သောသီခို
ဘိတ်ထားဝယ် ဒေသတွင် ယခုလ ၁၆ ရက်နေ့ က ထိုင်းသစ်တောကို စစ်ဆေးရန်ပျံသန်းနေသော ရဟတ်ယဉ်တစင်း ရာသီဥတုဆိုးဝါးမှုကြောင့် ပျက်ကျသွားတယ်လို့ စုံစမ်းသိရှိရပါတယ်။ အဆိုပါရဟတ်ယဉ်ထဲတွင် ထိုင်းအရာရှိတစ်ဦးအပါအ၀င် ငါးဦးသေဆုံးတယ်ဆို့ သိရပါတယ်။
၎င်းသေဆုံးသူများကို ပြန်လည်သယ်ဆောင်ရန်အတွက် သွားသော ဒုတိယ ရဟတ်ယဉ်မှာ ယနေ့  နေ့ လယ်တွင် အပစ်ချခံရတယ်လို့ ဆိုပါတယ်။ ဗမာ့တပ်မတော်မှ ပစ်ချတယ်လို့  စုံစမ်းသိရှိရပါတယ်။ ရှေးယခင်ကလည်း မြန်မာနယ်စပ်ကိုကျွံဝင်လာသော ထိုင်းကင်းလည့် ရဟတ်ယဉ်ကို ဗမာ့တပ်မတော်မှ ပစ်ချခဲ့တဲ့သဓာက တွေရှိပါတယ်။ အရင်က ပစ်ချခံခဲ့ရတဲ့ထိုင်းရဟတ်ယဉ်ဟာ မြန်မာရှေးတန်းစခန်းတွေ ရှိတဲ့ ဒေသအနီးတွေမှာ ထိုးကျရာမှာ ဗမာ့တပ်မတော်ဖက်မှ ထိုလေယဉ်စအနများကို အကုန်လုံး ဖျောက်ပစ်လိုက်ပါတယ်။ ယနေ့ အချိန်အထိ ဘယ်သူမှ ထိုလေယဉ်ရဲ့ အစအနတွေကို ရှာဖွေမတွေ့ ရှိသေးပါဘူး..
ဗိုလ်ချူပ်မြ အသက်ရှင်စဉ်ကာလက ဗမာ့တပ်မတော်ရဲ့ ရှေးတန်းစခန်းတစ်ခုဖြစ်တဲ့ ဘုရင့်နောင်ကုန်းစခန်းကို KNLA မှ တစ်ခါတိုက်ခိုက်သိမ်းပိုက်ပါသေးတယ်။ ထိုစခန်း သိမ်းပွဲတိုက်ပွဲတွင်ပါဝင်သော တပ်မှုးငယ်တစ်ဦး(ယခုတတိယနိုင်ငံ)မှ ကျနော်တို့ ပြောဆိုရာမှာ " ကျနော်တို့ အဲဒီစခန်းကို တက်တိုက်ဒါ ဘာမှမဟုတ်ပါဘူးကွ.. ထိုင်းအစိုးရက သူတို့ အပစ်ချခံရတဲ့ လေယဉ်က အဲဒီကုန်းမှာရှိတယ်. ဗမာစစ်တပ်က လေယဉ်အစအနတွေကို ဖွဲ့ ထားတယ်ဆို လို့ အဖိုးကြီး(ဗိုလ်ချူပ်မြ)ကို အပူလာကပ်ဒါနဲ့  အဲဒီစခန်းကို ရအောင်ကျနော်တို့ တိုက်ပေးရတယ် လို့ ဆိုပါတယ်။ ဒါပေမယ့် အဲဒီဘုရင့်နောင်ကုန်းစခန်းဝန်းကျင်မှာ လေယဉ်အစအနတွေ ကျနော်တို့ ရှာမတွေ့ လို့  စခန်းကို မီးရှို့ ပြန်လာတယ်" လို့ ဆိုပါတယ်။
ယခုရဟတ်ယဉ်နှစ်စင်းပျက်ကျရာမှာ သတင်းထောက်နှစ်ဦးအပါအ၀င် သေဆုံးသူ အားလုံး ၉ဦး ရှိတယ်လို့ သိရပါတယ်။
ယခုပစ်ချခံရတဲ့လေယဉ်လည်း ဗမာ့တပ်မတော်မှ သူတို့ နဲ့ မဆိုင်သလို နေအုံးမယ့်ပုံပဲလို့  စစ်ရေးလေ့လာသူတစ်ဦး ကျနော်တို့ ကို ပြောပါတယ်။
RFA 2011-07-19
နေပြည်တော် ဆောက်လုပ်ရေး လုပ်ငန်းတွေမှာ သုံးလ အတွင်း လူနှစ်သောင်းကျော် အလုပ် လက်မဲ့ ဖြစ်သွားရတာဟာ မြန်မာနိုင်ငံမှာ ဘဏ္ဍာရေး ပြဿနာ ပေါ်ပေါက်နေပြီ ဆိုတာ ညွှန်ပြနေတာ ဖြစ်ကြောင်း ပြည်ထောင်စု မြန်မာနိုင်ငံ အမျိုးသား ကောင်စီ NCUB က ကြေညာချက် ထုတ်ပြန်လိုက်ပါတယ်။
(Photo: AFP)
