ပိုးကရင် အဆိုတော် ကရင်ပြည်နယ် ထီ့ထ်ုမုင်. (တောင်ကလေး(ဖုံပညာ့တွါန့်)ရွာသူ နော်သိန်းလားဘောင် ဟာ လွန်ခဲ့သောအနှစ် ၄၀နီးပါးလောက်တုန်းက အဝေးရောက်ချစ်သူအကို (ထံင်လ်ုယါင်ဝဲကျဝ် )သီချင်းစီးရီးအခွေများနှင့်ထင်ရှားကျော်ကြားလာပြီးယနေ့ထိတိုင်အရွယ်အလတ်မရွေးကြိုက်နှစ်သက်ပြီးကရင်ပရိပ်သတ်များကိုညို့ယူဖမ်းစားနိုင်တုန်းဖြစ်သည်။
ကရင်ကြားမှာနဲ့အခြားတိုင်းရင်းသားဗမာတွေကြားမှာတော့ ကရင်မာမာအေးအဖြစ်ထင်ရှားလူသိများသည်
တခါတုန်းက သာမညဆရာတော်သက်ရှိထင်ရှားရှိစဉ်အခါတုန်းက သာသနာနဲ့ဆိုင်သောသီချင်းတစ်ပုဒ်ကို
ဗမာတစ်လှည့် ကရင်တစ်လှည့်သီဆိုစေရာနာမည်ကြီး ဗမာအဆိုတော် ဒေါ်မာမာအေးနဲ့အပြိုင် ကရင်အဆိုတော် ( နော်သိန်းလားဘောင် )ကိုသီဆိုစေရာ သံစဉ်တူသီချင်းကိုဒေါ်မာမာအေးကဲ့သို့အပြိုင်သီဆိုနိုင်သည်ကိုကရင်ပရိတ်သတ်အများအပြားနားဆင်ခဲ့ရသည်ကိုနားဆင်ခဲ့ဖူးသူတွေကပြောပြခဲ့ဖူးတာကို
ကြားခဲ့ရသည် အများအားဖြင့်သူဆိုခဲ့သောအချစ်သီချင်းများကို ကရင်ဂီတစာဆိုတေးရေးဆရာ
စဝ်မူ.လျာ.ဝဝ်(စောမူလျားဝေါ်)က ရေးသားပေးလျှက်ရှိပြီး ယခုထိတိုင် ရှားရှားပါးပါး ကရင်ဓမ္မမေတ္တာပို့သီချင်းကို စောမူလျားဝေါ် ကပင်ရေးသားပေးလျှက်ရှိသည်။ အစ ပထမတွင်ဒီသီချင်းကို Mp3 အသံတစ်မျိုးတည်းသာဖြန့်ချီခဲ့သော်လည်းယခု ကာလာအိုကေ ပုံစံရုပ်သံတွဲပြီးဒုတိယအကြိမ်ထပ်မံဖြန့်ချီ
ရာမျိုးဆက်သစ်အဆိုတော်တွေနဲ့ပါ အင်အားဖြစ်ဖြည့်စွက်သီဆိုထားတာကိုတွေ့ရမည် သူတို့တွေကိုလည်းအထင်တော့မသေးလိုက်နဲ့ဦး လက်ဆင့်ကမ်းကရင်အနုပညာ(ဖုံပညာ့ရဲာသီ့)သမိုင်းပေးတာဝန်ကို အဆိုတော်နော်သိန်းလားဘောင်အသံကဲ့သို့အေးမြတဲ့ဆွဲငင်အားရှိတဲ့အသံတွေနဲ့
ပရိတ်သတ်ကိုဆက်လျှက်ဖမ်းစားထားနိုင်အောင်အဆိုတော်နော်သိန်းလားဘောင်နဲ့အတူသူတပြိုင် ကိုယ်တပြိုင်သီဆိုနေကြဟန်ကို ပရိတ်သတ်များအကဲခတ်နိုင်ရန်လက်တို့လိုက်ပါရစေ။
ကရင် လက်နက်ကိုင် အချင်းချင်း ပြန်လည် ပစ်ခတ်မှု မဖြစ်ကြရန် တားမြစ်သည့် ညှိနှိုင်း ဆွေးနွေးပွဲကို စီစဉ်ခဲ့သော ဘာသာရေး ခေါင်းဆောင်များကို အရေးယူရန် ကရင် အမျိုးသား အစည်းအရုံး (KNU) က အကြောင်းကြားစာ ပို့ခဲ့သည်ဟု အရေးယူ ခံရဖွယ် ရှိသည့် သင်းအုပ် ဆရာ တဦးက ဆိုပါသည်။
“ အရေးယူစာကို ကျနော့်ဆီ မနေ့က ပို့ပါတယ်။ အရေးယူတဲ့ နည်းကို ထည့်မရေးပေမဲ့ ဘာသာရေး ခေါင်းဆောင်တွေ ဟာ နိုင်ငံရေး ဖက်မလုပ်ရဘူး ဆိုပြီး စာရေး အကြောင်းကြားတာ ဖြစ်ပါတယ်။ စာကတော့ ကေအန်ယူ အထွေထွေ အတွင်းရေးမှူး ဆီက ဖြစ်ပါတယ်။ ကျနော် နားလည်တာက အဲဒီတုန်းက ကရင်အချင်းချင်း ပြန်လည် မပစ်ခတ်ကြဖို့ အ တွက်၊ ပြီးတော့ ကရင့်အလံ တခုအောက်မှာ ညီညွတ်ကြဖို့နဲ့ ပြသနာဖြစ်လာရင် ငြိမ်းချမ်းတဲ့ နည်းနဲ့ ဖြေရှင်းကြဖို့ ရည် ရွယ်ခဲ့ပြီး ဦးဆောင် ကျင်းပတာ ဖြစ်ပါတယ်” ဟု အရေးယူစာ လက်ခံ ရရှိခဲ့သည့် ခရစ်ယာန် သင်းအုပ်ဆရာ ရောဘတ် ထွေးက ဆိုပါသည်။
မည်သို့သော နည်းလမ်းဖြင့် အရေးယူမည်ဟု ပေးစာ၌ ထည့်သွင်းရေးထားခြင်း မရှိသော်လည်း အရေးယူမည်ဟု စာထဲ၌ အတိအကျဖေါ်ပြခဲ့ကြောင်း ဆရာ ရောဘတ်ထွေးက ဆိုပါသည်။
