NAY PHONE LATT INTERVIEWS by dvbradio

NAY PHONE LATT INTERVIEWS by dvbradio

MIN KO NAING Interview by dvbradio

MIN KO NAING Interview by dvbradio

နိုင်ငံရေးအကျဉ်းသားများ စတင်လွတ်မြောက်

By featured, ရန်ပိုင် on January 13, 2012 11:01 am in သတင်း / 2 comments, Hits: 2,347

၈၈ မျိုးဆက် ကျောင်းသားခေါင်းဆောင်များဖြစ်သည့် ကိုမင်းကိုနိုင်၊ ကိုကိုကြီး၊ ကိုဌေးကြွယ်၊ ကိုဂျင်မီ၊ မနီလာသိန်း အပါအ၀င် တခြားသော ကျောင်းသား ခေါင်းဆောင်များလွတ်ငြိမ်းချမ်းသာခွင့် အမိန့်အရ ယနေ့ လွတ်မြောက်လာကြောင်း သတင်းရရှိသည်။

၂၀၀၇ ခုနှစ်က ရန်ကုန်မြို့ နိုင်ငံရေးလှုပ်ရှားမှု တခုတွင် တွေ့ရသော ၈၈ မျိုးဆက်ကျောင်းသား ခေါင်းဆောင်များ (ဓာတ်ပုံ - AP)

သရက်ထောင်တွင် အကျဉ်းကျခံနေရသည့် ကိုမင်းကိုနိုင်အား လွှတ်ပေးမည်ဖြစ်ကြောင်း မိသားစုဝင်များထံ ထောင်အာဏာ ပိုင်များက ယနေ့နံနက် ၇ နာရီ ၁၅မိနစ်က အကြောင်းကြားသည့်အတွက် သွားရောက်ကြိုဆိုနေပြီဟု အစ်မဖြစ်သူ ဒေါ်ကြည်ကြည်ညွန့်က ဧရာဝတီသို့ ပြောသည်။

“ညီမတွေနဲ့ သူငယ်ချင်းတွေ သွားကြိုနေကြပြီ။ မနက် ၈နာရီခွဲမှာ လွတ်မယ်။ ဒီတခါတော့ တကယ်လွတ်တယ်လို့ပြောရမှာပါ” ဟု ဆိုသည်။

ရှမ်းပြည်အရှေ့ပိုင်း မိုင်းဆတ်ထောင်မှ ၈၈ ကျောင်းသားခေါင်းဆောင် ကိုကိုကြီးအပါအ၀င် ၁၄ ဦး ယနေ့လွတ်မြောက် လာကြောင်း မိုင်းဆတ်ထောင်ပိုင်ကြီးမှ ပြောသည်။

ရခိုင်ပြည်နယ် ဘူးသီးထောင်အကျဉ်းထောင်၌ အကျဉ်းကျခံနေရသည့် ကိုဌေးကြွယ်အပါအဝင် တခြားသော နိုင်ငံရေးအကျဉ်းသား ၁၀ ဦး နှင့် စစ်ထောက်လှမ်းရေးများ အပါဝင် ၃၁ ဦးအား ယနေ့နံနက် ၈ နာရီခန့်တွင် ဘူးသီးတောင်မြို့မှ စစ်တွေမြို့သို့ ရေယာဉ်ဖြင့် ခေါ်ဆောင်သွားပြီဖြစ်ကြောင်း ယောက်ဖတော်စပ်သူ ၈၈ မျိုးဆက်ကျောင်းသားခေါင်းဆောင်ဟောင်း ကိုဖြိုးမင်းသိန်းက ပြောသည်။

ရှမ်းပြည်မြောက်ပိုင်း လားရှိုးထောင်တွင် ထောင်ဒဏ်ကျခံနေရသည့် ကိုမင်းဇေယျာသည်လည်း ပြန်လည် လွတ်မြောက်လာကြောင်း၊ ယနေ့နံနက် ၁၂ နာရီခန့်တွင် ကားဖြင့် ရန်ကုန်မြို့သို့ ထွက်ခွာမည်ဖြစ်ကြောင်း ဇနီးဖြစ်သူ မချိုချိုဝင်းက ပြောသည်။

“ကိုဇေယျနဲ့ ဖုံးပြောလိုက်ရတယ်၊ ပျော်တယ်ဆိုတာထက် စိတ်ချမ်းသာတာပါ” ဟု မချိုချိုဝင်းက ဆိုသည်။

လာရှိုးထောင်မှ နိုင်ငံရေးအကျဉ်းသားအပါအ၀င် ၁၀ ဦးလွတ်မြောက်ကြောင်း သိရသည်။

တခြားသော ကျောင်းသားခေါင်းဆောင်များဖြစ်သည့် ကိုဂျင်မီ၊ ကိုမြအေး၊ ဧရာဝတီတိုင်း မြောင်းမြထောင်တွင် အကျဉ်းကျခံနေရ သည့် ၂၀၀၇ ရွှေဝါရောင်တော်လှန်ရေး ဦးဆောင်သံဃာတပါးဖြစ်သည့် အရှင်ဂမ္ဘီရ၊ တောင်ငူထောင်မှ ရှမ်းတိုင်းရင်းသားခေါင်း ဦးခွန်ထွန်းဦး၊ ၈၈ မျိုးဆက် ကျောင်းသားခေါင်းဆောင် ကိုဇော်ဇော်မင်းနှင့် စစ်ထောက်လှမ်းရေး ဗိုလ်မှူးကြီး ၀င်းမြင့် အပါအ၀င် ၂၄ ဦး လွတ်မြာက်ကြောင်း သတင်းရရှိသည်။

သာယာဝတီထောင်မှ မနီလာသိန်းနှင့် မကြည်ကြည်ဝါတို့လည်း လွတ်မြောက်လာသည်။

မနီလာသိန်းက “အပြည့်အ၀တော့ မပျော်နိုင်သေးဘူး။ ရဲဘော်တွေလည်း ကျန်တဲ့သူကျန်သေးတယ်” ဟု ဧရာဝတီသို့ ပြောသည်။

ထို့အပြင် မိသားစုနှင့် တွေ့ရမည်ကို ၀မ်းသာကြောင်း၊ ဒေါ်အောင်ဆန်းစုကြည် လုပ်ဆောင်နေသည့် နိုင်ငံရေးလုပ်ငန်းစဉ်များကို အားဖြည်ရန် စဉ်းစားထားကြောင်း မနီလာသိန်းက ဆက်လက်ပြောသည်။

သရက်ထောင်မှ ထောက်လှမ်းရေးများလည်း လွတ်မြောက်လာရာ ဗိုလ်မှူးကြီး စန်းပွင့်လည်း ပါဝင်ကြောင်း စုစုပေါင်း ၂၇ ဦး လွတ်မြာက်လာကြောင်း သတင်းရသည်။

အမျိုးသား ပြန်လည်စည်းလုံးညီညွတ်ရေးနှင့် နိုင်ငံရေး လုပ်ငန်းစဉ်များတွင် အားလုံးပါဝင်နိုင်ခွင့် ရစေရန်ဟုဆိုကာ သမ္မတဦးသိန်းစိန် အစိုးရက အကျဉ်းသူ အကျဉ်းသား ၆၅၁ ဦးကို ပုဒ်မ ၄၀၁၊ ပုဒ်မခွဲ ၁ အရ လွတ်ငြိမ်းချမ်းသာခွင့်ပြုကြောင်း ယမန်နေ့က ကြေညာခဲ့သည်။

KNU and govt; representatives meet on 11 1 2012

ကရင်ဒေသ အပစ်ရပ်ရန် သဘောတူ

By featured, သန်းထိုက်ဦး on January 12, 2012 5:08 pm in သတင်း / 9 comments, Hits: 5,814

အစိုးရ နှင့် ကရင်အမျိုးသား အစည်းအရုံး (KNU) တို့၏ ငြိမ်းချမ်းရေး ကိုယ်စားလှယ် အဖွဲ့များ ဘားအံမြို့တွင် ယနေ့ တွေ့ဆုံ ဆွေးနွေးပြီး အပစ်အခတ် ရပ်စဲရန် အတွက်သဘောတူ လိုက်ကြသည်။

ယမန်နေ့က ဘားအံမြို့တွင် တွေ့ရသော အစိုးရ၏ ကရင်ပြည်နယ် ငြိမ်းချမ်းရေး ဖော်ဆောင်မှု ကော်မတီဝင်များ နှင့် KNU ငြိမ်းချမ်းရေး ဖော်ဆောင်ရေးအဖွဲ့ဝင်များ၏ ညစာစားပွဲ မြင်ကွင်းတခု (ဓာတ်ပုံ - ဧရာဝတီ)

သဘောတူညီချက်များတွင် ဆက်ဆံရေးရုံးများ ဖွင့်ရန်၊ ထိန်းချုပ်နယ်မြေတွင် ဖြတ်သန်းသွားလာသည့်အခါ လက်နက် ကိုင်ဆောင်ခြင်း မပြုရန်တို့လည်း ပါဝင်ကြောင်း ဆွေးနွေးပွဲ တက်ရောက်ခဲ့သည့် ငြိမ်းချမ်းရေးအကျိုးဆောင် ဦးငွေစိုးက ဧရာဝတီသို့ ပြောသည်။

မြန်မာပြည်အနှံ့ အမြန်ဆုံး အပစ်အခတ် ရပ်စဲရေး၊ အကျဉ်းသားများ လွှတ်ပေးရေး၊ လုပ်အားပေး စေခိုင်းခြင်း မပြုလုပ်ရန် စသဖြင့် အချက် ၁၁ ချက်ကိုလည်း KNU က တောင်းဆိုထားသည်။

“ဆက်လက် ဆွေးနွေးဖို့ ရှိသေးတယ်၊ အဲဒီ ၁၁ ချက်မှာ ပါတဲ့ မူဝါဒတွေ၊ ဒါတွေ အကုန်လုံးကို ပြည်ထောင်စု အဆင့်မှာ တခုစီ ဖြေရှင်းသွားမယ်” ဟု Dawei Princess ကုမ္ပဏီမှ မန်နေးဂျင်းဒါရိုက်တာ ဦးငွေစိုးကဆိုသည်။

ပြည်ထောင်စု အဆင့် ဆွေးနွေးပွဲကို ၄၅ ရက် အတွင်း ပြုလုပ်ရန် စီစဉ်ထားကြောင်း သိရသည်။

KNU မှ စစ်ဦးစီးချုပ် ဗိုလ်ချုပ်ကြီး မူတူးဆေးဖိုး ဦးဆောင်သော ကိုယ်စားလှယ် တချို့နှင့် ပြည်ထောင်စု ၀န်ကြီး အဆင့် ရထား ၀န်ကြီး ဦးအောင်မင်း၊ ဦးစိုးသိန်းနှင့် ဦးခင်ရီတို့က လက်မှတ်ရေးထိုးကြကြောင်း ဦးငွေစိုးက ပြောသည်။

ယမန်နေ့ညက ဘားအံမြို့ ဇွဲကပင်ဟိုတယ်တွင် နှစ်ဘက်ကိုယ်စားလှယ်တို့ တွေ့ဆုံပြီး ညစာစားခဲ့ကြသည်။

နိုဝင်ဘာလ ၁၅ ရက်နေ့တွင် ၀န်ကြီး ဦးအောင်မင်းက KNU တပ်ဖွဲ့မှ ကိုယ်စားလှယ်များကို ငြိမ်းချမ်းရေး တွေ့ဆုံ ဆွေးနွေးရန် တရားဝင် ကမ်းလှမ်းခဲ့သည်။ ထိုကမ်းလှမ်းမှု ပေါ်ပေါက်လာပြီး နောက်ပိုင်း KNU ကလည်း တွေ့ဆုံရန် ပြင်ဆင်ထားခဲ့သည်။

နိုဝင်ဘာ ၁၉ နှင့် ၂၀ ရက်နေ့ကလည်း ထိုင်း-မြန်မာနယ်စပ် တနေရာ၌ ရထားပို့ဆောင်ရေး ၀န်ကြီး ဦးအောင်မင်း ဦးဆောင်သည့် ကိုယ်စားလှယ်များနှင့် KNU ခေါင်းဆောင်တချို့ အလွတ်သဘော ညှိနှိုင်းခဲ့ကြောင်း သိရသည်။

KNU သည် အမျိုးသား တန်းတူရေး၊ ကိုယ်ပိုင် ပြဌာန်းခွင့် ရရှိရေးတို့ အတွက် အစိုးရ အဆက်ဆက်ကို ဆန့်ကျင် တော်လှန်ခဲ့သည်မှာ ၆၂ နှစ် ရှိပြီ ဖြစ်သည်။

KNU လှုပ်ရှားသည့် ထိုင်းမြန်မာနယ်စပ်တွင် တိုက်ပွဲများ ငြိမ်သက်နေသော်လည်း မြန်မာပြည်မြောက်ပိုင်း ကချင် လွတ်မြောက်ရေး တပ်မတော် ထိန်းချုပ်သည့် နေရာများတွင် တိုက်ခိုက်မှုများ အဆက်မပြတ် ဖြစ်ပွားနေသည်မှာ ၇ လ ကြာပြီ ဖြစ်သည်။

