ကရင်ရွာသားတဦးကို နအဖတပ် ပစ်သတ်

ဒီဇင်ဘာလ ၁ရက်။ နန်းထူးစံ (ကေအိုင်စီ)

ကရင်ပြည်နယ်၊ ကြာအင်းဆိပ်ကြီးမြို့နယ်ရှိ ဘုရားသုံးဆူဒေသတွင် လက်ရှိ လှုပ်ရှားနေသည့် နအဖ ခမရ(၄၀၆)သည် ထိုဒေသအ တွင်း သွားလာနေသည့် လေးဝါ့ကလိုးရွာသားတစ်ဦးကို နိုဝင်ဘာလ ၂၉ရက်နေ့က အကြောင်းမဲ့ ပစ်သတ်ခဲ့သည်ဟု သိရသည်။

ပစ်သတ်ခံရသည့် အသက် ၂၅နှစ်အရွယ် ရွာသား စောဒါးဘလယ်သည် ကိစ္စတခုဖြင့် ရွာကနေ ရွာပြင်ဘက်ကို သွားရာ ဘုရားသုံး ဆူမှ ပြန်လာသည့် နအဖ ခမရ(၄၀၆)တပ်နှင့် ပက်ပင်းတိုးကာ ပစ်သတ်ခံရခြင်းဖြစ်သည်ဟု နယ်ခံတဦးက ပြောသည်။

သူက “အခင်းဖြစ်တာက နိုဝင်ဘာ ၂၉ရက် ညနေပိုင်း ၄နာရီလောက်မှာ ဖြစ်တာ။ ရွာသားတွေက အမြဲတမ်း တရွာနဲ့တရွာ သွား လာနေကျပဲလေ။ စောဒါးဘလယ်ကို ဘုရားသုံးဆူက ပြန်လာတဲ့ နအဖ တပ်က လေးဝါ့ကလိုးနဲ့ မယ်တပလီးအကြားမှာ တွေ့ပြီး ပစ်သတ်လိုက်တာ။”ဟု ကေအိုင်စီကို ပြောသည်။

ထိုနေ့တွင် အဆိုပါ နအဖတပ်သည် ဘုရားသုံးဆူဂွင်အတွင်းရှိ တဲ ၃လုံးနှင့် ဇီးပင်ကျေးရွာကြားတွင် ဒီကေဘီအေ (၉၀၆) တပ်ရင်း မှူး ဒုဗိုလ်မှူးကြီး စောအေ၀မ်းတပ်ဖွဲ့၏ ပြောက်ကျားတိုက်ခိုက်ခြင်းကို ခံခဲ့ရပြီး ၎င်းတို့တပ်ဖွဲ့ဝင်များ ထိခိုက်ကျဆုံးမှုများ ရှိခဲ့သည် ဟု သိရသည်။

ဗိုလ်ထိန်မောင်ကို စစ်အစိုးရ စတိုက်ပြီ

ဗိုလ်မှူးချုပ် ထိန်မောင် နှင့် နအဖ ဒု ဗိုလ်ချုပ်ကြီး ရဲမြင့် တို့ကို ငြိမ်းချမ်းရေး စယူစဉ်က ဤသို့တွေ့ရ(ဓာတ်ပုံ - thawthikho.blogspot.com)


နအဖ စစ်အစိုးရနှင့် အပစ်ရပ်တိုင်းရင်းသား လက်နက်ကိုင်အဖွဲ့ တဖွဲ့ ဖြစ်သော ဗိုလ်မှူးချုပ် ထိန်မောင် ဦးဆောင်သည့် KNU/KNLA ငြိမ်းချမ်းရေး ကောင်စီတပ်ဖွဲ့ဝင်များ ယမန်နေ့က တိုက်ပွဲ ဖြစ်ပွားခဲ့ပြီး KNU/KNLA တပ်ဖွဲ့ဝင် ၆ ဦး ဖမ်းဆီး ခံရကြောင်း သိရသည်။

အပစ်အခတ် ရပ်စဲထားသော ငြိမ်းချမ်းရေး ကောင်စီ တပ်ဖွဲ့ဝင်များကို ၃ နှစ်တာကာလ အတွင်း စစ်အစိုးရက ပထမဆုံး အကြိမ် ပြန်လည် တိုက်ခိုက်ခဲ့ခြင်း ဖြစ်သည်။

ဗိုလ်မှူးချုပ် ထိန်မောင်သည် ၂၀၀၇ ခု နှစ်ဆန်းပိုင်းက တပ်သား ၃၀၀ ခန့်နှင့်အတူ KNU မှ ခွဲထွက်ခဲ့သည်။ ထို့နောက် မြန်မာ စစ်အစိုးရနှင့် ငြိမ်းချမ်းရေးယူခဲ့ပြီး ၎င်း၏ အဖွဲ့ကို KNU/KNLA ငြိမ်းချမ်းရေးကောင်စီဟု အမည်ပေးခဲ့သည်။

အဆိုပါ တိုက်ပွဲသည် မြ၀တီမြို့နယ် ဖလူးကျေးရွာ အနီးတ၀ိုက်တွင် ကော့ကရိတ် အခြေစိုက် စစ်ဆင်ရေး ကွပ်ကဲမှု ဌာနချုပ် (စကခ) ၁၂ လက်အောက်ခံတပ် ခြေလျင်တပ်ရင်း (ခလရ) ၂၃၀ တပ်ဖွဲ့ဝင်များနှင့် ဖြစ်ပွားခဲ့သည်ဟု ငြိမ်းချမ်းရေး ကောင်စီမှ ပြောရေး ဆိုခွင့်ရှိသူ စောတီမိုသီ(Timothy)က ဧရာဝတီသို့ ပြောသည်။

“တပ်ရင်း ၂၃၀ ကနေပြီးတော့ ၀င်ပြီးတော့ တိုက်တယ်၊ ကျနော်တို့ စစ်သားတွေလည်း အေးအေး ဆေးဆေး ထိုင်နေတဲ့ အချိန်မှာ ပစ်တော့ စောတင်အောင်ဆိုတဲ့လူကို ထိသွားတယ်၊ အဲဒီမှာ ထိုင်နေတဲ့ ငြိမ်းချမ်းရေး ကောင်စီက တပ်ဖွဲ့ဝင် တွေကို သူတို့က ဖမ်းသွားတယ်”ဟု ၎င်းက ဆိုသည်။

အခင်း ဖြစ်ပွားမှုနှင့် ပတ်သက်၍ နှစ်ဘက် တာဝန်ရှိသူများကို အကြောင်းကြားထားကြောင်း သိရသည်။ ဖမ်းဆီးထားသည့် KNU/KNLAတပ်ဖွဲ့ဝင်များကို မြ၀တီမြို့ နယ်ရှိ စစ်ဖက်ဆိုင်ရာ လုံခြုံရေး တပ်ဖွဲ့ (စရဖ) ရုံးတွင် ထိန်းသိမ်းထားကြောင်း သိရ သည်။

စစ်အစိုးရက ကမ်းလှမ်းသော နယ်ခြားစောင့်တပ် အသွင်ကူးပြောင်းရေးကို လက်မခံသောကြောင့် ငြိမ်းချမ်းရေး ကောင်စီကို ရန်သူအဖြစ် သဘောထားခြင်း ဖြစ်ကြောင်း စောတီမိုသီ က ဆက်လက် ပြောဆိုသည်။

ယနေ့ စစ်အစိုးရတပ်နှင့် တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်ဖွဲ့ဝင်များ တိုက်ပွဲများ ဆက် လက် ဖြစ်ပွားနေသောကြောင့် ဒေသခံရွာသား ၅၀ ကျော် ထိုင်းနိုင်ငံ တာ့ခ် ခရိုင် မဲဆောက်မြို့နယ် အတွင်းသို့ ထပ်မံ ရောက် ရှိလာကြောင်း သိရှိရသည်။

ထွက်ပြေး ရောက်ရှိလာသော စစ်ပြေး ဒုက္ခသည်များကို ထိုင်း အာဏာပိုင်များက ထိုင်း နယ်ခြားစောင့် စခန်းဝင်းအတွင်း စောင့်ရှောက်ထားပြီး ယခုအခါ စုစုပေါင်း လူဦးရေ ၆၅၀ ခန့် ရှိကြောင်း သိရသည်။

ကရင်အမျိုးသမီး အစည်းအရုံး(KWO) ပြောရေး ဆိုခွင့်ရှိသူ နော် ဘလူးမင်း နိုက်ဇန်က“ဒီနေ့ ဆိုရင် ၅၀ လောက် ထပ်များ လာတယ်၊ ဘာဖြစ်လို့ ထွက်ပြေးလာသလဲဆိုတော့ သေနတ်သံတွေလည်း ဆက်ကြားနေတယ်၊ နောက်ပြီးတော့ နအဖ တပ်သားတွေက ပေါ်တာ လိုက်ဆွဲနေလို့ ကြောက်ပြီးတော့ ထွက်ပြေးလာကြတာ”ဟု ဧရာဝတီသို့ ပြောသည်။

ထိုင်း အစိုးရက မြန်မာနိုင်ငံ ဘက်ခြမ်းမှ တိုက်ပွဲများကြောင့် ထွက်ပြေးလာသော စစ်ပြေး ဒုက္ခသည်များကို နယ်စပ် ဖြတ် ကျော်ခွင့် ပေးထားသော်လည်း တိုက်ပွဲများ ရပ်ဆိုင်းသွားသည့် အချိန်တွင် မြန်မာနိုင်ငံ ဘက်သို့ ပြန်ခိုင်းလေ့ရှိသည်။

သို့သော် ယနေ့ ထိုင်းအာဏာပိုင်များက ထွက်ပြေးလာသော ဒုက္ခသည်များကို နေရပ်သို့ ပြန်ရန် ဖိအားပေးမှု တစုံတရာ မရှိ သေးကြောင်း သိရသည်။
နော်ဘလူးမင်းနိုက်ဇန်က“ထိုင်းအစိုးရက တိုက်ပွဲဖြစ်တယ်၊ သေနတ်သံကြားတယ်ဆိုတော့ မပြန်ခိုင်းဘူး သေချာတယ်၊ မကြားဘူးဆိုရင်တော့ ဒီနေ့ မကြားဘူး မနက်ဖြန် ပြန် အဲဒါတော့ သူတို့ အမြဲလုပ်နေကျပဲ”ဟု ၎င်းက ဆိုသည်။

ထို့အပြင် ထွက်ပြေးလာသော ကရင်ရွာသားများကို မဲဆောက်မြို့ရှိ အစိုးရမဟုတ်သော NGO အဖွဲ့အစည်းနှင့် လူ့အခွင့်အရေး လှုပ်ရှားနေသော အဖွဲ့အစည်းတချို့ ပူးပေါင်း၍ အစားအသောက်များကို ကူညီထောက်ပံ့ပေးထားကြောင်း သိရ သည်။