စစ်အစိုးရ၏ မြို့တော်သစ် နေပြည်တော်ရှိ ဆောက်လုပ်ရေး လုပ်ငန်းခွင်တခုတွင် နေ့စား အလုပ်သမားများ အလုပ်လုပ်နေပုံ ဖြစ်ပါသည်။ (Photo: AFP)
ဘဏ္ဍာရေး ပြဿနာကြောင့် ငွေကြေး ဖေါင်းပွမှုနဲ့အတူ ဈေးကွက် ထိခိုက်မှုတွေ ပေါ်ပေါက်လြာ့ပီး လစာနည်း အစိုးရ၀န်ထမ်းတွေ၊ တပ်မတော်သားတွေ၊ ရဲဝန်ထမ်းတွေ အပါအ၀င် ပြည်သူအများ စားဝတ်နေရေး ဒုက္ခတွေ ပိုမို ဖိစီးလာနိုင်ကြောင်း၊ စစ်တပ်တွင်းမှာလည်း လစာမပေးနိုင်တဲ့ ပြဿနာတွေ ပေါ်ပေါက်နေတယ် ဆိုတာ ကြားသိနေရကြောင်း NCUB အထွေထွေ အတွင်းရေးမှူး ဦးမောင်မောင် က အာအက်အေ ကိုပြောပါတယ်။ အဲဒါကြောင့် တနိုင်ငံလုံး ငွေကြေး အကြပ်အတည်းနဲ့ ရင်ဆိုင်နေရတဲ့ အခြေအနေမှာ နိုင်ငံအတွက် သက်ဆိုင်သူတွေ အားလုံးပါဝင်ပြီး ညှိနှိုင်း ဆောင်ရွက်နိုင်မယ့် အပြောင်းအလဲတွေ လုပ်ဖို့လိုအပ်နေပြီဆိုတာ ကြေညာချက် ထုတ်ပြန်ရတာ ဖြစ်ကြောင်းလည်း ပြောပါတယ်။ "အနှစ်သာရ ကတော့ ဗမာပြည်မှာ နိုင်ငံရေးစနစ် ပြင်ဖို့ လိုတဲ့အကြောင်းပါ။ စီးပွါးရေး လုပ်ငန်းတွေ လုပ်တဲ့နေရာမှာလည်း တိုင်းပြည်က ပတ်သက်တဲ့လူတွေကို ဆွေးနွေးဖို့ လိုတယ်။ စီးပွါးရေးစနစ်ကို စီမံခန့်ခွဲနေတဲ့ နိုင်ငံရေးစနစ်ကို ပြောင်းဖို့ လိုတယ်လို့ ပြောတာပါ။" ပြီးခဲ့တဲ့ ၂၀၀၃ ခုနှစ်တုံးကလည်း ဘဏ္ဍာရေး ပြဿနာ ကြုံတွေ့ခဲ့ရဖူးကြောင်း၊ အခုတကြိမ် ငွေကြေး အကြပ်အတည်း ပေါ်ပေါက်ရတာဟာ ပြည်ပက စီးပွားရေး ပိတ်ဆို့မှုတွေကြောင့် မဟုတ်ဘဲ၊ တိုင်းပြည်ရဲ့ သယံဇာတ ရောင်းရငွေ တွေကို အနုမြူ သုတေသန နဲ့ ဒုံးကျည် ထုတ်လုပ်ရေး အစီအစဉ်တွေမှာ သုံးစွဲနေတာကြောင့် ဖြစ်ကြောင်း ကြေညာချက်မှာ ထောက်ပြထားပါတယ်
သန်းထိုက်ဦး Monday, 18 July 2011 18:46ဧရာဝတီမှ
ပြီးခဲ့သည့် ရက်ပိုင်းက ကချင်ပြည်နယ်တွင် ဖြစ်ပွားခဲ့သော တိုက်ပွဲများအတွင်း အစိုးရစစ်သည် ၂၈ ဦးခန့် ကျဆုံးသွားကြောင်း ကချင်လွတ်လပ်ရေး တပ်မတော် (KIA) က ရှေ့တန်း တပ်မှူးများက ပြောသည်။
မကြာသေးမီက KIA နောက်တန်း တနေရာတွင် တွေ့ရသော KIA အမျိုးသမီး စစ်သည်များ (ဓာတ်ပုံ - ဧရာဝတီ)
KIA က ခြုံခိုတိုက်ခိုက်သဖြင့် ထိုသို့ အကျအဆုံးများခြင်းဖြစ်ကြောင်း၊ KIA ဘက်မှ တဦး ကျဆုံးပြီး ၄ ဦး ဒဏ်ရာရရှိထားကြောင်း သိရသည်။
“သတင်းအချက်အလက် အသေးစိတ်ကို စုဆောင်းနေတုန်းပဲ” ဟု KIA ၏ နိုင်ငံရေး ဦးဆောင် အဖွဲ့ဖြစ်သော ကချင်လွတ်လပ်ရေး အဖွဲ့၏ တွဲဖက် အထွေထွေ အတွင်းရေးမှူး ဦးလနန်ကပြောသည်။