ဘားအံမြို့တော်တွင် ငြိမ်းချမ်းရေး ဆွေးနွေးကြပြီ –

ဘားအံမြို့တော်တွင် ငြိမ်းချမ်းရေး ဆွေးနွေးကြပြီ – Peace Talk in Karen State

ဓာတ်ပုံသတင်း
ဇန်န၀ါရီ ၁၂၊ ၂၀၁၂

ယမန်နေ့က ဆွေးနွေးပွဲ ကိုယ်စားလှယ်များအား ဧည့်ခံသည့် ဘားအံမြို့ ညစာစားပွဲတွင် တွေ့ရသည့် ကချေသည်တဦး (ဓာတ်ပုံများ – Reuters)

ဝန်ကြီး ဦးအောင်မင်း

ဘားအံမြို့ ဇွဲကပင်ဟိုတယ် ညစာစားပွဲတွင် တွေ့ရသော
ဝန်ကြီး ဦးအောင်မင်း၊ KNU ဗိုလ်ချုပ်မူတူးဆေးဖော၊ ၀န်ကြီးဦးစိုးသိန်း၊ ၀န်ကြီး ဦးခင်ရီ၊ KNU ဗိုလ်မှူးချုပ် စောဂျော်နီ

ဝန်ကြီး ဦးအောင်မင်း၊ KNU ဗိုလ်ချုပ်မူတူးဆေးဖော၊ ၀န်ကြီးဦးစိုးသိန်း

သူတို့ပျော်ကြလေပြီ

သူတို့ပျော်ကြလေပြီ

Thursday, January 12, 2012 zarny win 1 comment

(ဓာတ်ပုံများ - ဧရာဝတီ)

ကရင်ပြည်နယ် ငြိမ်းချမ်းရေး ဖော်ဆောင်မှု ကော်မတီ
နဲ့
KNU ငြိမ်းချမ်းရေး ဖော်ဆောင်ရေးအဖွဲ့ တို့ ဘားအံမြို့မှာ မနေ့က တွေ့ဆုံပြီး ညစာစားကြပါတယ်။

ငြိမ်းချမ်းရေး ဆွေးနွေးကြမှာကတော့ ဒီကနေ့ ဖြစ်ပါတယ်။

သာမညတောင်တွင်ဆန္ဒပြမှုဖြစ်ပွား

2 14:12 Written by မိအိန်ပိုင်

0 Comments

ယမန်နေ့ည (၇) နာရီခွဲလောက်တွင် ကရင်ပြည်နယ်၊ ဖါးအံမြို့နယ် သာယာကုန်းကျေးရွာ အနီး၌ ရှိသော သာမညတောင် ကျေးရွာ ဥက္ကဌ အိမ်ရှေ့တွင် လူ (၃၀)ကျော် ဆန္ဒပြမှုဖြစ်ပွားခဲ့ပါသည်။ ဆန္ဒပြသူများသည် ကျေးရွာ ဥက္ကဌအိမ်ကိုလည်း ခဲဖြင့်ပစ်ပေါက်ခဲ့ကြသည်ဟု သာမည ရွာခံတဦးက ပြောပါသည်။

ဤကဲ့သို့ဆန္ဒပြရခြင်းသည် ယခုတက်လာသော ကျေးရွာ အုပ်ချုပ်ရေး အဖွဲ့သစ်သည်၊ လျှပ်စစ်မီတာခ တပ်ဆင်ရေး ကိစ္စမှာ အရင်ကထက် နှစ်ဆလောက်ဈေးတင်ထားသည်ကို မကြေနပ်သဖြင့် ဆန္ဒပြရခြင်းဖြစ်သည်ဟု ဆိုပါသည်။ ယခင်ကျေးရွာ ကော်မီတီအဟောင်းတွင် လျှပ်စစ်မီတာခ တပ်ဆင်မှုတွင် ကျပ် (၇၅၀၀၀)ဖြင့် တပ်ဆင်ခဲ့ပြီး ယခုကော်မီတီအသစ်တွင်မူ ကျပ်တသိန်းခွဲ တောင်းခံသည့် အတွက် မကြေနပ်ရာက ဆန္ဒပြမှု ဖြစ်ပွားခဲ့ခြင်းဖြစ်ပါသည်။

(ဓါတ်ပုံ - အင်တာနက်)

ဤကိစ္စတွင် ဖါးအံမြို့နယ် အုပ်ချုပ်ရေးမှုးများ လာရောက်ဖြေရှင်းခဲ့ရသည်အထိ ဖြစ်ပွားခဲ့ပါသည်။ သာမညတောင် ကျေးရွာ သည်၊ ယခင်သာမညဆရာတော် သက်တော်ထင်ရှားရှိစဉ်က ထင်ရှားလာသည့်ကျေးရွာလေးဖြစ်ပြီး စည်ပင်ခဲ့သော်လည်း သာမညဆရာတော် ပျံလွန်သွားသည့်နောက်ပိုင်းတွင် ကျေးရွာလေးသည် ကျေးရွာစည်းကမ်းများ ပြိုပျက်လာပြီး စီးပွားရေး ဆန်လာကာ လူမှုရေးပြသနာများနှင့် မနိုင်မနင်းဖြေရှင်းနေကြရသည်ဟု ရွာခံများကပြောပါသည်။

လွတ်ခါနီး နာရီပိုင်း အလိုမှ အမှုသစ်တိုး

လွတ်ခါနီး နာရီပိုင်း အလိုမှ အမှုသစ် တိုးခံလိုက်ရတဲ့ အင်းစိန်ထောင်မှ မန်းငြိမ်းမောင်

ဖဒို မန်းငြိမ်းမောင် (ကရင် အမျိုးသား အစည်းအရုံး ဗဟို ကော်မတီဝင်)

ကျနော် သန့်ဇင်ထွန်းပါ ခင်ဗျာ။

ဟုတ်ကဲ့ ကျနော် ဘားမားဗီဂျေမီဒီယာကပါ။ ကိုသန့်ဇင်ထွန်း ဘယ်ရက်က ပြန်လွတ် လာတာလဲ မသိဘူး ခင်ဗျာ။
၅ရက်နေ့က ပြန်လွတ်လာတာပါ

အင်းစိန်ကနေ ပြန်လွတ်လာတယ်လို့ သိရပါတယ်။ အင်းစိန် ဘယ်တိုက်ကနေ ပြန်လွတ်လာတာ ပါလဲ ခင်ဗျာ။
လေးရှည် တိုက် ၉ ခန်းက ခင်ဗျာ

အဲဒီမှာ ကိုသန့်ဇင်ထွန်းက အခု ဖထီး မန်းငြိမ်းမောင်နဲ့ အတူတူ နေခဲ့ရတယ်လို့ သိထားရတယ် ခင်ဗျာ။ ဖထီး မန်းငြိမ်းမောင်ရဲ့အခြေအနေလေး ပြောပြပါအုံး ခင်ဗျာ။
ဟုတ်ကဲ့ ဖထီးနဲ့ ကျနော်က တတိုက်တော့ တတိုက်စီပါဘဲ။ တွေ့ရတာတော့ တွေ့ရပါတယ်။ ဖထီးက ကျန်းမာရေးလဲ ကောင်းပါတယ်။ မဆိုးပါဘူး။ သူ့ကို နောက်မှု
ကပ်တယ်လေ။ နှစ်မှု ကပ်တယ်ဗျာ။ အဲဒါလေး နဲနဲပြောမယ်ဗျာ။ သူ့ကို နောက်မှုကပ်တာက နိုင်ငံတော်(လွတ်ငြိမ်းချမ်းသာခွင့်) လာတဲ့နေ့ဗျာ။ နိုင်ငံတော် လာတာက
၂ရက်နေ့ ၄ နာရီမှာ လာတယ်ဗျာ။ သူ့ကို နောက်မှုကပ်ဖို့ ခေါ်ထုတ်သွားတာက နိုင်ငံတော် လာဖို့ နာရီဝက်အလို ၃း၃၀ နာရီမှာ ခေါ်ထုတ်သွားတယ်။ နောက်ထပ်
နှစ်မှုကပ်တယ်၊ သူ့ကို ရုံးထုတ်မဲ့နေ့က ၁၂ရက်နေ့။ လာမဲ့ ၁၂ ရက်နေ့ဗျာ။ အဲဒီ ၁၂ ရက်နေ့က ခင်ဗျားတို့လဲ သိတဲ့အတိုင်းဘဲ နောက်ပြီးတော့ ထုတ်တဲ့ တရားရုံးက
အထူးတရားရုံး ဖြစ်နေတယ်။

၂ ရက်နေ့ လွတ်ငြိမ်း ချမ်းသာခွင့် ကြေငြာတာက ၄ နာရီ ဖထီးကို နောက်မှု လာကပ်တာက ၃း၃၀ နာရီ ပေါ့ အဲဒါဘာကြောင့်လို့ ကိုသန့်ဇင်ထွန်း ထင်ပါသလဲ ခင်ဗျာ။
ထင်မြင်ချက် ကတော့ဗျာ ဒါကြီးကတော့ မကောင်းဘူးပေါ့ဗျာ။ လွတ်ရက်လဲ စေ့နေပြီ နာရီပိုင်း အလိုမှ ဒါမျိုး လုပ်တာတော့ မကောင်းဘူး။ အဲဒါလေးကိုဘဲ ကျနော်တို့
မြင်တယ်

ဟုတ်ကဲ့ ဖထီးက ပထမတမှုမှာ ဘာပုဒ်မနဲ့ ထောင်ဘယ်လောက် ချထားတာလဲ ခင်ဗျာ။
ကျနော်က အဲဒီလောက်ကြီး အတိအကျ မသိဘူးဗျ။ နောက်ကပ်တဲ့ အမှုကတော့ ကျနော် ကြားတာကတော့ ၁၇(၁)၊ ၁၂၂(၁) အမှုပေါ့။ဟိုအမှုက ၆ လ လားမသိဘဲကျတာ။
ကျနော် အဲလောက်ဘဲ သိတာ

ဟုတ်ကဲ့ သူက ၆ လ ဘဲကျထားတာ ဆိုတော့ ၂ ရက်နေ့မှာ ကြေငြာတဲ့ နိုင်ငံတော် ကြေငြာချက်နဲ့ ဆိုရင် သူ ၆ လ ကလွတ်တယ်လို့ ယူဆလို့ ရတာပေါ့နော်။
ဟုတ်ကဲ့။ တကယ်လို့ အဲဒီနေ့မှာ နောက်မှု ထပ်မကပ်ဘူး ဆိုရင် လွတ်တယ်။

ဟုတ်ကဲ့ နိုင်ငံတော်မလာခင် နောက်မှု လာမကပ်ဘူးဆိုရင် သူက လွတ်တယ် ပေါ့နော်။ အဲဒီတော့ ကိုသန့်ဇင်ထွန်း မလွတ်ခင် သူ့ကို နောက်ဆုံး မြင်တွေ့ရသလောက် သူ့ရဲ့
ကျန်းမာရေး အနေအထားလေး မြင်ရ ကြားရ သလောက် ပြောပြပေးပါအုံး ခင်ဗျာ။
ကျန်းမာရေး ကတော့လေ ဖထီး ကိုယ်တိုင် ပြောတာပေါ့နော် ကျန်းမာရေးက မဆိုးပါဘူး ကောင်းပါတယ်။ ကျန်းမာရေးကတော့ ကောင်းတယ်။ ဖထီးကတော့ နောက်မှု
ဘယ်လောက်ဘဲ ကပ်ကပ် တုန်လှုပ်မှု မရှိဘူး။ ဒီထဲမှာ ရဲရဲဝံ့ဝံ့ဘဲ နေသွားမယ်၊ ကျန်းမာရေး ကောင်းကောင်း ပေါ့နော်။ နေရေး ထိုင်ရေးကတော့ ဒီထဲမှာဖထီးကို ကျန်တဲ့
နိုင်ငံရေး အကျဉ်းသားတွေ အားလုံးက ဂရုစိုက်ကြပါတယ်။ တခြား စားစရာ သောက်စရာက အစပေါ့နော် ကျန်းမာရေး ကောင်းပါတယ် ဟုတ်ကဲ့။

သူ့ မိသားစုကကော ထောင်ဝင်စာတွေ ဘာတွေ လာတယ်လို့ကော ကြားမိလား ခင်ဗျာ။
ဟုတ်ကဲ့ အဲဒါတော့ ကျနော် မကြားမိဘူး ခင်ဗျ။ မလာနိုင်ဘူး ထင်တယ်ဗျ ဟုတ်ကဲ့။ ကျနော် ရှိနေစဉ် အတွင်း ဖထီး ထောင်ဝင်စာလာတာ တခါမှ မမြင်မိဘူး အခုတော့
မသိဘူးပေါ့ ကျနော်ရှိ နေတုန်းကတော့ တခါမှမလာပါဘူး