ဤကိစ္စနှင့် ပါတ်သက်ပြီး ကေအန်ယူ အထွေအထွေ အတွင်းရေးမှူး နော်စီဖိုးရာစိန်က “ အရေးယူဖို့ မရှိပါဘူး။ အရေးယူ စရာလည်း မဟုတ်ပါဘူး။ အရေးယူဖို့ ပေးတဲ့ စာလည်း မဟုတ်ပါဘူး၊ နားလည်မှု လွဲသွားတယ်လို့ ထင်ပါတယ်” ဟု ဆိုပါသည်။
KNU ခေါင်းဆောင်များ
ကရင် လက်နက်ကိုင် အချင်းချင်း ပြန်လည် ပစ်ခတ်မှု မဖြစ်ရေးအတွက် မြိုင်ကြီးငူ ဆရာတော် ဦးသုဇန နှင့် ခရစ်ယာန် သင်းအုပ်ဆရာ ရောဘတ်ထွေးတို့က ဦးဆောင် စည်းရုံးပြီး၊ ပြီးခဲ့သည့် မေလ (၂၈) ရက်နေ့တွင် ကရင်ပြည်နယ် လှိုင်းပွဲ မြို့နယ်ရှိ ကေအန်ယူ တပ်မဟာ (၇) နယ်မြေ တနေရာ၌ ကျင်းပခဲ့ပါသည်။
ယင်းဆွေးနွေးပွဲသို့ ကရင် အမျိုးသား အစည်းအရုံး (ကေအန်ယူအဖွဲ့)၊ ကလို့ထူးဘော အဖွဲ့ (ဒီကေဘီအေ)၊ ကရင်ငြိမ်း ချမ်းရေး ကောင်စီ၊ နယ်ခြားစောင့်တပ် (BGF) နှင့် ကရင်ငြိမ်းချမ်းရေး အဖွဲ့ (ဟောင်သရော) အဖွဲ့တို့ ပါဝင်ပြီး မလေးရှား နှင့် သြစတြေလျားရောက် ကရင်အဖွဲ့၊ ဒုက္ခသည် စခန်းနှင့် စိတ်ဝင်စား သူများအင်အား (၇၀) ခန့် တက်ရောက်ခဲ့ပါ သည်။
ဤကဲ့သို့ ဆွေးနွေးပွဲ မျိုးထဲ၌ အသေးစိပ်ကျသော စည်းကမ်းချက်များ သဘောတူ ကြရန် လိုအပ် နေသေးသည်ဟု ဘာသာရေး ခေါင်းဆောင် များနှင့် အစည်းအဝေးပွဲ တက်ရောက်သော အဖွဲ့များက ယေဘူယျ သဘောတူ ခဲ့ကြပါသည်။ ဤ သို့ကြောင့် ကရင်ထိပ်ပိုင်း ခေါင်းဆောင်များ ပါဝင်သော ဆွေးနွေးပွဲ တရပ်ကို ဆက်လက် ကျင်းပရန် ဘာသာရေး ခေါင်း ဆောင်များက ရည်ရွယ် ထားပါသည်။
ယခုကဲ့သို့ ကေအန်ယူဖက်က ကမကထ လုပ်သူများကို အရေးယူပါက ရည်ရွယ်ထားသော ဆွေးနွေးပွဲမျိုးမဖြစ်လာနိုင် တော့သလို အကယ်၍ အားပေးပါက ဆက်လက်ကျင်းပသွားဖွယ်ရှိသည်ဟု ဘာသာရေး ခေါင်းဆောင်များက ဆိုပါသည်။
http://arakantimes.net/burmese/index.php/2012-02-24-06-58-57/268-2012-07-08-12-18-40
ဇွန်လ ၃၀ ရက်နေ့က ဥရောပခရီးစဉ်မှပြန်လာသော ဒေါ်အောင်ဆန်းစုကြည်အား ကြိုဆိုပွဲတွင် ရှစ်မိုင်လမ်းဆုံ၌ ဒေါ်အောင်ဆန်းစုကြည်ကို ကုလားမစုကြည်အလိုမရှိဟုဆိုကာ ဆန္ဒပြခဲ့သူများမှာ မြန်မာနိုင်ငံ ရခိုင်ပြည်အမျိုးသား အင်အားစုမှဖြစ်ကြောင်း သတင်းရရှိသည်။
ထိုရခိုင်ပြည်အမျိုးသားအင်အားစုမှာ ပြည်ခိုင်ဖြိုးကြံဖွံ့ပါတီမှ လက်သတ်ငွေစားထားသော ပါတီတစ်ခုဖြစ်ပြီး၊ ရခိုင်ပြည်နယ်မြောက်ဦးမြို့တွင် အခြေစိုက်ကြောင်း သိရှိရသည်။
“ ဒေါ်အောင်ဆန်းစုကြည် ဥရောပခရီးအပြန်ပြည်သူလူထုက ကြိုဆိုပွဲမှာ ဒီလိုမဟုတ်မက၊ လုပ်ကြံဆန္ဒပြဖို့အတွက် အဓိကလုပ်ကြံခိုင်းသူကတော့ ကြံဖွံ့ပါတီမှ ပြည်သူ့လွှတ်တော်အမတ် ဦးအောင်သိန်းလင်းက အဲဒီမြန်မာနိုင်ငံ ရခိုင်အမျိုးသားအင်အားစုကို ငွေပေးပြီး အသုံးချလိုက်ခြင်းဖြစ်တယ် ” ဟု ရခိုင်အမျိုးသားအင်အားစုနဲ့ နီးစပ်သူတစ်ဦးက ပြောသည်။
