ဂျပန်ပြည်တိုကျိူနှင့် မိုင် ၂၄၀ အကွာ ပစ္စဖိတ်ပင်လယ်ဗဟုိုပြု ၈.၈ေ မဂ္ဂါစကေးငလျင်လှုပ်

လွန်ခဲ့သော ကြာသာပတေးနေ့ အစောပိုင်းက ဂျပန်နိုင်ငံ မြောက်ပိုင်း Honshu ဒေသမှ စတင်ခဲ့သော မြေငလျင်သည် ၆.၃ Magnitude နှုန်းဖြင့် လှုတ်ခတ်ခဲ့ပြီး တစ်ရက်အတွင်းမှာပင် Sendai-shi ဒေသကို ဗဟိုပြုပြီး ၇.၂ အဆင့်ရှိ ငလျင်ကြီးတိုးမြှင့် လှုတ်ခတ်ခဲ့ပြီး ယနေ့အချိန်အထိ ထပ်မံလှုတ်ခတ်လာသော ငလျင်၏ ပြင်းအားမှာ ၈.၉ Magnitude အဆင့်အထိ တိုးမြှင့် လှုတ်ခတ်လာခဲ့သဖြင့် ရေမျက်နှာပြင် ၃၀.၃ ပေ အမြင့်အထိ တက်လာခဲ့ကြောင်း အင်တာနက် သတင်းများအရ သိရသည်။

တိုကျိုရှိ အမေရိကန် အခြေစိုက် ဘူမိဗေဒ ဌါ၏ ပြောကြားချက်အရ ငလျင် စက်ဝန်းမှာ ၃၇၃ ကီလိုမီတာ (၂၃၁ မိုင်) ရှိပြီး တိုကျိုမြို့တော် အထိပင် ရောက်ရှိနေပြီဟု သိရသည်။ လက်ရှိ အခြေအနေအရ ပြည်သူပေါင်း ၇၀၀၀ အထက် ဒုက္ခရောက်နေကြောင်း နှင့် တိုကျိုမြို့တွင် မြေအောက် ဘူတာရုံ နှင့် လမ်းများ အားလုံး ပိတ်သွားပြီ ဖြစ်သည်။

ယခု တိုက်ခတ်သော ငလျင်မှာ ဂျပန်နိုင်ငံ သမိုင်းတစ်လျောက် အကြီးမားဆုံး ငလျင်တစ်ခုဖြစ်ပြီး ကမ္ဘာ့စံချိန်မှာ လွန်ခဲ့သော မေလ ၂၂ ၊ ၁၉၆၀ ခုနှစ်က ချီလီနိုင်ငံတွင် လှုတ်ခတ်ခဲ့သော ၉.၅ အဆင့်ရှိသော ငလျင်ကြီးဖြစ်သည်။

ယခု ငလျင်ကြော ကျရောက်ရာ ဒေသများတွင် ချိုင့်ဝှမ်းကြီးများကို အရှိန်အဟုန် ကြီးများစွာဖြင့် တစ်ခုပြီးတစ်ခု ပေါ်ပေါက်စေပြီး တိုကျို ပတ်ဝန်းကျင်ရှိ ၄ သန်းခန့်ရှိသော အိမ်ယာများ ရေအောက် မြုပ်မှုများ ဖြစ်ပေါ်ခဲ့သလို လျပ်စစ်လိုင်းများ လုံးဝပြတ်တောက်သွားပြီး အချို့နေရာများတွင် မီးလောင်ကျွမ်းမှုများ ဖြစ်ပေါ်နေကြောင်း သိရသည်။
လောင်စာဆီ သိုလှောင်ကန်များ မီးလောင်နေစဉ်

၁၉၃၃ ခုနှစ်က ၈.၁ Magnitude အဆင့်ရှိ ငလျင်တစ်ခု ဂျပန် အရှေ့မြောက် ပစိဖိတ်ဒေသအတွင်း လှုတ်ခတ်ခဲ့ဖူးရာ လူပေါင်း ၃၀၀၀ ခန့် သေဆုံးခဲ့ရသည်။ နောက်ဆုံးသိရသော သတင်းများအရ Chiba, Ibaraki, Fukushima မြို့များတွင်လည်း အဆိုးဝါးဆုံး ငလျှင်နှင့် ရေကြီးမှုဒါဏ်တို့ကို ခံစားနေရလျက် ရှိနေသည်။

Updated 3:45 PM
...... ယခုအချိန်အထိ သေဆုံးသူပေါင်း ၁၉ ဦးအထိ ရှိသွားပြီဟု သိရပြီး အချိန်နှင့်အမျှ သေဆုံးသူ အရေအတွက် တိုးလားနေလျက် ရှိသည်။
Updated 4:15 PM
....... Mutdfan.com က Niigata city နေ မြန်မာ တစ်ဦးအား ဆက်သွယ်မေးမြန်းခဲ့ရာ...

မေး - အမရေ ငလျှင်အခြေအနေလေး သိချင်လို့ပါ

ဖြေ - အခုတော့ တီဗီကနေ ငလျှင်သတင်းတွေကို အဆက်မပြတ် ကြေငြာနေတယ်
ရှီးဗာမှာက ဂတ်စ်သိုလှောင်ရုံတွေ ပေါက်တာ အခုထိ မီးလောင်တာ မရပ်သေးဘူး

မေး - အမနေတဲ့Niigata မြို့ အခြေအနေလေးကရော
နေ့လည် ၁နာရီလောက်က ၅.၀ လောက်နဲ့ စလှုပ်တယ် သိပ်ပြီး ဆိုးဆိုးဝါးဝါး မခံစားလိုက်ရဘူး တခြားမြို့တွေလောက် သိသိသာသာတော့ မခံစားလိုက်ရဘူး

မေး - ရေကြီးတာက Fukushima မြို့မှာဆို။ အတော်လေး ဆိုးလား တီဗီမှာပြတာတော့ မြို့ထဲကို ရေတွေ ၀င်လာတာတွေ့မိတယ်။
ဖြေ - ကားတွေ မျောပါကုန်တယ်။ ပင်လယ် ကမ်းခြေနဲ့ နီးတဲ့နေရာမှာ ဖြစ်တာ
ကားထဲက လူတစ်ယောက်နဲ့ သဘော်ထဲက တစ်ယောက် ပါသွားတယ်တော့ကြားတယ်
Sendai မြို့ကတော့ အဆိုးဆုံးလို့ တွေ့နေရတယ်။ ညနေ ၃နာရီ ၅၅မိနစ်လောက်မှာ ကား အစီး ၂၀လောက်ပါသွားတယ် ၈.၄ မီဂါလောက် ရှိပြီး အခု ပြောနေတုန်းမှာဘဲ ကျွန်မနေတဲ့ Niigata မှာ ထပ်လှုပ်နေတယ်
နေ့လည်က လှုပ်တုန်းကဆိုရင် ခေါင်းတွေမူးပြီး အန်တောင် အန်တယ်။
Sendai မြို့မှာ လေယာဉ်ပြေးလမ်းကြောင်းတွေပါ ရေတွေမြုတ်သွားတယ်လို့ လေဆိပ်က တာဝန်ရှိသူက ပြောနေတာ အခု တီဗီမှာ တွေ့နေရတယ်။
ဂျပန်ရဲ့ မြောက်ဘက် Hokkaido Tokushima မှာ ၂.၄၆ မိနစ်တုန်းက တိုင်းတာချက်အရ Level 7 ရှိနေတာကြောင့် က လူတွေကိုပင်လယ်နဲ့ ဝေးရာ ဘေးလွတ်ရာကို ရွေ့ဖို့ စီစဉ်နေကြပြီ

မေး - ဘာတွေများ တခြား ဖြစ်သေးလဲဗျ။
ဖြေ - တိုကျိုမှာတော့ ရထားတွေ ရပ်ကုန်လို့ ခရီးသည်အကုန် လမ်းလျောက်သွားနေရတယ်။ တိုကျိုက သူငယ်ချင်းတစ်ယောက်တော့ တက္ကသိုလ်ဝင်းထဲမှာ ပိတ်မိနေတယ်လို့ ပြောတယ်။
Tokyo မြို့လယ် Odaiba ဘက်မှာတော့ မီးတွေ လောင်နေတယ်လို့ ပြောတယ်။
တီဗွီင်္မှာတော့ တခြား အစီအစဉ် လုံးဝမပြတော့ဘဲ ငလျှင်သတင်းတွေကိုချည်း ပြနေတယ်။ ဖြစ်ပြီးသွားတာတွေရော ဖြစ်နေဆဲဟာတွေရောပေါ့။
ဟုတ် အခုလို ဖြေကြားပေးတဲ့ အတွက် ကျေးဇူးပါဘဲဗျာ။
(အထက်ပါ သတင်းအား ဂျပန်နိုင်ငံသို့ ကိုမှူးသခင် က ဆက်သွယ် ရယူထားခြင်း ဖြစ်ပါသည်။ )
Updated 4:48 : ဂျပန်နိုင်ငံ တိုကျိုမြို့ရှိ မတ်ဖန် ပရိသတ် တစ်ဦးဖြစ်သော ကိုဖန်ခါးသီး အားဆက်သွယ် မေးမြန်းခဲ့ရာ အိမ်တွင်းရှိ ပစ္စည်းများအကုန် ပျက်စီး ကုန်သော်လည်း လူထိခိုက်မှု မရှိကြောင်း အခြားသော နီးစပ်ရာ မြန်မာများကို မေးမြန်းကြည့်ခဲ့ရာတွင်လည်း လူထိခိုက်ခြင်း ရှိသည့်သတင်း မကြားရကြောင်း သိရသည်။ ငလျင်များ အနေဖြင့်မူ အနည်းငယ် ဆက်လက် လှုတ်နေသေးကြောင်း သိရသည်။ Chanel News Asia သတင်းအရ သေဆုံးသူ ၄၉ ဦးအထိ ရှိသွားပြီ ဖြစ်ကြောင်း သိရသည်။ ပစိဖိတ် သမုဒ္ဒရာနှင့် ထိစပ်နေသော နိုင်ငံ အတော်များများက ဆူနာမီ သတိပေးချက် ထုတ်ပြန်နေကြသည်။ (ထပ်မံ ဖြည့်စွက် ပေးပါမည်။)

