မြဝတီ ကော့ကရိတ်ကားလမ်းဘေးက ရွာတရွာကို နအဖ က လက်နက်ကြီးတွေနဲ့ တိုက်ခိုက်

http://www.naytthit.net/

ဒီကေဘီအေတပ်ဖွဲ့တွေက မြဝတီမြို့နယ်နဲ့ ကော့ကရိတ်မြို့နယ်ကြားက ကားလမ်းတလျှောက်ရှိတဲ့ နအဖ တပ်စခန်း တွေကို မကြာခဏ စစ်ဆင်တိုက်ခိုက်ခဲ့ပြီး၊ ဒီကားလမ်းပေါ်မှာ အရပ်သားပြည်သူတွေ ထိခိုက်မှုမရှိစေဖို့အတွက် ပြည်သူလူထုအနေနဲ့ ကားလမ်းအသုံးပြုတာကိုလည်း ဒီကေဘီအေ ဘက်က ပိတ်ပင်တားမြစ်ခဲ့ထားပါတယ်။ နအဖတပ် ဖွဲ့တွေဘက်ကလည်း ဒီကားလမ်းပေါ်မှာ စစ်ဆင်တိုက်ခိုက်နေတဲ့ ဒီကေဘီအေ တပ်ဖွဲ့တွေကို ရှင်းလင်းမယ်ဆိုတဲ့ သ တင်းတွေ ထွက်ပေါ်ခဲ့ပြီး ဒီအေဘီအေ ခိုအောင်းနိုင်မယ့် တောတောင်တွေ ရွာတွေကို လက်နက်ကြီးတွေနဲ့ ပစ်ခတ်ရှင်း လင်းလျက်ရှိပါတယ်။

မနေ့က ညနေ ၄ နာရီမှာ စကခ ၁၂ လက်အောက်ခံ ၅၄၅ တပ်ရင်းက ကော့ကရိတ်မြို့နယ်အနီး တောင်းသုံးလုံးနားက ကောင်းမှုရွာထဲကို လက်နက်ကြီး အလုံး ၄၀ ကျော် ပစ်ထဲ့ခဲ့တယ်လို့ ကြားသိရပါတယ်။

နအဖ တပ်တွေက ကောင်းမှုရွာထဲကို လက်နက်ကြီးတွေနဲ့ ပစ်ခတ်ခဲ့တာနဲ့ ပတ်သက်ပြီး ဒီကေဘီအေ ကလိုထူးဘော စစ်ဗျူဟာမှ ဗိုလ်မှူးကျော်သက် ပြောပြတာက …

“မနေ့ညနေက သူတို့ ကောင်းမှုရွာထဲကို လက်နက်ကြီးတွေနဲ့ ဆက်တိုက်ပစ်ထဲ့တယ်။ ဒီရွာတွေမှာ ကျနော်တို့ တပ်ဖွဲ့တွေ ရှိတယ်ထင်ပြီးပစ်တာ၊ နောက်ဆို ဒီကားလမ်းလုံခြုံရေးအတွက်ဆိုပြီး ကားလမ်းနားက ရွာတွေကိုတောင် အတင်းပြောင်း ရွှေ့ခိုင်းနိုင်တယ်။ သူတို့ဘက်က အားကြီးတယ်ဆိုပြီး လုပ်ချင်သလုပ် ဖြေရှင်းချင်သလို ဖြေရှင်းလို့ကတော့ နအဖ ဟာ သူတို့ရွေးချယ်တဲ့ လမ်းကိုပဲ သူတို့ လျှောက်ရလိမ့်မယ်” လို့ ပြောပြသွားပါတယ်။

ဒီကေဘီအေတပ်ဖွဲ့တွေနဲ့ နအဖ တပ်တွေဟာ ၂၀၁၀ ရွေးကောက်ပွဲကျင်းပတဲ့ နေ့မှာပဲ နှစ်ဘက်တင်းမာမှုတွေ ဖြစ်ခဲ့ပြီး အပစ်ခတ်ရပ်စဲရေးတွေ ပျက်ပြားခဲ့ရတယ်။ အပစ်ရပ်အဖွဲ့တွေကို နယ်ခြားစောင့်တပ်ဖွဲ့ လုပ်ခိုင်းတာ လက်မခံဘူး။ ၂၀၁၀ ရွေးကောက်ပွဲကို လက်မခံဘူး စတဲ့အချက်တွေနဲ့ ဒီကေဘီကဘက်က ပြန်လည်တော်လှန်တိုက်ပွဲဝင်ခဲ့တာလို့ သိရှိရပါ တယ်။

ဝေါ်လေအနီး နအဖ ကားလမ်းလုံခြုံရေးတပ်တွေ တိုက်ခိုက်ခံရ

နေ့သစ်


ဖေဖော်ရီလ ၂၃ ရက်နေ့ကစလို့ မြဝတီနဲ့ ပတ်ဝန်းကျင်ဒေသတွေဖြစ်တဲ့ ကော့ကရိတ် ကုက္ကိုနေရာတွေမှာ ဒီကေဘီအေ ဘက်က ဝင်ရောက် စစ်ဆင်တိုက်ခိုက်မယ်ဆိုတဲ့ သတင်းတွေအရ စစ်တပ်လုံးခြုံရေးတွေ ထူထပ်စွာချထားခဲ့ရတယ်။ အဲဒီရက်ထဲမှာပဲ နအဖ ဘက်က ထောက်ပို့ကားတန်းတွေ မြဝတီကို ရောက်ရှိလာကာ ဖလူးနဲ့ ဝေါ်လေဘက်ကို ဆက် သွားမယ်လို့လည်း သတင်းတွေ ရရှိခဲ့ပြီး။ ဒီကနေ့မှာ ဝေါ်လေဘက်ကိုတက်မယ့် နအဖ စစ်ကားတန်းကို လုံခြုံရေးယူ ထားတဲ့ တပ်တွေကို ဒီကေဘီ နဲ့ ကေအန်ယူ ပူးပေါင်းတပ်ဖွဲ့တွေက ကနဲ့လေးနဲ့ ဘလဲ့ဒို့ ဘက်မှာ တိုက်ခိုက်ခဲ့တယ်လို့ ကြားသိရပါတယ်။

နအဖ တပ်မ ၂၂ လက်အောက်ခံတပ်တွေကို ဒီကနေ့ နေ့လည်ပိုင်းက ဝေါ်လေအနီးက ကနဲလေးနေရာမှာ ဒီကေဘီအေ နဲ့ ကေအန်ယူပူးပေါင်းတပ်ဖွဲ့တွေက တိုက်ခိုက်လိုက်တာ ဖြစ်ပါတယ်။ ဒီထိတွေမှုမှာ နအဖ ဘက်က ၄ ယောက် သေပြီး ၁၀ ယောက် ဒဏ်ရာရတယ် လို့ သိရပြီး၊ ဘလဲ့ဒို့ ဘက်မှာတော့ နအဖ ဘက်က ၂ ယောက်သေ၊ ၄ ယောက်ဒဏ်ရာရ တယ်လို့ သိရှိရပါတယ်။

ဒီကေဘီအေ တပ်မဟာ ၅ စစ်ဆင်းရေးမှူး ဗိုလ်မှူးဆန်းအောင် ပြောပြတာက …

“ဟုတ်ကဲ့ ဒီနေ့နေ့လည် ကနဲ့လေမှာ ဖြစ်တယ်။ သူတို့ဘက်က ရိက္ခာနဲ့ စစ်သားတွေသယ်လာတဲ့ ကားတန်းတွေအတွက် လုံခြုံးရေးလမ်းကင်းကို တိုက်လိုက်တာဖြစ်တယ်။ သူတို့ဘက်က ၄ ယောက်သေပြီး ၁၀ ယောက် ဒဏ်ရာရတယ်။ အခု ဒီရက် ပိုင်းထဲမှ တက်လာတဲ့ နအဖ ကားတန်းတွေက ရိက္ခာတွေအပြင် ချူကလီးနေရာမှာ မြို့တည်ဖို့လိုအပ်တဲ့ ပစ္စည်း တွေပါ ပါ နိုင်တယ်။ ဒီနေ့လည်က တိုက်ပွဲဖြစ်တဲ့နေရာမှာ မိုးတွေလည်း တအားရွာနေတယ်၊ ဒီနေ့ တနေ့ထဲပဲ ဝေါ်လေ အနီးက ဘလဲဒို့ မှာလည်း ဒီကေဘီအေဘက်က ပြောက်ကျားစစ်ဆင်ခဲ့တဲ့အတွက် နအဖ ဘက်က ၂ ယောက်သေပြီး လေးယောက် ဒဏ်ရာရတယ်” လို့ ပြောပြသွားပါတယ်။

နအဖ အနဲ့နဲ့ ဝေါ်လေအနီးက ချူကလီးနေရာမှာ မြဝတီမြို့နယ်ခွဲတခု တည်ဖို့အတွက်ပြင်နေတယ်ဆိုတာ ကြားသိရပြီး လုံခြုံရေအတွက် ရဲတပ်ဖွဲ့အင်အား ၁၀၀ နဲ့ မြို့နယ်အုပ်ချုပ်ရေးဝန်ထမ်း၊ အထွေးထွေရုံဝန်ထမ်းတွေ ဆောက်လုပ်ရေး ဝန်ထမ်းတွေကို တာဝန်သတ်မှတ်ပြီးဖြစ်တယ်လို့လဲ သိရှိရပြီး အရပ်သားဝန်ထမ်းတွေ အနေနဲ့ အခု မြို့တည်မယ့် နေရာ အခြေအနေကို ကြိုတင်စုံစမ်းတာတွေလုပ်နေပြီး သွားရောက်တာဝန်ထမ်းဆောင်ရမှာ အထူးစိုးရိမ်နေတယ်လို့လဲ ကြား သိရပါတယ်

