ကရင်ဒုက္ခသည်သစ် ၃၀၀ အရေးပေါ် အကူညီလိုအပ်

သရက်တပင်စခန်းတိုက်ပွဲ နအဖဘက် အထိနာ

ဖလူးစစ်ဒေသမှာ အကျဉ်းသားပေါ်တာတွေ ထိုင်းနိုင်ငံဘက် ထွက်ပြေး

http://www.naytthit.net

ph by - http://www.operationbrokensilence.org

မနေ့ည ၁၀ နာရီဝန်ကျင်လောက်မှာ ဖလူးစစ်ဒေသက နအဖ ဘက်က ခေါ်လာတဲ့ အကျဉ်းသားပေါ်တာ တွေ အစုလိုက်ထွက်ပြေးပြီး ထိုင်းနိုင်ငံဘက်ကို ဖြတ်ကူးလာတယ်လို့ သိရှိရပါတယ်။

ဒီကေဘီအေတပ်ဖွဲ့တွေကို ထိုးစစ်ဆင်ရာမှာ လူသားမိုင်းရှင်းကရိယာ၊ အထမ်းသမားအဖြစ်နဲ့သုံးဘို့ နအဖ စစ်တပ်တွေ မြန်မာပြည်အနယ်အနယ်အရပ်ရပ်မှာရှိတဲ့ အကျဉ်းထောင်တွေက အကျဉ်းသားတွေကို စစ်မြေပြင်မှာ အသုံးပြုဖို့ ခေါ်လာခဲ့ကြောင်း တွေမြင်ခဲ့ရတဲ့ ရွာသားတွေ ထွက်ပြေးလွတ်မြောက်လာတဲ့ အ ကျဉ်းသား အထမ်သမားတွေ ပြောပြချက်အရ သိရှိခဲ့ရပါတယ်။ မနေ့ကတော့ ဖလူးစစ်ဒေသ နအဖ စစ် ကြောင်းက အကျဉ်းသားအထမ်းသမားတစုဟာ ည ၁၀ နာရီလောက်မှာ သောင်ရင်းမြစ်ကိုဖြတ်ကူးပြီး ထိုင်းနိုင်ငံထဲကို ထွက်ပြေးရောက်ရှိခဲ့တယ်။

အကျဉ်းသားအထမ်းသမားတွေ သောင်ရင်းမြစ်ထဲ ခုန်ချ ထွက်ပြေးတာကို နအဖ တပ်တွေက နောက်ကနေ သေနတ်နဲ့ လိုက်လံပစ်ခတ်တဲ့အတွက် ထိုင်းနိုင်ငံဘက်ထွက်ပြေးလာသူထဲကတဦးရဲ့ လက်ကို ကျည်ဆံ ထိမှန်ခဲ့ပါတယ်။

ကျည်ဆံထိမှန်ခဲ့သူဟာ မိတ္ထီလာထောင်က အကျဉ်းသား မောင်ထွန်း ဖြစ်ပါတယ်။ မိုးလင်းတော့ ဒဏ်ရာရရှိလာတာကို ထိုင်းနိုင်ငံသား တောင်ယာသမားတွေ တွေ့ရှိပြီး မဲဆောက်ဆေးရုံးကို ပို့ပေးခဲ့တာဖြစ်ပါတယ်။ သူ့ကို ဆေးရုံ မှာ စောင့်ဘို့အတွက် ကိုသက်နိုင် ဆိုသူလည်း ပါလာခဲ့ပါတယ်။ ကိုသက်နိုင် ကိုလည်း အကျဉ်းသား ပေါ်တာအဖြစ် မိတ္ထီလာထောင်က ခေါ်လာတာပဲ ဖြစ်ပါတယ်။

ဖြစ်ပျက်ခဲ့တဲ့ အခြေအနေအားလုံးကို ကိုမောင်ထွန်းက ခုလိုပြေပါတယ်…

“ကျနော်တို့ကို ထမ်းစရာမှန်သမျှအကုန်ပေးထမ်းတယ်။ ရဲဘော်တွေက သေနတ်နဲ့ ကီကွေးမင်းလောက်ပဲ ပါတယ် ကျန်တာ ကျနော်တို့ အကုန်ထမ်းရတယ်။ လက်နက်ကြီး ဗုံးသီးတွေဆိုလည်း ၁၅ လုံးထိ ပေးထမ်း တယ်။ မထမ်းနိုင်ရင်လည်း ရိုက်သေးတယ်လေ။ မနေ့ညကတော့ ကျနော်တို့ ၁၀ ယောက် ၁၅ ယောက် လောက်ရှိမယ် ရေထဲခုန်ချပြီး ထွက်ပြေးတယ် ကျနော်က ထိုင်းဘက်ကမ်းပေါ်အတက်မှာ ထိတာ။ ထိထိချင် ပဲ ကျနော် ရေထဲ ပြန်ကျသွားတယ်။ ကျနော်နဲ့ ခု အတူပါလာတဲ့ ကိုသက်ခိုင် လာဆွဲခေါ်ရတယ် ကျနော်တို့ လည်း ကုန်းပေါ်ရောက်တာနဲ့ ဦးတည်ရာကိုပြေးကြတာပဲ ဘယ်သွားလို့ ဘယ်လာရမှန်းမှ မသိတာ။ တွေ့တဲ့ ကုန်းမြင့်မြင့်တွေပေါ် တက်ပြေးပုန်းကြတယ်လေ။ ပြန်မိသွားလည်းစိုးသေးတယ်။ ကျနော်တို့ မျက်စိရှေ့မှာ ထွက်ြေး လို့ ပြန်မိသွားတဲ့ ပေါ်တာတွေကို နှိပ်စက်တာ အခုလာတဲ့ စစ်ကြောင်းမှာ ကြုံခဲ့ရတယ် ဝါးရင်း တုတ်တွေ ဖွာထွက်အောင်ကို ရိုက်တာဗျာ ထွက်ပြေးရမလားဆိုပြီး။ အဲဒါတွေမြင်ထားတော့ ကျနော်တို့ လည်း ကြောက်လန့်တကြား ပြေးမိပြေးရာပြေးမိကြတာပေါ့။ မနက်လင်းတော့ ထိုင်းတောင်ယာသမားတ ယောက်နဲ့တွေ့တယ် သူက ပါလာတဲ ထမင်းကို ဒဏ်ရာရနေတဲ့ ကျနော့်ကိုကျွေးတယ်။ ပြီးတော့ ဒီဆေးရုံ ကြီးကို လိုက်ပို့တာတယ်။ ကျနော်တို့နဲ့အတူပြေးတဲ့ အဖေါ်တွေလည်း ဘယ်တွေ ရောက်ကုန်တယ်မသိ တော့ပါဘူး ပြေးတာကလည်း ညဘက်ကြီးလေ”

လို့ ကိုမောင်ထွန်း က ပြောပြပါတယ်။

ဆက်ပြီးတော့ ကိုမောင်ထွန်းက သူမှာ ထောင်ထဲမဝင်ခင်က အိမ်ထောင်ရှိတဲ့အကြောင်း မသင်္ကာမှုနဲ့ ထောင်ကျခဲ့တယ် ပြီးတော့ နေစေ့လစေ့ ကိုယ်ဝန်နဲ့ မိန်းမလည်း ရှိနေသေးတဲ့အကြောင်းနဲ့ ရှေ့တန်းကို အပို့ မခံရရေးအတွက် ထောင်မှူးကို ငွေတသိန်းပေးခဲ့ရပြီး ခုလို အကျဉ်းသားပေါ်တာအဖြစ် စစ်မျက်နှာကို အပို့ ခံခဲ့ရပုံတွေကိုလည်း တဆက်တည်းပြောပြသွားပါတယ်။