News Updated 4:54 PM. ဂျပန်နိုင်ငံနေ မတ်ဖန်ပရိသတ် ကိုဖန်ခါးသီးက အောက်ပါအတိုင်း သတင်းပေးပို့သည်။
"ဆက်လက် လှုတ်ခတ်နေဆဲ ငလျင်များမှာ ဂျပန်နိုင်ငံ မြောက်ပိုင်းပင်လယ်ကို ဗဟိုပြုနေပါတယ်။ ။ ဖုန်းလိုင်းတွေ အားလုံးပြတ်နေပြီး ရထား၊ကား အားလုံး ရပ်သွားပါပြီ။ နေ့လည် ၃နာရီလောက်က လှုတ်သွားတဲ့ ငလျင်က တိုကျိုမှာ တော်တော်ပြင်းပြင်း။လှုတ်သွားပါတယ်။ ခုလဲ နည်းနည်း နဲ့ အကြိမ်ကြိမ်လူပ်တုန်းပါဘဲ။ မြန်မာတွေ အသေအပျောက် မရှိဘူးလို့ ကြားရပါတယ်။ အခုလက်ရှိ နောက်ဆုံးသတင်းအရ ၃၆ ၊ပျောက် ၄၅ယောက် ပျောက်ဆုံးနေတယ် ပြီး နေရာကွတ်ကြား မီးတွေလောင်နေပါတယ်။ "


News Updated 5:14 PM ဂျပန်နိုင်ငံတွင် အင်အား ၈.၉ Magnitude ရှိ ငလျင်ကြီးလှုတ်ခဲ့ပြီးနောက် ယခုအချိန်အထိ နယူးဇီလန်၊ ဖီလစ်ပိုင်၊ အင်ဒိုနီးရှား၊ Papua New Guinea, ဟာဝိုင်အီ နှင့် ပစိဖိတ် သမုဒ္ဓရာနှင့် ထိပ်စပ်နေသော နိုင်ငံ အတော်များများက မကြာမီ နာရီအနည်းငယ်အတွင်း ဆူနာမီ ကဲ့သို့ ရေကြီးမှုများ ဖြစ်လာနိုင်သည်ဟု သတိပေးချက် ထုတ်ပြန်ထားသည်။ ဂျပန်မှ ကိုဖန်ခါးသီး ပေးပို့သော သတင်းအရ ၄၁ သေ၊ ၉၀ ဒဏ်ရာရ သည်ဟု နောက်ဆုံး သိရသည်။

News Updated 5:50 PM ဂျပန်နိုင်ငံတွင် အင်အား ၈.၉ Magnitude ရှိ ငလျင်ကြီးလှုတ်ခဲ့ပြီးနောက် ယခုအချိန်အထိ နယူးဇီလန်၊ ဖီလစ်ပိုင်၊ အင်ဒိုနီးရှား၊ Papua New Guinea, ဟာဝိုင်အီ၊ သြစတေးလျှ၊ နှင့် ပစိဖိတ် သမုဒ္ဓရာနှင့် ထိပ်စပ်နေသော နိုင်ငံပေါင်း ၂၀ က မကြာမီ နာရီအနည်းငယ်အတွင်း ဆူနာမီ ကဲ့သို့ ရေကြီးမှုများ ဖြစ်လာနိုင်သည်ဟု သတိပေးချက် ထုတ်ပြန်ထားကြောင်း သိရသည်။
News Updated 6:50 PM ဂျပန်နိုင်ငံနေ ကို ဖန်ခါးသီး၏ သတင်းပေးပို့ချက်အရ သေဆုံးသူ ၆၃ ယောက် ရှိသွားပြီ ဖြစ်ကာ ဒဏ်ရာရ ၂၄၄ယောက်ဖြစ်နေပြီ ဟုသိရပြီး သေဆုံး ဒဏ်ရာရသူစာရင်းမှာ အချိန်နှင့်အမျှ တိုးနေပြီး မကြာမီ များစွာ ထပ်မံစရင်း တိုးလာဖွယ် ရှိကြောင်း သိရသလို အဆက်အသွယ် အားလုံး ပြတ်တောက် သွားပြီဟုလည်း ဆိုသည်။
http://mm-medicalstudents.com/

ယနေ့တိုက်ပွဲ နအဖ ၁၀ဦးကျော်ထိခိုက်ကျဆုံး

မတ်လ ၁၀ရက်နေ့။ (ကေအိုင်စီ)

ကရင်ပြည်နယ်ရှိ ဝေါ်လေဒေသ၌ ယနေ့ ဖြစ်ပွားခဲ့သည့် တိုက်ပွဲများတွင် နအဖ စစ်တပ်ဘက်မှ ၁၀ဦးကျော် ထိခိုက် သေဆုံးခဲ့သည်ဟု ကရင်တပ်ဖွဲ့ဝင်ဘက်က ပြောသည်။

ယနေ့ညနေ ၅နာရီခွဲခန့်တွင် ဝေါ်လေဒေသရှိ ကနဲလေးစခန်းအနီးတွင် နအဖ တပ်ဖွဲ့ဝင်များနှင့် ကရင်တပ်ဖွဲ့ဝင် များအကြား တိုက်ပွဲဖြစ်ပွားခဲ့ရာ နအဖ တပ်ဘက်မှ ဒုဗိုလ်တဦးအပါအဝင် ၅ဦးသေဆုံးခဲ့ပြီး ၃ဦး ဒဏ်ရာရရှိခဲ့သည်ဟု ကရင်အမျိုးသား လွတ်မြောက်ရေး တပ်မတော် (KNLA) တပ်ရင်း(၂၀၁)မှ တပ်မှူးတဦးက ပြောသည်။

လက်ရှိ ကနဲလေးစခန်းတွင် နအဖ ခမရ (၃၄၆)၊ (၄၀၄) တပ်ဖွဲ့ဝင်တချို့နှင့် ခလရ (၉၇)တပ်ဖွဲ့ဝင်တချို့ ဝင်ထွက်လှုပ်ရှားလျှက်ရှိသည်ဟု ၎င်းက ပြောသည်။

ယနေ့မနက် ၁၀နာရီကျော်၌လည်း ယင်းသွားလာလှုပ်ရှားနေသည့် ခမရ(၃၄၆)တပ်ရင်းနှင့် ကရင်တပ်ဖွဲ့ဝင်တို့သည် ကနဲလေးစခန်းနှင့် မနီးမဝေး ထီးဘောကော်ဒေသတွင် တိုက်ပွဲဖြစ်ပွားခဲ့ရာ နအဖ ဘက်က ၂ဦးသေဆုံး၊ ၃ဦးဒဏ်ရာရရှိခဲ့ပြီး ကရင်တပ်ဖွဲ့ဝင်ဘက်က ထိခိုက်မှုမရှိဟု ကရင်တပ်ဖွဲ့ဝင်ဘက်က ပြောသည်။

သေ့ပေါပိုး တောင်နီနဲ့ ကွီးတာဟိုးမှာ ဒီကေဘီအေ ပြောက်ကျားတိုက်ခိုက်

နေ့သစ်

မတ်လ ၈ ရက်နေ့ နေ့လယ် ၁၂ နာရီလောက်က ဝေါ်လေ၊ အုက္ကရေ့ထ၊ ချူကလိသွားတဲ့လမ်းပေါ်က ကွီးတာဟိုး နေ ရာမှာ ခမရ ၂၀၆ တပ်ရင်းကို ဒီကေဘီအေဘက်မှ ဝင်ရောက်တိုက်ခိုက်ခဲ့ရာ နအဖ ဘက်မှာ ၆ ဦးသေပြီး ၅ ဦး ဒဏ်ရာ ရ ရှိခဲ့တယ်။

အဲဒီနေ့ တနေ့ထဲမှာပဲ ညနေ ၃ နာရီလောက်မှာ သေပေါပိုး တောင်နီမှာ ခမရ ၂၀၃ တပ်ရင်းကို ဒီအေဘီအေဘက်မှာ ပြောက်ကျားတိုက်ခိုက်ခဲ့တဲအတွက် နအဖ ဘက်မှ ၃ ယောက်သေ ၆ ယောက် ဒဏ်ရာရတယ်လို့ သိရှိရပါတယ်။

မနေ့က ဒီကေဘီအေနဲ့ ဖြစ်ခဲ့တဲ့ တိုက်ပွဲတွေနဲ့ ပတ်သက်ပြီး ဒီကေဘီအေ ပြောရေးဆိုခွင့်ရှိသူ ဗိုလ်ဆန်းအောင်က ပြော ပြတာကတော့ …

“နေ့လယ်ကဖြစ်တဲ့ နေရာက ကွီးတာဟိုး မှာ ဖြစ်တာ၊ ဒီနေရာမှာ ကားလမ်းရှိတယ်။ ဒီကားလမ်းက ဖလူး ကချောဝါး လေးကနေ ဝေါ်လေနားက အုက္ကရေ့ထ ကိုရောက်တယ်၊ ပြီးတော့ ဆက်သွားရင် ကွီးတာဟိုး ချူကလိ ရောက်တယ်၊ ဒီ ရက်ပိုင်းတွေက ချူကလိမှာ မြို့သစ်တည်ဖို့ ပစ္စည်းတွေ ဝန်ထမ်းတွေ သယ်နေတော့ ကားလမ်းကို လုံးခြုံရေးတွေ အ တော်များများ ယူထားတယ်။ ကျနော်တို့က အဲဒီတပ်တွေကို ဝင်တိုက်တာ” လို့ ပြောပြသွားပါတယ်။