ယခုကဲ့သို့ ဒေါ်အောင်ဆန်းစုကြည်အား ဆန္ဒပြခဲ့ခြင်းမှာ ရခိုင်ပြည်သူများနှင့် ဒေါ်အောင်ဆန်းစုကြည်ကြားတွင် သဘောထားနားလည်မှုများလွဲမှားအောင် ကြံဖွံ့ပါတီအနေနဲ့ ရည်ရွယ်ချက်ရှိရှိလုပ်ဆောင်ခြင်းဖြစ်ပြီး မြန်မာနိုင်ငံအတွင်း နေထိုင်သော တစ်ခြားတိုင်းရင်းသားပြည်သူများရှေ့မှောက်တွင် ရခိုင်တိုင်းရင်းသားများကို သိက္ခာချခြင်းဖြစ်ကြောင်း နိုင်ငံရေးသုံးသပ်သူတစ်ချို့က ပြောဆိုနေကြသည်။
ယင်းရှစ်မိုင်လမ်းဆုံတွင် ဆန္ဒပြခဲ့သော လူငယ်များနှင့် ဒေါ်အောင်ဆန်းစုကြည် လုံခြုံရေးယူထားသော NLD အဖွဲ့ဝင်များတို့ ထိုးကြိတ်ခဲ့မှုများ ဖြစ်ပေါ်ခဲ့မှုကြောင့် အင်တာနက် သတင်း Website စာမျက်နှာတစ်ချို့တွင် NLD အား ဝေဖန်မှုတစ်ချို့လည်း ထွက်ပေါ်ခဲ့သည်။
စစ်ရဟတ်ယာဉ်ပစ္စည်း တရုတ်ကို ရောင်းတဲ့ကုမ္ပဏီ တရားစွဲခံရ
By ဗွီအိုအေ (မြန်မာဌာန)
စစ်ဘက်တိုက်ခိုက်ရေးရဟတ်ယာဉ် တည်ဆောက်နိုင်တဲ့ စက်ပစ္စည်းတွေ တရုတ်နိုင်ငံဆီ ရောင်းချခဲ့တယ် ဆိုတဲ့ ပြစ်မှုဆိုင်ရာ စွဲချက်တွေအတွက် အမေရိကန် ကာကွယ်ရေးဆိုင်ရာ ပုဂ္ဂလိက ကန်ထရိုက်တာ United Technologies Corporation UTC ရဲ့ လုပ်ငန်းခွဲတခုက အပြစ်ရှိကြောင်း ၀န်ခံလိုက်ပါတယ်။
တရုတ်နိုင်ငံရဲ့ Z-10 တိုက်ခိုက်ရေးရဟတ်ယာဉ် တည်ဆောက်ဖို့အတွက် စက်ပစ္စည်းတွေကို UTC ရဲ့ ကနေဒါအခြေစိုက် လုပ်ငန်းခွဲ Pratt & Whitney Canada က ရောင်းခဲ့တယ်ဆိုပြီးတော့ အမေရိကန် တရားရေးဌာနက စွဲချက်တင်ခဲ့တာပါ။ အဲဒီ လို ရောင်းတာဟာ အမေရိကန် လက်နက်တင်ပို့ရောင်းချမှု ထိန်းချုပ်ခြင်းဆိုင်ရာဥပဒေကို ချိုးဖောက်တယ်လို့ ဆိုပါတယ်။
အမေရိကန်အစိုးရကို ပေးဆောင်ရမယ့် ဒဏ်ကြေးငွေ တစိတ်တပိုင်း အမေရိကန်ဒေါ်လာ ၇၅ သန်း ကို ပေးဆောင်ဖို့ UTC ကုမ္ပဏီ၊ သူ့ရဲ့ အမေရိကန်အခြေစိုက်လုပ်ငန်းခွဲ Hamilton Sundstrand Corporation နဲ့ Pratt & Whitney Canada ကုမ္ပဏီတို့က သဘောတူထားပါတယ်။
ဒဏ်ကြေးငွေတစိတ်တပိုင်းဟာ အမေရိကန်တာဝန်ရှိသူတွေကို မှားယွင်းတဲ့ ထွက်ဆိုချက်တွေ ပြော ခဲ့လို့ ပေးဆောင်ရတာပါ။ တရုတ်တို့အနေနဲ့ အရပ်ဘက်ရဟတ်ယာဉ် တည်ဆောက်နိုင်အောင် သူတို့က လုပ်ပေးခဲ့တာလို့ ထင်ခဲ့ကြောင်း ကန်ထရိုက်တာ ကုမ္ပဏီတွေက ပြောပါတယ်။
၁၉၈၉ ခုနှစ်က Tiananmen ရင်ပြင်မှာ ဒီမိုကရေစီလိုလားတဲ့ ဆန္ဒပြသူတွေကို တရုတ်အစိုးရက အကြမ်းဖက်နှိမ်နင်းလို့ သေဆုံးခဲ့ကြရပြီးကတည်းက စစ်ဘက်ဆိုင်ရာပစ္စည်းကိရိယာတွေ တရုတ်နိုင်ငံဆီ မရောင်းချဖို့ အမေရိကန်က ပိတ်ပင် ကန့်သတ်ထားပါတယ်။
အစိုးရနှင့် တွေ့ဆုံဆွေးနွေးရေး လုပ်ငန်းစဉ် KNU ပြန်လည်သုံးသပ်
Submitted by admin on Saturday, 9 June 2012--
ဇွန်လ ၉ရက်၊ ၂၀၁၂ခုနှစ်။ စောခါးစူးညား (ကေအိုင်စီ)
မြန်မာအစိုးရနှင့် တွေ့ဆုံဆွေးနွေးခဲ့သည့် ငြိမ်းချမ်းရေးလုပ်ငန်းစဉ်များကို ပြန်လည်သုံးသပ်သော အရေးပေါ် အစည်းအဝေးတရပ်ကို ကရင်အမျိုးသား အစည်းအရုံး-KNU က ၎င်းတို့ထိန်းချုပ်နယ်မြေ ကရင်ပြည်နယ်အတွင်း တနေရာတွင် ဇွန်လ ၄ရက်နေ့မှ ၇ရက်နေ့အထိ ကျင်းပပြုလုပ်ခဲ့သည်။
