက် ၀န်ခံပြောဆိုသူ ကိုမူးဆာက သူဟာ ထောက်လှမ်းရေးက ထွက်ပြီးနောက် ကေအန်ယူ ကရင်အမျိုးသား အစည်းအရုံးမှာ နှစ်ပေါင်း အတန်ကြာ အမှုထမ်းခဲ့ကြောင်း၊ ထိုင်း-မြန်မာ နယ်စပ် ဒုက္ခသည် စခန်းတခု ကနေ ၁၉၉၇ ခုနှစ်လောက်မှာ သြစတြေးလျနိုင်ငံကို ရောက်ရှိလာခဲ့တာ ဖြစ်ကြောင်း ပြောဆိုထားပါတယ်။

မြန်မာစစ်သည်တဦး ကေအဲန်ယူ တပ်မဟာ(၇)ထံ ထွက်ပြေးရာက်ရှိ

Submitted by admin on Tuesday, 26 July 2011--

ဇူလိုင်လ ၂၆ရက်။ စောသိန်းမြင့် (ကေအိုင်စီ)

ကရင်ပြည်နယ်၊ မြ၀တီမြို့နယ်၊ သင်္ကန်းညီနောင် အခြေစိုက် အစိုးရစစ်တပ် စကခ(၁၂) လက်အောက်ခံ ခမရ(၃၅၇)တပ်ရင်းမှ တပ်သား စိုင်းအိုက်စံသည် ယမန်နေ့က ကေအဲန်အယ်လ်အေ တပ်ရင်း(၁၀၁)ထံသို့ ထွက်ပြေးရောက်ရှိလာသည်။

Photo-KIC (ထွက်ပြေးလာသူ မြန်မာစစ်သည် စိုင်းအိုက်စံ)

ကိုယ်ပိုင်နံပါတ် တ/၄၄၃၂၃၃ဖြစ်သူ အသက် ၂၅နှစ်ရှိ တပ်သား စိုင်းအိုက်စံသည် အစိုးရစစ်တပ်တွင် တာဝန် ဆက်လက် မထမ်းဆောင်နိုင်တော့သည့်အတွက် ထွက်ပြေးရခြင်းဖြစ်သည်ဟု ကေအိုင်စီကို ပြောသည်။ “ကျနော်ရှေ့တန်းထွက်တာ ၅လကျော်ပဲ ရှိသေးတယ်။ ရောက်လာကတည်းက ထမင်းပဲချက်တယ်။ ကင်းစောင့်တော့လည်း သူများ သေနတ်ပေးမကိုင်ဘူး။ တပ်ထဲမှာ ဆက်မနေချင်တော့လို့ ထွက်ပြေးတာပါ။”ဟု တပ်သား စိုင်းအိုက်စံက ပြောသည်။
ထို့အပြင် ပြီးခဲ့သည့် ၂၀၁၀ခုနှစ်က မန္တလေး စစ်သားစုဆောင်းရေးတပ်တွင် စုဆောင်းခံရသူ ရှမ်းပြည်နယ်၊ တောင်ကြီးမြို့ ဇာတိ စိုင်းအိုက်စံက ခမရ(၃၅၇)တပ်ရင်းတွင် အသက် ၁၄-၁၅နှစ်အရွယ် ကလေးစစ်သား ၁၀ဦးကျော်ရှိသည်ဟု ပြောဆိုပြီး ၎င်းအနေဖြင့် ရှေ့ဆက်တွင် သာမန်အလုပ်ဖြင့်သာ လုပ်ကိုင်နေထိုင်သွားတော့မည်ဟု ဆိုသည်။
ကေအဲန်ယူ တပ်မဟာ(၇)တွင် ယခုလ ဇူလိုင်လအတွင်း အစိုးရစစ်သည်နှင့် နယ်ခြားစောင့်တပ်ဖွဲ့ဝင် ၂၀ဦးကျော် ထွက်ပြေး ရောက်ရှိလာပြီး ထိုအထဲတွင် မြန်မာအစိုးရစစ်သည် ၄ဦး ပါဝင်သည်ဟု ကေအဲန်ယူ တပ်မဟာ(၇)၏ စာရင်းအရ သိရသည်။

SSPP နဲ့ ငြိမ်းချမ်းရေး ဆွေးနွေးဖို့ မြန်မာစစ်တပ် သံဃာတော် ၂ ပါး စေလွှတ်

အင်္ဂါ, 26 ဇူလိုင် 2011
SSPP နဲ့ ငြိမ်းချမ်းရေး ဆွေးနွေးဖို့ မြန်မာစစ်တပ် သံဃာတော် ၂ ပါး စေလွှတ်
By နိုင်ကွန်းအိန် VOA