ဒီရက်ပိုင်းတွေထဲ မြဝတီမြို့နယ်ခွဲ့ တခုအဖြစ် ချူကလိနေရာမှာ မြို့သစ်စတည်နေပါတယ်။ အဲဒီအတွက် တာဝန်ကျတဲ့ ဝန်ထမ်းတွေကို မဲစနစ်နဲ့ မဲနှိုတ်ပြီး မဲပေါက်တဲ့သူက ချူကလိမှာ တာဝန်သွားထမ်းဆောင်းရမှာ ဖြစ်တယ်လို့ မြဝတီမြို့ သူ မြို့သားတွေက ပြောပြချက်အရ သိရှိရပါတယ်။

ချူကလိ ကားလမ်းလုံးခြုံရေးတပ် တိုက်ခိုက်ခံရ

နေ့သစ်

photo by DVB

မြဝတီမြို့နယ် ဝေါ်လေရွာနားက ကနဲလေးအနီး နေရာ ၂ ခုမှာ မတ်လ ၇ နေ့က တိုက်ပွဲဖြစ်ပွားခဲ့ပါတယ်။ ညနေ့ ၂ နာ ရီမှာ တကြိမ်၊ ၃ နာရီမှာ တကြိမ် ဖြစ်ခဲ့ပါတယ်။ ကားလမ်းလုံးခြုံရေးယူထားတဲ့ နအဖ ခမရ ၃၄၆ တပ်ရင်းကို ကေအန် ယူ နဲ့ ဒီကေဘီအေတပ်ဖွဲ့ဝင်တွေက တိုက်ခိုက်ခဲ့တာ ဖြစ်တယ်။

မနေ့က ဒီကားလမ်းကနေ ချူကလိဒေသ မြို့သစ်တည်ဖို့အတွက် အစိုးရဝန်းထမ်းတွေကို ပို့ဆောင်နေတဲ့ လမ်းဖြစ်ပါ တယ်။

မြဝတီမြို့က ကျောင်းဆရာ၊ ဆေးဆရာ၊ ရဲ၊ လဝက၊ ရယက စတဲ့ ဝန်ထမ်းတွေကို ကံစမ်းမဲစနစ်နဲ့ လျှို့ဝှက်မဲနိုက်ပြီ တာ ဝန်ပေးပါတယ်။ မဲပေါက်တဲ့ ဝန်ထမ်းက ချူကလိမှာ တာဝန်သွားထမ်းဆောင်ရမှာ ဖြစ်ပါတယ်။ ဒီဒေသက တိုက်ပွဲတွေ လဲ မပြတ် ဖြစ်နေတယ်။ အဲဒီကိုရောက်ဖို့ကလည်း တိုက်ပွဲတွေဖြစ်နေတဲ့ နေရာတွေကို ဖြတ်သွားရမှာ ဖြစ်တယ်၊ ငှက် ဖျား အလွန်ကြမ်းတဲ့ ဒေသဖြစ်တာကြောင့် မဲပေါက်တဲ့ ဝန်ထမ်းတွေအနေနဲ့ စိတ်ပျက်လက်ပျက် ဖြစ်နေကြတယ်လို့ က ရင်သတင်းစဉ် အင်တာနက်စာမျက်နှာမှာ ဖေါ်ပြထားပါတယ်။

ချူကလိ နေရာမှာ မြို့သစ်တည်ပြီး ထိုင်းနယ်စပ်မှာရှိတဲ့ မြန်မာဒုက္ခသည်တွေကို နေရာချထားမဲ့ အစီအစဉ်ရှိပါတယ်။ ဒီအစီအစဉ်ကို ၂၀၁၀ ရွေကောက်ပွဲပြီးလို့ ၂၀၁၁ ခုနှစ်မှာ စပိုင်းမှာ အကောင်အထည် ဖေါ်ဖို့ရှိပေမယ့် ခုချိန်ထိ ဒုက္ခ သည်တွေကို ချူကလိမှာ နေရာချမယ့်အစီအစဉ်ဟာ အကြောင်း ကြောင်းတွေကြောင့် မစနိုင်သေးဘဲ ရှိနေပါသေးတယ် လို့ ဒီကေဘီအေ မှ ပြောရေးဆိုခွင့်ရှိသူ ဗိုလ်ဆန်းအောင် က ပြောပြပါတယ်။

နောက်ဆုံးကြားသိရတဲ့ သတင်းတွေအရ အမျိုးသမီး ရဲဝန်းထမ်းတွေကိုပါ မြို့သစ်တည်မယ့် ချူကလိ နေရာကို မနေ့က ပို့လိုက်တယ်လို့ မြဝတီမြို့ခံတွေရဲ့ ပြောပြချက်အရ သိရှိရပါတယ်။

Collapse...

ဒီကနေ့ ဝေါလေ ကနဲလေးမှာ နအဖ ရိက္ခာပို့ကား အတိုက်ခိုက်ခံရ

http://www.naytthit.net

ခမရ ၃၄၆ တပ်ဖွဲ့ဝင်တွေ လိုက်ပါပို့ဆောင်တဲ့ ရိက္ခာပို့ ကားကို ဒီကနေ့ ညနေ ၄ နာရီခွဲလောက်မှာ ကေအန်ယူနဲ့ ဒီကေ ဘီအေ တပ်ဖွဲ့တွေက ဝေါ်လေဒေသ ကနဲလေးအနီးမှာ စောင့်ကြိုတိုက်ခိုက်ခဲ့ပါတယ်။

တိုက်ပွဲဖြစ်ပွားပြီး နအဖ ရိက္ခာပို့ကားတစီး ကားလမ်းဘေးချောက်ထဲ ထိုးကျသွားပါတယ်။ နအဖ ဘက်က တပ်ကြပ်ကြီး တဦးအပါအဝင် လေးယောက် အပြင်းအထန် ဒဏ်ရာရခဲ့တယ်လို့ သိရှိရပါတယ်။

ဒီကနေ့မနကပိုင်း ၇ နာရီးလောက်ကလည်း ကနဲ့လေးမှာပဲ တိုက်ပွဲတပွဲဖြစ်ခဲ့ပါသေးတယ်။ ဒီပွဲမှာတော့ နအဖ ဘက်က ၂ ယောက် သေဆုံးခဲ့ပါတယ်။

ဝေါ်လေ ၁၉၉ ကုန်းမှာတော့ ခမရ ၃၁၀ က ဆေးအရာခံဗိုလ်တယောက် မိုင်းနင်းပြီး သေဆုံးသွားတယ်လို့ သိရှိရပါ တယ်။

ဝေါ်လေဘက်က တိုက်ပွဲအခြေအနေတွေနဲ့ ပတ်သက်ပြီး ဒီကေဘီအေ မှ ပြောရေးဆိုခွင့်ရှိသူ ဗိုလ်ဆန်းအောင် က…

“ဝေါ်လေဘက်ကတော့ နေတိုင်းနီးပါးလောက်ကို ပြောက်ကျားတိုက်ပွဲတွေက ဖြစ်နေတာ။ နအဖ ဘက်ကလည်း အဲဒီဘက်က တပ်တွေအတွက် ရိက္ခာနဲ့ ချူကလီမှာမြို့တည်ဘို့အတွက် လိုအပ်တဲ့ ပစ္စည်းတွေကို နအဖ က ပို့ဆောင် နေပါတယ်” လို့ ပြောပြသွားပါတယ်။

တိုင်းရင်းသား တပ်ဖွဲ့များကို ဖြတ်လေးဖြတ် အစီအစဉ်ဖြင့် ချေမှုန်းမည်

://www.bur.irrawaddy.org/index.php/news/

 

နယ်ခြားစောင့်တပ် အသွင်ကူးပြောင်းရေးကို လက်မခံသော တိုင်းရင်းသား လက်နက်ကိုင်တပ်ဖွဲ့များ ထိန်းချုပ်ဒေသများကို ဖြတ်လေးဖြတ် အစီအစဉ်ဖြင့် ချေမှုန်းရန် စစ်အစိုးရခေါင်းဆောင်များက ညွှန်ကြားထားကြောင်း သိရသည်။

၂၀၁၀ ဇန်နဝါရီလအတွင်းက ဆေးစစ်ဆေး ကုသမှုခံယူရန် စောင့်ဆိုင်းနေသည့် စစ်ပြေးဒုက္ခသည် ကရင် အမျိုးသမီးများနှင့် ကလေးငယ်များ (ဓာတ်ပုံ - AP)

၁၉၇၀ ပြည့်နှစ်များတွင် ဗမာပြည် ကွန်မြူနစ်ပါတီနှင့် ကရင်အမျိုးသား အစည်းအရုံး (KNU) တို့အပေါ် ဗိုလ်ချုပ်ကြီးနေဝင်း၏ မဆလခေတ် အစိုးရ ဆင်နွှဲခဲ့သည့် စစ်ဆင်ရေးများတွင် စတင်ကျင့်သုံးခဲ့သော ဖြတ်လေးဖြတ် အစီအစဉ်မှာ လက်နက်ကိုင်အဖွဲ့များ၏ စားနပ်ရိက္ခာ အရင်းအမြစ်ကို ဖြတ်တောက်ခြင်း၊ ဘဏ္ဍာငွေ အရင်းအမြစ်များကို ဖြတ်တောက်ခြင်း၊ သတင်းအရင်းမြစ်ကို ဖြတ်တောက်ခြင်းနှင့် တပ်ဖွဲ့ဝင်သစ် မစုဆောင်းနိုင်ရန် ဖြတ်တောက်ခြင်း တုိ့ဖြစ်သည်။

ရှမ်းပြည်နယ်၊ ကရင်ပြည်နယ်၊ မွန်ပြည်နယ်၊ ကချင်ပြည်နယ်၊ ကယားပြည်နယ်နှင့် တနင်္သာရီတိုင်း ဒေသများတွင် ယင်းဖြတ်လေးဖြတ်အစီအစဉ်ကို ပြန်လည်အကောင်အထည်ဖော်ရန် စစ်ရုံးက သက်ဆိုင်ရာ စစ်ဌာနချုပ်များသို့ ညွှန်ကြားထားကြောင်း စစ်ဘက်ဆိုင်ရာ အသိုင်းအဝိုင်းမှ သိရသည်။