KIA ရှေ့တန်း တပ်မှူးများ၏ အဆိုအရ ပြီးခဲ့သည့် ၂ရက်အတွင်း ကချင်ပြည်နယ်ရှိ KIA ဌာနချုပ် လိုင်ဇာ ဒေသတွင် အစိုးရ၏ ခြေလျင်တပ်ရင်း အမှတ်၂၁ နှင့် တိုက်ပွဲများ ဖြစ်ပွားခြင်း ဖြစ်ကြောင်း၊ ဗိုလ်ကြီး တဦး အပါအ၀င် တပ်သား ၁၁ ဦးခန့်ကို လက်နက်များနှင့်တကွ ဖမ်းဆီး ရမိကြောင်း သိရသည်။
ပြီးခဲ့သည့်လက စတင်သည့် တိုက်ပွဲများအတွင်း နှစ်ဘက် သုံ့ပန်းရရှိသည့် သတင်းများ မကြာခဏ ထွက်ပေါ်လာသည်။
အစိုးရက ယခုလ ၄ ရက်နေ့ ရက်စွဲဖြင့် KIA သို့ ပေးပို့သည့် စာတစောင်တွင် ဖမ်းဆီးထားသူများကို ပြန်လွှတ်ပေးရန် တောင်းဆိုထားသည်။ မည်သည့်အချိန်က ဖမ်းဆီးခံရသူများဖြစ်ကြောင်း ဖော်ပြထားခြင်း မရှိပေ။
ကချင်ပြည်နယ် အတွင်း နှစ်ဘက် အပစ်ရပ်ရန် တွေ့ဆုံညှိနှိုင်းမှု၊ အပြန်အလှန် စာရေးသား ဆက်သွယ်မှုတချို့ ရှိသော်လည်း သဘောတူညီမှု တစုံတရာ မရသေးပေ။
အများ လေးစားသည့် ကချင်ဒေသခံ လူကြီးများနှင့် ဖွဲ့စည်းထားသည့် ကချင် အတိုင်ပင်ခံကောင်စီကလည်း ကြားဝင် စေ့စပ်ပေးလျက်ရှိရာ အာဏာပိုင်တို့က ထိုကောင်စီနှင့် မကြာသေးမီက တွေ့ဆုံခဲ့သည်။
ဆက်သွယ်ရေး ၀န်ကြီးဟောင်း မြစ်ကြီးနားမြို့ ပြည်သူ့ လွှတ်တော်ကိုယ်စားလှယ် ဦးသိန်းဇော်၊ အာဏာရ ကြံ့ခိုင်ရေးပါတီ အတွင်းရေးမှူး ဦးအောင်သောင်းတို့ ထိုသို့ သွားရောက် တွေ့ဆုံနေစဉ်မှာပင် တိုက်ပွဲများ ဆက်လက် ဖြစ်ပွားပြီး အစိုးရ စစ်သည်များ ဖမ်းဆီးခံရသည့် သတင်း ထွက်ပေါ်လာခြင်း ဖြစ်သည်။
ဇူလိုင်လ ၁၈ရက်။ စောသိန်းမြင့် (ကေအိုင်စီ
ကရင်ပြည်နယ်၊ ကြာအင်းဆိပ်ကြီးမြို့နယ်၊ ဘုရားသုံးဆူဒေသရှိ မဲ့ကသာရွာတွင် တိုက်ပွဲများကြာင့် ထွက်ပြေးတိမ်းရှောင်ခဲ့ကြ သည့် ရွာသူရွာသားများမှာ ယခုအချိန်၌ ရွာတွင် ပြန်လည် နေထိုင်နိုင်ကြပြီဖြစ်သော်လည်း စာသင်ကျောင်းကိုမူ ဖွင့်လှစ်နိုင် ခြင်း မရှိသေးကြောင်း ကေအိုင်စီက စုံစမ်းသိရှိရသည်။
၎င်းရွာရှိ ဘာသာရေးခေါင်းဆောင်တဦးက “ရွာသားတွေ ပြန်နေထိုင်တာ ၁၀ရက်ကျော်သွားပြီ။ အကုန်လုံးတော့ မဟုတ်သေး ပေမဲ့ ထက်ဝက်ကျော်လောက်ရှိပြီ။ ဒါပေမယ့် ပိတ်ထားတဲ့စာသင်ကျောင်းကိုတော့ အခုထက်ထိ ပြန်မဖွင့်နိုင်သေးတဲ့အတွက် ကလေးတွေလည်း မိဘတွေနဲ့အတူ နေ့စားသွားလုပ်တဲ့လူကလုပ်၊ ကျောင်းထွက်ပြီး တခြားရွာကို ပြောင်းသွားတာလည်း ရှိ တယ်။”ဟု ပြောသည်။
