ကမမောင်းရှိ အစိုးရစစ်တပ်အား နယ်ခြားစောင့်တပ်များ ၀င်ရောက်ပစ်ခတ်

စောသိန်းမြင့် (ကေအိုင်စီ)

ကရင်ပြည်နယ်၊ ဖာပွန်မြို့နယ် ကမမောင်းကျေးရွာရှိ အစိုးရစစ်တပ်စခန်းတခုအား ဗိုလ်မှူးစောဘိဦးသည့် နယ်ခြားစောင့်တပ် (ဘီ ဂျီအက်ဖ်)တပ်ဖွဲ့များက ယမန်နေ့ည ၁၂နာရီအချိန်တွင် ၀င်ရောက်ပစ်ခတ်ခဲ့သည်ဟု သိရသည်။

လက်နက်ကြီး၊ လက်နက်ငယ်များဖြင့် မိနစ် ၃၀ကြာ နှစ်ဖက် အပြန်အလှန် ပစ်ခတ်မှုတွင် လူနေအိမ်တစ်လုံး မီးလောင်ကျွမ်းသွား သလို တံတားတစင်း ပျက်စီးသွားသည်ဟု ကမမောင်းရွာသူတဦးက ယခုလို ပြောသည်။

“ပစ်ခတ်မှုဖြစ်တာ မိနစ်သုံးဆယ်လောက် ကြာတယ်။ လက်နက်ကြီးလက်နက်ငယ် အသံတွေ ဆူညံနေတာပဲ။ အိမ်တလုံး မီး လောင်သွားတယ်။ တံတားတစင်း ပျက်သွားတယ်။ တံတားနားမှာနေတဲ့ လူတယောက် သေသွားတယ်။ ကလေးတွေလည်း ကြောက်လန့်ပြီးတော့ တညလုံးငိုတယ်။ ခွေးတွေလည်း တညလုံးဟောင်တယ်။”ဟု ကေအိုင်စီကို ပြောသည်။

ထိုပစ်ခတ်မှုအပြီး မနက်မိုးလင်းအချိန်တွင် အစိုးရစစ်တပ်မှ ရွာတွင်းရှိ အမျိုးသားများကို ပေါ်တာလိုက်လံဖမ်းဆီးမှုကြောင့် ရွာတွင်း ရှိ အမျိုးသားများသည် လွတ်မြောက်ရာသို့ ထွက်ပြေးတိမ်းရှောင်ကြသလို အမျိုးသမီးများသည်လည်း ကြောက်လန့်ကြသည့်အ တွက် အိမ်ထဲကနေ အိမ်ပြင်မထွက်ရဲကြကြောင်း အဆိုပါရွာသူက ပြောသည်။

ကရင်အမျိုးသား လွတ်မြောက်ရေးတပ်မတော် (KNLA) တပ်ရင်း(၁၀၁)မှ တပ်ရင်းမှူး ဒုဗိုလ်မှူးကြီးစောဖောဒိုက “ဗိုလ်ဘိအဖွဲ့က ၀င်ပြီး ပစ်ခတ်တာကတော့ မှန်တယ်။ ဒါပေမဲ့ ရန်သူ့တပ်ရင်းနံပါတ် အတိအကျနဲ့ နှစ်ဖက်ထိခိုက်မှုကိုကျတော့ ကျနော်တို့ အသေး စိတ် မသိရသေးဘူး။”ဟု ပြောသည်။

ထို့အပြင် ဗိုလ်မှူးစောဘိက နယ်စပ်ဒေသရှိ ၎င်း၏လက်အောက်ခံ BGF တပ်ဖွဲ့ဝင်များအားလုံးကို စစ်ရေးပြင်ဆင်မှု အသင့်အနေ အထားတွင် လုပ်ဆောင်ထားရန် ညွှန်ကြားလိုက်သည်ဟု နယ်စပ်ဒေသမှ စစ်ဘက်ဆိုင်ရာ သတင်းရပ်ကွက်အရ သိရသည်။

ဗိုလ်မှူးစောဘိ ဦးဆောင်သည့် နယ်ခြားစောင့်တပ်(BGF) တပ်ရင်း(၁၀၁၁)၊ (၁၀၁၂)၊ (၁၀၁၃)နှင့် (၁၀၁၄)များမှ အင်အား ၁,၀၀၀ ကျော်သည် မေလအတွင်း မြိုင်ကြီးငူဒေသကို ၀င်ရောက်စီးနင်းသိမ်းပိုက်ခဲ့ပြီးနောက် မေလ ၂၄ရက်နေ့မှစ၍ ဒီကေဘီအေတံဆိပ် ကို ပြန်လည် တပ်ဆင်လိုက်သလို ကေအဲန်အယ်လ်အေ တပ်မဟာ(၇)တို့နှင့် ပြန်လည် လက်တွဲခဲ့ပြီးဖြစ်ကြောင်း ကေအဲန်အယ်လ် အေ တပ်မဟာ(၇)မှူး ဗိုလ်မှူးချုပ်စောဂျော်နီက ကေအိုင်စီကို ပြောခဲ့သည်။

နောက်ဆုံးရရှိသည့် သတင်းအရ ယနေ့မနက် ၉နာရီအချိန်တွင် ရတခတိုင်းမှူး ဗိုလ်မှူးချုပ်ထွန်းနေလင်းက အရှေ့တောင်တိုင်းစစ် ဌာနချုပ် ကွပ်ကဲမှုအောက်ရှိ ရှေ့တန်း၊ နောက်တန်းမှ တပ်ရင်းတပ်ဖွဲ့များအားလုံးကို တပ်လှန့်ထားပြီး လက်နက်ကြီး ၂လက်ပါ တပ်စိတ်အင်အား ၂၀ကျော် ထုတ်ယူကာ နောက်တန်းကျန် စစ်သည်အင်အားများကိုလည်း တပ်ရင်းမှူးများကိုယ်တိုင် ပေးပို့တင်ပြ ရန် ညွှန်ကြားထားသည်ဟု စစ်ဘက်ဆိုင်ရာ သတင်းရပ်ကွက်အရ သိရသည်။

လစ်ဗျား ခေါင်းဆောင်ကို ဖမ်းဝရမ်း ထုတ်ပြီ

BBC News

လစ်ဗျား ခေါင်းဆောင် ဗိုလ်မှူးကြီး ကဒါဖီကို ဖမ်းဆီးဖို့ အတွက် ICC နိုင်ငံတကာ ရာဇဝတ်မှု ဆိုင်ရာ တရားရုံး က ဝရမ်း ထုတ်လိုက် ပါတယ် ။

ဖေဖော်ဝါရီ လတုန်းက စတင်ခဲ့တဲ့ လူထု အုံကြွမှု တွေအပေါ် အစိုးရ လုံခြုံရေး တပ်တွေက လူသား မျိုးနွယ်အပေါ် ကျူးလွန်တဲ့ ပြစ်မှုမျိုး တွေနဲ့ တုန့်ပြန် အရေးယူ ခဲ့တဲ့ ကိစ္စတွေ အတွက် ဗိုလ်မှူးကြီး ကဒါဖီမှာ တာဝန်ရှိတယ်လို့ ICC တရားရုံးက ပြောပါတယ်။