အဆိုပါ စစ်ဘက်ဆိုင်ရာ သတင်းများအရ ဖြတ်လေးဖြတ်အပြင် တိုင်းရင်းသား လက်နက်ကိုင် တပ်ဖွဲ့များအချင်းချင်း ဆက်သွယ်ရေးလမ်းကြောင်းများကိုပါ ဖြတ်တောက်မည့် အစီအစဉ်လည်း ထပ်တိုးထားသည်ဟု ဆိုသည်။

တရုတ်-မြန်မာနယ်စပ် အခြေစိုက် စစ်ရေးလေ့လာသူ ဦးအောင်ကျော်ဇော်က ဖြတ်လေးဖြတ် အစီအစဉ်သည် ကုန်းအတွင်းပိုင်း ဒေသများ၌ ကျင့်သုံးအောင်မြင်ခဲ့ကြောင်း၊ သို့သော် တိုင်းရင်းသား လက်နက်ကိုင် တပ်ဖွဲ့များသည် နယ်စပ်ဒေသများတွင် အခြေစိုက်လှုပ်ရှားသောကြောင့် ထိရောက်နိုင်ဖွယ် မရှိကြောင်း ပြောသည်။

“ဖြတ်လေးဖြတ် အစီအစဉ်က ကုန်တွင်းပိုင်းမှာ လက်နက်ကိုင် တပ်ဖွဲ့တွေကို စစ်ရေးဆင်နွှဲဖို့ စီမံထားတဲ့ မဟာဗျူဟာပါ။ အထူးသဖြင့် ပဲခူးရိုးမမှာ လှုပ်ရှားနေတဲ့ ဗမာပြည်ကွန်မြူနစ်ပါတီနဲ့ KNU ကို တိုက်ဖို့ပါပဲ။ ဒါပေမယ့် အခု ပစ်မှတ်ထားနေတဲ့ တိုင်းရင်းသားအုပ်စုတွေက တရုတ်-မြန်မာနယ်စပ်၊ ထိုင်း-မြန်မာနယ်စပ်တွေမှာ လှုပ်ရှားနေကြတာ” ဟု ဦးအောင်ကျော်ဇောက ပြောသည်။

လက်နက်ကိုင် အဖွဲ့အစည်းများနှင့် ကွပ်ကဲမှု နယ်မြေအလိုက် ဆက်သွယ်ရေး လမ်းကြောင်းများအား ဖြတ်တောက် ပိတ်ပင်ခြင်း၊ လူနှင့် စားသုံးကုန် ပစ္စည်းများ မ၀င်ရောက်စေရန် တားဆီးခြင်း၊ ကွပ်ကဲမှု နယ်မြေများအလိုက် အ၀င်အထွက်လမ်းများတွင် တပ်၊ ရဲ၊ ပြည်သူ့စစ် (ပသစ) တို့ ပူးပေါင်း၍ ပိတ်ဆို့ ရှာဖွေ တားဆီးခြင်းနှင့် လက်နက်ကိုင် အဖွဲ့အစည်း အချင်းချင်းဆက် သွယ်နိုင်မည့်လမ်းကြောင်းများကိုလည်း ဖြတ်တောက်ပိတ်ဆို့ခြင်းများ ပြုလုပ်သွားမည်ဖြစ်ကြောင်း သိရှိရသည်။

ထို့အပြင် လက်နက်ကိုင်အဖွဲ့များ ၀င်ထွက်သွားလာနိုင်သော နေရာများကို လှုပ်ရှားစစ်ကြောင်းများဖြင့် နယ်မြေ စိုးမိုးရန်နှင့် ကင်းပုန်းဝပ်ခြင်း၊ ကွပ်ကဲမှု နယ်မြေအလိုက် သတ်မှတ်နယ်မြေအတွင်း လူသစ်စုဆောင်းခြင်း၊ ဆက်ကြေးကောက်ခံခြင်း၊ သတင်းအား ရယူခြင်း၊ ရန်သူ့ အမာခံများကို ရှင်းလင်း ဖော်ထုတ် ဖမ်းဆီးခြင်းလည်း ပါဝင်ကြောင်း သိရသည်။

ဖြတ်လေးဖြတ် အစီအစဉ်ကြောင့် တိုင်းရင်းသားဒေသများတွင် အဓမ္မ လုပ်အားပေး ခိုင်းစေခြင်း၊ ရွာမီးရှို့ခြင်း၊ သတ်ဖြတ်ခြင်း စသည့် လူ့အခွင့်အရေး ချိုးဖောက်မှုများ ပိုမိုမြင့်တက်လာနိုင်ကြောင်း လေ့လာအကဲခတ်သူများက ပြောသည်။

စစ်အရာရှိဟောင်း ဗိုလ်ထက်မင်းက “စစ်အစိုးရက ဖြတ်လေးဖြတ် အစီအစဉ်ကို ပြန်ပြီး မွမ်းမံထားတာပါ။ ကျနော် တပ်ထဲမှာ ရှိတုန်းကဆို ဒီလို သံသယရှိတဲ့ ရွာသားတွေကို မောင်းထုတ်ပြီး ရွာတွေကို မီးရှို့ပစ်တာကို တံမြက်စည်းလှည်းတယ် လို့ ခေါ်ပါတယ်” ဟု ပြောသည်။

ယခု အမေရိကန်ပြည်ထောင်စုတွင် နိုင်ငံရေး ခိုလှုံနေသော ဗိုလ်မှူးဟောင်း အောင်လင်းထွဋ်က မြန်မာပြည်အရှေ့ဘက်ခြမ်းတွင် အကြီးအကျယ် ပြောင်းရွှေ့နေရာချထားခြင်းများသည် ဖြတ်လေးဖြတ် အစီအစဉ်နှင့် ပတ်သက်နေကြောင်း၊ ၁၉၉၀ နှစ်များအတွင်းက စစ်ရုံးမှ တိုက်ရိုက်ညွှန်ကြားသည့် အကုန်ရှင်းရေး မူဝါဒ (No Man’s Land Policy) ဖြစ်ကြောင်း ပြောသည်။

No Man’s Land Policy ဆိုသည်မှာ စစ်ဆင်ရေး ဧရိယာအတွင်းတွင် တွေ့ရသော ကလေးလူကြီး မကျန်ကို သတ်ဖြတ်ပစ်ရန် ညွှန်ကြားခြင်းဖြစ်ကြောင်း သိရသည်။

နအဖ စစ်အစိုးရက ဖြတ်လေးဖြတ် ပြုလုပ်ရန် ညွန်ကြားချက်ထွက်ပေါ်ချိန်တွင် ဖေဖော်ဝါရီလအတွင်းက ရှမ်းပြည်တပ်မတော် (SSA) မြောက်ပိုင်း ၀မ်ဟိုင်း ဌာနချုပ်ဘက်သို့ ဖြတ်သန်းသွားလာနေသော ခရီးသည်တင်ကားနှင့် ကုန်တင်ကားကြီးများကို သွားလာခွင့် ပိတ်ပင်မှုများနှင့် တိုက်ဆိုင်နေသည်။

ဝမ်ဟိုင်း ဒေသသည် ရှမ်းပြည်နယ် မိုင်းရယ်မြို့နှင့် မိုင်းရှုးမြို့နယ် ကြားတွင်ရှိပြီး ယင်းဒေသ အနောက်ဘက်ခြမ်းတွင် ကျောက်မဲမြို့ အခြေစိုက် စစ်ဆင်ရေး ကွပ်ကဲမှု ဌာနချုပ် (စကခ) ၁ နှင့် လွိုင်လင် အခြေစိုက် (စကခ) ၂ လက်အောက်ခံ တပ်ရင်း ၇ ရင်းနှင့် သံချပ်ကာ ကား ၂၀ ကျော်ကို ပြီးခဲ့သည့် ဖေဖော်ဝါရီလဆန်းပိုင်းက တိုးချဲ့ချထားကြောင်း သိရသည်။

မိုင်းလား တပ်ဖွဲ့ အထူး ဒေသ (၄) အမျိုးသား ဒီမိုကရေစီမဟာမိတ် တပ်မတော် (NDAA) နှင့် “ဝ” ပြည် သွေးစည်း ညီညွတ်ရေး တပ်မတော် (UWSA) တို့သည် စစ်အစိုးရ၏ နယ်ခြားစောင့်တပ် ဖွဲ့စည်းရေးကို လက်မခံဘဲ ငြင်းဆန်ထားသည်။

UWSA ငြိမ်းချမ်းရေး ယူပြီးနောက်တွင် လက်နက်ကိုင် အဖွဲ့ ၁ဝ ဖွဲ့ထက် မနည်း ငြိမ်းချမ်းရေးယူခဲ့ကြသည်။ ၁၉၈၉ မှ ၁၉၉၅ အတွင်း အပစ်အခတ်ရပ်စဲပြီး ငြိမ်းချမ်းရေးယူခဲ့သည့် တိုင်းရင်းသား လက်နက်ကိုင်အဖွဲ့ စုစုပေါင်း ၁၇ ဖွဲ့ ရှိသည်ဟု စစ်အစိုးရ၏ ထုတ်ပြန်ချက်များအရ သိရှိရသည်။

စစ်အစိုးရက အပစ်ရပ် တပ်ဖွဲ့များ နယ်ခြားစောင့်တပ် ပြောင်းလဲဖွဲ့စည်းရေးကို ၂၀၀၉ ခုနှစ် ဧပြီလကတည်းက စတင် အကောင်အထည် ဖော်ခဲ့သည်။

အပစ်အခတ် ရပ်စဲထားသော တိုင်းရင်းသား အဖွဲ့များက စစ်အစိုးရ ထိန်းချုပ်မှုအောက်တွင် နယ်ခြားစောင့် တပ်ဖွဲ့ရန် ငြင်းဆန်ကာ လက်ရှိ အခြေအနေအတိုင်း ဆက်လက် နေထိုင်ခွင့်ရရှိရန် ကြိုးပမ်းလျက်ရှိကြောင်း၊ ထိုသို့ ငြင်းဆန်မှုကြောင့် စစ်ရေးအရ တင်းမာမှုများ ပေါ်ပေါက်နေသည်။

နယ်ခြားစောင့်တပ် ၁၀၂၂ တပ်ရင်းနေရာ ဒေသခံပြည်သူများ လက်မခံကြ

http://www.naytthit.net/?