ပြည်တွင်းစစ် ရပ်ဆိုင်းရန် KNU တောင်းဆို

နယူးဒေလီ (မဇ္ဈိမ)။ ။ ပြည်တွင်းစစ်ပွဲများ ရပ်ဆိုင်းပြီး အမျိုးသားပြန်လည်သင့်မြတ်ရေးအတွက် အားလုံးပါဝင်သည့် တွေ့ဆုံဆွေးနွေးပွဲ ဖြစ်ပေါ်လာစေရန် စစ်အစိုးရကို နိုင်ငံတကာက ဖိအားပေးရန် ကရင်အမျိုးသားအစည်းအရုံး KNU က တောင်းဆိုလိုက်သည်။

တိုင်းရင်းသားဒေသများတွင် စစ်အစိုးရတပ်များ၏ ထိုးစစ်ဆင်တိုက်ခိုက်မှုများကြောင့် ဒေသခံလူထု ထိခိုက်နေရပြီး၊ တွေ့ဆုံဆွေးနွေးရေးဖြင့်သာ နိုင်ငံရေးပြဿနာများကို ဖြေရှင်းနိုင်လိမ့်မည်ဟု ယုံကြည်သောကြောင့် ယခုတပတ် ကြာသပတေးနေ့တွင် ကြေညာချက်ထုတ်ကာ တောင်းဆိုလိုက်ခြင်း ဖြစ်သည်။

“စစ်တပ်က လူထုတွေကိုသုံးပြီး အမျိုးမျိုး အနိုင်ကျင့်တယ်။ ဒါကိုဆက်လုပ်မယ်ဆိုရင် တိုင်းရင်းသားတွေက ဒီ့ထက် ပိုပြီး ခံစားနေရမှာ။ အဲဒါကြောင့် နိုင်ငံတကာက နအဖကို အားလုံးပါဝင်တဲ့ တွေ့ဆုံဆွေးနွေးရေး ဖြစ်လာဖို့၊ ဖိအားပေးဖို့ ကျမတို့က တောင်းဆိုတာ” ဟု KNU အထွေထွေအတွင်းရေးမှူး နော်စီဖိုးရာစိန်က မဇ္ဈိမကို ပြောသည်။

သုံးပွင့်ဆိုင်ဆွေးနွေးရေးအတွက် KNU နှင့် အခြားတိုင်းရင်းသား လက်နက်ကိုင်အဖွဲ့များက အဆင့်သင့်ရှိနေကြောင်း ကြေညာချက်က ဆိုသည်။ ထို့ပြင် KNU ၏ လက်နက်ကြီးများဖြင့် ပစ်ခတ်မှုကြောင့် အပြစ်မဲ့ပြည်သူများ ထိခိုက်သေဆုံးနေကြောင်း စစ်အစိုးရအာဘော် သတင်းစာများတွင် ဖော်ပြလေ့ရှိပြီး၊ ၎င်းဖော်ပြချက်မှာ အခြေအမြစ် မရှိသည့် စွပ်စွဲချက်များဟုလည်း ကြေညာချက်ထဲတွင် ငြင်းဆိုထားသည်။

စစ်အစိုးတပ်များကသာ အရပ်သားများကို လူသားမိုင်းရှင်းကိရိယာအဖြစ် အသုံးပြုခြင်း၊ ရှေ့တန်းစစ်ဆင်ရေးများတွင် ဒေသခံပြည်သူများကို ရိက္ခာသယ်ရန် ပေါ်တာဆွဲခြင်းများကို ပြုလုပ်လျက်ရှိသည်ဟု နော်စီဖိုးရာစိန်က မဇ္ဈိမကို ပြောသည်။

နအဖ တပ်များကသာ အရပ်သားများကို ပစ်ခတ်မှုကိုခွင့်ပြုထားပြီး စစ်ဆင်ရေးများတွင် ဒေသခံများကို ရိက္ခာသယ်ရန် ပေါ်တာစွဲခြင်း၊ လူသားမိုင်းရှင်းကိရိယာအဖြစ် အသုံးပြုခြင်းများ ရှိကြောင်းနှင့် KNU အနေဖြင့် တွေ့ဆုံဆွေးနွေးရေးကို တောင်းဆိုနေသော်လည်း စစ်အစိုးရက စစ်ရေးဖြင့် ဖိအားပေးလာလျှင် တိုင်းရင်းသား လက်နက်ကိုင်များပူးပေါင်းကာ ပြန်လည်ကာကွယ်သွားမည်ဟု ဆိုသည်။

KNU သည် နှစ်ပေါင်း ၆၀ ကျော်ကြာအောင် ကိုယ်ပိုင်ပြဋ္ဌာန်းခွင့်အတွက် တောင်းဆိုခဲ့ပြီိး ထိုင်း-မြန်မာနယ်စပ်တွင် ခြေကုပ်ယူလှုပ်ရှားသည့် တိုင်းရင်းသားလက်နက်ကိုင်အဖွဲ့ ဖြစ်သည်။

ပြည်သူများကို ငဲ့ကွက်ခြင်းမရှိသည့် စစ်အစိုးရ၏ သဘောထားတင်းမာမှုကြောင့်သာ တွေ့ဆုံဆွေးနွေးရေးမှာ ခက်ခဲနေဆဲဖြစ်သည်ဟု တရုတ်အခြေစိုက် စစ်ရေးအကဲခတ် ဦးအောင်ကျော်ဇောက သုံးသပ်သည်။

“လူ့အခွင့်အရေး တစက်မှ နားမလည်တဲ့၊ လူမျိုးရေးစိတ်နဲ့ ဖြေရှင်းနေတဲ့ စစ်တပ်နဲ့ ငြိမ်းချမ်းရေးရဖို့ဆိုတာ နိုင်ငံတကာ ဖိအားမပါဘဲ မရနိုင်ဘူး။ ပြည်တွင်းစစ်အကြောင်းပြပြီး စစ်တပ်ကြီးကြီး ထောင်ထားမယ်၊ စစ်တပ်ကြီးကြီးနဲ့ တိုင်းပြည်ကို လုပ်ချင်သလို လုပ်မယ်။ ဒါ့ကြောင့် သူတို့က ပြည်တွင်းစစ်ကို မရပ်စဲချင်ဘူး။ သူတို့သဘောနဲ့ သူတို့တော့ စားပွဲဝိုင်းကို လာမှာမဟုတ်ဘူး” ဟု မဇ္ဈိမကို သုံးသပ်သည်။

အမျိုးသားပြန်လည်သင့်မြတ်ရေးအတွက် အတိုက်အခံပါတီများ၊ တိုင်းရင်းသားလက်နက်ကိုင် အဖွဲ့များနှင့် တွေ့ဆုံဆွေးနွေးရန် စစ်အစိုးရကို ကုလသမဂ္ဂနှင့် နိုင်ငံတကာ အဖွဲ့အစည်းများမှ တောင်းဆိုနေကြသော်လည်း ယနေ့အထိ အကောင်အထည်ဖော်ခြင်း မရှိပေ။

နှစ်ပေါင်း ၂၀ ကျော်အပြီး ထွက်ပေါ်လာသည့် လွှတ်တော်က တင်မြှောက်သည့် သမ္မတထွက်ပေါ်လာချိန်ကလည်း ကုလအထွေထွေအတွင်းရေးမှူး ဘန်ကီမွန်းက အမျိုးသားပြန်လည်သင့်မြတ်ရေးအတွက် အားလုံးပါဝင်သည့် တွေ့ဆုံဆွေးနွေးပွဲ ပြုလုပ်ရန် ယခုလ ၄ ရက်နေ့တွင် စစ်အစိုးရကို ထပ်မံတောင်းဆိုခဲ့သေးသည်။

စစ်အစိုးရက ပြီးခဲ့သည့်နှစ် မေလမှစ၍ ငြိမ်းချမ်းရေးယူထားသည့် အပစ်ရပ်အဖွဲ့များကို စစ်တပ်လက်အောက်ခံ နယ်ခြားစောင့်တပ်အဖြစ် အသွင်ပြောင်းလဲရန်အတွက် ဖိအားပေးခဲ့သည့်နောက်ပိုင်း အစိုးရနှင့် တိုင်းရင်းသား လက်နက်ကိုင် အဖွဲ့များအကြား သဘောထားတင်းမာမှု ဖြစ်ပေါ်ခဲ့သည်။

“၀”ပြည် သွေးစည်းညီညွတ်ရေးတပ်မတော် UWSA၊ ကချင်လွတ်မြောက်ရေးအဖွဲ့ KIO၊ မွန်ပြည်သစ်ပါတီ NMSP၊ ရှမ်းပြည်တပ်မတော်တောင်ပိုင်း SSA-S၊ မိုင်းလား ခေါ် အမျိုးသားဒီမိုကရေစီ မဟမိတ်အဖွဲ့ NDAA တို့က နယ်ခြားစောင့်တပ် ဖွဲ့စည်းရေးအတွက် ငြင်းဆန်ထားကြသည်။

ပြီးခဲ့သည့်နှစ် နိုဝင်ဘာလ ရွေးကောက်ပွဲနောက်ပိုင်း ထိုင်း-မြန်မာနယ်စပ်တလျှောက်တွင် စစ်အစိုးရတပ်များနှင့် ကရင် တိုင်းရင်းသားလက်နက်ကိုင်အဖွဲ့များအကြား နေ့စဉ်နီးပါး တိုက်ပွဲများ ဖြစ်ပေါ်ခဲ့သည်။

တိုင်းရင်းသားလက်နက်ကိုင်အဖွဲ့များက တွေ့ဆုံဆွေးနွေးရေးအတွက် တဖက်တွင် တောင်းဆိုနေသော်လည်း စစ်အစိုးရက စစ်ရေးဖြင့် ဖိအားပေးလာပါက ကာကွယ်ရန်အတွက် တိုင်းရင်းသားအဖွဲ့ ၁၂ ဖွဲ့ ပါဝင်သည့် “ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ” (United Nationalities Federal Council-Union of Burma) ကို ယခုလ ၁၇ ရက်နေ့တွင် ဖွဲ့စည်းခဲ့သေးသည်။