နိုဝင်ဘာလ ၇ ရက်နေ့တွင် ရွေးကောက်ပွဲကျင်းပနေစဉ် မြ၀တီမြို့နယ် ရဲစခန်းနှင့် နယ်စပ်ဂိတ်တချို့ကို DKBAတပ်ဖွဲ့ဝင်များ က ၀ိုင်းထားခဲ့ပြီး နောက်ပိုင်း ကရင်ပြည်နယ် အတွင်း တိုက်ပွဲများ ဆက်လက် ဖြစ်ပွားနေ ခြင်း ဖြစ်သည်။

ဖလူးကျေးရွာကို နအဖ ခြေလျင်တပ်ရင်း (ခလရ) ၃ ရင်း၊ အမြောက်တပ်ရင်းနှင့် အဂျင်နီယာ တပ်ရင်း အပါအ၀င် တပ်ရင်း ၅ ရင်းခန့် ထိန်းချုပ်ထားကြောင်း သိရသည်။

“နအဖ စစ်တပ်ကလည်း တိုင်းရင်းသား လက်နက်ကိုင်တွေကိုပဲ ဖြစ်ဖြစ်၊ အပစ်ရပ် အဖွဲ့တွေပဲ ဖြစ်ဖြစ် သေချာ ထိုင်ဆွေး နွေး ပြီး ညှိနှိုင်းဖို့လိုပါတယ်၊ ဒါမှမဟုတ်ရင်တော့ ပြည်တွင်းစစ်ဟာတော့ ဆက်ဖြစ်နေမှာပဲလို့ မြင်တယ်၊ ပြည်တွင်းစစ်ဆက်ဖြစ်နေ သရွေ့ ကာလပတ်လုံး ပြည်သူတွေကတော့ တချိန်လုံး ပြေးလွှာနေရမှာပဲ၊ ဘ၀တည်ငြိမ်မှုလည်း လုံးဝရှိမှာ မဟုတ်ဘူး”ဟု နော်ဘလူး မင်းနိုက် ဇန်က ပြောသည်။

ဧရာဝတီသတင်းမှ....

ကရင်ပြည်နယ်တွင် တိုက်ပွဲများ ထပ်မံဖြစ်ပွား ရုပ်သံ

ဧရာဝတီမှ....

ကေအိုင်အိုထိန်းချုပ်နယ်မြေတွင်တွင် လမ်းတချို့ ပိတ်သဖြင့်ဒေသခံနှင့်နှစ်ဖတ်တပ်များထိခိုက်

ဗိုလ်ချုပ်ခင်ညွန့်တကျော့ပြန်လာဦးမလား

ကရင်ငြိမ်းချမ်းရေး ကောင်စီအဖွဲ့ဝင် ၆ဦး နအဖ ဖမ်းမိ၊ တဦး ပစ်သတ်ခံရ

နိုဝင်ဘာလ ၃၀ရက်။ နန်းထူးစံ (ကေအိုင်စီ)

ကေအဲန်ယူ/ကေအဲန်အယ်လ်အေ ငြိမ်းချမ်းရေးကောင်စီ တပ်ဖွဲ့ဝင် ၆ဦးကို ယနေ့မနက်တွင် နအဖ စစ်တပ်မှ ဖမ်းဆီးလိုက်ပြီး ၁ဦးကို ပစ်သတ်လိုက်သည်ဟု ကေအိုင်စီက စုံစမ်းသိရှိရသည်။

ယနေ့မနက် ၉နာရီကျော်အချိန်၌ ကရင်ပြည်နယ်၊ မြ၀တီခရိုင်ရှိ ဖလူးကျေးရွာနှင့် မနီးမဝေး ပလောတပို့ဒေသတွင် လှုပ်ရှားသည့် ဗိုလ်တဲခီး ဦးစီးသော ငြိမ်းချမ်းရေးကောင်စီတပ်ဖွဲ့ကို နအဖ စစ်ကြောင်းက ၀ိုင်းမိပြီး ပစ်ခတ်ခဲ့ခြင်းကြောင့် ၁ဦး ကျဆုံးကာ ၆ဦးမှာ အရှင်ဖမ်းဆီးခံလိုက်ရခြင်း ဖြစ်သည်။

ကေအဲန်ယူ/ကေအဲန်အယ်လ်အေ ငြိမ်းချမ်းရေးကောင်စီအဖွဲ့မှ ဗိုလ်မှူးချုပ်အဆင့်ရှိသူ စောတီမသီက “ဒီမနက် ကျနော်ကြားတာ က ဗိုလ်တဲခီးရဲ့ တပ်ဖွဲ့ဝင် ၆ဦးကို နအဖ စစ်တပ်က ဖမ်းဆီးတယ်။ ၁ဦးကို ပစ်သတ်လိုက်တယ်လို့ ကြားတယ်။ ဒါပေမယ့် အသေး စိတ်တော့ မသိသေးဘူး။”ဟု ကေအိုင်စီကို အတည်ပြု ပြောဆိုသည်။

ဖလူးဒေသတွင် လှုပ်ရှားနေသည့် ကေအဲန်အယ်လ်အေ တပ်ဖွဲ့ဝင်တဦးက “အခု နအဖတွေက ဝေါ်လေကို တက်ဖို့လေ။ သူတို့ တက်လာတဲ့ လမ်းတလျှောက်မှာ သေနတ်လိုက်ပစ်တယ်။ ဖလူးအပေါ်ဘက် ပလောတပို့မှာ သူတို့(ငြိမ်းချမ်းရေးကောင်စီအဖွဲ့)ကို စစ်တပ်က တွေ့ပြီးတော့ ၀ိုင်းလိုက်တာလို့ ကျနော်ကြားတယ်။ အဲဒီမှာရှိတဲ့ သူတို့အဖွဲ့က လူနည်းတယ်လေ။”ဟု ပြောသည်။

(နယ်စပ်တနေရာတွင် စစ်ရေးပြင်ဆင်နေသူ ဒီကေဘီအေ တပ်ဖွဲ့ဝင်နှစ်ဦး)
လက်ရှိအချိန်တွင် ဖလူးဒေသ၌ နအဖ စကခ(၈)လက်အောက်ခံ ခလရ(၆၂) လှုပ်ရှားလျှက်ရှိပြီး ထိုတပ်ရင်းသည် နိုဝင်ဘာ ၂၄ ရက်နေ့က ဝေါ်လေဒေသသို့သွားရန် ဖလူးကျေးရွာတွင် ရောက်ရှိနေပြီးဖြစ်သော်လည်း ရှေ့ဆက်သွားမည့် လမ်းကြောင်းများကို ဒီကေဘီအေတပ်နှင့် ကေအဲန်အယ်လ်အေတပ်ဖွဲ့များ ပိတ်ဆို့ထားခြင်းကြောင့် ဝေါ်လေလမ်းကြောများကို လက်နက်ကြီးများဖြင့် လိုက်လံပစ်ခတ်လျှက်ရှိကြောင်း အဆိုပါကေအဲန်အယ်လ်အေတပ်သားက ပြောသည်။

ယင်းသို့ ဖမ်းဆီး၊ ပစ်သတ်ခံရသည့် ငြိမ်းချမ်းရေးကောင်စီ တပ်ဖွဲ့ဝင်ထဲတွင် ဗိုလ်တဲခီး ပါဝင်ခြင်း မရှိသလို ထိုအဖွဲ့၏ ဥက္ကဌ ဗိုလ် ချုပ်စောထင်မောင်နှင့် ဗိုလ်ချုပ်စောရင်နုတို့ကို ဆက်သွယ်မရခဲ့ပေ။

Collapse...

မြဝတီနှင့် ကော့ကရိတ်တွင် တိုက်ပွဲများ ဆက်ဖြစ်

ချင်းမိုင် မဇ္ဈိမ

 ကရင်ပြည်နယ် မြဝတီမြို့နယ်နှင့် ကော့ကရိတ်မြို့နယ်တို့တွင် ယနေ့မနက်ပိုင်းက တိုးတက်သော ဗုဒ္ဓဘာသာ ကရင်အမျိုးသား တပ်မတော်နှင့် စစ်အစိုးရတပ်များအကြား တိုက်ပွဲများ ဆက်လက် ဖြစ်ပွားနေကြောင်း ကရင် လက်နက်ကိုင် တပ်များထံမှ သိရသည်။ 

မြဝတီမြို့နယ် ဖလူးကြီးကျေးရွာအနီးတွင် ဒီကေဘီအေမှ ဗိုလ်ကျော်သက် ဦးဆောင်သည့် တပ်များနှင့် စကခ ၁၂၊ နည်းဗျူဟာ ၃ လက်အောက်ခံ တပ်ရင်း (၃) ရင်းနှင့် မနက် ၈ နာရီခန့်မှစ၍ သုံးနာရီခန့်ကြာ ပစ်ခတ်ကြသည်ဟု ဆိုသည်။

မင်းလက်ပန်၊ ဖလူးကြီး၊ ဖလူးလေးတို့မှ တိုက်ပွဲကြောင့် မဲဆောက်မြို့နယ် မဲ့ကိုကင်းကျေးရွာသို့ ယနေ့ ပြန်လည်ရောက်ရှိလာကြသည့် စစ်ပြေး ဒုက္ခသည်များ

“မနက်က သူတို့ဘက်က ၈၁ နဲ့ ၁၂ဝ မော်တာ လက်နက်ကြီးတွေကိုပါ သုံးပြီး ပစ်လာတယ်။ ကျနော်တို့ဘက်ကလည်း ပြန်ပစ်တာတွေတော့ ရှိတယ်။ အသေအပျောက်လည်း ရှိတယ်” ဟု ဒီကေဘီအေ ဗဟိုတပ်ရင်း လက်အောင်ခံ အရာရှိတဦးမှ မဇ္ဈိမကို ပြောသည်။

အင်အား ၂၀၀ ကျော်ရှိသည့် ခလရ ၆၁၊ ၅၄၇၊ ၂၃ဝ စစ်အစိုးရ တပ်များသည် ဝေါလေဒေသတွင် အခြေစိုက်သည့် ခလရ ၉၀၇၊ ၄၀၄၊ ၅၄၉ တို့ထံ အင်အားဖြည့်တင်းရန် ရောက်ရှိလာခြင်းဖြစ်ပြီး ပြီးခဲ့သည့် စနေ့နေ့က လမ်းခရီးတွင် ဒီကေဘီအေ ပျောက်ကျားတပ်များက ခြုံခို တိုက်ခိုက်ခဲ့သည်။