စောချစ်သူ ၊ ဗိုလ်မုတ်သုန် (ဓါတ်ပုံ .. ဧရာဝတီ မှ)

၂၀၁၀ ခုနှစ် သြဂုတ်လ ၁၈ ရက်နေ့ကစပြီး အပစ်ရပ် ဒီကေဘီအေ တပ်ဖွဲ့မှ နယ်ခြားစောင့်တပ်အဖြစ် ကူးပြောင်းခဲ့ရတဲ့ ကရင်ပြည်နယ်အတွင်းက တပ်ဖွဲ့တွေကို တပ်ရင်းနေရာတွေ သတ်မှတ်၊ တပ်ရင်းတည်းဆောက်ရေး လုပ်ငန်းတွေ အ တွက် ကုန်းကျစရိတ်တွေ ချပေးခဲ့ပါတယ်။ ကရင်ပြည်နယ်တွင်း နယ်ခြားစောင့်တပ်ဖွဲ့ထဲကမှ ဗိုလ်မုတ်သုန် ဦးဆောင်း တဲ့ နယ်ခြားစောင့်တပ် ၁၀၂၂ တပ်ရင်းနေရာချထားမှုကို ဒေသခံရွာသားတွေက လက်မခံနိုင်ပဲ ဖြစ်နေကြပါတယ်။

နအဖ တပ်ရင်း ၃၅၃ နဲ့ အပြင်ကွင်းကလေးကြားမှာရှိတဲ့ မင်းသမီးတောင်နေရာကို နယ်ခြားစောင်တပ်ရင် ၁၀၂၂ အ တွက် တပ်ရင်းတည်းဆောက်ရေးပြင်ဆင်နေချိန်မှာပဲ မတ်လ ၄ ရက်နေ့က ဒေသခံပြည်သူတွေက လက်မခံ ကန့်ကွက် တဲ့အတွက် သက်ဆိုင်ရာ ဒေသအကြီးအကဲတွေနဲ့ ပြန်ပြီ ညှိနှိုင်းနေရပါတယ်။

အခြေအနေကို အပြင်ကွင်းကလေးရွာသားတဦး ပြောပြတာက…

“သူတို့ နယ်ခြားစောင့်တပ်နေရာယူတာက ဘာပဲပြောပြော ကျနော်တို့ ရွာသားပိုင်မြေတွေပါ။ သူတို့ တပ်လာတည်တာ လည်း နစ်နာသူတွေအတွက် ဘာနစ်နာကြေးမှမရဘူး၊ တည်ဆောက်ရေးအတွက် ငွေတွေလဲ ရထားကြတာပဲ၊ နောက် တခုက သူတို့က ကျနော်တို့ ရွာသားတွေကြားထဲ လာနေရင် ဟို တောထဲက တိုက်နေတဲ့ အဖွဲ့တွေ ခဏခဏလာတိုက် ရင် ကျနော်တို့ ရွာသားတွေက ကြားထဲက ခံရအုံးမယ်၊ ကျနော်ကတော့ လက်မခံဘူး။ သူတို့က ရွာလူကြီးကိုလည်း ညှိ နေတယ် မရဘူး၊ ခု ကွင်းကလေး ဆရာတော်ကို ဝင်ညှိပေးဖို့ သူတို့သွားစည်းရုံးနေတယ်” လို့ ပြောပြသွားပါတယ်။

ကရင်ပြည်နယ်အတွင်း နယ်ခြားစောင့်တပ်ရင်းတွေကို ၁၀ ရင်းအထိ ဖွဲ့စည်းထားပြီး အင်အား ၂၀၀၀ လောက်ရှိပါတယ်။ တာဝန်ထမ်းဆောင်နေတဲ့ အနိမ့်ဆုံးအဆင့်ကို လုပ်ခလစာ ၃ သောင်ခွဲအထိ သတ်မှတ်ထားပါတယ်။ နယ်ခြားစောင့် တပ်ရင်း တရင်းကို တပ်ရင်းတည်းဆောက်ရေးအတွက် ကျပ်ငွေ သိန်း ၁၀၀၀ သတ်မှတ်ပေးထားတယ်လို့လဲ သိရှိရပါ တယ်။

နအဖတပ်မှ သံတောင်ကြီးမြို့နယ်ရှိ ရွာသားတဦးကို အကြောင်းမဲ့ သတ်ဖြတ်ခဲ့

မတ်လ ၃ရက်။ (ကေအိုင်စီ)

ပဲခူးတိုင်း အရှေ့ခြမ်းရှိ ကရင်ပြည်နယ်၊ သံတောင်ကြီးမြို့နယ်တွင် အခြေချလှုပ်ရှားလျှက်ရှိသည့် နအဖ စစ်တပ်မှ ပြီးခဲ့သော ဖေဖော်ဝါရီလကုန်ပိုင်းတွင် ဒေသခံရွာသားတဦးကို အကြောင်းမဲ့ သတ်ပစ်ခဲ့ကြောင်း ထိုဒေသမှလာ သည့်အရ သိရသည်။

ပြီးခဲသည့် ဖေဖော်ဝါရီလ ၂၆ရက်နေ့က သံတောင်မြို့နယ်တွင် အခြေချလှုပ်ရှားနေသည့် နအဖ စကခ (၇) လက်အောက်ခံ ခြေမြန်တပ်ရင်း- ခမရ (၄၂၆)မှ သဘါဖဲ့ရွာသားတစ်ဦးဖြစ်သူ စောမောင်ရွဲ (၄၈)နှစ်ကို ၄င်းတို့ တပ်စခန်း တည်ရှိရာ သံတောင်ကြီးမြို့(ဘုရင့်နောင်တပ်မြို့)တွင် ဖမ်းဆီးခေါ်ဆောင်သွားပြီး သတ်ပစ်လိုက်သည် ဟု ဒေသခံတဦးက ကေအိုင်စီကို ယနေ့တွင် ပြောဆိုသည်

။

သူက “ဒီဒေသမှာ လှုပ်ရှားတဲ့ နအဖတပ်တွေက ရွာသားတွေကို မထင်ရင် မထင်သလို ဖမ်းဆီးလိုက်၊ သတ် လိုက်တာပဲ။ ဘာကြောင်းအရာမှ မရှိဘူး။ ရွာသားတွေရဲ ပိုက်ဆံတွေကိုလည်းယူတယ်။ အကုန်ပြောရရင်တော့ ဓါးပြလည်းတိုက်တယ်။ လူလည်းသတ်တယ်ဗျာ။ အရင်ကလည်း အဲလိုမျိုး လုပ်တာပဲ။”ဟု ကေအိုင်စီကို ပြောသည်။

သဘါဖဲ့ကျေးရွာသည် သံတောင်ကြီးမြို့ (ဘုရင့်နောင်တပ်မြို့)၏ အရှေ့ဘက်တွင် တည်ရှိပြီး အကွာအဝေးအားဖြင့် ခြေလျှင်နဲ့ သွားလာလျှင် ၂နာရီကျော်သာ လျှောက်ရသည်ဟု သိရသည်။

လွန်ခဲ့သည့် ၂၀၁၀ခုနှစ်မှစ၍ ယခု ၂၀၁၁ခုနှစ်၊ မတ်လ ၃ရက်နေ့အထိ ကရင်ပြည်သူလူထုများ နေထိုင်သည့် သံတောင်၊ ထန်းတပင်မြို့နယ်နှင့် တောင်ငူဒေသများတွင် လှုပ်ရှားနေသည့် နအဖစစ်တပ်၏ ပစ်သတ်ခြင်း၊ သတ်ဖြတ်ခြင်းကြောင့် ဒေသခံရွာသား ၆ဦးထက်မနည်း သေဆုံးခဲ့ကြောင်း ကရင်အမျိုးသားအစည်းအရုံး (KNU)၊ တောင်ငူခရိုင်၏ မှတ်တမ်းအရသိရသည်။

အဆိုပါဒေသများတွင် နအဖ စစ်ကွပ်ကဲရေးဌာနချုပ် – စကခ (၇)နှင့် (၉) လက်အောက်ခံတပ်ရင်းများအပြင် အခြားတိုင်းတပ်ရင်းများလည်း လှုပ်ရှားလျှက်ရှိပြီး လက်ရှိအချိန်တွင် ၄င်းတို့ တပ်စခန်းများသို့ ရိက္ခာများ ပို့ဆောင်နေဆဲဖြစ်ပြီး ထို့ရိက္ခာများသွယ်ရန်အတွက် ဒေသခံရွာသူရွာသားများကို နေ့စဉ်လိုလို ခေါ်ယူခိုင်းစေသည့် အပြင် စစ်ကြောင်းများ သွားရာလမ်းများတွင်လည်း မိုင်းရှင်းလင်းရန်အတွက် ရွာသူရွာသားများကို ခေါ်ယူအသုံးပြု လျှက်ရှိကြောင်း တောင်ငူဒေသံများ၏ ပြောပြချက်အရ သိရသည်။

ကော့ကရိတ်မြို့ လူထုကို ဒီကေဘီအေ ဆက်ကြေးကောက်မယ်လို့ နအဖ က ဝါဒဖြန့်ခြိမ်းခြောက်

http://www.naytthit.net/

ဒီကေဘီအေ တပ်မှူးတွေ ဓါတ်ပုံနဲ့အတူ တွေ့ရင်အကြောင်းကြားပေဖို့ စကခ ၁၂ ဖုန်းနံပါတ်ပါတဲ့  ကြော်ငြာ စာတွေကို မတ်လ ၁ ရက်နေ့က ကော့ကရိတ်မြို့နေရာ အတော်များများမှာ ကပ်ထားတာတွေ့ရတယ်လို့ ကုန် သည်တွေထံမှတဆင့် ကြားသိရပါတယ်။

