အစိုးရသစ်ကို ယုံကြည်မှုမရှိကြာင်း KNU ကြေညာချက်ထုတ်ပြန်

ဧပြီလ ၄ရက်။ စောခါးစူးညား (ကေအိုင်စီ)

၂၀၀၈ ဖွဲ့စည်းပုံအခြေခံဥပဒေကို အခြေခံပြီး တိုင်းရင်းသားလူမျိုးစုများအတွက် အာမခံချက်မရှိသော ၂၀၁၀ ရွေးကောက်ပွဲ ကျင်းပပြီးသည့်နောက် ယခုတက်လာသည့် စစ်ယူနီဖောင်းချွတ် အစိုးရသစ်ကို ယုံကြည်လက်ခံမှုမရှိကြောင်း ကရင်အမျိုးသား အစည်းအရုံး(KNU)က ယနေ့ကြေညာချက်တစ်စောင် ထုတ်ပြန်လိုက်သည်။

အစိုးရသစ်သည် နအဖ ထိပ်ပိုင်းစစ်ခေါင်းဆောင်များ၏ ချုပ်ကိုင်မှုအောက်တွင် ဆက်လက်ရှိနေသေးသည့်အတွက် မြန်မာတ နိုင်ငံလုံး စစ်မှန်သည့် ဒီမိုကရေစီ အသွင်ကူးပြောင်းရေး၊ မဖြစ်မနေ လိုအပ်နေသည့် တိုင်းရင်းသား ပြန်လည်သင့်မြတ်ရေးနှင့် တည်ငြိမ်အေးချမ်းမှုတို့ကို တာဝန်ယူနိုင်မည်မဟုတ်ဟု ၎င်းကြေညာချက်တွင် ဖော်ပြထားသည်။

KNU တွဲဖက်အထွေထွေအတွင်းရေးမှူး(၁) ဗိုလ်မှူးစောလှငွေက “ဒီအစိုးရသစ် တက်လာတာ နိုင်ငံတကာက တချို့တိုင်းပြည် က မြန်မာနိုင်ငံ ပြောင်းလဲရေးအတွက် ခြေလှမ်းတရပ်လို့ မြင်ကြပေမဲ့ လက်ရှိ ဖြစ်ပျက်နေတဲ့ အခြေအနေကိုနှိုင်းကြည့်ရင် လက်မခံပါဘူး။ နိုင်ငံရေးအကျဉ်းသားတွေအားလုံး လွှတ်ပေးပြီး တိုင်းရင်းသား ဒေသတွေမှာ ထိုးစစ်ဆင်မှုရပ်၊ နောက် တတိုင်းပြည်လုံးအတိုင်းအတာနဲ့ ပစ်ခတ်ရပ်စဲရေးလုပ်ပြီး တိုင်းရင်းသားတရပ်လုံးနဲ့ တွေ့ဆုံဆွေးနွေးပွဲလုပ်မှသာ နိုင်ငံရေးပြ ဿနာက ဖြေလည်နိုင်မယ်ဆိုတဲ့ရည်ရွယ်ချက်နဲ့ ဒီကြေညာချက်ကို ထုတ်တာပါ။”ဟု ပြောသည်။

ယခု တက်လာသည့် အစိုးရသစ်သည် ယခင်အစိုးရအတိုင်း မူမပြောင်းလျှင် တိုင်းပြည်မှာ ချွတ်ခြုံကျလာပြီး မကျေနပ်မှုများ ကြောင့် တပ်မတော်အတွင်း၌ပင် အောက်ခြေထုတပ်သားများ၏ ဆန့်ကျင်မှုများ ပေါ်လာနိုင်သလို တပ်မတော်အတွင်း ဒီမိုက ရေစီ လိုလားသူများနှင့် အာဏာရှိသူများအကြား အကွဲအပြဲဖြစ်ကာ တိုင်းပြည် မငြိမ်မသက် ဖြစ်လာနိုင်ကြောင်း ဗိုလ်မှူးစော လှငွေက ဆက်လက် သုံးသပ်ပြောဆိုသည်။

မြန်မာစစ်တပ်သည် ရွေးကောက်ပွဲအပြီး အပြစ်မဲ့အရပ်သားများကို မတရား ဖမ်းဆီးထိန်းသိမ်းမှု၊ ညှင်းပမ်းနှိပ်စက် သတ်ဖြတ်မှု၊ အတင်းအဓမ္မ ခိုင်းစေမှုနှင့် အကာအကွယ်အဖြစ် အရပ်သားများကို ရှေ့တန်း၌ အသုံးပြုသည့်အပြင် တိုင်းရင်းသားလူမျိုးစု အရပ်သားပြည်သူများက လေးလံသည့် တပ်ရိက္ခာနှင့် ခဲယမ်းမီးကျောက်များကို နေ့စဉ်နှင့်အမျှ သယ်ပေးနေရကာ ကုန်တင် ကား၊ မော်တော်ဆိုင်ကယ်နှင့် နွားလှည်းများမကျန် လုပ်အားပေးခိုင်းရသည်ဟု ကြေညာချက်တွင် ထောက်ပြရေးသားထား သည်။

စစ်အစိုးရသည် လက်ရှိ မြန်မာနိုင်ငံအတွင်း အရပ်သားပြည်သူများ၏ လုံခြုံရေးနှင့် အသက်ရှင်ရပ်တည်ရေးအတွက် ပထမခြေ လှမ်းအနေဖြင့် တိုင်းရင်းသားဒေသအတွင်းရှိ ထိုးစစ်ဆင်မှုကို ရုပ်သိမ်း၍ ပစ်ခတ်ရပ်စဲရေး ပြုလုပ်ပြီး နိုင်ငံရေးပြဿနာကို နိုင်ငံရေးနည်းဖြင့် ဖြေရှင်းကာ တွေ့ဆုံဆွေးနွေးပွဲ စတင်ရန် ကေအဲန်ယူက တောင်းဆိုထားသည်။

၎င်းအပြင် စစ်အစိုးရတပ်များ၏ အရပ်သားပြည်သူများအား လုပ်အားပေးခိုင်းစေမှု၊ ပစ်မှတ်ထား တိုက်ခိုက်မှုနှင့် အဓမ္မ ပစ္စည်း သိမ်းယူမှု စသည့်လူ့အခွင့်အရေးချိုးဖောက်မှုများကို ရပ်တန့်စေပြီး တွေ့ဆုံဆွေးနွေးပွဲများ အမြန်ဆုံး လုပ်ဆောင်ရန် ကမ္ဘာ့ ကုလသမဂ္ဂ အပါအ၀င် နိုင်ငံတကာအသိုင်းအ၀ိုင်းမှ တိုက်တွန်းရန်လည်း နှိုးဆော်ထားသည်။

ကေအဲန်ယူသည် ၁၉၄၉ခုနှစ်မှစ၍ မြန်မာစစ်အာဏာရှင် အဆက်ဆက်ကို ယခုအချိန်ထိ တော်လှန်တိုက်ခိုက်နေသည့် တိုင်း ရင်းသားလက်နက်ကိုင် အဖွဲ့အစည်းတခုဖြစ်ပြီး ၂၀၁၀ ရွေးကောက်ပွဲအပြီး ယခင်လ မတ်လ ၃၀ရက်နေ့က အစိုးရသစ် သမ္မတ ဦးသိန်းစိန် ကျမ်းသစ္စာကျိန်ဆိုပြီးနောက် ပထမဆုံးအကြိမ် ကြေညာချက်ထုတ်ပြန်သည့် လက်နက်ကိုင်အဖွဲ့ဖြစ်သည်။