ယမန်နေ့အထိ ၃ ရက်အတွင်း ဖြစ်ပွားခဲ့သော အဆိုပါ တိုက်ခိုက်မှုများကြောင့် စစ်အစိုးရဘက်မှ ကျဆုံးသူ ၂ဝ ခန့်နှင့် ဒဏ်ရာရရှိသူ ၃ဝ ကျော်ပြီဖြစ်ကြောင်း ဒီကေဘီအေ ကပြောသည်။ သီးခြားအတည်ပြုချက် ရယူနိုင်ခြင်း မရှိပါ။

မင်းလက်ပန်၊ ဖလူးကြီး၊ ဖလူးလေးတို့မှ တိုက်ပွဲကြောင့် မဲဆောက်မြို့နယ် မဲ့ကိုကင်းကျေးရွာသို့ ယနေ့ ပြန်လည်ရောက်ရှိလာကြသည့် စစ်ပြေး ဒုက္ခသည်များ

အလားတူပင် ကော့ကရိတ်မြို့နယ် ဝေါလေ ကျေးရွာ ဗျူဟာကုန်းအနီးနှင့် စကားဝှက်ကျေးရွာ အနီးတို့တွင် စကခ (၈) လက်အောက်ခံ ခလရ ၉၀၇၊ ၄၀၄၊ ၅၄၉ တပ်ရင်းများနှင့် ကလို့ထူးဖေါ အရန်တပ်ခွဲမှူး ကျော်ဘူး ဦးဆောင်သည့် အဖွဲ့များလည်း ပစ်ခတ်မှုများဖြစ်ကြောင်း KNLA တပ်မဟာ (၆) ၁၀၂ တပ်ရင်းမှူး ဗိုလ်မှူးကြည်အောင်က မဇ္ဈိမကို ပြောသည်။

မြဝတီမြို့ခံ တဦးက “ ဒီမနက် ဖလူးဘက်မှာ ပစ်တဲ့ လက်နက်ကြီးသံတွေက ကျနော်တို့မြို့ပေါ်က ဒီအတိုင်း ကြားနေရတယ်။ ကျနော်တို့လည်း မြို့ပေါ်မှာ ရောက်လာမှာ ကြောက်တာပေါ့။ ကလေး ကျောင်းသွားပို့တာတောင် မိန်းမကိုလိုက်ပြီး အစောင့်ခိုင်း နေရတယ်” ဟု ပြောသည်။

မင်းလက်ပန်၊ ဖလူးကြီး၊ ဖလူးလေးတို့မှ တိုက်ပွဲကြောင့် မဲဆောက်မြို့နယ် မဲ့ကိုကင်းကျေးရွာသို့ ယနေ့ ပြန်လည်ရောက်ရှိလာကြသည့် စစ်ပြေး ဒုက္ခသည်များ

အခြားမြို့ခံတဦးကလည်း “အသံတွေကြားတော့ လူတွေက အပြင်မထွက်ကြတော့ဘူး။ မထွက်ကြတော့ ဆိုက်ကားသမားတွေ ဆိုက်ကား မနင်းရတော့ဘူး။ ကျနော်တို့ ကားလက်မှတ်ရောင်းတဲ့ လူတွေလည်း ဒီအတိုင်းပဲလေ။ ဒီအသံတွေကြားလို့ ခရီးသည်တွေ မထွက်တော့ လက်မှတ် မရောင်းကြရဘူးလေ။ စားဝတ်နေရေးတွေလည်း ဒုက္ခရောက်တာပေါ့”ဟု ပြောသည်။

ပြီးခဲ့သည့် စနေနေ့က ဖြစ်ပွားခဲ့သော တိုက်ပွဲများကြောင့် ထိုင်းနိုင်ငံ မဲဆောက်မြို့နယ် မဲကိုကင်း ကျေးရွာသို့ သွားရောက် ခိုလှုံခဲ့ကြသည့် ဒေသခံ ရွာသူရွာသား ၁,၀၀၀ ခန့်ကို ထိုင်းအာဏာပိုင်များက ယမန်နေ့က ပြန်ပို့ပေးခဲ့သော်လည်း ယနေ့မနက် တိုက်ပွဲများကြောင့် ထိုင်းနိုင်ငံဘက်သို့ ပြန်လည် ရောက်လာကြသည်ဟု ထိုင်းလုံခြုံရေး အရာရှိတဦးက ပြောသည်။ သို့သော် အရေအတွက်ကိုမူ ပြောပြနိုင်ခြင်း မရှိသေးပေ။

ကရင်ပြည်နယ်အတွင် စစ်အစိုးရတပ်များ အင်အားတိုး နေရာယူလာမှုများ ရှိနေသဖြင့် နောက်ပိုင်း ရက်များတွင် တိုက်ပွဲများ ဆက်တိုက် ဖြစ်ပွားလာနိုင်ကြောင်း ဒီကေဘီအေနှင် ကေအန်ယူတို့က ပြောဆိုနေကြသည်။

ဘုရားသုံးဆူနယ်မှာ တိုက်ပွဲတွေ ပြန်ဖြစ်

ဗွီအိုအေ

မြန်မာစစ်အစိုးရနဲ့ တိုင်းရင်းသား လက်နက်ကိုင် တပ်ဖွဲ့တို့ အကြားမှာ တပ်အသွင်ပြောင်းလဲရေး ဖိအားပေး အကျပ်ကိုင်မှုတွေကြောင့် အခြေအနေတွေ တင်းမာနေပါတယ်။ ထိုင်း၊ မြန်မာနယ်စပ် ဘုရားသုံးဆူမြို့မှာ မနေ့ညနေက နယ်ခြားစောင့်တပ် အသွင်ကို လက်မခံတဲ့ DKBA တပ်ဖွဲ့တွေနဲ့ စစ်ရေးအရ တိုက်ပွဲ ဖြစ်ပွားခဲ့ပါသေးတယ်။ ဒါ့အပြင် အခုဆိုရင် ဘုရားသုံးဆူဒေသမှာ မြန်မာစစ်တပ်ဘက်က စစ်အင်အားတွေ တိုးချထားပြီး လုံခြုံရေး အခြေအနေတွေ တင်းကျပ်ထားသလို တိုက်ပွဲဖြစ်ပွားမှု ပြင်းထန်လာခဲ့ရင် နှစ်ဦးနှစ်ဘက် အကျိုးမရှိသလို ဒေသခံတွေသာ စစ်ပြေးဒုက္ခသည် အဖြစ်နဲ့ ဒုက္ခရောက်ဦးမှာမို့ စိုးရိမ်မှုတွေလည်း ရှိနေပါတယ်။ တခြား တိုင်းရင်းသား လက်နက်ကိုင် အဖွဲ့တွေကလည်း စစ်ရေးအရ ထိုးစစ်ဆင်လာရင် အပြန်အလှန် စစ်ရေးအကူအညီ ပေးဖို့နဲ့ တပ်ပေါင်းစု တည်ဆောက်ပြီး စစ်ရေးပြင်ဆင်နေတဲ့ အခြေအနေတွေကို တွေ့နေရပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် နိုင်ကွန်းအိန်က တင်ပြပေးထားပါတယ်။

ထိုင်း၊ မြန်မာ နယ်စပ်မြို့ဖြစ်တဲ့ ဘုရားသုံးဆူမြို့နယ်ဘက်မှာ မြန်မာစစ်တပ်နဲ့ DKBA တပ်ဖွဲ့တို့အကြား နိုဝင်ဘာ ၂၈ ရက်နေ့ ညနေပိုင်းလောက်မှာ တိုက်ပွဲ ထပ်မံဖြစ်ပွားခဲ့တယ်လို့ ဒေသခံတွေက ပြောပါတယ်။ အဲဒီ တိုက်ပွဲဖြစ်ပွားမှု အခြေအနေတွေကို DKBA တပ်ရင်း ၉၀၆ က ဗိုလ်မှူး စောအေဝမ်းကို ဆက်သွယ် မေးမြန်းခဲ့ရာမှာ အခုလို ပြောပါတယ်။

“ဒီညနေ ၃ နာရီ ၁၅ မိနစ်မှာ နအဖတပ်နဲ့ ကျနော်တို့အဖွဲ့တွေ တဲ ၃ လုံးမှာ ပစ်ကြတယ်နော်။ ၁၅ မိနစ်၊ မိနစ် ၂၀ လောက် ရှိတာပေါ့ တိုက်ပွဲဖြစ်တာ။ သူတို့ဘက်က ၁ ယောက်ကျဆုံးပြီး ၂ ယောက် ဒဏ်ရာရတယ်၊ အဲဒီ ၄၀၆ အဖွဲ့တွေပေါ့။ သူတို့ဟာ ဟို ရင်ဘောင်တန်းတက်ပြီး လာတယ်လေ။ အဲဒီရွာ မဝင်ခင်မှာ ကျနော်တို့ဟာ အဲဒီမှာ ပစ်ခဲ့တယ်။ ၁၅ မိနစ်၊ မိနစ် ၂၀ နဲ့ ကျနော်တို့ ပြန်ဆုတ်တယ်။ အခုဟာ သူတို့ အဲဒီ ကျနော်တို့ပစ်တဲ့ ရွာအနားက ဘုန်းကြီးကျောင်းထဲမှာ သူတို့ရှိနေတယ်။ ပြီးတော့ ဒဏ်ရာရရှိတဲ့သူကို ကုသတယ်။”

ဒီတိုက်ပွဲဟာ ဘုရားသုံးဆူမြို့နဲ့ ၁၃ မိုင်ကျော်ကျော် ကြိမ်ချောင်းမရောက်ခင် ဇီးပင်အရှေ့ တဲသုံးလုံးမှာ ခလရ ၄၀၆ တပ်ရင်းကို ဗိုလ်မှူး စောအေဝမ်း ဦးစီးတဲ့ DKBA တပ်ဖွဲ့တွေက ကြိုတင် သတင်းရလို့ ချုံခိုတိုက်ခိုက်ခဲ့ခြင်း ဖြစ်တယ်လို့ ဗိုလ်မှူး စောအေဝမ်းက ပြောပါတယ်။ ခလရ ၄၀၆ တပ်ရင်းဟာ လူနာတွေ ထမ်းဖို့အတွက် တဲသုံးလုံးမှာ ပေါ်တာ အထမ်းသမားတွေ လိုက်လံဖမ်းဆီးနေတယ်လို့ မျက်မြင်သက်သေ မော်တော်ဆိုင်ကယ် အငှားသမားတဦးက ပြောပါတယ်။

အဲဒီလို နယ်ခြားစောင့်တပ်ဖွဲ့ကို လက်မခံတဲ့ ဗိုလ်မှူးကြီး စောနော်တရာနဲ့ ဗိုလ်မှူး စောအေဝမ်း ဦးစီးတဲ့ DKBA ၉၀၆ တပ်ရင်းနဲ့ စစ်အစိုးရတို့ ဖြစ်ပွားခဲ့တဲ့ လက်နက်ကိုင် ပဋိပက္ခတွေကြောင့် ဘုရားသုံးဆူမြို့ အတွင်းမှာ လုံခြုံရေးတွေ အထူးတင်းကျပ်နေတယ်လို့ မြို့ခံတဦးက အခုလို ပြောပါတယ်။