 
ရက်သတ္တ ၂ ပတ်ကျော်ကြာ SSA/SSPP ရှမ်းပြည်တိုးတက်ရေးပါတီ ဌာနချုပ်ကို တိုက်ခိုက်နေတဲ့ မြန်မာအစိုးရတပ်နဲ့ တိုက်ပွဲတွေဟာ အခုအချိန်မှာ မြန်မာအစိုးရ တပ်ဘက်က ဒေသခံ သံဃာတော် ၂ ပါးကို စေလွှတ်ပြီးတော့ ငြိမ်းချမ်းရေး ဆွေးနွေးဖို့ ပြောဆိုလာတယ်လို့ ရှမ်းပြည်တိုးတက်ရေးပါတီ ခေါင်းဆောင်တွေက ပြောပါတယ်။ ဒါပေမဲ့ ငြိမ်းချမ်းရေး ဆွေးနွေးဖို့ကတော့ မြန်မာတပ်အနေနဲ့ ၀မ့်ဟိုင်းဒေသမှာ ထိုးစစ်ဆင်တာ ရပ်တန့်ဖို့၊ တပ်စွဲထားတာ ဆုတ်ပေးဖို့ လိုသလို တရားဝင် ငြိမ်းချမ်းရေး အကျိုးဆောင်တွေ စေလွှတ်ဖို့ လိုတယ်လို့ ရှမ်းပြည်တိုးတက်ရေးပါတီ ပြောရေးဆိုခွင့်ရှိသူက ပြောပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် နိုင်ကွန်းအိန်က တင်ပြပေးထားပါတယ်။
ရှမ်းပြည်တောင်ပိုင်း ကျေးသီးမြို့နယ်ထဲက ရှမ်းပြည်တိုးတက်ရေးပါတီ ၀မ့်ဟိုင်းဌာနချုပ်ကို ၀ိုင်းထားတဲ့ အနေအထားမှာပဲ ငြိမ်းချမ်းရေး ဆွေးနွေးဖို့အတွက် မြန်မာစစ်တပ်ဘက်က မနေ့က ဒေသခံ သံဃာတော် ၂ ပါးကို စေလွှတ်လာတယ်လို့ ရှမ်းပြည်တိုးတက်ရေး ပါတီဘက်က ပြောပါတယ်။ ငြိမ်းချမ်းရေး ဆွေးနွေးဖို့ အတွက်ကတော့ အခုလို သံဃာတော် ၂ ပါးကို စေလွှတ်လာတာဟာ အကျိုးသက်ရောက်မှု မရှိသလို တရားဝင် ဆွေးနွေးသင့်တယ်ဆိုပြီး ရှမ်းပြည်တိုးတက်ရေးပါတီ ဌာနချုပ်ကနေ ပြောဆိုခဲ့တယ်လို့ အဖွဲ့ရဲ့ ပြောရေးဆိုခွင့်ရှိသူ ဗိုလ်မှူး စိုင်းလက ပြောပါတယ်။
“မနေ့က သူတို့က သံဃာတော် ၂ ပါး လွှတ်ခဲ့တယ်လေ။ ၂ ပါးလွှတ်ခဲ့ပြီးတော့ ၀မ့်ဟိုင်းအဖွဲ့က ငြိမ်းချမ်းရေးကို မလိုလားဘူးလားတဲ့ အဲဒီလို လာမေးတယ်ခင်ဗျ။ ကျေးသီးက အဲဒီတပ်က လွှတ်လိုက်တယ်ပေါ့။ ငြိမ်းချမ်းရေးလိုလား မလိုလား ဆိုတာက သူတို့အပေါ် လုံးဝ မူတည်တာပေါ့။ သူတို့က ငြိမ်းချမ်းရေးကို လိုလားတယ် ဆိုရင်တော့ တကယ်တမ်း အဲဒီသံဃာ ၂ ပါးနဲ့ပဲ လွှတ်တယ်ဆိုတာ အကျုံးမ၀င်ဘူးလေ။ သိပ်ပြီးတော့ သက်ရောက်မှု မရှိဘူးပေါ့။ ဒါကြောင့် ကျနော်တို့လည်း ဘာမှတော့ သိပ်မပြောဘူး။
“ဆိုလိုချင်တာကတော့ဗျာ အဲဒီ ပထမဆုံးအဆင့် အနေနဲ့ သူတို့ ၀မ့်ဟိုင်းဒေသမှာ ထိုးစစ်ဆင်နေတဲ့ အဲဒီတပ်တွေ၊ နောက် တပ်စွဲထားတဲ့ဟာတွေ၊ ကျနော်တို့ နယ်မြေထဲက သူတို့ ဆုတ်ခွာရမယ်။ သူတို့က အကောင်အထည် ဖော်မှပဲ ဖြစ်နိုင်မှာပါ။ အဲဒါ နှစ်ဘက်ဆွေးနွေးမှု တရားဝင်ကော်မတီ ဖွဲ့ပြီးမှ ဆွေးနွေးရင် ကောင်းမယ်။ သူတို့က လွှတ်ခဲ့တယ်ဆိုတော့ ကျနော်တို့ ပြောထားတဲ့အတိုင်း သူပြန်သွားပြောမှာပဲခင်ဗျ။”
ဇူလိုင်လ ၁၁ ရက်နေ့ကစပြီး မြန်မာစစ်တပ်ကနေ ရှမ်းပြည်တိုးတက်ရေးပါတီ ဌာနချုပ်ကို အင်အား အလုံးအရင်းနဲ့ တိုက်ခိုက်လာခဲ့ရာကနေ စပြီး နှစ်ဘက် တိုက်ပွဲတွေ ဖြစ်ပွားခဲ့ပါတယ်။ မြန်မာစစ်တပ်အနေနဲ့ ၀မ့်ဟိုင်းဌာနချုပ် အနီးကပ်ဆုံး နေရာကို ရောက်နေပေမဲ့လည်း ဒီရက်ပိုင်းတွေမှာ ထိုးစစ်တွေ ရပ်တန့်နေတယ်လို့ ရှမ်းပြည်တိုးတက်ရေး ပါတီဘက်က ပြောပါတယ်။
အခုလို ငြိမ်းချမ်းရေး ဆွေးနွေးဖို့ မြန်မာစစ်တပ်ကနေ သံဃာတော်တွေကို စေလွှတ်ပြီးတော့ ကမ်းလှမ်းလာတာဟာ ရှမ်းပြည်တိုးတက်ရေးပါတီ အနေနဲ့ ကြိုဆိုပေမဲ့ ပါတီရဲ့ လိုလားချက်ကိုတော့ အဖွဲ့ရဲ့ ပြောရေးဆိုခွင့်ရှိသူ ဗိုလ်မှူး စိုင်းလက အခုလို ပြောပါတယ်။
“တကယ်တမ်း အထက်အမိန့်အရ ဆိုရင်တော့ တရားဝင် အဲဒီ ကျနော်တို့ နိုင်ငံရေးပါတီတွေလည်း ရှိတာပဲ။ အဲဒါ အရင်လွှတ်ပြီးတော့ ဆက်သွယ်ရမယ်လေ။ အခုက သံဃာတော် ၂ ပါးပဲ လွှတ်တာဆိုတော့ ကျနော်တို့က အတည်ပြုလို့ မရသေးဘူး။ ကျနော်တို့ တောင်းဆိုချင်တာက သူတို့တပ်တွေ ဆုတ်ခွာပေးဖို့ပဲ။ ကျနော်တို့ဒေသ တည်ငြိမ်အေးချမ်းမှု ရအောင်နဲ့ အဲဒီ တပြည်လုံး အတိုင်းအတာ ပြည်တွင်းစစ် ရပ်စဲဖို့က သူတို့ပေါ်မှာပဲ မူတည်တာပေါ့။ တကယ်တမ်း ကျနော်တို့အပေါ် စေတနာရှိရိုး မှန်ရင်တော့ သူတို့တပ်တွေ ဆုတ်ခွာပေးဖို့၊ တပြည်လုံး အတိုင်းအတာ ပြည်တွင်းစစ် ရပ်စဲရေးကို ကျနော်တို့က လိုလားတယ်လေ။”
ရှမ်းပြည်တိုးတက်ရေးပါတီ အနေနဲ့ကတော့ မြန်မာစစ်ခေါင်းဆောင်တွေနဲ့ရော ငြိမ်းချမ်းရေး အကျိုးဆောင်တွေနဲ့ရော တရားဝင် ငြိမ်းချမ်းရေး ဆွေးနွေးဖို့ လိုလားပေမဲ့ မြန်မာစစ်တပ်ဘက်က အခုလို သံဃာတော် ၂ ပါးပဲ စေလွှတ်လာတာဟာ စစ်ရေးအရ တိုက်ခိုက်ဖို့ အင်အားစုဆောင်းဖို့ တမင်အချိန်ဆွဲတဲ့ လုပ်ရပ်တခုလို့ အမည်မဖော်လိုသူ တပ်မှူးတဦးက ပြောပါတယ်။
အလားတူ KIO ခေါ် ကချင်လွတ်လပ်ရေး အဖွဲ့တွေနဲ့ အစိုးရတပ်တွေအကြား အပစ်အခတ်ရပ်စဲရေး ကြားဝင် ဆောင်ရွက်ပေးနေတဲ့ ကချင်ပြည်နယ် အစိုးရ ကိုယ်စားလှယ်အဖွဲ့ ခေါင်းဆောင် ဗိုလ်မှူးကြီး သန်းအောင်က ယာယီ အပစ်အခတ် ရပ်စဲရေး ကမ်းလှမ်းစာကို ဇူလိုင် ၂၂ ရက်နေ့က KIO ထံ စာပို့လာတဲ့အပေါ် တနိုင်ငံလုံး အတိုင်းအတာ အပစ်အခတ် ရပ်စဲရေးကို လုပ်ဆောင်သွားဖို့ KIO က ထပ်မံ အကြောင်းပြန်လိုက်တယ်လို့ KIO ဘက်က ပြောပါတယ်။ ဇွန်လဆန်းပိုင်းမှာ အပစ်အခတ် ရပ်စဲရေး သဘောတူညီချက်တွေ ပျက်သွားပြီး နောက်ပိုင်း KIO နဲ့ မြန်မာစစ်တပ်တွေ အကြားမှာ ယနေ့တိုင် တိုက်ပွဲတွေ ဖြစ်ပွားနေတဲ့ အခြေအနေမှာ ရှိနေပါတယ်။