အဆိုပါ အစည်းအဝေးတွင် KNU ဗဟိုကော်မတီ အဖွဲ့ဝင် (၃၃)ဦးနှင့် အထူးဖိတ်ကြားထားသည့် ကိုယ်စားလှယ် (၂)ဦး တက်ရောက်ခဲ့ပြီး ကရင်အမျိုးသားများ၏ တန်းတူရေးနှင့် ကိုယ်ပိုင်ပြဌာန်းခွင့်ပေါ်တွင် အခြေခံသည့် စစ်မှန်သော ပြည်တွင်းငြိမ်းချမ်းရေးကို ဦးတည်လျက် လက်ရှိတွေ့ဆုံဆွေးနွေးမှုလုပ်ငန်းစဉ်ကို ပြန်လည်သုံးသပ် ခဲ့သည်ဟု KNU က ပြောသည်။
KNU အတွင်းရေးမှူး(၁) ဗိုလ်မှူးစောလှငွေက “အရင်(အစိုးရနဲ့ ဒုတိယအကြိမ်)က တပ်ကိစ္စ ဆွေးနွေးဖို့ ရှိပေ မယ့် အပေါ်ယံ ညှိနှိုင်းမှုတွေပဲ လုပ်ခဲ့ရတယ်။ အခု လာမယ့်ကာလမှာ စစ်တပ်တွေရဲ့ လိုက်နာရမယ့် နယ်မြေ သတ်မှတ်ရရေးအတွက် ဘယ်လိုလုပ်ကြမလဲ စတာတွေပေါ့။ နောက် အစိုးရဘက်က တပ်ပိုင်းဆိုင်ရာမှာ အဆုံးအဖြတ်ပေးနိုင်တဲ့ ပုဂ္ဂိုလ်ပါဖို့ တောင်းဆိုရမှာပဲ။ ဒါပေမယ့် အစိုးရနဲ့ ထပ်တွေ့ဖို့က ဒီလထဲမှာတော့ မသေချာဘူး။”ဟု ကေအိုင်စီသို့ ပြောသည်။
အစိုးရနှင့် KNU အကြား အပစ်အခတ်ရပ်စဲရေး သဘောတူညီမှု ရရှိပြီးနောက် KNU ထိန်းချုပ်နယ်မြေအတွင်း ထိပ်တိုက် တိုက်ပွဲဖြစ်ပွားမှုများ မရှိသော်လည်း တောင်ငူခရိုင်၊ ဒူးပလာယာနှင့် ဖာပွန်ခရိုင်တို့တွင် နယ်စောင့် တပ်နေရာ အတွက်ဟူ၍ မြေသိမ်းမှုနှင့် ဒေသခံများအား ပေါ်တာဆွဲမှုများ ရှိသည်ဟု သူက ဆက်ပြောသည်။
တဆက်တည်း၌ပင် ထိုအစည်းအဝေးပြုလုပ်ပြီးနောက် KNU သည် ယမန်နေ့က ထုတ်ပြန်ချက်တစ်စောင် ထုတ်ပြန်ခဲ့ပြီး ထုတ်ပြန်ချက်အရ စစ်မှန်သော ပြည်တွင်းငြိမ်းချမ်းရေး ဖေါ်ဆောင်နိုင် ရေးအတွက် အရေးကြီး သော လုပ်ငန်းများကို ဦးဆောင်မှုပေးနိုင်ရန် ၎င်းတို့၏ ငြိမ်းချမ်းရေးဖေါ်ဆောင်ရေးကော်မတီအဖြစ် ဗဟိုအလုပ် အမှုဆောင် ကော်မတီမှ ဆောင်ရွက်သွားမည်ဟု ပါရှိသည်။
ထို့အပြင် ကောင်းမွန်သော ပူးပေါင်းဆောင်ရွက်မှုနှင့် ဦးဆောင်မှုတို့အထောက်အကူပြုရန် ငြိမ်းချမ်းရေး လုပ်ငန်းစဉ်အတွက် ဖွဲ့ထားသည့် စစ်ရေးရာကော်မတီ (Military Affairs Committee) ၏ လုပ်ငန်းများလည်း KNU ဗဟိုစစ်ဦးစီး ဌာနချုပ်သို့ ပြန်လည်လွှဲပြောင်းလိုက်သည်ဟု ကြေညာချက်တွင် ဖော်ပြထားသည်။
ဗိုလ်မှူးစောလှငွေက “ငြိမ်းချမ်းရေးတည်ဆောက်လုပ်ငန်းစဉ်မှာ အထောက်အကူပြုဖို့ စစ်ဦးစီးဌာနချုပ်မှာပါတဲ့ ပုဂ္ဂိုလ်တွေ ပထမမှာ ၇ဦးဖွဲ့တယ်။ နောက် ၁၃ ဦးနဲ့ ထပ်ဖွဲ့တယ်။ အဲလိုဖွဲ့လိုက်ပေမယ့် လူတွေဟာ စစ်ဦးစီးဌာန ချုပ်မှာလည်း တာဝန် ရှိတဲ့သူ ဖြစ်တော့ လုပ်ငန်းရဲ့ တာဝန်နဲ့ သဘောသဘာဝတွေမှာ ကွဲကွဲပြားပြား မလုပ်နိုင် ဘူး။ ဒါကြောင့် ဟိုးတုန်းက အတိုင်း ပြန်ထားလိုက်တဲ့သဘောပါ။”ဟု ဖြည့်စွက်ပြောဆိုသည်။
ယခုပြုလုပ်သည့် KNU ၏ အရေးပေါ်အစည်းအဝေးသည် တတိယအကြိမ်ဖြစ်ပြီး ပြီးခဲ့သည့် လများအတွင်းမှာ လည်း မြန်မာအစိုးရနှင့် သွားရောက်တွေ့ဆုံဆွေးနွေးခြင်း မပြုလုပ်မီ အလားတူ အစည်းအဝေးနှစ်ကြိမ် ပြုလုပ်ခဲ့ ပြီဖြစ်သည်။
ပြီးခဲ့သည့် ဇန်န၀ါရီလ ၁၂ရက်နေ့က KNU သည် မြန်မာအစိုးရနှင့် ပြည်နယ်အဆင့် တွေ့ဆုံကာ ပဏာမ အပစ် ရပ်ရေး သဘောတူလက်မှတ်ထိုးပြီးနောက် ဧပြီလ ၆ရက်နေ့တွင် KNU အတွင်းရေးမှူးချုပ် နော်စီဖိုးရာစိန် ဦးဆောင်သည့် ငြိမ်းချမ်းရေးဖော်ဆောင်ရေး ကိုယ်စားလှယ်အဖွဲ့နှင့် မြန်မာအစိုးရ ငြိမ်းချမ်းရေး ဖော်ဆောင် ရေးအဖွဲ့ဝင်တို့က ရန်ကုန်မြို့တွင် ပြည်ထောင်စုအဆင့် ဆွေးနွေးကာ ဆုံးဖြတ်ချက် ၁၃ချက်ဖြင့် နှစ်ဖက် သဘောတူညီမှုများ ရရှိခဲ့ကြသည်။