အောက်ဗိုလ်တဲနဲ့ ချောက်ကမ်းပါးကြား နအဖ စစ်တပ်ယာဉ်တန်းကို ဒီကေဘီကေ တိုက်ခိုက်

http://www.naytthit.net

ဒီကနေ့ အောက်ဗိုလ်တဲနဲ့ ချောက်ကမ်းပါးကြားမှာ နအဖဘက်က စစ်ကူတက်လာတဲ့ စစ်ယာဉ်တန်းကို ဒီကေဘီကေဘက်မှ တိုက်ခိုက်တဲ့အတွက် စစ်ကားတစီး ချောက်ထဲထိုးကျသွားတယ်လို့ ကြားသိရပါတယ်။

စစ်ယာဉ်တန်းတွေဟာ ဖလူးစစ်သေသအတွက် စစ်ကူလိုက်လာတဲ့ စစ်ကားတွေဖြစ်ပြီး ချောက်ထဲထိုးကျ သွားတဲ့ စစ်ကားထဲမှာ နအဖ စစ်သား ၂၀ လောက်ပါသွားတယ်လိုလဲ သိရှိရပါတယ်။

ဒီတိုက်ခိုက်မှုနဲ့ပတ်သက်ပြီ မြဝတီမြို့ခံတွေကို မေးမြန်ကြည့်ရာ စစ်ယဉ်တန်းကို မိုင်းခွဲတိုက်ခိုက်တာတော့ ကြားသိရတယ်လို့ ပြန်ပြောပြပါတယ်။ အခြားအသေးစိတ်တွေတော့ သူတို့မသိဘူးလို့လဲ ပြောပါတယ်။

ဒီနေ့ထိ ဖလူးစစ်ဒေသနဲ့ ဝေါ်လေစစ်ဒေသတို့မှာ လက်နက်ကြီးများနဲ့ ပစ်ခတ်တိုက်ခိုက်မှုတွေ အမြဲလိုလိုရှိ နေပြီး ဒီနေ့ နေ့လည်မှာ ဖလူးဘက်ကနေ လေးဒေးစခန်းဘက်ကို လက်နက်ကြီးတွေနဲ့ ပစ်ခတ်တိုက်ခိုက်မှု တွေ ရှိခဲ့ပါတယ်။

တဆက်တည်းမှာပဲ ဒီကေဘီအေ ဗိုလ်မှူးမူဆေး ဦးဆောင်တဲ့ တပ်ဖွဲ့တွေနဲ့ ကေအန်ယူ တပ်ရင်း ၁၈ တို့ ပူးပေါင်းအင်အားဟာ ကော့ကရိတ်မြို့နယ် လမ်းဖါးရွာအနီးမှာ စကခ ၅ လက်အောက်ခံတပ်တွေကို ဝင် ရောက် တိုက်ခိုက်ခဲ့ပါတယ်။ ကျိုက်ဒုံမြို့နယ် ရှိုထရွာအနီးမှာလည်း ဒီကေဘီအေ ဗိုလ်မောင်ပိန်နဲ့ ဗိုလ်ပိဒါး ဦးဆောင်တဲ့ တပ်ဖွဲ့တွေနဲ့ နအဖ တပ်တွေ တိုက်ပွဲတွေ ဖြစ်ခဲ့ပါတယ်။ ဝေါ်လေဘက်မှာတော့ နအဖ ဘက်က ဒဏ်ရာရ စစ်သား ၆ ဦးကို ထိုင်းနိုင်ငံကိုဖြတ်ပြီး မြဝတီဘက်ကို သယ်သွားတယ်လို့ ကြားသိခဲ့ရပါတယ်။

နအဖ ဘီအီးတပ်ကား ၂ စင်းကို ကရင်ပြောက်ကျားများတိုက်ခိုက်

အကျဉ်းသားပေါ်တာ ၄ဦး ထပ်မံ လွတ်မြောက်လာ

ဇန်န၀ါရီလ ၁၄ရက်။ စောခါးစူးညား (ကေအိုင်စီ)

ကရင်ပြည်နယ် KNU တပ်မဟာ(၇)အတွင်း ၀င်ရောက်လှုပ်ရှားလာသည့် နအဖ တပ်မ(၂၂) တပ်ဖွဲ့စစ်ကြောင်းများ နှင့်အတူ လိုက်ပါရသည့် အကျဉ်းသားပေါ်တာ ၄ဦးသည် ယနေ့တွင် နယ်မြေခံ ကရင်အမျိုးသား လွတ်မြောက်ရေးတပ်ဖွဲ့(KNLA)ထံသို့ ထပ်မံ ထွက်ပြေးရောက်ရှိလာသည်ဟု သိရှိရသည်။

ဇန်န၀ါရီလ ၄ရက်နေ့မှ ၁၁ရက်နေ့အတွင်း နအဖ တပ်မ(၂၂)မှ အကျဉ်းသား ပေါ်တာ ၅ဦး ကရင်အမျိုးသားအစည်းအရုံး(KNU)၊ တပ်မဟာ(၇)လက်အောက်ခံ KNLA ထံတွင် ထွက်ပြေးရောက်ရှိလာခဲ့သလို ယနေ့တွင် အကျဉ်းသားပေါ်တာ ၄ဦး ထပ်မံ ရောက် ရှိလာခြင်း ဖြစ်သည်။

ယခု ထွက်ပြေးလွတ်မြောက်လာသည့် အကျဉ်းသား ၄ဦးမှာ ကရင်ပြည်နယ်၊ တောင်ကလေးထောင်မှ စောစိန်အေး ၃၉နှစ်၊ ဘိုဘို ဇော် ၂၃နှစ်၊ မင်းမင်းစိုး ၂၄နှစ်နှင့် ပဲခူးတိုင်း ယာသာဝတီထောင်မှ အသက် ၄၅နှစ်အရွယ် အေးလွင်တို့ ဖြစ်ပြီး ၎င်းတို့သည် နအဖ တပ်မ(၂၂)လက်အောက်ခံ ခလရ(၂၀၁)တပ်ရင်းနောက်ကို ၀န်ထမ်းအဖြစ် KNU တပ်မဟာ(၇)နယ်မြေတွင် ယခုလဆန်းပိုင်းက ရောက်ရှိလာခဲ့ရာမှ ယခုလို ထွက်ပြေးလွတ်မြောက်လာခြင်းဖြစ်ကြောင်း တောင်ကလေးထောင်မှ စောစိန်အေးက ပြောသည်။

“ဒီရှေ့တန်းကို ပေါ်တာလာထမ်းရတာ တောင်ကလေးထောင်က အကျဉ်းသား ၁၀၀ ပါတယ်။ အခု ထွက်ပြေးတာက သုံးယောက် ပေါ့နော်။ ကျန်တယောက်ကတော့ တယောက်ပဲ ထွက်ပြေးလာတာ။ ကျနော်က လှိုင်းဘွဲမြို့နယ်က တကောရွာကပါ။ ဘာအမှု၊ အပြစ်မှ မရှိဘဲ ထောင်ကျတာ။ ၂၀၁၀၊ ဆယ်လပိုင်းတုန်းက ရာဘာခြံတခုမှာ မြက်ရှင်းရင်း ဗိုလ်ဘသိန်း ဦးဆောင်တဲ့ BGF တပ် ဖွဲ့က ကျနော့်ကိုဖမ်းပြီး စစ်တပ် လက်ထဲအပ်လိုက်တော့ တောင်ကလေးထောင်ကို အပို့ခံရတာပဲ။ ထောင်မှာ ၁လနဲ့ ၆ရက်အ ကြာမှာ ပေါ်တာအဖြစ် ရှေ့တန်းနယ်မြေကို အပို့ခံရပြီး အခု ဒီလိုထွက်ပြေးလာတာပဲ။”ဟု ကေအိုင်စီကို ပြောသည်။