“ညမထွက်ရတော့ မဟုတ်ဘူး၊ သူတို့ ကြေညာထားတာမျိုး အခု ရပ်ကွက်အတွင်းရှိ လုပ်သားပြည်သူ အပေါင်းတို့၊ ဒီ သူတို့ လုံခြုံရေးအရပေါ့နော်၊ မော်တော်ကားများသည် မသင်္ကာဖွယ်ရာ တကယ်လို့ သည်းညည်းခံဖို့၊ ရပ်ပြီးတော့ အစစ်ဆေးခံဖို့၊ မောင်းမပြေးကြဖို့နော်။ တကယ်လို့ မောင်းပြေးလို့ ဆိုင်ကယ်တွေ ကားတွေ မောင်းပြေးလို့ ပစ်ခတ်မိရင် ဒီတပ်ကနေပြီးတော့ လုံးဝ တာဝန်ယူမှာ မဟုတ်တဲ့ အကြောင်းပေါ့နော် သူတို့ လိုက်ကြေညာတယ်။

“ဥပမာ ချောင်ကြိုချောင်ကြားမှာရှိတဲ့ သွားလာတဲ့ လူတွေလည်း အဲဒီလိုမျိုးပေါ့၊ အစစ်ဆေးခံဖို့၊ တကယ်လို့ မသင်္ကာဖွယ်ရာ ခရီးသွားလာတာတို့ ဖြစ်ရင် သူတို့ ပစ်မယ် ခတ်မယ်ပေါ့၊ သူတို့ တာဝန်မယူဘူးပေါ့။ ဟို ၁၄၄ တော့လည်း မဟုတ်ဘူး။ မသင်္ကာဖွယ်ရာတွေ့ရင် ပစ်ခတ်မယ်ဆိုတဲ့ သဘောပေါ့။ သူတို့ ညပိုင်းတချက်တော့ ကင်းတွေလှည့်တယ်။ ရပ်ကွက်ထဲမှာလည်း သူတို့ရဲဘော်တွေ တွေ့တယ်၊ အမှောင်ထဲမှာ ရဲဘော်တွေ စောင့်နေတယ်။ လေးငါးယောက်တဖွဲ့ အဲဒီလိုမျိုးပေါ့။ ပတ်ပတ်လည် ဝိုင်းပြီးတော့ စောင့်နေတယ်။ ညဘက် စစ်ကား ၃ စီးနဲ့ သူတို့ လှည့်နေတယ်။ ရဲတွေရော ရဲဘော်တွေရော အကုန်လုံးပေါ့။”

ဗိုလ်မှူးကြီး စောနော်တရာ ဦးစီးတဲ့ DKBA တပ်ဖွဲ့တွေဟာ ပြီးခဲ့တဲ့ နိုဝင်ဘာလက ဘုရားသုံးဆူမြို့ကို ဝင်ရောက်စီးနင်း သိမ်းပိုက်ခဲ့ပြီး စစ်အစိုးရ တပ်တွေနဲ့ တိုက်ပွဲ ဖြစ်ပွားခဲ့ပါသေးတယ်။ အဲဒီတိုက်ပွဲကြောင့် စစ်ပြေးဒုက္ခသည် ၁၀,၀၀၀ ကျော် ထိုင်းဘက်ခြမ်းနဲ့ တခြား လွတ်မြောက်ရာ ဒေသတွေဘက်ကို တိမ်းရှောင် ထွက်ပြေးနေခဲ့ရပါတယ်။ အခုခါမှာတော့ နယ်မြေ တည်ငြိမ်မှု ရှိစပြုပြီ ဆိုပေမဲ့ လုံးဝ စိတ်ချရတဲ့ အနေအထားမျိုး မရှိဘူးလို့လည်း ဒေသခံတွေက ပြောပါတယ်။ အခုလို တိုက်ပွဲတွေ ဆက်လက် ဖြစ်ပွားနေတဲ့အပေါ် ဘုရားသုံးဆူမြို့ခံ တဦးက အခုလို ပြောပါတယ်။

“တိုက်ပွဲတွေ ဖြစ်တော့လည်း ကျနော်တို့ ဒီမှာ သူတို့ပစ်တာက တဘက်နဲ့ တဘက် ထိကြတာ မဟုတ်ဘူး၊ ပြည်သူတွေဘက် သွားကျတယ်။ အခု နဂါးတောင်က ပစ်တာလည်း မြို့ထဲပဲ ပစ်ထည့်တယ်။ DKBA ကလည်း ဝင်တာ မြို့ထဲကိုပဲ။ အကုန်လုံးကလည်း မြို့ထဲကလူတွေပဲ အထိနာနေကြတော့ အကုန်လုံးက စိတ်ပူတယ်။ ဖြစ်လာတော့ အဲဒီလိုပဲ၊ ဖြစ်လာတော့ အကုန်လုံး ပစ်ပြီး ပြေးရတာပဲ ဒီမှာတော့။ ပြေးတဲ့နေရာကလည်း သိပ်ပြီးရှိတာ မဟုတ်ဘူး။ အဲဒါကြောင့်ပေါ့၊ ဖြစ်နိုင်ရင် မဖြစ်စေချင်ဘူး။

“ဘာမှလည်း သူတို့အတွက် အကျိုးရလဒ် သိပ်ရှိတာ မဟုတ်ဘဲ။ ဒီမှာက စီးပွားရေးလုပ် နယ်မြေပဲ။ သူတို့လည်း ထိထိရောက်ရောက် လုပ်ရင်တော့ တမျိုးပေါ့။ တောထဲ တောင်ထဲမှာပစ်ရင် အကြောင်းမဟုတ်ဘူး။ မြို့ထဲမှာပစ်တာ အဲဒါ စိတ်ညစ်ရတယ်၊ ပြေးရ လွှားရတာနဲ့။”

ဒီလို ဘုရားသုံးဆူမြို့ကို ၀င်ရောက် သိမ်းပိုက်တာဟာ နိုဝင်ဘာလ ၇ ရက်က စစ်အစိုးရက ကျင်းပပြုလုပ်တဲ့ အထွေထွေ ရွေးကောက်ပွဲကို ကန့်ကွက် ဆန့်ကျင်တဲ့ အနေနဲ့ ၀င်ရောက်သိမ်းပိုက်ခြင်း ဖြစ်တယ်လို့လည်း DKBA ဘက်က ပြောပါတယ်။

အခုအနေအထားမှာတော့ ဘုရားသုံးဆူမြို့နဲ့ ပတ်ဝန်းကျင် ဒေသမှာ မြန်မာစစ်အစိုးတပ်ကနေ တပ်အင်အား ၅ ရင်း ထပ်ဖြည့်ထားပြီး ခွဲထွက်သွားတဲ့ DKBA တပ်တွေနဲ့ KNU ကရင်အမျိုးသား အစည်းအရုံးရဲ့ တပ်တွေနောက်ကို လိုက်လံ ထိုးစစ်ဆင်နေတဲ့ အခြေအနေကြောင့် တိုက်ပွဲတွေ ထပ်မံ ပြင်းထန်လာဦးမယ်လို့ ထိုင်းနယ်စပ် စစ်ရေးအကဲခတ်သူတွေက ပြောပါတယ်။

တောတွင်း လက်နက်ကိုင်အဖွဲ့တွေ အနေနဲ့လည်း တောတွင်း ပြောက်ကျားစစ်ဆင်ရေး သာမက မြို့တွင်း ပြောက်ကျားစနစ်ပါ လုပ်ဆောင်လာနိုင်မယ့် အနေအထားမှာ ရှိတဲ့အတွက် မြို့ခံပြည်သူတွေရဲ့ လုံခြုံရေးဟာ အာမခံချက် မရှိနိုင်သေးသလို တကယ်လို့ တိုက်ပွဲပြင်းထန်လာရင် စစ်ပြေးဒုက္ခသည်တွေ ပိုပြီး တိုးလာမယ့် အနေအထားမှာ ရှိနေတယ်လို့လည်း ပြောဆိုမှုတွေ ရှိနေပါတယ်။

အလားတူ မြဝတီမြို့နယ် ဖလူးနဲ့ ဝေါ်လေဒေသတွေ ဘက်မှာလည်း ဗိုလ်မှူးချုပ် စောလားပွယ် ဦးစီးတဲ့ DKBA တပ်ဖွဲ့တွေနဲ့ စစ်အစိုးရတို့အကြား တိုက်ပွဲဖြစ်ပွားခဲ့တာကြောင့် ရွာသားတွေ အများအပြား နေရပ်ကို တိမ်းရှောင်ပြီး ထိုင်းနယ်မြေထဲကို ဒုက္ခသည်အဖြစ် ဝင်ရောက်လာမှုတွေ ရှိနေပါတယ်။

ဒါ့အပြင် နယ်ခြားစောင့်တပ်ဖွဲ့ကို လက်မခံ ငြင်းပယ်ခဲ့တဲ့ တခြား တိုင်းရင်းသား လက်နက်ကိုင် အဖွဲ့ ၆ ဖွဲ့ကလည်း စစ်အစိုးရ အနေနဲ့ ထိုးစစ်ဆင်လာရင် အပြန်အလှန် စစ်ရေးအရ အကူညီပေးဖို့ တပ်ပေါင်းစုတခု ဖွဲ့စည်းထားတယ်လို့ တပ်ပေါင်းစုအဖွဲ့ရဲ့ ပြောရေးဆိုခွင့်ရှိသူ မွန်ပြည်သစ်ပါတီ အထွေထွေ အတွင်းရေးမှူး နိုင်ဟံသာက ပြောပါတယ်။ အခုလို စစ်အစိုးရနဲ့ တိုင်းရင်းသား လက်နက်ကိုင် တပ်ဖွဲ့တွေကြားမှာ သဘောထား တင်းမာလာပြီး စစ်ရေးအရ ပြင်ဆင်မှုတွေ ပြုလုပ်နေတယ်လို့ စစ်ရေးအကဲခတ်သူတွေက သုံးသပ်ထားပါတယ်။

မြောက်ကိုရီးယား တိုက်ခိုက်မှုကို လက်တုံ့ပြန်သွားမည်ဟု တောင်ကိုရီးယား သမ္မတ သတိပေး

နိုဝင်ဘာ ၂၃ ရက်က မြောက်ကိုရီးယားနိုင်ငံဘက်က အမြောက်များဖြင့် ပစ်ခတ်မှု ဖြစ်ပေါ်ခဲ့ပြီး နှစ်နိုင်ငံအကြား အပြန်အလှန် ပစ်ခတ်ခဲ့မှု ဖြစ်ပွားခဲ့ရာ