KNU တပ်မဟာ(၆)၏ ပစ်ခတ်မှုကြောင့် နအဖ ဗိုလ်ကြီးတဦး ကျဆုံး

ဧပြီလ ၁။ စောသိန်းမြင့် (ကေအိုင်စီ)

မွန်-ကရင်နယ်စပ် ဘုရားသုံးဆူမြို့နယ်တွင် သွားလာလှုပ်ရှားနေသည့် နအဖစစ်တပ်အား ပြီးခဲ့တဲ့ရက်ပိုင်းက KNU တပ်မဟာ (၆)တပ်ဖွဲ့ဝင်များ၏ ပစ်ခတ်မှုကြောင့် နအဖဘက်က ဗိုလ်ကြီး ၁ဦး သေဆုံးပြီး တပ်သား ၃ဦး ထိခိုက် ဒဏ်ရာရရှိခဲ့သည်ဟု ကေအဲန်ယူဘက်က ပြောသည်။

ပြီးခဲ့သည့် မတ်လ ၂၉ရက်နေ့နှင့် ၃၀ရက်နေ့က နအဖစစ်တပ် အနောက်ပိုင်းတိုင်းစစ်ဌာချုပ်-နပခ လက်အောက်ခံ ခမရ (၃၇၃)တပ်ရင်းကို ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း(၁၆)မှ ဘုရားသုံးဆူမြို့နယ်ရှိ မြိုင်သာယာ နှင့် အပလုံကျေးရွာစပ်ကြားတွင်တစ်ကြိမ်၊ ကျောက်ပူနှင့် တာဒေ့ကျေးရွာကြားတွင်တစ်ကြိမ် ချုံခိုတိုက်ခိုက်ခဲ့သည်ဟု KNLA တပ်ရင်း(၁၆)မှ အရာရှိတဦးက ပြောသည်။

၎င်းက “မတ်လ ၂၉ရက်နေ့ မနက်ပစ်ခတ်မှုမှာ နအဖ ခမရ(၃၇၃) စစ်ကြောင်း(၂)က တပ်ခွဲမှူး ဗိုလ်ကြီးဘိုဘိုမောင် ကျသွား တယ်။ ၃၀ရက်နေ့ မနက် ၉နာရီအချိန်မှာလည်း အဲဒီ နအဖတပ်ရင်းကို နောက်တကြိမ် ထပ်ပစ်တယ်။ နအဖဘက်က တပ် သားချည်းပဲ ၃ယောက် ဒဏ်ရာထပ်ရတယ်။”ဟု ပြောသည်။

အဆိုပါတိုက်ပွဲတွင် ကေအဲန်အယ်လ်အေဘက်မှ ထိခိုက်ကျဆုံးမှု မရှိဟု ကေအဲန်ယူဘက်က ပြောဆိုသည်။

၎င်းနအဖတပ်ရင်းသည် ကေအဲန်ယူတပ်ဖွဲ့ဝင်များ၏ ချုံခိုတိုက်ခိုက်ခံရပြီး ထိခိုက်သေဆုံးမှုများရှိခဲ့သော်လည်း ဒေသခံရွာသား များကို အကြပ်ကိုင်၊ အပြစ်ရှာမှုများ တစုံတရာ လုပ်ဆောင်ခြင်းမရှိကြောင်း ဒေသခံတစ်ဦးက ပြောသည်။

ကော့ကရိတ်မြို့ရှိ နအဖတပ်ရင်း အား ကရင်တပ်ဖွဲ့များ ၀င်ရောက် ပစ်ခတ်ရာ ၆ဦး ထိခိုက်သေဆုံး

မတ်လ ၃၀ရက်။ စောသိန်းမြင့် (ကေအိုင်စီ)
 

ကရင်ပြည်နယ်၊ ကော့ရိတ်မြို့နယ်ရှိ နအဖ တပ်ရင်းအား ယမန်နေ့က ကရင်ပူးပေါင်းတပ်ဖွဲ့တို့ ၀င်ရောက်ပစ်ခတ်ခဲ့ရာ အရပ် သားတဦး အပါအ၀င် ၆ဦး ထိခိုက်သေဆုံးခဲ့သည်ဟု ကရင်တပ်ဖွဲ့ဘက်က ပြောသည်။

ကော့ကရိတ်-မြ၀တီအထွက်ဂိတ် ချက်ပွိုင့်အနီးရှိ နအဖစစ်တပ် အရှေ့တောင်တိုင်းစစ်ဌာန(ရတခ)ချုပ် လက်အောက်ခံ ခလရ(၃၁၀)အား ယမန်နေ့ နေ့လည် ၁၂ခွဲအချိန်တွင် ကရင်အမျိုးသားလွတ်မြောက်ရေးတပ်မတော်(KNLA) တပ်ရင်း(၁၈)နှင့် တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA) တပ်မဟာ(၅) ပူးပေါင်းပြီး လက်နက်ကြီးငယ်များဖြင့် ၀င် ရောက်ပစ်ခတ်ခဲ့ခြင်းဖြစ်ကြောင်း KNLA တပ်မှူးတဦးက အတည်ပြု ပြောဆိုသည်။

၎င်းက “ချက်ပွိုင့်နားမှာရှိတဲ့ ခလရ(၃၁၀)ကို ကျနော်တို့လူတွေ အရင်သွားချောင်းပစ်တယ်။ တဆက်တည်းမှာပဲ ၆၀-မမနဲ့ ထပ်ပစ်တယ်။ နအဖဘက်က ၄ယောက် ပွဲချင်းပြီး သေတယ်။ ၁ယောက် ဒဏ်ရာရသွားတယ်။ ဒါပေမဲ့ ချက်ပွိုင့်ဘေးနားမှာ ကွမ်းယာရောင်းတဲ့ ဈေးသည်တယောက် မှန်သွားတယ်။ လက်နက်ကြီးလက်နက်ငယ်တွေနဲ့ နာရီဝက်နီးပါးလောက် အပြန်အ လှန် ပစ်ခတ်ကြပေမယ့် ကျနော်တို့ဘက်ကတော့ ထိတာမရှိဘူး။”ဟု ပြောသည်။

ကော့ကရိတ်-မြ၀တီလမ်းကြောင်းတွင် သွားလာနေသည့် ကုန်သည်တဦးကလည်း “ဟုတ်တယ် မနေ့က တောထဲက လူတွေ ချက်ပွိုင့်နားမှာ လာပစ်သွားတယ်။ ရဲစခန်းနားမှာရှိတဲ့ ဗေဒင်ဆရာတယောက် မှန်သွားတယ်လို့ ပြောကြပေမဲ့ အတိအကျ တော့ မသိဘူး။”ဟု ပြောသည်။

ဗိုလ်မှူးချုပ်စောလားပွယ် ဦးဆောင်၏ ဒီကေဘီအေ တပ်မဟာ(၅)တပ်ဖွဲ့သည် စစ်အစိုးရ၏ ၂၀၁၀ ရွေးကောက်ပွဲကို ဆန့် ကျင်လာခဲ့ပြီး ကော့ကရိတ်မြို့ရှိ နအဖတပ်များကို ယနေ့အချိန်ထိ မကြာခဏ ၀င်ရောက်ပစ်ခတ်လျှက်ရှိသည်။