နအဖ စစ်ကြောင်းနောက်ကို လိုက်ပါခဲ့ရစဉ် စစ်သားများ၏ ထိုးကြိတ်ရိုက်နှက်ခြင်းခံရသည့်အပြင် မိုင်းနင်းမိသည့် အကျဉ်းသား များရှိသလို တိုက်ပွဲအတွင်း ဒဏ်ရာရသူများလည်း ရှိသည်ဟု ထွက်ပြေးလွတ်မြောက်လာသူ မင်းမင်းစိုးက ပြောသည်။

မင်းမင်းစိုးကလည်း “သူတို့ (နအဖ)နောက်လိုက်ရင် သူတို့ခိုင်းသမျှ လုပ်ရတဲ့အပြင် ထိုးကြိတ်ကန်တာ၊ သေနတ်ဒင်နဲ့ အထုခံရ တာ ရှိတယ်။ ကျနော်တော့ အဲလိုခံရတာ မရှိဘူး။ ဒီလ ၉ရက်က ကျနော်တို့နဲ့ ပါလာတဲ့ ပေါ်တာတယောက် မြေမြှုပ်မိုင်း နင်းမိ တော့ သူ့ကို ဆေးတိုက်ကျွေးတာတော့ တွေ့တယ်။ အဲလို မိုင်းအပြင် သေနတ်ဒဏ်ရာရတဲ့သူတွေ ရှိတယ်။ ဒဏ်ရာရတဲ့သူတွေ ကို နအဖတပ် ခမရ(၉၁၃)စခန်းမှာ ပို့တယ်လို့ ကြားတယ်။ ဘယ်မှာလဲတော့ မသိဘူး။” ဟု ပြောသည်။

ရှေ့တန်းအထမ်းသမားအဖြစ် နအဖ အသုံးပြုသည့် အကျဉ်းသားများသည် လူသတ်မှု၊ လူရိုက်မှု၊ မှောင်ရိပ်ခိုမှု၊ နှစ်လုံးထီရောင်းမှု စသည့် ပြစ်မှုကျူးလွန်ထားကာ ထောင်ကျနေသူများ ဖြစ်ကြပြီး နိုင်ငံရေးအကျဉ်းသားများ ပါဝင်ခြင်းမရှိကြောင်း သိရသည်။

ထွက်ပြေးရောက်ရှိလာသည့် နအဖ တပ်၏ အကျဉ်းသားပေါ်တာများပတ်သက်၍ KNLA တပ်မဟာ (၇) ဒုရုံးထိုင်မှူး ဗိုလ်ကြီးစော မျိုးမင်းသူက “သူတို့(ပေါ်တာ)တွေ ကျနော်တို့ဆီ ထွက်ပြေးရောက်ရှိလာတယ်ဆိုတော့ ဆန္ဒရှိရာကို သွားနိုင်ဖို့ အကောင်းဆုံး တော့ ကူညီပေးတာပါပဲ။ နောက်ထွက်ပြေးလာအုံးမဲ့ ပေါ်တာတွေ အများကြီး ရှိအုံးမှာပဲ။”ဟု ဆိုသည်။

လက်ရှိ KNU တပ်မဟာ(၇)နယ်မြေတွင် နအဖ စစ်တပ် တပ်မ(၂၂)လက်အောက်ခံ ခလရ(၂၀၁)၊ (၂၀၂)၊ (၂၀၄)၊ (၂၀၅)၊ (၂၀၉) တပ်ရင်းများနှင့် နဂိုရှိထားသော စကခ(၁၉)လက်အောက်ခံ တပ်ရင်း ၄ရင်းနှင့် တိုင်းတပ်ရင်း တရင်းတို့ လှုပ်ရှားလျှက်ရှိသည်ဟု နယ်မြေခံ KNLA တပ်ရင်းများ၏ ပြောပြချက်အရ သိရသည်။

ဝေါ်လေဒေသ တိုက်ပွဲ ပြင်းထန်လာ

ဇန်န၀ါရီလ ၁၄ရက်။ စောသိန်းမြင့်(ကေအိုင်စီ)

ကရင်ပြည်နယ၊် မြ၀တီခရိုင် ဝေါ်လေဒေသ၌ နအဖနှင့် ကရင်ပူးပေါင်းတပ်ဖွဲ့ဝင်တို့အကြား ယနေ့တနေ့လုံးနီးပါး အ ပြန်အလှန်ပစ်ခတ်မှုအခြေအနေသည် ယခင်ရက်များထက် မိုပိုပြင်းထန်လျှက်ရှိသည်ဟု ကရင်တပ်ဖွဲ့များ ဘက်က ပြောသည်။

စစ်သည်အင်အား ၁၈၀ကျော်ရှိသည့် နအဖစစ်တပ်မှ စကခ (၁၂)လက်အောက်ခံ ခလရ (၂၉၉)နှင့် စကခ (၈)လက်အောက်ခံ ခမရ (၄၀၉)၊ (၄၀၃)ပူးပေါင်းတပ်ရင်းတို့သည် အူးကလေ့ထာ့ရှိ DKBA တပ်ဖွဲ့ဝင်များး၏ ယာယီစခန်းအား ယနေ့ နေ့လည် ၁၂ကျော်မှစ၍ ညနေ ၆နာရီအထိ လက်နက်ကြီးများဖြင့် အချက်ပေါင်း ၂၀၀နီး ပါးခန့် ပစ်ခတ်ခဲ့သည်ဟု DKBA ဘက်က ပြောသည်။

DKBA တပ်မဟာ(၅) လက်နက်ကြီးတပ်ဖွဲ့မှ ဗိုလ်ကြီး စောစမင်းက “ ဒီနေ့ ၁၂နာရီခွဲကနေ ညနေ ၆နာရီ ကျော်အထိ နအဖဘက်က လက်နက်ကြီး၊ လက်နက်ငယ်တွေ မရေတွက်နိုင်လောက်အောင် ကျနော်တို့စခန်းကို ပစ်ခတ်ကြတယ်။ ကျနော်ဘက်ကလည်း ပြန်ပစ်တယ်။ ကျနော်တို့ စခန်းကို တက်သိမ်းဖို့ သူတို့ (နအဖ) သုံးကြိမ်တိုင်တိုင် ကြိုးစားခဲ့ပေမယ့် သူ့လူတွေအထိနာလို့ ပြန်ဆုတ်လိုက်ရတယ်။”ဟု ပြောသည်။


ယနေ့ တိုက်ပွဲတွင် နအဖဘက်က ထိခိုက်ဒဏ်ရာရှိရသူ အရေအတွက် အတိအကျ မသိရှိရသော်လည်း ကရင်တပ် ဖွဲ့ဝင်များဘက်မှ ထိခိုက်ဒဏ်ရာရရှိခြင်းမရှိကြောင်း တိုက်ပွဲတွင်ပါဝင်ခဲ့သည့် ကရင်တပ်ဖွဲ့ဝင်များက ပြောသည်။

အလားတူ ဖလူးကျေးနယ်ဘက်တွင်လည်း နအဖစစ်တပ်က ဗိုလ်မှူးကြီး စောကျော်သက်ဦးဆောင်သည့် DKBA တပ်ဖွဲ့အား မွန်းလွဲ ၁နာရီကျော်အချိန်မှစ၍ ညနေ ၆နာရီအချိန် လက်နက်ကြီးများဖြင့် ပစ်လိုက်ရပ်လိုက် တ ဖက်သတ် ပစ်ခတ်ခဲ့သည်ဟု DKBA တပ်မဟာ(၅)မှ ဗိုလ်မှူး စောဆန်းအောင်က ပြောသည်။