ပြည်တော်မပြန်နိုင်တဲ့ ဒုက္ခသည်အိမ်မက် မှတ်တမ်းရုပ်ရှင်

ချင်းမိုင် (မဇ္ဈိမ) ။ ။ တချိန်တုန်းက မြန်မာနိုင်ငံမှာ ရရှိခဲ့တဲ့ ဘဝမျိုးကို စေးစေးလာ အနေနဲ့ အိပ်မက်တွေထဲမှာ သာ ပြန်လည် ရရှိနိုင်ပါတော့တယ်။ သူဟာ သူ့မိသားစု ပိုင်ဆိုင်ခဲ့တဲ့ လယ်ကွင်း၊ သူရဲ့ အချစ်ဆုံး ကျွဲ တွေကို အမှတ်တရ ဖြစ်နေသလို တဘက်မှာလည်း သူအသက် ငါးနှစ်အရွယ်မှာ မြန်မာအာဏာပိုင်တွေရဲ့ အဖမ်းခံရမှု၊ အာဏာပိုင်တွေက သူ့ရဲ့အဖေကို သတ်ခဲ့မှုတွစတဲ့ အကြောင်းအရာတွေကို ပြန်ပြောင်းပြီး အိပ်မက်ဆိုးတွေ မက်နေခဲ့ပါတယ်။
“Burmese Dreaming” မှတ်တမ်းတင် ရုပ်ရှင်ဟာ ထိုင်းနိုင်ငံ ဒုက္ခသည်စခန်းတခုမှာ ရောက်ရှိနေတဲ့ မိန်းကလေးငယ် တယောက်ရဲ့ ခံစားချက်နဲ့ အတူ ကိုယ့်နေရပ်ဒေသကို အိပ်မက်ထဲမှာသာ ပြန်နိုင်တော့တဲ့ ဒုက္ခသည်တွေရဲ့ ဇာတ်ကြောင်းကို ရိုက်ကူး တင်ပြထားတာ ဖြစ်ပါတယ်။

မှတ်တမ်းတင် ရသ ရုပ်ရှင် “Burmese Dreaming” ဟာ စေးစေးလာ ရဲ့ ဖြစ်ရပ်မှန် ဇာတ်ကြောင်းနဲ့အတူ မြန်မာ အာဏာပိုင်တွေရဲ့ ဒုက္ခပေးမှုတွေကြောင့် မြန်မာလူမျိုးတွေနဲ့ တိုင်းရင်သား အများအပြား ရင်ဆိုင်ဖြတ်သန်း နေရတဲ့ ဆင်းရဲဒုက္ခတွေကို တင်ဆက်ထားတာ ဖြစ်ပါတယ်။

စေးစေးလာ ထိုင်းနိုင်ငံကို ထွက်ပြေးလွတ်မြောက် လာခဲ့ပေမယ့် ငါးနှစ်ကြာလာတဲ့ အချိန်အထိ သူ့အိမ်ကို ပြန်နိုင်ခြင်း မရှိသေးပါဘူး။

“Burmese Dreaming” ဟာ မိသားစုထဲကနေ ခွဲထုတ်ခြင်း ခံရပြီး မြန်မာစစ်တပ်ရဲ့ အကျဉ်းချခြင်းလည်း ခံခဲ့ရတဲ့ အထီးကျန် မိန်းကလေးငယ် တယောက်ရဲ့ ရင်နင့်ဖွယ် ဇာတ်ကြောင်းပဲ ဖြစ်ပါတယ်။ မှတ်တမ်းတင် ရုပ်ရှင်က သူ့ဘဝရဲ့ ပျော်ရွှင်မှုတွနဲ့ ခါးသီးမှုတွေကို သူ့ရဲ့အိပ်မက်တွေ၊ ပြန်ပြောင်း သတိရမှုတွေ၊ စိတ်ကူးယဉ်မှုတွေကို အသုံးပြုပြီး ပုံဖော်ထားတာပါ။

“သမီး နိုးလာပါပြီ၊ သမီးဟာ အခုဆို ထိုင်းမြန်မာ နယ်စပ်burmese-dreaming-film-2
က ဒုက္ခသည် စခန်းမှာ ရောက်ရှိနေပါတယ်။ ဒီကို
ရောက်လာတာ ငါးနှစ်ရှိပေမယ့် သမီးရဲ့ စိတ်ကတော့
ဒီမှာ မရှိပါဘူး။ သမီးရဲ့ စိတ်ကူးတွေ၊ အိပ်မက်တွေထဲမှာ
မွေးရပ်နိုင်ငံ အကြောင်းပဲ ရှိနေပါတယ်” လို့ သူက
ပြောပြထားပါတယ်။

မှတ်တမ်းတင် ရုပ်ရှင်ကားထဲမှာ ဒုက္ခသည် စခန်းတွေ ထဲက မြင်ကွင်းတွေ၊ မီဒီယာ လွတ်လပ်ခွင့် မရှိတဲ့
မြန်မာနိုင်ငံထဲမှာ ရိုက်ကူးခဲ့တဲ့ မြင်ကွင်းတွေကို တလှည့်စီ ရောထွေး တင်ဆက်ထားပါတယ်။