ကော့ကရိတ်မြို့က ကပ်ထားတဲ့ စာတွေကို တွေ့ခဲ့တဲ့ ကုန်သည်တဦး ပြောပြတာကတော့ …

“ကျနော်တို့တွေ့ခဲ့တာ ကော့ကရိတ် ၇ ရပ်ကွက်မှာ၊ သူတို့ကပ်ထားတဲ့ပုံတွေက ပြန်တိုက်တဲ့ ဒီကေဘီအေအဖွဲ့ က ဗိုလ်မှူး ကျော်သက်နဲ့ ဗိုလ်မှူးဆန်းအောင် တို့ရဲ့ ပုံတွေပါ၊ ဒီနှစ်ယောက်ကိုတွေ့ရင် စကခ ၁၂ ကို အ ကြောင်းကြားဘို့ ဖုန်းနံပါတ် တခုလည်းပါ ပါတယ်။ ရေးထားတဲ့ စာတွေကတော့ဗျာ ဒီအဖွဲ့တွေဟာ ငတ်နေပြီ လူထုဆီက အတင်းခြိမ်းခြောက်ပြီး ဆက်ကြေးကောက်တာ လုပ်လိမ့်မယ် ဘာညာပေါ့နော်။ အဲဒီလောက်ပါပဲ” လို့ ပြောပြသွားပါတယ်။

ဒီအခြေအနေနဲ့ ပတ်သက်လို့ ဒီကေဘီအေ ဗိုလ်မှူးကျော်သက် ကို မေးမြန်ကြည့်တဲ့ အခါမှာတော့ ..

“အဲဒီလိုလုပ်တဲ့ သူတို့ ရည်ရွယ်ချက်က ကျနော်တို့ လူထုကို ကျနော်တို့နဲ့ မဆက်စပ်အောင် လုပ်တာပါ။ ကျနော်တို့ဘက်က ကိုယ့်လူထုကို ခြိမ်းခြောက်ဘို့ အနိုင်ကျင့်ဘို့ မလိုပါဘူး။ ကျနော်တို့ လူထုက မထောက်ခံ ဘူ၊ လူထုကမချစ်ဘူး။ နအဖကို ထောက်ခံတယ်ဆိုရင် ကျနော်တို့ တော်လှန်ရေး နှစ်ပေါင်း ၆၀ ကျော် ဘယ်လို လုပ်ရပ်တည်နိုင်မှာတုန်း။ နအဖ စစ်အပ်စုကသာ လူထုကို တလျောက်လုံး အနိုင်ကျင့်လာခဲ့တာဖြစ်လို့ လူထု ထောက်ခံတာတို့ လူထုကချစ်တာတို့ ဘယ်တုန်းကမှာ ခံစားဘူးခဲ့တာ မဟုတ်ဘူး။ ကျနော်တို့ မာနယ်ပလော တိုက်ပွဲတုန်းက တပ်ပျက်ပြီး သံလွင်မြစ်ထဲမှာ ကစဉ့်ကလျားပြေးနေကြတဲ့ နဝတ တပ်တွေကို တွေ့ရာ လူထုက သုတ်သင်ချေမှုန်းလိုက်တာဖြစ်တယ်။ အခု သူတို့ ဓါတ်ပုံတွေနဲ့ စာကပ်တယ်ဆိုတာကလဲ လူထုအနေနဲ့ ကျနော်တို့ကို မကူညီအောင် နအဖ က လူထုကို ခြိမ်းခြောက်တာသာ ဖြစ်တယ်” လို့ ရှင်းပြသွားပါတယ်။

ဒီကေဘီအေနဲ့ နအဖတို့ တိုက်ပွဲတွေ စဖြစ်ခဲ့တဲ့ ၂၀၁၀ နိုဝင်ဘာ ၈ နေ့ မြဝတီမြို့ထဲ တိုက်ပွဲတုန်းကလည်း မြဝ တီမြို့က လူထုပိုင်ပစ္စည်းတွေကို ဒီကေဘီအေ တပ်ဖွဲ့တွေက လုယက်တာ၊ မီးရှို့တာ၊ ဖျက်ဆီးခဲ့တာတွေ မလုပ် ခဲ့တဲ့အပြင် မြို့တွင်းတိုက်ပွဲ ဖြစ်နေတဲ့ အချိန်မှာကိုပဲ လူထုတချို့က ဒီကေဘီအေ တပ်ဖွဲ့ဝင်တွေရဲ့ အခက်အခဲ တွေကိုတောင် ဝိုင်းဝန်းဖြေရှင်းပေးခဲ့တာတွေကို ဒေါနမြေက ဖြန့်ချိတဲ့ မြဝတီတိုက်ပွဲ မှတ်တမ်းရုပ်သံမှာ ဖေါ်ပြ ထားတာတွေ့ရှိခဲ့ရပါတယ်။

စစ်အစိုးရတပ်က ဖာပွန်ခရိုင်အတွင်းရှိကျေးရွာကို လက်နက်ကြီးဖြင့် ပစ်ခတ်

ဒီကေဘီအေ ဗိုလ်မှူးချုပ် စောလားဘွယ်ရဲ့ လတ်တလော နိုင်ငံရေးအမြင် သဘောထားများ

http://soneseayar.blogspot.com

နယ်ခြားစောင့်တပ်အပေါ် ဗိုလ်မှူးချုပ်စောလားဘွယ် သဘောထား

အမှန်တကယ်တော့ DKBA နဲ့ BGF က အတူတူဘဲ၊ သဘောတား တခုထဲဘဲ။ ဒီ နအဖ ရဲ့ သွေးခွဲတဲ့ မက်လုံးနဲ့ တဖက်က မိသားစု အခက်အခဲ၊ စားဝတ်နေရေး အခက်အခဲတွေကြောင့် ဖြစ်ရတာ။ BGF ဖြစ်သွားတဲ့ ကျနော်တို့ ရဲဘော်တွေ အပေါ်မှာ ကျနော်နားလည်တယ်။ ကျနော့် ရဲဘော်ရဲဘက်တွေလိုဘဲ သဘောထားပါတယ်။ အခြေအနေ တခုကြောင့်သာ သူတို့လုပ်ရတာ ဖြစ်ပါတယ်။ တချိန်မှာ ကျနော်တို့အားလုံး ပြန်လည် ပေါင်းစည်နိုင်ကြမှာပါ။

BGF လုပ်လိုက်ရင် ဘာဖြစ်မလဲ၊

ကျနော်တို့ တိုင်းရင်းသားတွေက နအဖ လုပ်ခိုင်းတဲ့ BGF လုပ်လိုက်ရင် ကျနော်တို့ရဲ့ တိုင်းရင်းသား လက်ခဏာတွေ ပျောက်ကုန်မယ်။ ကရင်ဆိုရင် ကရင့်အမျိုးသား လက္ခဏာ ပျောက်သွားမယ်။ ဥက္ကဌ ကြီးစောဘဦးကြီးမူ (၄) ချက်လည်း ပျောက်သွားမယ်။ အဲဒီလိုဘဲ မွန်၊ ကချင်၊ ရှမ်း သူတို့ လုပ်ရင် သူတို့ရဲ့ အမျိုးသားရေး လက္ခဏာ ပျောက်သွားမယ်။

နအဖ တပ်မှူးတပ်သားများအပေါ် သဘောထား

ဒီ နအဖ တပ်မှူး တပ်သားတွေအပေါ်မှာလည်း ကျနော်နားလည်တယ်။ မေတ္တာ ထားတယ်။ ကျနော့်ညီအကို မောင်နှမသားချင်းတွေလို သဘောထားတယ်။ အထက်က သူတို့ ခေါင်းဆောင်တွေခိုင်းလို့ လုပ်ရတာဆိုတာ ကျနော်သိတယ်။ ကျနော်တို့ မတိုက်ချင်ဘူး။ ကျနော်တို့ကို လာတိုက်လို့ ကျနော်တို့ ခုခံကာကွယ်နေရတာပါ။

နယ်စပ်မှာရှိတဲ့ လက်နက်ကိုင် တိုင်းရင်းသားအဖွဲ့များ

ကျနော်တို့ နယ်စပ်တလျှောက်မှာရှိတဲ့ လက်နက်ကိုင် တိုင်းရင်းသား အဖွဲ့အစည်းတွေကလည်း စည်းလုံး ညီညွတ်ရမယ်။ တဖွဲ့ကိုထိရင် ကျန်တဲ့အဖွဲ့တွေက ဒါ ငါနဲ့မဆိုင်ဘူး၊ ငါ့ကို လာတိုက်တာ မဟုတ်ဘူး၊ အဲ့ဒီလို နေလို့ မရဘူး။ တဖွဲ့ကိုထိတာနဲ့ ကျန်တဲ့ တိုင်းရင်းသား အဖွဲ့အစည်းတွေကလည်း စစ်ရေးအရရော၊ နိုင်ငံရေးအရပါ ဝိုင်းတိုက်ရမယ်။ ဒါမှ ကျနော်တို့လိုချင်တဲ့ ဒီမိုကရေစီရမယ်။ ဥပမာပြောရရင် ကျွဲတကောင်ကို တယောက်ထဲ သယ်လို့ မရဘူး။ တပိုင်းစီ ခုတ်ထစ်ပြီး ဝိုင်းသယ်မှရမယ်။ အဲ့ဒီလိုဘဲ ဒီမိုကရေစီကို ဒေါ်အောင်ဆန်းစုကြည် တယောက်ထဲ၊ ကျနော်တို့ တိုင်းရင်းသားတဖွဲ့ထဲ လုပ်လို့မရဘူး။ တိုင်းရင်းသားတွေအားလုံး ညီညီညွတ်ညွတ်နဲ့ စုပေါင်းပြီး ဝိုင်းလုပ်ကြမှရမှာပါ။