ဗိုလ်မှူးကြီး ကဒါဖီရဲ့ သားဖြစ်သူ Saif နဲ့ ထောက်လှမ်းရေး အဖွဲ့ အကြီးအကဲ Abdullah al-Sennoussi တို့ကို လည်း ဖမ်းဝရမ်းတွေ အသီးသီး ထုတ်ထား ပါတယ်။လစ်ဗျား မြို့တော် Tripoli ဆီကို သူပုန် တပ်ဖွဲ့တွေက စစ်ဆင်မှု အသစ် စတင် လာချိန်မှာ ခုလို ကြေညာချက် ထွက်လာတာပါ။

ထရီပိုလီ မြို့ရဲ့ အနောက်တောင် ဖက်မှာ ရှိတဲ့ Bair al-Ghanam မြို့ ဆင်ခြေဖုံး အရပ်မှာ တိုက်ပွဲတွေ အပြင်းအထန် ဖြစ်ပွား နေတယ်လို့လည်း သူပုန် တပ်ဖွဲ့တွေ ဖက်က ပြောခွင့်ရသူ တဦးက ဆိုပါတယ်။

ဗိုလ်မှုးစောဘီခိုသည် မြိုင်ကြီးငူ ဌါနချုပ်တွင် BGF မှ DKBA သို့ပြန်လည်ပြောင်းလဲရသည့်အကြောင်းအရင်းများအားရှင်းပြပြောကြားခြင်း

အစိုးရ၏ စွပ်စွဲမှုများ အခြေအမြစ်မရှိဟု KNU ပြောဆို

စောခါးစူးညား (ကေအိုင်စီ)

မွန်ပြည်နယ်၊ ဝေါလေမြို့နယ် ရွှေအေးမြိုင်ကျေးရွာမှ ဦးလှစိန်သည် ဇွန်လ ၂၃ရက်နေ့က တောင်ယာသွားရင်း နင်းမိ သည့်မိုင်းမှာ KNU မှ ထောင်ထားခြင်းဖြစ်ကြောင်း အစိုးရသတင်းစာ၏ စွပ်စွဲဖော်ပြမှုများမှာ အခြေအမြစ်မရှိဟု ကရင်အ မျိုးသားအစည်းအရုံး(KNU) က ပြောဆိုလိုက်သည်။

ကရင်လူမျိုးဖြစ်သူ အသက် ၇၅နှစ်အရွယ် ဦးလှစိန်သည် ထိုနေ့မနက်က တောင်ယာသို့သွားစဉ် ရွာ၏အရှေ့တောင် ဘက် တစ်မိုင်ခန့်အကွာရှိ လမ်းဆုံတစ်နေရာ၌ KNU ထောင်ထားသည့် မိုင်းနင်းမိ၍ ညာဖက်ခြေကျင်းဝတ် ပြတ်သွားခဲ့ သည်ဟု ယနေ့ထုတ် အစိုးရပိုင် ကြေးမုံသတင်းစာတွင် ဖော်ပြခဲ့သည်။

အဆိုပါ စွပ်စွဲထားခြင်းအပေါ် KNU တွဲဖက်အထွေထွေအတွင်းရေးမှူး(၁) ဗိုလ်မှူးစောလှငွေက “မြန်မာအစိုးရကတော့ မီးရထားတွဲမှာ၊ အမှိုက်ပုံးမှာ၊ အိမ်သာထဲမှာ ပေါက်တဲ့ ဗုံးတွေတိုင်း KNU လက်ချက်လို့ စွပ်စွဲပြောနေတာပဲ။ ကျနော်တို့ ကို ဒီလို အခြေအမြစ်မရှိဘဲ စွပ်စွဲတာတော့ ကျနော်တို့ KNU အနေနဲ့ လိုက်ပြီး ဂရုစိုက်စရာ မလိုဘူး။ တကယ်တမ်း ဒီလို ကိစ္စတွေ အဖြစ်အမှန်သိဖို့ ပြည်သူသာ အသိဆုံး ဖြစ်လိမ့်မယ်။”ဟု ကေအိုင်စီကို ပြောသည်။

ဇွန်လ ၁၂ရက်နေ့က နေပြည်တော်၊ ဇမ္ဗူသီရမြို့နယ် မြို့မဈေးရှိ အများပြည်သူသုံး သန့်စင်ခန်းအတွင်း ဗုံးပေါက်ကွဲ၍ အ ပြစ်မဲ့ ပြည်သူ ၃ဦး ထိခိုက်မှုတွင် KNU က ကျပ်သိန်း ၃၀ မက်လုံးပေးကာ ခိုင်းစေခဲ့သည့် အသက် ၃၅နှစ်အရွယ် အောင် ကိုလတ် (ခ) အောင်ကြီးဆိုသူအား ဖမ်းဆီးရမိထားသည်ဟု ၁၈ရက်နေ့ထုတ် အစိုးရသတင်းစာတွင် စွပ်စွဲဖော်ပြခဲ့သေး သည်။

BGF စောချစ်သု ရာထူး မြှင့်

June 23, 2011 by နော်နိုရင်း

ကရင်ပြည်နယ်ထဲက နယ်ခြားစောင့်တပ်ရင်း ၄ ခု ဒီကေဘီအေကို ပြန်လည် အသွင်ပြောင်းပြီးတဲ့နောက် လက်ကျန်တပ်တွေကို စုစည်းကွပ်ကဲဖို့ အစိုးရက တပ်နယ်မှူး ဗိုလ်မှူးကြီးစောချစ်သူကို တာဝန်ပေးပါတယ်။

ကရင်ပြည် မြိုင်ကြီးငူဒေသအခြေစိုက် နယ်ခြားစောင့်တပ်ရင်း ၄ ရင်းဟာ သူတို့ရဲ့ မူလအဖွဲ့အစည်း ဒီကေဘီအေတံဆိပ်တွေ ပြန်လည်တပ်ဆင် အသွင်ပြောင်းခဲ့ပြီးတဲ့နောက် လက်ကျန်တပ်တွေကို ကွပ်ကဲဖို့ ပြီးခဲ့ရက်ပိုင်းက အစိုးရအရာရှိတွေက ဗိုလ်မှူးကြီးစောချစ်သူကို ကမ်းလှမ်းခဲ့ပါတယ်။

ကရင်ပြည်နယ်ဝန်ကြီး ဗိုလ်ချုပ်ဇော်မင်းနဲ့ ပြည်သူ့စစ်နဲ့ နယ်ခြားစောင့် ညွှန်ကြားရေးမှူးချုပ် ဗိုလ်မှူးချုပ် မောင်မောင်အုန်းတို့က ဗိုလ်မှူးကြီးစောချစ်သူကို ပြီးခဲ့ရက်ပိုင်းတွေတုန်းက ကမ်းလှမ်းခဲ့တာ ဖြစ်တယ်လို့ ဗိုလ်မှူးကြီးစောချစ်သူနဲ့ နီးစပ်သူတဦးက ပြောပါတယ်။

ဒီကေဘီအေတပ်ကနေ နယ်ခြားစောင့်တပ်အသွင်ပြောင်းတဲ့ တပ်ရင်း ၁၁ ရင်း အနက် ၄ ရင်း မရှိတော့တာကြောင့် လက်ကျန် ၇ ရင်းကို ကွပ်ကဲပေးဖို့ ကမ်းလှမ်းခဲ့တာ ဖြစ်ပါတယ်။

လက်ရှိမှာ တပ်ရင်း ၄ ရင်းကို ကိုင်တွယ် တာဝန်ယူထားတဲ့ တပ်နယ်မှူးဗိုလ်မှူးကြီး စောချစ်သူဟာ မနေ့က လက်ကျန် နယ်ခြားစောင့်တပ်ရင်းမှူးတွေနဲ့ ဆွေးနွေးတိုင်ပင်ခဲ့တယ်လို့ အဲဒီနီးစပ်သူက ပြောပါတယ်။