ဟုတ်ကဲ့ အခုဇန်နဝါရီ ၁၂ ရက်နေ့မှာ ဖထီးကို အထူးတရားရုံး ထုတ်မယ်ပေါ့နော်။ အဲဒီဟာကိုကော အကို့ အနေနဲ့ ဘယ်လိုမြင်လဲ ခင်ဗျာ။
အထူးတရားရုံး ဆိုတာမရှိသင့်ဘူး ခင်ဗျ။ အထူးတရားရုံးက အင်းစိန် ထောင်ထဲမှာရှိတဲ့ တရားရုံးဗျ။ ကျနော်တို့ တရားရုံးဆိုတာက အများပြည်သူရှေ့မှာဘဲ စစ်ရမယ်လေ။
ကျနော်တို့ နိုင်ငံရေး အကျဉ်း သားတွေကို အထူး တရားရုံးမှာဘဲ လူမသိ သူမသိ စစ်သွားတယ်။ ရှေ့နေတွေလဲ ဘာမှမပါဘူးဗျ။ ကျနော်တို့ ဆိုရင်လဲ အထူး တရားရုံးနဲ့
ချတာဘဲဗျ ဒါမရှိသင့်တဲ့ကိစ္စဘဲ။ ဒီကိစ္စဟာပေါ့နော်။ အမှုစစ်စရာ ရှိရင်လဲ အများပြည်သူရှေ့မှာ စစ်ပေါ့ဗျာ။ အခုတော့ တရားဥပဒေ စိုးမိုးရေး ဆိုတာဘာလဲ ဆိုတဲ့
မေးခွန်း ထုတ်စရာ ဖြစ်နေတယ်။

ဟုတ်ကဲ့ ကိုသန့်ဇင်ထွန်းကကော ဘယ်နှစ်ခုနှစ်က ထောင်စကျပြီးတော့ ပြန်လွတ် လာတာလဲ ခင်ဗျာ။
ကျနော် ၂၀၀၉ ကပါ အကို။၂၀၀၉ ၁၀ လ ၂၂ ရက်နေ့ပါ အကို။ ကျနော်တို့လဲ အထူးတရားရုံးကဘဲ ချခဲ့တာ။ဒီအထူးတရားရုံးကြီးက ရှိကိုမရှိသင့်ဘူးဗျ။ အဲဒီမှာ လူတွေလဲ
ဘယ်သူမှ မဝင်ရဘူး မထွက်ရဘူး။ တရားဥပဒေစိုးမိုးရေး ဆိုတဲ့စကားလုံးက မေးခွန်းထုတ်စရာ ဖြစ်နေတယ်။

ကိုသန့်ဇင်ထွန်းရေ ကျေးဇူးတင်ပါတယ် ခင်ဗျာ။
ဟုတ်ကဲ့ ကျနော်လဲ ကျေးဇူးတင်ပါတယ် ခင်ဗျာ။

ဘားအံရောက် KNU ကိုယ်စားလှယ်များကို ကြိုဆိုပုံတွေ

ဘားအံရောက် KNU ကိုယ်စားလှယ်များကို ကြိုဆိုပုံတွေ

KNU ငြိမ်းချမ်းရေးကိုယ်စားလှယ် အဖွဲ့ ဘားအံမြို့သို့ ထွက်ခွာ

Submitted by admin on Wednesday, 11 January 2012--
ဇန်န၀ါရီ ၁၁ရက်၊ ၂၀၁၂။ ရွှေသိုက်တော (ကေအိုင်စီ)

ကရင်အမျိုးသားအစည်းအရုံး KNU မှ ၁၉ဦးပါ ငြိမ်းချမ်းရေးကိုယ်စားလှယ်အဖွဲ့သည် မြန်မာအစိုးရနှင့် တရားဝင် အပစ်အခတ် ရပ်စဲရေးအတွက် နှစ်ဘက် ဆွေးနွေးမှု စတင်ရန် ယနေ့နံနက်က နယ်စပ်မြ၀တီမြို့မှတဆင့် ကရင်ပြည်နယ် ဘားအံမြို့သို့ ထွက်ခွာသွားပြီး ဖြစ်သည်။

ဘားအံမြို့တွင် မြန်မာအစိုးရကိုယ်စားလှယ်များနှင့် သွားရောက်ဆွေးနွေးမည့် KNU အရပ်ဘက်နှင့် စစ်ဘက်ကိုယ်စားလှယ်အ ဖွဲ့ကို ကရင်အမျိုးသားလွတ်မြောက်ရေးတပ်မတော်၏ စစ်javascript:void(0)ဦးစီးချုပ် ဗိုလ်ချုပ်ကြီးမူတူးစေးဖိုးက ဦးဆောင်ပြီး နှစ်ဘက်အပစ်အ ခတ် ရပ်စဲနိုင်ရေးအတွက် KNU ဘက်မှ အချက် ၁၁ချက်ကို ဆွေးနွေးတောင်းဆိုသွားမည်ဟု သိရသည်။

ကရင်အမျိုးသားအစည်းအရုံး၏ တောင်းဆိုချက်များထဲတွင် တိုင်းရင်းသားဒေသများ၌ ဖြစ်ပွားနေသည့် စစ်ပွဲများ ရပ်ဆိုင်းပြီး တပြည်လုံး အတိုင်းအတာနှင့် အမြန်ဆုံးအပစ်အခတ် ရပ်စဲရန်၊ ကြောက်ရွံ့ခြင်းကင်းသည့် ပြည်သူများ၏ ဘ၀အဖြစ် အာမခံ ချက်ပေးရန်နှင့် ယုံကြည်ရသည့် အခြေအနေများ တည်ဆောက်ရန်၊ ဒေသဆိုင်ရာ လူထုနှင့် အတိုင်ပင်ခံသည့် ဖွံ့ဖြိုးရေးလုပ် ငန်းများ လုပ်ကိုင်ရန်၊ အဓမ္မလုပ်အားစေခိုင်းခြင်း၊ နည်းမျိုးစုံနှင့် အခွန်ကောက်ခံခြင်းများ မပြုလုပ်ရန်တို့ ပါရှိသည်။

၎င်းအပြင် အကျဉ်းသားများ လွှတ်ပေးရန်၊ ပြည်သူများဘ၀ ပြန်လည်ထူထောင်ရေးနှင့် လူထု၏ မြေယာကိစ္စများကို ဖြေရှင်း ပေးရန်၊ ငြိမ်းချမ်းရေးဖြစ်စဉ်များအတွက် မှန်ကန်သည့် အစီအစဉ်များ ချမှတ်ပြီး ဘက်အားလုံးမှ တည်မြဲမည့် ငြိမ်းချမ်းရေး ဖော်ဆောင်မှုများကို တိုးတက်ဖြစ်ပေါ်လာစေရန်နှင့် ဆက်ဆံရေးရုံးများ ဖွင့်လှစ်ခြင်း၊ လက်နက်မပါဘဲ ကရင်ပြည်နယ်အတွင်း လွတ်လပ်စွာ သွားလာခွင့်၊ နှစ်ဘက်တပ် တည်နေရာသတ်မှတ်ခြင်းများ အပါအ၀င် အဓိကတောင်းဆိုချက် ၁၁ခု၏ အသေးစိပ် အချက်အလက်များမှာ စာမျက်နှာ ၆မျက်နှာ ပါရှိသည်။

ဘားအံမြို့သို့ သွားရောက်မည့်အထဲတွင် ပါဝင်သူ KNU ပြည်တွင်း ငြိမ်းချမ်းရေး ကိုယ်စားလှယ်အဖွဲ့၏ အတွင်းရေးမှူး ပဒိုဒေး ဗစ်ထောက “ကျနော်တို့ဘက်က တောင်းဆိုချက်တွေကို အစိုးရနဲ့ ဆွေးနွေးညှိနှိုင်းသွားမှာ ဖြစ်တဲ့အတွက် အခက်အခဲတော့ မရှိနိုင်ပါဘူး။ ဘာလို့လည်းဆိုတော့ ပထမအဆင့်ဖြစ်တဲ့ အပစ်အခတ်ရပ်စဲရေးကိစ္စကို အစိုးရဘက်က လိုလားသလို၊ KNU ဘက်ကလည်း လိုလားပါတယ်။”ဟု ပြောသည်။

KNU ငြိမ်းချမ်းရေးဆွေးနွေးပွဲ ကိုယ်စားလှယ်အဖွဲ့တွင် ပါဝင်သည့် ဗိုလ်ချုပ်ကြီးမူတူးစေးဖိုး၊ ပဒိုစောဒေးဗစ်ထော၊ ပဒိုစောအား တိုး၊ ဗိုလ်မှူးချုပ်ဂျော်နီ၊ ဒုဗိုလ်မှူးကြီးရောဂျာခင်၊ ဗိုလ်မှူးရှီးရှို၊ ဗိုလ်မှူးအိသာ၊ ပဒိုစောကွယ်ထူးဝင်း၊ ပဒိုစောလေးလော်ဆော၊ ပဒို စောအောင်မော်အေး၊ ပဒိုစောရွှေမောင်းနှင့် ပဒိုစောအယ်ဝါးတို့သည် ယခုလ ၁၂ရက်နေ့တွင် မြန်မာအစိုးရကိုယ်စားလှယ်များ နှင့် ဘားအံမြို့တွင် စတင် ဆွေးနွေးကြမည် ဖြစ်သည်။

ကိုယ်စားလှယ်အဖွဲ့နှင့်အတူ ပါရှိသည့် ရုံးအဖွဲ့ဝင် ၇ဦးကို ပဒိုစောသောသီဘွဲက ဦးဆောင်ပြီး ၎င်းအဖွဲ့တွင် ဆေးမှူးတဦးနှင့် လုံခြုံရေးဆိုင်ရာအဖြစ် ကရင်အမျိုးသားလွတ်မြောက်ရေး တပ်မတော် KNLA မှ ဗိုလ်ကြီး ၂ဦး ပါရှိသည်။

နယ်စပ် မြ၀တီမြို့မှ ဘားအံမြို့သို့ ယနေ့မနက် မြန်မာစံတော်ချိန် ၈နာရီတွင် ထွက်ခွာသွားသည့် KNU ငြိမ်းချမ်းရေးကိုယ်စား လှယ်အဖွဲ့ကို ဗိုလ်ချုပ်ချစ်သန်း(ငြိမ်း)နှင့် ငြိမ်းချမ်းရေးအကျိုးဆောင် ဦးကိုကိုမောင် ဦးဆောင်သည့်အဖွဲ့က ခရီးစဉ်အတွက် မြ၀တီမြို့တွင် လာရောက်ကြိုဆိုခဲ့ကြသည်။

ငြိမ်းချမ်းရေးခရီးစဉ်အတွင်း KNU ကိုယ်စားလှယ်အဖွဲ့သည့် ဘားအံမြို့အခြေစိုက် ကရင်ငြိမ်းချမ်းရေးကော်မတီ KPC အဖွဲ့၏ နာယက တောင်ကလေးဆရာတော် အရှင်ပညာသာမိနှင့် သွားရောက်တွေ့ဆုံမည်ဖြစ်ပြီး မွန်ပြည်နယ်ရှိ အရှေ့တောင်တိုင်း စစ်ဌာနချုပ်နှင့် ပဲခူးတိုင်း၊ ရွှေကျင်မြို့နယ်ဘက်သို့ လေ့လာရေး ခရီးစဉ်များလည်း ပါရှိမည်ဖြစ်သည်။

ပြည်ထောင်စုဝန်ကြီး ဦးအောင်မင်း ဦးဆောင်သည့် ပြည်ထောင်စုအဆင့် ငြိမ်းချမ်းမှုဖော်ဆောင်ရေးအဖွဲ့သည် ယခုလ ၃ရက် နှင့် ၄ရက်နေ့တွင် ချင်းအမျိုးသားတပ်ဦး CNF နှင့် ချင်းပြည်နယ် ဟားခါးမြို့၌ အပစ်အခတ်ရပ်စဲရေး သဘောတူညီချက်ကို လက်မှတ်ရေးထိုးခဲ့ပြီး KNU နှင့် ယခုလ ၁၂ရက်နေ့တွင် ကရင်ပြည်နယ် ဘားအံမြို့၌လည်းကောင်း၊ ယခုလ ၂၀ရက်နေ့တွင် မွန်ပြည်သစ်ပါတီနှင့်လည်းကောင်း၊ ပြည်တွင်းငြိမ်းချမ်းရေးဆိုင်ရာ ကိစ္စရပ်များကို ဆွေးနွေးကာ ပထမအဆင့်ဖြစ်သည့် အပစ် အခတ်ရပ်စဲရေး သဘောတူညီချက်များကို လက်မှတ်ရေးထိုးသွားရန် ရှိသည်ဟု သတင်းများ ထွက်ပေါ်နေသည်။

ကရင်အမျိုးသားအစည်းအရုံး KNU သည် အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ရရှိရေးအတွက် ၁၉၄၉ခုနှစ်၊ ဇန်န၀ါရီ လ ၃၁ရက်နေ့မှ စတင်ကာ မြန်မာအစိုးရအဆက်ဆက်ကို တော်လှန်လာခဲ့သည်မှာ ၆၃နှစ် နီးပါးရှိပြီး ဖြစ်သည်။

KNU မန်းငြိမ်းမောင် နောက်ထပ်စွဲချက်တင်ခံရ

ဗုဒ္ဓဟူး, 11 ဇန်နဝါရီ 2012
By မအေးအေးမာ


တရုတ်ပြည်လေဆိပ်ကနေပြီးတော့ မြန်မာနိုင်ငံကိုပြန်ရောက်သွားတဲ့ကရင်အမျိုးသားအစည်းအရုံးရဲ့ ဗဟိုကော်မတီဝင် ဦးမန်းငြိမ်းမောင်ကို အင်းစိန်ထောင်တွင်းတရားရုံးကနေ လူဝင်မှုဥပဒေအရ ထောင်ဒဏ် ၆ လအပြစ်ပေးပြီးတဲ့နောက် တရားမဝင်အသင်းနဲ့ဆက်သွယ်မှု ပုဒ်မ ၁၇/၁၊ နိုင်ငံတော် ပုန်ကုန်မှု ပုဒ်မ ၁၂၂ တို့နဲ့ ထပ်မံ တရားစွဲဆိုိုလိုက်ပါတယ်။ ဒီအကြောင်း ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။