သြစတြေးလျ ဓာတ်ပုံဆရာနဲ့ ရုပ်ရှင်ရိုက်ကူးသူ Timothy Syrota က သူ့အနေနဲ့ ၁၉၉၆ မြန်မာ့ခရီးသွားနှစ် အပြီး တနှစ်အကြာ ၁၉၉၇ ခုနှစ်မှာ မြန်မာနိုင်ငံကို ပထမဆုံးအကြိမ် သွားရောက်ခဲ့ပြီးတော့ ဒီမှတ်တမ်း ရုပ်ရှင်ကို ရိုက်ကူးဖို့ စိတ်ကူးရလာတာလို့ ပြောခဲ့ပါတယ်။

အဲဒီ့အချိန်က မြန်မာနိုင်ငံဟာ နိုင်ငံခြား ဧည့်သည်တွေကို လက်ခံနိုင်တဲ့ အနေအထား သိပ်မရှိသေးပါဘူး။ “ကျနော်
ငယ်ငယ်ကတည်းက အာရှတခွင် နေရာတော်တော် များများကို သွားခဲ့ဖူးပါတယ်။ ဒါပေမယ့် မြန်မာနိုင်ငံလို ဖွံ့ဖြိုးမှုတွေ၊ အခြေခံ အဆောက်အဦးတွေ ချို့တဲ့ပြီး နောက်ကို
ပြန်ဆုတ်နေတဲ့ နိုင်ငံ၊ လာဘ်စားမှုတွေ ဖိနှိပ်မှုတွေ ပေါများတဲ့ နိုင်ငံမျိုး တွေ့လိမ့်မယ်လို့ မျှော်လင့်မထားခဲ့ပါဘူး” လို့ Syrota က ပြောခဲ့ပါတယ်။

“ဒါကြောင့် မှတ်တမ်းတင် ရုပ်ရှင်ကားတကား ရိုက်ကူးဖို့အတွက် ပြန်သွားဖို့ ကျနော် ဆုံးဖြတ်ခဲ့ပါတယ်။ ကျနော့်ရဲ့ ပထမဆုံး ခရီးစဉ်နှစ်ခုအပြီး သြစတြေးလျကို ပြန်ရောက်တဲ့အခါမှာ ကျနော့်ရဲ့ ပထမစာအုပ် ဖြစ်တဲ့ “Welcome to Burma and Enjoy the Totalitarian Experience” ကို ထုတ်ဝေနိုင်ခဲ့ပါတယ်။ (၂ဝဝ၁ ခုနှစ်တွင် Orchid စာပုံနှိပ်တိုက်က ထုတ်ဝေခဲ့သည်။) နောက်ပြီး ကျနော်မြန်မာနိုင်ငံမှာ ရိုက်ကူးခဲ့တဲ့ ဓာတ်ပုံတွေကို ဓာတ်ပုံပြပွဲတွေ လုပ်ခဲ့ပါသေးတယ်။ ဒါကြောင့်မို့ မှတ်တမ်းတင် ရုပ်ရှင်ရိုက်ကူးရေးက အနည်းငယ် ကြန့်ကြာသလို ဖြစ်သွားပေမယ့် လုပ်မယ်ဆိုတဲ့ ရည်ရွယ်ချက်က ကျနော့်စိတ်ထဲမှာ အမြဲရှိနေခဲ့ပါတယ်”လို့ သူက ထပ်ပြောခဲ့ပါတယ်။

မြန်မာနိုင်ငံနဲ့ ပတ်သတ်တဲ့ သတင်း အချက်အလက်တွေ နည်းပါးနေမှုကြောင့် Syrota အနေနဲ့ ရုပ်ရှင် ရိုက်ကူးသင့်တယ်လို့ ခံစားမိပြီး မြန်မာနိုင်ငံသားများ ခံစားနေရတဲ့ ဒုက္ခအကျပ်အတည်း အပေါ် လေးလေးနက်နက် ကရုဏာ သက်မိတယ်လို့လည်း ပြောခဲ့ပါသေးတယ်။

အဲဒီ့မှတ်တမ်းတင် ရုပ်ရှင်ကို ရိုက်ကူးတဲ့နေရာမှာ စံချိန်မီ ကင်မရာ သုံးပြီး ပေါ်တင် ရိုက်ကူးခဲ့တဲ့ အတွက်
အာရုံအစိုက် ခံရကာ ဦးနှောက် ခြောက်စရာတွေလည်း ကြုံခဲ့ရတယ်လို့ ဆိုပါတယ်။ မြန်မာနိုင်ငံဟာ
နိုင်ငံခြားသား သတင်းထောက်တွေ အတွက် သတင်းထောက်လှမ်း ရိုက်ကူးဖို့ ခက်ခဲတဲ့ နိုင်ငံဖြစ်ပြီး
မိသွားခဲ့ရင်လည်း ချက်ခြင်း နှင်ထုတ်ခံရမှာ ဖြစ်ပါတယ်။

“ရွေးချယ်စရာ နှစ်ခု ရှိပါတယ်။ တတ်နိုင်သမျှ လျှို့လျှို့ဝှက်ဝှက် ရိုက်ကူးဖို့နဲ့ ဒုတိယနည်းကတော့ ပေါ်တင် ရိုက်ကူးဖို့ ဖြစ်ပါတယ်။ ပေါ်တင် ရိုက်ရင်တော့ သံသယတွေကို လျော့ပါးစေနိုင်ပါတယ်” လို့ Syrota က
ပြောခဲ့ပါတယ်။

“ကျနော်ကတော့ ဒုတိယနည်းကို ရွေးခဲ့ပါတယ်။ ကျနော့်အနေနဲ့ အာဏာပိုင်တွေနဲ့ ပြဿနာတက်ပြီး အဆုံးသတ်သွားမှာကိုတော့ အမြဲစိုးရိမ် ခဲ့ပါတယ်။ ကျနော့် အနေနဲ့ ပထမတခေါက် မြန်မာနိုင်ငံကို သွားတုန်းက ပြဿနာ အနည်းအကျဉ်း ရှိခဲ့ပါတယ်။ ကျနော် ရိုက်ကူးထားတဲ့ tape တွေကို ကူညီချင်တဲ့ ခရီးသွားတွေရဲ့ အကူအညီနဲ့ မြန်မာနိုင်ငံ အပြင်ဘက်ကို ထုတ်ခဲ့ရပါတယ်” လို့လည်း အခက်အခဲကို
ပြောပြပါတယ်။