ပြီးခဲ့သည့် ဇွန်လ ၁၀ရက်နေ့တွင် မဲ့ကသာကျေးရွာ ဘုန်းကြီးကျောင်းရှိ အစိုးရစစ်တပ် စစ်ကွပ်ကဲရေးဌာနချုပ် (စကခ-၁၉) လက်အောက်ခံ ခမရ(၅၆၃)တပ်ရင်းအား ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ်အေ) တပ်ရင်း(၁၆) လက်အောက်ခံ တပ်ဖွဲ့ဝင်တချို့က ၀င်ရောက်ပစ်ခတ်ရာ ရွာသားများအားလုံးနီးပါး အခြားကျေးရွာများသို့ ထွက်ပြေးတိမ်း ရှောင်ခဲ့ရသည်။
အိမ်ခြေ ၉၀ခန့်ရှိ မဲ့ကသာကျေးရွာမှ အိမ်ထောင်စု အများစုမှာ ယခုအချိန်တွင် ရွာတွင်း ပြန်လည်နေထိုင်ကြပြီဖြစ်သော်လည်း အချို့မှာ ကျေးရွာတွင် ထိုဒေသရှိ မိုင်းတွင်းလုပ်ငန်းတွင် နေ့စားအလုပ်လုပ်ကာ နေထိုင်ရပ်တည်ကြသည်။
အမည်မဖော်လိုသူ မဲ့ကသာရွာမှ လူကြီးတဦးက “ကျနော်တို့လူကြီးတွေက ကော်သူးလေကိုလည်း မထိန်းချုပ်နိုင်ဘူး။ အစိုးရ တပ်ကိုလည်း ထိန်းချုပ်နိုင်တာ မဟုတ်ဘူး။ ဒါကြောင့် ဒီစာသင်ကျောင်း ဘယ်အချိန် ပြန်ဖွင့်နိုင်မလဲဆိုတာတော့ တပ်အပ် မပြောနိုင်ဘူး။ နစ်နာတာက ကလေးတွေပဲ။” ပြောသည်။
Photo-KIC (ကရင်ပြည်နယ်မှ မူလတန်းကလေးငယ် ကျောင်းသူကျောင်းသားများ)
ခမရ(၅၆၃)တပ်ရင်းသည် မဲ့ကသာကျေးရွာ ဘုန်းကြီးကျောင်းကို အကာအကွယ်လုပ်ကာ ခြေကုပ်နေရာယူထားသဖြင့် ပြီးခဲ့ သည့် ဇွန်လ ၆ရက်နေ့နှင့် ၁၀ရက်နေ့က ကေအဲန်အယ်လ်အေတပ်ဖွဲ့ဝင်များ ၀င်ရောက်ပစ်ခတ်မှုကို ခံရပြီး ဘုန်းကြီးကျောင်း ခေါင်မိုးကိုထိမှန်ကာ အနည်းငယ် ပျက်စီးသွားခဲ့သည်။ ကိုယ်ထူကိုယ်ထ စာသင်ကျောင်းဖြစ်သည့် မဲ့ကသာ မူလတန်းကျောင်းတွင် ကျောင်းဆရာ ၃ဦးနှင့် ကျောင်းသူကျောင်းသား ၄၀ဦးကျော် ပညာသင်ကြားနေသလို ယခင်ကလည်း အလားတူ ပစ်ခတ်မှုများကြောင့် မကြာခဏ ကျောင်းပိတ်ပစ်ခဲ့ရသည်ဟု ရွာသားများက ပြောသည်။
ဆောရီး ကျင်.သာ.မူးသီချင်းကိုရေးစပ်သီကုံးတဲ့ Kဖိုးခွါးကို
USAမှာကရင်သီးသန့်အများဆုံးနေထိုင်တဲ့မီနီဆိုးတားပြည်နယ်မှာ
လာရောက်စေချင်လိုက်တာနော်ကရင်တွေဘယ်လိုဆန်းသစ်နေကြတာလဲ
ဆိုတာသူရေးတဲ့သီချင်းစာသားထက်ပိုဆိုးနေမလားဘဲ ကဲကဲ အဲခါန်.သင့် ဆီကနေကုးလာတဲ့သီချင်းလေးကိုရှုစားလိုက်ပါဦး။
ဆယ်စုနှစ်တွေ ချီကာလှမ်းလည်း
ငါ့ရဲ့ပန်းတိုင် မှုံကာဝေးဆဲ
နွမ်းလျလျသမိုင်းထဲက
မန်းဘဇန် ကြီး ဘဝင်မကျတာ
ဟံသာတာမွှေးလည်းသိသလို
ဗိုလ်ချုပ်စိုင်းကေလည်းသိပါရဲ့
ငါ့သတ္တိသွေးဘယ်လောက်ရဲလဲဆိုတာ
နောင်လာနောင်သားသိသူရှားလည်း
ခုနှစ်မိုင်အစိုးရ လှန့်ဖြန့်ခဲ့တာ
အင်းစိန်မြို့ ကြီးသိပါရဲ့
ရှည်လျားတဲ့ ရာသီဒိုင်ခွက်ထဲက
မမှိတ်မသုန်ကြွေလွင့်ပျက်ဆီးခဲ့တဲ့
မိနှစ်တံနဲ့စက္ကန့်တံတွေအတွက်
သမိုင်းမတင်မှတ်တမ်းမဝင်ပေမဲ့
လွတ်လပ်မှုနဲ့မျှော်လင့်ချက်ရဲ့
ဂန္ဓဝင်ရက်များစွာကို အသက်ဆက်