ကရင်အမျိုးသားအစည်းအရုံးက ဗဟိုကော်မတီဝင် ဦးမန်းငြိမ်းမောင်ဟာ ပြီးခဲ့တဲ့နှစ် ဇူလိုင်လလောက် ကတည်းက ကူမင်းလေဆိပ်ကနေ ပျောက်ဆုံးသွားပြီးနောက် အင်းစိန်ထောင်မှာ ထောင်ကျနေတာ ဖြစ်ကြောင်း အခုအခါမှာတော့ နောက်ထပ်ပုဒ်မတွေနဲ့တရားစွဲဆိုထားကြောင်း နိုင်ငံရေး အကျဉ်းသားတွေကို အကူအညီပေးနေသူတဦးက ပြောပြပါတယ်။

“သူ့ကို အခု နောက်ထပ် ပုဒ်မ ၃ ခုနဲ့ တရားစွဲလိုက်တယ်။ ပုဒ်မက ဝမ်း တူးတူး ရယ်၊ နောက်တခါ ၁၇/၁ လို့ပြောတယ်။ အရင်အမှုကတော့ မင်္ဂလာဒုံတရားရုံးကနေချလိုက်တာ။ ၆ လပဲ။ တခါ သူက ၆ လပြည့်လို့ လွတ်သွားပြီတဲ့။ လွတ်သွားပြီးတော့ ပြန်ချုပ်ထားတာ”

ဦးမန်းငြိမ်းမောင်ဟာ မြန်မာအစိုးရက ဇန်နဝါရီလအတွင်းကပေးတဲ့ နောက်ဆုံးအကြိမ် လွတ်ငြိမ်း ချမ်းသာခွင့်ထဲမှာ ပါဝင်ခဲ့ပေမယ့် သူ့ကို ပြန်မလွှတ်ပေးခဲ့ဘူးလို့ နိုင်ငံရေးအကျဉ်းသားများ ကူညီ စောင့်ရှောက်ရေးအသင်းက အတွင်းရေးမှူး ကိုတိတ်နိုင်က ပြောပါတယ်။

“သူ့ကို တရားမဝင်နယ်စပ်ဖြတ်ကျော်ဝင်မှုနဲ့ ထောင် ၆ လ ချလိုက်တယ်။ ပြီးတဲ့အခါကျတော့ အခု သမ္မတဦးသိန်းစိန်ကြေညာတဲ့ ဇန်နဝါရီလ ၂ ရက်နေ့ကကြေညာချက်အရဆိုလို့ရှိရင် ဆရာ မန်းငြိမ်းမောင်ဟာ လွတ်တဲ့အထဲမှာ ပါသွားပြီ။ သို့ပေမယ့် အဲဒီနေ့မတိုင်ခင်တရက်မှာ သူ့ကို ပုဒ်မ ၁၇၊ ဝမ်း တူးတူး ဝမ်း ဆိုပြီးတော့ ထပ်ပြီးတော့ တရားစွဲဆိုတယ်လို့ ကျနော်တို့သိရတယ်။ အခုလာမယ့် ၁၂ ရက်နေ့မှာ ရုံးတင်မယ်ဆိုပြီးတော့ ကြားရတယ်။

တကယ်ဆိုတော့ ဆရာမန်းငြိမ်းမောင်က ကျနော်တို့သိသလောက် သူကနယ်စပ်ဖြတ်ကျော်မှုနဲ့ ပတ်သက်ပြီးကျတဲ့သူ။ ဒါကြောင့် လွတ်ငြိမ်းချမ်းသာခွင့်နဲ့အတူ ဘယ်လိုနည်းနဲ့ပဲဖြစ်ဖြစ် လွတ်ရမှာ ဖြစ်တယ်။ သို့ပေမယ့် သူ့ကို လွှတ်မပေးချင်လို့ကို တမင် ဝမ်း၊ တူး၊ တူး၊ ဝမ်းနဲ့ ၁၇/၁ ပေါ့လေ- နိုင်ငံတော်ပုန်ကန်မှုနဲ့ မတရားအသင်းနဲ့ဆက်သွယ်မှုတွေနဲ့ ထပ်ပြီးတော့ စွဲချက်တင်တဲ့ ပြစ်ဒဏ်မျိုး ပေါ့။ ဒါဟာ ဆရာမန်းငြိမ်းမောင်ကို မလွှတ်ပေးချင်လို့ ဆက်ပြီးတော့ ဖမ်းဆီးထားတဲ့ အနေအထားမျိုး ရှိတယ်”

တတိယအကြိမ်မြောက် KNU နဲ့မြန်မာအစိုးရကိုယ်စားလှယ် ရထားဝန်ကြီးဦးအောင်မင်းတို့ရဲ့  အပစ်အခတ်ရပ်စဲရေး၊ ငြိမ်းချမ်းရေးဖော်ဆောင်ရေးအကြို ဆွေးနွေးပွဲတွေမှာတော့ ဦးမန်းငြိမ်းမောင်နဲ့ ပတ်သက်ပြီး မြန်မာအစိုးရကိုယ်စားလှယ်အဖွဲ့က ပြန်လွှတ်ပေးရင် ဘယ်လိုသဘောရသလဲ ဆိုတာကို မေးမြန်းခဲ့ဖူးတယ်လို့ KNU ကပြောပါတယ်။ ဒါပေမယ့် KNU ဘက်ကတော့ ဦးမန်းငြိမ်းမောင်သာမက နိုင်ငံရေးအကျဉ်းသားအားလုံး ပြန်လွှတ်ပေးဖို့လိုတယ်လို့လည်း ပြောခဲ့ကြောင်း ဦးစောဒေးဗစ် တာကပေါက ပြောခဲ့ပါတယ်။

အခုဆိုရင် မြန်မာအစိုးရ နဲ့ KNU ငြိမ်းချမ်းရေး ဖော်ဆောင်ရေးအဖွဲ့ဟာ ဇန်နဝါရီ ၁၂ ရက်နေ့မှာ ကရင်ပြည်နယ်၊ ဘားအံမြို့မှာ တွေ့ဆုံဖို့ စီစဉ်ထားပါတယ်။ အဲဒီအချိန်မှာပဲ ဦးမန်းငြိမ်းမောင်ကို ပုဒ်မ ၃ ခုနဲ့ တရားရုံးထုတ်ဖို့ စီစဉ်ခဲ့တာကြောင့် ဒါဟာ မြန်မာအစိုးရဘက်က နိုင်ငံရေးအကျဉ်းသားနဲ့ အပေးအယူ လုပ်ချင်တဲ့သဘောတွေ ဖြစ်နိုင်တယ်လို့ AAPP ဘက်က ဆက်ပြောပါတယ်။

“ဒီကြားထဲမှာလည်း KNU နဲ့စကားပြောမယ့် အစီအစဉ်ရှိပါတယ်။ ဆိုတော့- တဘက်ကကြည့်ရင် ကရင်အမျိုးသား အစည်းအရုံးနဲ့ နအဖနဲ့ ငြိမ်းချမ်းရေးလက်မှတ်ရေးထိုးနိုင်ဖို့ စကားပြောကြမှာ ဖြစ်တယ်။ အဲဒီလို စကားပြောနေတဲ့အချိန်မှာကိုက ထပ်မံပြီးတော့ စွဲတယ်ဆိုတာက ငြိမ်းချမ်းရေး စကားပြောမယ့်ကိစ္စကိုပဲ အပေးအယူလုပ်ချင်တဲ့ဟာမျိုးလည်း တစိတ်တဒေသပါလိမ့်မယ်လို့ ကျနော်တို့က မြင်ပါတယ်”

ဦးမန်းငြိမ်းမောင်ဟာ KNU အပါအဝင် တိုင်းရင်းသားတပ်ဖွဲ့တွေ ပူးပေါင်းဖွဲ့စည်းထားတဲ့ ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ(UNFC) မှာလည်း ကော်မတီဝင်တဦးအဖြစ် တာဝန်ယူထားပါတယ်။

အရင်နိုင်ငံရေးလုပ်ခဲ့စဉ်က နှစ်ရှည်ထိမ်းသိမ်းခံခဲ့ရပြီး ကိုကိုးကျွန်းအကျဉ်းစခန်းမှာ ထိမ်းသိမ်း ခံရစဉ်က ဦးမန်းငြိမ်းမောင်ဟာ ပင်လယ်ပြင် မိုင်ပေါင်း ၂၀၀ ကျော်ခရီးကို ဖြတ်ပြီး လွတ်မြောက်ရေးအတွက် ကြိုးစားခဲ့ဖူးပါတယ်။ ကိုကိုးကျွန်းမှာလည်း နိုင်ငံရေးအကျဉ်းသား အခွင့်အရေးအတွက် အကြိမ်ကြိမ် အစာငတ်ခံဆန္ဒပြရာမှာလည်း ပါဝင်ခဲ့ပါတယ်။

တပ်များ အပစ်ရပ်ထားရန် KNU ညွှန်ကြား

တပ်များ အပစ်ရပ်ထားရန် KNU ညွှန်ကြား

By featured, သန်းထိုက်ဦး on January 10, 2012 5:04 pm in သတင်း / no comments, Hits: 2,906


အစိုးရနှင့် ငြိမ်းချမ်းရေး ဆွေးနွေးစဉ် ကာလအတွင်း တိုက်ခိုက်မှုများ မပြုလုပ်ရန် ကရင်အမျိုးသား အစည်းအရုံး (KNU) က ရှေ့တန်းတပ်များကို ယခုလဆန်းမှ စတင်၍ ညွန်ကြားထားကြောင်း သိရသည်။

ယခုလ ၁၂ ရက်နေ့တွင် ကရင်ပြည်နယ် ဘားအံမြို့၌ ပြုလုပ်မည့် ငြိမ်းချမ်းရေး ဆွေးနွေးပွဲအတွက် ရည်ရွယ်ပြီး အပစ်ရပ်ရန် ညွှန်ကြားခြင်း ဖြစ်သည်ဟု သိရကြောင်း KNU တပ်မဟာ ၆ မှ ဗိုလ်ကြီး စောထဲနေက ဧရာဝတီသို့ ပြော သည်။

ထိုင်းမြန်မာနယ်စပ် တနေရာ ကရင်ပြည်နယ်အတွင်း တွေ့ရသော KNU စစ်သားများ (ဓာတ်ပုံ - ဧရာဝတီ)

“အပစ်အခတ် ရပ်စဲရေး အတွက် ငြိမ်းချမ်းရေး စကားပြောမယ်၊ ဒါကြောင့်မို့ ပြည်တွင်းစစ်ရဲ့ နှစ် ၆၀ ကျော် ရှည်ကြာလာတဲ့ အပေါ် အစိုးရစစ်တပ် သွားရေး လာရေး လမ်းကြောင်း အနှောင့်အယှက် မပြုလုပ်ရန်နဲ့ တိုက်ပွဲ မဖော်ဆောင်ရေး ကြေးနန်းနဲ့ ထုတ်ပြန်ထားပါတယ်” ဟု ၎င်းက ဆိုသည်။

KNU တပ်ဖွဲ့ဝင်များကလည်း ပြည်တွင်း ငြိမ်းချမ်းရေးနှင့် အပစ်အခတ် ရပ်စဲရေး လိုလားသည်ဟု စောထဲနေက ဆက်ပြောသည်။

ဘားအံမြို့တွေ့ဆုံပွဲတွင် အစိုးရ ကိုယ်စားလှယ် အဖွဲ့အား မီးရထားဝန်ကြီး ဦးအောင်မင်းက ဦးဆောင်မည် ဖြစ်ပြီး KNU ကိုယ်စားလှယ်အဖွဲ့တွင် စစ်ဦးစီးချုပ် ဗိုလ်ချုပ်ကြီး မူတူးဆေးဖိုး၊ ဦးစောဒေးဗစ်ထော အပါအ၀င် ၁၉ ဦးခန့် ပါဝင်မည် ဖြစ်ကြောင်း သိရသည်။

ဦးစောဒေးဗစ်ထောက “လူ့အခွင့်အရေး ချိုးဖောက်မှု၊ လုပ်အားပေး ခိုင်းစေခြင်း၊ အခွန် ကောက်ခံတာတို့ကို ထည့်သွင်း ဆွေးနွေးသွားမှာ ဖြစ်ပါတယ်” ဟု ဆိုသည်။

အတည်မပြုနိုင်သော သတင်းများအရ KNU ထိန်းချုပ်ဒေသများ၌ မိုင်းရှင်းလင်းရေးနှင့် ပတ်သက်၍လည်း ဆွေးနွေးကြမည်ဟု သိရသည်။