မြဝတီ ကော့ကရိတ်ကားလမ်းဘေးက ရွာတရွာကို နအဖ က လက်နက်ကြီးတွေနဲ့ တိုက်ခိုက်

http://www.naytthit.net/

ဒီကေဘီအေတပ်ဖွဲ့တွေက မြဝတီမြို့နယ်နဲ့ ကော့ကရိတ်မြို့နယ်ကြားက ကားလမ်းတလျှောက်ရှိတဲ့ နအဖ တပ်စခန်း တွေကို မကြာခဏ စစ်ဆင်တိုက်ခိုက်ခဲ့ပြီး၊ ဒီကားလမ်းပေါ်မှာ အရပ်သားပြည်သူတွေ ထိခိုက်မှုမရှိစေဖို့အတွက် ပြည်သူလူထုအနေနဲ့ ကားလမ်းအသုံးပြုတာကိုလည်း ဒီကေဘီအေ ဘက်က ပိတ်ပင်တားမြစ်ခဲ့ထားပါတယ်။ နအဖတပ် ဖွဲ့တွေဘက်ကလည်း ဒီကားလမ်းပေါ်မှာ စစ်ဆင်တိုက်ခိုက်နေတဲ့ ဒီကေဘီအေ တပ်ဖွဲ့တွေကို ရှင်းလင်းမယ်ဆိုတဲ့ သ တင်းတွေ ထွက်ပေါ်ခဲ့ပြီး ဒီအေဘီအေ ခိုအောင်းနိုင်မယ့် တောတောင်တွေ ရွာတွေကို လက်နက်ကြီးတွေနဲ့ ပစ်ခတ်ရှင်း လင်းလျက်ရှိပါတယ်။

မနေ့က ညနေ ၄ နာရီမှာ စကခ ၁၂ လက်အောက်ခံ ၅၄၅ တပ်ရင်းက ကော့ကရိတ်မြို့နယ်အနီး တောင်းသုံးလုံးနားက ကောင်းမှုရွာထဲကို လက်နက်ကြီး အလုံး ၄၀ ကျော် ပစ်ထဲ့ခဲ့တယ်လို့ ကြားသိရပါတယ်။

နအဖ တပ်တွေက ကောင်းမှုရွာထဲကို လက်နက်ကြီးတွေနဲ့ ပစ်ခတ်ခဲ့တာနဲ့ ပတ်သက်ပြီး ဒီကေဘီအေ ကလိုထူးဘော စစ်ဗျူဟာမှ ဗိုလ်မှူးကျော်သက် ပြောပြတာက …

“မနေ့ညနေက သူတို့ ကောင်းမှုရွာထဲကို လက်နက်ကြီးတွေနဲ့ ဆက်တိုက်ပစ်ထဲ့တယ်။ ဒီရွာတွေမှာ ကျနော်တို့ တပ်ဖွဲ့တွေ ရှိတယ်ထင်ပြီးပစ်တာ၊ နောက်ဆို ဒီကားလမ်းလုံခြုံရေးအတွက်ဆိုပြီး ကားလမ်းနားက ရွာတွေကိုတောင် အတင်းပြောင်း ရွှေ့ခိုင်းနိုင်တယ်။ သူတို့ဘက်က အားကြီးတယ်ဆိုပြီး လုပ်ချင်သလုပ် ဖြေရှင်းချင်သလို ဖြေရှင်းလို့ကတော့ နအဖ ဟာ သူတို့ရွေးချယ်တဲ့ လမ်းကိုပဲ သူတို့ လျှောက်ရလိမ့်မယ်” လို့ ပြောပြသွားပါတယ်။

ဒီကေဘီအေတပ်ဖွဲ့တွေနဲ့ နအဖ တပ်တွေဟာ ၂၀၁၀ ရွေးကောက်ပွဲကျင်းပတဲ့ နေ့မှာပဲ နှစ်ဘက်တင်းမာမှုတွေ ဖြစ်ခဲ့ပြီး အပစ်ခတ်ရပ်စဲရေးတွေ ပျက်ပြားခဲ့ရတယ်။ အပစ်ရပ်အဖွဲ့တွေကို နယ်ခြားစောင့်တပ်ဖွဲ့ လုပ်ခိုင်းတာ လက်မခံဘူး။ ၂၀၁၀ ရွေးကောက်ပွဲကို လက်မခံဘူး စတဲ့အချက်တွေနဲ့ ဒီကေဘီကဘက်က ပြန်လည်တော်လှန်တိုက်ပွဲဝင်ခဲ့တာလို့ သိရှိရပါ တယ်။

ဝေါ်လေအနီး နအဖ ကားလမ်းလုံခြုံရေးတပ်တွေ တိုက်ခိုက်ခံရ

နေ့သစ်


ဖေဖော်ရီလ ၂၃ ရက်နေ့ကစလို့ မြဝတီနဲ့ ပတ်ဝန်းကျင်ဒေသတွေဖြစ်တဲ့ ကော့ကရိတ် ကုက္ကိုနေရာတွေမှာ ဒီကေဘီအေ ဘက်က ဝင်ရောက် စစ်ဆင်တိုက်ခိုက်မယ်ဆိုတဲ့ သတင်းတွေအရ စစ်တပ်လုံးခြုံရေးတွေ ထူထပ်စွာချထားခဲ့ရတယ်။ အဲဒီရက်ထဲမှာပဲ နအဖ ဘက်က ထောက်ပို့ကားတန်းတွေ မြဝတီကို ရောက်ရှိလာကာ ဖလူးနဲ့ ဝေါ်လေဘက်ကို ဆက် သွားမယ်လို့လည်း သတင်းတွေ ရရှိခဲ့ပြီး။ ဒီကနေ့မှာ ဝေါ်လေဘက်ကိုတက်မယ့် နအဖ စစ်ကားတန်းကို လုံခြုံရေးယူ ထားတဲ့ တပ်တွေကို ဒီကေဘီ နဲ့ ကေအန်ယူ ပူးပေါင်းတပ်ဖွဲ့တွေက ကနဲ့လေးနဲ့ ဘလဲ့ဒို့ ဘက်မှာ တိုက်ခိုက်ခဲ့တယ်လို့ ကြားသိရပါတယ်။

နအဖ တပ်မ ၂၂ လက်အောက်ခံတပ်တွေကို ဒီကနေ့ နေ့လည်ပိုင်းက ဝေါ်လေအနီးက ကနဲလေးနေရာမှာ ဒီကေဘီအေ နဲ့ ကေအန်ယူပူးပေါင်းတပ်ဖွဲ့တွေက တိုက်ခိုက်လိုက်တာ ဖြစ်ပါတယ်။ ဒီထိတွေမှုမှာ နအဖ ဘက်က ၄ ယောက် သေပြီး ၁၀ ယောက် ဒဏ်ရာရတယ် လို့ သိရပြီး၊ ဘလဲ့ဒို့ ဘက်မှာတော့ နအဖ ဘက်က ၂ ယောက်သေ၊ ၄ ယောက်ဒဏ်ရာရ တယ်လို့ သိရှိရပါတယ်။

ဒီကေဘီအေ တပ်မဟာ ၅ စစ်ဆင်းရေးမှူး ဗိုလ်မှူးဆန်းအောင် ပြောပြတာက …

“ဟုတ်ကဲ့ ဒီနေ့နေ့လည် ကနဲ့လေမှာ ဖြစ်တယ်။ သူတို့ဘက်က ရိက္ခာနဲ့ စစ်သားတွေသယ်လာတဲ့ ကားတန်းတွေအတွက် လုံခြုံးရေးလမ်းကင်းကို တိုက်လိုက်တာဖြစ်တယ်။ သူတို့ဘက်က ၄ ယောက်သေပြီး ၁၀ ယောက် ဒဏ်ရာရတယ်။ အခု ဒီရက် ပိုင်းထဲမှ တက်လာတဲ့ နအဖ ကားတန်းတွေက ရိက္ခာတွေအပြင် ချူကလီးနေရာမှာ မြို့တည်ဖို့လိုအပ်တဲ့ ပစ္စည်း တွေပါ ပါ နိုင်တယ်။ ဒီနေ့လည်က တိုက်ပွဲဖြစ်တဲ့နေရာမှာ မိုးတွေလည်း တအားရွာနေတယ်၊ ဒီနေ့ တနေ့ထဲပဲ ဝေါ်လေ အနီးက ဘလဲဒို့ မှာလည်း ဒီကေဘီအေဘက်က ပြောက်ကျားစစ်ဆင်ခဲ့တဲ့အတွက် နအဖ ဘက်က ၂ ယောက်သေပြီး လေးယောက် ဒဏ်ရာရတယ်” လို့ ပြောပြသွားပါတယ်။

နအဖ အနဲ့နဲ့ ဝေါ်လေအနီးက ချူကလီးနေရာမှာ မြဝတီမြို့နယ်ခွဲတခု တည်ဖို့အတွက်ပြင်နေတယ်ဆိုတာ ကြားသိရပြီး လုံခြုံရေအတွက် ရဲတပ်ဖွဲ့အင်အား ၁၀၀ နဲ့ မြို့နယ်အုပ်ချုပ်ရေးဝန်ထမ်း၊ အထွေးထွေရုံဝန်ထမ်းတွေ ဆောက်လုပ်ရေး ဝန်ထမ်းတွေကို တာဝန်သတ်မှတ်ပြီးဖြစ်တယ်လို့လဲ သိရှိရပြီး အရပ်သားဝန်ထမ်းတွေ အနေနဲ့ အခု မြို့တည်မယ့် နေရာ အခြေအနေကို ကြိုတင်စုံစမ်းတာတွေလုပ်နေပြီး သွားရောက်တာဝန်ထမ်းဆောင်ရမှာ အထူးစိုးရိမ်နေတယ်လို့လဲ ကြား သိရပါတယ်

ပြည်တွင်းစစ် ရပ်ဆိုင်းရန် KNU တောင်းဆို

နယူးဒေလီ (မဇ္ဈိမ)။ ။ ပြည်တွင်းစစ်ပွဲများ ရပ်ဆိုင်းပြီး အမျိုးသားပြန်လည်သင့်မြတ်ရေးအတွက် အားလုံးပါဝင်သည့် တွေ့ဆုံဆွေးနွေးပွဲ ဖြစ်ပေါ်လာစေရန် စစ်အစိုးရကို နိုင်ငံတကာက ဖိအားပေးရန် ကရင်အမျိုးသားအစည်းအရုံး KNU က တောင်းဆိုလိုက်သည်။