ဒုက္ခ အကြီးအကျယ် ရောက်မှာကိုလည်း အမြဲပူပန်နေရကြောင်း Syrota က ထပ်ပြောပြန်ပါတယ်။

“တရက် တရက်မှာ ကျနော် ဘာတွေကို ရိုက်ကူးချင်တယ် ဆိုတာကို အစီအစဉ်ချ ရိုက်ကူးပြီးတော့ တခြားအပိုတွေကိုတော့ သိပ်မရိုက်ကူးဖြစ်ပါဘူး” လို့ သူက ဆိုပါတယ်။
burmese-dreaming-film-3
“ပြဿနာတွေ တက်တဲ့ အခါမှာတော့ ကျနော့် တိပ်ခွေတချို့ အသိမ်းခံလိုက် ရပါတယ်။ နောက်နေ့မှာ ဗြိတိသျှ သံရုံးရဲ့ ကျေးဇူးနဲ့ ကျနော် နိုင်ငံကနေ ထွက်ခွာခဲ့ပါတယ်” လို့ Syrota က ပြောခဲ့ပါတယ်။

ရုပ်ရှင်ရိုက်ကူးသူ Miahael Moore နဲ့ Meryl Streep တို့ကို ကူညီပေးခဲ့တဲ့ အမေရိကန်နိုင်ငံ ကာလီဖိုးနီးယား
ပြည်နယ် Beverly Hills မှာ အခြေစိုက်တဲ့ Ostrow & Company ထိပ်တန်း ထုတ်လုပ်ဖြန့်ချိရေး ကုမ္ပဏီကလည်း ဒီမှတ်တမ်းတင် ရုပ်ရှင်ကားကို ကူညီခဲ့ပါတယ်။ အဲဒီ့ကုမ္ပဏီဟာ တနှစ်ကို ရုပ်ရှင်ကား အနည်းငယ်ပဲ လက်ခံ
ဆောင်ရွက်တဲ့ ကုမ္ပဏီလည်း ဖြစ်ပါတယ်။

အစပိုင်းမှာ မှတ်တမ်းတင် ရုပ်ရှင်ကားရဲ့ အိပ်မက်ဆန်ဆန် ရိုက်ကူး တင်ဆက်ထားမှုကြောင့် အလုပ်မဖြစ်မှာကို အနည်းငယ် စိုးရိမ်ခဲ့တယ်လို့ Syrota က ဆိုပါတယ်။

“အိပ်မက်ဆန်ဆန် ရိုက်ကူးထားမှုကြောင့် Ostrow & Company အနေနဲ့ ဈေးကွက်တင် ဖြန့်ဖြူးဖို့ အခက်အခဲတွေ ရှိမှာကို စိုးရိမ်မိတယ်လို့ အစောပိုင်း ဆွေးနွေးပွဲတွေမှာ ကျနော်က ပြောခဲ့ပါသေးတယ်။ ဒါပေမယ့် ကုမ္ပဏီရဲ့ အလုပ် အမှုဆောင်အဖွဲ့ဝင်တွေက ကုမ္ပဏီအနေနဲ့ ဒီရုပ်ရှင်ကို အထူးတလည် စိတ်ဝင်စားရတာဟာ အဲလိုရိုက်ကူးတင်ဆက် ထားမှုတွေကြောင့် အဓိကဖြစ်တယ်လို့ ပြောကြပါတယ်” လို့ Syrota က ရှင်းပြခဲ့ပါတယ်။

“Burmese Dreaming” မှတ်တမ်းတင် ရုပ်ရှင်ဟာ ထိုင်းနိုင်ငံ ဒုက္ခသည်စခန်းတခုမှာ ရောက်ရှိနေတဲ့ မိန်းကလေးငယ် တယောက်ရဲ့ ခံစားချက်နဲ့ အတူ ကိုယ့်နေရပ်ဒေသကို အိပ်မက်ထဲမှာသာ ပြန်နိုင်တော့တဲ့ ဒုက္ခသည်တွေရဲ့ ဇာတ်ကြောင်းကို ရိုက်ကူး တင်ပြထားတာ ဖြစ်ပါတယ်။

http://www.mizzimaburmese.com/news/inside-burma/8020-2011-07-26-08-57-32.html

စောချစ်သူအတွက်တေးလက်ဆောင်

7 htarwara kawthoolei.flv

DKBA ဗိုလ်မှူးဆန်းအောင်နဲ့ ကိုးဒီသွေး မီဒီယာ အင်တာဗျူး

အချင်းချင်းတိုက်တာ မဆုံးနိုင်တော့ပါလား? စဉ်းစားကြပါဦး ဘယ်သူကြောင့်လဲဆိုတာ

DKBA ဗိုလ်ဘိအဖွဲ့ နဲ့  စောချစ်သူ BGF တို့တိုက်ပွဲဖြစ်

သန်းထိုက်ဦး Friday, 22 July 2011 14:19

ကရင်ပြည်နယ် လှိုင်းဘွဲ့မြို့နယ် မြိုင်ကြီးငူ အထူးဒေသရှိ ထီးလာနဲရွာတွင် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်ဖွဲ့ဝင်များ အချင်းချင်း ယနေ့ နံနက်က တိုက်ပွဲဖြစ်ပွားခဲ့ကြောင်း သိရသည်။

နယ်ခြားစောင့်တပ်မှ ခွဲထွက်သွားသည့် DKBA တပ်ရင်း ၄ ရင်းကို ဦးဆောင်နေသူ တပ်ရင်းမှူး ဒု ဗိုလ်မှူးကြီး စောဘိ (ဗိုလ်ဘိ) ၏ တပ်ဖွဲ့ဝင်များအား DKBA ခေါင်းဆောင်ဟောင်း တဦးဖြစ်သည့် ဗိုလ်မှူးကြီး စောချစ်သူ (ဗိုလ်ချစ်သူ) တပ်ဖွဲ့ဝင်များက သွားရောက်တိုက်ခိုက်ခဲ့ကြောင်း ကရင်အမျိုးသား အစည်းအရုံး (KNU) ဘားအံခရိုင် ဥက္ကဋ္ဌ ဖဒို စောအောင်မော်အေးက ဧရာဝတီသို့ ပြောသည်။

အစိုးရကို သစ္စာခံထားသော နယ်ခြားစောင့်တပ် အမှတ် (၁၀၁၉) တပ်ရင်းမှူး စောလိုက်သိန့် ဦးဆောင်သော တပ်ဖွဲ့ဝင်များ အပါအ၀င် ဗိုလ်ဖားနွီးတပ်ဖွဲ့ဝင်များနှင့် ဗိုလ်ချစ်သူတပ်တို့ ပူးပေါင်း၍ သွားရောက် တိုက်ခိုက်ခဲ့ကြောင်း ၎င်းက ဆိုသည်။