နိုဝင်ဘာလ ၁၅ ရက်နေ့တွင် အစိုးရ ကိုယ်စားလှယ် ဦးအောင်မင်းက KNUတပ်ဖွဲ့မှ ကိုယ်စားလှယ်များကို ငြိမ်းချမ်းရေး တွေ့ဆုံ ဆွေးနွေးရန် တရားဝင် ကမ်းလှမ်းခဲ့သည်။

နိုဝင်ဘာ ၁၉ နှင့် ၂၀ ရက်နေ့တို့တွင် အစိုးရ ရထားပို့ဆောင်ရေးဝန်ကြီး ဦးအောင်မင်း ဦးဆောင် သည့် ကိုယ်စားလှယ်များနှင့် KNU ခေါင်းဆောင်တချို့ ထိုင်း-မြန်မာနယ်စပ် တနေရာတွင် အလွတ်သဘော တွေ့ဆုံ ဆွေးနွေးခဲ့ကြောင်း သိရသည်။

ထိုကဲ့သို့ တွေ့ဆုံ ဆွေးနွေးခဲ့ပြီး နောက်ပိုင်း တရားဝင် ထပ်မံ တွေ့ဆုံမည့် သတင်းများ ထွက်ပေါ်လာခြင်း ဖြစ်သည်။

KNU အဖွဲ့သည် အမျိုးသား တန်းတူရေး၊ ကိုယ်ပိုင် ပြဌာန်းခွင့် ရရှိရေးတို့ အတွက် အစိုးရ အဆက်ဆက်ကို ဆန့်ကျင် တော်လှန်ခဲ့သည်မှာ ၆၂ နှစ် ရှိပြီ ဖြစ်သည်။

မြန်မာပြည်မြောက်ပိုင်း ကချင်လွတ်မြောက်ရေးတပ်မတော် ထိန်းချုပ်သည့် နေရာများတွင် တိုက်ခိုက်မှုများ အဆက်မပြတ် ဖြစ်ပွားနေသည်မှာ ၇ လ ကြာပြီ ဖြစ်သော်လည်း KNU လှုပ်ရှားသည့် ထိုင်းမြန်မာနယ်စပ်တွင် တိုက်ပွဲများ ငြိမ်သက်နေသည်။

တိုက်ပွဲများ ငြိမ်သက်နေသော်လည်း ဘုရားသုံးဆူမြို့ ဘုရားပွဲတွင် စနေနေ့ညက ဗုံးပေါက်ကွဲမှုဖြစ်ပွားခဲ့ရာ ၄ ဦး သေဆုံးပြီး၊ ၄၀ ကျော် ဒဏ်ရာ ရသွားကြောင်း သိရသည်။

မင်းအုပ်စိုး ၏ လှူဒါန်းတတ်ကြပါစေ

Monday, January 9, 2012
မင်းအုပ်စိုး ၏ လှူဒါန်းတတ်ကြပါစေ http://www.shwezinu.com/2012/01/blog-post_617.html
ဒီစာကိုရေးဖို့ အကြိမ်ကြိမ်စဉ်းစားခဲ့ရပါတယ်။
မရေးတော့ဘူးလို့လည်း ခဏခဏဆုံးဖြတ်ခဲ့ပါတယ်။ မရေးဖြစ်အောင်လည်း ကိုယ့်စိတ်ကို ထိန်းထား ပါတယ်။
ဒါပေမယ့်လည်း ဘယ်လောက်ထိန်းထိန်း ကျွန်တော့်ရဲ့ သန္ဓေဗီဇကိုက မကောင်းတဲ့အတွက် ဘယ်လို မှ ထိန်းမရတော့ဘဲ ဒီစာကို ရေးဖြစ်သွားတာပါ။
ဒီစာကိုရေးဖြစ်တဲ့အတွက် ရှိပြီးသားမိတ်ဆွေတွေ ဆုံးရှုံးကုန်မှာ ဖြစ်သလို မိတ်ဆွေအဖြစ် မရှိသေးတဲ့ သူတွေလည်း ရန်သူအဖြစ်ရောက်သွားမှာ သေချာပါတယ်။ နဂိုကတည်းက ကျွန်တော့် အပေါ် ခါးခါး သီးသီးမုန်း နေတဲ့ လူတွေကတော့ မျက်နှာကို မကြည့်ချင်လောက်အောင် အသံကို မကြားချင် လောက်အောင် ရွံရှာစက်ဆုပ်သွားမှာ သေချာပါတယ်။

ဘာအကြောင်းကြောင့် အဲ့ဒီလိုဖြစ်သွားရမှာလဲလို့ မေးခဲ့ရင် ကျွန်တော်ရေးမယ့်အကြောင်း က မြန်မာ တစ်ပြည်လုံးက ပရိသတ်တွေ သည်းသည်းလှုပ်ချစ်နေကြတဲ့ အားပေးနေကြတဲ့ နိုင်ငံ ကျော်အနုပညာရှင် ပြေတီဦး နဲ့ အိန္ဒြာကျော်ဇင် တို့ရဲ့ အကြောင်းပါ။
အထူးသဖြင့် ပြေတီဦးပညာရေးဖောင်ဒေးရှင်းအကြောင်းပါ။
ဒီစာကို ဖတ်ပြီးတဲ့အချိန်မှာ တော်တော်များများက ကျွန်တော့်အပေါ် မှတ်ချက်ချကြပါ လိမ့်မယ်။

ပြေတီဦးရဲ့ အောင်မြင်ကျော်ကြားမှုကို
ကျွန်တော် က မနာလိုလိ်ု့ မရှုစိမ့်လို့ မုဒိတာမပွားနိုင်လို့ ဒီလိုမျိုးရေးတာလို့ သတ်မှတ်မှာ သေချာ ပါတယ်။ သူတို့ဇနီးမောင်နှံအပေါ်မှာ အချစ်ကြီး ချစ်နေတဲ့ ပရိသတ် တွေလည်း ကျွန်တော့်အပေါ် အမုန်းကြီး မုန်းသွားမှာ သေချာပါတယ်။

တကယ်တော့ ပြေတီဦးနဲ့ကျွန်တော်ဟာ အင်မတန်မှ ချစ်ခင်ရင်နှီးတဲ့ သူငယ်ချင်းအရင်း ကြီးတွေပါပဲ။ သုညအောက် ရောက်နေတဲ့ ဘသတွေကို အတူတူဖြတ်သန်းရင်း လည်ပင်းဖက် ပေါင်းလာကြတဲ့ ညီအစ်ကို သူငယ်ချင်းတွေပါ။ အခုအချိန်ထိလည်း သူနဲ့ကျွန်တော်နဲ့ကြားမှာ အမုန်း ပွားစရာတစ်စက်မှ မရှိ သလို ပြဿနာလည်း နည်းနည်းလေးတောင် မရှိပါဘူး။
ဒါဆိုရင် ဒီစာမရေးဘဲ မင်းတို့သူငယ်ချင်းအချင်းချင်း လူချင်းတွေ့ပြီး ပြောလိုက်ပါလားလို့ စာဖတ် ပရိသတ်ကြီးက ပြောချင်ကောင်းပြောချင်ကြပါလိမ့်မယ်။ ဒါပေမယ့် ဘာကြောင့် ကျွန်တော် ဒီစာကို ရေးရသလဲ ဆိုရင်...

ဒီစာထဲမှာပါတဲ့အကြောင်းအရာဟာ ပြေတီဦးတစ်ယောက်တည်းနဲ့ ပတ်သက်နေတာ မ ဟုတ်ပါဘူး။ မြန်မာနိုင်ငံ ရဲ့ စာနယ်ဇင်းလောကမှာ အင်မတန်မှကို ထိပ်ဆုံးရောက်နေတဲ့ ဆရာ ဦးဝင်းငြိမ်းနဲ့ ဆရာ ဦးမြတ်ခိုင် တို့ နှစ်ယောက်လည်း ပါဝင်ပတ်သက်နေလို့ပါ။
သူတို့နှစ်ယောက်တင်မကသေးပါဘူး။
ရုပ်ရှင်နဲ့ဗီဒီယိုလောကမှာ အင်မတန်မှကို အောင်မြင်ကျော်ကြားပြီး ဇာတ်ကားကောင်း ပေါင်းများစွာ တပည့်တပန်း ပေါင်းများစွာကို ရိုက်ကူးမွေးထုတ်ခဲ့တဲ့ နိုင်ငံကျော်စူပါဒါရိုက်တာ မောင်မျိုးမင်း (ရင်တွင်းဖြစ်) လည်း ပါနေလို့ပါ။

ဒါတင်မကသေးပါဘူး
ရုပ်ရှင်နဲ့ဗီဒီယိုထုတ်လုပ်သူလောကမှာ အင်မတန်မှ လုပ်သက်ရှည်တဲ့ အတွေ့အကြုံပေါင်း မြောက်များစွာ ရှိတဲ့ မင်းသားပေါင်းများစွာနဲ့ အလုပ်လုပ်ခဲ့တဲ့ ထုတ်လုပ်သူ ကိုဝင်းကြည်လည်း ပါ ၀င် နေလို့ပါ။
အဲဒီတော့ ဒီအကြောင်းအရာတွေကို စာတစ်စောင်ပေတစ်ဖွဲ့ မရေးဘဲ သူတို့တစ်ယောက် ချင်းစီကို သွားပြီး စကားတွေပြော ဆွေးနွေးငြင်းခုံနေကြမယ်ဆိုရင် သူတို့ရောကျွန်တော်ပါ အချိန် ကုန် အလုပ်ပျက် ပါတယ်။
အဲဒါကြောင့် ဒီစာစုကို မိတ်ဆွေအပျက်ခံ ရန်သူအပွားခံပြီး ကျွန်တော် ရေးလိုက်တာပါ။

ဒီစာစုကို ရေးဖြစ်စေတဲ့ နောက်တစ်ချက်ကတော့ အခုအချိန်မှာ ကျွန်တော်တို့ တိုင်းပြည် ဟာ အပြောင်းအလဲ တွေများစွာနဲ့ အကောင်းဘတ်ကို ဦးတည်နေတဲ့ အချိန်အခါ ဖြစ်ပါတယ်။
အဖွဲ့အစည်း တွေ၊ ပါတီတွေ၊ ဖောင်ဒေးရှင်းတွေကို ဖွဲ့စည်းတည်ထောင်ခွင့် ပေးနေတဲ့ အချိန်လည်း ဖြစ် ပါတယ်။
အဲဒီတော့ ဖောင်ဒေးရှင်းတွေဆိုတာ သိပ်မကြာခင်ကာလမှာ တစ်ခုပြီးတစ်ခု ထပ်ပေါ် လာတော့မှာပါ။ အဲဒီ ပေါ်လာတဲ့ ဖောင်ဒေးရှင်းတွေက နိုင်ငံတော်ရဲ့ မျိုးဆက်လူငယ်တွေရဲ့ ဘ၀ ကို မြှင့်တင်ပေးဖို့ ဆိုတဲ့စိတ် နဲ့ ဖွဲ့စည်းတည်ထောင်လို့ အခုပြေတီဦး ဦးဆောင်ပြီး နိုင်ငံကျော် စာနယ် ဇင်းဆရာကြီးများ ဒါရိုက်တာကြီးများ လုပ်ကြတဲ့ပွဲမျိုးကို အမှန်လို့ထင်ပြီး ဆက်လုပ်နေကြမယ်ဆို ရင်....
ကျွန်တော်တို့တိုင်းပြည်ရဲ့ အနာဂတ်ခေါင်းဆောင်လောင်းတွေဟာ မျက်လွှာလေးချ ခေါင်း လေးငုံ့ပြီး ဘယ်သူက များ ဘယ်အချိန်မှာ ဘယ်လိုပြောလိုက်လေမလဲဆိုတဲ့စိတ်နဲ့ တထိတ်ထိတ် နေရမှာ သေချာပါတယ်။

ကျွန်တော် ရေးချင်တဲ့ ပြောချင်တဲ့ အဓိကအကြောင်းကို သွားပါတော့မယ်။
ဘယ်လူမျိုး ဘယ်တိုင်းပြည်မှာမဆို လှူတာတန်းတာ ပေးတာကမ်းတာ ထောက်ပံ့တာဟာ ကောင်းမွန် တဲ့ အလုပ် လို့ သတ်မှတ်ထားကြတာပါ။ ဘာသာမရွေး လူမျိုးမရွေးပေါ့။
ကျွန်တော့်သူငယ်ချင်း ပြေတီဦးလုပ်တဲ့ ပြေတီဦးဖောင်ဒေးရှင်းဆိုတဲ့ အလုပ်ဟာလည်း အင်မတန်မှ သန့်စင် မွန်မြတ်တဲ့ ကုသိုလ်ကောင်းမှု အလုပ်တစ်ခုပါ။
ဒါပေမယ့် တစ်ခုပါပဲ။

တစ်ခုလို့သာဆိုပေမယ့် အဲဒီတစ်ခုက တော်တော်အရေးကြီးတဲ့ တစ်ခုပါ။ အဲဒီတစ်ခု ကြောင့် ကျွန်တော် ဒီစာစုကို ရေးဖြစ်တာပါ။
အဲဒီတစ်ခုက ဘာလဲဆိုရင် ပြေတီဦးဖောင်ဒေးရှင်းရဲ့ အလှူငွေပေးအပ်တဲ့ နေရာမှာ ကလေးတွေနဲ့ ပတ်သက်ပြီး ပြုမူလုပ်ဆောင်ခဲ့ကြတဲ့ ပုံသဏ္ဍာန်ပါပဲ။ ပြေတီဦးဖောင်ဒေးရှင်းက ကူ ညီထောက်ပံ့ပြီး ပညာဒါန ပေးနေတဲ့ ကလေးတွေဟာ နောင်တစ်ချိန်မှာ သမားဂိုဏ်းဝင် ဆရာဝန် ဖြစ်လာမယ့် လူတွေပါ။