တော်လှန်သောသွေးသစ်များစွာကို
လက်ဆင့်ကမ်းဆောင်ကြဉ်းမွေးဖွါးခဲ့
နာရီအိုကြီးတစ်လုံးလို
ဟောင်းနွမ်းနွမ်းသံချေးတက်လက်တံတွေနဲ့
တကြုတ်ကြုတ်မြည်သံပါအောင်လည်ပတ်ရင်း
သွေးသစ်သံပတ်တွေနဲ့ စွမ်းသစ်နေဆဲဘဲဆိုတာ
ငါ့ရဲ့မရပ်မနားလည်ပတ်နိုင်ခြင်းက
မုချပန်းတိုင်တစ်နေ့မလွဲမသွေရောက်နိုင်ခြင်းရဲ့
အကောင်းဆုံးသက်သေတွေပေါ့။
စအိုင်ခန့် (နှင်းခဲမြေ)
လာမည့်ဇူလိုင်လ( ၁၆)ရက်နေ့တွင်ကျရောက်သောကရင်အမျိုးသားကာကွယ်ရေးတပ်မတော်နေ့
ထူးမြတ်နှင့်အတူ KNDO စစ်ဦးစီးချုပ် ဗိုလ်ချုပ်ဘောယူဖေါ နှင့် ဗိုလ်ချုပ်ကျော်သောင်း
KNDOတပ်ရင်း(၆)မှဒုဗိုလ်မှူးကြီး ဖူးထောဂေ (ကွယ်လွန်)တုို့အားနှင့် ကျဆုံးလေပြီးသောKNDOအရာရှိအရာခံအကြပ်တပ်သားအာဇာနည်အပေါင်းတို့အား
ဤကဗျာလေးဖြင့်ဂုဏ်ပြုအပ်ပါသည်။
သတင်းနှင့်မီဒီယာ ကွန်ယက်။
ရှမ်းပြည်တပ်မတော် မြောက်ပိုင်း (SSA-N) ခေါ် ရှမ်းပြည်တိုးတက်ရေးပါတီ (SSPP) တပ်ဖွဲ့က အစိုးရတပ်စခန်းတခုအား ယခုလ (၁၂) ရက်နေ့က တိုက်ခိုက်သိမ်းပိုက်လိုက်သည့်နောက် ဒေသတွင်း တိုက်ပွဲများ ပိုမိုပြင်းထန်လာသည်ဟု သတင်းရရှိသည်။
အသိမ်းပိုက်ခံထားရသည့် နမ့်ပုတ်စခန်းသို့ လမ်းကြောင်း သုံးခုခွဲ၍ စစ်ကူဝင်ရောက်လာသည့် အစိုးရတပ်ဖွဲ့များအား မြောက်ပိုင်း SSA-N တပ်ဖွဲ့ဝင်များက ပြောက်ကျားစံနစ်ဖြင့် တိုက်ခိုက်လျက်ရှိသည်ဟု ထိုင်းနိုင်ငံအခြေစိုက် ရှမ်းသံတော်ဆင့် သတင်းဌာန အယ်ဒီတာ ဦးစိန်ကြည်က ယခုလိုပြောသည်။
“(၁၃) ရက် ညနေပိုင်းက တုံလော ဖက်ကသွားတဲ့ ခမရ (၅၁၀)ကို မိန်းတုန်နဲ့ မိန်းလာ အကြားမှာရှိတဲ့ ကျဉ်းမြောင်းတဲ့တောင်ကြားပေ့ါ။ သူတို့အခေါ် နိုင်းချောင်းပေ့ါ။ အဲဒီမှာ ရှမ်းတပ်က နေရာယူပြီး ပြောက်ကျား ချတာ အတုံးအရုန်း ကစဥ့်ကလျား ဖြစ်ကုန်တယ်တဲ့။ ခုထိ ရှေ့မတိုးနိုင် သေးဘူးလို့ ပြောတယ်။ အနည်းဆုံး (၇)ယောက် (၈) ယောက်လောက် ကျေးသီးဆေးရုံကိုထမ်းပို့ရတယ်ပြောတယ်။”
အလားတူ ယနေ့နံနက် (၇) နာရီ အချိန်ခန့်က ကျေးသီးမြို့နယ်၊ ၀မ့်ဖွီးတိုက်နယ်အတွင်းရှိ ၀မ့်နောင်ကားကျေးရွာဘက်မှ တက်လာသည့် ခြေလျင်တပ်ရင်း ခလရ(၉) တပ်ဖွဲ့ကိုလည်း ပြောက်ကျားစံနစ်ဖြင့် စောင့်ကြိုတိုက်ခိုက်လိုက်သည်ဟု သိရသည်။
ထို့အပြင် နမ့်ပုတ်စခန်း နှင့် လွယ်ကုံစခန်းအကြားရှိ အစိုးရတပ်စခန်းတခုအား မြောက်ပိုင်း SSA-N တပ်ဖွဲ့ဝင်များက ၀ိုင်းရံပိတ်ဆို့ထားသည်ဟု ဦးစိန်ကြည်က ဆက်လက်ပြောဆိုသည်။