ပြီးခဲ့သည့် ၁၂ရက်နေ့က ဖလူးကျေးနယ်တွင် နအဖတပ်ဖွဲ့မှ လက်ကြီးများဖြင့် အပြင်းအထန် ပစ်ခတ်မှုကြောင့် ဗိုလ်မှူးကြီးစောကျော်သက်ထိုင်သည့် ကဆောဝါးလေး ယာယီခံစစ်စခန်းအား နေရာဖယ်ပေးခဲ့ရသည်ဟု သိရှိရ သည်။

လွန်ခဲ့သည့် ၂၀၁၀ခုနှစ် ရွေးကောက်ပွဲတရက်အလွန် နိုဝင်ဘာလ ၈ရက်နေ့က စတင်ဖြစ်ပွားခဲ့သည့် နအဖနှင့် ဗိုလ်မှူးချုပ် စောလားပွယ်ဦးဆောင်သည့် DKBA တပ်မဟာ (၅) တပ်ဖွဲ့တို့ကြား ပြစ်ခတ်မှုသည် လက်ရှိအ ချိန်ထိ တိုက်ပွဲအခြေအနေ ပြင်းထန်လျှက်ရှိပြီး DKBA ဘက်မှ KNLA၊ ABSDF တပ်ဖွဲ့တို့က စစ်ရေး ပူးပေါင်းလာသလို နအဖဘက်ကလည်း နယ်ခြားစောင့်တပ် BGF တပ်ဖွဲ့ဝင်များနှင့် ပူးပေါင်းထိုးစစ်ဆင် လာသည်ဟု သိရသည်။

ရှေ့ထွက်မိုင်းပေါက်ကွဲမှုကြောင့် ၉ဦး ထိခိုက်ဒဏ်ရာရရှိ

ဇန်န၀ါရီလ ၁၄ရက်။ စောသိန်းမြင့် (ကေအိုင်စီ)

ကရင်ပြည်နယ် ကော့ကရိတ်-မြ၀တီကားလမ်း တံတားကျိုးနေရာတွင် ယနေ့မနက်၌ ရှေ့ထွက်မိုင်း ၁လုံးပေါက်ကွဲခဲ့ရာ နယ်ခြား စောင့်တပ်(BGF) တပ်ဖွဲ့ဝင် ၆ဦး၊ အရပ်သား ၃ဦး ထိခိုက်ဒဏ်ရာရရှိခဲ့သည်ဟု သိရသည်။

ယနေ့နံနက် ၁၀နာရီကျော်တွင် တံတားကျိုးအလွန်၊ နအဖ ခမရ (၃၅၆)စခန်းအနီးရှိ BGF တပ်ဖွဲ့ဝင်များ၏ကားကို ဒီကေဘီအေ တပ်မဟာ (၅)တပ်ဖွဲ့ဝင်များက ရှေ့ထွက်မိုင်းများအပြင် လက်နက်ကြီး၊ လက်နက်ငယ်များဖြင့် ပစ်ခတ်မှုကြောင့် BGF တပ်ဖွဲ့ဝင် ၆ဦးနှင့် အရပ်သား ၃ဦး ဒဏ်ရာ အပြင်းအထန် ရရှိခဲ့သည်ဟု ကိုယ်တိုင်မြင်တွေ့ခဲ့သူတဦးက ပြောသည်။

၎င်းက “အာရှလမ်းမထိပ် တောင်ခြေ၊ ခြေမြန်တပ်ရင်း (၃၅၆) စခန်းဘေးမှာ ဖြစ်ပွားတာ ဖြစ်တယ်။ BGF ကားကို ချိန်ပြီးတော့ ဆွဲ တာ၊ အဲဒီမှာ BGF ၆ယောက်။ ခရီးသည် ၃ယောက် ထိတယ်။ သေတာ မရှိဘူး။ ဒဏ်ရာရတဲ့လူတွေကို အခု မြ၀တီဆေးရုံကို ပို့ လိုက်ပြီ။”ဟု ပြောသည်။

အဆိုပါမိုင်းတိုက်ခိုက်မှုကို ဒီကေဘီအေ တပ်မဟာ(၅)မှ ဗိုလ်မှူးကျော်ပလို့ ဦးဆောင်သည့်အဖွဲ့မှ ရှေ့ထွက်မိုင်း ၂လုံးဖြင့် သွား ရောက်ပစ်ခတ်ခြင်းဖြစ်ပြီး နအဖ ခမရ(၃၅၆)တပ်ဖွဲ့ကလည်း လက်နက်ကြီးငယ်များဖြင့် အချိန်အတော်ကြာ ပြန်လည် ပစ်ခတ်ခဲ့ ကြောင်း ဒီကေဘီအေ တပ်မဟာ(၅)မှ စစ်ဆင်ရေးမှူး ဗိုလ်မှူးစောဆန်းအောင်က အတည်ပြု ပြောကြားသည်။

၎င်းအခင်းဖြစ်ပွားသည့်နေရာတွင် ပြီးခဲ့သည့် ဇန်န၀ါရီလ ၇ရက်နေ့ မွန်းလွဲပိုင်းတွင် ဆွဲမိုင်း ၁လုံး ပေါက်ကွဲခဲ့မှုကြောင့် အရပ်သား ၈ဦး ဒဏ်ရာရရှိခဲ့သည်။

နအဖ စစ်ကားအစီး ၅၀ကျော် ကြာအင်းဆိပ်ကြီးနှင့် ကော့ကရိတ်ဘက် ၀င်ရောက်လာ

ဇန်န၀ါရီလ ၁၄ရက်။ နန်းထူးစံ (ကေအိုင်စီ)

နအဖ စစ်ကွပ်ကဲရေးဌာနချုပ်-စကခ(၅)လက်အောက်ခံ တပ်ရင်းများသည် ယခုဇန်န၀ါရီလ ၁၂ရက်နေ့က စစ်ကားအစီး (၅၀) ကျော်ဖြင့် ကြာအင်းဆိပ်ကြီးနှင့် ကော့ကရိတ်မြို့နယ်အတွင်းသို့ ၀င်ရောက်လှုပ်ရှားလာကြောင်း ထိုဒေသမှလာသည့်သတင်းအရ သိရသည်။

နအဖ စကခ (၅)လက်အောက်ခံ တပ်ရင်းများသည် စစ်လက်နက်ပစ္စည်းများ၊ ရိက္ခာများနှင့်အတူ ဇန်န၀ါရီလ ၁၂ရက်နေ့က စစ် ကားအစီး(၄၄)စီးဖြင့် ကရင်ပြည်နယ်၊ ကြာအင်းဆိပ်ကြီးမြို့သို့ ရောက်ရှိလာခဲ့သလို ကော့ကရိတ်မြို့နယ်အတွင်းမှာလည်း စစ် ကား ၁၅စီးဖြင့် ၀င်ရောက်လှုပ်ရှားလာသည်ဟု ဒေသခံများက ပြောသည်။

ဒေသခံတဦးက “ပြီးခဲ့တဲ့ ၁၂ရက်နေ့က စကခ (၅)လက်အောက်ခံ တပ်တွေပေါ့။ စစ်ကား (၄၄)စီးနဲ့ ချောင်းနှစ်ခွကနေ ကြာအင်း ဆိပ်ကြီးမြို့ကို တက်လာတယ်။ ဒီတပ်တွေက အသစ်ဝင်လာတာ ဖြစ်တယ်။”ဟု ကေအိုင်စီကို ပြောသည်။