၎င်းအပြင် အဆိုပါ ဒီကေဘီအေတပ်ဖွဲ့သည် ပြီးခဲ့သည့် ဖေဖော်ဝါရီလ ၂၄ရက်နေ့က ကော့ကရိတ်-မြ၀တီ တောင်ပေါ်ကား လမ်းတစ်လျှောက် သွားလာနေသည့် ကုန်တင်ကားများ၊ ခရီးသည်တင်ကားများကို ကားအကြီးအငယ်အလိုက် ဒီကေဘီအေ ထံ တနှစ်စာအခွန်ပေးဆောင်ရန် စာထုတ်ပြန်ထားခဲ့သလို ၎င်းတို့နယ်မြေများကို နအဖစစ်တပ်က သိမ်းပိုက်ထားခဲ့သည့်အ တွက် မြ၀တီမြို့ရှိ စစ်အစိုးရ၏ ဌာနဆိုင်ရာရုံးများကို ၀င်ရောက်မီးရှို့ဖျက်ဆီးမည်ဖြစ်ကြောင်းလည်း ပြီးခဲ့သည့် ရက်သတ္တပတ် က မြို့နယ်အာဏာပိုင်များထံ စာပေးပို့ခဲ့ပြီးဖြစ်သည်ဟု ဒီကေဘီအေဘက်က ပြောသည်။

KIO အုပ်ချုပ်ရေးပိုင်း အရာရှိ ၃ ဦး မြန်မာတပ်၏ဖမ်းဆီးခံနေရ

  KNG

မတ်လအတွင်း ကချင်လွတ်မြောက်ရေးအဖွဲ့ (KIO) အရပ်ဖက်အုပ်ချုပ်ရေးပိုင်းမှ အရာရှိ ၃ ဦးကို မြန်မာစစ်အစိုးရတပ်က ဖမ်းဆီးထားကြောင်း KIO က ပြောသည်။

၎င်းတို့သည် KIO အောက် “DGA (Department of General Administration)” ခေါ် အရပ်ဖက်အုပ်ချုပ်ရေးဌာန မှ ဒုတိယ တိုက်နယ်မှူးအဆင့် ရှိသူများဖြစ်သည်ဟု KIO အရာရှိများပြောသည်။

ကချင်ပြည်နယ် အရှေ့ဘက်ခြမ်း ရှေ့တန်းနယ်မြေတွင် ရောက်ရှိသော KIA တပ်သားများ။

ကချင်ပြည်နယ်အနောက်ဘက် ဖားကန့်မြို့နယ်၊ ဆိုင်းတောင်မြို့ (KIO ၏ ဆိုင်းဇွပ်တိုက်နယ်) မှ ဒုတိယ အုပ်ချုပ်ရေးမှူး တပ်ကြပ် မရော်ဘရန်မိုင်နှင့် ဆလန်ကဘာ လဆိုင်းတို့ကို မတ်လ ၂၄ ရက်၊ ဒေသစံတော်ချိန် မွန်းလွဲ ၁ နာရီခွဲတွင် မြန်မာစစ်တပ် ခလရ (၇၄)က ဖမ်းဆီးခဲ့သည်။

ဆိုင်းတောင်မြို့ရှိ “ရွှေခြင်္သေ့ ဆီဆိုင်” သို့ အခွန်ကောက်ရန်ရောက်ရှိလာသည့် ယင်း KIO တိုက်နယ်အရာရှိနှစ်ဦးကို မြန်မာစစ်သား ၁၀ ယောက်ကျော်က ၀န်းရံဖမ်းဆီးခဲ့ခြင်းဖြစ်သည်ဟု ဆိုသည်။

မြန်မာစစ်တပ် ခလရ (၇၄)သည် မိုးကောင်း နယ်မြေခံတပ်ရင်းဖြစ်ပြီး ယခုချိန် ဖားကန့်စစ်ဗျူဟာကွပ်ကဲမှုအောက် ဆိုင်းတောင်တွင် တာဝန်ကျနေကြောင်း ဒေသခံများပြောသည်။

ဆိုင်းတောင် KIO တိုက်နယ်အရာရှိ နှစ်ဦးကို “လုံခြုံရေး” အကြောင်းပြချက်ဖြင့် စစ်ဗျူဟာ အခြေစိုက်စခန်းတွင် ဖမ်းဆီးထားရာမှ မတ်လ ၂၆ ရက်နေ့တွင် ဖားကန့်ရဲစခန်း အချုပ်ခန်းသို့ ပြောင်းရွှေ့ခဲ့သည်ဟု ဖါးကန့်ကျောက်စိမ်းမှော်ဒေသဆိုင်ရာ ကချင်လွတ်မြောက်ရေးတပ်ဖွဲ့ (KIA) တပ်ရင်း ၆ မှ အရာရှိများကဆိုသည်။

ရဲစခန်းသို့မပို့ခင် ၎င်းတို့ နှစ်ဦးအား စစ်ဗျူဟာစခန်းတွင် ပြင်းပြင်းထန်ထန် ရိုက်နှက်ညှင်းပန်းခြင်းများ ပြုလုပ်ခဲ့သည်ဟု KIA တပ်ရင်း ၆ က ဆိုသည်။

ယမန်နှစ် အောက်တိုဘာလတွင် မြန်မာစစ်တပ်က KIO ကို “သောင်းကျန်းသူ” ဟု ပြန်လည်ခေါ်ဆိုပြီးနောက် KIO က ကချင်ပြည်နယ်အတွင်း အခွန်ကောက်ခံခြင်း ပြန်လုပ်လာသည်။

အစောပိုင်းက ဒု-တိုက်နယ်မှူးအဆင့်ရှိ ယော်ဘောမ်ကို မြစ်ကြီးနားတပ် ခလရ (၃၇) က မတ်လ ၁၀ ရက်တွင် နန်းကွေ့ချောင်းအနီး ဖမ်းဆီးလိုက်သည်။

သူ့ကို ဖမ်းဆီးရခြင်းအကြောင်းပြချက်နှင့် ချုပ်နှောင်ထားသည့်နေရာကိုမူ မသိရသေးပေ။

တစ်ချိန်ထဲမှာ ကချင်လူငယ်တစ်ဦး မရန်ဘရန်ဆန်အောင် ကိုလည်း “မှတ်ပုံတင် ကိုင်ဆောင်ထားခြင်းမရှိခြင်း အကြောင်းပြချက်ဖြင့်” မြစ်ကြီးနား-တနိုင်းကြား နောင်းလုံဂိတ်တွင် တနိုင်းစစ်တပ် ခမရ ၃၁၈ က မတ်လ ၂၀ တွင် ဖမ်းဆီးပြီး ၎င်းအား မြစ်ကြီးနားအနီး ပင်ဒေါင် စစ်သင်တန်းကျောင်းသို့ ပို့ထားကြောင်း လူငယ်နှင့် နီးစပ်သူများကဆိုသည်။

၂၀၁၀ သြဂုတ်လ ၃၀ ရက် စစ်အစိုးရ၏ နယ်ခြားစောင့်တပ်အသွင်ပြောင်းရေးကို KIO က လက်မခံသည့်နောက်ပိုင်း KIO/KIA အဖွဲ့ဝင်များကို စစ်ဆေးဖမ်းဆီးခြင်းများ မြန်မာစစ်အစိုးရ ပိုပြုလုပ်လာသည်။

KIO သည် မြန်မာနိုင်ငံ တိုင်းရင်းသားတော်လှန်ရေးအဖွဲ့များတွင် ဒုတိယ အင်အားအကြီးဆုံးဖြစ်ပြီး ပြီးခဲ့သည့်လတွင် ဖွဲ့စည်းခဲ့သော “ညီညွှတ်သောတိုင်းရင်းသားလူမျိုးများ ဖယ်ဒရယ်ကောင်စီ (UNFC)” ၏ အဓိကကျသည့် အဖွဲ့ဝင်လည်းဖြစ်သည်။