ပြုံယမ်း၏လုပ်ရပ်ကို လက်တုံ့ပြန်သွားရန် လိုအပ်ကြောင်း တောင်ကိုရီးယားသမ္မတ

လီမြောင်ဘတ် က ပစ်ခတ်မှု ဖြစ်ပွားခဲ့ပြီး နာရီအနည်းငယ်အကြာတွင်

ပြောကြားခဲ့သည်။

ယခုတစ်ကြိမ် ပစ်ခတ်မှုသည် တောင်ကိုရီးယားပိုင်နက်ကို ကျူးကျော်သည့် လုပ်ရပ်တစ်ခုအဖြစ် မှတ်ယူရမည် ဖြစ်ကြောင်း စစ်ဦးစီးချုပ် ရုံးဌာနချုပ်တွင် ဆွေးနွေးပွဲ ပြုလုပ်နေစဉ်

လီမြောင်ဘတ်က ပြောကြားခဲ့ကြောင်း တောင်ကိုရီးယား ယွန်ဟပ် သတင်းဌာနက

ဖော်ပြခဲ့သည်။ ၁၉၅၃ ခုနှစ်တွင် အပစ်အခတ် ရပ်စဲရေး သဘောတူညီချက်ဖြင့်

ပြီးဆုံးခဲ့သော ကိုရီးယားစစ်ပွဲအပြီး နောက်ပိုင်း

တောင်ကိုရီးယားပိုင်နက်သို့ မြောက်ကိုရီးယားက အမြောက်များဖြင့်

တိုက်ရိုက်ပစ်ခတ်ခဲ့မှု ဖြစ်ပြီး တာင်ကိုရီးယား မရိန်းတပ်သားနှစ်ဦး

သေဆုံးခဲ့ကာ တောင်ကိုရီးယား စစ်သား ၁၅ ဦးနှင့် အရပ်သားသုံးဦး

ဒဏ်ရာရခဲ့ကြောင်း ယွန်ဟပ်က ဖော်ပြခဲ့သည်။

အရပ်သားများကို တိုက်ခိုက်မှုသည် ကြီးကျယ်သော ပြဿနာတစ်ခု ဖြစ်ကြောင်း၊ မြောက်ကိုရီးယားက ရန်လိုသော အမူအရာ ဆက်လက်ပြသနေပြီး တောင်ကိုရီးယား ကြည်း၊ ရေ၊ လေတပ်များက ညီညွတ်စွာဖြင့်
မြောက် ကိုရီးယား၏ ရန်စသော လုပ်ရပ်ကို လက်တုံ့ပြန်ရမည် ဖြစ်ကြောင်း
လီမြောင်ဘတ်က ပြောကြားခဲ့သည်။ မြောက်ကိုရီးယားကို လူသားချင်း
စာနာထောက်ထားမှု အကူအညီ ပေးနေစဉ် တောင်ကိုရီးယား အရပ်သားများကို
တိုက်ခိုက်မှုသည် လုံးဝ လက်သင့်ခံစရာ မကောင်းကြောင်း လီက ပြောကြားခဲ့သည်ဟု
ယွန်ဟပ်က ဖော်ပြခဲ့သည်။

ပင်လယ်ဝါရှိ အငြင်းပွားနေသော ယုံပြောင်ကျွန်းသို့ မြောက်ကိုရီးယားက အမြောက်ဆန် ၁၀၀ ခန့် ပစ်ခတ်ခဲ့ပြီး တောင်ကိုရီးယား စစ်ဘက်က အချက် ၈၀ ကျော် ပြန်လည် ပစ်ခတ်ခဲ့ကာ
တိုက်လေယာဉ်များကို တပ်စွဲခဲ့ကြောင်း၊ အပြန်အလှန် ပစ် ခတ်မှုမှာ တစ်နာရီခန့်
ကြာမြင့်ခဲ့ကြောင်း ကာကွယ်ရေး တာဝန်ရှိသူများက ပြောကြားခဲ့သည်။ စစ်လေယာဉ်
၇၅ စီး တင်ဆောင်လာပြီး သင်္ဘောသား ၆၀၀၀ ကျော် လိုက်ပါလာသော နျူစွမ်းအင်သုံး
အမေရိကန် လေယာဉ်တင်သင်္ဘော USS George Washington သည်
တိုကျိုမြို့တောင်ပိုင်းရှိ ရေတပ်အခြေစိုက်စခန်းမှ ထွက်ခွာလာနေပြီး
နိုဝင်ဘာ ၂၈ ရက်တွင် တောင်ကိုရီးယားနှင့် စစ်ရေးလေ့ကျင့်မှု၌
ပူးပေါင်းပါဝင်မည် ဖြစ်ကြောင်း ဆိုးလ်မြို့ရှိ အမေရိကန် တာဝန်ရှိသူများက
ပြောကြားခဲ့သည်။

ယင်းဖြစ်စဉ် ဖြစ်ပွားခဲ့ပြီးနောက် မြောက်ကိုရီးယားထံ ရေဘေး အကူအညီပေးမည့် အစီအစဉ်ကို တောင်ကိုရီးယားက ရပ်ဆိုင်းခဲ့ကြောင်း အမည်မဖော်လိုသော တာဝန်ရှိသူတစ်ဦး က ပြောကြားခဲ့သည်။


http://www.news-eleven.com/
Collapse...

ကရင်တပ်ဖွဲ့နှင့် ဖြစ်ပွားသည့် တိုက်ပွဲတွင် နအဖ ၃၀ဦးကျဆုံး

နိုဝင်ဘာလ ၂၉ရက်။ စောသိန်းမြင့် (ကေအိုင်စီ)

ကရင်ပြည်နယ်၊ ကော့ကရိတ်မြို့တောင်ဘက်ပိုင်းတွင် ကရင်တပ်ဖွဲ့မှ နအဖနှင့် နယ်ခြားစောင့်တပ်(BGF) ပူးပေါင်းတပ်တို့ကို ချုံခိုတိုက်ခိုက်ခဲ့ရာ နအဖဘက်မှ (၃၀)ဦး ကျဆုံးခဲ့ပြီး လက်နက် (၃၀)လက် ကရင်တပ်ဖွဲ့မှ သိမ်းဆည်းရမိသည်ဟု သိရ သည်။

ယမန်နေ့ နေ့လည်ပိုင်းတွင် ကော့ကရိတ်အခြေစိုက် နအဖ စကခ(၁၂) လက်အောက်ခံ ခလရ(၂၃၁)တပ်ရင်းနှင့် BGF (၁၀၁၆)တပ်ရင်းတို့ ပူးပေါင်းတပ်ဖွဲ့အား တိုးတက်သော ဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ) ကလိုထူး ဘောဗျူဟာ(၁)နှင့် ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) တပ်ရင်း(၁၈)တို့ပူးပေါင်း၍ ခုဒုံနှင့် အောင်လိုင်ကျေးရွာ ကြားတနေရာတွင် ချုံခိုတိုက်ခိုက်ခဲ့သည်ဟု ဒီကေဘီအေ ကလိုထူးဘောဗျူဟာ(၁) စစ်ဆင်ရေးမှူး G2 ဗိုလ်မှူးစောဆန်းအောင်က ယခုလို ပြောသည်။

၎င်းက “မနေ့က နေ့လည် ၁၂း၀၀နာရီအချိန်မှာ ခုဒုံနဲ့ အောင်လိုင်ကြားက တောင်ကြားတနေရာမှာ တက်လာတဲ့ နအဖနဲ့ BGF စစ်ကြောင်းကို ကျနော်တို့တပ်ဖွဲ့က အပိုင်နေရာယူထားပြီးတော့ စောင့်ပစ်တယ်။ အဲဒီမှာ နအဖနဲ့ BGF တွေရဲ့ အလောင်း ၃၀ နဲ့ လက်နက်အလက် (၃၀)ကို ကျနော်တို့ဘက်က ကောက်ရခဲ့တယ်။”ဟု ကေအိုင်စီကို အတည်ပြုပြောကြားသည်။

(ဝေါ်လေဒေသတွင် စစ်ရေးပြင်ဆင်နေသည့် ကလို့ထူးဘောဗျူဟာ တပ်ဖွဲ့ဝင်များ)

အဆိုပါ ချုံခိုတိုက်ပွဲတွင် ကရင်တပ်ဖွဲ့ဘက်ကလည်း ထိခိုက်ဒဏ်ရာရမှု အနည်းငယ် ရှိခဲ့ပြီး နအဖနှင့် BGF တို့ထံမှ 81၊ 82၊ RPG၊ M1၊ M2 စသည့်လက်နက်များ အပါအ၀င် ကျည်ဆံတချို့ကိုလည်း သိမ်းဆည်းရမိခဲ့သည်ဟု ဗိုလ်မှူးစောဆန်းအောင် က ပြောသည်။

ထို့အပြင် မြ၀တီခရိုင် ဝေါ်လေဒေသ၊ ဖလူးကျေးရွာတွင် ပြီးခဲ့သည့် နိုဝင်ဘာလ ၂၆ရက်နေ့ည (သောကြာနေ့)မှစ၍ ယနေ့အ ချိန်ထိ နအဖ စစ်တပ်နှင့် ကရင်တပ်ဖွဲ့ဝင်တို့ကြား အပြန်အလှန် ပစ်ခတ်ခဲ့ရာ နအဖဘက်က ၁ဦး သေဆုံးကာ ၂၅ဦးထိခိုက် ဒဏ်ရာရရှိခဲ့ပြီး ကရင်တပ်ဖွဲ့မှ ၁ဦး အနည်းငယ် ဒဏ်ရာရရှိခဲ့ကြောင်း သိရသည်။

ထိုပစ်ခတ်မှုများကြောင့် ဖလူးကြီး၊ ဖလူးငယ်၊ ကျောက်ခက်စသည့်ကျေးရွာမှ ဒေသခံ ကရင်ပြည်သူ ၁,၀၀၀ကျော် ထိုင်းနိုင်ငံ၊ ဖို့ဖရမြို့နယ်အတွင်းရှိ နယ်စပ်နေရာများသို့ ထွက်ပြေးခိုလှုံခဲ့ရသည်။

အလားတူ ဘုရားသုံးဆူမြို့နယ်ခွဲရှိ တဲသုံးလုံးနှင့် ဇီးပင်ကျေးရွာကြားတွင် နအဖ ခမရ(၄၁၀)နှင့် ဒီကေဘီအေ ဒုဗိုလ်မှူးကြီး စောအေ၀မ်းတပ်ဖွဲ့တို့ ပြောက်ကျားတိုက်ပွဲ ဖြစ်ပွားခဲ့ရာ နအဖဘက်မှ ၂ဦး ပွဲချင်းပြီး ကျဆုံးသွားခဲ့ကြောင်း သိရသည်။