တိုက်ပွဲတွင် နှစ်ဖက် စစ်သည်အင်အား ၄၀၀ ခန့် ရှိကြောင်း၊ သေဆုံး ထိခိုက် ဒဏ်ရာ ရသူများ၏ အခြေအနေများကို စုံစမ်းဆဲဖြစ်ကြောင်း စောအောင်မော်အေးက ဆက်ပြောသည်။

KNU တပ်မဟာ (၇) မှ ဗိုလ်မှူးချုပ် စောဂျော်နီက ယင်း တိုက်ပွဲအခြေအနေများနှင့် ပတ်သက်၍ ဆက်လက်ဖြစ်ပွား လာနိုင်ကြောင်း ပြောဆိုသည်။ 

ပြီးခဲ့သည့် မေလတွင် ခွဲထွက်သွားသော ဗိုလ်ဘိ ဦးဆောင်သည့် ကရင် နယ်ခြားစောင့် တပ်ရင်း ၄ ရင်းကို ပြည်လည်စည်းရုံးရန် ဗိုလ်ချစ်သူက ဇူလိုင်လဆန်းပိုင်းတွင် ကြိုးပမ်းပြီးနောက် နှစ်ဖက် စစ်ရေးတင်းမာ၍ မြိုင်ကြီးငူဒေသ အပြင်ဘက်တွင် နေရာယူထားခဲ့ကြ ခြင်းဖြစ်သည်။

လှိုင်းဘွဲ့မြို့နယ် ပိုင်ကျုံမြို့နယ်ခွဲတွင် ဇူလိုင်လ ၂၀ ရက်နေ့ကလည်း KNU တပ်ဖွဲ့ဝင်များနှင့် နယ်ခြားစောင့်တပ်ဖွဲ့ဝင်များ ရင်ဆိုင် တိုက်ပွဲ ဖြစ်ပွားခဲ့သေးကြောင်း သိရသည်။ ယင်း တိုက်ပွဲတွင် နယ်ခြားစောင့်တပ်ဖွဲ့ဝင်တဦး ကျဆုံးခဲ့ပြီး ၆၀ မမ လက်နက် အမျိုးအစား တလက်နှင့် လက်နက်ခဲယမ်းများကို သိမ်းဆည်းရမိကြောင်း စောအောင်မော်အေးက ပြောသည်။

ဇွန်လကုန်တွင် ဗိုလ်ဘိ၏ အဖွဲ့က မြိုင်ကြီးငူဒေသရှိ တခွက်ဖိုးရွာအနီး အခြေစိုက်သည့် နယ်ခြားစောင့်တပ် အမှတ် (၁၀၁၁) ကို တိုက်ခိုက်ခဲ့ရာ တပ်ရင်းမှူး ဒု ဗိုလ်မှူးကြီး စိုးနိုင် ကျဆုံးခဲ့သည်။

ကရင်ပြည်နယ်တွင် ဖြစ်ပွားသော တိုက်ပွဲ၊ မငြိမ်မသက်မှုများနှင့် ပတ်သက်ပြီး အစိုးရက သတင်းထုတ်ပြန်ခြင်း မရှိသေးပေ။

ယမန်နှစ် သြဂုတ်လတွင် နယ်ခြားစောင့်တပ် တပ်ဖွင့်ပွဲ အခမ်းအနားများကို လှိုင်းဘွဲ့မြို့နယ် မြိုင်ကြီးငူ ဒေသ၊ ပိုင်ကျုံမြို့နယ် ထန်းတပင်ကျေးရွာ၊ မြ၀တီမြို့နယ် မဲပလဲ့ဒေသ၊ ကော့ကရိတ်မြို့နယ် ထီးဟူးသံ ကျေးရွာနှင့် ကွင်းကလေးဒေသတို့တွင် စစ်အစိုးရက ဦးဆောင်၍ ကျင်းပခဲ့သည်။

DKBA သည် ၁၉၉၅ ခုနှစ်တွင် KNU မှ ခွဲထွက်ပြီးနောက် စစ်အစိုးရနှင့် အပစ်အခတ်ရပ်စဲကာ တဖြည်းဖြည်း အင်အားကြီးမားလာသည့် လက်နက်ကိုင် တပ်ဖွဲ့ တဖွဲ့ဖြစ်သည်။

မြန်မာဘက်ပို့မည့် လက်နက်များ မဲဆောက်တွင်မိ

ဧရာဝတီ Friday, 22 July 2011 15:34

မြန်မာပြည်ဘက်သို့ သွားရောက်ပို့ဆောင်မည့် လက်နက်များကို ထိုင်းရဲများက ယမန်နေ့ ညနေပိုင်းတွင် မဲဆောက်မြို့၌ ဖမ်းဆီးလိုက်သည်။

ဖမ်းဆီးရမိသည့် လက်နက်များမှာ M 16 အမျိုးအစား သေနတ်တလက်၊ မောင်းပြန် ရိုင်ဖယ် ၅ လက်နှင့် ကျည်ဆန်များ၊ ဆက်စပ်ပစ္စည်းများဖြစ်ကြောင်း သိရသည်။


ယင်း လက်နက်များကို ဖိဆန်နုလွတ်ခရိုင်မှတဆင့် ထိုင်းနိုင်ငံသား နိုင်နလုလုံး ဘူဆလာခန်က သယ်ယူလာစဉ် မဲဆောက်အနီးရှိ ဟွေ့ယာအု စစ်ဆေးရေးဂိတ်တွင် အဖမ်းခံရခြင်းဖြစ်သည်။

ဘူဆလာခန်က “ဒီပစ္စည်းတွေက မဲဆောက်-မြ၀တီနယ်စပ်က လူတွေဆီ သွားပို့ပေးဖို့ အခကြေးငွေ ဘတ် ၂ ထောင်နဲ့ ဒီပစ္စည်းတွေကို သယ်လာတာပါ” ဟု ထိုင်းရဲထံတွင် ထွက်ဆိုခဲ့သည်။

သတင်းထောက်များ၏ အသေးစိပ် မေးမြန်ချက်များကိုမူ ဘူဆလာခန်က ဖြေကြားရန် ငြင်းဆိုခဲ့သည်။

၎င်း၏ ထွက်ဆိုချက်များနှင့် ပတ်သက်၍ အမှုကွင်းဆက်များ အသေးစိပ်ရရှိရန် ဆက်လက်စစ်ဆေးမှုများ ပြုလုပ်သွားရမည်ဟု မဲဆောက်ရဲတပ်ဖွဲ့မှ ရဲဗိုလ်မှူးကြီး ဒေချာဝထနဖနုံ က ဒေသခံသတင်းထောက်များကို ပြောသည်။