“အခုလက်ရှိကျန်နေတဲ့ နယ်ခြားစောင့်တပ်တွေကို စောင့်ရှောက်ထားဖို့၊ ဗိုလ်ချုပ်ကျော်သန်းတို့က ပြဿနာတက်တာ။ အဲဒီမှာ ဒီကေဘီအေလည်း ရှိတာကို။ အခုသူ့ကို နိုင်ငံတော်ကနေ အားလုံးကို တာဝန်ခံအနေနဲ့ထားမယ်။ ကျန်တဲ့နယ်ခြားစောင့်တပ်တွေကို အကုန်လုံး သူကွပ်ကဲရမယ်။ အဲဒါတပ်ရင်းမှူးတွေ အကုန်လုံးခေါ်ပြီးတော့ ၉၉၉ ဂိတ်ထဲမှာ အစည်းအဝေးလုပ်တယ်။ သူ့ကိုအားလုံးတာဝန်ပေးတာ။ အဲဒီလူတွေကို သူကဘယ်လိုသဘောရလဲ၊ လုပ်ရင်ကောင်းမလား၊ မကောင်းဘူးလား တိုင်ပင်တာပေါ့။ ဆွေးနွေးပြီးတော့ ဟိုဘက်မှာ အဖြေပြန်ပေးရမယ်။ သူကတော့ သိပ်မလုပ်ချင်ဘူး။ အားလုံးတာဝန်မခံချင်ဘူး။ အခုရှိတဲ့ တပ်တွေအနေနဲ့ပဲ ဆက်နေချင်တာပေါ့။ ဒါပေမယ့် နိုင်ငံတော်က သူ့ကိုလုပ်ခိုင်းတာ။ ဗိုလ်ချုပ်ကျော်သန်းတို့ကို တာဝန်မပေးတော့ဘူး။ ဗိုလ်ဘိတို့လည်း သူ့ဟာသူ လာနေလည်းနေပေါ့။ နောက်တော့မှ ဖြည်းဖြည်း ပြန်စည်းရုံးမယ်ပေါ့။”

ဗိုလ်မှူးကြီးစောချစ်သူဟာ နယ်ခြားစောင့်တပ်အသွင်းပြောင်းချိန်ကစလို့ နယ်စပ်စီးပွားရေးနဲ့ ကုန်သွယ်ရေး တာဝန်ခံ ဖြစ်သလို တပ်ရင်း ၁၀၁၇ ကနေ ၁၀၂၀ အထိ တပ်ရင်း ၄ ရင်းကို ချုပ်ကိုင်တာဝန်ယူရတဲ့ တပ်နယ်မှူးလည်း ဖြစ်တယ်လို့ ဆိုပါတယ်။

အခုတော့ ကရင်ပြည်နယ်ဝန်ကြီးက ကရင်ပြည်နယ်အတွင်း ကျန်ရှိနေတဲ့ နယ်ခြားစောင့်တပ် အားလုံးကို ကွပ်ကဲဖို့ တာဝန်ပေးတာ ဖြစ်တဲ့အတွက် ကရင်ပြည်နယ်ထဲက နယ်ခြားစောင့်တပ်တွေမှာ အကြီးဆုံးအဆင့် ကွတ်ကဲရေးမှူး ဖြစ်လာမှာပါ။

ဒီကေဘီအေကနေ နယ်ခြားစောင့်တပ်အသွင်ပြောင်းချိန်မှာ ဖွဲ့တဲ့ တပ်ရင်း ၁၁ ရင်းကို နာယက အဖွဲ့ဝင် ၃ ဦးနဲ့ တပ်နယ်မှူးအဆင့် ၄ ဦးရှိပြီး ကွပ်ကဲခဲ့ပါတယ်။ နာယက ၃ ဦးကတော့ ဒီကေဘီအေ ခေါင်းဆောင်ဟောင်းတွေဖြစ်တဲ့ ဦးသာထူးကျော်၊ ဦးကျော်သန်း၊ ဦးလှဘတို့ဖြစ်ပြီး တပ်နယ်မှူးတွေကတော့ ဗိုလ်မှူးကြီး စောချစ်သူ၊ ဗိုလ်မှူး ဘသိန်း၊ ဗိုလ်မှူး ကြာအင်းနဲ့ နောက်တဦး ဖြစ်ပါတယ်။

အခုလလယ်ပိုင်းက မြိုင်ကြီးငူဒေသမှာ ပုန်ကုန်မှုဖြစ်လာပြီးနောက် နာယကနဲ့ တပ်နယ်မှူးတွေကို ဖြုတ်ပြီး ဗိုလ်မှူးကြီး စောချစ်သူကို ကွပ်ကဲရေးမှူး တာဝန်ယူပေးဖို့ ကမ်းလှမ်းခဲ့တာ ဖြစ်ပါတယ်။
http://burmese.dvb.no/archives/11432
==================================================================
ရှူး  တိုးတိုး    ဘိုးတော်အကြံထုတ်နေတယ်
....................................................................

ဝေသာလီပြည်တစ်လွှားမှာ ဘီလူးတွေထကြွှတုန်းက
မထေရ်မြတ်တွေက မနုသီဟကိုဖန်ဆင်းပြီးဘီလူးတွေကို
တိုက်ထုတ်ပစ်သလို ကရင်ပြည်တစ်လွှားမှာထကြွှနေတဲ့
KNUနဲ့DKBAတွေကို အောင်နိုင်ရန်အရေးမှာ "ကိုက်ဆိုကိုက် တိုက်ဆိုတိုက်" ဟောင်ဆိုဟောင် တဲ့ ငါ့ဒူးမနာသားနှစ်ကောင်ကိုဘဲ "မနုတိုက်ခွေး " အဖြစ်ဖန်ဆင်းပြီး KNUနဲ့DKBA ကိုနှိမ်နှင်းရမယ်။

ကျားဘိုကျော်သန်းနဲ့ကျားဘိုချစ်သူ လာစမ်း   ---  "ဝုတ်   ၀ုတ်

ကရင်ဘက်ကို ထိုးစစ်ဝင်နိုင်ဟုဆို

ချင်းမိုင် (မဇ္ဈိမ) ။       ။ ကရင်အမျိုးသား အစည်းအရုံး KNU နှင့် တိုးတက်သော ဗုဒ္ဒဘာသာ ကရင်အမျိုးသား တပ်မတော် DKBA တို့ ပူးပေါင်း တပ်များ တည်ရှိရာသို့ အစိုးရတပ်မှ စစ်ကြောင်းများ ထိုးစစ်ဆင်နိုင်ဖွယ် ရှိသည်ဟု ကရင်ပူးပေါင်းတပ်များက ပြောသည်။

“ကျနော်တို့ သိထားရသလောက်တော့ သူတို့ဘက်က ထိုးစစ်လုပ်ဖို့ အဆင်သင့်ရှိနေပြီ။ ကျနော်တို့ဘက်ကလည်း အဆင်သင့် စောင့်နေတာပေါ့” ဟု DKBA ကလို့ထူးဘော ဗျူဟာမှူး ဗိုလ်မှူးကျော်သက်က မဇ္ဈိမကို ပြောသည်။