သူတို့ရဲ့ ဘ၀တစ်လျှောက်လုံး ဆရာ၊ ဆရာမအခေါ်ခံရမယ့်လူတွေပါ။
သာမန် ကျောင်းသူ၊ကျောင်းသားတွေ မဟုတ်ကြပါဘူး။
တကယ်လို့ သာမန်ကျောင်းသူ၊ကျောင်းသားတွေ ဖြစ်ခဲ့မယ်ဆိုရင်လည်း ကျွန်တောကတော့ ဒီစာ ကို ရေးမှာပါ။
ဆရာဝန်လောင်းပဲဖြစ်ဖြစ်၊ အင်ဂျင်နီယာလောင်းပဲဖြစ်ဖြစ်၊ ဆိုက်ကားသမားပဲဖြစ်ဖြစ်၊ ရေ လှည်းသမား ပဲဖြစ်ဖြစ်၊ အုတ်ရွက်တဲ့ လူပဲဖြစ်ဖြစ်၊ ဂျာနယ်ရောင်းတဲ့ သူပဲဖြစ်ဖြစ်၊ အသက်ဆယ့်ရှစ်နှစ် မပြည့် မချင်း လူငယ် တွေပါပဲ။

အဲဒီလူငယ်တွေဟာ လက်ရှိအချိန်မှာ ဘာပဲဖြစ်နေဖြစ်နေ သူတို့မှာ တောက်ပတဲ့ အနာ ဂတ်တွေ ကိုယ်စီ ရှိ်ကြပါတယ်။ လှပတဲ့ အိပ်မက်တွေလည်း ကိုယ်စီကိုယ်ငှ ရှိနေတတ်ကြပါတယ်။
သူတို့ရဲ့အနာဂတ်၊ သူတို့ရဲ့အိပ်မက်ဟာ သူတို့မျှော်လင့်ထားတဲ့အတိုင်း ဖြစ်မလာနိုင်ဘူး လို့ ဘယ်သူ ကမှ ပြောလို့မရနိုင်ပါဘူး။
တောက်ပ တဲ့ အနာဂတ်၊ လှပတဲ့အိပ်မက်၊ တက်ကြွတဲ့ခြေလှမ်းတွေ ကိုယ်စီကိုယ်စီ ရှိနေ ကြတဲ့ လူငယ် တွေရဲ့ဘ၀ကို အားငယ်စိတ်ဝင်အောင်၊ သိမ်ငယ်စိတ်ဝင်အောင်၊ အညွှန့်ချိုးခံရတဲ့ စိတ်မျိုး ၀င်လာအောင်၊ လုပ်တဲ့အပြုအမူမှန်သမျှ လုပ်တဲ့သူမှန်သမျှကို ကျွန်တော်ကတော့ ပြင်း ပြင်းထန်ထန် ကန့်ကွက် ရှုတ်ချပါတယ်။ လူငယ်ဆိုတာ တိုင်းပြည်တစ်ခုရဲ့ အနာဂတ်အတွက် အရေးပါတဲ့ သူတွေပါ။

အဲဒါကြောင့်လည်း ဒီစာကိုရေးတာပါ။
ဇာတ်လမ်းစပါပြီ။ အဓိကပြောချင်တဲ့အကြောင်းပေါ့။
ပြေတီဦး ပညာရေးဖောင်ဒေးရှင်းက တစ်နှစ်ပြည့်တဲ့ အခမ်းအနားကို ကန်တော်ကြီးဝန်း အတွင်းရှုိ ကရ၀ိတ် ဟိုတယ် မှာ (၃၀.၁၁.၂၀၁၁)နေ့က ခမ်းခမ်းနားနား ကျင်းပသွားပါတယ်။ ဂုဏ်သရေရှိ လူကြီး လူကောင်းပေါင်း များစွာလည်း တက်ရောက် အားပေးခဲ့ကြပါတယ်။

ပြေတီဦးက ဆင်းရဲနွမ်းပါးတဲ့ကလေးတွေကို အလှူငွေပေးအပ်နေတဲ့ ဓါတ်ပုံတွေ၊ ဆင်းရဲ နွမ်းပါးတဲ့ ကလေးတွေက သူတို့ရထားတဲ့ ထောက်ပံ့ကြေးလေးတွေကို ကိုင်ပြီး ပြေတီဦးနဲ့ အိန္ဒြာကျော်ဇင်ကို အလယ်မှာ ထားပြီး ရိုက်ထားတဲ့ ဓါတ်ပုံတွေ။

ဆရာဝန်မလောင်းတွေက ကြမ်းပြင်ပေါ်မှာ ဒူးထောက်ထိုင်၊ ဆရာဝန်လောင်းလေးတွေက ကုလားထိုင် တွေရဲ့နောက်မှာ မတ်တပ်ရပ် အလယ်က ကုလားထိုင်တွေပေါ်မှာတော့ ပြေတီဦးရယ်၊ အိန္ဒြာကျော်ဇင် ရယ် စာနယ်ဇင်းဆရာနှစ်ဦးဖြစ်တဲ့ ဆရာမြတ်ခိုင်နဲ့ ဆရာဦးဝင်းငြိမ်းရယ်၊ ဒါရိုက်တာ ကြီးဖြစ်တဲ့ ဒါရိုက်တာမောင်မျိုးမင်း ရယ်၊ စီးပွားရေးသမားဖြစ်တဲ့ ထုတ်လုပ်သူ ကိုဝင်းကြည်ရယ် ခုံတွေပေါ်မှာ ခန့်ခန့်ကြီး ထိုင်လို့ပေါ့။ ကျန်တဲ့ အမျိုးသမီးတစ်ယောက်နဲ့ အမျိုးသားတစ်ယောက် ကိုတော့ ကျွန်တော် မသိပါဘူး။

နောက်တစ်ပုံကတော့ ပြေတီဦးနဲ့ အိန္ဒြာကျော်ဇင်က ခုံပေါ်မှာထိုင်ပြီး ဆရာဝန်လောင်း ငယ်ကလေး တွေက လက်ဆယ်ဖြာ ထိပ်မှာမိုးပြီး ရှိခိုးနေတဲ့ ဓါတ်ပုံပါ။ ပေါ်ပြူလာဂျာနယ်မှာ ပါပါ တယ်။
ဂျာနယ်တွေမှာ ပါတဲ့ အဲဒီဓါတ်ပုံတွေကို ကျွန်တော်သေသေချာချာ ကြည့်ပါတယ်။
ကြည့်တာ မှ နှစ်ရက်သုံးရက်ကို ကြည့်တာပါ။

အဲဒီလိုကြည့်ရင်း ကြည့်ရင်းကနေ ဒီစာရေးဖို့ဖြစ်လာတာပါ။ အဲဒီဓါတ်ပုံတွေမှာပါတဲ့ လူငယ်တွေ အားလုံး လှိုက်လှိုက်လှဲလှဲ ဟက်ဟက်ပက်ပက် ၀မ်းပမ်းတသာ ဘယ်သူမှ ပြုံးမနေကြ ပါဘူး။
အခြေအနေ နဲ့ သူတို့ပြုမူဆက်ဆံခံရတာကလည်း ပြုံးချင်စရာမကောင်းသလို၊ ပျော်ဖို့လည်း ကောင်းမှမကောင်းတာ။ ဂျာနယ်တွေမှာ ဖော်ပြတဲ့ဓါတ်ပုံတွေကို စာဖတ်ပရိတ်သတ်ကြီး သိအောင် ကျွန်တော်ကူးယူဖော်ပြပေးလိုက်ပါတယ်။

ဒါပေမယ့် သူတို့လိုတော့ မဟုတ်ပါဘူး။ ကလေးတွေရဲ့ မျက်နှာလေးတွေကို ဖျက်ထားပါ တယ်။
အပေါ်မှာ ရေးခဲ့သလိုပေါ့ လှူတယ် တန်းတယ် ပေးတယ် ကမ်းတယ်ဆိုတာဟာ အင်မတန် ကောင်းမွန်တဲ့ ကိစ္စ တစ်ခုပါ။ လှူဒါန်းထောက်ပံ့တတ်ဖို့တော့ လိုတာပေါ့။
ဒီလိုလေး စဉ်းစားကြည့်ကြရအောင်။

ပြေတီဦး ပညာရေးဖောင်ဒေးရှင်းက ထောက်ပံ့တဲ့ ကလေးတွေကို ပညာသင်ကြေး ပေးတဲ့ အခါမှာ သူတို့ ကော်မတီဝင် တွေစုပြီး တစ်ယောက်ယောက်ရဲ့ အိမ်မှာ ပေးလို့ရော မရနိုင်ဘူး လား။
ဒါမှမဟုတ်ရင်လည်း လူတွေအများကြီးမရှိတဲ့နေရာ ဓါတ်ပုံကင်မရာတွေ မရှိတဲ့နေရာ၊ ရုပ်သံလိုင်း တွေရဲ့ ကင်မရာတွေမရှိတဲ့ နေရာမှာ ပေးရင်ရှေုာ မဖြစ်နိုင်တော့ဘူးလား။ ပေးလို့ မရဘူးလား။
ကလေးတွေ နဲ့ ရင်းရင်းနှီးနှီး နွေးနွေးထွေးထွေး ဆက်ဆံချင်တယ်ဆိုရင်လည်း အဲဒီတစ် နှစ်ပြည့် အခမ်းအနားမှာ ကလေးတွေကို ဖိတ်ပြီး သီးသန့်ဝိုင်းနှစ်ဝိုင်းပေးထားလိုက်ရင် ရပါပြီ။ ရောက်လာကြတဲ့ မင်းသား မင်းသမီးတွေကို သူတို့ကြည့်ပြီး လွတ်လွတ်လပ်လပ် ပေါ့ပေါ့ပါးပါး ပျော်နိုင်ကြမှာပေါ့။

ခုတော့ ပြေတီဦးနဲ့ သူတို့ရဲ့ ကော်မတီဝင်တွေ ဦးဆောင်ပြီး စီစဉ်လိုက်တဲ့ အစီအစဉ်တွေ ကြောင့် ကလေး တွေရဲ့ ရင်ထဲမှာအပျော်တွေ ခမ်းခြောက်ကုန်ပါတယ်။ သူတို့တွေရဲ့ တောက်ပတြံ အနာဂတ် ဟာလည်း ခေါင်ညွှန့်အချိုးခံလိုက်ရသလိုပါပဲ။
ခံစာုးချက်ကလေးနှစ်ခုကို ယှဉ်ကြည့်ရအောင်ပါ။

ကရ၀ိတ်ခန်းမပေါ်သို့ ပြေတီဦးလှမ်းတက်လာတဲ့ခံစားချက်ဟာ အောင်မြင်မှုတွေ၊ ယုံ ကြည်မှုတွေ၊ ကျေနပ်မှု တွေ၊ ပျော်ရွင်မှုတွေ၊ အားရမှုတွေပါ။
ဘာကြောင့်လဲ ဆိုတော့ ပြည်သူချစ်တဲ့နိုင်ငံကျော်မင်းသား တစ်ယောက်က မရှိနွမ်းပါးတဲ့ ကလေး တွေကို ထောက်ပံ့ငွေ ပေးအပ်ရမှာလေ။ ကင်မရာမီးတွေက တစ်ဖျပ်ဖျပ်၊ ရုပ်သံကင်မရှုာ တွေက တလှုပ်လှုပ်၊ ဂုဏ်သရေရှိ လူကြီးလူကောင်းတွေကလည်း တစ်ပြုံးပြုံးပေါ့။

တစ်ဖက်က ထောက်ပံ့ကြေးယူမယ့်ကလေးရဲ့ နေရာကနေ ၀င်ပြီး ကျွန်တော်တို့ ခံစား ကြည့်ကြ ရအောင် ပါ။
စင်ပေါ် ကို တက်လာတဲ့ သူ့ရဲ့ရင်ထဲမှာ အားငယ်စိတ်၊ သိမ်ငယ်စိတ်၊ ရှက်စိတ်၊ ကြောက် ရွံ့စိတ် တွေ နဲ့ ပါ။ ဘယ်လူငယ်တစ်ယောက်ကမှ အဲဒီလိုတက်ယူရတဲ့အတွက် ဂုဏ်ယူဝမ်းမြောက် ပျော်ရွင်ခြင်း ဖြစ်မှာ မဟုတ်ဘူး ဆိ်ုတာ သေချာပါတယ်။