မြန်မာစစ်အစိုးရက KIO အား သောင်းကျန်းသူ ဟု ခေါ်ဆိုခဲ့သော်လည်း စစ်ရေးအရ တိုက်ခိုက်ချေမှုန်းခြင်း မရှိသေးပါ။

ကော့ကရိတ် စုံစမ်းစစ်ဆေးရေးဂိတ် တိုက်ခိုက်ခံရ

နေ့သစ်

 

ဒီကနေ့ နေ့လည် ၂ နာရီခန့်က ကရင်ပြည်နယ် ကော့ကရိတ်မြို့က ခလရ ၉၇ နဲ့ မြို့အဝင် အဖွဲ့ပေါင်းစုံ စစ်ဆေးရေး ဂိတ်လုပ်ထားတဲ့ ချက်ပွိုင့် စတဲ့ နေရာ နှစ်ခုကို ကေအန်ယူနဲ့ ဒီကေဘီအေ ပူးပေါင်းတပ်ဖွဲ့တွေက ဝင်ရောက်တိုက်ခိုက် ခဲ့ပါတယ်။

တိုက်ပွဲဖြစ်ပွားခဲ့တဲ့ အခြေအနေနဲ့ ပတ်သက်ပြီး ကော့ကရိတ်မြို့ခံတဦးကို ဆက်သွယ်မေးမြန်းကြည့်ရာ …

“တိုက်ပွဲဖြစ်တယ် နေ့ခင်း၂ နာရီလောက်ကပဲ၊ ၉၇ ထဲကို လက်နက်ကြီး ၂ လုံးကျသံကြားတယ်။ ချက်ပွိုင့်ကိုလည်း ပစ်တယ်။ ဆေးရုံဘက်တော့ ဒဏ်ရာရ ရဲဘော် ၂ ဦး သယ်သွားတာတွေ့တယ်။ ပစ်သံခတ်သံတွေကြားတော့ ဆိုင်တွေ လည်း ပိတ်ကုန်တယ်၊ ရာသီဥတုကလည်း မကောင်းတော့ အိမ်မှာပဲ ပုန်းနေရတယ်” လို့ ပြောပြသွားပါတယ်။

အခြေအနေအသေးစိတ်ကိုတော့ ဆက်လက်စုံးစမ်းနေဆဲ ဖြစ်ပါတယ်။

 

နအဖ ပူးပေါင်းတပ် ထပ်မံ ထိခိုက်ကျဆုံး

မတ်လ ၂၈ရက်။ (ကေအိုင်စီ)

ကရင်ပြည်နယ်၊ ပိုင်ကျုံမြို့နယ်တွင် လှုပ်ရှားနေသည့် နအဖ၊ နယ်ခြားစောင့် BGF ပူးပေါင်းတပ်များနှင့် KNU တပ်မဟာ(၇) လက်အောက်ခံတပ် တို့ကြား ပြီးခဲ့သည့်ရက်ပိုင်းက ပစ်ခတ်မှုများ ဖြစ်ပွားခဲ့ရာ နအဖနှင့် BGF ပူးပေါင်းတပ်မှ ထပ်မံ ထိခိုက်သေဆုံးသည်ဟု ကေအဲန်ယူ တပ်မဟာ(၇) က ပြောသည်။

မတ်လ ၂၆ရက်နေ့ ညနေ ၅နာရီခွဲတွင် ပိုင်ကျုံမြို့နယ်ရှိ မဲ့လာအားခီးနှင့် စေဖိုးခီးအကြားတွင် နအဖ ခမရ(၃၅၇)တပ်ရင်း၊ BGF တပ်ရင်း(၁၀၁၆) ပူးပေါင်းတပ်ဖွဲ့နှင့် ကေအဲန်အယ်လ်အေ တပ်ရင်း(၂၂)တို့ကြား ပစ်ခတ်မှုတကြိမ် ထပ်မံဖြစ်ပွားခဲ့ရာ နအဖမှ ၅ဦးကျဆုံးပြီး ၂ဦး ထိခိုက်သလို BGF ၁ဦး ထိခိုက်ဒဏ်ရာရရှိခဲ့သည်ဟုလည်း ကေအဲန်အယ်လ်အေဘက်က ပြောသည်။

ပြီးခဲ့သည့် မတ်လ ၂၅ရက်နေ့က နအဖ စကခ(၁၂) လက်အောက်ခံ ခမရ(၅၄၆) တပ်ရင်း၊ ခမရ(၃၅၇)တပ်ရင်းနှင့် BGF တပ်ရင်း (၁၀၁၆) ပူး ပေါင်းတပ်ဖွဲ့ဝင်များကို ကေအဲန်ယူ တပ်မဟာ(၇) လက်အောက်ခံ တပ်ရင်းတို့ ချုံခိုတိုက်ခိုက်ခဲ့ရာ ထိခိုက်ဒဏ်ရာရခဲ့သည့် တပ်ရင်းမှူး အပါအ ၀င် အခြားတပ်ဖွဲ့ဝင်များကို နောက်တန်းပြန်အပို့တွင် တိုက်ခိုက်ခံရခြင်းဖြစ်သည်။

ယင်းသို့ တိုက်ခိုက်ရာတွင် နအဖ တပ်ရင်းမှူးကို သယ်ဆောင်သွားသည့်ကားမှာ လွတ်သွားခဲ့ပြီး နောက်ထပ် စစ်ကားတစ်စီးကို ထိခိုက်ခဲ့သဖြင့် ထိုကားမှာ မဲ့လာအားဂွင်၌ ပျက်စီးသွားကြောင်း မြင်တွေ့ခဲ့သူများက ပြောသည်။

၂၅ရက်နှင့် ၂၆ရက်နေ့ ကေအဲန်အယ်လ်အေ တပ်မဟာ(၇)၏ ပြောက်ကျားတိုက်ခိုက်မှုတွင် နအဖနှင့် နယ်ခြားစောင့်တပ်များ ထိခိုက်ကျဆုံးမှု ရှိခဲ့ သော်လည်း ကေအဲန်အယ်လ်အေဘက်မှ အထိအခိုက် အကျအဆုံးမရှိကြောင်း ကေအဲန်ယူဘက်က ထုတ်ဖော်ပြောဆိုသည်။

ကေအဲန်ယူ တပ်မဟာ(၇)နယ်မြေ၊ ပိုင်ကျုံမြို့နယ်တွင် အခြေစိုက်သည့် နအဖတပ်ရင်းများသည် တပ်မ(၂၂)၊ စကခ(၁၂)၏ လက်အောက်ခံ တပ် များဖြစ်ပြီး ဗိုလ်မှူးစောမြတ်ခိုင် ဦးဆောင်သည့် BGF တပ်ရင်း(၁၀၁၆)နှင့် KNU တပ်မဟာ(၇)တပ်ရင်းများ လှုပ်ရှားလျှက်ရှိသည်။