လှိုင်းဘွဲ့မြို့နယ် မြိုင်ကြီးငူ ဒေသတွင် အင်အား

တိုးတက်သော ဗုဒ္ဒ ဘာသာ ကရင်အမျိုးသား တပ်မတော် DKBA ၉၀၉ တပ်ရင်းမှူး ဗိုလ်စတီး (ဘယ်)နှင့် ကရင်အမျိုးသား လွတ်မြောက်ရေး တပ်မတော်မှ တပ်မှူး ဗိုလ်မှူးကြီး နဒါးမြ (ညာ) တို့ကို အတူတွေ့မြင်ရစဉ် ... (ဓါတ်ပုံ မဇ္ဈိမ)

၁,၀၀၀ ကျော်ရှိသည့် ကရင်နယ်ခြားစောင့်တပ်ရင်း ၄ ရင်းက ဇွန်လ ၁၇ ရက်နေ့တွင် KNU နှင့် DKBA တပ်များနှင့် ပြန်လည် ပေါင်းစည်းမှု ဖြစ်ပေါ်ပြီးနောက်
အစိုးရဘက်မှ တပ်မ ၄၄ နှင့်တပ်မ ၁၁ တို့ကို
တိုက်ခိုက်ရန် ပြင်ဆင်နေခြင်း ဖြစ်သည်ဟု ဆိုသည်။

ကရင်ပြည်နယ် လှိုင်းဘွဲ့မြို့နယ်ရှိ DKBA ၏ မြိုင်ကြီးငူ ဗဟိုဌာနချုပ် အနီးတွင်လည်း အစိုးရတပ်များ ချဉ်းကပ်
 နေရာယူထားသလို ကမမောင်းမြို့နယ် အတွင်းသို့ ဝင်ရောက်လာနေကြသည်ဟုလည်း ဗိုလ်မှူးကျော်သက်က
 ပြောသည်။

နယ်ခြားစောင့်တပ်အဖြစ် ၉ လကျော်အကြာ တာဝန် ထမ်းဆောင်ပြီးနောက် DKBA များက ပြန်လည် ပုန်ကန်မှုကို ပြသသည့် အနေဖြင့် DKBA တံဆိပ်များ ဇွန် ၁၇ ရက်နေ့မှစ၍ ပြန်လည် တပ်ဆင်လာခဲ့ကြသည်။

ကရင်လူမျိုးများ အတွက်လည်း ပြောင်းလဲတိုးတက်မှုကို မတွေ့ရသဖြင့် ယခုကဲ့သို့ ပြန်လည် ဘက်ပြောင်းလာခြင်း
 ဖြစ်သည်ဟု DKBA တပ်မှူးဗိုလ်မှူး ချစ်စရာက မဇ္ဈိမကို ပြောသည်။

စိုးရိမ်မှု ရှိလာသူ ကရင်ပြည်နယ် ဝန်ကြီးချုပ် ဦးဇော်မင်းနှင့် ကာကွယ်ရေးဝန်ကြီးဌာန နယ်ခြားစောင့်တပ်များ ဆိုင်ရာ ညွှန်ကြားရေးမှူး ဗိုလ်ချုပ်မောင်မောင်အုန်းတို့က မြိုင်ကြီးငူတွင် DKBA မှ ဆရာတော် ဦးဉာဏိကနှင့် ဇွန် ၁၇ ရက်နေ့တွင် သွားရောက် ဆွေးနွေးခဲ့ကြသည်။ အစိုးရ ကိုယ်စားလှယ်များ လာရောက်ချိန်တွင် DKBA တပ်များအပေါ် သြဇာညောင်းသည့် မြိုင်ကြီးငူဆရာတော် ဦးသုဇန ထိုင်းနိုင်ငံ ဘန်ကောက်မြို့တွင် ဆေးကုသမှု ခံယူနေချိန် ဖြစ်သည်။

ကရင်အမျိုးသား အစည်းအရုံး KNU နှင့် တိုးတက်သော ဗုဒ္ဒဘာသာ ကရင်အမျိုးသား တပ်မတော် DKBA တို့ ပူးပေါင်း တပ်များ တွေ့မြင်ရစဉ် (ဓါတ်ပုံ မဇ္ဈိမ)

ဗိုလ်ချုပ်မောင်မောင်အုန်းက နယ်ခြားစောင့်တပ်အဖြစ် မနေလျှင် တိုက်ခိုက်ယုံမှတပါး ရွေးချယ်စရာလမ်းမရှိဟု ခြိမ်းခြောက်သည်ဟုလည်း DKBA ဘက်က ပြောသည်။ ထို့နောက် စစ်တပ်များ တိုးချလာခြင်း ဖြစ်လာခဲ့သည်။

“ဒီနေရာကို သူတို့ လက်နက်အင်အားသုံးပြီးတော့ ယူသွားနိုင်ပေမယ့် ကျနော်တို့ ကျွမ်းကျင်နယ်မြေဖြစ်တဲ့ အတွက်ကြောင့် သူတို့တွေရဲ့ အသက်တွေ အများကြီး စတေးပြီးမှ ဒီနေရာကို ရပါလိမ့်မယ်။ ကျနော်တို့ကတော့
 ပြောက်ကျား စနစ်အပါအဝင် နည်းမျိုးစုံ ပြင်ထားတယ်” ဟု ဗိုလ်မှူးချစ်စရာက မဇ္ဈိမကို ပြောသည်။

ကရင်အမျိုးသား အစည်းအရုံး၏ တပ်ဖြစ်သော ကရင်လွတ်မြောက်ရေး တပ်မတော်မှ ဗိုလ်မှူးကြီး ဖောဒိုက
“ ကျနော်တို့ တကယ်လိုချင်တာက စစ်မှန်တဲ့ ပြည်တွင်း ငြိမ်းချမ်းရေးဗျ။ အခုတက်လာတဲ့ အစိုးရသစ်ကလည်း ဒီကိစ္စကို လုပ်ဖို့ အစီအစဉ် ရှိပုံ မပေါ်ဘူး။ နိုင်ငံရေးအရ
 တွေ့ဆုံဆွေးနွေးဖို့ သူတို့မှာ ရှိဟန်လည်း မပြဘူး။ ဒါကြောင့်မို့ သူလက်အောက်မှာ သွားနေခဲ့တဲ့ နယ်ခြားစောင့်တပ်တွေက အခုလို မြိုင်ကြီးငူဒေသကို အာဏာပြန်သိမ်းတာနဲ့ ကြုံနေရတာပဲ” ဟုပြောသည်။

DVB - 12.06.2011 - Nay Zaw Naing ကျနော်ဆွဲဖွင့်မိသောတံခါးများ-

အစိုးရတပ်၏ ထိုးစစ်ကို ရိုက်ချိုးနိုင်ရန် စုစည်းကြဖို့ SYCB ထုတ်ပြန်ပြောဆို

စောခါးစူးညား (ကေအိုင်စီ)

မြန်မာနိုင်ငံအတွင်း တိုင်းရင်းသားဒေသများကို ထိုးစစ်ဆင်နေသည့် မြန်မာအစိုးရတပ်များကို ရိုက်ချိုးနိုင်ဖို့ တိုင်းရင်းသားများ အားလုံး စုစည်းညီညွှတ်မှု၊ အပြန်အလှန် ကူညီပံ့ပိုးမှုနှင့် ပူးပေါင်းဆောင်ရွက်မှုရှိကြရန် မြန်မာနိုင်ငံ ကျောင်းသားလူငယ်များ ကွန်ဂရက်-SYCB က ယမန်နေ့က ကြေညာချက်တစ်စောင် ထုတ်ပြန်ခဲ့သည်။