နယ်ခြားစောင့်တပ် အမှတ်(၁၀၁၆)တပ်ရင်းကို ဦးစီးသူမှာ ဗိုလ်မှူးစောမြတ်ခိုင်ဖြစ်ပြီး ယခင် ဒီကေဘီအေ တပ်မဟာ(၉၉၉) လက်အောက်ခံ တပ်ရင်း(၃)၏ တပ်ရင်းမှူးဖြစ်သည်။

I am people's Soldier not soldiers' people by Saw Lah BweDKBA

သောသီခိုမှ
ငါတို့ဟာပြည်သူ့တပ်မတော်သားဖြစ်တယ်။ တပ်မတော်ရဲ့ပြည်သူမဟုတ်(ဗိုလ်မှုးချုပ်စောလားပွယ်)
“ကျနော်တို့ ခုလိုရပ်တည်ပြီးလုပ်ရတာဟာ ကိုယ်ကျိူးအတွက်မဟုတ်ဘူး၊ အမျိူးသားရေးအတွက် မျိူးချစ်စိတ်ဓါတ်အပြည့်နဲ့ လုပ်တာဖြစ်တယ်၊ ပြန်သွားတဲ့လူ(BGF နယ်ခြားစောင့်တပ်လုပ်တဲ့သူ) တွေဟာ အဖွဲ့  အစည်းကို ခုတုံးလုပ်ပြီး ကိုယ်ကျိူးရှာတဲ့လူတွေ။ လက်ရှိ ရှိဒါက သံမဏိစိတ်ဓါတ် မျိူးချစ်စိတ်ဓါတ် အပြည့်အ၀ရှိတယ် ကြေးစားတပ်မတော်မဟုတ်ဘူး” (ဗိုလ်စန်းအောင် - တပ်မဟာ ၅ - DKBA)

“ကျနော်ဟာ စစ်သားဖြစ်တယ်၊ ပြည်သူရဲ့စစ်သားဖြစ်တယ်။ စစ်သားရဲ့ ပြည်သူ မဟုတ်ဘူး၊ ပြည်သူ့  စစ်သားဖြစ်တဲ့အတွက် ပြည်သူတွေရဲ့ အကြံပေးမှု လမ်းညွန်မှုကိုလိုက်နာဆောင်ရွက်ရမည်”
(ဗိုလ်မှူးစောလားပွယ် - တပ်မဟာ ၅ - DKBA)

"လူထု ရန်သူတစု
ကျူးကျော် ရန်စကြသည်
မတရား ရမ်းကားသည်
လူထုများ မခံကြပါ
ပြန်ချကြပါလား"
(တာအူထ မူလတန်းကျောင်းသားများ)

ဗီဒီယိုဖိုင် အပြည့်အစုံကို ဒီမှာကြည့်ရှုနိုင်ပါသည်။

ဒီကေဘီအေနှင့် ရန်သူနအဖ တိုက်ပွဲသတင်း၂၈-၁၁-၂၀၁၀

http://sweetsummerbell.blogspot.com/

သတင်း
နေ့လည်(၃ နာရီ) မြ၀တီမြို့ တောင်ဘက် ကီလိုမီတာ ၂၀ အကွာရှိ ဖလူးကျေးရွာအနီး တဲ့ဂေါ်ကျိုးဘက်မှာ နအဖ တပ်များနဲ့ ဒီကေဘီအေတပ်များ ယနေ့မနက် ၈ နာရီနဲ့ နေ့လည် ၁၂ နာရီ ၄၁ မိနစ်မှာ တိုက်ပွဲတွေဖြစ်ပွားခဲ့ပါတယ်။ နအဖ စကခ ၁၂ လက်အောက်ခံ ခလရ ၆၁ နဲ့ ခမရ ၂၃၀ တပ်ရင်းနဲ့ ဒီကေဘီအေ ကလိုထူးဖောဗျူဟာမှူး ဗိုလ်မှူးကျော်သက်ဦးဆောင်တဲ့ ဒီကေဘီအေ အဖွဲ့တွေလို့ သိရှိရပါတယ်။ ယနေ့ဖြစ်သော တိုက်ပွဲတွင် နအဖ ဘက်မှ ထိခိုက်ဒဏ်ရာရမှု ပြင်းထန်ကြောင်း သိရှိရပါတယ်။

နေ့လည်(၂ နာရီ) ယမန်နေ့ညနေ ၄ နာရီခန့်က နအဖ စကခ ၁၂ လက်အောက်ခံ ခမရ ၂၃၀ တပ်ရင်း၊ နယ်ခြားစောင့်တပ်များနဲ့ ဒီကေဘီအေ ကလိုထူးဖောဗျူဟာမှူး ဗိုလ်မှူးကျော်သက်ဦးဆောင်တဲ့ ဒီကေဘီအေ အဖွဲ့တိုက်ပွဲဖြစ်ရာ နအဖ ဘက်မှ တပ်သား ၂ ဦးသေဆုံးပြီး ၆ ဦး ဒဏ်ရာရှိကြောင်း သိရှိရပါတယ်။

နံနက် (၈ နာရီ) နအဖ စစ်တပ် ခလရ ၆၁ နဲ့ ခမရ ၂၃၀ တပ်ရင်းနဲ့ ဒီကေဘီအေ ကလိုထူးဖောဗျူဟာမှူး ဗိုလ်မှူးကျော်သက်တို့ ယမန်နေ့ ညနေပိုင်း ဖလူးကျေးရွာအနီး တဂေါ်ကျိုးဘက်မှာ တိုက်ပွဲတွေဖြစ်ပွားခဲ့ပါတယ်။ နအဖ စစ်တပ်မှ ရိက္ခာနဲ့ စစ်လက်နက်ပစ္စည်းများ တင်ဆောင်လာတာကို ဒီကေဘီအေ ကလိုထူးဖောဗျူဟာမှူး ဗိုလ်မှူးကျော်သက်တို့က ခြုံခိုတိုက်ခိုက်တာကြောင့် တိုက်ပွဲဖြစ်ပွားခဲ့တာပါ။ တိုက်ပွဲက ည ၈ နာရီလောက်တွင် လက်နက်ကြီးများနဲ့ အပြန်လှန်ပစ်ခတ်မှု ပြင်းထန်လာခဲ့ပါတယ်။ ညဦးပိုင်းအထိ ပစ်ခတ်မှုများရှိခဲ့ကြောင်း သိရှိရပါတယ်။

ဖာပွန်ခရိုင်တွင် ရွှေတူးလုပ်ငန်း တိုးချဲ့လုပ်ဆောင်ရန် KNU လက်မခံ

KIC သတင်းမှ......

ကရင်ပြည်နယ်၊ ဖာပွန်ခရိုင် ဒွယ်လိုးမြို့နယ်ရှိ မဲ့ကလယ့်လော်ချောင်းတွင် ရွှေလာရောက်တူးဖော်ခဲ့သည့် ကုမ္ပဏီများက ထို ဒေသရှိ နောက်ထပ် ချောင်းနှစ်ချောင်းဖြစ်သည့် မယ်တိုးချောင်းနှင့် မယ်ဝေချောင်းတို့ကိုပါ လာမည့် ၂၀၁၁ အတွင်း ရွှေလုပ်ငန်း များ ထပ်မံ တိုးချဲ့မည့် အစီအစဉ်ကို လက်မခံနိုင်ကြောင်း ကရင်အမျိုးသားအစည်းအရုံး(KNU)က ဆိုသည်။

ယခု နိုဝင်ဘာလ ပထမအပတ်တွင် ရွှေလာရောက်တူးဖော်ခဲ့သည့် ကုမ္ပဏီမှ ကိုယ်စားလှယ်များက အဆိုပါဒေသ၌ လှုပ်ရှားနေ သည့် KNLA တပ်ဖွဲ့နှင့် လာရောက်ညှိနှိုင်းဆွေးနွေးခဲ့ကြောင်း ဖာပွန်ခရိုင်ရှိ KNLA တပ်မဟာ(၅)၏ ရုံးထိုင်မှူး ဗိုလ်မှူးစောက လယ်ဒို့က ကေအိုင်စီကို ယခုလို ရှင်းပြသည်။

“ရွှေလုပ်ငန်းတိုးချဲ့ဖို့ဆိုပြီး ကျနော်တို့ကို လာတွေ့တာ နှစ်ခါရှိပြီ။ ပြီးခဲ့တဲ့ ၇လပိုင်းတုန်းက တခါနဲ့ အခုလ အစောပိုင်းမှာ တခါ ပေါ့။ ဒါပေမဲ့ ကျနော်တို့ဘက်က လက်မခံသေးဘူး။ လက်ခံလိုက်ရင် အဲဒီဒေသက ပတ်ဝန်းကျင်ပျက်စီးမှုတွေ များလာမယ်။ နောက် ပြည်သူတွေလည်း ဒုက္ခရောက်မယ်။ ဒါကြောင့် လက်ခံဖို့အတွက်က စဉ်းစားရအုံးမယ်။”ဟု ၎င်းက ဆိုသည်။

ယင်းသို့ လာရောက်ညှိနှိုင်းသည့် ရွှေတူးကုမ္ပဏီ ကိုယ်စားလှယ်များမှာ ကိုချိုနှင့် ဦးရဲထွန်းတို့ဖြစ်ကြောင်း ဗိုလ်မှူးစောကလယ် ဒို့က ဆက်လက်ပြောဆိုသည်။

သူက “ရွှေလာတူးခဲ့တုန်းက ကုမ္ပဏီတွေက မြဌေးကြွယ်နဲ့ ချစ်လေးမြိုင်နဲ့ အခြားကုမ္ပဏီတွေပေါ့။ သူတို့(ကုမ္ပဏီ) မြတ်တယ်လို့ တော့ ကြားတယ်။ ဘယ်လောက်မြတ်လဲဆိုတာ ကျနော်တို့ တိတိကျကျ မသိပါဘူး။ မြတ်လို့ပဲ လုပ်ငန်းထပ်တိုးချဲ့တယ်လို့ ထင် တယ်။”ဟု ဆက်ပြောသည်။

အဆိုပါ ရွှေတူးဖော်ရေးလုပ်ငန်းကြောင့် ထိုဒေသရှိ မဲချို၊ ၀င်းမောင်း(ဝေါမူ)၊ မလေးကျောက်(မလေးလယ်) ကျေးရွာအုပ်စုရှိ ရွာ သားများ၏ လယ်ယာဧက ၄၀၀ရှိ လယ်ကွင်း ၈၅ကွင်း ပျက်စီးသွားခဲ့ကြောင်း ကေအဲန်ယူ၊ ဖာပွန်ခရိုင်၏ မှတ်တမ်းများအရ သိ ရသည်။

၎င်းအပြင် ရွှေတူးကုမ္ပဏီများ ထပ်မံ၍ ရွှေတူးဖော်လိုသည့် မဲတိုးချောင်းနှင့် မဲဝေချောင်းတစ်လျှောက်ရှိ ၀င်းမောင်းနှင့် မလေး ကျောက်ကျေးရွာအုပ်စုတွင် ရွာပေါင်း ၃၀ ၀န်းကျင်ရှိသည်ဟု သိရသည်။