ဘာကြောင့်လဲဆိုရင် လူတွေအများကြီးရဲ့ကြားထဲမှာ ပွဲကိုလာတဲ့ လူတွေအားလုံး ၀ိုင်း ကြည့်နေတဲ့ မျက်လုံးတွေရဲ့ရှေ့မှာ ပြေတီဦးကမ်းပေးတဲ့လက်ထဲက သူယူရမယ့်အရာဟာ သူ့ကိုဂုဏ်ပြုတဲ့ ချီးမြင့်တဲ့ ဆုကြေးငွေ မဟုတ်ဘဲ သူ့မိဘတွေက ဆင်းရဲလွန်းလို့ သူ့ကို ကျောင်း ဆက်ထားမပေးနိုင်တဲ့အတွက် ထောက်ပံ့ကြေး ကို သူယူနေရတာပါ။
သူယူရတဲ့နေရာ က ကင်မရာမီးတွေ တစ်ဖျပ်ဖျပ်၊ ရုပ်သံကင်မရာတွေ တစ်လှုပ်လှုပ် ၊ ဂုဏ် သရေရှိ လူကြီးလူကောင်း တွေကလည်း တစ်ပြုံးပြုံးနဲ့ နေရာလေ။

ကျွန်တော်ကျွန်မတို့ ဆင်းရဲပါတယ်။
ကျွန်တော်ကျွန်မတို့ နွမ်းပါးပါတယ်။
ကျွန်တော် ကျွန်မတို့ဟာ ပြေတီဦးပညာရေးဖောင်ဒေးရှင်း က ထောက်ပံ့တဲ့ငွေနဲ့ ကျောင်း တက်နေရတဲ့ သူတွေပါ ဆိုတာကို လူတွေသိသွားအောင် လူတွေမြင်သွားအောင် အလုပ်ခံလိုက်ရ တာနဲ့ အတူတူပါပဲ၊ တက္ကသိုလ် ၀င်တန်း မအောင်ခင်တစ်ချိန်လုံး သူတို့တွေဟာ သူတို့တက်ရောက် ပညာသင်ကြားရတဲ့ စာသင်ခန်း ရဲ့ကျောင်းထဲမှာ ပညာဂုဏ်နဲ့ လင်းလက်ခဲ့တဲ့ လူတွေချည်းပါပဲ။
သူတို့ကို ကြည့်တဲ့မျက်လုံးတွေဟာ အားကျမှု၊ ဂုဏ်ယူမှု၊ အထင်ကြီးမှုတွေနဲ့ အကြည့်ခံခဲ့ ရမှာပါ။ ထောက်ပံ့ငွေ ပေးအပ်တဲ့ အခမ်းအနားက မျက်လုံးတွေနဲ့ တခြားစီပေါ့။

အဲဒီအခမ်းအနား မှာ အဲဒီလိုပေးပြီး ပေးတဲ့ပုံတွေကို ဂျာနယ်ရဲ့ စာမျက်နှာထဲမှာ ပုံအကြီးကြီး နဲ့ ထပ်ပြီး ဖော်ပြလိုက်တာဟာ သူတို့လေးတွေရဲ့ အနာဂတ် ညှိုးနွမ်းသွားအောင် သူတ်ို့လေး တွေရဲ့ရင်ထဲမှာ သိမ်ငယ်စိတ် တွေ ၀င်သွားအောင် လုပ်လိုက်သလိုပါပဲ။

ဒီလုပ်ရပ် ဟာ ကျွန်တော်ရေးပြတဲ့ အဓိပ္ပါယ်မျိုး သက်ရောက်သွားတယ်ဆိုတာ ပြေတီဦးက မသိဘူး ဆိုရင်တောင်မှ သူ့ရဲ့ဖောင်ဒေးရှင်းကော်မတီမှာပါတဲ့ အဖွဲ့ဝင်တွေ သိသင့်ပါတယ်။ သိဖို့ လည်း ကောင်းပါတယ်။ သားသမီးချင်းလည်း စာနာကြည့်သင့်ပါတယ်။

တကယ်ဆိုရင် ထောက်ပံ့ကြေးထူရတယ်ဆိုကတည်းက အဲဒီကလေးနဲ့ အဲဒီကလေးရဲ့ မိဘတွေဟာ အင်မတန် မှကို ဆင်းရဲနွမ်းပါးလွန်းလို့ဆိုတာ သေချာပါတယ်
ဆင်းရဲနွမ်းပါတဲ့ကြားက သူတို့ရဲ့ရင်သွေး သားသမီးလေးတွေကို မရှိရှိတဲ့ကြားက ဆယ် တန်းအောင်တဲ့ အထိ ကြိုးစားရုန်းကန်ပြီး ထားပေးခဲ့ကြရတာပါ။
ဆေးကျောင်းဆက်မထားနိုင်လို့ အားငယ်နေကြတဲ့အချိန်နဲ့ ပြေတီဦးပညာဖောင်ဒေးရှင်းရဲ့ ထောက်ပံ့ မှုကြောင့် သူတို့သားသမီးလေးတွေ ဆေးကျောင်းဆက်တက်ခွင့် ရပြီလို့ သိတဲ့အချိန်မှာ သူတို့တွေရဲ့ရင်ထဲ အရမ်း ပျော်သွားမှာ သေချာပါတယ်။

ဒါပေမယ့် နှစ်ပတ်လည်နေ့မှာ ပြုလုပ်ခဲ့တဲ့ ပွဲရဲ့ အစီအစဉ်တွေကို ဂျာနယ်တွေထဲမှာ ဓါတ်ပုံတွေနဲ့ ဝေေ၀ဆာဆာ ဖော်ပြလိုက်လို့ သူတ်ို့နေတဲ့ မြို့နယ်တွေအထိ ရောက်သွားပြီး သူတို့ များ ကြည့် လိုက်ရမယ် ဆိုရင် လူငယ်တွေရဲ့ မိဘတွေ ပျော်နိုင်ပါ့မလား။

သူတို့ သားသမီးပုံပါတဲ့ ဂျာနယ်ကြီးကို လက်ကကိုင်ပြီး
ဟောဒါ ငါ့သားကွ
ဟောဒါ ငါ့သမီးလေးကွလို့
ပြုံးပျော်ကြည်နူးပြီး ဆွေမျိုးတွေ၊ မိတ်ဆွေတွေကို လိုက်ပြနိုင်ပါ့မလား။
ကျွန်တော်ရေးပြတာတွေကို စာဖတ်သူ သေသေချာချာ စဉ်းစားကြည့်ပါ။ စာဖတ်သူကိုယ်တိုင်
အဲဒီကလေးရဲ့နေရာ
အဲဒီကလေးတွေရဲ့ မိဘနေရာမှာ ၀င်ခံစားကြည့်လိုက်ပါ။
အဖြေက ရှင်းရှင်းလေးပါပဲ။

လှူတာတန်းတာ ပေးတာကမ်းတာ ထောက်ပံ့တာဟာ အင်မတန်မှ ကောင်းပါတယ်လို့ ကျွန်တော် ရေးခဲ့ပါတယ်။ ကျွန်တော်သူ့ငယ်ချင်း ပြေတီဦးရဲ့ ရည်ရွယ်ချက်ကလည်း အင်မတန်မှ ကို မွန်မြတ်ပါတယ်။
ဒါပေမယ့် သူနဲ့ သူ့ကော်မတီရဲ့ လုပ်ဆောင်ချက်ကလော့ သူတို့ထောက်ပံ့ပေးတဲ့ ကလေး တွေရဲ့ အနာဂတ် နဲ့ အညွန့်တွေကို ဆုပ်နယ်ချေမွ ဖျက်ဆီးပစ်နေသလိုပါပဲ။
လူငယ်ဆိုတာ အညွန့်တစ်လူလူနဲ့ အရွယ်ပါ။
ပိုပြီးဆိုးတာက ကိုယ့်ရဲ့အားနည်းချက် ကိုယ့်ရဲ့သိမ်ငယ်တဲ့ အချက် ကိုယ့်ရဲ့ညံ့တဲ့အချက် ကို တခြားသူ သိမှာ အင်မတန်မှ စိုးရိမ်ပါတယ်။

အဲဒီနေ့က ထောက်ပံ့ကြေးလက်ခံရယူသွားတဲ့ ကလေးတွေဟာ သူတို့ပုံပါတဲ့ ဂျာနယ် ကြီးကို လက်ကကိုင်ပြီး သူတို့တက်ရောက်ပညာသင်ကြားနေတဲ့ ကျောင်းမှာ သူတို့သူငယ်ချင်း တွေရဲ့ကြားမှာ
ဒါ ငါ့ပုံလေ
ဒါ ငါ့ပုံလေလို့ ၀မ်းသားပျော်မြူးပြီး လိုက်ပြနေလိမ့်မယ်လို့ စာဖတ်ပရိတ်သတ်ထင်ပါသ လား။ ကျွန်တော်ကတော့ လိုက်ပြမယ် မဟုတ်ဘူးဆိုတာ တစ်ထစ်ချယုံကြည်ပါတယ်။
ကူညီထောက်ပံ့တဲ့နေရာမှာ စေတနာရှင်းရှင်းနဲ့ ထောက်ပံ့ကူညီပေးအပ်လိုက်ပါ။ လူသိဖို့ မသိဖို့က အဓိက မကျပါဘူး။
ကိုယ့်ရဲ့ထောက်ပံ့မှုကို ကိုယ်ကလူတွေကို သိစေချင်ပေမယ့် အထောက်အပံ့ခံရတဲ့ ကလေးတွေက လူတွေ ကို သိစေချင်သလား။ မသိစေချင်ဘူးလား။ ဆိုတာ မသေချာသလို သူတို့ ရဲ့မျက်နှာလေးတွေကို လူတွေ မြင်စေချင်သလား။ မမြင်စေချင်ဘူးလားဆိုတာလည်း ထောက်ပံ့သူ တွေ မသိနိုင်ပါဘူး။

ကိုယ့်ရဲ့ထောက်ပံ့မှုကို လူတွေသိစေဖို့အတွက် စီစဉ်ဖန်တီးလိုက်တဲ့အခမ်းအနား တစ်ခု ဟာ လင်းလက် တောက်ပ တဲ့ အနာဂတ်တွေ ကိုယ်စီရှိနေတဲ့ လူငယ်တွေကို သိမ်ငယ်စိတ်ဝင် အောင် လုပ်ပစ် လိုက်တာမျိုး ညစ်နွမ်းသွားစေတာမျိုး မဖြစ်ရင် ပိုကောင်းတာပေါ့။
ဆရာဦးမြတ်ခိုင်တို့ ဆရာဦးဝင်းငြိမ်းတို့ဆိုတာ မြန်မာနိုင်ငံမှာတော့ တကယ့်ကို နာမည် ကျော် စာနယ်ဇင်း ဆရာတွေပါ။
စာနယ်ဇင်းကျင့်ဝတ် က်ို သူတို့ကောင်းကောင်း သိကြတာပေါ့။ စာနယ်ဇင်းတစ်ခုခုရဲ့ စာမျက်နှာပေါ်မှာ သတင်းဓါတ်ပုံ တစ်ခုခု ကို ဖော်ပြတော့မယ်ဆိုရင် အဲဒီသတင်းဓါတ်ပုံဟာ ကာ ယကံရှင်ကို ကောင်းကျိုးဖြစ်စေသလား၊ ဆိုးကျိုးဖြစ်စေသလားဆိုတာ အရင်ဆုံး စဉ်းစာရမှာပါ။

သူတို့ထည့်လိုက်တဲ့ ဓါတ်ပုံထဲမှာ ကာယကံရှင်ပေါင်း ၃၂ ယောက်ပါပါတယ်။ အဲဒီ ၃၂ ယောက် ထဲမှာမှသူတို့ ထည့်လိုက်တဲ့ ဓါတ်ပုံကြောင့် အကျိုးရှိစေတာ ၂ ယောက်တည်းပါ။
ဘယ်သူတွေလဲ ဆိုတော့ ပြေတီဦးနဲ့ အိန္ဒြာကျော်ဇင်ပါ
သူတို့ရဲ့ အလှူဒါနကို သူတို့ကို ချစ်ခင်အားပေးတဲ့ ပရိတ်သတ်ကြီး မြင်ခွင့်ရတဲ့အတွက် သူတို့ နှစ်ယောက် အတွက် အကျိုးရှိတာပေါ့။
ဒါပေမယ့် ဒီဘက်က အယောက်သုံးဆယ်နေရာမှာ ၀င်ပြီး စဉ်းစားကြည့်ကြရအောင်ပါ။ အဲ ဒီသတင်း ဓါတ်ပုံပါသွားတဲ့အတွက် အဲဒီလူငယ အယောက်သုံးဆယ်ရယ်၊ အဲဒီ အယောက်သုံးဆယ့် ရဲ့ ညီအစ်ကို မောင်နှမ မိဘဆွေမျိုး အသိုင်းအ၀ိုင်းတွေရယ်ဟာ ဂုဏ်တက်သွားမလား၊ စိတ်ချမ်း သာသွားမလား ဆိုတာ လူသားချင်း ကိုယ်ချင်းစာနာတတ်တဲ့ စိတ်ရှိမယ်ဆိုရင် အလွယ်တကူနဲ့ စဉ်းစာကြည့်ပြီး အဖြေကို သိနိုင် ပါတယ်။

ဒါရိုက်တာမောင်မျိုးမင်းဆိုရင်လည်း လူတွေရဲ့စိတ်ကို ပေါ်လွင်အောင် ရိုက်တဲ့နေရာမှာ အင်မတန်မှကို တော်တဲ့ တတ်တဲ့ ပုဂ္ဂိုလ်တစ်ဦးပါ။ သူ့မှာလည်း သားသမီးသုံးဦးရှိပါတယ်။ ဒါရိုက်တာ တစ်ယောက် ဖြစ်တဲ့အတွက် ကလေးတွေရဲ့စိတ်၊ လူငယ်တွေရဲ့စိတ်ကို ပိုသိတာပေါ့။
ကိုဝင်းကြည်ကိုတော့ထားလိုက်ပါ။ သူကတော့ စီးပွားရေးလောက်ပဲသိတာလေ။