လက်ရှိ ကချင်၊ ကရင်နှင့် ရှမ်းပြည်နယ်တို့တွင် ဖြစ်ပွားနေသော စစ်ပွဲများသည် တိုင်းရင်းသားများ၏ လွတ်လပ်ရေး၊ ဒီမိုကရေစီ ရေးနှင့် အမျိုးသားတန်းတူရေး စသည့် နိုင်ငံရေးပြဿနာများဖြစ်သော်လည်း မြန်မာအစိုးရသည် စစ်ရေးနည်းဖြင့် ဖြေရှင်းနေ သည့်အတွက် တိုင်းရင်းသားအားလုံးကလည်း ညီညီညွှတ်ညွှတ် ပြန်လည် ဆန့်ကျင်တော်လှန် တိုက်ပွဲဝင်ကြရမည်သာဖြစ် ကြောင်း ကြေညာချက်တွင် ဖော်ပြထားသည်။

SYCB ၏ အထွေထွေအတွင်းရေးမှူးဖြစ်သူ နော်ဆန်း(Nan San)က “ကျနော်တို့ တိုင်းရင်းသားတော်လှန်ရေးအင်အားစုတွေ၊ ဒီမိုကရေစီအင်အားစုတွေ မြန်မာ့အရေး ၀ိုင်းဝန်းကြိုးပမ်းတဲ့နေရာမှာ အပြန်အလှန် အသိအမှတ်ပြုမှု၊ တန်ဖိုးထားမှုနဲ့ ဟန်ချက် ညီညီ အတူတကွ ပူးပေါင်းအလုပ်လုပ်သွားကြဖို့ ရည်ရွယ်ပြီး ဒီကြေညာချက်ကို ထုတ်တာပါ။”ဟု ပြောသည်။

အဆိုပါ ကြေညာချက်၌ မြန်မာပြည်သူများအပေါ် အစိုးရတပ်၏ ဒီမိုကရေစီနှင့် အခြေခံလူ့အခွင့်အရေး ချိုးဖောက်နေမှု၊ အမျိုး သမီးများအပေါ် အဓမ္မပြုကျင့်နေမှု၊ စစ်ရာဇ၀တ်မှု ကျူးလွန်နေမှုများကို ကုလသမဂ္ဂ အပါအ၀င် အင်အားကြီးနိုင်ငံများအား အိမ်နီးချင်းနိုင်ငံများမှလည်း အရေးယူဆောင်ရွက်ပေးရန်နှင့် တိုက်ပွဲများကြောင့် ကျန်းမာရေး၊ စားဝတ်နေရေး၊ လုံခြုံရေး ဆိုး ၀ါးမှုများနှင့် အိုးအိမ်၊ တောင်ယာများစွန့်ပစ်ပြီး အခက်အခဲကြုံနေရသော စစ်ဘေးဒုက္ခသည်များကို နိုင်ငံတကာမိသားစုများမှ အမြန်ဆုံး အကူအညီပေးကြရန်လည်း တောင်းဆိုထားသည်။

နော်ဆန်းက “လက်ရှိအခြေအနေမှာ ကျနော်တို့ တိုင်းရင်းသားတွေဟာ အာဏာရှင်ရဲ့ သားကောင်တွေဖြစ်နေတယ်။ နောက် တိုင်းရင်းသားရဲဘော်တွေဟာ ရှေ့တန်းမှာ အသက်စွန့်ပြီး နယ်မြေနဲ့ ပြည်သူတွေကို ကာကွယ်နေရတယ်။ သူတို့တွေဟာ ပြည် သူတွေနဲ့အတူ ဆင်းရဲဒုက္ခခံနေရတယ်ဆိုတာ ဖော်ပြတာ ဖြစ်ပါတယ်။”ဟု ဆက်လက်ပြောဆိုသည်။

၎င်းအပြင် စစ်ဘေးဒဏ်ပြည်သူများသည် မိမိတို့ဒေသအတွင်း ပြန်လည်နေထိုင်နိုင်ရေးအတွက် ဒီမိုကရေစီနှင့် တိုင်းရင်းသား အင်အားစုအားလုံး ပူးပေါင်းဆောင်ရွက်ပြီး တောင်းဆို တိုက်ပွဲဝင်သွားကြရမည်ဖြစ်ကြောင်းလည်း SYCB က ဆိုသည်။

ကြေညာချက် နိဂုံးချုပ်၌ နှစ်ပေါင်း (၆၀)ကျော်လာသည့် မြန်မာ့ပြည်တွင်းစစ် ပြဿနာမှာ နိုင်ငံရေးပြဿနာဖြစ်၍ နိုင်ငံရေး နည်းဖြင့်သာ ဖြေရှင်းရန်နှင့် အစိုးရအနေဖြင့် တိုင်းရင်းသားဒေသများရှိ ထိုးစစ်နှင့် စစ်ရေးပြင်ဆင်မှုများကို ချက်ချင်းရပ်တန့် ရေးနှင့် တန်းတူဆွေးနွေးအဖြေရှာရေး ပြုလုပ်ရန် တိုက်တွန်းထားသည်။

မြန်မာနိုင်ငံ ကျောင်းသားလူငယ်များကွန်ဂရက်-SYCB ကို ၁၉၉၆ခုနှစ်၊ ဇန်န၀ါရီလ၌ အိန္ဒိယနိုင်ငံ နယူးဒေလီမြို့တွင် ဖွဲ့စည်းခဲ့ ပြီး လက်ရှိတွင် တိုင်းရင်းသားလူငယ်အဖွဲ့(၁၅)ဖွဲ့ဖြင့် ထိုင်းနှင့် အိန္ဒိယ-မြန်မာနယ်စပ်တွင် အခြေစိုက် လှုပ်ရှားလျှက်ရှိသည်။

Collapse...

ကရင်ပြည်နယ် လောင်းကိုင်ကျေးရွာတွင်တိုက်ပွဲဖြစ်

လွန်ခဲ့တဲ့ဇွန်လ  (၁ )ရက်နေ့ မွန်းလွဲတစ်နာရီအချိန်လောက်မှာ KNU တက်မဟာ ( ၆  )
ဒူပလာယာခရိုင်ကျုံဒိုးမြို့ နယ် လောင်းကိုင်( လံင်.ကါင်တွါန့်)ကျေးရွာရှိဘုန်းတော်ကြီးကျောင်း
နားတစ်ဝိုက်တွင်ကြံ့ ဖွံ့  စစ်တပ်နှင့် KNLA - KNDO - DKBA ပူးပေါင်းကရင်လက်နက်ကိုင်တပ်တို့
ထိပ်တိုက်ရင်ဆိုင်တိုက်ပွဲဖြစ်ဖွါးရာ ကြံ့ ဖွံ့ စစ်သားများထိခိုက်သေဆုံးမှုများရှိသလိုလောင်းကိုင်ဘုန်း
ကြီးကျောင်းမှသံဃာတော်နှစ်ပါးလဲကြံ့ ဖွံ့ စစ်တပ်ရဲ့ လက်နက်ကြီးကြောင့်ပျံလွန်တော်မူခဲ့ရသည်။
လွန်ခဲ့တဲ့မေလလယ်အတွင်း ကျုံဒိုးမြို့ နယ်အတွင်း ကျုံကွယ်၊ ထီဖိုးသံ၊သမိန်ဒွတ်စသည့်ကျေးရွာများ
တွင်တိုက်ပွဲဖြစ်ပွါးခဲ့သဖြင့်ယခုထက်တိုင်လှုပ်ရှားသွားလာနေသောကြံ့ဖွံ့ စစ်သားတွေကြောင့်ရွာသား
များကနောက်ထပ်တိုက်ပွဲဖြစ်ဖွါးမှာကိုကြောက်ရွံ့ စိုးရိမ်လျှက်ရှိသည်။

si phit met nan ta seet (ဆီဖြစ်မဲ့ နှမ်းတစ်စေ့)