ဒီမိုဝေယံ မှ
စစ်အုပ်စုက နိုင်ငံရေးကို အခြားနည်းနဲ့ ဆက်လုပ်နေပြီလား
သားဆွေ June 9, 2012 8:14 AM Reply
စစ်အုပ်စုက နိုင်ငံရေးကို အခြားနည်းနဲ့ ဆက်လုပ်နေပြီလား
Facebook ပေါ်မှာ ပွနေတဲ့သတင်းတွေ အားလုံးခြုံငုံစုစည်းကြည့်လိုက်တော့ ---
- ကုလားတွေက ရခိုင်တွေကို သတ်နေပြီ ဆိုတဲ့သတင်း
- ဘူးသီးတောင် မောင်းတော ဖက်မှာ ညအချိန် အကြမ်းဖက်သမားများ အုပ်စုဖွဲ့ သောင်းကျန်းနေလို့ မိမိတို့ လုံခြုံရေးတပ်ဖွဲ့တွေက ပစ်ခတ်နေရတဲ့သတင်း
- ပုဒ်မ ၁၄၄ ထုတ်ပြန်ထားပြီ ဆိုတဲ့သတင်း
- ဘင်္ဂလားဒေ့ရ်ှဖက်က ရိုဟင်ဂျာလက်နက်ကိုင်တွေ နယ်စပ်ဖြတ်ကျော်ပြီး ဗမာပြည်ထဲ ထိုးဖောက်ဝင်ရောက်တိုက်ခိုက်နေပြီဆိုတဲ့သတင်း
- ဒီသတင်းတွေကို မိမိတို့ တပ်မတော်မှ ကြိုတင်သတင်းရရှိတဲ့အတွက် အပြီးတိုင် ချေမှုန်းသွားမယ်ဆိုတဲ့သတင်း
- ပြည်တွင်းမှာ ဖြစ်နေတဲ့ကိစ္စတွေနဲ့ပတ်သက်ပြီး ပြည်ပရောက် မြန်မာများ သွားလာနေထိုင်မှု သတိရှိကြဖို့နဲ့ အရေးအကြောင်းရှိလာရင် မြန်မာသံရုံးတွေကို အချိန်နဲ့တပြေးညီ အကြောင်းကြားကြဖို့ တိုက်တွန်းထားတဲ့သတင်း
စသဖြင့် သတင်းတွေတွေ့နေရတဲ့အတွက် စိတ်ဝင်တစား ဖတ်ကြည့်မိပါတယ်။
သတင်းတွေရဲ့ လားရာ (ဦးတည်ချက်) ကို ကြည့်လိုက်တော့ သတင်းရေးသားဖော်ပြချက်တွေအရ
ကုလား - ဗမာ အဓိကရုဏ်းကို ကြီးသထက်ကြီးအောင်၊ ကုလား - ဗမာ အဓိကရုဏ်းကနေ ဘင်္ဂလားဒေ့ရှ် - ဗမာ စစ်ပွဲဖြစ်အောင်၊ ငယ်တဲ့အမှု ကြီးအောင်၊ ကြီးတဲ့အမှု ရှင်းမရအောင် လုပ်နေတဲ့ သဘောဖြစ်နေတာ သတိထားမိပါတယ်။
သတင်းတွေရဲ့ လာရာ (အရင်းအမြစ်)ကို ကြည့်လိုက်တော့ နိုင်ငံတော်သမ္မတရုံး တာဝန်ရှိသူတစ်ဦးက ၎င်း၏ဖေ့စ်ဘုတ်စာမျက်နှာတွင် ဖော်ပြထားကြောင်း messenger သတင်းဂျာနယ်က ဖော်ပြပေးထားတာ တွေ့ရှိရပါတယ်။
မြန်မာလူမျိုးက ထစ်ခနဲဆို ကုလားကို မုန်းတတ်တယ်၊ မဲတတ်တယ်။ ဘာဖြစ်လို့လဲဆိုတော့ နယ်ချဲ့  လက်အောက်မှာ နေခဲ့ရတာခြင်းအတူတူ ဗမာ က ကုလား (အိန္ဒိယ) ထက် ပိုပြီး နိမ့်ကျခဲ့ရတယ်။ ကျွန်ခြင်းအတူတူတောင် တဆင့်နိမ့်ခဲ့ရတဲ့ ကျွန်သဘောက် (ကျွန်ရဲ့ ကျွန်) ဖြစ်ခဲ့ရလို့ပဲ။ ဒါကြောင့် ကုလား မုန်းတီးရေး အခံက မြန်မာလူမျိုး အတော်များများမှာ မသိမသာဖြစ်စေ သိသိသာသာဖြစ်စေ ရှိတတ်ပါတယ်။
ဒီအခြေခံ စိတ်သဘောသဘာဝ အားနည်းချက်က အမြတ်ထုတ်ရတာ လွယ်ပါတယ်။ လူမျိုးရေး - ဘာသာရေး အဓိကရုဏ်းတွေကို ဖန်တီးတတ်တာဟာ နယ်ချဲ့ သမားနဲ့ လကျာ် အချောင်သမားတွေရဲ့ လုပ်ရိုးလုပ်စဉ် ဖြစ်ပါတယ်။
ကလော့စ်ဝစ်ဇ် ပြောတာက စစ်ဆိုတာ နိုင်ငံရေးကို အခြားနည်းနဲ့ ဆက်လုပ်တာပဲတဲ့။
ကျနော်တို့အားလုံး စဉ်းစားရမှာက အခု ရခိုင်ပြည်နယ်မှာဖြစ်နေတဲ့ မငြိမ်မသက်မှုတွေအားလုံး
စစ်အုပ်စုက နိုင်ငံရေးကို အခြားနည်းနဲ့ ဆက်လုပ်နေပြီလား .......