ထိုနေ့တရက်တည်းတွင် စကခ(၅)လက်အောက်ခံ၊ အင်အား ၁၇၀ခန့်ရှိသော ခမရ(၅၆၃)တပ်ရင်းသည် စစ်ကားကြီး ၁၅စီးဖြင့် ကော့ကရိတ်မြို့နယ် နန်းရွှေမှုန်၊ ဒေါက်ပလန်မှာ ရောက်ရှိလာခဲ့ပြီး နောက်တနေ့ ဇန်န၀ါရီလ(၁၃)ရက်နေ့၌ ဒေါက်ပလန်ရွာအ ပြင်ဘက်တွင် ဒေသခံ KNLA တပ်ရင်း(၁၈)တပ်ဖွဲ့ဝင်များ၏ ပြောက်ကျားတိုက်ခိုက်ခြင်းကို ခံခဲ့ရကာ ၎င်းတို့တပ်ဖွဲ့ဝင် ၂ဦးသေဆုံး ကာ ၂ဦးဒဏ်ရာ ရရှိခဲ့ကြောင်း ထိုဒေသခံက ပြောသည်။

ထိုဒေသသို့ ရောက်ရှိလာသည့် အဆိုပါ စကခ(၅)တပ်ဖွဲ့များသည် ကြာအင်းဆိပ်ကြီးမြို့နယ်၊ ကျိုက်ဒုံနယ်သို့ ဦးတည်သွားရန်ရှိ ပြီး ကေအဲန်ယူ၊ တပ်မဟာ(၆)နယ်မြေမှ ကြာအင်းဆိပ်ကြီးနှင့် ကော့ကရိတ်မြို့နယ်အတွင်းသို့ ၀င်ရောက်လှုပ်ရှားလာခြင်းမှာ မည် သည့်အစီအစဉ်ကြောင့်ဆိုသည်ကို အတိအကျ မသိရသေးသော်လည်း လက်ရှိ ၎င်းတို့နှင့် DKBA တပ်ဖွဲ့၏ တိုက်ပွဲများကြောင့် ထိုင်း-မြန်မာနယ်စပ်ဘက်သို့ အားဖြည့်ရန် ရောက်ရှိလာခြင်းဖြစ်နိုင်သည်ဟု KNU ဒူးပလာယာခရိုင် အတွင်းရေးမှူး စောလစ္စတန် က ယခုလို ခန့်မှန်းပြောဆိုသည်။

သူက “သူတို့တပ်တွေ(နအဖ)က ကြာအင်းကနေ ကျိုက်ဒုံကို ဦးတည်သွားဖို့ ရှိတယ်။ ကျိုက်ဒုံမှာ တပ်စခန်းရှိတာကိုး။ သူတို့မှာ ဘာအစီအစဉ်တွေနဲ့ လာသလိုဆိုတာကို ကျနော်တို့ စုံစမ်းနေပါတယ်။ သူတို့ တပ်အပြောင်းအလဲ လာလုပ်တာလား။ ဒါမှမဟုတ် ရှင်းလင်းမှုတွေ လုပ်မှာလားတော့ ကျနော်တို့ အသေအချာမသိရသေးဘူး။ အခု ဖလူးဘက်က ဒီကေဘီအေနဲ့ တိုက်ပွဲဖြစ်နေတာ ကို အဲဒီကျိုက်ဒုံဘက်က လမ်းကြောင်းနဲ့ တချို့ပို့မှာဖြစ်သလို ကျိုက်ဒုံဘက်ကနေတဆင့် ချူကလိ၊ ကွီးတာဟိုးဘက်ကိုသွားတဲ့ လမ်းကြောင်းလည်း ရှိတယ်လေ။ ကျိုက်ဒုံကနေတဆင့် အဲဒီဘက်ကို အားဖြည့်သွားဖို့ ဖြစ်ကောင်းဖြစ်နိုင်တယ်။”ဟု ပြောသည်။

နအဖ စကခ (၅)တပ်ဖွဲ့သည် ပြီးခဲ့သော ၂၀၀၆မှ ၂၀၀၉ခုနှစ်အထိ ကရင်ပြည်နယ်မြောက်ပိုင်း တောင်ငူခရိုင်ဘက်တွင် KNU တပ် မဟာ(၂)ကို ချေမှုန်းစစ်ဆင်ရေးအဖြစ် ၀င်ရောက်လှုပ်ရှားခဲ့စဉ် ဒေသခံလူထုအပေါ် နှိပ်စက်သတ်ဖြတ်ခြင်း၊ အမျိုးသမီးများကို မုဒိမ်းကျင့်ခြင်း၊ လုပ်အားခိုင်းစေခြင်း၊ ပေါ်တာဆွဲခြင်း စသည့် လူ့အခွင့်အရေး ချိုးဖောက်မှုများ ကျူးလွန်ခဲ့သလို ၎င်းတို့၏ စကခ မှူးဟောင်း ဗိုလ်မှူးချုပ်ကောင်းမြတ်မှာ ကေအဲန်ယူ၏ တိုက်ခိုက်မှုကြောင့် ၂၀၀၉ခုနှစ်တွင် တောင်ငူဒေသ၌ ကျဆုံးသွားခဲ့သည်။

ဗိုလ်ချုပ် စောလားပွယ်၊စောဖေါဒိုနှင့်တွေ့ဆုံမေးမြန်းချက်

http://www.ninedeblood.blogspot.com/

Junta Troops Using Prisoners as Human Minesweepers

http://www.irrawaddyblog.com/

ဘန်ကောက်ပို့စ်က ပြန်ပေးသတင်းကို ဒီကေဘီအေ ဘက်က တုံ့ပြန်

ဘန်ကောက်ပို့စ်က ပြန်ပေးသတင်းကို ဒီကေဘီအေ ဘက်က တုံ့ပြန်

ဒီကေဘီအေတပ်ဖွဲ့မှ ထိုင်းရွာသားတဦးကို ပြန်ပေးဆွဲပြီး ဘတ်သုံးသိန်းတောင်းတယ်ဆိုတဲ့ သတင်းတပုဒ်ကို ဘန် ကောက်ပို့စ် အွန်လိုင်းမှာ ဇန်နဝါရီလ ၁၂ ရက်နေ့ ဒီကနေ့မှာ ဖေါ်ပြထားတာတွေရှိရပြီး အဲဒီသတင်းကိုပဲ လွတ်လပ်တဲ့ အာရှအသံ အာအက်ဖ်အေ မြန်မာပိုင်းကလည်း ဒီမနက်မှာ ထပ်မံကိုးကားပြီး ရေဒီမှာ တင်ဆက်သွားခဲ့ပါတယ်။

ဒီကေဘီအေ ကို ပြန်ပေးဆွဲငွေတောင်တယ်ဆိုတဲ့ သတင်းဖေါ်ပြချက်နဲ့ ပတ်သက်ပြီး ဒီအေဘီအေ တပ်မဟာ ၅ မှ ပြောရေးဆိုခွင့်ရှိသူ ဗိုလ်ဆန်းအောင် က အခုလို တုံ့ပြန်ပြောဆိုပါတယ် ….