“အဲဒီ စခန်းထဲမှာ ဗမာ စစ်သားက (၁၀)ယောက်လောက် ပိတ်မိနေတယ်တဲ့။ အဲတာ ရှမ်းတပ်က အခုထက်ထိ ၀ိုင်းထားတုန်း။ သူတို့ကို အရှင်ဖမ်းမယ်။ လက်နက်ချဖို့ပြောနေတယ်။ နောက်ပြီးတော့ ၀မ်မုံနားမှာ မိန်းလာတိုက်နယ် နမ့်လာရွာ အကျော်ပေ့ါ။ အဲဒီမှာလည်း ခလရ (၂၂) ကို ဒီနေ့မွန်းလွဲပိုင်းမှာ ရှမ်းတပ်က စောင့်ပစ်တယ်။”
ယမန်နေ့က နမ့်ပုတ်စခန်းမှ ဆုတ်ခွာသွားပြီး လွယ်ဆိုင်းတောင်ကျောပေါ်တွင် နေရာယူထားသည့် အစိုးရတပ်ဖွဲ့များအား မြောက်ပိုင်း SSA-N တပ်ဖွဲ့များက ၀ိုင်းရံထားသည့်အတွက် အစိုးရဖက်မှ တိုက်လေယာဉ် နှစ်စင်းဖြင့် လာရောက်ကြည့်ရှူ့ခဲ့သေးသည်။
by နန်းမြနဒီ
ရှမ်းပြည်နယ်မြောက်ပိုင်းမှာ ရှမ်းပြည်တပ်မတော်နဲ့ အစိုးရတပ်တွေအကြားတိုက်ပွဲမှာ အစိုးရတပ်ဘက်က အမ်အိုင်ဂျီ ၂၆ လို့ ယူဆရတဲ့ တိုက်လေယာဉ်နဲ့ ဗုံး ၁၀ လုံးခန့် ကြဲချသွားတယ်လို့ ရှမ်းပြည်တပ်မတော် ပြောခွင့်ရသူ စိုင်းလောဝ်ဆိုင်က ပြောပါတယ်။
အက်စ်အက်စ် အေတပ်ဖွဲ့တွေနဲ့ အစိုးရတပ် ခလရ ၂၈၆၊ ၂၈၇ တို့နဲ့ ဝမ်ဟိုင်းဌာနချုပ်ဝန်းကျင် ဝမ်ဆိုင်းတောင်၊ ဝမ်ကိုင်ဖရွာအနီးမှာ ဒီမနက်ကနေ အခုထိ ဆက်လက်ဖြစ်ပွားနေတုန်းပဲလို့ သူက ပြောပါတယ်။
စိုင်း လောဝ်ဆိုင်က “မနေ့က သူတို့ထိုင်ထားတဲ့ ရှေ့တန်းစခန်းကို ကျနော်တို့က သိမ်းဆည်းရမိပါတယ်။ သူတို့က အခုပြောတဲ့ (ဝမ်ဆိုင်း) တောင်ကြောဘက်ကို ဆုတ်ခွာပါတယ်။ ကျနော်တို့တပ်တွေက လိုက်ရင်းနဲ့ ပိတ်ထားတဲ့သဘောဖြစ်ပါတယ်။ သူတို့ကိုကူညီဖို့အတွက် ဒီနေ့မွန်းလွဲပိုင်း တနာရီကျော်လောက်မှာ ဝေဟင်ကနေ အမ်အိုင်ဂျီ ၂၆ အမျိုးအစား တိုက်လေယာဉ်လို့ယူဆရတဲ့ လေယာဉ်နှစ်စင်းနဲ့ ကျနော်တို့ အက်စ်အက်စ်အေတပ်တွေကို ဗုံး ၁၀ လုံးကြဲသွားတယ်” လို့ ပြောပါတယ်။
ထိခိုက်ကျဆုံးစာရင်း အစီရင်ခံစာ မရောက်သေးဘူးလို ဆိုပါတယ်။
အပစ်ရပ် ရှမ်းပြည်တပ်မတော် (မြောက်ပိုင်း) က အစိုးရရဲ့ တပ်အသွင်ပြောင်းရေး စီမံချက်ကို မလိုက်နာတဲ့တပ်ဖွဲ့ဝင်တွေဟာ ဝမ်ဟိုင်းဌာနချုပ်မှာ အခြေပြုပြီး ရှမ်းပြည်တပ်မတော် (တောင်ပိုင်း) နဲ့ ပူးပေါင်းခဲ့ပြီး ဖြစ်ပါတယ်။
အစိုးရတပ်တွေက ဝမ်ဟိုင်းဌာနချုပ်အခြေပြု ရှမ်းပြည်တပ်မတော်နဲ့ ဒီနှစ်ဆန်းကတည်းက ဆက်တိုက်တိုက်ပွဲဖြစ်နေတာပါ။
ကေအိုင် အေနဲ့ ဖြစ်တဲ့ တိုက်ပွဲတွေမှာ အစိုးရက အပစ်ရပ်ရေး ကိုယ်စားလှယ် စေလွှတ်ပေမယ့် ရှမ်းတပ်မတော်နဲ့ဖြစ်တဲ့ တိုက်ပွဲတွေရပ်ဖို့ ကိုယ်စားလှယ် စေလွှတ်တာ မရှိပါဘူး။
ဧရာဝတီ