လှူဒါန်းထောက်ပံ့ပေးအပ်တဲ့ ဒီလိုပွဲမျိုးကို ဒီလိုပုံသဏ္ဍာန်မျိုးနဲ့ ပေးအပ်ထောက်ပံ့လိုက်ရင် အထောက်အပံ့ ခံ လူငယ်တွေရဲ့ စိတ်ထဲမှာ ဘာတွေဖြစ်သွားနိုင်တယ်ဆိုတာ ပြေတီဦးရယ်၊ စာနယ်ဇင်း ဆရာနှစ်ယောက် ရယ် ဒါရိုက်တာတို့ရယ်ဟာ ကိုယ်ချင်းစာတတ်တဲ့စိတ်နဲ့ ဘက်ပြောင်း စဉ်းစားကြည့်မယ် ဆိုရင် အလွယ်တကူ သိနိုင်ပါလိမ့်မယ်။

အစပိုင်မှာ ရေးခဲ့သလိုပါပဲ။
ဒီစာကို မရေးရရင် မနေနိုင်လွန်းလို့ကို ရေးတာပါ။
မိုက်မဲလွန်းလို့ရေးတာလို့ ပြောရင်လည်း ရပါတယ်။
ဒါပေမယ့် ရေးသင့်တယ်ထင်လို့ ကျွန်တော် ရေးတာပါ။
လာကြဦးမှာပါ။ လူငယ်တွေနဲ့ ပတ်သက်တဲ့ ဖောင်ဒေးရှင်းတွေ တစ်ခုပြီးတစ်ခု၊ တစ်ခုပြီး တစ်ခု၊ မိ်ုးဦးကျမှာ ပေါက်လာတဲ့ မှိုပွင့်တွေလိုပေါ့။
အဲဒီဖောင်ဒေးရှင်း တွေအကုန်လုံးဟာ ဆင်းရဲနွမ်းပါးတဲ့ လူငယ်တွေကို ပညာသင်ကြား ဖို့အတွက် ထောက်ပံ့ ငွေတွေ ပေးမယ်။
ထောက်ပံ့ငွေပေးတဲ့ အခမ်းအနားကိုလည်း ကြီးကြီးကျယ်ကျယ် ခမ်းခမ်းနားနား လုပ်မယ်။

ပြီးတော့ ဓါတ်ပုံတွေရိုက်မယ်၊ ရိုက်ထားတဲ့ သတင်းဓါတ်ပုံတွေကို စာနယ်ဇင်းဆရာများက ဂျာနယ် စာမျက်နှာတွေပေါ်မှာ ဝေေ၀ဆာဆာနဲ့ ဖော်ပြကြဦးမယ်ဆိုရင် ထောက်ပံ့ကြေးကို လက်လံ ရယူရမယ့် ကလေး တွေရဲ့ စိတ်ပိုင်းဆိုင်ရာကို စာဖတ်သူမှန်း ကြည့်လို့ရပါတယ်။
တစ်စုံတစ်ယောက်ကပြောလို့ ဒီစာစုကို ပြေတီဦးသော်လည်းကောင်း၊ ဦးမြတ်ခိုင် သော် လည်းကောင်း၊ ဦးဝင်းငြိမ်း သော်လည်းကောင်း၊ ဦးမျိုးမင်းသော်လည်းကောင်း ဖတ်မိခဲ့ရင် ကျွန်တော် အပေါ်မှာ ပြောစရာတွေ ရေးစရာတွေ ချေပစရာတွေ ရှိလာကြမှာပါ။

ဖုန်မထပါဘူး၊ မလိုအပ်ပါဘူး၊ ပွဲဆူအောင် သက်သက်လုပ်တာလို့ ယူဆပြီး ဘာမှမပြော ကြ၊ မရေးကြ ရင်တော့ သူတို့ရော ကျွန်တော်ရော အလုပ်မပိုတော့ဘူးပေါ့။
တကယ်ပြောတာပါ။
ဘယ်သူ့ကိုမှ အမုန်းပွားပြီး ဒီစာစုကို ကျွန်တော်ရေး.တာမဟုတ်ပါဘူး။ လူငယ်တွေကို တကယ် ချစ်တယ်ဆိုရင် လူငယ်တွေရဲ့ အနာဂတ်လှပအောင် ထောက်ပံ့ကူညီပေးချင်တယ်ဆိုရင် သူတို့ရဲ့ နှလုံးသား တွေကို မြင်အောင်ကြည့်တတ်ကြဖို့ သူတို့နေရာက နေ၀င်ပြီးတော့ သူတို့ရဲ့ခံစား ချက်ကို ခံစား နားလည် တတ်အောင်လို့ ကျွန်တော်ရေးတာပါ။

ဖောင်ဒေးရှင်းမလုပ်ဘဲ အသင်းအဖွဲ့မထောင်ဘဲ ဂျာနယ်တွေထဲကိုမထည့်ဘဲ လူငယ်တွေ ကိုရော လူကြီး တွေကိုရော လုပ်ဖော်ကိုင်ဖက်တွေကိုရော ထောက်ပံ့ကူညီ စောင့်ရှောက်ပေးနေတဲ့ သူတွေ ကျွန်တော် တို့ရဲ့ လူမှုပတ်ဝန်းကျင် အသိုင်းအ၀ိုင်းမှာ အများကြီးရှိပါတယ်။
ထောက်ပံ့တယ် လှူတယ်ဆိုတာ ကောင်းပါတယ်။

အထူးသဖြင့် တောက်ပတဲ့ အနာဂတ်ကိုယ်စီရှိတဲ့ လူငယ်တွေကို လှူဒါန်းထောက်ပံ့တာ ဟာ အင်မတန် ကောင်းမွန် တဲ့ အစီအစဉ်ပါ။
ဒါပေမယ့် လှူတတ်ဖို့တော့ လိုတာပေါ့။
ဒီစာစုနဲ့ ပတ်သက်ပြီး ရေးသားခဲ့သမျှ အစကနေအဆုံးအထိက ကျွန်တော့်ရင်ထဲက ဆန္ဒ အမှန်ပါ။
ဒီစာစု ကိုဖတ်ပြီး စိတ်ထဲမှာ တစ်ခုခုခံစားသွားရလို့ ကျွန်တော့ဘက်ကို တုန့်ပြန်ချင်တဲ့ ဆန္ဒရှိတဲ့ ဘယ်လို လူမျိုးမဆို ကျွန်တော့်ကို တုန့်ပြန်ဖြေရှင်းလို့ ရပါတယ်။
ဘယ်လို ပုံသဏ္ဍာန်မျိုးနဲ့ပဲ တုန့်ပြန်တုန့်ပြန်၊ ဖြေရှင်းဖြေရှင်း ကျွန်တော့်ဘက်ကတော့ အားလုံးအတွက် အဆင်သင့် ပါပဲ။

(လျှပ်တစ်ပြက်ဂျာနယ်၊ အတွဲ (၃)၊အမှတ်(၆၅) ၂၀၁၁ခုနှစ် ဒီဇင်ဘာ (၂)ရက်နေ့ထုတ်သော ဂျာနယ် ပေါ်ပြူလာဂျာနယ် အတွဲ (၁၅) အမှတ် (၄၉) မှ သတင်းဓါတ်ပုံ များ ထုတ်နှုတ် တင်ပြ အပ် ပါသည်)

မင်းအုပ်စိုး
သရပါ မဂ္ဂဇင်း ဇန်နဝါရီ ၂ဝ၁၂
.
Posted by SHWE ZIN U at 7:29 AM
Labels: ပန်းသတင်း (၂ဝ၁၂)

ယမန်နေ့ည (၁၁)နာ ရီတွင် ကြာအင်းဆိပ်ကြီးမြို့နယဗုံးပေါက်ကွဲ

ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့နယ်ခွဲရှိ အနန်းကွင်းကျေးရွာ ဘုရားပွဲတွင် ယမန်နေ့ည (၁၁)နာ ရီတွင် ဗုံးပေါက်ကွဲရာ လူ(၄) ဦးသေပြီး၊ (၄၅) ဦးထက်မနဲ ဒါဏ်ရာရရှိခဲ့သည်ဟု အနန်းကျေးရွာ ကျန်းမာရေးမှူး တဦးက ပြောပါသည်။ ဤအထဲ၌ သံပုရာရွာသား (၁၃) ဦး၊ တောင်စွန်းရွာသား (၂)ဦး၊ မုဒုံမြို့မှ ဈေးသည် (၂) ဦး၊ ခုံခံကျေးရွာမှ တဦးသေပြီး၊ တဦးဒါဏ်ရာရရှိခဲ့သည်ဟု သိရပါသည်။

သာမန် ဒါဏ်ရာရသည့် လူနာများကို အနန်းကွင်းဆေးပေးခန်းနှင့်၊ သံဖြူဇရပ်သို့လည်းကောင်း၊ အရေးပေါ်လူနာများကိုမူ မော်လမြိုင်မြို့သို့ လည်းကောင်း ပို့ဆောင်ခဲ့ရသည်ဟု အနန်းကွင်းကျေးရွာ ကျန်းမာရေးဌာနထံမှ သိရပါသည်။

မည်သူ့လက်ချက်ကြောင့် မသိရသေးသော်လည်း၊ အနန်းကွင်းကျေးရွာ၌ အမှတ်(၅) စစ်ဆင်ရေးကွပ်ကဲမှုဌာနချုပ် (စကခ ၅) ဗျူဟာရုံး အခြေစိုက်ရာ နေရာဖြစ်ပြီး၊ နည်းဗျူဟာမှူးသည်၊ ဗိုလ်မှူးကြီး၊ စိုးမိုးအောင်ဖြစ်ပါသည်။ ပွဲခင်း၌လည်း မွန်ပြည်နယ် ရေးမြို့အခြေစိုက် စကခ(၁၉)မှ ဒုဗိုလ်မှူးကြီး သန်းထွတ်အောင် ဦးစီးသည့် ခလရ(၆၁) စစ်ကြောင်း (၁)မှ ပွဲခင်းအ တွင်းလုံခြုံရေး တာဝန်ယူပြီး၊ ဗိုလ်မှူး အောင်မင်းထွေး ဦးစီးသည့် စစ်ကြောင်း (၂) သည်၊ ပွဲခင်းပြင်ပလုံခြုံရေး တာဝန်ယူ ထားသည်ဟု သိရပါသည်။

ဤကိစ္စနှင့်ပါတ်သက်ပြီး KNU ပြောရေးဆိုခွင့်ရှိသူ တဦး ထုတ်ဖေါ်ပြောကြားသည်မှာ-“ ကျနော်တို့ လက်ချက်မဟုတ်ဘူး၊ ကျနော်တို့နဲ့ အစိုးရက မကြာခင်ငြိမ်းချမ်းရေးဆွေးနွေးဖို့ ရှိတယ်မဟုတ်လား၊ ဒါကြောင့် ကျနော်တို့ မလုပ်ဘူး၊ ပြီးတော့ အခုသေတဲ့သူရော ဒါဏ်ရာရတဲ့ သူတွေဟာ ကရင်လူမျိုး သက်သက်ပါဘဲ၊ ကရင် လူမျိုးတွေကို ဒီလိုဗုံးခွဲပြီး သတ်ပါ့မလား၊ ဒီလိုမျိုးဘဲ အရင်က လွန်ခဲ့တဲ့ အနှစ် ၂၀ ကျော်တုန်းကလည်း တခါဖြစ်ဘူးတယ်။ အဲဒီတုန်းက လမိုင်းဘုရားပွဲပါ၊ (၁၀)ဦးသေပြီး (၇၀) ထက်မနဲ ဒါဏ်ရာရခဲ့တယ်။ အဲဒီတုန်းကတော့ မွန်ပြည်သစ်ပါတီကို စွပ်စွဲခဲ့ဘူးတယ်၊ဒါကို သတိရနေတယ်။ အခုလည်း ကျနော်တို့ KNU ကို စွပ်စွဲမှာဘဲ”ဟုကေအန်ယူ တပ်မဟာ (၆) မှ ပဒိုထဲနေကပြောပါသည်။

(ဓါတ်ပုံ - အင်တာနက်)

ယခုဗုံးပေါက်သည့်နေရာသည်၊ အနန်းကွင်းကျေးရွာ၌ အမှတ် (၅) စစ်ဆင်ရေး ကွပ်ကဲမှုဌာနချုပ် (စကခ ၅) ဗျူဟာရုံး၏ ခြံစည်းရိုး၌ ဖြစ်ပါသည်။ အနန်းကွင်း ဘုရားပွဲသည်၊ ဒေသခံ ကရင်လူမျိုးတို့၏ အဓိက ပွဲတော်တခုလည်း ဖြစ်ပါသည်။ ဤကဲ့သို့သော ဘုရားပွဲမျိုးတွင် ကေအန်ယူ လက်ချက် မဖြစ်နိုင်ဟု ဒေသခံတချို့က ဆိုပါသည်။