ကရင်နီလူငယ်အစည်းအရုံးမှထုတ်လွင့်သည်။

မြဝတီမြို့က မြေလုပွဲ (ပေးစာ

  http://komoethee.blogspot.com/

ကျွန်တော်ဟာ မြဝတီမြို့ မြေနီကုန်းကျေးရွာ အမှတ် (၄) ရပ်ကွက်မှာ နေပါတယ်။ ကျွန်တော်တို့ နေလာ တာ (၁၀) နှစ်တောင် ကျော်နေပါပြီ။ အဲဒီ ရပ်ကွက် မှာ ကိုယ်အင်္ဂါထိခိုက်ထားတဲ့ စစ်မှုထမ်းဟောင်း အများစု နေကြတယ်။ ကျွန်တော်တို့ မိသားစုကလဲ စစ်မှုထမ်းဟောင်း မိသားစု တစ်ခု ဖြစ်ပါတယ်။ ကျွန်တော်တို့ စနေတုန်းက ဒီနေရာတွေ ဟာ ဘယ်သူမှ မရှိတဲ့ မြေလွတ်မြေရိုင်းတွေပါ။ အဲဒါကို ခုတ်ထွင်ရှင်းလင်း၊ တစ်နိုင်တစ်ပိုင် စိုက်ပျိုးရေး လုပ်ပြီး အသက်မွေး လာခဲ့ကြတယ်။ ခုဆိုရင် အိမ်ခြေ ၃၀ လောက်တောင် ရှိနေပါပြီ။

ပြီးခဲ့တဲ့နှစ် ဒီဇင်ဘာလလောက် မှာတော့ ဟော်တယ် အဆောက်အဦနဲ့ အပန်းဖြေစခန်းဆောက်ဖို့ ဆိုပြီး စာရွက်စာ တမ်းတွေ လာပြကာ၊ ကျွန်တော်တို့ နေထိုင်နေတဲ့ အိမ်ခြေ ၃၀ မြေဧကအားဖြင့် ၁၀ ဧက လောက်ကို ကျောက်တိုင်း တွေစိုက်၊ လက်ရှိနေထိုင်နေတဲ့ အိမ်တွေကို ဖယ်ပေးဖို့ အမိန့်ပေး လာပါတယ်။ အမှတ် (၄) ရယက ရုံးက လမ်းမျက်နှာ စာက အိမ်ပိုင်ရှင် ၇ ဦးကို ခေါ်တွေ့ပြီး တစ်သိန်းစီ ပေးခဲ့ပေမဲ့ အိမ်ရှင် ၇ ဦးက လက်မခံဘဲ ပြန်လာခဲ့ကြတယ်။

မိသားစု ၃၀ နေထိုင်နေတဲ့ မြေနေရာကို မြဝတီမြို့က သူဋ္ဌေး ဦးကျော်ဟိန်နဲ့ ဒေါ်ခင်နှင်းနှင်းဦး တို့ကို ပြည်နယ်အာ ဏာပိုင်တွေက ဟော်တယ်နဲ့ အပန်ဖြေစခန်းဆောက်ဖို့ ပေးအပ်လိုက်တာလို့ သိရပါတယ်။

အရင်တုန်းက ပိုင်ရှင်မရှိတဲ့ တောရိုင်းမြေကို ခုတ်ထွင်းရှင်းလင်းပြီး နေလာခဲ့တာ ၁၀ နှစ်လောက် နေထိုင်းလာခဲ့တဲ့ မိသားစု ၃၀ ရဲ့ ဘဝတွေကို ဥပေက္ခာပြုပြီး ချမ်းသာတဲ့ သူဋ္ဌေးတစ်ဦးလက်ထဲ အပ်နှံလိုက်တာဟာ အလွန်ရက်စက် လွန်းရာကျ ပါတယ်။ အခုလို ဖြစ်ပျက်နေတဲ့ အခြေအနေတွေကိုလည်း နေပြည်တော်က သက်ဆိုင်ရာ လူကြီးများသိ အောင်လဲ အကြောင်းကြားစာ ပေးပို့ပေမယ့်လဲ အကြောင်မထူးခဲ့ပါ။

၂၀၁၁ ဇန်နဝါရလ မှာတော့ မတရားသိမ်းပိုက်ထားတဲ့ မြေ ၁၀ ဧက ကိစ္စ ထူးခြားမှု ရှိလာပါတယ်။ အဲဒါကတော့ မြဝတီ သူဋ္ဌေး ဦးကျော်ဟိန်း ဟာ ရယက အဖွဲ့တွေ၊ နယ်ခြားစောင်တပ်က စစ်သား ၄ ယောက် အားလုံးပေါင်း ၁၅ ယောက်နဲ့ ကျွန်တော်တို့ ရပ်ကွက်ဆီရောက်လာပြီး၊ လန (၃၉) ကျပြီ အမြန်ဖယ်ပေးဖို့ ပြောပါတယ်။ ဦးကျော်ဟိန်း ကလည်း ငါ ပရက ကို သိန် (၂၅၀၀) တာ၊ မင်းလားကွ အထက်ကို တိုင်တဲ့ကောင် ဆိုပြီး ပါးရိုက်ပါတယ်၊ နယ်ခြားစောင့် စစ်သားတွေက လည်း သေနတ်နဲ့ ဝိုင်းချိန်ထားကြပါတယ်။ ဖြစ်ပျက်ခဲ့တဲ့ ကိစ္စကို မြဝတီ ရဲစခန်းမှူးဆီ တိုင် ကြားပေမဲ့  ခယက ဥက္ကဋ္ဌ ကို တိုင်ပါလို့ ပြောတယ်။ ခယက ဥက္ကဋ္ဌ ကို တိုင်တော့ နောက်မဖြစ်စေရဘူးလို့ ပြောလိုက် ပါတယ်။

ဒါပေမယ့် ကျော်ဟိန်းကတော့ ကျော်ဟိန်း ပါပဲ။ ဇန်နဝါရီလ ၁၁ ရက်နေ့မှာ လူအင်အား ၃၀ လောက်နဲ့ ကျွန်တော်တို့ အိမ်ခြံစည်းရိုး တိုင်တွေကို ဖျက်ပြီး ကားပေါ်တင်ပါတယ်။ “ကြိုက်တဲ့ကောင်ကို သွားတိုင် ဂရုမစိုက်ဘူး။ မကျေနပ်ရင် နှုတ်ခမ်းမွှေးပါ သွားခေါ်” လို့ ဥပဒေမဲ့စကားတွေ ပြောတဲ့အထိ ဖြစ်လာပါတယ်။