ဒီလို အာဏာရှင်အစိုးရကို ပြည်သူတွေရွံရှာမုန်းတီးနေတာ အပြစ်လား။

ဒီလို အာဏာရှင်အစိုးရကို ပြည်သူတွေရွံရှာမုန်းတီးနေတာ အပြစ်လား

ဟိုတုန်းက တပေါင်းနွေ

                ဟိုတုန်းကတပေါင်းနွေ

           ဟိုတုန်းက နေရောင်ခြစ်ခြစ်တောက်ပူတဲ့
တပေါင်းနွေရဲ့ တစ်နေ့မှာ
ဒို့တိုင်းရင်းသားတွေအာလုံး
ဖိနှိုပ်ရက်စက်မှုတွေကိုလွတ်မြောက်ဘို့
စည်းလုံးညီညာတဲ့စိတ်ဓါတ်တွေနဲ့
ဖက်ဆစ်တွေကိုတွန်းလှန်ခဲ့တယ်။
         ဟိုတုန်းက ဒို့တစ်တွေဒီထက်ပြင်းထန်တဲ့
လူမျိုးရေးပဋိပက္ခတွေရှိခဲ့ပေမဲ့
မြင့်မြတ်တဲ့ခေါင်းဆောင်တွေဖြစ်တဲ့
အောင်ဆန်းနဲ့ ဘဦးကြီးတို့ကြောင့်
ကရင်တွေ ဗမာတွေစည်းလုံးနိုင်ခဲ့
ပြည်ထောင်စုစိတ်ဓါတ်ကိုစုစည်းနိုင်ခဲ့
ဘုံရန်ဖက်ဆစ်ကိုတွန်းလှန်နိုင်ခဲ့တယ်။
           ဟိုတုန်းက ဖိနှိုပ်သူတွေဟာ
တိုင်းတစ်ပါးကလုမျိုးခြား
နယ်ချဲ့နဲ့ဖက်ဆစ်တွေသာဖြစ်ခဲ့ပေမဲ့
အခုဖိနှိုပ်သူနယ်ချဲ့ဖက်ဆစ်တွေဟာ
တစ်မြေတည်းနေတစ်ရေတည်းသောက်တဲ့
တစ်နိုင်ငံသားတွေသာဖြစ်နေ။
          ဟိုတုန်းက ဖက်ဆစ်တော်လှန်ရေးစတင်ခဲ့တဲ့
တိုင်းရင်းသားပေါင်းစုံတော်လှန်ရေးနေ့ကို
အခုတော့ မဟာလူမျိုးကြီးတွေ
စုဖွဲ့ပေါင်းစည်းနေထိုင်ကြတဲ့
အကျိုးတူ လူ့အတ္တအာဏာရှင်တွေအတွက်
ကြွှားစရာနေ့တွေဖြစ်ခဲ့ရတယ်။
           ဟိုတုန်းကဖက်ဆစ်တွေထွက်ပြေးခဲ့ရတဲ့
ကရင့် ပင့်ကူပျောက်ကျားဂိုဏ်းရဲ့ပျဉ်းမနားစစ်ဆင်ရေးမှာ
ကရင်တွေအသက်သွေးမြောက်များစွာစတေးခဲ့ရပေမဲ့
ခုတော့ ကရင်တွေတောင်နေခွင့်မရှိတဲ့
မဟာရှင်တို့ရဲ့နေပြည်တော်ဖြစ်ခဲ့ရတယ်။
            ဟိုတုန်းကဖက်ဆစ်တွေကျဆုံးလို့
ရန်ကုန်မှာလွတ်မြောက်မှုအလံတင်ပြီး
အောင်ပွဲဆင်နွဲနေချိန်မှာ
ငါတို့ ကရင်ပြည်တစ်လွှားမှာတော့
ငါတို့လူမျိုးလွတ်လပ်မှုကိုရဘို့အတွက်
ဖက်ဆစ်တပ်ဆုတ်လက်ကျန်တွေနဲ့
တိုက်ပွဲတွေဆင်နွဲအသက်သွေးတွေစတေးနေရဆဲပါ
        ဟိုတုန်းကမပြောင်းလဲသေးတဲ့နိယာမ တပေါင်းနွေ
ဟိုတုန်းက ခုထက်ထိမပြောင်းလဲတဲ့ဒို့တိုင်းရင်းသားတွေရဲ့အခွင့်အရေး
အခုတော့မဟာရှင်တို့သက်ဆိုးရှည်ဘို့စီမံကိန်းမျိုးစုံနဲ့
နေပြည်တော်အရပ်မှာအာဏာခွဲဝေစံစားနေချိန်မှာ
ငါတို့တိုင်းရင်းသားနယ်မြေများမှာတော့
ယမ်းငွေ့တဝေတဝေနဲ့လူ့အခွင့်အရေးတွေချိုးဖေါက်ခံနေရဆဲ
ဒုတိယဖက်ဆစ်တွေကိုတွန်းလှန်နေကြရဆဲပါ
ဟိုတုန်းကတပေါင်းနွေ ခုခါကာလတပေါင်းနွေ
ဖက်ဆစ်အာဏာရှင်လူမျိုးအမည်တွေသာပြောင်းလဲသွား
ဂျပန်နေရာမှာ ဒင်းတို့တွေသာအစားထိုးနေပါကလား=


                                                               စအိုင်ခန့်(မတ်၂၇)၂၀၁၁

ဖက်ဆစ်တော်လှန်ရေးအတွင်းကျဆုံးခဲ့သောမြန်မာနိုင်ငံတော်လှန်ရေးရဲဘော်

အပေါင်းအားဂုဏ်ပြုဦးညွတ်အပ်ပါသည်။
မပြီးဆုံးသေးသောဒုတိယဖက်ဆစ်တော်လှန်ရေးအားဆက်လျှက်ဆင်နွဲကြ။

Earthquake in Shan State

စကခ (၅) လက်အောက်ခံ တပ်ဖွဲ့ ချောဆွဲ

http://www.naytthit.net

Burma Army soldiers (In background) with villagers forced to porter. May 25, 2006 , http://www.freeburmarangers.org

စကခ (၅) လက်အောက်ခံ တပ်ရင်း ၃၇၁ ဟာ မဲနတာခီး ရေတံလျှောက်ဂိတ်မှ လာသမျှ ခရီးသည် ဈေးသည်နဲ့ ယာဉ်တွေ ကို အတင်းအဓမ္မလိုက်လံ ချောဆွဲနေတယ်လို့ ဒီကနေ့ သိရှိရပါတယ်။

နအဖ ဗိုလ်မှူး သန်းနိုင်လွင် ဦးစီးတဲ့ တပ်ရင်း ၃၇၁ တပ်ဖွဲ့ဟာ မဲနတာခီး ရေတလျောက်ဂိတ်ကနေ ထိတပေါင်စခန်းကို တပ်ရိက္ခာတွေ ပို့ပေးဖို့အတွက် ခရီးသည် ဈေးသည်နဲ့ ထော်လာဂျီယာဉ်တွေကို အတင်းလိုက်လံ ချောဆွဲနေပါတယ်။ ရေတံလျှောက်ဂိတ်ဟာ မြဝတီမြို့တောင်ဘက် ထိုင်းနယ်စပ်နဲ့ တမိုင်ခရီးလောက်ရှိပါတယ်။

ရေတံလျှောက်ဂိတ်ကနေ ထိုင်းဘက်ကို ရောက်လာတဲ့ ဈေးသည်တဦးက သူတွေ့ကြုံရတဲ့ အခြေအနေကို ပြောပြတာက

“လာသမျှ အကုန် ချောဆွဲနေတာပဲ လူလည်းဆွဲတယ် ကားတွေ ထော်လာဂျီတွေလည်းဆွဲတယ်။ သူတို့ ရိက္ခကို ပို့ဖို့လုပ် နေတာလေ။ ထိတပေါင်စခန်းကိုပို့မှာ၊ မိုးကလည်း ရွာတယ် လမ်းတွေလည်းမကောင်းဘူး။ အရင်နှစ်တွေက ဒီလို့ ရိက္ခာ ပို့တဲ့ကိစ္စ ခုလို ဖမ်းတယ်ဆီးတယ် ချောဆွဲတယ် မကြုံဖူးဘူး၊ အခုဟာက ဒီကေဘီအေနဲ့ ပြန်ပြီး ပစ်ကြခတ်ကြဖြစ် ကုန် တော့ သူတို့လည်း ရိက္ခာသယ်ပို့ရတာ ခက်ကုန်ပြီ ဖြစ်မယ်” လို့ ပြောပြသွားပါတယ်။