ထိုင်း-မြန်မာနယ်စပ်တွင် ဖွဲ့စည်းသည့် အဆိုပါကောင်စီတွင် အပစ်မရပ်နှင့် အပစ်ရပ် အဖွဲ့များသာမက ပြည်ပအခြေစိုက် တိုင်းရင်းသား အဖွဲ့အစည်းအချို့လည်း ပါရှိသည်။

ယနေ့သတင်း (၂၆ ရက် ဖေဖော်ဝါရီလ ၂၀၁၁)

 ဆုံဆည်းရာ၊ ၂၆ ရက် ဖေဖော်ဝါရီလ ၂၀၁၁

သတင်း

နံနက် (၁၀ နာရီ ၄၀ မိနစ်) ကေအိုင်အို ထိန်းချုပ်ရာနယ်မြေဒေသ၀န်းကျင်တွင် နအဖ ဘက်က စစ်အင်အား တိုးမြှင့်ချလိုက်ပါတယ်။ ဖေဖော်ဝါရီလဆန်းပိုင်းက ကေအိုင်အေ ထိန်းချုပ်နယ်မြေသို့ ကျူးကျော် ၀င်ရောက်ခဲ့သော နအဖ တပ်များနှင့် တိုက်ပွဲဖြစ်ပွားခဲ့ရာ နအဖ ဘက်မှ ဒု ဗိုလ်မှူးကြီးတဦး ကျဆုံးသွားပြီးတဲ့ နောက်ပိုင်း စစ်ရေးအရ နှစ်ဘက် တင်းမာမှုတွေ ဖြစ်ခဲ့တာပါ။ ဒါ့အပြင် ကေအိုင်အေက ပြည်သူ့စစ်တပ် ဖွဲ့စည်းမယ်ဆိုပြီး ကြေညာပြီး နောက်ပိုင်းနှင့် ကေအိုင်အို ထိန်းချုပ်ရာဒေသ လိုင်ဇာဌာနချုပ် နယ်မြေအတွင်းသို့ ပျံသန်းဝင်ရောက်သွားတဲ့ ထူးကုမ္ပဏီ၏ ရဟတ်ယာဉ် တစင်းကို ကေအိုင်အေ တပ်ဖွဲ့ဝင်များက ပစ်ခတ်သတိပေးမှုတွေ ပြီးတဲ့နောက်ပိုင်း နအဖ စစ်တပ်ဘက်က မကျေနပ်မှုတွေ ပိုမိုများပြားလာတယ်လို့ သိရပါတယ်။ နအဖ စစ်တပ်နှင့် ကေအိုင်အေ ထိန်းချုပ်ရာဒေသနှင့် ထိစပ်လျှက်ရှိတဲ့ စစ်မျက်နှာ သုံးနေရာမှာ နအဖ စစ်က တပ်အင်အားတိုးမြှင့်ချထားပြီး ကေအိုင်အိုဘက်မှ ၄င်းတို့ထိန်းချုပ်ရာ နယ်မြေဒေသအတွင်းသို့ နအဖ စစ်တပ်များ နယ်ကျွံဝင်ရောက်လာလျှင် ပစ်မိန့် ပေးထားသောကြောင့် လက်နက်ကိုင် စစ်ရေးပဋိပက္ခ အချိန်မရွေး ဖြစ်ပေါ်လာနိုင်ကြောင်း ဒေသခံတဦးက သုံးသပ်ပြောဆိုပါတယ်။

နံနက် (၁၀ နာရီ ၂၇ မိနစ်) ဖေဖော်ဝါရီလ ၂၁ ရက်နေ့က ဝေါလေဒေသ ကနဲလေးဂွင်အတွင်း လက်ရှိလှုပ်ရှားနေသည့် နအဖ စကခ(၈) လက်အောက်ခံ ခမရ(၄၀၄)တပ်ရင်းနေရာ ကို စကခ(၅) လက်အောက်ခံ ခမရ (၃၄၆) တပ်ရင်းက တပ်အပြောင်းအလဲ လုပ်နေကြောင်း သိရပါတယ်။

နံနက် (၁၀ နာရီ ၁၅ မိနစ်) ကရင်ပြည်နယ်၊ မြ၀တီမြို့နယ် ကနဲလေးဂွင်ရှိ ဖို့ခဲတဒို့နှင့် ခီးကုဒေါ့်ခီးဂွင်ဖောမု ဘောထာ့နေရာတွင် DKBA-KNLA ပူးပေါင်းတပ်နှင့် နအဖ စကခ(၅) လက်အောက်ခံ ခမရ(၅၆၃)၊ စကခ(၈) လက်အောက်ခံ ခမရ(၄၀၄)တပ်ရင်းများအကြား ၂၃ ရက်နှင့် ၂၄ ရက် နှစ်ရက်အတွင်း တိုက်ပွဲဖြစ်ပွားခဲ့ရာ နအဖဘက်မှ ၇ ဦး ကျဆုံးပြီး ၉ ဦး ဒဏ်ရာရရှိခဲ့ကြောင်း သိရှိရပါတယ်။ (ကိုးကား - ကေအိုင်စီ)

နံနက် (၁၀ နာရီ ၇ မိနစ်) တာချီလိတ်မြို့နယ် လေယာဉ်ကွင်းအနီးတွင် မူးယစ်ဆေးဝါးဂိုဏ်း ရောင်းဝယ်မှုမှ အချင်းချင်း ပစ်ခတ်မှု ဖြစ်ပွားရာ ရဲများ ရောက်ရှိပြီး ပစ်ခတ်မှု ထပ်မံဖြစ်ပွားခဲ့ပါတယ်။ ရဲနဲ့ မူးယစ်ဂိုဏ်းများ ပစ်ခတ်မှုဖြစ်နေစဉ် စစ်တပ်မှ ရောက်ရှိပြီး ပစ်ခတ်မှုများ ထပ်မံဖြစ်ပွားခဲ့ပါတယ်။ ထိုပစ်ခတ်မှုကြောင့် လူနှစ်ဦးသေဆုံးကြောင်း သိရှိရပါတယ်။

ကရင်စစ်ြေ့ပးဒုက္ခသည် ၁သောင်းကျော် စားဝတ်နေရေးခက်ခဲ

နှစ်ရက်တာတိုက်ပွဲအတွင်း နအဖ ၁၀ဦးကျော် ထိခိုက်သေဆုံး

ဖေဖော်ဝါရီလ ၂၄ရက်။ စောခါးစူးညား (ကေအိုင်စီ)

ကရင်ပြည်နယ်၊ မြ၀တီမြို့နယ် ကနဲလေးဂွင်ရှိ ဖို့ခဲတဒို့နှင့် ခီးကုဒေါ့်ခီးဂွင်ဖောမု ဘောထာ့နေရာတွင် ကရင်တပ်ဖွဲ့နှင့် နအဖ တပ်များအကြား နှစ်ရက်တာအတွင်း တိုက်ပွဲဖြစ်ပွားခဲ့ရာ နအဖ ဘက်မှ ၁၀ဦးကျော် ထိခိုက်သေဆုံးခဲ့သည်ဟု သိရှိရသည်။

DKBA-KNLA ပူးပေါင်းတပ်နှင့် နအဖ စကခ(၅) လက်အောက်ခံ ခမရ(၅၆၃)၊ စကခ(၈) လက်အောက်ခံ ခမရ(၄၀၄)တပ်ရင်း တို့ ယမန်နေ့နှင့် ယနေ့က ဖြစ်ပွားခဲ့သည့် တိုက်ပွဲတွင် ကရင်တပ်ဖွဲ့ဘက်မှ ထိခိုက်မှုများ မရှိသော်လည်း နအဖဘက်မှ ၇ဦး ကျဆုံးပြီး ၉ဦး ဒဏ်ရာရရှိခဲ့သည်ဟု DKBA တပ်မှူးတဦးက ကေအိုင်စီကို ယခုလို အတည်ပြု ပြောဆိုသည်။

“မနေ့ညနေ ၆နာရီ မိနစ်၂၀ ဖောမုဘောထာ့မှာ ကျနော်တို့နဲ့ ခမရ(၅၆၃)တို့ ဖြစ်တဲ့တိုက်ပွဲက ၁၀မိနစ်လောက်ပဲကြာမယ်။ အဲဒီ တိုက်ပွဲမှာ နအဖဘက်က ၄ယောက်သေတယ်။ ၆ယောက် ဒဏ်ရာရတယ်။ ဒီနေ့ နေ့လည် ၁၂နာရီ ၅မိနစ်မှာ ခမရ(၄၀၄)နဲ့ တခါ ထပ်ဖြစ်တယ်။ ၃ယောက်သေ၊ ၃ယောက် ဒဏ်ရာရတယ်။ နောက် ဒီနေ့လည် ၁၁နာရီ ၅၅မိနစ်မှာ နအဖတပ်သား တယောက် မိုင်းနင်းမိတာရှိပေမဲ့ ဘယ်တပ်ရင်းလဲဆိုတာတော့ စုံစမ်းဆဲပဲ။”ဟု သူက ပြောသည်။

လက်ရှိအချိန်တွင် ကနဲလေးဂွင်အတွင်း လက်ရှိလှုပ်ရှားနေသည့် နအဖ စကခ(၈) လက်အောက်ခံ ခမရ(၄၀၄)တပ်ရင်းနေရာ ကို စကခ(၅) လက်အောက်ခံ ခမရ(၃၄၆)တပ်ရင်းက ယနေ့ လာရောက်ကာ တပ်အပြောင်းအလဲလုပ်ပေးနေသည်ဟု သိရ သည်။

ဖေဖော်ဝါရီလ ၂၁ရက်နေ့ မွန်းလွဲပိုင်းအချိန်တွင် တာလပတ်များ ဖုံးအုပ်ထားသည့် ကား ၃စီး အပါအ၀င် ဆန်အိတ်များ၊ ဆီပေ ပါများ တင်ဆောင်ထားသည့် နအဖ TE ကားအစီးရေ ၃၀ခန့် မြ၀တီမြို့တွင်းမှ ဝေါ်လေ၊ ကနဲလေးဂွင်ဘက်သို့ ထွက်ခွာသွားခဲ့ ကြောင်း ကိုယ်တိုင်မြင်တွေ့ခဲ့သူတစ်ဦး၏ ပြောပြချက်အရ သိရသည်။