နိုင်ငံတော်အလံ စိုက်ထူထားကာ “ကူညီပါရစေ” စာတန်းအောက် တာဝန်ထမ်းနေတဲ့ မြဝတီ ရဲစခန်းမှာ အမှုဖွင့်မရ ဘဲ၊ ဟိုလွှဲချ ဒီလွှဲချ နေခြင်းမှာ အလွန် အံ့သြဖွယ်၊ စိတ်ပျက်ဖွယ်ကောင်းပါတယ်။ နိုင်ငံတော် အေးချမ်းသာယာရေးနဲ့ ဖွံ့ဖြိုးရေးကောင်စီ အုပ်ချုပ်နေတဲ့ ကာလမှာ  ဘယ်သူပဲဖြစ်ဖြစ် အမှုဖွင့် ပေးရမည်လို့ သိရပါတယ်။ ဒီ “ကူညီပါရစေ” ဆိုတဲ့ စာတန်းဟာ ဘယ်လူတန်းစားအတွက် ဖြစ်နေပြီလဲ ဆိုတာကို ကျွန်တော်တို့ စဉ်းစားမရပါ။ ရဲတပ်ဖွဲ့ ရဲဝန် ထမ်းတွေဟာ အစိုးရက ဖွဲစည်းထားတဲ့ ဥပဒေ ဘက်တော်သားတွေ ဖြစ်ပါတယ်။ “ဥပဒေရဲ အထက်မှာ ဘယ်သူမှ မရှိစေရ” ဆောင်ပုဒ်ကို အထက်အာဏာပိုင်အပါအဝင် ရဲဝန်ထမ်းတွေ အသေအချာ အကောင်အထည်ဖေါ်ဖို့ လိုအပ် နေပါတယ်။ ကျွန်တော့် အနေဖြင့်လည်း တရားဥဒေဘောင်အတွင် နေထိုင်နေရပေမယ့်လဲ မကြာခဏ တယ်လီဖုန်း တွေနဲ့ ခြိမ်ခြောက် ပြောဆိုတာတွေ ခံနေရပြီး လုံခြုံမှုမရှိတော့သလို့ ခံစားနေရပါတယ်။ ကျွန်တော် နောက်ဆုံးပြော ချင်တာကတော့ ကျွန်တော်တို့ မျက်နှာမွဲ ဆင်းရဲသား ပြည်သူတွေကို ပစ်မထားကြပါနဲ့လို့ ပြောချင်ပါတယ်။

မြဝတီမြို့သားတဦး

အစိုးရ ကိုယ်စားလှယ်အဖွဲ့နှင့် KIA ဆွေးနွေးပွဲပျက်ပြား

ဧရာဝတီ Friday, 17 June 2011 15:03 

ယခင် ဆက်သွယ်ရေး ဝန်ကြီးဟောင်း၊ ယခု မြစ်ကြီးနား ပြည်သူ့လွှတ်တော် ကိုယ်စားလှယ် ဦးသိန်းဇော် စေလွှတ်လိုက်သော ကိုယ်စားလှယ်အဖွဲ့၏ ကချင်လွတ်မြောက်ရေး တပ်မတော် (KIA) နှင့် ဆွေးနွေးပွဲ ပျက်ပြားသွားသည်။ အစိုးရ ကိုယ်စားလှယ်အဖွဲ့က နေပြည်တော် အစိုးရအနေဖြင့် KIA နှင့် အပစ်အခတ်ရပ်လိုကြောင်း၊ ရှေ့တန်းတပ်များကို အပစ်ရပ်ထားရန် အမိန့်ပေးထားပြီးဖြစ်ကြောင်း ပြောဆိုခဲ့သည်ဟု သိရသည်။ သို့သော် ဦးသိန်းဇော် လက်မှတ်ပါသည့် စာရွက်စာတမ်း အထောက်အထား တစုံတရာ မပါရှိသဖြင့် KIA က ဆုံးဖြတ်ချက် မပေးလိုက်ကြောင်း၊ အထောက်အထားပါမှသာ အပစ်ရပ်ရေး စဉ်းစားမည်ဟု အစိုးရ ကိုယ်စားလှယ် အဖွဲ့သို့ ပြောလိုက်ကြောင်း KIA ပူးတွဲ အတွင်းရေးမှူး ဦးလနန်က ပြောသည်။

KIA ကိုတိုက်ခိုက်ခြင်းပေါ် မြန်မာအစိုးရအား အာဆီယံပါလီမန်က ပြင်းထန်စွာ ဝေဖန်

KIA ကိုတိုက်ခိုက်ခြင်းပေါ် မြန်မာအစိုးရအား အာဆီယံပါလီမန်က ပြင်းထန်စွာ ဝေဖန်

Friday, 17 June 2011 21:33 KNG

ကချင်လွတ်မြောက်ရေးတပ်ဖွဲ့ (KIA)နှင့် ၁၇ ကြာ အပစ်ရပ်ဆိုင်းခဲ့ခြင်းကိုအဆုံးသတ်ကာ ကချင်ပြည်နယ်သို့ လူလက်နက်အင်အား ကြီးမားစွာ ပို့လွှတ်သည့် မြန်မာအစိုးရ၏ အပြုအမူအား အာဆီယံပါလီမန်က ပြင်းထန်စွာ ဝေဖန်လိုက်သည်။

KIA-မြန်မာ စစ်ပွဲက ဂုဏ်အသရေမဲ့ရွေးကောက်ပွဲအားဖြင့်တက်လာသည့် မြန်မာအစိုးရသစ်၏ တိုင်းရင်းသားလူမျိုးစုများနှင့်အာဏာခွဲဝေရေးထက် အင်အားသုံးအုပ်ချုပ်သည့်လမ်းစဉ်ကို မစွန့်လွှတ်နိုင်သေးသည်ကို ပြသနေသည်ဟု ဆိုသည်။

ဆန်ဂန်တိုက်ပွဲမှာ မြန်မာစစ်တပ်မှ သိမ်းဆီးရတဲ့ လက်နက်များ။

ကချင်လွတ်မြောက်ရေးအဖွဲ့ (KIO)သည် အင်္ဂလိပ် လက်အောက်မှ လွတ်လပ်ရေးယူပြီး ပြည်ထောင်စုကြီးကိုမဖွဲ့စည်း ခင် ဗမာ၊ ရှမ်း၊ ချင်း၊ ကချင်လူမျိုးများ ရေးထိုးခဲ့သော ၁၉၄၇ ပင်လုံစာချုပ်အားဖြင့် ကိုယ်ပိုင်ပြဌါန်းချက်ကို တောင်းဆိုနေသည့် ကချင်တော်လှန်ရေးအဖွဲ့ဖြစ်သည်။

ပြည်သူလူကိုကိုယ်စားမပြုသည်သာမက ပြည်သူလူထုကိုကွယ်ပေးမှုမရှိသည့်ကာလပတ်လုံး ဒီမိုကရေစီဖော်ဆောင်နိုင်မည်မဟုတ်ဟူ၍လည်းပါရှိသည်။

သုံးပွင့်ဆိုင် (မြန်မာအစိုးရ၊ မြန်မာလူမျိုးစုတိုင်းရင်းသားများနှင့် မြန်မာအတိုက်အခံများ)ဆွေးနွေးပွဲနှင့် အမျိုးသားပြန်လည်ရင်ကြားစေ့ရေးအတွက် အာဆီယံခေါင်းဆောင်များ ပထမဦးစားထား အဖြေရှာပေးသွားမည်ဟု ပါရှိသည်။

မြန်မာစစ်တပ်နှင့် KIA စစ်ထဲဦးတည်သွားမည်ကို အလွန် စိုးရိမ်သည်ဟု အာဆီယံပါလီမန်ဥက္ကဋ္ဌက ဆိုထားသည်။

ကြံ့ဖွံ့တပ်ဖွဲ့နှင့်ကချင် KIA တိုက်ပွဲဖြစ်ဗမာ ၁၇ ဦးသေ

Friday, 17 June 2011 21:48 KNG

မြန်မာပြည်မြောက်ပိုင်း၊ ကချင်ပြည်နယ်အလယ်ပိုင်း၊ မိုးညှင်းခရိုင်၊ ဆင်ဘိုမြို့နယ်ခွဲတွင် ယနေ့သောကြာနေ့တိုက်ပွဲတွင် မြန်မာစစ်သား ၁၇ ဦးကျဆုံးသွားသည်ဟု ဆင်ဘိုဒေသခံများပြောသည်။