ပြီးခဲ့သည့် မေလလဆန်းပိုင်းမှစ၍ ရွှေတူးဖော်ရေးလုပ်ငန်းကို ရပ်တန့်ထားသော်လည်း လက်ရှိအချိန်တွင် အင်အား ၂၀၀ကျော် ရှိ နယ်ခြားစောင့် အမှတ်(၁၀၁၃)တပ်ရင်းက လုံခြုံရေး တာဝန်ယူပေးနေသလို KNLA ၏ နယ်မြေခံ (၁၀၂)တပ်ရင်းလည်း ပုံမှန် လှုပ်ရှားလျှက်ရှိသည်။

၂၀၀၉ခုနှစ်၊ အောက်တိုဘာလက ယခင် ဒီကေဘီအေ (၉၉၉)တပ်မဟာ ဗျူဟာမှူး ဗိုလ်မှူးကြီးစောချစ်သူ ဦးဆောင်သည့် အင် အား ၆၀၀ခန့်ရှိ တပ်မဟာ(၉၉၉)၊့ (၃၃၃)နှင့် (၆၆၆)လက်အောက်ခံ တပ်ရင်းများသည် ဖာပွန်ခရိုင်၊ ဒွယ်လိုးမြို့နယ် မယ်က လယ့်လော်ချောင်းတွင် ရွှေတူးဖော်ရေး စက်ပစ္စည်းများ၊ ထရပ်ကားများနှင့် ရောက်ရှိလာပြီး ကုမ္ပဏီအချို့နှင့်အတူ ရွှေတူးလုပ် ငန်း စတင်လုပ်ကိုင်ခဲ့သည်။

.

အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည် နေအိမ်အကျယ်ချုပ်မှ ပြန်လည် လွတ်မြောက်လာမှုအပေါ် ကရင်အမျိုးသမီးခေါင်းဆောင်အချို့၏ ကြိုဆိုနှုတ်ခွန်းဆက်စကား

ကရင်သတင်းဌာန(ကေအိုင်စီ)

နန်းစေအွာ (ပြည်သူ့လွှတ်တော် ကိုယ်စားလှယ်၊

ဖားအံမြို့နယ် မဲဆန္ဒနယ်အမှတ်-၂၊ ဖလုံ-စဝေါ်ဒီမိုကရက်တစ်ပါတီ(PSDP))
ဒေါ်စု အခုလို ပြန်လွှတ်လာတာ ကျမတို့ ၀မ်းသာတယ်။ လူထုခေါင်းဆောင်ဖြစ်တဲ့အတွက် ပြည်သူလူထုတွေလည်း သူ့ကို မျှော်လင့်နေကြတယ်။ အခု သူလွှတ်ပြီးတော့ လူထုကောင်းကျိုးအတွက် ကြိုးစားလုပ်ဆောင်သွားမှာပဲ။ အဲဒီအတွက် ကြိုဆိုတယ်။ ဒါပေမယ့် ဘယ်လောက်လုပ်နိုင်မယ်ဆိုတာတော့ အခု စစ်အစိုးရအပေါ်မူတည်နေသေးတယ်။ ဘာဖြစ်လို့လဲဆို တော့ အမိန့်အာဏာက စစ်အစိုးရလက်ထဲမှာ ရှိတယ်လေ။ ဒေါ်စုကို အချိန်မရွေး သူတို့ အန္တရာယ်ပေးနိုင်တယ်။ ဒါပေမယ့် အခု မီဒီယာတွေက ဖိအားပေးရင်တော့ နည်းနည်းတော့ သူတို့ ရှိန်တယ်။ မီဒီယာတွေက တအားများလာတော့လေ။ သူတို့ လုပ်ချင်တိုင်း သိပ်မလုပ်သလိုတော့ ရှိလာတယ်။ ဒါပေမယ့် သိပ်ယုံလို့တော့ မရဘူး။

တကယ်လို့များ စစ်အစိုးရက ဒေါ်စုကို အနှောက်အယှက်မပေးဘဲ လွတ်လွတ်လပ်လပ် သူ လှုပ်ရှားလို့ရရင်တော့ ကျမတို့ ကရင်ပြည်နယ်ရဲ့ အခြေအနေက နည်းနည်းရှုတ်တယ်။ အထူးသဖြင့် နယ်စပ်ဒေသက ဒုက္ခရောက်နေတဲ့ လူထုတွေ အတွက်ကို နည်းနည်း စဉ်းစားပြီး ကူညီလုပ်ပေးစေချင်တယ်။ စစ်ဘေးစစ်ဒဏ်တွေ ရှိနေတုန်းပဲ။ မတရားပြုတာတွေ ခံနေရ တယ်။ အမြဲတမ်း ပြေးလိုက်လွှားလိုက်နဲ့ဆိုတော့လေ။ အဲဒါ ပြသနာတွေကို ၀ိုင်းဝနုးဖြေရှင်းစေချင်တယ်။ တိုင်းပြည်တည်ငြိမ် အေးချမ်းမှပဲ ဖွံ့ဖြိုးတိုးတက်အောင် လုပ်လို့ ရမယ်လေနော်။

KNU အထွေထွေ အတွင်းရေးမှူး နော်စီဖိုးရာစိန်

ဒေါ်စုဟာ နေအိမ်အကျယ်ချုပ်ကနေ လွတ်မြောက်လာပြီး နိုင်ငံရေးထဲကို ပြန်ဝင်လာတဲ့အတွက် ကျမတို့ ၀မ်းသာ တယ်။ သူ့ကို အပြည့်အ၀ ထောက်ခံပြီး သူနဲ့အတူ ရပ်တည်မယ်။ မြန်မာနိုင်ငံ ပြောင်းလဲရေးအတွက် ဒီမိုကရေစီရရှိဖို့ ကြိုးပမ်း နေတဲ့ ဒေါ်အောင်ဆန်းစုကြည်နဲ့အတူ ကျမတို့ ရှိနေပါတယ်။ မြန်မာနိုင်ငံ ငြိမ်းချမ်းရေးအတွက်ဆိုရင် ကျမတို့ရဲ့ သဘောထား နဲ့ ရပ်တည်ချက်ဟာလည်း သူ့နဲ့ တစ်ထပ်တည်း ရှိနေပါတယ်။ ကျမတို့ အဖွဲ့အစည်းရဲ့ ရည်မှန်းချက်က မြန်မာနိုင်ငံ တိုင်းရင်း သားအားလုံး တန်းတူအခွင့်အရေးနဲ့ ကိုယ်ပိုင်ပြဌာန်း ခွင့်ရရှိဖို့၊ ဒီမိုကရေစီရရှိဖို့၊ ဖယ်ဒရယ်ပြည်ထောင်စု တည်ထောင်ဖို့လေ။

အခု နိုင်ငံတကာက သူ့ကို ဒီမိုကရေစီခေါင်းဆောင်အဖြစ် လေးစား အသိအမှတ်ပြုထားတာ ကျမတို့ ၀မ်းသာတယ်။ မြန်မာပြည်သူတွေကလည်း သူ့ကို ထောက်ခံတယ်လေ။ ကျမတို့နိုင်ငံ ပြောင်းလဲရေးနဲ့ ဒီမိုကရေစီရရှိဖို့အတွက် သူတယောက် တည်း လုပ်လို့မရပါဘူး။ မြန်မာနိုင်ငံ တိုင်းရင်းသားအားလုံး ပါဝင်မှ ရမှာပါ။ သူ့အနေနဲ့ မြန်မာနိုင်ငံ ပြောင်းလဲရေးအတွက် တိုင်းရင်းသားအားလုံးနဲ့ အလုပ်အတူတွဲလုပ်ဖို့ ကျမ တိုက်တွန်းချင်ပါတယ်။
နောက်ဆုံး ပြောချင်တာကတော့ တိုင်းရင်းသား ပြည်သူလူထု အားလုံး ဒေါ်စုနဲ့အတူ ရှိကြဖို့ တိုက်တွန်းချင်ပါတယ်။

ဒေါက်တာစင်သီယာမောင် (မယ်တော်ဆေးခန်း တာဝန်ခံ)

ကျမတို့ ဖြစ်စေချင်တာကတော့ တခြားနိုင်ငံရေးအကျဉ်းသားတွေအားလုံး လွတ်မြောက်ရေးအတွက် သူ ဆက်လက် ပြီးတော့ ကြိုးစားသွားအောင်ပေါ့။ ပြီးတော့ မြန်မာနိုင်ငံ ပြန်လည်ထူထောင်ရေး၊ အမျိုးသားရင်ကြားစေ့ရေးမှာ တိုင်းရင်းသား လက်နက်ကိုင် အဖွဲ့အစည်းတွေကော၊ လက်နက်မကိုင်တဲ့ အဖွဲ့အစည်းတွေ၊ တခြားဒီမိုကရေစီအင်အားစုတွေ၊ စစ်အစိုးရနဲ့ ပေါ့နော်။ ဆက်လက် ညှိနှိုင်းရေးမှာ ဆက်လက် ဦးဆောင်သွားနိုင်မယ်လို့ သူ့ရဲ့ ဆွေးနွေးပွဲ ဟောပြောပွဲမှာလည်း ပြန်ကြား ထားပြီးသား ဖြစ်တဲ့အတွက် အဲဒါတွေကို ကျမတို့ ၀ိုင်းဝန်းပြီးတော့ ပံ့ပိုးသွားဖို့ပဲရှိပါတယ်။

သူ့ဘက်ကတော့ ဆက်ပြီးလုပ်ဆောင်ရမယ့် ကိစ္စတွေအားလုံးဟာ သူ့ဘက်က အဆင်သင့်ပဲ။ အခုပဲ စလုပ်ရမယ်။ ထိထိရောက်ရောက်လုပ်ရမယ်။ ပူးပေါင်းလုပ်ရမယ်ဆိုတာ သူ အတိအလင်း ပြောပြီးသားပဲပေါ့နော်။ တခုပဲရှိတာကတော့ စစ် တပ်ဘက်ကတော့ သူ့အပေါ်မှာ ဘယ်လောက်အထိ အလျှော့အတင်း လုပ်ပြီးတော့ လက်ခံမလဲ။ ဒီလိုပဲ ဆက်ပြီးတော့ တင်း မာနေမယ်ဆိုရင် ရေရှည်ဒီမိုကရေစီတိုက်ပွဲကို ဘယ်လိုပြင်ဆင်မလဲဆိုတာ သူ့မှာ အစီအစဉ်ရှိပြီးသားဖြစ်မှာပါ။ တခုပဲရှိတာက စစ်အစိုးရရဲ့ အာဏာသိမ်းမှုတွေ၊ ဆက်လက်ဖြစ်ပေါ်လာမှာကိုပဲ။