အဆိုပါတိုက်ပွဲများ ဖြစ်ပွားရာဒေသတွင် နယ်မြေခံ ရွာသူရွာသားများ နေထိုင်ခြင်းမရှိတော့သဖြင့် လူထုထိခိုက်မှု၊ ထွက်ပြေး တိမ်းရှောင်မှုများ မရှိကြောင်း သိရသည်။

သို့သော် ထိုဒေသတွင် ၀င်ရောက်လှုပ်ရှားနေသည့် နအဖ တပ်ဖွဲ့ဝင်များမှာ ကရင်တပ်ဖွဲ့ဝင်များ၏ ပြောက်ကျားတိုက်ခိုက်မှုကို နေ့စဉ် ရင်ဆိုင်နေရသည့်အတွက် ထိခိုက်ကျဆုံးမှုဦးရေ တစထက်တစ ပိုမိုများပြားလာသည်ဟု ကရင်တပ်ဖွဲ့ဝင်များက ပြော သည်။

မြ၀တီ မြို့နယ်ခွဲ အသစ် DKBA တိုက်မည်ဟု သတိပေး

  ဧရာဝတီ  

  

ကရင်ပြည်နယ် မြ၀တီခရိုင် အတွင်း မကြာမီ ဖွင့်လှစ်မည့် ချူးကလိ မြို့နယ်ခွဲကို တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) က တိုက်ခိုက်မည့် စစ်ဆင်ရေး ရှိသည့်အတွက် တာဝန်ကျ ဌာနဆိုင်ရာဝန်ထမ်းများ ကြိုတင် ရှောင်တိမ်းနိုင်ရန် သတိပေးထားသည်။

တိုက်ပွဲဝင် DKBA နှင့် KNUပူးပေါင်းအဖွဲ့၏ လက်ဖြောင့် တပ်သားများ (ဓာတ်ပုံ - ဧရာဝတီ)

DKBA တပ်မဟာ ၅ ၏ စစ်ဆင်ရေးမှူး တဦးဖြစ်သည့် ဗိုလ်မှူးဆန်းအောင်က “မကြာခင် နအဖ က မြ၀တီမြို့နယ်ခွဲ ဆိုပြီး ချူးကလိမှာ ဖွင့်ပွဲလုပ်ဖို့ရှိတယ်၊ အဲဒီမြို့သစ် ဖွင့်ဖို့အတွက် အင်္ဂါနေ့က မြ၀တီမြို့ထဲ စစ်ကားကြီးအစီး ၄၀ ကျော်ဝင်လာ တယ်၊ မြို့သစ်မှာ တာဝန်ကျတဲ့ ဆေးရုံ ၀န်ထမ်းတွေ၊ ပညာရေးဌာနက လူတွေ၊ အခြားဌာနက လူတွေကို ကျနော်တို့ ကြိုပြီး သတိပေးတာ ဖြစ်တယ်”ဟု ဧရာဝတီသို့ ပြောသည်။

မြ၀တီမြို့နယ်ခွဲ ချူးကလိမြို့သစ်သည် မြ၀တီတောင်ဘက် မိုင် ၃၀ ကျော်အကွာ မြ၀တီနှင့် ကြာအင်းဆိပ်ကြီး မြို့နယ် အစပ်တွင် တည်ရှိပြီး လက်ရှိလုံခြုံရေး တာဝန်ကို ရဲ ၀န်ထမ်း ၁၀၀ ကျော်က တာဝန်ယူထားသည်ဟု သိရသည်။
“ကျနော်တို့ရဲ့ အဓိက ပစ်မှတ်က နအဖပဲ ဖြစ်တယ်၊ ဒါပေမယ့် စစ်ဆင်ရေး လုပ်တဲ့အချိန်မှာ အရပ်သား တချို့ကို ထိခိုက် ခဲ့တာတွေရှိတဲ့ အတွက် ကြိုတင်အသိပေးရတာ ဖြစ်တယ်”ဟု ဗိုလ်မှူးဆန်းအောင်က ဖြည့်စွက် ပြောကြားသည်။

DKBA ၏ အဆိုအရ ၎င်းမြို့သစ်တွင် ထိုင်းနိုင်ငံဘက်၌ ရောက်ရှိနေသည့် မြန်မာဒုက္ခသည်များအား မြန်မာဘက်ကပြန် လည်လက်ခံမည့် အစီအစဉ်ကို နှစ်ဘက် အာဏာပိုင်များ သဘောတူညီမှု ရရှိထားသည်ဟုလည်း သိရသည်။

မြန်မာအစိုးရအား ဆန့်ကျင်တိုက်ခိုက်နေသည့် အဖွဲ့အစည်းများကို ထိုင်းနိုင်ငံက အားပေးမည်မဟုတ်ကြောင်းနှင့် ထိုင်း နယ်မြေကိုလည်း ခြေကုတ်ယူခွင့်မပြုဟု ထိုင်းအာဏာပိုင်များက မကြာသေးမီက ထုတ်ဖော်ပြောဆိုမှုများနှင့် ပတ်သက် ၍လည်း DKBA က လက်မခံနိုင်ကြောင်း ပြောဆိုသည်။

ယင်းကိစ္စနှင့်ပတ်သက်၍ DKBA ၏ ပြောရေးဆိုခွင့်ရှိသူလည်းဖြစ်သည့် ဗိုလ်မှူးဆန်းအောင်က“ကျနော်တို့တော်လှန်ရေး လုပ်တာက ကိုယ့်အားကိုယ်ကိုးပဲ၊ ထိုင်းကိုမှီခိုပြီး လုပ်နေတာမဟုတ်ဘူး၊ ထိုင်းဆီကလည်း ဘာမှအလကားမရဘူး၊ နအဖ ကို တော်လှန်နေတဲ့အဖွဲ့တွေကို တင်းကျပ်မှုတွေလုပ်နေတာက သူ့အကျိုးစီးပွားနဲ့ မြ၀တီတံတားပြန်ဖွင့်ဖို့ အတွက် နအဖ ကို မျက်နှာလုပ်တာဖြစ်တယ်”ဟု ပြောသည်။

ထိုင်း-မြန်မာ နယ်စပ် မဲဆောက်-မြ၀တီ ချစ်ကြည်ရေးတံတား ပိတ်သည့်ပြဿနာသည် နှစ်နိုင်ငံနယ်ခြား သောင်ရင်းမြစ် အတွင်း ထိုင်းဘက်မှ ကမ်းထိန်းနံရံတည်ဆောက်ရာ မြန်မာဘက်ကမကျေနပ်၍ ချစ်ကြည်ရေးတံတားကိုပိတ်လိုက်ခြင်း ဖြစ်ပြီး DKBA အပါအ၀င် မည်သည့်တော်လှန်ရေး အဖွဲ့အစည်းများနှင့် တစုံတရာပတ်သက်မှုမရှိကြောင်းလည်း ဗိုလ်မှူးဆန်းအောင် က ပြောဆိုသည်။

ဖေဖော်ဝါရီ လလယ်ပိုင်းကလည်း ကရင်ပြည်နယ် မြ၀တီ-ကော့ကရိတ် ကားလမ်းကို ဖြတ်တောက်မည့် စစ်ဆင်ရေး ရှိသည့်အတွက် ယနေ့မှစ၍ အရပ်သားများ ခရီးသွားလာခြင်းမပြုလုပ်ရန် DKBA က သတိပေးခဲ့ပြီး ဖေဖော်ဝါရီ ၁၇ ရက်တွင် မြ၀တီ-ကော့ကရိတ် ဒေါနတောင်ကျော် ကားလမ်းပေါ်ရှိ ကျောက်တလုံးစခန်းကို တိုက်ခိုက်မှုကြောင့် မြ၀တီ မှ ကော့ကရိတ်သို့ ထွက်ခွာသည့် ယာဉ်တန်းများ၏ ထက်ဝက်ခန့်မှာ မြ၀တီသို့ နောက်ကြောင်းပြန်လှည့်ခဲ့ရသည်။

ဗိုလ်မှူးကြီး စောလားပွယ်(ဗိုလ်နှုတ်ခမ်းမွေး) ဦးဆောင်သည့် အဆိုပါ DKBA တပ်မဟာ ၅ တပ်ဖွဲ့သည် နယ်ခြားစောင့် တပ် ဖွဲ့စည်းရေးကို လက်မခံဘဲ ရွေးကောက်ပွဲ ကျင်းပနေသည့် ၂၀၁၀ နိုဝင်ဘာ ၇ ရက်နှင့် ၈ ရက်နေ့များမှစတင်၍ ကရင်ပြည်နယ် အတွင်းရှိ နအဖ တပ်များကို တိုက်ပွဲများ ဆင်နွှဲနေခဲ့သည်။
Collapse...