မြန်မာစစ်သား ၅ ဦးမှာ နံနက်ပိုင်းတိုက်ပွဲတွင် ကျဆုံးပြီး ကျန် ၁၂ ဦးမှာ နေ့လည်ပိုင်းတိုက်ပွဲတွင် ကျဆုံးသွားသည်ဟု လိုင်ဇာ KIO ဌာနချုပ်မှ အတည်ပြုပြောဆိုသည်။

ဆင်ဘိုအခြေစိုက် ခလရ ၁၄၁ နှင့် ဆင်ဘိုဒေသမှ KIA တပ်ရင်း ၅ တို့ တိုက်ပွဲဖြစ်ပွားခြင်းဖြစ်သည်ဟု KIA အရာရှိများပြောသည်။

၎င်းမြန်မာတပ်သည် KIA တပ်ရင်း ၅ အနီးသို့တပ်ချလာသည့်တပ်ရင်းဖြစ်ပြီး ပြီးခဲ့သည့်မေလ ၂၅ ရက် KIA တပ်ရင်းအနီးမှ တမိုင် နောက်ဆုတ်ပေးသည့်တပ်ဖြစ်သည်။

ဇွန် ၈ ရက်၊ မန်မော် (ဗန်းမော်)ခရိုင် အင်မောက် (မိုးမောက်)မြို့နယ် တာပိန်မြစ်အနီး ဆန်ဂန်ဒေသတွင် KIA တပ်ရင်း ၁၅ နှင့် တိုက်ပွဲဖြစ်ရာမှ တဟုန်ထိုး ပြည်တွင်းစစ်သို့ပြောင်းလဲလာသည်။

စစ်ပြေးဒုက္ခသည် ၁၀၀၀၀ ကျော် တရုတ်နယ်စပ်သို့ရောက်ရှိလာသည်။ အထူးသဖြင့် နယ်စပ်မြို့များဖြစ်သော လိုင်ဇာ၊ မိုင်ဂျာယန်၊ လွယ်ဂျေ၊ အူရာဘွမ်၊ မန်ဝိန်းကြီးဒေသများသို့ဖြစ်သည်ဟု KIO အရပ်ဖက်အုပ်ချုပ်ရေးဌာန က ပြောသည်။

ဒုက္ခသည်အများစု မြန်မာအစိုးရအုပ်ချုပ်ရာဒေသများမှဖြစ်ကာ မြန်မာစစ်တပ်ကို ပေါ်တာဆွဲမည်ကို ကြောက်ရွံ့သဖြင့် နယ်စပ်သို့ထွက်ပြေးလာခြင်းဖြစ်သည်ဟု လိုင်ဇာဒုက္ခသည်များပြောသည်။

KIO လိုင်ဇာဌာနချုပ်တွင် ဒုက္ခသည်စခန်း ၆ ခုထားရှိပြီး အစားအစာအသုံးအဆောင်များကို KIO ကထောက်ပံပေးနေသည်။

ယခု သောကြာနေ့အထိ ရှမ်းပြည်မြောက်ပိုင်းနှင့် ကချင်ပြည်နယ်တ၀န်း မြန်မာ-KIA ကြား ၉ ရက်မြောက်တိုက်ပွဲများ ဖြစ်ပွားနေသည်။

KIAနှင့် ဆင်ဘိုစစ်ပွဲ၌ မြန်မာစစ်သား ၁၇ ဦးကျ

ဇွန် ၁၇၊ ၂၀၁၁

KNG

မြန်မာပြည်မြောက်ပိုင်း၊ ကချင်ပြည်နယ်အလယ်ပိုင်း၊ မိုးညှင်းခရိုင်၊ ဆင်ဘိုမြို့နယ်ခွဲတွင် ယနေ့သောကြာနေ့တိုက်ပွဲတွင် မြန်မာစစ်သား ၁၇ ဦးကျဆုံးသွားသည်ဟု ဆင်ဘိုဒေသခံများပြောသည်။

မြန်မာစစ်သား ၅ ဦးမှာ နံနက်ပိုင်းတိုက်ပွဲတွင် ကျဆုံးပြီး ကျန် ၁၂ ဦးမှာ နေ့လည်ပိုင်းတိုက်ပွဲတွင် ကျဆုံးသွားသည်ဟု လိုင်ဇာ KIO ဌာနချုပ်မှ အတည်ပြုပြောဆိုသည်။

ဆင်ဘိုအခြေစိုက် ခလရ ၁၄၁ နှင့် ဆင်ဘိုဒေသမှ KIA တပ်ရင်း ၅ တို့ တိုက်ပွဲဖြစ်ပွားခြင်းဖြစ်သည်ဟု KIA အရာရှိများပြောသည်။

၎င်းမြန်မာတပ်သည် KIA တပ်ရင်း ၅ အနီးသို့တပ်ချလာသည့်တပ်ရင်းဖြစ်ပြီး ပြီးခဲ့သည့်မေလ ၂၅ ရက် KIA တပ်ရင်းအနီးမှ တမိုင် နောက်ဆုတ်ပေးသည့်တပ်ဖြစ်သည်။

ဇွန် ၈ ရက်၊ မန်မော် (ဗန်းမော်)ခရိုင် အင်မောက် (မိုးမောက်)မြို့နယ် တာပိန်မြစ်အနီး ဆန်ဂန်ဒေသတွင် KIA တပ်ရင်း ၁၅ နှင့် တိုက်ပွဲဖြစ်ရာမှ တဟုန်ထိုး ပြည်တွင်းစစ်သို့ပြောင်းလဲလာသည်။

စစ်ပြေးဒုက္ခသည် ၁၀၀၀၀ ကျော် တရုတ်နယ်စပ်သို့ရောက်ရှိလာသည်။ အထူးသဖြင့် နယ်စပ်မြို့များဖြစ်သော လိုင်ဇာ၊ မိုင်ဂျာယန်၊ လွယ်ဂျေ၊ အူရာဘွမ်၊ မန်ဝိန်းကြီးဒေသများသို့ဖြစ်သည်ဟု KIO အရပ်ဖက်အုပ်ချုပ်ရေးဌာန က ပြောသည်။

ဒုက္ခသည်အများစု မြန်မာအစိုးရအုပ်ချုပ်ရာဒေသများမှဖြစ်ကာ မြန်မာစစ်တပ်ကို ပေါ်တာဆွဲမည်ကို ကြောက်ရွံ့သဖြင့် နယ်စပ်သို့ထွက်ပြေးလာခြင်းဖြစ်သည်ဟု လိုင်ဇာဒုက္ခသည်များပြောသည်။

KIO လိုင်ဇာဌာနချုပ်တွင် ဒုက္ခသည်စခန်း ၆ ခုထားရှိပြီး အစားအစာအသုံးအဆောင်များကို KIO ကထောက်ပံပေးနေသည်။

ယခု သောကြာနေ့အထိ ရှမ်းပြည်မြောက်ပိုင်းနှင့် ကချင်ပြည်နယ်တ၀န်း မြန်မာ-KIA ကြား ၉ ရက်မြောက်တိုက်ပွဲများ ဖြစ်ပွားနေသည်။

Last Updated ( Saturday, 18 June 2011 11:05 )