အဲဒါကို ကျနော်တို့ အလေးအနက် စဉ်းစားဖို့ လိုပါလိမ့်မယ်။
သားဆွေ
ဇွန်လ ၂ရက်၊ ၂၀၁၂။ မွန်းလွဲ ၁နာရီခွဲ (ကေအိုင်စီ)
ထိုင်းနိုင်ငံ၊ ဘန်ကောက်မြို့မှာ ကျင်းပပြုလုပ်သည့် ကမ္ဘာ့စီးပွားရေးနှီးနှောဖလှယ်ပွဲသို့လာရောက်ခဲ့သည့် မြန် မာ့ဒီမိုကရေစီခေါင်းဆောင် ဒေါ် အောင်ဆန်းစုကြည်သည် ဇွန်လ ၂ရက်နေ့ ထိုင်းစံတော်ချိန် မနက် ၉နာရီခွဲတွင် မဲဆောက်မြို့လေဆိပ်သို့ရောက်ရှိလာခဲ့ရာ မြန်မာနိုင်ငံသား အပါအ၀င် လူထုပရိဿတ် တစ်သောင်းဝန်းကျင် ကြိုဆိုခဲ့ကြသည်။
၎င်းနောက် မနက် ၁၀နာရီကျော်အချိန်တွင် မဲဆောက်လေဆိပ်မှ မယ်လဒုက္ခသည်စခန်းသို့ ထွက်ခွာသွားခဲ့သည်။
ဒေါ်အောင်ဆန်းစုကြည်သည် မနက် ၁၁နာရီဝန်းကျင်ခန့်တွင် မယ်လစခန်းအတွင်းရှိ MOI ရုံးခန်းတွင် စခန်းဆိုင်ရာ ထိုင်းအာဏာပိုင်များ၊ စခန်းကော်မတီဝင်အချို့နှင့် တစ်နာရီကျော်ကြာ တွေ့ဆုံဆွေးနွေးခဲ့သည်။
ဆွေးနွေးခန်းတွင် ပါဝင်သူ လူငယ်တစ်ဦးက “အဓိကပြောသွားတာကတော့ ဒုက္ခသည်တွေရဲ့ လက်ရှိ စားနပ်ရိက္ခာ မလုံလောက်မှုကို အရင်ကလို ဖူလုံမှုရှိအောင် သူ့အနေနဲ့ လုပ်ဆောင်ပေးသွားမယ်။ နောက်တခုက ဒုက္ခသည်တွေ မိမိနေရပ်ကို အဆင်ပြေချောမွေ့စွာ ပြန် လည်နေထိုင်နိုင်ရေးအတွက်လည်း ကြိုးစားစီစဉ် လုပ်ဆောင်ပေးသွားမယ်လို့တော့ ပြောဆိုဆွေးနွေးသွားပါတယ်”ဟု ကေအိုင်စီကို ပြော သည်။
နေ့လည် ၁၂နာရီကျော်တွင် မယ်လစခန်း၊ ဇုံဘီရပ်ကွက်ရှိ ဘောလုံးကွင်း၌ “အမေစု အမေစု။ ဒေါ်စု ကျန်းမာပါစေ”ဟု ကြွေးကြော်ကာ ကြိုဆိုစောင့်စားနေကြသည့် ဒုက္ခသည်လူထု ၄၀၀၀နီးပါးကို နှုတ်ဆက်စကားပြောဆိုခဲ့ပြီး အနီးရှိ AMI ဆေးရုံသို့ သွားရောက်ကြည့်ရှု ရင်း နေ့လည်စာ သုံးဆောင်ခဲ့ကြောင်း ကိုယ်တိုင်သွားရောက် သတင်းယူနေသည့် ကေအိုင်စီသတင်းထောက်က ပြောဆိုသည်။
“ဒေါ်စုလာတာ လုံခြုံရေးကလည်း အထပ်ထပ်ပဲ။ အနားကပ်လို့လည်း မမရဘူး။ ဓာတ်ပုံရိုက်ယူဖို့တောင် အတော်ခက်တယ်။ နိုင်ငံခြား သား သတင်းထောက်တွေလည်း မလွယ်ဘူး”ဟု ကြိုဆိုစောင့်စားသူ မယ်လဒုက္ခသည်တစ်ဦးက ပြောသည်။
ဒေါ်စုနှင့်အတူ KNU/KNLA ငြိမ်းချမ်းရေးကောင်စီမှ နိုင်ငံခြားဆက်ဆံရေး တာဝန်ခံ ဗိုလ်မှူးချုပ်ဒေါက်တာတီမသေ လိုက်ပါလျှက်ရှိပြီး မွန်းလွဲတစ်နာရီကျော်တွင် မယ်လစခန်းမှ ပြန်လည်ထွက်ခွာသွားခဲ့သော်လည်း ဒေါက်တာစင်သီယာမောင်၏ မယ်တော်ဆေးခန်းသို့ ၀င်ရောက်မည်မှာ မသေချာသေးကြောင်း သွားရောက်စောင့်ဆိုင်းနေသတင်းထောက်များက ပြောဆိုနေကြသည်။
ဒေါ်အောင်ဆန်းစုကြည်သည် မွန်းလွဲ ၂နာရီကျော်တွင် မဲဆောက်လေဆိပ်သို့ ပြန်လည်ရောက်ရှိလာပြီး မယ်တော်ဆေးခန်းသို့ ၀င်ရောက်လည်ပတ်ခြင်း၊
လေဆိပ်တွင် ကြိုဆိုစောင့်ဆိုင်းသူများနှင့် စကားပြောဆိုခြင်း၊ သူမ၏ ခရီးစဉ်နှင့် ပတ်သက်၍ သတင်းစာရှင်းလင်းပွဲပြုလုပ်ခြင်း မရှိတော့ဘဲ