၎င်းက “ဒီလက်နက်တွေက မြန်မာဘက်က တိုင်းရင်းသား လက်နက်ကိုင်အဖွဲ့တွေဆီ သွားပို့ကြတာများတယ်။ ဒီအမှုနဲ့ပတ်သက်ပြီး ဆက်လက်ဖော်ထုတ် စစ်ဆေးသွားမှာဖြစ်တယ်။ အခုဖမ်းမိတဲ့ လက်နက်တွေက ထိုင်းစစ်တပ်နဲ့ တခြားလက်နက်ကိုင် တပ်ဖွဲ့တွေက ပျောက်ဆုံးသွားတဲ့ လက်နက်တွေ ဟုတ်မဟုတ်လည်း စစ်ဆေးသွားမှာ ဖြစ်တယ်” ဟု ပြောသည်။

ကရင်ပြည်နယ် မြ၀တီအခြေစိုက် တိုင်းရင်းသား လက်နက်ကိုင်အဖွဲ့တခုမှ အမည်မဖော်လိုသည့် တာဝန်ရှိသူတဦးက “မြ၀တီနယ်စပ်မှာ တိုင်းရင်းသား လက်နက်ကိုင်အဖွဲ့ ၃ ဖွဲ့ရှိတယ်။ လိုအပ်တဲ့ လက်နက်ခဲယမ်းတွေကို ဟိုဘက်ကမ်း (ထိုင်း) ကပဲ ၀ယ်ရတယ်။ ကျနော်တို့အဖွဲ့လည်း ဒီလိုပါပဲ။ အခုလို အဖမ်းခံရတဲ့ ပြဿနာအများစုက သူတို့အချင်းချင်း ပြန်ပြီး အတို့အထောင်လုပ်လို့ ဖြစ်တာများတယ်” ဟု ဆိုသည်။

မြန်မာဘက်သို့ လက်နက်ပွဲစားများ လာရောက်ပို့ဆောင်သည့် လက်နက်ခဲယမ်းများမှာ အသုံးပြုပြီးသား တပတ်ရစ်များ ဖြစ်သော်လည်း လိုအပ်ချက်အရ တန်ဖိုးငွေ အဆမတန်ပေး၍ ၀ယ်ယူ အသုံးပြုနေရသည်ဟုလည်း ၎င်းက ပြောသည်။

ထိုင်း-မြန်မာနယ်စပ်ရှိ လက်နက်ပွဲစားတဦးက “မြ၀တီအပါအ၀င် မြန်မာနယ်စပ်မှာရှိတဲ့ တိုင်းရင်းသား လက်နက်ကိုင် အဖွဲ့ခွဲတွေကများတော့ ၀ယ်အားနဲ့ ရောင်းအားမှာ ၀ယ်အားက များတယ်” ဟု ပြောသည်။

M 16 သေနတ် တပတ်ရစ်၊ အရည်အသွေး ၅၀ ရာခိုင်နှုန်းကောင်းသေးလျှင် တလက် ထိုင်းဘတ် ၂ သောင်းကျော် (ကျပ် ၅ သိန်းကျော်)၊ ယင်းကျည်ဆန် တတောင့်လျှင် ၁၃ ဘတ် (၃၃၀ ကျပ်ခန့်)၊ AK 47 သေနတ် အရည်အသွေး ၅၀ ရာခိုင်နှုန်း ကောင်းသေးလျှင်လည်း ဘတ် ၂ သောင်းကျော်နှင့် ယင်းကျည်ဆန် တတောင့်လျှင် ၁၅ ဘတ် (၃၈၀ ကျပ်ခန့်)၊ M 79 ကျည်မှာ တလုံးကို ဘတ် ၁ ထောင်ကျော် (ကျပ် ၂ သောင်းခွဲကျော်) ဈေးပေါက်ကြောင်း အဆိုပါ လက်နက်ပွဲစားက ရှင်းပြသည်။

၎င်းက ဆက်လက်၍ ထိုင်း-မြန်မာနယ်စပ်ရှိ လက်နက်ရောင်းဝယ်ဖောက်ကားသည့် ဈေးကွက်သည် သာမန်လူများ လုပ်ကိုင်၍ရသည့် လုပ်ငန်းမဟုတ်ကြောင်းလည်း ပြောကြားသည်။

နော်ဝေအစိုးရအဆောက်အဦးများ ဗုံးခွဲခံရ

သာကြာ, 22 ဇူလိုင် 2011 VOA

 

ဓာတ်ပုံ AP

ပေါက်ကွဲမှုကြောင့် ထိခိုက်ပျက်စီးခဲ့သည့် အဆောက်အဦးတခုမှထွက်ပေါ်လာသည့် ပျက်စီးစများနှင့် မီးခိုးများကို တွေ့မြင်ရပုံ (ဇူလိုင်လ ၂၂၊ ၂၀၁၁)

နော်ဝေနိုင်ငံ အော်စလို (Oslo) မြို့လယ် အစိုးရ ဗဟိုအဆောက်အဦးတွေဟာ ကြီးမားတဲ့ ပေါက်ကွဲမှုကြောင့် ပျက်စီးခဲ့ရပြီး လူအတော်များများ ဒဏ်ရာ ရရှိသွားခဲ့ပါတယ်။ အစိုးရအဆောက်အဦးနားက ရေနံဝန်ကြီးဌာန အဆောက်အဦးဟာလည်း ပေါက်ကွဲမှုကြောင့် မီးလောင်ကျွမ်းခဲ့ရပါတယ်။ ပေါက်ကွဲမှုကြောင့် ၁၇ ထပ်ရှိတဲ့ အဆောက်အဦးရဲ့ ပြတင်းမှန်တွေ အစိတ်စိတ်အမွှာမွှာ ကွဲကျေခဲ့ပါတယ်။
အစိုးရ ဗဟိုအဆောက်အဦးမှာ နော်ေ၀၀န်ကြီးချုပ် ယန်စ် စတိုလန်ဘာ့ဂ် (Jens Stoltenberg) ရဲ့ ရုံးခန်းလည်း ပါဝင်ခဲ့ပါတယ်။ ဒါပေမဲ့ အဲဒီနေ့လယ်ခင်း ပေါက်ကွဲမှုကြောင့် ၀န်ကြီးချုပ် ထိခိုက်ဒဏ်ရာမရခဲ့ဘူးလို့ သိရပါတယ်။
ပေါက်ကွဲမှုကြောင့် အနားတ၀ိုက် လူနေအိမ် အပါအ၀င် နော်ဝေနိုင်ငံရဲ့ အကြီးဆုံးလူဖတ်များတဲ့ သတင်းစာ VG နဲ့ တခြား ရုံးအဆောက်အဦးတွေရဲ့ ပြတင်းပေါက်တွေ လွှင့်ထွက်သွားခဲ့တယ်လို့ ဆိုပါတယ်။ ပေါက်ကွဲရတဲ့အကြောင်းရင်းကို ခုထက်ထိ မသိရသေးပေမဲ့ ပျက်စီးသွားတဲ့ ကားတစီးကို အဆောက်အဦးအပြင်ဖက်မှာ မြင်တွေ့ရတဲ့အတွက် ကားနဲ့ဗုံးခွဲတိုက်ခိုက်ခဲ့ပုံ ရတယ်လို့ သတင်းတွေ ထွက်ပေါ်လာပါတယ်။
မျက်မြင်သက်သေတွေရဲ့ အဆိုအရ အစိုးရ အဆောက်အဦးထဲက ထွက်ပြေးလာသူတွေနဲ့ သယ်ထုတ်လာသူတွေကို သွေးအလိမ်းလိမ်းနဲ့ တွေ့မြင်ကြရတယ်လို့ ဆိုပါတယ်။ လူတွေ ကြောက်လန့်တကြား ထွက်ပြေးနေကြပြီး ရိုက်တာသတင်းထောက်ရဲ့ မျက်မြင်တွေ့ရှိချက်အရ အနည်းဆုံး လူ ၈ ယောက် ဒဏ်ရာရခဲ့တယ်လို့ ဆိုပါတယ်။