ရွှေကုမ္ပဏီနှစ်ခုကို ကေအဲန်ယူက ဧပြီလအထိ ရွှေတူးဖော်ခွင့်ပေး

ဖေဖော်ဝါရီလ ၂၂ရက်။ စောခါးစူးညား (ကေအိုင်စီ)

ကရင်ပြည်နယ်၊ ဖာပွန်ခရိုင်နှင့် မွန်ပြည်နယ်၊ ဘီးလင်းမြို့နယ်စပ်ရှိ မယ့်ကလယ့်လော်ချောင်းအတွင်း တူးဖော်လုပ်ဆောင်ခဲ့ သည့် ရွှေတွင်းကို ယခုနှစ်ဆန်းပိုင်းမှစ၍ ရဲထွန်းနှင့် ကိုချိုကုမ္ပဏီများကို ကေအဲန်ယူ ဖာပွန်ခရိုင်က ဧပြီလအထိ ၀င်ရောက်တူး ဖော်ခွင့်ပေးထားကြောင်း သိရသည်။

အဆိုပါရွှေတွင်းကို ပြီးခဲ့သည့် ၂၀၀၉ခုနှစ်၌ မြဌေးကြွယ်နှင့် ချစ်လေးမြိုင် ကုမ္ပဏီတို့က DKBA (ယခု နယ်ခြားစောင့်တပ်-BGF) ၏ လုံခြုံရေးအကူအညီဖြင့် တူးဖော်ခဲ့ပြီး ၂၀၁၀ခုနှစ် မေလတွင် လုပ်ငန်းကို ရပ်တန့်ခဲ့သွားခဲ့ရာမှ ယခုနှစ်တွင်မှ ရဲထွန်းနှင့် ကိုချို ကုမ္ပဏီတို့က ဆက်လက် တူးဖော်နေခြင်းဖြစ်သည်။

ယခုလို ရွှေတူးဖော်ရေးလုပ်ငန်း ပြန်လည်လုပ်ကိုင်နေသည့် ကုမ္ပဏီနှစ်ခုကို လုံခြုံရေးအစောင့် မလိုဘဲ တူးဖော်ခွင့်ပေးလိုက် ရခြင်းမှာ ကုမ္ပဏီတာဝန်ရှိသူများအနေဖြင့် ကေအဲန်ယူနှင့် လာရောက်ညှိနှိုင်းတိုင်ပင်မှုကြောင့်ဖြစ်သည်ဟု ဖာပွန်ခရိုင်အတွင်း ရှိ KNU တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ကေအိုင်စီ ယခုလို ပြောသည်။

သူက “မြဌေးကြွယ်နဲ့ ချစ်လေးမြိုင်ကုမ္ပဏီဟာ ကျနော်တို့ကို လာမဆွေးနွေးဘဲ သူ့သဘောနဲ့သူလုပ်ပြီး DKBA(ယခု BGF) ကို လုံခြုံရေး ယူခိုင်းတယ်လေ။ ကျနော်တို့က နယ်မြေခံဆိုတော့ ဒါမျိုးလာလုပ်တာ လက်မခံဘူးလေ။ အခုဆို လုံခြုံရေးလာယူပေး ခဲ့တဲ့ DKBA တွေလည်း BGF ပြောင်းတော့ အရင်လို အင်အားမရှိတော့ဘဲ လုံခြုံရေးယူနိုင်ဖို့ ခက်တယ်။ အခုလာတဲ့အဖွဲ့တွေ က ကျနော်တို့နဲ့ လာတိုင်ပင်တော့ ၄လပိုင်းအထိ လုပ်ခွင့်သဘောတူထားတယ်။”ဟု သူက ပြောသည်။

၎င်းကုမ္ပဏီနှစ်ခုသည် ရွှေတူးဖော်ရေးအတွက် ၂၀၁၀ခုနှစ်၊ နိုဝင်ဘာလနှင့် ဒီဇင်ဘာလများတွင် ကေအဲန်ယူ ဖာပွန်ခရိုင်နှင့် လာရောက်တိုင်ပင်ခဲ့ခြင်းဖြစ်ပြီး ယင်းသို့ ကာလအနည်းငယ် ရွှေတူးခွင့်သဘောတူညီမှုအပေါ် အကျိုးအမြတ် မည်မျှရရှိသည် ကိုမူ ကေအဲန်ယူက ထုတ်ဖော်ပြောဆိုခြင်း မရှိပေ။

မယ့်ကလယ့်လော်ချောင်းအတွင်း ရွှေတူးဖော်ရေးလုပ်ငန်းများ ပြန်လည်စတင်သည့် အစောပိုင်းတွင် ၀င်းမောင်း(၀ါ့မူ) ကျေးရွာ အုပ်စုအတွင်းရှိ ကျေးရွာအချို့သည် သန့်ရှင်းသည့် သောက်ရေသန့်များ မရရှိသဖြင့် ရွာသူရွာသားများ အခက်ကြုံခဲ့ရကြောင်း ဒေသခံရွာသားတစ်ဦးက ပြောသည်။

သူက “ဒီလို ရွှေပြန်လာတူးတော့ ကျနော်တို့ ၀င်းမောင်းကျေးနယ်အုပ်စုထဲက ရွာတချို့ သောက်ရေပြဿနာနဲ့ ကြုံတယ်။ ဒီအ ကြောင်းကို နယ်မြေခံ ကရင်အမျိုးသားလွတ်မြောက်ရေးတပ်မတော်-KNLAကို တင်ပြတယ်။ ကုမ္ပဏီတွေကို သူတို့ပြန်ပြောပေး တော့ အခု ကျနော်တို့ရွာဘေးက တောင်ကျရေကို ပိုက်လုံးနဲ့ သွယ်ပေးတော့ ပြန်အဆင်ပြေသွားတယ်။”ဟု ပြောသည်။

DKBA (ယခု BGF)တပ်ဖွဲ့သည် ရွှေတူးသည့်နေရာသို့ သွားသည့်လမ်းတလျှောက် ကားလမ်းဖောက်လုပ်ခဲ့သဖြင့် မယ်ကလယ့် လော်ချောင်းကမ်းပါးပေါ်တွင် စုပုံထားသော သဲမြေများကြောင့် အဆိုပါဒေသရှိ ၀င်းမောင်း(၀ါ့မူ)၊ မဲချိုနှင့် မလေးကျောက် (မလေးလယ်) ကျေးနယ်၌ ဧက ၄၀၀ခန့်ရှိ လယ်ကွင်း ၈၅ကွင်းပျက်စီးခဲ့ရသည်။

ထိုဒေသရှိ လယ်ကွင်းများ ပြန်လည်လုပ်ကိုင်နိုင်အောင် မယ့်ကလယ့်လော်ချောင်းနှင့် လယ်ကွင်းများအကြား ဆက်သွယ်ထား သည့် ရေပေးတူးမြောင်းများကို ပြန်လည်ပြုပြင်ပေးရန် လက်ရှိ ရွှေတူးဖော်နေသည့် ကုမ္ပဏီများကို ပြောဆိုထားကြောင်း KNU ဖာပွန်ခရိုင်က ပြောသည်။

မြဝတီ ကော့ကရိတ်ကားလမ်းပေါ်က နေရာ ၂ ခုမှာ ဒီကေဘီအေ ဝင်ရောက်တိုက်ခိုက်

နေ့သစ်၊ 

ဒီကေဘီအေ အနေနဲ့ နအဖရဲ့ စီးပွားရေးအသက်သွေးကြောတခုဖြစ်တဲ့ မြဝတီကုန်သည်လမ်း သွားလာခွင့်ကို တားမြစ် ပိတ်ပင်လိုက်ပြီး ဒီကားလမ်းပေါ်မှာ စစ်ဆင်ရေးတွေပိုမိုလုပ်လာတော့မှာ ဖြစ်တဲ့အတွက် ပြည်သူလူထုကို ထိခိုက်မှုမရှိ စေရန်ဖို့ ဒီကေဘီအေဘက်က ပိတ်ပင်ခဲ့တာဖြစ်တယ်လို့ သိရှိရပါတယ်။

ခုဆိုရင် မြဝတီကုန်သည်ကားလမ်းပေါ်က နအဖ တပ်စခန်းနေရာတွေကို ဒီကေဘီအေဘက် ဝင်ရောက်တိုက်ခိုက်မှုတွေ ဟာ ဒီရက်ပိုင်းမှာ ပိုစိပ်လာပါတယ်။

ဒီကနေ့ မနက် မြဝတီနဲ့ ကောကရိတ်ကြားက နေရာနှစ်ခုမှ တိုက်ပွဲတွေဖြစ်ပွားခဲ့ပါတယ်။ တိုက်ပွဲဖြစ်ပွားတဲ နေရာတွေ ကတော့ ဗျူဟာဂိတ်လို့ ခေါ်တဲ့ ခမရ ၃၅၆ နဲ့ အုပ်ဖို လို့ခေါ်တဲ့ ခမရ ၃၅၅ နေရာနှစ်ခုပဲ ဖြစ်ပါတယ်။ ဒီကေဘီအေဘက် က ဒီကနေ့ မနက် ၃ နာရီခွဲလောက်က ဝင်တိုက်ခဲ့တာလို့ သိရပါတယ်။ ထိခိုက်မှုကိုတော့ အသေးစိပ် မသိရှိရသေးပါဘူး။

တိုက်ပွဲတွေ နေ့စဉ်ဆက်တိုက်ဆိုသလို ဖြစ်နေတာရယ်။ ဒီကေဘီအေဘက်က ကားလမ်းကို ပိတ်ပင်တားမြစ်ထားတဲ့ အ တွက်ရယ်ကြောင့် မြဝတီနဲ့ ကော့ကရိတ်မြို့တွေထဲမှာ သွားလာမယ့်ကားတွေ သောင်တင်နေတာတွေ၊ မြဝတီ သင်္ဃန်းညီ နောင် နဲ့ ကော့ကရိတ်က နအဖ တပ်စခန်းနေရာတွေကို ဘယ်နေ့ ဘယ်အချိန် ဝင်ပစ်မယ်ဆိုတဲ့ ကောလဟာလသတင်း တွေ အချိန်ပြည့် ဖြစ်ပေါ်နေတယ်ဆိုတာတွေကို မြဝတီမြို့ခံတွေက ပြောပြလို့ သိရှိရပါတယ်။

တဆက်တည်းဆိုသလို့ပဲ ဒီကနေ့ ဝေါ်လေဂွင်က ထီးတလယ်နေရာမှာ ဒီအေဘီအေတပ်တွေက နအဖ တပ်တွေကို ဝင် ရောက်တိုက်ခိုက်တယ်လို့ သိရှိရပါတယ်။