ဘန်ကောက်မြို့သို့ ပြန်လည်ထွက်ခွာသွားသည်။
ဒေါ်စုကို မြန်မာရွှေ့ပြောင်းအလုပ်သမားတွေ ဝမ်းပမ်းတသာ ကြိုဆို
By ကိုသားညွန့်ဦး
ထိုင်းနို်င်ငံကိုရောက်နေတဲ့ မြန်မာ့ဒီမိုကရေစီခေါင်းဆောင် ဒေါ်အောင် ဆန်းစုကြည်ဟာ အခု မနက်ပိုင်း မြန်မာအလုပ်သမားတွေ အများစု အလုပ် လုပ်ကိုင်နေတဲ့ မဟာချိုင်ဒေသကို သွားရောက် မှာဖြစ်ပါတယ်။ မြန်မာ့စီးပွားရေးကိုပါ အထောက်အပံ့ဖြစ်စေတဲ့ ဒီအလုပ်သမားတွေရဲ့ အတွေ့အကြုံ၊ နေ ထိုင်မှု ဘ၀ တွေကို မျက်မြင်တွေ့လိုတာကြောင့် သူတို့ရဲ့ အလုပ်ခွင်ထဲအထိ ဒေါ်အောင်ဆန်းစုကြည် သွားရောက်ကြည့်ရှုမှာဖြစ်တယ်လို့ အလုပ်သမားရေး လှုပ်ရှားသူတွေက ပြောပါတယ်။ ကိုသားညွန့်ဦးက ဒီအကြောင်း ဆက်ပြီး တင်ပြပေးထားပါတယ်။
မနေ့ညပိုင်း ဒေါ်အောင်ဆန်းစုကြည် ထိုင်းနိုင်ငံ၊ ဘန်ကောက်မြို့က သုဝဏ္ဏဘုမိ နိုင်ငံတကာလေဆိပ်ကို ဆိုက်ရောက်ချိန်မှာတော့ ထိုင်းအထူးရဲတပ်ဖွဲ့နဲ့ ထိုင်းအာဏာပိုင်တွေက တင်းတင်းကြပ်ကြပ် လုံခြုံရေး ယူပေးထားပါတယ်။ လေဆိပ်အထွက်မှာတော့ ဒေါ်အောင်ဆန်းစုကြည်ကို ထိုင်းရောက် မြန်မာ တွေရော ထိုင်းလူမျိုးတွေရော စိတ်လှုပ်ရှားတကြီး ကြိုဆိုခဲ့ကြပါတယ်။
အလုပ်သမတဦး။ ။ “အရမ်းလည်းဝမ်းသာမိတယ်၊ ဂုဏ်ယူတယ်၊ ကျေနပ်တယ်၊ စိတ်ထဲ အရမ်း လှုပ်ရှားတယ်။ ဘယ်အချိန်လာမလဲ၊ နာရီကိုခဏခဏလည်းကြည့်တယ်။ ထိုင်းနိုင်ငံမှာရောက်ရှိလာ တဲ့ မြန်မာအလုပ်သမားတွေအတွက် မြန်မာနိုင်ငံက အလုပ်သမားတွေပေါ့နော်- တရားမျှတမှုရှိအောင်- ထိုင်းအစိုးရတွေကို ပြေပြေလည်လည်ဖြစ်အောင် လုပ်ပေးပါလို့ ပြောချင်တယ်။”
အလုပ်သမားတဦး။ ။ “ကျနော့်ရင်ထဲမှာ အတိုင်းအဆမရှိအောင် ပျော်ပါတယ်ခင်ဗျ။ ဒီနေ့ က ဒေါ်အောင်ဆန်းစုကြည်နဲ့တွေ့ဖို့ဆိုပြီး ကျနော်လာတာ။ ၈ နာရီလောက်ကတည်းက ဒီကိုရောက်နေ တာ။ ဒီနေ့ကတော့ ကျနော့်ဘဝမှာအပျော်ဆုံးနေ့လို့ ပြောလို့ရပါတယ်။”
ဒေါ်အောင်ဆန်းစုကြည်ကိုတွေ့ဖို့ စိတ်လှုပ်ရှားတကြီး စောင့်နေတဲ့ထဲမှာ ထိုင်းလူမျိုးတွေလည်း အတော်များများပါဝင်ပါတယ်။ ဒေါ်အောင်ဆန်းစုကြည်ရဲ့ ပြည်ပခရီးစဉ်ဟာ ထိုင်းနိုင်ငံကို အရင်ဆုံးရောက်လာတဲ့အပေါ် သူတို့က အင်မတန်ကို ၀မ်းသာခဲ့ကြပါတယ်။
“ကျမ အရမ်းကို စိတ်လှုပ်ရှားရပါတယ်။ ပြီးခဲ့တဲ့ သတင်းကြားရတုန်းက သူ နော်ဝေးသွားမယ်လို့ သိရ တာပါ။ ပထမဆုံး ပြည်ပခရီးစဉ်က နော်ဝေးသွားမယ်လို့ ဟိုတုန်းကတည်းက သူမကလည်း ပြောခဲ့တာပါ။ အခုတော့ မဟုတ်ဘူး. ဒီကို ပထမဆုံးရောက်လာပြီလေ။ အခုဆို မြန်မာပြည်ပခရီးစဉ်က ပထမဆုံး ထိုင်းနိုင်ငံဖြစ်တယ်လေ- ၀မ်းသာလွန်းလို့ ကျမ ပြောစရာ စကားတောင်မရှိပါဘူး။”