အမှတ် (၁၉) နယ်ခြားစောင့်တပ်ရင်း သရက်ဖြူစခန်း တိုက်ခိုက်သိမ်းပိုက်ခံရ

ကရင်ပြည်နယ် မြဝတီအနီးက မယ်ပလဲ၊ ဝှေ့ရှမ်း၊ ထိပေါပလော ကြားမှာရှိတဲ့ သရက်ဖြူစခန်းမှာ အခြေပြုတဲ့ နယ်ခြား စောင့်တပ် တပ်ရင်း ၁၉ ကို ကေအန်ယူနဲ့ ဒီကေဘီအေ ပူးပေါင်းတပ်ဖွဲ့တွေက မတ်လ ၂၂ ရက်နေ့က ဝင်ရောက်တိုက် ခိုက် သိမ်းပိုက်လိုက်ပါတယ်။

တိုက်ပွဲအခြေအနေနဲ့ ပတ်သက်လို့ ဒီကေဘီအေ မှ ပြောရေးဆိုခွင့်ရှိသူ ဗိုလ်မှူး ဆန်အောင် ပြောပြတာက ..

“ဒီ သရက်ဖြူစခန်းမှာ တာဝန်ယူတာက BGF တပ်ရင်း ၁၉ ပါ ဗိုလ်မှူး ဒီးဒီး က ဦးဆောင်တယ်။ ၂၂ ရက်နေ့ နေ့ခင်း ၁၁ လောက်မှာ ကျနော်တို့ဘက်က စခန်းကို သိမ်းပြီး မီးရှို့ပစ်ခဲ့တယ်။ စစ်အာဏာရှင်လက်အောက်မှာ နယ်ခြားစောင့် အဖြစ်နဲ့ ကျန်ခဲ့တဲ့ ညီအစ်ကိုတွေကို ကျနော်တခုပြောချင်တယ်၊ ကျနော်တို့ တော်လှန်းရေးညီအကိုတွေအချင်းချင်း အ မြန်ပူးပေါင်းဖို့လိုပြီ စစ်အာဏာရှင်က နယ်ခြားစောင့်တပ်တွေကို ရှေ့မှာထားပြီး ထိုးကျွေးထားတာဖြစ်တယ်။ ဒီအတိုင်း ဆက်သွားမယ်ဆိုရင်တော့ လုံးပါးပါးပြီး ပျောက်သွားလိမ့်မယ်။ ကျနော်တို့လည်း ညီအကိုအချင်းချင်းမတိုက်ချင်ပါဘူး၊ ခုလောလောဆယ် သူတို့တွေဟာ စစ်အာဏာရှင်ရဲ့ ဒေါက်တိုင်၊ စစ်အာဏာရှင်က အသုံးချခံဖြစ်နေတဲ့ အတွက် မဖြစ်မ နေတိုက်နေရတာဖြစ်တယ်” လို့ ပြောပြသွားပါတယ်။

ကော့ကရိတ်မြို့နယ်ထဲက ထိပိုးစံရွားအနီးမှာလည်း ကေအန်ယူ တပ်ရင်း ၁၀၁ နဲ့ ဒီကေဘီကေ တပ်ရင်း ၉၀၅ တို့ ပူး ပေါင်း တပ်ဖွဲတွေက နအဖ ခလရ (၉၇) ကို မတ်လ ၂၃ ရက်နေ့က တိုက်ခိုက်ခဲ့ပါတယ်။ တိုက်ပွဲအခြေအနေ အသေး စိတ်ကိုတော့ မသိရှိရသေးပါ။

အခုဆိုရင် ကေအန်ယူနဲ့ ဒီကေဘီအေတပ်ဖွဲ့တွေဟာ မြဝတီမြို့နယ် ကော့ကရိတ်မြို့နယ်တွေမှာ လူထု စည်းရုံးရေး လုပ်ငန်းတွေ လူထု အုပ်ချုပ်ရေးလုပ်ငန်းတွေ ပြုလုပ်နေပြီး နအဖ တပ်စခန်းတွေကို ဆက်လက်ထိုးနှက်တိုက်ခိုက်ဖို့ ပြင်ဆင်နေတယ်လို့လဲ ကြားသိရပါတယ်။

http://www.naytthit.net/?p=10991

KIA တပ်မဟာ ၄ နယ်မြေထဲ မြန်မာစစ်တပ် ၀င်ထွက်ခြင်းမပြုရန် သတိပေး

KNG

ရှမ်းပြည်တပ်မတော်မြောက်ပိုင်း (SSA-North)ကို မြန်မာစစ်တပ်က ထိုးစစ် စတင်ပြီးနောက်တစ်ဆက်တည်း ရှမ်းပြည်မြောက်ပိုင်း ကချင်လွတ်မြောက်ရေးတပ်ဖွဲ့ (KIA) ထိန်းချုပ်နယ်မြေထဲတွင် မြန်မာစစ်တပ်လှုပ်ရှားမှု ရပ်ရန် KIA သတိပေးခဲ့သည်။

သတိပေးချက်ကို ကချင်ပြည်နယ် လိုင်ဇာ KIA စစ်ဌာနချုပ်ရုံး(ဒိုင်လောန်ရုံး) ညွှန်ကြားချက်အတိုင်း ပြုလုပ်ခြင်းဖြစ်ပြီး မြန်မာစစ်ကြောင်းများ ယခင်လို တပ်မဟာ ၄ နယ်မြေထဲ ၀င်ထွက်သွားလာခြင်းပြုပါက ခုခံပစ်ခတ်မည်ဖြစ်ကြောင်း KIA အရာရှိများပြောသည်။

“ခုတော့ မြန်မာစစ်တပ်များ ယခင်လို ၀င်ထွက်သွားလာခြင်း မရှိတော့ဘူး။ KIA ရဲ့သတိပေးချက်ကို လျစ်လျူရှူရင်တော့ တိုက်ပွဲဖြစ်လိမ့်မယ်။” ဟု မုံးဂိုးဒေသမှ စစ်ရေးလေ့လာစောင့်ကြည့်သူတစ်ဦး ထိုင်းအခြေစိုက် ကချင်သတင်းဌာနသို့ပြောသည်။

ရှမ်းပြည်မြောက်ပိုင်း ကွတ်ခိုင်အနီး အခြေစိုက်တဲ့ KIA တပ်မဟာ ၄ ဌာနချုပ်ဂိတ်ဝ။

KIA တပ်မဟာ ၄ တွင် တပ်ရင်း ၅ ရင်းရှိပြီး ၎င်းမှ တပ်ရင်း ၁၇ နှင့် ၂၉ သည် ယခု SSA-N နှင့် မြန်မာစစ်တပ် တိုက်ပွဲဖြစ်ရာနေရာနှင့် အနီးဆုံးဖြစ်သည်။

KIO နှင့် SSA-N တို့သည် မကြာခင်ကဖွဲ့စည်းခဲ့သော အဖွဲ့ဝင် ၁၂ ခု ပါ နိုင်ငံရေးနှင့်စစ်ရေးမဟာမိတ် ညီညွတ်သောတိုင်းရင်းသားလူမျိုးများဖယ်ဒရယ်ကောင်စီ (United Nationalities Federal Council, UNFC) အဖွဲ့ဝင်ဖြစ်သည်။