ကျောက်တလုံးစခန်းကို DKBA တိုက်၊ စစ်ဆင်ရေး ဆက်လုပ်မည်

ဧရာဝတီ

ကရင်ပြည်နယ် မြ၀တီ-ကော့ကရိတ် ဒေါနတောင်ကျော် ကားလမ်းပေါ်ရှိ ကျောက်တလုံးစခန်းကို ဖေဖော်ဝါရီလ ၁၇ ရက်နေ့က တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) အဖွဲ့၏ တိုက်ခိုက်မှုကြောင့် မြ၀တီမှ ကော့ကရိတ်သို့ ထွက်ခွာသည့် ယာဉ်တန်းများ၏ ထက်ဝက်ခန့်မှာ မြ၀တီသို့ နောက်ကြောင်းပြန်လှည့်ခဲ့ရသည်။

မြ၀တီ၊ ကော့ကရိတ်၊ ဘားအံ မြို့များသို့ တရက်ခြားပြေးဆွဲနေသည့် ယာဉ်များ။ (ဓာတ်ပုံ - ဧရာဝတီ)

မြ၀တီမြို့ခံ ယာဉ်မောင်းတဦးက “ကားတန်းအဆင်းရက်၊ ကားအစီး ၁၀၀ ကျော်ဆင်းတာ၊ DKBA က နေ့လယ်ပိုင်းမှာ ကျောက်တလုံး စစ်ဆေးရေးဂိတ်ကို လက်နက်ကြီးနဲ့ထုလို့ နှစ်ဘက်အပြန် အလှန်ပစ်ကြတော့ ကော့ကရိတ်ဆင်းမယ့် ကားထဲက တ၀က်လောက်မြ၀တီဘက် ပြန်သွားရတယ်” ဟု ပြောသည်။

တိုက်ခိုက်မှုဖြစ်ပွားခဲ့သည့် ကျောက်တလုံးစခန်းသည် မြ၀တီခရိုင်အတွင်း တည်ရှိပြီး ၎င်းစခန်းအနီးတွင် နအဖတပ် ခမရ ၃၅၅ နှင့် ၃၅၆ တပ်ရင်းများ အခြေစိုက်သည့်နေရာ ဖြစ်သည်။

ထိုနေ့က တိုက်ခိုက်မှုဖြစ်ပြီးသည့်နောက်ပိုင်း ညဘက်တွင် မြ၀တီမြို့ရှိ ရပ်ကွက် ၅ ရပ်ကွက်ကိုလည်း လုံခြုံရေး အကြောင်းပြချက်ဖြင့် စစ်တပ်၊ ရဲ အပါအ၀င်ဌာနဆိုင်ရာ အဖွဲ့ပေါင်းစုံက ၀င်ရောက်စစ်ဆေးမှုများ ပြုလုပ်ခဲ့သည်ဟု သိရသည်။

အဆိုပါ တိုက်ခိုက်မှုတွင် နအဖတပ်ဖွဲ့ဝင် ၃ ဦးသေဆုံးပြီး ၁ ဦးဒဏ်ရာရရှိခဲ့ကြောင်း ကော့ကရိတ်မြို့မှ ကုန်သည်တဦးက ပြောသည်။ ကော့ကရိတ်မြို့ပေါ်တွင်လည်း လုံခြုံရေးတိုးမြှင့်ထားပြီးရပ် ကွက်များအတွင်း ညလုံးပေါက် ဧည့်စာရင်းစစ်သည်ဟု အကြောင်းပြကာ ရှာဖွေစစ်ဆေးမှု များပြုလုပ်ခဲ့သည်ဟု သိရသည်။

အဆိုပါ လမ်းကြောင်းကို DKBA အဖွဲ့က ပိတ်ဆို့ဖြတ်တောက်သည့် စစ်ဆင်ရေး ပြုလုပ်မည်ဖြစ်သောကြောင့် အရပ်သားများ ခရီးသွားလာခြင်းမပြုလုပ်ကြရန် ကြိုတင် အသိပေး ပြောကြားမှုများရှိခဲ့သော်လည်း ခရီးသွားများနှင့် ကုန်သည်အများစုမှာ အချိန်ကုန်သက်သာပြီး ခရီးတွင်သည့် လက်ရှိလမ်းကိုသာ အသုံးပြုနေကြသည်ဟု ခရီးသွားများက ပြောသည်။

DKBA တပ်မဟာ ၅ ၏ တပ်မဟာမှူး ဗိုလ်မှူးကြီး စောလားပွယ်က “လူထုတွေကို အသိပေးလိုတာက မဖြစ်မနေ ခရီးသွားရရင်တောင် သတိထားပြီး သွားလာကြာဖို့၊ နအဖနဲ့ ကင်းကင်းရှင်းရှင်း သွားလာကြဖို့ သတိပေးချင်တယ်။ ဒီစစ်ဆင်ရေးကိုလည်း ဆက်လုပ်သွားမှာ ဖြစ်တယ်။ ကျနော်တို့ရဲ့ပစ်မှတ်က နအဖရဲ့ အာဏာရှင် စစ်ယန္တရားပဲ ဖြစ်တယ်” ဟု ဧရာဝတီသို့ ပြောသည်။

ဖေဖော်ဝါရီလ ၁၈ ရက်နေ့ နံနက်ပိုင်းက မြ၀တီခရိုင် ဖလူးဒေသနှင့် ကျောက်ခက်ဒေသတွင် DKBA နှင့် နအဖတပ်များ လက်နက်ကြီးများဖြင့် အပြန်အလှန်ပစ်ခတ်မှုများရှိပြီး ထိခိုက်သေဆုံးမှုအခြေအနေကို မသိရှိရသေးကြောင်း DKBA ဘက်မှ ပြောသည်။

စစ်မှန်သော ဒီမိုကရေစီမရမချင်း ဆက်လက်တိုက်ပွဲဝင်နေဦးမည်ဟု ဗိုလ်မှူးချုပ်စောလားပွယ်ပြောကြား

http://www.ninedeblood.blogspot.com/

ဒီကနေ့ ၁၉-၀၂- ၂၀၁၁ နေ့မှာ ဖလူးမှာ မိုင်းတိုက်ပွဲဆက်လက်ဖြစ်ခဲ့ပြီး
နအဖဘက်က ထိခိုက်ဒဏ်ရာရရှိမှုအသေးစိတ်ကို မသိရှိရသေးကြောင်း၊
အလားတူ မြ၀တီမြို့နယ်၊ သင်္ဃန်းညီနောင်၊ တံတားကျိုးမှာလည်း တိုက်ပွဲ
ဖြစ်ပွားခဲ့ကြောင်း ညနေ(၇း၄၅)မှာ ဒီကေဘီအေ ဗိုလ်မှူးချုပ်စောလားပွယ်က
ပြောကြားသွားပါတယ်။

ဖေဖေါ်ဝါရီလ (၁၂)ရက်နေ့က ပြည်သူတွေ ကော့ကရိတ်-မြ၀တီကားလမ်းကို
အသုံးပြုပြီး မသွားလာကြဖို့ ဒီကေဘီအေဘက်က အတိအလင်းကြေငြာအပြီးမှာ
အခုလို ကားလမ်းမပေါ်ကတိုက်ပွဲ ဆက်ဖြစ်နေခဲ့တာပဲဖြစ်တယ်။

KIO နဲ့ နအဖတို့က တိုက်ပွဲတစ်ကြိမ်သာဖြစ်ပွားခဲ့ပြီး နအဖဘက်က
တပ်ဆုတ်သွားခဲ့ပေမဲ့ ကရင်ပြည်နယ်မှာကျတော့ အလုံးအရင်းနဲ့အင်အားသုံး
ထိုးစစ်ဆင်နေတာနဲ့ ပတ်သက်ပြီး မေးမြန်းကြည့်ရမှာ-
ဗိုလ်မှူးချုပ်စောလားပွယ်က ဘြယ်လိုပဲဖြစ်နေဖြစ်နေ စစ်မှန်တဲ့ ဒီမိုကရေစီ
မရမချင်း ပြည်သူဘက်က ရပ်တည်ပြီးတော့ နည်းမျိုးစုံနဲ့တိုက်ပွဲဝင်နေဦးမှာပဲဋ္ဋဋ္ဋ
ဆိုပြီး ပြောကြားသွားပါတယ်။

လက်ရှိအခြေအနေနဲ့ ပတ်သက်ပြီး ဗိုလ်မှူးချုပ် ဆက်လက်ပြောကြားရာမှာ
ြKNU နဲ့ DKBA က နာမည်သာ ကွဲပြားနေတာ ဦးတည်ချက၊် မျှော်မှန်းချက်နဲ့
လုပ်ဆောင်ချက်တွေက အတူတူပဲ။ အားလုံးဟာ အမျိုးသားလှုပ်ရှားမှုအတွက်
ခေါင်းဆောင်ကြီး စောဘဦးကြီးရဲ့ မူ(၄)ချက်အတိုင်း လုပ်နေကြတာပဲဋ္ဋဋ္ဋ
ဆိုပြီး ပြောသွားပါတယ်။

နယ်ခြားစောင့်တပ်ကို ပြောင်းသွားတဲ့ ဒီကေဘီအေတွေက ကိုယ့်ကရင်အချင်းချင်း
မတိုက်ချင်ကြဘူး။ အထက်က အမိန့်ကိုလည်း ငြင်းဆန်တာနဲ့ ပတ်သက်ပြီး
၎င်း BGF တွေကို ဘယ်လိုသဘောထားရှိပါသလဲလို့ မေးမြန်းရာမှာတော့-
ြ သူတို့တွေက ကျွန်တော်တို့ မိတ်ဆွေတွေ ညီအစ်ကိုတွေပဲ၊ အလုပ်အတူ
လုပ်လာခဲ့ကြတာ၊ သူတို့ဘယ်လိုဖြစ်လာဦးမလဲဆိုတာ စောင့်ကြည့်ရမှာနော်ဋ္ဋဋ္ဋ
လို့ ဗိုလ်မှူးချုပ်က ပြောကြားသွားခဲ့ပါတယ်။

ဆက်လက်၍ ကျွန်တော်က အခုဖြစ်နေတဲ့ တိုက်ပွဲအပေါ် မြိုင်ကြီးငူ
ဆရာတော်အနေနဲ့ စကားမိန့်ကြားတာတို့၊ ၀င်ရောက်ဖြန်ဖြေတာတို့
ရှိပါသလားလို့ မေးမြန်းရာမှာြ အခုဖြစ်နေတဲ့တိုက်ပွဲအပေါ် ဆရာတော်
အနေနဲ့ ၀င်ရောက်မိန့်ကြားတာတွေ ဘာတွေ မရှိပါဘူး။ အရင်တုန်းကတော့
အမျိုးအတွက် သာသနာအတွက် ကာကွယ်လုပ်ဆောင်ဖို့ မိန့်ကြားတာတော့
ရှိပါတယ်ဋ္ဋဋ္ဋ လို့ ပြန်လည်ဖြေကြားသွားပါတယ်။ ဆက်ဖတ်နိုင်ပါသည်။...
ကျေးဇူးတင်ပါသည်။...