“ဒီလိုမျိုးသတင်းထွက်လာတာဟာ ကျနော်တို့ကို ရည်ရွယ်ချက်ရှိရှိနဲ့ တခုခုဖြစ်စေချင်တဲ့ သဘောထားတွေ တွေ့ရတယ်၊ နောက်ပြီးတော့ ဒီငွေသုံးသိန်းလောက်နဲ့ ကျနော်တို့ လုပ်နေတဲ့ နိုင်ငံရေးသိက္ခာ ပွန်းပဲအောင်ဘယ်တော့မှ မလုပ်ဘူး။ အခု ပြန်ပေးဆွဲမှုဖြစ်တဲ့ နေရာမှာလဲ ကျနော်တို့တပ်တွေ အဖွဲ့ဝင်တွေ မရှိကြပါဘူး။ ကျနော်တို့ စုံးစမ်းကြား သိရသဘောက်ကတော့ သူတို့ ထိုင်းလူမျိုးချင်း ဖြစ်တဲ့ပြဿနာကို ကျနော်တို့ အဖွဲ့နာမည် ယူသုံးလိုက်တာလို့ ကြားရ တယ်။ ဒီသတင်းနဲ့ ပတ်သက်ပြီး ကျနော်တို့ ဘက်က လုံးဝမဟုတ်ဘူး ပြောချင်ပါတယ်။ ဒီသတင်းကို ဖေါ်ပြတဲ့ သ တင်းဌာန နဲ့ သတင်းရေးတဲ့ သူကိုပါ ဖုန်းနဲ့ကော အီးမေးနဲ့ပါ ဆက်သွယ်ပြီး ပြောပြထားပါတယ်”

၁၅ နှစ်ကျော်ကြာ နအဖနဲ့ အပစ်အခတ်ရပ်ထားရာက မြန်မာနိုင်ငံရဲ့ ၂၀၁၀ ရွေးကောက်ပွဲလုပ်တဲ့နေမှာပဲ နအဖ နဲ့ ဗိုလ်နှုတ်ခမ်းမွှေး ဦးဆောင်တဲ့ ဒီကေဘီအေ တပ်ဖွဲ့ဝင်တွေဟာ တိုက်ပွဲတွေ ပြည်လည်ဖြစ်ပွားခဲ့ပါတယ်။ အဲဒီအချိန်က စလို့ ဒီကေဘီအေ ဗိုလ်နှုတ်ခမ်းမွှေးကို ဆုငွေထုတ်ဖမ်းခိုင်းတာတွေ၊ ထိုင်းဘက်က သူ့ကို မဖမ်းပေးရင် မဲဆောက် မြ ဝတီ ကုန်သွယ်ရေးဂိတ် ပြန်မဖွင့်ပေးဘူးဆိုတာတွေ စတဲ့ အတည်ပြုလို့မရတဲ့ သတင်းတွေလည်း မကြာခဏ ထွက် ပေါ်လျက်ရှိပါတယ်။

(မူရင်း သတင်း အင်္ဂလိပ်လိုနဲ့ မြန်မာဘာသာပြန်ကို တဆက်တည်းဖေါ်ပြပေးထားပါတယ်)
(ဘန်ကောက်ပို့စ်က မူရင်းသတင်း)

ဖာပွန်ဒေသတွင် နအဖတပ်ရိက္ခာထမ်းရန် အရပ်သား ၄၀၀ ကို BGF အဓမ္မတောင်းခံပေးနေ

ဇန်န၀ါရီလ ၁၃ရက်။ စောခါးစူးညား (ကေအိုင်စီ)

ဖာပွန်ခရိုင်၊ ဒွယ်လိုးမြို့နယ်အတွင်း ရွာပေါင်း ၃၀ကျော်ရှိသော ကျေးရွာအုပ်စု ၃ခုမှ ဒေသခံအရပ်သား ၄၀၀ဦးအား နအဖ စစ် တပ်ရိက္ခာကို ထမ်းပေးရန် နယ်ခြားစောင့်တပ်-BGF (၁၀၁၃)တပ်ရင်းက ရွာသူကြီးများထံမှ ဇန်န၀ါရီလ ၇ရက်နေ့ကတည်းက အဓမ္မတောင်းခံနေဆဲဖြစ်သည်ဟု သိရသည်။


အဆိုပါ BGF တပ်ရင်းသည် ကမမောင်းမြို့မှ လှိုင်းဘွဲမြို့နယ် မာနယ်ပလောဂွင် မယ်ပရွာ(ရွာပျက်)သို့သွားမည့် အင်အား ၇၀၀ခန့်ရှိ နအဖ ခြေမြန်တပ်ရင်း(၂၁၂)၊ (၂၁၄)၊ (၂၁၆)နှင့် (၂၂၀)တပ်ရင်းများ၏ ကျည်ဆံနှင့် စားနပ်ရိက္ခာများ ပို့ဆောင်ပေး ရန်အတွက် ကတိုင်တိ၊ လေးဖိုးထာ့နှင့် ထီးသဘလုထာ့ ကျေးရွာအုပ်စုမှ ရွာသားများကို ပေါ်တာအထမ်းသမားများအဖြစ် အသုံးပြုရန် ရွာသူကြီးများထံမှ ယခုလို တောင်းခံခဲ့ခြင်းဖြစ်သည်။

အင်အား ၂၀၀ ၀န်းကျင်ရှိ ဗိုလ်မှူးစောလှကြိုင် ဦးဆောင်သော BGF (၁၀၁၃) တပ်ရင်းသည် အရပ်သား ပေါ်တာထမ်းသမား များကို စုဆောင်းရာတွင် ရွာကြီးလျှင် ကြီးသလို လူဦးရေ သတ်မှတ်ထားပြီး လက်ရှိအခြေအနေတွင် ပေါ်တာအထမ်းသမား ၂၀၀ခန့်ကို စုဆောင်းရရှိခဲ့သည်ဟု ဖာပွန်ခရိုင်မှ ကေအဲန်ယူ တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ယခုလို ပြော သည်။

၎င်းက “ကတိုင်တိကျေးရွာအုပ်စုထဲက နို့ဖောထီးရွာဆိုရင် အယောက် ၂၀ပေါ့။ တချို့ရွာက ၁၅ယောက်။ ငယ်တဲ့ရွာဆိုရင် ၇ ယောက်၊ ၈ယောက်၊ ၅ယောက် အဲလိုတောင်းတယ်။ တချို့ရွာက သူကြီးတွေ ပေါ်တာအထမ်းသမားတွေ မစုပေးနိုင်တဲ့အတွက် တွေ့သမျှ အရွယ်ရောက် ယောက်ျားတွေကို လိုက်ဖမ်းတော့တာပဲ။ ရွာသူကြီးဆိုရင်လည်း သူတို့(BGF)စုခိုင်းတာမရဘူးဆိုရင် အကြပ်ကိုင်ခံရတယ်။”ဟု ပြောဆိုသည်။

ဇန်န၀ါရီလ ၉ရက်နေ့က ပေါ်တာအထမ်းသမား မစုဆောင်းပေးနိုင်သည့် လေးဖိုးထာ့ကျေးရွာအုပ်စု ပိုကာရွာသူကြီး စောဖား ကျိုးနှင့် ကတိုင်တိကျေးရွာအုပ်စုမှ ပိုမာ့ဟဲရွာသူကြီး စောလှအေးနဲ့ မော့ချီးနူကို ဖမ်းဆီးထားကာ လက်ကို ကြိုးနှင့်ချည် ထိုး ကြိတ်ကန်ကျောက်ကာ သေနတ်ဒင်နှင့်ထုသည့်အပြင် ယခုအချိန်ထိလည်း ပြန်မလွှတ်မပေးသေးကြောင်း သိရသည်။

ဖာပွန်ခရိုင်နှင့် နယ်နီးစပ်ထိကပ်နေသည့် မာနယ်ပလောဂွင် မယ်ပရွာသို့သွားရောက်မည့် အဆိုပါနအဖတပ်များသည် လက်ရှိ အချိန်တွင် ဘူးသိုမြို့နယ်၊ ကျောပါးကျေးရွာအုပ်စု၊ ယွန်းစလင်းချောင်းအရှေ့ဘက်ခြမ်းရှိ မဲ့ညောခီးရွာ တောင်ခြေတနေရာတွင် ရောက်ရှိနေသည်ဟု ဖာပွန်ခရိုင် KNLA တပ်မဟာ(၅)မှ တပ်ဖွဲ့ဝင်များက ဆိုသည်။