ညီညွှတ်သော ‘၀’ ပြည်တပ်မတော် (United Wa State Army, UWSA)သည် KIA ၏ UNFC ပြင်ပမှ မဟာမိတ်ဖြစ်ပြီး မြန်မာနိုင်ငံတွင် အင်အားအကြီးဆုံး တိုင်းရင်းသား လက်နက်အဖွဲ့ဖြစ်သည်။ မြန်မာစစ်တပ် ၎င်းတို့နယ်မြေထဲဝင်ရောက်လာပါက UWSA က တိုက်ခိုက်သွားမည်ဟုဆိုသည်။

SSA-N က ပိုမိုအင်အားကြီးသော KIA နှင့် UWSA အဖွဲ့တို့လည်း မြန်မာစစ်တပ်အား တိုက်ခိုက်မှုပြုရန်လိုလားလျက်ရှိသည်ဟု ဒေသတွင်း စစ်ရေးလေ့လာစောင့်ကြည့်သူများပြောသည်။

တစ်ချိန်ထဲမှာ KIA နှင့် UWSA တို့သည် ရှောင်လွဲ၍မရသော ပြည်တွင်းစစ်အတွက် စစ်ရေး ပြင်ဆင်နေကြသော်လည်း ယခုအချိန်ထိ SSA-N နှင့်မြန်မာစစ်တပ်ကြားဖြစ်ပွားသောတိုက်ပွဲတွင်မူ ပါဝင်တိုက်ခိုက်မှု မရှိသေးပေ။

SSA-N အားမြန်မာစစ်တပ်က တိုက်ခိုက်မှုသည် ယခင်လကဖွဲ့စည်းခဲ့သော UNFC အား မြန်မာစစ်တပ်က သွေးတိုးစမ်းတိုက်ခိုက်လိုက်ခြင်းလည်းဖြစ်နိုင်သည်ဟု တရုတ်နယ်စပ် စစ်ရေးလေ့လာသူတစ်ဦး သုံးသပ်သည်။

KIA သည် မြန်မာပြည်တွင် ဒုတိယအင်အားအကြီးဆုံး တိုင်းရင်းသားလက်နက်ကိုင်အဖွဲ့ဖြစ်ပြီး ၎င်းအောက် တပ်မဟာ ၅ ခုရှိသည်။ တပ်မဟာ ၄ ခုသည် ကချင်ပြည်နယ်တွင်အခြေစိုက်ပြီး ကျန်တပ်မဟာ ၁ ခုသည် ရှမ်းပြည်မြောက်ပိုင်းတွင် အခြေစိုက်သည်။ စုစုပေါင်း တပ်ရင်း ၃၀ ခန့်ရှိပြီး အရန်တပ်ဖွဲ့အပါအ၀င် စစ်အင်အား ၃၀၀၀၀ ကျော်ရှိသည်ဟု KIA အရာများပြောသည်။

ပြီးခဲ့သည့်နှစ် စက်တင်ဘာလကစပြီး မြန်မာစစ်အစိုးရနှင့် KIA ကြား အပစ်အခတ်ရပ်ဆိုင်းရေးစာချုပ် ကုန်ဆုံးခဲ့သော်လည်း စစ်ပွဲအား နှစ်ဖက်အဖွဲ့မှ ရှောင်ရှားနေဆဲဖြစ်သည်။

ရွှေကျင်တွင် တနေ့တည်း ဗုံးသုံးကြိမ်ပေါက်ကွဲ

အရပ်သားများကို နအဖက အဓမ္မရိက္ခာပို့ခိုင်းပြီး အကာအကွယ်ယူနေ

စောခါးစူးညား (ကေအိုင်စီ)

ကရင်ပြည်နယ်၊ ဖာပွန်မြို့နယ်အတွင်း လှုပ်ရှားနေသည့် နအဖ တပ်များသည် ၎င်းတို့ စစ်တပ်စခန်းရှိရာ သံလွင်မြစ်နံဘေးတ လျှောက် ရိက္ခာပို့ရန် ဒေသခံအရပ်သားလူထုများကို အဓမ္မခိုင်းသည့်အပြင် အကာအကွယ်အဖြစ် အသုံးပြုနေသည်ဟု ဒေသခံ ရွာသားများ၏ ပြောပြချက်အရ သိရသည်။

ရှေ့တန်းတပ်စခန်းသို့ ရိက္ခာပို့နေသည့် အဆိုပါ နအဖ စစ်ဗျူဟာဌာနချုပ်-စဗခ(၁)လက်အောက်ခံ ခြေမြန်တပ်ရင်း ခမရ (၄၃၄)နှင့် ခြေလျင်တပ်ရင်း ခလရ(၁၉)သည် ၎င်းတို့ကို နယ်မြေခံ ကရင်အမျိုးသားလွတ်မြောက်ရေးတပ်ဖွဲ့ (KNLA)တပ်ဖွဲ့ဝင် များ မနှောက်ယှက်နိုင်ရန် ဖာပွန်မြို့နယ်ရှိ ထို့ဖိုးပါ့ဒဲ၊ ကျိုးခို့ဒဲ၊ ဟိဖိုးဒဲနှင့် ချောဘွဲဒဲရွာမှ အရပ်သားများအား မတ်လ ၁၄ရက်မှစ ၍ ယခုအချိန်ထိ အလှည့်ကျစနစ်ဖြင့် အဓမ္မခိုင်းနေသည်ဟု ဖာပွန်ခရိုင်မှ KNU တာဝန်ရှိတဦးဖြစ်သူ တီးဝေါ်က ယခုလို ပြော သည်။

သူက “သူတို့(နအဖ)ကို ကျနော်တို့ တိုက်လို့မရအောင် ရွာသားတွေကို ရိက္ခာသယ်ခိုင်းတာပဲ။ ရွာသားတွေက သူတို့ရဲ့ ရိက္ခာ ကို ကမမောင်းနဲ့ ဖာပွန်မြို့ကတဆင့် စသယ်ပေးရတယ်။ နောက် ရိက္ခာထမ်းပေးရသလို ရိက္ခာသယ်တဲ့ သူတို့ရဲ့ မြင်းကိုလည်း ဆွဲပေးရတယ်လေ။ ရွာသားတွေက သူတို့နဲ့ ရောနေတဲ့အခါကျတော့ တိုက်မယ်ဆိုရင် အရပ်သားပါ ထိမှာစိုးတယ်။ ရွာသား တွေကို ခိုင်းလည်းခိုင်း၊ အသုံးလည်းချတဲ့သဘောပဲ။ ရိက္ခာသယ်တာကတော့ ဒီလကုန်ခံနီးလောက်မှ သူတို့ ပြီးနိုင်မယ်။”ဟု ကေအိုင်စီကို ပြောသည်။

နအဖတပ်များသည် သက်ဆိုင်ရာ ရွာသူကြီးများအဆင့် ၎င်းတို့ရိက္ခာသယ်ပေးရန် ရွာထဲရှိ ရွာသားများကို စုခိုင်းပြီး ရွာကြီးရွာ ငယ်အလိုက် တရက်လျှင် ၁၀ဦးနှင့် ၁၀ဦးအထက် သွားနေရကြောင်းကို ဒေသခံတဦးက “ကျနော်တို့ ရွာတရွာကို သူတို့က ဒီရက် ၁၀ယောက်သွားရင် နောက်တရက် အခြား ၁၀ယောက်က သွားရတယ်။ အဲလို အလှည့်ကျနဲ့ သွားရတယ်။ ကိုယ်ပိုင်အ လုပ်ပျက်တာထက် လူတိုင်းက ကြောက်လို့သွားရတာပဲ။”ဟု ပြောဆိုသည်။