Posted by sawdahbo2749@gmail,com

ဗိုလ်မှူး စောစန်းအောင်၏ တိုက်တွန်းပြောဆိုချက်

http://ehkhaungthaunt.blogspot.com/

နအဖ ဖက်စစ် အကြမ်းဖက် တပ်တွေကို သုတ်သင် နှိမ်နှင်းပြီး ကရင်ပြည်ကနေ မောင်းထုတ်နေသူ DKBA တပ်မဟာ ၅မှ ဗိုလ်မှူး စောစန်းအောင်ကို သူရဲ့ ခဏတာ မအားမလပ်တဲ့ ကြားထဲကနေ ယနေ့ (ဖေဖော်ဝါရီလ  ၁၈ရက်နေ့) ညနေ ၈နာရီခွဲ အချိန်မှာ ဖုန်းနဲ့ ဆက်သွယ်စကား ပြောဆို နိုင်ခဲ့ပါတယ်။

အဆိုပါ ခဏတာ စကားပြောဆို နေချိန်အတွင်း ကရင်လူထုများ၊ လွတ်မြောက်မှု လိုလားသူများနဲ့ တော်လှန်ရေး သမားများ အားလုံးကို ဗိုလ်မှူးစန်းအောင်ကနေ အောက်ပါအတိုင်း တိုက်တွန်း အမှာ စကားတချို့ ပြောဆိုသွားခဲ့ပါတယ်။

”လွတ်မြောက်မှုအတွက် တော်လှန်တိုက်ပွဲဝင် နေတဲ့ တော်လှန်ရေးသမားများ အားလုံး တော်လှန်ရေးကို ဆက်လုပ်ကြပါ၊ တော်လှန်ရေးကို မလုပ်စားကြပါနဲ့ လို့ပဲ တော်လှန်ရေး သမားတွေ အားလုံးကို မှာချင်တယ်။ ဒီစကားကို သတင်းတွေမှာ တင်ချင်တယ်ဆိုရင်လည်း အစ်ကို့နာမယ်နဲ့ တင်ပါ။ မှန်တာကို ပြောမှာပဲ။ မှန်ကန်ရင် ကွဲတယ်” ဟု တော်လှန်သူတွေ အားလုံးကို ဗိုလ်မှူး စောစန်းအောင်က တိုက်တွန်း ပြောဆိုသွား ပါတယ်။

”နိုင်ငံတကာရောက် သွားကြသော်လည်း ကိုယ့်လူမျိုး၊ ကိုယ့်တော်လှန်ရေးအတွက် မမေ့ကြပဲ ပြန်လည် လှည့်ကြည့် ကူညီနေကြတဲ့ လူတွေကို အထူးပင် လေးစားမိပါတယ်။ ကျနော်တို့ တိုက်ပွဲဝင်နေ တာကလည်း အားလုံး မျက်နှာမငယ်ရအောင် အသက်ပေး တိုက်ပွဲ ၀င်နေတာ ဖြစ်တယ်။ ဘယ်လောက်ပဲ ဆင်းရဲပင်ပန်းနေပါစေ မမှုဘူး။ ကျနော်တို့ ဆက်ပြီး တိုက်ပွဲ ၀င်သွားမယ်”ဟု နိုင်ငံတကာရောက် ကရင်ပြည်သူတွေကို ဗိုလ်မှူးစန်းအောင်က ပြောဆိုသွားပါတယ်။

လက်ရှိ ဖြန့်ချိ ထုတ်ဝေနေတဲ့ ဒေါနမြေမှ ဟစ်ကြွေးသံ တိုက်ပွဲ ဗီဒီယိုခွေအပေါ် ရန်သူအတွက် စစ်ရေး ပစ်မှတ်တွေ ဖြစ်လာနိုင်မှာကို စိုးရိမ်နေသူများ အတွက်ကိုလည်း ဗိုလ်မှူး စောစန်းအောင်က အခုလို ပြန်လည် တုန့်ပြန် ပြောဆိုသွားပါသေးတယ်။

”အဲဒီခွေနဲ့ ပါတ်သက်ပြီး ဘာမှမပူပါနဲ့။ ဖြန့်သာ ဖြန့်ပါ၊ ရန်သူက သူတို့နည်း သူတို့ဟန်နဲ့ စစ်ရေး ရှိသလို ကျနော်တို့လည်း စစ်ရေးနည်းပရိယာယ်တွေ အများကြီး ရှိတယ်။ ဒီခွေကို ထုတ်ဝေဖြန့်ချိ နေရတာကလည်း ကျနော်တို့ တော်လှန်ရေး တိုက်ပွဲဝင်နေတာကို လူတွေကို အသိပေးချင်လို့ပါ။ ကျနော်တို့ ကရင်တွေ တော်လှန်ရေး လုပ်တာ နှစ် ၆၀တောင် ကျော်နေပြီး မှတ်တမ်းတွေ အရမ်းနည်းခဲ့တယ်။ တချို့လူတွေဆိုရင် ကရင်တော်လှန် ရေးကိုတောင် မသိကြဘူး။ နောက်ပြီး ရဲဘော်တွေ ဘယ်လောက် ဆင်းရဲ ပင်ပန်းလည်း ဆိုတာကိုလည်း ပြစေချင်တာပါ”ဟု တုန့်ပြန် ပြောဆိုသွားပါတယ်။

 

အထက်ပါ တိုက်တွန်းမှာကြားချက်တွေ အားလုံးဟာ မအားမလပ်တဲ့ ကြားကနေ အချိန်ပေးပြီး မှတ်တမ်းဗီဒီယိုတွေ ထဲကလိုပဲ အာပေါင်အားရင်း သန်သန်နဲ့ ဗိုလ်မှူး စောစန်းအောင် ဖုန်းထဲကနေ ပြောဆိုသွားတာ ဖြစ်ပါတယ်။

နအဖ တပ်ဖွဲ့ဝင် ၇ဦး DKBA ရှေ့ထွက်မိုင်းကြောင့် ထိခိုက်ကျဆုံး

 ဒီကေဘီအေ တပ်ဖွဲ့ဝင်များ၊

 ဓါတ်ပုံ  အဲခေါင်သောင့်

ဖေဖော်ဝါရီလ ၁၈ရက်။ စောခါးစူးညား (ကေအိုင်စီ)

ကရင်ပြည်နယ်၊ မြ၀တီမြို့နယ်ရှိ ကျောက်ခက်နှင့် ဘလယ့်ဒို့အကြားတွင် လှုပ်ရှားနေသော နအဖ စကခ(၁၂)လက်အောက်ခံ (၂၃၁) တပ်ရင်းကို DKBA က ယနေ့မနက် ၈နာရီအချိန်၌ ရှေ့ထွက်မိုင်းဖြင့် ထပ်မံတိုက်ခိုက်ခဲ့ရာ နအဖဘက်က ၃ဦး သေဆုံးပြီး ၄ဦး ဒဏ်ရာရရှိခဲ့သည်ဟု စုံစမ်းသိရှိရသည်။

အဆိုပါ တိုက်ခိုက်မှုကို ဗိုလ်မှူးချုပ်စောလားပွယ်(ဗိုလ်နှုတ်ခမ်းမွှေး) ဦးဆောင်သည့် DKBA တပ်မဟာ(၅)၊ (၉၀၇) တပ်ရင်းက ပြုလုပ်ခဲ့ပြီး ယခုလို ရှေ့ထွက်မိုင်းတိုက်ခိုက်မှုအပေါ် နအဖဘက်က အထိနာစေသေည်ဟု DKBA တပ်မှူးတဦးက ကေအိုင်စီ ကို ပြောသည်။

“ဖူးခါ့ဆူ့(ဗိုလ်နှုတ်ခမ်းမွှေး)ကတော့ သူ့လူတွေကို လွှတ်ပြီး ဒီမှာလာလှုပ်ရှားတဲ့ နအဖတပ်မှန်သမျှ နည်းအမျိုးမျိုးနဲ့ တိုက်ခိုက် ဖို့ ညွှန်ကြားထားပြီးသားပဲလေ။ ဒါကြောင့် နအဖက ဒီနေရာမှာ ရှိနေသရွေ့တော့ DKBA ရဲ့ တိုက်ခိုက်မှုကို နေ့တိုင်းလိုလို ဆက်ခံရအုံးမှာပဲ။ အထူးသဖြင့် သူတို့ကို ဒီလိုရှေ့ထွက်မိုင်းနဲ့ တိုက်ခိုက်တာ ပိုအထိနာတယ်လေ။”ဟု သူက ပြောသည်။

ဖေဖော်ဝါရီလ ၁၅ရက်နေ့၌လည်း ကရင်ပြည်နယ်၊ မြ၀တီမြို့နယ်အတွင်းရှိ ကျောက်ခက်နှင့် ဖလူးလေးအကြား ပဒူအုံ (ပလော တပို့)တွင် DKBA တပ်မဟာ(၅) တပ်ဖွဲ့ဝင်တို့၏ ဆွဲမိုင်းကြောင့် နအဖ တပ်မ(၂၂)လက်အောက်ခံ ခမရ(၃၅၇) တပ်ဖွဲ့ဝင် ၁၀ဦး သေဆုံးပြီး ၁၃ဦး ဒဏ်ရာရရှိခဲ့သည်။