BGF တပ်ဖွဲ့ ယခုလို အတင်းအဓမ္မ ပေါ်တာစုဆောင်းမှုနှင့် ပတ်သက်၍ ဒေသခံရွာသားတဦးက “အလုပ်အကိုင် အဆင်မပြေတဲ့ ကြားမှာ ဒီလို ပေါ်တာဖမ်းတော့ ကျနော်တို့ မိသားစုအတွက် အလုပ်တွေပျက်တယ်။ နောက် ပေါ်တာလိုက်ထမ်းမယ်ဆိုရင် ဘယ်နှစ်ရက်အထိ ထမ်းရမလဲဆိုတာ သတ်မှတ်ထားတာ မရှိဘူးလေ။ တခေါက် ထမ်းရမယ်လို့ပဲ ပြောတယ်။ သွားမယ်ဆိုရင် လည်း လမ်းမှာ ကြုံတွေ့ရမယ့် အခက်အခဲက ဘာတွေဖြစ်လာမလဲ ကြိုမှမသိထားတော့ ကြောက်တယ်။”ဟု ပြောသည်။

ယင်းသို့ BGF (၁၀၁၃)တပ်ရင်း၏ ပေါ်တာအထမ်းသမား စုဆောင်းခံရသည့် ကျေးရွာများမှာ တတိုင်တိကျေးရွာအုပ်စုမှ ကတိုင် တိ၊ နို့ဖောထီး၊ ဘောကျုလယ်(တ၀က်ပါတယ်)၊ ဖားလိုးဒို့၊ ဖားလိုးဖိုး၊ တောသူးကလား၊ ထီးသဲလေး၊ ပိုမာဟဲကျေးရွာများ၊ လေး ဖိုးထာ့ကျေးရွာအုပ်စုမှ ဘောကျုလယ်(တ၀က်ပါတယ်)၊ ပိုကာ၊ လေးဖိုးထာ့၊ ကျိုးဒေး၊ တရောပူ၊ မဲကြည်ခီး၊ ၀ါးဒူး၊ သာ့အော့ပ လေ၊ ၀ါ့တမူ၊ ပဟိကလား၊ ကျေးရွာများနှင့် ထီးသဘလုထာ့ကျေးရွာအုပ်စုမှ ထီးသဘလုထာ့၊ ထီးလော်သေထာ့၊ နို့ဂေါ်၊ ၀ါ့ သိုးကလား၊ ကပေခီး၊ ထီးဖဒို့ခီး၊ ထီးချောမဲ၊ ဘလယ့်ကယ်ရွာများ ဖြစ်သည်။

၁၉၉၄ခုနှစ်၊ ကေအဲန်ယူ၏ ဗဟိုဌာနချုပ် မာနယ်ပလောကျပြီးနောက်ပိုင်း ဖာပွန်ခရိုင်၊ ဒွယ်လိုးမြို့နယ်တွင် ဒေသခံ အရပ်သား များကို ပေါ်တာအထမ်းသမား အများဆုံး ဖမ်းဆီးခြင်းမှာ ယခုတကြိမ်သည် ပထမဆုံးဖြစ်ပြီး နအဖမှ မာနယ်ပလောဒေသကို စစ်အင်အားတိုးချဲ့ကာ ရှင်းလင်းရာတွင် စစ်ကူအဖြစ် အသုံးပြုရန်ဖြစ်နိုင်ကြောင်း ဝေဖန်မှုများရှိနေသည်။

လက်နက်ကိုင် မွန်ခွဲထွက်တပ်ဖွဲ့ တဖွဲ့ မွန်ပြည်သစ်ပါတီထံ ပြန်လည်ဝင်ရောက်လာ

အကျဉ်းသား ပေါ်တာများ လူသားမိုင်းရှင်း ကိရိယာအဖြစ် အသုံးခံနေရ

အကျဉ်းသား ပေါ်တာများ လူသားမိုင်းရှင်း ကိရိယာအဖြစ် အသုံးခံနေရ

ဧရာဝတီ 

ကရင်ပြည်နယ်အတွင်း တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) နှင့် နအဖတပ်များ ဖြစ်ပွားနေသည့် တိုက်ပွဲများ၌ နအဖတပ်က အကျဉ်းသား ပေါ်တာများကို လူသား မိုင်းရှင်းကိရိယာအဖြစ် အသုံးပြုနေကြောင်း သိရ သည်။

ယမန်နေ့က ထိုင်းဘက် ထွက်ပြေးလာသည့် အကျဉ်းသားပေါ်တာ ၃ ဦး။ ကိုသောင်းဌေးဦး (၀ဲဘက်)၊ ကိုမိုးရာဇာ (အလယ်)၊ ကိုတင်ဇော်မင်း (ယာစွန်) (ဓာတ်ပုံ - ဧရာဝတီ)

မြန်မာနိုင်ငံ တ၀န်းရှိ အကျဉ်းထောင် အသီးသီးမှ အကျဉ်းသား ၆၀၀ ခန့်ကို ယင်းသို့ လူသား မိုင်းရှင်း ကိရိယာများ အဖြစ် အသုံးပြုနေခြင်း ဖြစ်သည်ဟု ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) တွဲဖက် အတွင်းရေးမှူး ဦးဘိုကြည်က ပြောသည်။

“ဒီအကျဉ်းသား တွေဟာလည်း လူသားတွေပဲ ဖြစ်ပါတယ်၊ ဘယ်လို အခြေအနေမျိုးမှာပဲ ဖြစ်ဖြစ် ဒီလိုမျိုး မလုပ်သင့်ပါဘူး၊ အခု စစ်အစိုးရ ကျင့်သုံးနေတဲ့နည်းက အကျဉ်းသားတွေကို သတ်နေတာနဲ့ အတူတူ ပါပဲ”ဟု ၎င်းက ဆိုသည်။

ယင်းကိစ္စနှင့် ပတ်သက်၍ သတင်း အချက်အလက် တိတိကျကျ ရရှိရန်နှင့် လူသားမျိုးနွယ် အပေါ် ကျူးလွန်သည့် ရာဇ၀တ် မှု ဖြစ်သောကြောင့် အရေးယူ ဆောင်ရွက်နိုင်ရန် ဆက်လက် လုပ်ဆောင်သွားမည် ဖြစ်သည်ဟုလည်း ဦးဘိုကြည်က ပြောသည်။

ထို့သို့ မိုင်းရှင်းကိရိယာများ အဖြစ် အသုံးခံနေရသည့် အန္တရာယ်မှ လွတ်မြောက်လို သောကြောင့် မကြာသေးခင်က အကျဉ်းသားပေါ်တာ ၁၂ ဦးခန့် ထိုင်းနိုင်ငံ မဲဆောက်မြို့နယ် ဘက်သို့ တိမ်းရှောင်လာကြကြောင်း သိရသည်။

ပြီးခဲ့သည့် ၂၀၁၀ ခုနှစ် ဒီဇင်ဘာ လကုန်ပိုင်းက ခေါ်ဆောင်လာသော မကွေးတိုင်း ပခုက္ကူထောင်မှ ၎င်းအပါအ၀င် အကျဉ်း သား ၃၀ ခန့်သည် ထိုသို့ မိုင်းရှင်းခိုင်းမှု ကြုံခဲ့ရသည်ဟု အကျဉ်းသားပေါ်တာ တဦးဖြစ်သည့် ကိုသောင်းဌေးဦး အသက်၂၈ နှစ် ကလည်း ဧရာဝတီသို့ ပြောသည်။