မြန်မာအစိုးရ စစ်တပ်သည် တိုင်းရင်းသား လက်နက်ကိုင်များနှင့် တိုက်ပွဲဖြစ်ပွားရာ ဒေသများတွင် အကျဉ်းသားများကို ပေါ်တာအဖြစ် ခိုင်းစေမှုများ ဆက်လက် ရှိနေဆဲဖြစ်သည်။
၂၀၁၁ ခုနှစ်တွင် ကရင်ပြည်နယ် မြောက်ပိုင်းတနေရာ၌ အပြာရောင်ဝတ်စုံဝတ် အကျဉ်းသား ပေါ်တာများကို အစိုးရ စစ်တပ်နှင့်အတူ တွေ့ရစဉ် (ဓာတ်ပုံ - Free Burma Rangers)
“စစ်သားတွေက ပြောတယ်၊ မင်းတို့ မနက်ဖြန်အထိ အသက်ရှင်နေသေးရင် ကံကောင်းလို့ပဲ တဲ့” ဟု မြန်မာစစ်တပ်နှင့်အတူ ရှေ့တန်းစစ်မျက်နှာသို့ ပေါ်တာအဖြစ် လိုက်ပါခဲ့ရသူ အကျဉ်းသား ကိုထွန်းထွန်းအောင်က ပြောသည်။
မန္တလေးဇာတိဖြစ်သူ ကိုထွန်းထွန်းအောင်သည် တခြားသော အကျဉ်းသား ၂၉ ယောက်နှင့်အတူ မိတ္ထီလာထောင်မှ ၂၀၁၀ ဒီဇင်ဘာတွင် ပေါ်တာအဖြစ် စစ်တပ်၏ ခေါ်ဆောင်မှုကို ခံခဲ့ရသူဖြစ်သည်။
ကရင်ပြည်နယ်သို့ ပေါ်တာအဖြစ် သူတို့အဖွဲ့ ရောက်သွားစဉ်တွင် ထိုဒေသတွင် အကျဉ်းသား ၁ ထောင်ခန့် ပေါ်တာဆွဲထားသည်ကို မြင်ခဲ့ရကြောင်း၊ စစ်တပ်အတွက် ဗုံးများ သယ်ဆောင်ရန် သူတို့အုပ်စုကို နှစ်ဖွဲ့ ခွဲလိုက်ကြောင်း ကိုထွန်းထွန်းအောင်က ပြောသည်။
၁၉၄၈ ခုနှစ်ကတည်းက မြန်မာအစိုးရနှင့် ကရင်လက်နက်ကိုင်များအကြား တိုက်ပွဲဖြစ်နေသည့် အန္တရာယ်များလှသော ယင်းဒေသ၌ တတောင်တက် တတောဝင် ထမ်းပိုး၍ သွားရသည့်ခရီးတွင် “ကျနော်တို့ကို အစားအစာ၊ သောက်ရေ လုံလုံလောက်လောက် မပေးပါဘူး” ဟု ကိုထွန်းထွန်းအောင်က ပြောသည်။
ကိုထွန်းထွန်းအောင်၏ အတွေ့အကြုံသည် လူ့အခွင့်အရေး စောင့်ကြည့်ရေးအဖွဲ့ (HRW) နှင့် ကရင် လူ့အခွင့်အရေးအဖွဲ့ (KHRG) တို့ မှတ်တမ်းတင်ထားသော အဖြစ်အပျက် ၅၈ ခုအနက်မှ တခုဖြစ်သည်။ ယင်းအဖွဲ့နှစ်ခုတို့ ပူးပေါင်း၍ “လမ်းလျှောက်နေရသည့် သေလူ - မြန်မာပြည်အရှေ့ပိုင်း စစ်မျက်နှာစာမှ အကျဉ်းသား ပေါ်တာများ” အမည်ရှိ အစီရင်ခံစာကို ယနေ့ ထုတ်ပြန်ပြီး ဘန်ကောက်မြို့တွင် ထိုင်းနိုင်ငံ နိုင်ငံခြား သတင်းထောက်များ အသင်း (FCCT) ၌ သတင်းစာရှင်းလင်းပွဲ ပြုလုပ်သည်။
ယင်းအစီရင်ခံစာကို ပေါ်တာဆွဲခံရရာပြီး ရှေ့တန်းစစ်မျက်နှာမှ လွတ်မြောက်လာသော အကျဉ်းသားများ၏ ထွက်ဆိုချက်များဖြစ်သည့် နှိပ်စက်ညှဉ်းပမ်း ခံရမှုများ၊ သတ်ဖြတ်ခံရမှုများကို အခြေခံ၍ ပြုစုထားသည်။
ယမန်နှစ် နိုဝင်ဘာ ရွေးကောက်ပွဲ ကာလမှစတင်၍ အစိုးရတပ်နှင့် ကရင်၊ ရှမ်း၊ ကချင် တိုင်းရင်းသား လက်နက်ကိုင် တပ်ဖွဲ့များအကြား တိုက်ပွဲများ ပြန်လည် အရှိန်မြင့်လာခဲ့သည်။ တိုက်ပွဲများ အဆက်မပြတ် ဖြစ်မှုနှင့်အတူ အကျဉ်းသားများကို ပေါ်တာ အဖြစ် အသုံးပြုမှုများလည်း တိုးမြင့်လာသည်။