ဆွဲမိုင်းကြောင့် နအဖ ၂၀ကျော် ထိခိုက်၊ သေဆုံး

ဖေဖော်ဝါရီလ ၁၇ရက်။ စောခါးစူးညား (ကေအိုင်စီ)

ကရင်ပြည်နယ်၊ မြ၀တီမြို့နယ်အတွင်းရှိ ကျောက်ခက်နှင့် ဖလူးလေးအကြား ပဒူအုံ(ပလောတပ၀ို)တွင် ဖေဖော်ဝါရီလ ၁၅ရက် နေ့က DKBA တပ်မဟာ(၅)တပ်ဖွဲ့ဝင်တို့၏ ဆွဲမိုင်းကြောင့် နအဖ တပ်မ(၂၂)လက်အောက်ခံ ခမရ(၃၅၇) တပ်ရင်း ၂၀ကျော် ထိခိုက်သေဆုံးခဲ့သည်ဟု စုံစမ်းသိရှိရသည်။


ထိုနေ့ည ၈နာရီ ၁၅မိနစ်အချိန်၌ ဆွဲမိုင်းဖြင့် အဆွဲခံရသည့် အဆိုပါ နအဖတပ်ဖွဲ့ဝင်များထဲတွင် ဗိုလ်ကြီး ၁ဦး၊ အရာခံဗိုလ် ၁ဦး၊ တပ်ကြပ်ကြီး ၁ဦး၊ ဒုတပ်ကြပ် ၁ဦးနှင့် တပ်သား ၆ဦး အပါအ၀င် စုစုပေါင်း ၁၀ဦး သေဆုံးပြီး ၁၃ဦး ဒဏ်ရာရရှိခဲ့သည်ဟု DKBA တပ်မဟာ(၅)နှင့် ပြန်လာပူးပေါင်းသည့် DKBA တပ်မဟာ(၉၉၉)မှ တပ်ရင်း(၅)မှူးဖြစ်သူ ဒုဗိုလ်မှူးကြီးစောဖိုးခလိက ကေအိုင်စီကို ပြောသည်။
သူက “ကျနော်တို့လူ(DKBA)တွေ သူတို့(နအဖ)ကို ဆွဲမိုင်း ၂လုံးနဲ့ ဆွဲတာ။ ၂လုံးဆိုတော့ ပိုပြီးတော့ပြင်းသလို ဆွဲတာလည်း နေရာမှန်တော့ နအဖတွေ ဒီလို အထိအခိုက်များတာပဲ။ ကျနော်တို့ဘက်ကတော့ ထိခိုက်မှုမရှိဘူး။ ဘာဖြစ်လဲဆိုတော့ ဆွဲပြီး တာနဲ့ နောက်ဆုတ်တာပဲလေ။”ဟု ပြောသည်။

ဆွဲမိုင်းကြောင့် ဒဏ်ရာရရှိခဲ့သည့် နအဖ ခမရ(၃၅၇)မှ တပ်ဖွဲ့ဝင်များကို မြ၀တီမြို့ ပြည်သူ့ဆေးရုံသို့ ပို့ဆောင်ခဲ့သည်ဟု ကိုယ်တိုင်မြင်တွေ့ခဲ့သူ မြ၀တီမြို့ခံများ၏ ပြောပြချက်အရ သိရသည်။
ယခုလ ၁၃ရက်နေ့၌လည်း ကော့ကရိတ်မြို့ရှိ တပ်မတော် စစ်ဖက်ရေးရာ လုံခြုံရေးအရာရှိချုပ်ရုံး(စရခ)ရုံးကို DKBA တပ်ဖွဲ့ က လက်ပစ်ဗုံးဖြင့် သွားရောက်လှမ်းပစ်ခဲ့ရာ နအဖ ၄ဦး ဒဏ်ရာရရှိခဲ့သည်ဟု သိရသည်။

ဖါပွန်ခရိုင်မှာ လိုင်စင်ရ သူခိုး၊ဓါးပြများသောင်းကျန်း

ဖေဖော်ဝါရီလ ၁၆ရက်။ စောခါးစူးညား (ကေအိုင်စီ)

ကရင်ပြည်နယ်၊ ဖာပွန်ခရိုင် ဘူးသိုမြို့နယ် ဘွားဒဲကျေးနယ်အတွင်းရှိ ထို့တလေးကိုးရွာ ဒေသခံလူထု၏ စပါးနှင့်ဆန် တင်း ၃၀၀ကျော်ကို နအဖ တပ်မ(၁၁)လက်အောက်ခံ တပ်ရင်းအချို့နှင့် နယ်ခြားစောင့်တပ်ဖွဲ့ဝင်များက ယခုလဆန်းပိုင်း၌ ယူ ဆောင်စားသုံးနေကြောင်း ကေအိုင်စီက စုံစမ်းသိရှိရသည်။

နအဖ တပ်မ(၁၁) လက်အောက်ခံ ခြေမြန်တပ်ရင်း ခမရ(၂၁၂)၊ ခမရ(၂၂၀)တပ်များနှင့် နယ်ခြားစောင့်တပ်-BGF (၁၀၁၄) တပ်ဖွဲ့ဝင်များက ဘူးသိုမြို့နယ် မယ်ပ၊ မယ်လာ့ထာ့နှင့် ကျို့လို့ဂွင်အတွင်း လာရောက်လှုပ်ရှားမှုကို ရှောင်တိမ်းထွက်ပြေး နေသည့် ထို့တလေးကိုးရွာသားများ၏ ရွာတွင်းရှိ စပါးကျီများမှ စပါးနှင့် ဆန်များ ယခုလို ယူဆောင်ခံရခြင်း ဖြစ်သည်ဟု ဒေသခံများက ပြောသည်။

စပါးနှင့် ဆန်ယူစားခံရသူများမှာ စောဖါးဘလဲ့၏ စပါးတင်း ၆၀၊ ဆန် ၃တင်း။ စောသုဘွဲ၏ စပါးတင်း ၅၀၊ နော်ဝီ၏ စပါး တင်း ၇၀၊ စောဝါး၏ စပါးတင်း ၆၀၊ စောတိုပင်း၏ စပါးတင်း ၇၀တို့ဖြစ်သည်ဟု သိရသည်။

KNU ဖာပွန်ခရိုင်၊ တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က “သူတို့(နအဖနဲ့ BGF) အခု ရွာသားတွေရဲ့ စပါးနဲ့ ဆန်တွေယူစားတာ ထို့တလေးကိုးရွာတရွာပဲ ကောက်လို့ ရသေးတာ။ ကျန်တဲ့ အဲဒီနီးနားရွာတွေလည်း သူတို့ဟာ ယူစားခံ ရတာ ရှိတယ်။ ရှေ့တန်းမှာနေတော့ နောက်က သူတို့ဆီ ပို့လာတဲ့ ရိက္ခာက အခက်အခဲရှိတာကိုး။ ဒါကြောင့် လူထုစပါးနဲ့ ဆန်ကို ဒီလိုယူစားတာပေါ့။ တောင်ယာစပါးက သူတို့ စပါးထက် အရသာ အများကြီး သာတယ်လေ။ နောက် အဲဒီရွာတွေ က လူတွေမရှိတော့ပေမဲ့ ဆန်ထောင်းဆုံရှိတဲ့အခါကျတော့ လုပ်စားရတာ လွယ်လွယ်လေးပေါ့။”ဟု ပြောသည်။

၎င်းအခြေအနေနှင့် ပတ်သက်၍ ဒေသခံတစ်ဦးက “ကျနော်တို့တော့ အတော်ဒုက္ခရောက်တယ်ဗျာ။ ဒါပေမဲ့ ဘာမှမတတ် နိုင်ဘူး။ ကိုယ့်ဆန်၊ စပါးတွေကို သူတို့က ယူစားတယ်။ ကျနော်တို့ကတော့ လောလောဆယ် နီးစပ်ရာရွာတွေဆီက မျှဝေ ယူစားနေရတယ်။”ဟု ပြောသည်။

ဒေသခံများ၏ စပါးနှင့်ဆန်ကို ယူစားသည့် နအဖ တပ်မ(၁၁)လက်အောက်ခံ ခမရ(၂၁၂)၊ (၂၂၀)တပ်ရင်းသည် ပြီးခဲ့သည့် အပတ်က ဒွယ်လိုးမြို့နယ် ကတိုင်တိကျေးနယ်၌ လှုပ်ရှားနေသည့် စကခ(၄) လက်အောက်ခံတပ်များနှင့် နေရာပြန်လာလဲ ကာ လက်ရှိ ၎င်း၏နေရာကို တပ်မ(၂၂) လက်အောက်ခံ ခမရ(၂၀၂)က အစားထိုးခဲ့သည်ဟု KNU ဖာပွန်ခရိုင် သတင်းရပ် ကွက်က ဆိုသည်။

ဗိုလ်မှူးစောမောင်ချစ် ဦးဆောင်သည့် နယ်ခြားစောင့်တပ်-BGF (၁၀၁၄)တပ်ဖွဲ့ဝင်များက ကရင်ပြည်နယ်၊ ဖာပွန်ခရိုင် ဘူး သိုမြို့နယ် ဘွားဒဲကျေးနယ်အတွင်းတွင် ဆက်လက်ကျန်ရှိနေပြီး ပြန်လည်အစားထိုးလာသည့် နအဖ ခမရ(၂၀၂)နှင့် ပူး ပေါင်းလှုပ်ရှားလျှက်ရှိသည်။

၂၀၁၁ခုနှစ်ဆန်းပိုင်းအတွင်း ဖာပွန်ခရိုင်၊ ဘူးသိုမြို့နယ် ဘွားဒဲကျေးနယ်အတွင်းရှိ ရွာများ၌ ဒေသခံလူထု၏ စပါးနှင့် ဆန် များကို ယခုလို နအဖနှင့် BGF တပ်များက ယူဆောင်စားသောက်ခြင်းသည် ပထမဆုံးအကြိမ်ဖြစ်သည်ဟု သိရသည်။