ကိုသောင်းဌေးဦးက"ကျနော်တို့ က ပခုက္ကူထောင်ကနေ ငွေမပေးနိုင်လို့ရှေ့တန်းကို အပို့ခံရတဲ့လူတွေပါ၊ ပခုက္ကူထောင် က အယောက် ၃၀ ပါ တယ်၊ ရှေ့တန်းမှာ စစ်ပစ္စည်းတွေ၊ စားနပ်ရိက္ခာတွေ ထမ်းရတဲ့အပြင် ထမင်းချက်ရတယ်၊ ရေခတ် ရတယ်၊ တိုက်ပွဲဖြစ်ပြီးလို့ စစ်သားတွေ ကျန်ခဲ့တဲ့ပစ္စည်းတွေကိုလိုက် ကောက်ပေးရတယ်၊ အဆိုးဆုံးကတော့ မိုင်းတွေရှိတဲ့နေရာတွေဆိုရင် အကျဉ်းသားပေါ်တာတွေကို ရှေ့ကနေသွားခိုင်းတာပဲ မိုင်းနင်းမိတဲ့လူလည်း မနည်းဘူး၊ ဒါကြောင့် ဒီဘက်ကို အရဲ စွန့်လာရတာ"ဟု ပြောပြသည်။

ယမန်နေ့က ကရင်ပြည်နယ် မြ၀တီခရိုင် ဖလူးဒေသ ပလောတပို့ တပ်စခန်းမှ ကိုသောင်းဌေးဦးအပါအ၀င် ကိုတင်ဇော်မင်း ၂၁ နှစ်၊ ကိုမိုးရာဇာ ၁၇ နှစ် တို့ အကျဉ်းသား ပေါ်တာ ၃ ဦးသည် မဲဆောက်မြို့နယ် ကော်မနောင်း သို့ ရောက်ရှိလာရာ ဒုက္ခသည်အရေး ကူညီသူများက လက်ခံကူညီထားခြင်းဖြစ်သည်ဟုလည်း ၎င်းက ဆိုသည်။

၎င်းတို့ ၃ ဦး သည် ရဲ အပါအ၀င် ဒေသခံ အာဏာပိုင်များ၏ ဖိနှိပ်အနိုင်ကျင့်မှုအား ပြန်လည်ခုံခံရာမှ ရာဇ၀တ်မှု ကျူးလွန် သည့် ပုဒ်မများဖြင့် ပခုက္ကူထောင်၌ ပြစ်ဒဏ်ကျခံနေရသူများ ဖြစ်ကြောင်းလည်း သိရသည်။

အကျဉ်းသားပေါ်တာ ကိုမိုးရာဇာ ကလည်း"ကျနော်တို့အမေကို ရဲက အသားလွတ် ပါးရိုက်တဲ့အတွက် ဒေါသဖြစ်ပြီး ကျနော့် အစ်ကို တင်ဇော်မင်းနဲ့ ကျနော်ဝိုင်းရိုက်လိုက်တာ လက်လွန်သွားပြီး ထောင် ၅ နှစ်စီ ကျသွားတာပါ၊ ဟိုမှာလည်း အနိုင်ကျင့် ခံရ ဒီရောက်လည်း ထပ်ခံရတာနဲ့ မထူးတော့တဲ့အတူတူ သေသေရှင်ရှင် ဒီဘက်ထွက်လာဖို့ ဆုံးဖြတ်လိုက် တာပါ"ဟု ပြောသည်။

ပခုက္ကူထောင်တွင် ရှေ့တန်း စစ်မြေပြင်သို့ အပို့ခံရမည့် အကျဉ်းသားများ အနေနှင့် ထောင်ပိုင်ကို တဦးလျှင် ကျပ် ၁ သိန်း ခန့် ပေးနိုင်ပါက ရှေ့တန်းသွားရန်မလိုဘဲ ငွေမပေးနိုင်သည့် အကျဉ်းသားများနှင့် အစားထိုးသည်ဟုလည်း ကိုမိုးရာဇာ က ဆက်ပြောသည်။

လက်ရှိ ကရင်ပြည်နယ်အတွင်း တိုက်ပွဲများ၌ နအဖ တပ်များက အကျဉ်းသားပေါ်တာ ရာနှင့်ချီ အသုံးပြုမှု ရှိနေကြောင်း လည်း ကိုသောင်းဌေးဦး က ပြောပြသည်။

ယင်း အကျဉ်းသား ပေါ်တာများသည် ပခုက္ကူ ၊ မော်လမြိုင်၊ ဘားအံ စသည့် ထောင်များအပါအ၀င် နိုင်ငံတ၀န်းရှိ အကျဉ်းထောင်များမှ ဖြစ်သည်ဟု သိရသည်။

တိုက်ပွဲအတွင်း နအဖ တပ်များက အကျဉ်းသား ပေါ်တာများကို အရှေ့တွင်ထား၍ တိုက်ခိုက်မှုများကို ကြုံခဲ့ရသည်ဟု DKBA တပ်မဟာ ၅ ဖလူး ဒေသ စခန်းထိုင် စစ်ဦးစီး တတိယတန်း ဗိုလ်ကြီး စောသရီးထူးလည်း ပြောဆိုသည်။

“အကျဉ်းသား ပေါ်တာတွေကို အရှေ့က တက်ခိုင်းတယ်၊ ကျနော်တို့က ငဲ့ညှာပါတယ်၊ သူတို့ ကို ကာဗာယူတယ်၊ ကျနော် တို့ကလည်း အပစ်မဖြစ် ပစ်ရတယ်၊ သူတို့ ကျနော်တို့ ရှေ့မှာပဲ ကျတယ်၊ သိတယ်၊ ဒါ ကျနော်တို့ မကြည့်ရက်ဘူး၊ ဒါပေ မယ့် ကျနော်တို့ကလည်း မဆုတ်ပေးနိုင်ဘူး ဆိုတော့ ကျနော်လည်း ပစ်ရတာပဲ”ဟု ၎င်းက ဆိုသည်။

အကျဉ်းသား ပေါ်တာများထွက်ပြေးလာသည့် မြ၀တီခရိုင် ဖလူးဒေသ တွင် နအဖ စစ်ဆင်ရေးကွပ်ကဲမှုဌာနချုပ် (စကခ) ၁၂ လက်အောက်ခံ တပ်ရင်း ၇ ရင်း စစ်ရေးလှုပ်ရှားလျက် ရှိကြောင်း သိရသည်။

ပြီးခဲ့သည့် တနင်္ဂနွေ နှင့် တနင်္လာ နေ့ တိုက်ပွဲကာလအတွင်း နအဖ တပ်များက DKBA တပ်များ ရှိနိုင်သည့် နေရာများသို့ လက်နက်ကြီး ကျည် ရာနှင့်ချီ၍ ပစ်ခတ်ရာ ထိုင်းနိုင်ငံ နယ်နိမိတ်အတွင်း လက်နက်ကြီးကျည်များ ကျရောက် ပေါက်ကွဲသည့် အတွက် ယမန်နေ့က မြန်မာမာစစ်အစိုးရကို ထိုင်းအာဏာပိုင်များက ကန့်ကွက်စာ ပေးပို့ထားသည်။

ပြီးခဲ့သည့် တိုက်ပွဲများအတွင်း နှစ်ဘက် တပ်များ ဒဏ်ရာရ ကျဆုံးမှု ရှိကြောင်း သိရသော်လည်း သီးခြား အတည်ပြုချက် ရယူ နိုင်ခြင်း မရှိသေးပေ။

ရွေးကောက်ပွဲ ကျင်းပနေစဉ် ၂၀၁၀ ခုနှစ် နိုဝင်ဘာလ ၇ ရက် နှင့် ၈ ရက်နေ့က မြ၀တီမြို့နယ် အပါအ၀င် ဘုရားသုံးဆူမြို့နှင့် ကြာအင်းဆိပ်ကြီးမြို့နယ်များတွင် စစ်အစိုးရတပ်နှင့် DKBA တပ်မဟာ ၅ တို့ တိုက်ပွဲများ စတင်ဖြစ်ပွားခဲ့ပြီးနောက် နေ့စဉ် နီးပါးတိုက်ပွဲများ ဆက်တိုက် ဖြစ်ပွားလျက်ရှိသည်။