တိုင်းရင်းသားဒေသများတွင် စစ်အစိုးရတပ်များ၏ ထိုးစစ်ဆင်တိုက်ခိုက်မှုများကြောင့် ဒေသခံလူထု ထိခိုက်နေရပြီး၊ တွေ့ဆုံဆွေးနွေးရေးဖြင့်သာ နိုင်ငံရေးပြဿနာများကို ဖြေရှင်းနိုင်လိမ့်မည်ဟု ယုံကြည်သောကြောင့် ယခုတပတ် ကြာသပတေးနေ့တွင် ကြေညာချက်ထုတ်ကာ တောင်းဆိုလိုက်ခြင်း ဖြစ်သည်။

“စစ်တပ်က လူထုတွေကိုသုံးပြီး အမျိုးမျိုး အနိုင်ကျင့်တယ်။ ဒါကိုဆက်လုပ်မယ်ဆိုရင် တိုင်းရင်းသားတွေက ဒီ့ထက် ပိုပြီး ခံစားနေရမှာ။ အဲဒါကြောင့် နိုင်ငံတကာက နအဖကို အားလုံးပါဝင်တဲ့ တွေ့ဆုံဆွေးနွေးရေး ဖြစ်လာဖို့၊ ဖိအားပေးဖို့ ကျမတို့က တောင်းဆိုတာ” ဟု KNU အထွေထွေအတွင်းရေးမှူး နော်စီဖိုးရာစိန်က မဇ္ဈိမကို ပြောသည်။

သုံးပွင့်ဆိုင်ဆွေးနွေးရေးအတွက် KNU နှင့် အခြားတိုင်းရင်းသား လက်နက်ကိုင်အဖွဲ့များက အဆင့်သင့်ရှိနေကြောင်း ကြေညာချက်က ဆိုသည်။ ထို့ပြင် KNU ၏ လက်နက်ကြီးများဖြင့် ပစ်ခတ်မှုကြောင့် အပြစ်မဲ့ပြည်သူများ ထိခိုက်သေဆုံးနေကြောင်း စစ်အစိုးရအာဘော် သတင်းစာများတွင် ဖော်ပြလေ့ရှိပြီး၊ ၎င်းဖော်ပြချက်မှာ အခြေအမြစ် မရှိသည့် စွပ်စွဲချက်များဟုလည်း ကြေညာချက်ထဲတွင် ငြင်းဆိုထားသည်။

စစ်အစိုးတပ်များကသာ အရပ်သားများကို လူသားမိုင်းရှင်းကိရိယာအဖြစ် အသုံးပြုခြင်း၊ ရှေ့တန်းစစ်ဆင်ရေးများတွင် ဒေသခံပြည်သူများကို ရိက္ခာသယ်ရန် ပေါ်တာဆွဲခြင်းများကို ပြုလုပ်လျက်ရှိသည်ဟု နော်စီဖိုးရာစိန်က မဇ္ဈိမကို ပြောသည်။

နအဖ တပ်များကသာ အရပ်သားများကို ပစ်ခတ်မှုကိုခွင့်ပြုထားပြီး စစ်ဆင်ရေးများတွင် ဒေသခံများကို ရိက္ခာသယ်ရန် ပေါ်တာစွဲခြင်း၊ လူသားမိုင်းရှင်းကိရိယာအဖြစ် အသုံးပြုခြင်းများ ရှိကြောင်းနှင့် KNU အနေဖြင့် တွေ့ဆုံဆွေးနွေးရေးကို တောင်းဆိုနေသော်လည်း စစ်အစိုးရက စစ်ရေးဖြင့် ဖိအားပေးလာလျှင် တိုင်းရင်းသား လက်နက်ကိုင်များပူးပေါင်းကာ ပြန်လည်ကာကွယ်သွားမည်ဟု ဆိုသည်။

KNU သည် နှစ်ပေါင်း ၆၀ ကျော်ကြာအောင် ကိုယ်ပိုင်ပြဋ္ဌာန်းခွင့်အတွက် တောင်းဆိုခဲ့ပြီိး ထိုင်း-မြန်မာနယ်စပ်တွင် ခြေကုပ်ယူလှုပ်ရှားသည့် တိုင်းရင်းသားလက်နက်ကိုင်အဖွဲ့ ဖြစ်သည်။

ပြည်သူများကို ငဲ့ကွက်ခြင်းမရှိသည့် စစ်အစိုးရ၏ သဘောထားတင်းမာမှုကြောင့်သာ တွေ့ဆုံဆွေးနွေးရေးမှာ ခက်ခဲနေဆဲဖြစ်သည်ဟု တရုတ်အခြေစိုက် စစ်ရေးအကဲခတ် ဦးအောင်ကျော်ဇောက သုံးသပ်သည်။

“လူ့အခွင့်အရေး တစက်မှ နားမလည်တဲ့၊ လူမျိုးရေးစိတ်နဲ့ ဖြေရှင်းနေတဲ့ စစ်တပ်နဲ့ ငြိမ်းချမ်းရေးရဖို့ဆိုတာ နိုင်ငံတကာ ဖိအားမပါဘဲ မရနိုင်ဘူး။ ပြည်တွင်းစစ်အကြောင်းပြပြီး စစ်တပ်ကြီးကြီး ထောင်ထားမယ်၊ စစ်တပ်ကြီးကြီးနဲ့ တိုင်းပြည်ကို လုပ်ချင်သလို လုပ်မယ်။ ဒါ့ကြောင့် သူတို့က ပြည်တွင်းစစ်ကို မရပ်စဲချင်ဘူး။ သူတို့သဘောနဲ့ သူတို့တော့ စားပွဲဝိုင်းကို လာမှာမဟုတ်ဘူး” ဟု မဇ္ဈိမကို သုံးသပ်သည်။

အမျိုးသားပြန်လည်သင့်မြတ်ရေးအတွက် အတိုက်အခံပါတီများ၊ တိုင်းရင်းသားလက်နက်ကိုင် အဖွဲ့များနှင့် တွေ့ဆုံဆွေးနွေးရန် စစ်အစိုးရကို ကုလသမဂ္ဂနှင့် နိုင်ငံတကာ အဖွဲ့အစည်းများမှ တောင်းဆိုနေကြသော်လည်း ယနေ့အထိ အကောင်အထည်ဖော်ခြင်း မရှိပေ။

နှစ်ပေါင်း ၂၀ ကျော်အပြီး ထွက်ပေါ်လာသည့် လွှတ်တော်က တင်မြှောက်သည့် သမ္မတထွက်ပေါ်လာချိန်ကလည်း ကုလအထွေထွေအတွင်းရေးမှူး ဘန်ကီမွန်းက အမျိုးသားပြန်လည်သင့်မြတ်ရေးအတွက် အားလုံးပါဝင်သည့် တွေ့ဆုံဆွေးနွေးပွဲ ပြုလုပ်ရန် ယခုလ ၄ ရက်နေ့တွင် စစ်အစိုးရကို ထပ်မံတောင်းဆိုခဲ့သေးသည်။

စစ်အစိုးရက ပြီးခဲ့သည့်နှစ် မေလမှစ၍ ငြိမ်းချမ်းရေးယူထားသည့် အပစ်ရပ်အဖွဲ့များကို စစ်တပ်လက်အောက်ခံ နယ်ခြားစောင့်တပ်အဖြစ် အသွင်ပြောင်းလဲရန်အတွက် ဖိအားပေးခဲ့သည့်နောက်ပိုင်း အစိုးရနှင့် တိုင်းရင်းသား လက်နက်ကိုင် အဖွဲ့များအကြား သဘောထားတင်းမာမှု ဖြစ်ပေါ်ခဲ့သည်။

“၀”ပြည် သွေးစည်းညီညွတ်ရေးတပ်မတော် UWSA၊ ကချင်လွတ်မြောက်ရေးအဖွဲ့ KIO၊ မွန်ပြည်သစ်ပါတီ NMSP၊ ရှမ်းပြည်တပ်မတော်တောင်ပိုင်း SSA-S၊ မိုင်းလား ခေါ် အမျိုးသားဒီမိုကရေစီ မဟမိတ်အဖွဲ့ NDAA တို့က နယ်ခြားစောင့်တပ် ဖွဲ့စည်းရေးအတွက် ငြင်းဆန်ထားကြသည်။

ပြီးခဲ့သည့်နှစ် နိုဝင်ဘာလ ရွေးကောက်ပွဲနောက်ပိုင်း ထိုင်း-မြန်မာနယ်စပ်တလျှောက်တွင် စစ်အစိုးရတပ်များနှင့် ကရင် တိုင်းရင်းသားလက်နက်ကိုင်အဖွဲ့များအကြား နေ့စဉ်နီးပါး တိုက်ပွဲများ ဖြစ်ပေါ်ခဲ့သည်။

တိုင်းရင်းသားလက်နက်ကိုင်အဖွဲ့များက တွေ့ဆုံဆွေးနွေးရေးအတွက် တဖက်တွင် တောင်းဆိုနေသော်လည်း စစ်အစိုးရက စစ်ရေးဖြင့် ဖိအားပေးလာပါက ကာကွယ်ရန်အတွက် တိုင်းရင်းသားအဖွဲ့ ၁၂ ဖွဲ့ ပါဝင်သည့် “ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ” (United Nationalities Federal Council-Union of Burma) ကို ယခုလ ၁၇ ရက်နေ့တွင် ဖွဲ့စည်းခဲ့သေးသည်။

ထိုင်း-မြန်မာနယ်စပ်တွင် ဖွဲ့စည်းသည့် အဆိုပါကောင်စီတွင် အပစ်မရပ်နှင့် အပစ်ရပ် အဖွဲ့များသာမက ပြည်ပအခြေစိုက် တိုင်းရင်းသား အဖွဲ့အစည်းအချို့လည်း ပါရှိသည်။