ဒေါ်အောင်ဆန်းစုကြည်ဟာ မြန်မာပြည်အတွက်တင်မက အခြားကမ္ဘာအသီးအသီးက အမျိုးသမီးတွေ အတွက်ပါ စိတ်ခွန်အားဖြစ်စေတယ်လို့ အဲဒီ ထိုင်း အမျိုးသမီးက ပြောပါတယ်။
ဒေါ်အောင်ဆန်းစုကြည်ဟာ ဒီကနေ မနက်ပိုင်း ၈ နာရီခွဲမှာတော့ ဘန်ကောက်အနီးက မြန်မာအလုပ် သမားတွေ အများဆုံးအလုပ်လုပ်ကိုင်နေတဲ့ မဟာချိုင် ဒေသကို သွားမှာပါ။ ရေလုပ်ငန်းတွေရှိတဲ့ မဟာ ချိုင်ဒေသမှာတော့ ဒေါ်အောင်ဆန်းစုကြည် လာရောက်မယ်ဆိုတဲ့အတွက် မြန်မာ အလုပ်သမားတွေလည်း စိတ်လှုပ်ရှားတကြီး ပြင်ဆင် စောင့်ဆိုင်းနေပါတယ်။
“သူနဲ့တွေ့ချင်တာက - အခု ကျနော်တို့အလုပ်သမားတွေ ခံစားနေရတဲ့ ပြဿနာ၊ ဖြစ်ပျက်နေရတဲ့ အတွေ့ အကြုံတွေကို အကုန်လုံးသိသွားအောင် - ထိုင်းအစိုးရရော၊ ဗမာအစိုးရရော အကုန်လုံး သိသွားအောင် ပြောပြစေချင်တယ်။”
အလုပ်သမားရေးလှုပ်ရှားသူ Andy Hall ကတော့ ဒေါ်အောင်ဆန်းစုကြည်ဟာ ဒီအလုပ်သမားတွေရဲ့ တန်ဘိုးကို သဘောပေါက်နားလည်တာကြောင့် အခုလို အရေးတယူ လာရောက်တာဖြစ်တယ် လို့ ပြောပါတယ်။
“ဒီ ရွှေ့ပြောင်းအလုပ်သမားတွေဟာ မြန်မာစီးပွားရေးအတွက် အတော်လေး အထောက်ကူဖြစ်စေတယ် လို့ ဒေါ်အောင်ဆန်းစုကြည်က ယူဆမယ်လို့ ထင် တာ။ ရွှေ့ပြောင်းအလုပ်သမားအရေအတွက်က လူဦးရေ ရဲ့ ၁၀ % ရှိပါတယ်။ စီးပွားရေးကြောင့်ဖြစ်စေ၊ ပဋိ့ပက္ခတွေကြောင့်ဖြစ်စေ အကြောင်းအမျိုးမျှိုးနဲ့ ပြည်ပ ရောက်နေတဲ့ ရွှေ့ပြောင်းအလုပ်သမားဦးရေ ၅ သန်း - ၆ သန်းလောက်ဟာ အရေးပါတဲ့ အင်အားစုဖြစ်ပါတယ်။ သူတို့ဟာ သူတို့မိသားစုတွေကို ထောက်ပံ့နိုင်ဖို့ ပြည်ပထွက်ပြီး အလုပ်လုပ်ကိုင်နေကြရတာပါ။ ဒီလူတွေ တိုင်းပြည်အတွက် ဆောင်ရွက်နေတာတွေကို အသိအမှတ်ပြုလိုတယ်၊ သူတို့နဲ့ တွေ့ချင်တယ်လို့ ဒေါ်အောင်ဆန်းစုကြည်က ပြောပါတယ်။ ဒါကြောင့် လည်း ဒေါ်အောင်ဆန်းစုကြည်ဟာ ဒီခရီးစဉ်ရဲ့ အဓိက ရည်မှန်းချက်အနေနဲ့ ထိုင်းနိုင်ငံတွင်း က ရွှေ့ပြောင်းအလုပ်သမားတွေနဲ့ တွေ့ဆုံပြီး၊ သူတို့ရဲ့ အတွေ့အကြုံတွေ သူတို့ဘ၀တွေကို မြင်တွေ သိရှိလိုတာပါ။”
ဒေါ်အောင်ဆန်းစုကြည်ဟာ မနက်ပိုင်း ၉ နာရီကျော်မှာ မဟာချိုင်မှာရှိတဲ့ ပုစွန်ဈေးကို ရောက်မယ်လို့ သိရပါတယ်။ အဲဒီကနေ မြန်မာအလုပ်သမားတွေနဲ့ တွေ့ဆုံဖို့ရှိသလို စက်ရုံတခုမှာ နေလည်စာစားမယ်လို့ သိရပါတယ်။ မွန်းလွဲပိုင်းမှာတော့ ထိုင်းနိုင်ငံခြားရေးဝန်ကြီးနဲ့ တွေ့ဆုံမယ်လို့ မျှော်လင့်ရပါတယ်။ ဒေါ်အောင်ဆန်းစုကြည်ဟာ ဘန်ကောက်မှာပြုလုပ်တဲ့ ၂၀၁၂ ခုနှစ်၊ World Economic Forum on East Asia အရှေ့အာရှ ကမ္ဘာ့စီးပွားရေးညီလာခံကို တတ်ရောက်ဖို့ ထိုင်းနိုင်ငံကို ရောက်ရှိလာတာဖြစ်ပြီး ဇွန်လ တစ်ရက်နေ့မှာ အဲဒီ ညီလာခံမှာ မိန့်ခွန်းပေးဖို့ရှိပါတယ်။ ဒီနောက်ပိုင်းမှာ ထိုင်းမြန်မာနယ်စပ်ရှိ ဒုက္ခသည်စခန်းတခုကိုလည်း သွားရောက်ဖို့ စီစဉ်ထားပါတယ်။