တချိန်တည်းမှာပဲ နယ်စပ်ဒေသအခြေအနေတွေမှာ အမျိုးသားရင်ကြားစေ့ရေးကို နအဖအနေနဲ့ကလည်း စေတနာ တွေ၊ ဆန္ဒတွေ မရှိဘူးဆိုရင် ဒီတိုက်ပွဲတွေ ပိုမိုဖြစ်လာမှာကိုပဲ စိုးရိမ်တယ်။ သူ့အနေနဲ့ကတော့ အချိန်ကာလတခုယူပြီးတော့ လေ့လာရမှာတို့ တိုင်ပင်နှီးနှောရမှာ၊ ဆက်စပ်ရမှာတော့ ရှိတာပေါ့။ ဒီတပတ်အတွင်းမှာ လေ့လာသင်ယူနိုင်တဲ့ အခြေအနေ တခုကတော့ လက်လှမ်းမမှီသေးတာတော့ အများကြီးရှိတာပေါ့။ နောက်တချက်က သူ့ရဲ့ကျန်းမာရေး ကောင်းမွန်တာရယ်။ လူထုတွေနဲ့ သူရဲ့ထိတွေ့မှုပေါ်မှာ လူထုဘက်က ၀မ်းသာအားရမှုတွေကော၊ သူ့ဘက်က ၀မ်းသာရအားမှုဖြစ်တာတွေ လူထု ပေါ်မှာ အားပေးတဲ့ စကားသံတွေကအစ ကျမတို့အားလုံးအတွက်ကို အင်မတန်မှ အားရစရာဖြစ်ပါတယ်။

ပစ်ခတ်မှုနောက်ပိုင်း မြ၀တီတွင် စားသုံးကုန်ဈေးနှုန်းတက်လာ

နိုဝင်ဘာလ ၂၅ရက်။ နန်းဖော့ဂေ (ကေအိုင်စီ)

ထိုင်း-မြန်မာနယ်စပ် မြ၀တီမြို့တွင် နိုဝင်ဘာလ ၇ရက် ရွေးကောက်ပွဲရက်နောက်ပိုင်း ဖြစ်ပွားခဲ့သည့် ဒီကေဘီအေနှင့် နအဖ စစ်တပ် ပစ်ခတ်မှုအပြီးနောက်ပိုင်း စားသုံးကုန်ပစ္စည်းများ ဈေးနှုန်းမြင့်တက်လာကြောင်း မြို့ခံလူထုက ပြောဆိုနေကြသည်။

မြ၀တီမြို့နေလူထုသည် ထိုင်းနိုင်ငံ၊ မဲဆောက်မြို့မှ ၀င်ရောက်လာသည့် အသား၊ ငါးနှင့် ဟင်းသီးဟင်းရွက်များနှင့် ဖားအံ၊ ကော့ကရိတ်မြို့များမှ တက်လာသည့် ဆန် အပါအ၀င် အခြားစားသုံးကုန်များကိုလည်း ၀ယ်ယူစားသုံး နေကြသည်။ ယင်းစား သောက်ကုန်များအနက် အချို့မှာ ဈေးနှုန်းအနည်းငယ်သာ မြင့်တက်လာသော်လည်း ကြက်သွန်၊ ဆီ၊ ပဲနှင့် အာလူး စသည့် ဈေးနှုန်းမှာ သိသာစွာ တက်လာသည်ဟု သိရသည်။

အမှတ်(၄)ရက်ကွက်နေ အိမ်ရှင်မတစ်ဦးက တစ်ရက်တာ စားစရိတ်ကို ယခင်ကထက်ပို၍ ချွေတာသုံးစွဲနေရကြောင်း ယခုလို ပြောသည်။ “စားစရိတ်ကတော့ ဆန်ကလွဲရင် ဟင်းစားတွေက တစ်ရက်စာကို ၂၀၀၀လောက်ကုန်တယ်။ ဆန်ကတော့ အောက်ကနေပဲ မှာစားတယ်။ မြ၀တီမှာ ဆန်တအိတ်ကို ၃၆,၀၀၀ကျပ်ဆိုရင် ဖားအံမှာဆို ၃၃,၅၀၀ပဲလေ။ အခုဆို စီးပွားရေး လုပ်စားရတာကလည်း မကောင်းတော့ အရင်လိုတောင် မ၀ယ်စားနိုင်တော့ဘူး။”ဟု ဆိုသည်။

မြ၀တီမြို့၌ ဈေးနှုန်းတက်လာသည့် ကုန်ပစ္စည်းအချို့မှာ ပိဿာချိန်ဖြင့် ကြက်သွန်နီ ၆၀၀မှ ၁၀၀၀ကျပ်၊ ကြက်သွန်ဖြူ ၄၀၀၀မှ ၅၀၀၀၊ စားဆီ ၂၀၀၀မှ ၂၄၀၀၊ ငြုပ်သီးခြောက် ၁၀၀၀မှ ၁၂၀၀၊ ကုလားပဲဝါခြမ်း ၁၅၀၀မှ ၂၀၀၀၊ အာလူး ၈၀၀မှ ၁၂၀၀ဖြစ်ပြီး ဆန်တစ်ပြည်နှုန်းမှာ ပျှမ်းမျှအားဖြင့် စီယာဆန် ၉၀၀မှ ၁၀၀၀နှင့် ပေါ်ဆန်းမွှေး ၁၂၀၀မှ ၁၃၀၀ကျပ်နှုန်းဖြစ်သည်။

စားသုံးကုန်ပစ္စည်းရောင်းသူ ဈေးသည်တစ်ဦးက “မြ၀တီက လူတွေက မဲဆောက်ကလာတဲ့ ဆီတွေကိုပဲ စားကြတာပဲ။ ဆီတွေ ဈေးတက်ရတာက အခုဆို ပစ္စည်း သယ်ယူရတာ အရင်ကထက် နည်းနည်းပိုခက်လာတော့ ဈေးတွေ တက်လာတာလည်း ပါ တယ်။ အသား၊ ငါး၊ ကြက်ဥ၊ ဘဲဥတွေကတော့ မဲဆောက်ကပဲ လာတာဆိုပေမဲ့ ဈေးတော့မတက်ဘူး။”ဟု ဆိုသည်။

စစ်အစိုးရအာဏာပိုင်များသည် နိုဝင်ဘာလ ၁၀ရက်နေ့ကတည်းက တရားမ၀င်ဂိတ်များကို နယ်ခြားစောင့်တပ်များလက်ထဲသို့ အပ်နှံလိုက်ပြီးနောက် ယခုဆိုလျှင် ကုန်သည်များက ထိုင်းဘက်ခြမ်းမှ ကုန်ပစ္စည်းများကို ထိုဂိတ်များမှ နေ့ခင်းဘက် ကူးယူ သယ်ဆောင်နေကြပြီဖြစ်သည်။

တရားမ၀င်ဂိတ်မှ ကုန်သယ်ယူနေသည့် ကုန်သည်အမျိုးသမီးက “ကျမတို့ ယူသွင်းတဲ့ပစ္စည်းတွေက အချိုရည်တွေ၊ အချိုမှုန့်၊ ငါးသေတ္တာတွေအပြင် ဆီတွေလည်းပါတယ်။ ဆီက အရင်ကဆို တစ်ပုံးကို ဘတ် ၅၃၀လောက်ပဲရှိတာ အခုဆိုရင် ဘတ် ၆၅၀ လောက်ရှိနေပြီလေ။ အချိုမှုန့်ကတော့ ဈေးမတက်ဘူးလို့ပြောလို့ရတယ်။ အခုတော့ ဂိတ်တွေလည်း ပုံမှန်ပြန်ဖြစ်နေပြီး နေ့ခင်း မှာကူးနေပြီလေ။”ဟု ပြောသည်။

သို့သော် နယ်ခြားစောင့်တပ်အဖြစ် အသွင်မပြောင်းသည့် ဂိတ်များမှာ ယခင် ဒီကေဘီအေ ဗိုလ်မှူးကြီးစောချစ်သူ၏ ကြီးကြပ် ထိန်းချုပ်မှုဖြင့် ၎င်းတို့လက်ခံသည့် အတိုင်းအတာခန့်သာ ကုန်သယ်ယူခွင့်ရရှိသည်ဟု သိရသည်။

“ပစ္စည်းတွေကတော့ သယ်လို့ရပါတယ်။ ဒါပေမဲ့ နယ်ခြားစောင့်တပ်တွေ လာစောင့်နေကတည်းက သူတို့ ခွင့်ပြုသလောက်ပဲ သယ်ရတာပေါ့။ အရင်လို သယ်ချင်တာကို စိတ်ကြိုက်သယ်ပို့ကူးယူနေလို့ မရတော့ဘူးလေ။”ဟု နယ်ခြားစောင့်မဟုတ်သည့် ဂိတ်မှူးတစ်ဦးက ဆိုသည်။

အဆိုပါ ပစ်ခတ်မှုဖြစ်ပြီးနောက်တွင် ကုန်ဈေးနှုန်းတက်လာသလို မြ၀တီမြို့တွင်လည်း ယခင်လို လူစည်ကားခြင်းမရှိတော့ဘဲ ခရီးသည်မရှိသည့်အတွက် မြ၀တီ-ဖားအံ ပြေးဆွဲနေသည့် ကားတန်းအတက်အဆင်း၌ ကားအစီးရေ နည်းပါးလျှက်ရှိသည်။

ကားသမားတစ်ဦးက “ကားတွေကတော့ သွားဖို့အများကြီးရှိတယ်ခင်ဗျ။ ဒါပေမဲ့ ခရီးသည်က မရှိသလောက်ဖြစ်နေတော့ တစ် ရက်ခြား ကားတန်းအဆင်းအတက် ပုံမှန်မရတော့ဘဲ အခုဆို မြ၀တီမှာ ကျနော် ခရီးသည်စောင့်နေတာ တစ်ပတ်လောက်ရှိ ပြီ။”ဟု ပြောသည်။

အလားတူ မြ၀တီမြို့နှင့် တချိန်တည်း ပစ်ခတ်မှုဖြစ်ပွားခဲ့သည့် ကြာအင်းဆိပ်ကြီးမြို့နယ်၊ ဘုရားသုံးဆူမြို့တွင်မူ ကုန်ဈေးနှုန်း များ မြင့်တက်လာခြင်းမရှိဘဲ ကုန်သည်များသာ မိမိတို့၏ နယ်စပ်ကုန်သွယ်ရေးကို ယခင်လို ပြန်လည်လုပ်ကိုင်နိုင်ခြင်း မရှိ သေးဘဲဖြစ်နေသည်ဟု ဘုရားသုံးဆူမြို့မှ ကုန်သည်တစ်ဦးက ပြောသည်။