ကေအဲန်ယူနှင့် တိုက်ခိုက်မှုကြောင့်နယ်ကြားစောင့် BGF တပ်ဖွဲ့ဝင် ၁ဦး ကျဆုံ

Submitted by admin on Thursday, 21 July 2011

ဇူလိုင်လ ၂၁ရက်။ နန်းသူးလေ (ကေအိုင်စီ)

ကရင်ပြည်နယ် ပိုင်ကျုံမြို့နယ်အတွင်းရှိ ထီးပယ်ရွာအနားတွင် နယ်ခြားစောင့်တပ်(BGF)နှင့် ကရင်အမျိုးသားလွတ်မြောက်ရေး တပ်မတော်(KLNA)တို့ ယမန်နေ့က တိုက်ပွဲဖြစ်ပွားရာ BGF ဘက်မှ ၁ဦး ကျဆုံးသွားခဲ့သည်ဟု ကေအဲန်ယူဘက်က ပြော သည်။
ယမန်နေ့ နံနက် ၄နာရီတွင် KNLA တပ်မဟာ(၇) တပ်ရင်း(၂၁)၊ (၂၂)တပ်ဖွဲ့ဝင်များနှင့် BGF တပ်ရင်း(၁၀၁၅)တို့ ၁နာရီခွဲအ ကြာ တိုက်ပွဲဖြစ်ပွားခဲ့ပြီး BGF ဘက်မှ ၁ဦး ကျဆုံးကာ လက်နက်ခဲယမ်းအချို့ကို ကေအဲန်ယူဘက်မှ သိမ်းဆည်းရရှိခဲ့သည်ဟု KNU ဖားအံခရိုင် ဥက္ကဌ ပဒိုစောအောင်မော်အေးက ကေအိုင်စီကို ပြောသည်။

Photo-NPG (ကေအဲန်ယူ တပ်မဟာ(၇) တပ်ဖွဲ့ဝင်တစ်ဦး)

၎င်းက “မနေ့က နံနက် ၄နာရီအချိန် ကျနော်တို့ ကေအဲန်ယူ တပ်မဟာ(၇)တပ်ဖွဲ့နဲ့ နယ်ခြားစောင့်တပ်တို့ ထီးပယ်ရွာဘက်မှာ ၁နာရီကြာ တိုက်ပွဲဖြစ်ပြီး ရန်သူဘက်က ၁ယောက်ကျတယ်။ ပြီးတော့ ရန်သူ့ဆီက ၆၀-မမ တစ်လက်၊ RPG-7 ၆လက်၊ စကား ပြောစက် ၂လုံး သိမ်းဆည်းလိုက်တယ်။”ဟု ပြောသည်။ အဆိုပါတိုက်ပွဲမှာ BGF တပ်ဖွဲ့ဝင် ၂၀ဦးရှိသည့် စခန်းကို သိမ်းဆည်းသည့်တိုက်ပွဲဖြစ်ပြီး ၆၀-၄၄ ကျည် ၁၅လုံး၊ ရှေ့ထွက်မိုင်း ၄လုံး၊ ဆေးဝါးတအိတ်နှင့် အီကွင့်မန့် ၅ချပ်ကိုပါ သိမ်းဆည်းရရှိခြင်းဖြစ်ကြောင်း ကေအဲန်ယူ တပ်မဟာ(၇)မှူး ဗိုလ်မှူးချုပ်စော ဂျော်နီက ထပ်မံ ပြောဆိုသည်။
“ကျနော်တို့လူတွေက စောစောစီးစီး စခန်းတက်သိမ်းတဲ့ တိုက်ပွဲပါ။ အဲဒီမှာ နယ်ခြားစောင့်တပ်က ကျဆုံးသွားတဲ့ အလောင်း တစ်ခုတော့ တွေ့တယ်။ ဒဏ်ရာရတာက ၃ယောက်လို့ သိရပေမဲ့ အတည်မပြုနိုင်ဘူး။ စခန်းကိုတော့ မီးရှို့ပစ်လိုက်တာပေါ့။ ဒီ နယ်ခြားစောင့်တွေက အစိုးရစစ်တပ်နဲ့ ပူးပေါင်းတဲ့တပ်တွေလေ။”ဟု ဆိုသည်။
BGF (၁၀၁၅) တပ်ရင်းကို ဗိုလ်မှူးစောဝင်းနိုင်စိန်က တပ်ရင်းမှူးအဖြစ် ဦးစီးကာ ပိုင်ကျုံမြို့နယ်၊ ထန်းတပင်ကျေးရွာတွင် ၎င်း ၏တပ်ရင်းဌာနချုပ် ထားရှိကြောင်း ကေအဲန်အယ်လ်အေဘက်က ဆိုသည်။
အလားတူ ပြီးခဲ့သည့် ဇူလိုင်လ ၅ရက်နေ့က ကရင်ပြည်နယ်၊ မြ၀တီမြို့နယ် မဲ့ပလဲ့တိုဂွင်၌ လှုပ်ရှားနေသည့် နယ်ခြားစောင့်တပ် ဖွဲ့နှင့် ကရင်အမျိုးသားလွတ်မြောက်ရေးတပ်မတော် KNLA တပ်မဟာ(၇)တပ်ဖွဲ့များ တိုက်ပွဲများဖြစ်ပွားခဲ့ရာ BGF ဘက်မှ ၃ဦး ထိခိုက်ဒဏ်ရာရရှိခဲ့သည်ဟု သိရသည်။