၎င်းခမရ(၄၃၄)နှင့် ခလရ(၁၉)တပ်ရင်းများ ဖာပွန်မြို့နယ်မှ ၎င်းတို့တပ်စခန်းရှိရာ ခေါပို့၊ ကဟီးကျိုး၊ နတ်တောင်(လယ်တိုး)၊ ကျောက်ညှပ်၊ ၀ါ့လူ၊ မဲ့တရိထာ့စခန်းသို့ ရိက္ခာပို့ရာတွင် လမ်းလုံခြုံရေးအဖြစ် တပ်မ(၁၁) လက်အောက်ခံ ခလရ(၂၁၄)တပ် ရင်းက တာဝန်ယူရပြီး လက်ရှိအချိန်တွင် ရိက္ခာများမှာ ချောဘွဲဒဲရွာတွင် ရောက်ရှိနေသည်ဟု သိရှိရသည်။

ထို့အပြင် နအဖ တပ်မ(၁၁) လက်အောက်ခံ ခမရ(၂၀၂)၊ (၂၅၄)တပ်ရင်းတို့သည် ပဲခူးတိုင်း၊ ကျောက်ကြီးမှတဆင့် ဖာပွန်မြို့ နယ် တေးမူဒဲကျေးနယ်အတွင်းမှ ၎င်းတို့တပ်စခန်းများဖြစ်သည့် မော်ဖူး၊ လယ်ကလေးကျိုးစခန်းများသို့ ရိက္ခာပို့ရန် ရဲဘက် (အကျဉ်းသား)နှင့် မြင်းများကို အသုံးပြုနေပြီး မတ်လ ၁၆ရက်နေ့၌ ၎င်းရိက္ခာများ မော်ဖူးတွင် ရောက်ရှိနေနှင့်ပြီဟု ဒေသခံများ က ပြောသည်။

ယင်းသို့ ရိက္ခာသယ်ယူရာ လမ်းလုံခြုံရေးကို တပ်မ(၁၁) လက်အောက်ခံ ခမရ(၂၅၁)နှင့် (၂၅၃)က တာဝန်ယူပေးသည်ဟု ဒေသခံများက ပြောသည်။

စစ်ပြေးဒုက္ခသည် မရှိကြောင်း ပြန်ကြားရေးဥက္ကဋ္ဌပြောဆို

http://www.rfa.org/burmese

ထိုင်းမြန်မာနယ်စပ်မှာ နေထိုင်တဲ့ စစ်ပြေးဒုက္ခသည် အမည်ခံတွေထဲက အများစုဟာ သူတို့ဆန္ဒ အလျောက် တဖက်နိုင်ငံမှာ နေထိုင်သူတွေသာ ဖြစ်ကြောင်း အစိုးရ ပြန်ကြားရေးအဖွဲ့ဥက္ကဋ္ဌ ပြန်ကြားရေးဝန်ကြီး ဦးကျော်ဆန်းက လွှတ်တော်မှာ ပြောကြားလိုက်တယ်လို့ သိရပါတယ်။

(Photo: Free Burma Rangers)

အစိုးရ စစ်တပ်၏ လိုက်လံ တိုက်ခိုက် သတ်ဖြတ်မှုများကြောင့် တောတောင်များထဲတွင် ထွက်ပြေး ပုန်းအောင်းနေရသော ကရင် ရွာသူရွာသားများကို တောတွင်းတနေရာမှာ တွေ့ရပုံ ဖြစ်ပါသည် ။ (Photo: Free Burma Rangers)

လှိုင်းဘွဲ့ မြို့နယ် အမတ် ဦးစောသိန်းအောင်ရဲ့ အမေးကို ပြန်လည် ဖြေဆိုရာမှာ ဦးကျော်ဆန်းက အဲဒီလို မှတ်ချက်ပြု ပြောဆိုခဲ့တာ ဖြစ်ပါတယ်။

ဦးစောသိန်းအောင်က ကရင်ပြည်သူတွေအနေနဲ့ နယ်မြေ ငြိမ်းချမ်းရေးအတွက် ပါဝင်ကူညီလိုကြောင်း မေးခွန်းအပြင်၊ ကရင်ပြည်နယ်တွင်းက စစ်ပြေး ဒုက္ခသည်တွေအရေးနဲ့ ပတ်သက်ပြီး မေးမြန်းခဲ့ကြောင်း ပြည်သူ့ လွှတ်တော် အစည်းအဝေး တက်ရောက်နေတဲ့ NDF ပါတီက ဦးကြီးမြင့်က ပြောပါတယ်။

“အဲဒီတော့ အစိုးရအနေနဲ့ ငြိမ်းချမ်းရေးကို လိုလားပါတယ်၊ စစ်လည်း မဖြစ်ချင်ပါဘူးပေါ့လေ။ ငြိမ်းချမ်းရေးကလည်း ဖြစ်စေချင်ပါတယ်၊ ပြည်သူတွေ ပါဝင်ဖို့ ဆိုတာလည်း ကြိုဆိုပါတယ်၊ တကယ်လည်း လိုအပ်တဲ့အချက် ဖြစ်ပါတယ်ပေါ့လေ။ နောက် စစ်ပြေး ဒုက္ခသည်တွေနဲ့ ပတ်သက်လို့ကတော့ စစ်ပြေး ဒုက္ခသည်၊ စစ်ပြေးလို့သာ ပြောပေမဲ့ ဒီ တဖက်နိုင်ငံရဲ့ နယ်စပ်မှာ ရှိတဲ့ ဒီနယ် အပိုင်းမှာ ရှိတဲ့ ဟို refugees တွေ ဆိုတာက သူတို့ အကြောင်းနဲ့ သူတို့ နေချင်လို့ နေတဲ့ ပုဂ္ဂိုလ်တွေ များပါတယ်ပေါ့။ ကျန်တာတွေကတော့ တကဲ့လူတွေက ကူညီပြီးတော့ သူ့နေရာသူ ရောက်သွားကြတာတွေ ရှိတယ်ပေါ့လေ။ အဲဒီလောက်ပဲ ဖြေသွားတယ်။”

ဒီကနေ့ ပြည်သူ့လွှတ်တော် အစည်းအဝေးမှာ မေးခွန်း ၅ ခု မေးမြန်းခဲ့တာ ဖြစ်ပြီး အဆို ၂ ရပ် တင်သွင်းခဲ့ကြောင်း သိရပါတယ်။

မေးခွန်းတွေထဲမှာ ပညာရေးကဏ္ဍနဲ့ ပတ်သက်တဲ့ မေးခွန်းတွေကို လွှတ်တော်အမတ် ဦးခင်မောင်ရီ၊ ဘူးသီးတောင် မဲဆန္ဒနယ်က ဦးရွှေမောင်နဲ့ ဦးစောသိန်းအောင်တို့က မေးမြန်းခဲ့တာ ဖြစ်ပြီး တင်သွင်းတဲ့ အဆိုနှစ်ရပ်ကတော့ လျှပ်စစ်ဓာတ်အား ရရှိရေးနဲ့ ပတ်သက်တဲ့ အဆိုနဲ့ အလုပ်သမားရေးရာနဲ့ ပတ်သက်တဲ့ အဆိုတွေကို တင်သွင်းခဲ့တာပါ။

အဲဒီအဆိုနှစ်ရပ်အနက် အလုပ်သမားရေးရာနဲ့ ပတ်သက်တဲ့ အဆိုကို မနက်ဖြန် မတ်လ ၂၂ ရက်မှာ ဆက်လက် ဆွေးနွေးမယ်လို့ သိရပါတယ်။