အကျဉ်းသား ပေါ်တာများ၏ ထွက်ဆိုချက်အရ ၎င်းတို့သည် တိုက်ပွဲဖြစ်ရာဒေသ မိုင်းဗုံးများထူထပ်သည့် နေရာများတွင် စစ်သားများ၏ ရှေ့မှ ကြို၍ သွားရကြောင်း၊ အကာအကွယ် အတားအဆီးမပါဘဲ အတင်းသွားခိုင်းခြင်းဖြစ်ကြောင်း သိရသည်။
အကျဉ်းသားပေါ်တာတဦးဖြစ်သူ ကိုမောင်မြင့်က “စခန်းကို ကျနော်တို့ ရိက္ခာတွေ သယ်ပို့ပေးရတယ်။ ပေါ်တာ တယောက်က မိုင်းနင်းမိပြီး ခြေထောက် ပြတ်သွားတယ်။ စစ်သားတွေက သူ့ကို ဒီအတိုင်း ထားခဲ့တယ်။ သူက ကြောက်ရွံ့ထိတ်လန့် နေပေမယ့် ဘယ်သူမှ မကူနိုင်ဘူးလေ။ စခန်းကနေ ပြန်ဆင်းလာတော့ အဲဒီ မိုင်းနင်းမိတဲ့လူ သေနေပြီ” ဟု အစီရင်ခံစာတွင် ပြန်ပြောပြထားသည်။
KHRG မှ သုတေသီ ကိုဖိုးရှမ်းက အကျဉ်းသားပေါ်တာများ ဤသို့ ပြုမှုခံရသည်မှာ ယခုမှ မဟုတ်ကြောင်း၊ ၁၉၉၂ ခုနှစ်ကတည်းက အစိုးရတပ်များက တိုင်းရင်းသားလက်နက်ကိုင်တပ်များနှင့် တိုက်ခိုက်သည့် ရှေ့တန်းစစ်မျက်နှာများတွင် အကျဉ်းသားပေါ်တာများကို အသုံးပြုခဲ့ကြောင်း ပြောသည်။
အကျဉ်းသား ပေါ်တာများနှင့်အတူ ဒေသခံရွာသားများလည်း ပစ္စည်းများ ထမ်းပိုးရန် အဓမ္မခိုင်းစေခံရကြောင်း အစီရင်ခံစာတွင် ဖော်ပြထားသည်။
မန္တလေးထောင်တွင် သေဒဏ်ကျခံထားရပြီး ၁၉၉၂ တွင် အကျဉ်းသား ပေါ်တာဖြစ်ခဲ့သည့် ကိုမြင့်အောင်က “ကျနော်တို့နဲ့အတူ ပေါ်တာတွေ ဘယ်နှယောက်ရှိလဲ မသိဘူး၊ ဒါပေမယ့် ရွာသား ၄၀၀ လောက်ကိုတော့ အကျဉ်းသားပေါ်တာတွေကို အခိုင်းခံနေရတာ တွေ့ခဲ့ရတယ်” ဟု ပြောသည်။
ပေါ်တာ အယောက် ၃၀ ကျော် ၄၀ ခန့်ကို စစ်သားများက သတိလစ်သည်အထိ ရိုက်နှက်ပြီး ထိုအတိုင်း ပစ်ထားခဲ့သည်ကို မြင်ဖူးကြောင်း၊ ယင်းတို့အားလုံး သေဆုံးနိုင်ကြောင်းလည်း ကိုမြင့်အောင်က ပြောသည်။
HRW မှ တာဝန်ရှိသူ Elaine Pearson က “မြန်မာနိုင်ငံဟာ ကမ္ဘာ့အရှည်ဆုံး လက်နက်ကိုင် ပဋိပက္ခ ဖြစ်နေတဲ့ နေရာပါ။ အကျဉ်းသားတွေကို ပေါ်တာအဖြစ် သုံးတာ၊ လူတွေကို မိုင်းရှင်းကိရိယာအဖြစ်သုံးတာတွေ ရှိနေပါတယ်။ ဒါတွေဟာ မြန်မာနိုင်ငံမှာ စစ်ရာဇ၀တ်မှုများနဲ့ လူသားမျိုးနွယ်အပေါ် ကျူးလွန်တဲ့ ရာဇ၀တ်မှုများဆိုင်ရာ စုံစမ်းစစ်ဆေးရေး ကော်မရှင် (CoI) ဖွဲ့ဖို့အတွက် လုံလောက်တဲ့ အထောက်အထားတွေပါပဲ” ဟု ပြောသည်။
လှိုင်းလုံးဝင်ရောက်နိုင်သည့် လမ်းကြောင်းပြ မြေပုံ (ဓာတ်ပုံ - MCCW)
လှိုင်းလုံးဝင်ရောက်နိုင်သည့် လမ်းကြောင်းပြ မြေပုံ (ဓာတ်ပုံ - MCCW)
DVB 
